အမှောင်ထဲမှ နတ်ဆိုးနတ်ဘုရား

ကော်ပိုရိတ်ဝန်ထမ်းတစ်ဦးဖြစ်သူ နင်ပေ သည် ဖန်တီးမှုလောကတစ်ခုသို့ ပြောင်းရွှေ့ဝင်စားသွားခဲ့သည်။ သူ၏ မူလကိုယ်ခန္ဓာပိုင်ရှင်မှာ အလွန်ပင် ခန့်ညားထည်ဝါသော နောက်ခံမိသားစုမှ ဖြစ်သည်။ ဖခင်မှာ စွမ်းအားကြီးမားသော 'နတ်ဆိုးနှိမ်နင်းရေးဘုရင်' ဖြစ်သည်။ မိခင်မှာ ကျော်ကြားသော 'ဓားသမား' တစ်ဦးဖြစ်သည်။ အဘိုးမှာ နံပါတ်တစ် လုပ်ကြံသတ်ဖြတ်သူများအဖွဲ့၏ ခေါင်းဆောင်ဖြစ်သည်။ သို့သော်လည်း မူလကိုယ်ခန္ဓာပိုင်ရှင်မှာ ဤကောင်းမွန်သော အခြေအနေကို အလဟဿဖြစ်အောင် လုပ်မိထားသူဖြစ်သည်။ အတိတ်က သူ၏ညီငယ်ကို ကယ်တင်ရန်အတွက် မိမိ၏ 'နတ်ဘုရားအရိုး'ကို ထုတ်ပေးခဲ့ရသည်။ ထိုအချိန်မှစ၍ သူ၏ ကျင့်ကြံခြင်းစွမ်းအားများ ကျဆင်းသွားကာ အသုံးမကျသူ ဖြစ်သွားခဲ့ပြီး၊ မိသားစု၏ အနိုင်ကျင့်ခြင်း၊ ရိုက်နှက်ဆဲဆိုခြင်းတို့ကို ခံရသည့် အမှိုက်သရိုက်သဖွယ် ဖြစ်ခဲ့ရသည်။ သူ၏ညီငယ်မှာမူ သူ၏ ကျောပေါ်မှ နင်းတက်သွားကာ ကမ္ဘာကျော်သူရဲကောင်း ဖြစ်လာပြီး၊ နင်ပေ ကိုပင် ကြိုးစားအားထုတ်မှုမရှိဟု အပြစ်တင်ခဲ့သည်။ ဒီဇာတ်လမ်းမှာ နင်ပေတစ်ယောက် အခက်အခဲများနှင့် စတင်ရသည်။ သို့သော် သူသည် နတ်ဆိုးဘုရား ကျင့်ကြံရေးစနစ်' ကို ရရှိသွားပြီး၊ နတ်ဘုရားအားလုံးကို ဝါးမြိုနိုင်သည့် လျှို့ဝှက်ပုတီးစေ့တစ်ခုကိုလည်း ပိုင်ဆိုင်သွားသည်။ ထိုအချိန်မှစ၍ သူသည် ပြင်ပတွင် ငြိမ်းချမ်းရေးကို တည်ဆောက်ပေးနေသော သူတော်ကောင်းယောင်ဆောင်ထားသော်လည်း၊ အမှန်တကယ်တွင်မူ ကမ္ဘာကို ပဋိပက္ခများဖြင့် သွေးချောင်းစီးစေသော 'နတ်ဆိုးဘုရား' အဖြစ် နောက်ကွယ်မှ ကြိုးကိုင်လာခဲ့သည်။ နောက်ဆုံးတွင် သူ၏ညီငယ် (ဖြောင့်မတ်သော မဟာမိတ်အဖွဲ့၏ အားအကြီးဆုံးသူ) သည် နတ်ဆိုးဘုရား၏ ထိုင်ခုံဆီသို့ ရောက်ရှိလာသောအခါ၊ ထိုထိုင်ခုံတွင် ထိုင်နေသူမှာ သူ၏အစ်ကို ဖြစ်နေသည်ကို တွေ့လိုက်ရပြီး အံ့အားသင့်သွားရသည်။ အစ်ကိုဖြစ်သူ နင်‌ပေက အေးဆေးတည်ငြိမ်စွာဖြင့် ထရပ်လိုက်ပြီး "ငါ့ရဲ့ တုံးအတဲ့ ညီငယ်လေးရေ မင်းရဲ့ အစ်ကိုကြီး ပေးမယ့် မေတ္တာကို ခံယူဖို့ ပြင်ထားလိုက်တော့"ဟု ရယ်မောပြောဆိုလိုက်လေသည်။