အခန်း ၉၇ ငါ့ခင်ပွန်းကို ငါသိပ်ချစ်တာပဲ

ညက ရှည်လျားနေဆဲပါ ဘယ်လောက်ပဲ သည်းခံနိုင်ရည်ရှိတဲ့နင်ဂျာဖြစ်ပါစေ ချူနင့်ရဲ့ စကားတွေကို ကြားပြီးတဲ့နောက်မှာတော့ မအောင့်ထားနိုင်တော့ပါဘူး။

နောက်ဆုံးမှာတော့ သူမရဲ့ ခံစားချက်တွေကို ဖုံးကွယ်ထားဖို့ ရှုံးနိမ့်သွားခဲ့ပြီး ချူနင့်မျက်နှာပေါ်က အောင်နိုင်သူတစ်ယောက်ရဲ့ အမူအရာကို မြင်လိုက်ရသည်။ သူက ကမ္ဘာကြီးကို သိမ်းပိုက်လိုက်နိုင်တဲ့အတိုင်းပဲ။

ဟွန့်... ဒါလေးကို ဒီလောက်တောင် စိတ်လှုပ်ရှားနေရလား။

ဒါနဲ့ ဒီကောင်က အားနည်းတယ် မဟုတ်လား။ ရဲ့ချန်းလျန် တစ်ခုခု မှားနေပြီဆိုတာ သိလိုက်ရပြီ။

အချိန်တွေ ဘယ်လောက်တောင် ကုန်ဆုံးသွားပြီလဲ။ တော်တော်ကြာသွားသလိုပဲ ဒါပေမဲ့လည်း သိပ်မကြာသေးသလိုလို။

သူမက ချူနင် အာရုံစိုက်မှု လျော့နည်းသွားတဲ့အချိန်ကျမှ ပြန်ပြီး ဆွပေးပြီးတော့ သူက မစွမ်းဆောင်နိုင်ဘူးဆိုတာကို လှောင်ပြောင်းဖို့ ကြံစည်ထားတာလေ။

ဒါပေမဲ့ သူက မစွမ်းဆောင်နိုင်တာမဟုတ်ဘူးဆိုတာကို သူမ ခပ်ရေးရေး သိလိုက်ရသည်။ တစ်ခုခုတော့ မှားနေပြီ အဲဒီနေ့က သူတော်တော်လေး အားအင်ကုန်ခမ်းသွားတာကို ရဲ့ချန်းလျန် ကိုယ်တိုင် မြင်ခဲ့တာပဲ သူမကတောင် သူမရဲ့ ကျင့်စဉ်နဲ့ ကူညီပေးခဲ့ရသေးတာ။

ဒါပေမဲ့ အခုတော့ ထိတ်လန့်နေတဲ့ ရဲ့ချန်းလျန်ဟာ ခေါင်းတွေ မူးနောက်သွားတဲ့အထိ အနမ်းခံလိုက်ရသည်။

နေဦး နင်မရပ်တော့ဘူးလား။

သူမအနေနဲ့ တကယ် နှစ်သက်မိပေမဲ့ ဒါက သူမ မှတ်မိထားတဲ့ ချူနင်နဲ့လုံးဝ တခြားစီပဲ။

မဟုတ်သေးဘူး အဲဒီနေ့က သူ့မှာကျင့်စဉ်မရှိလို့လို့ သူ ပြောခဲ့တာပဲ ဒါပေမဲ့ ဒီလိုကိစ္စမျိုးက ကျင့်စဉ်ရှိတာ မရှိတာနဲ့ ဘာဆိုင်လို့လဲ။

ဒါ ငါ့ရဲ့ ထင်ယောင်ထင်မှား ဖြစ်မှာပါ ငါ့ရဲ့ ထင်ယောင်ထင်မှား ဖြစ်မှာပါ ခဏလောက် ထပ်ပြီး အောင့်ခံကြည့်ဦးမယ်။

ဒါနဲ့ အခွင့်အရေးကို စောင့်ကြည့်နေတဲ့ ရဲ့ချန်းလျန်ဟာ ချူနင့်ကို ဆက်ပြီး ခုခံနေတုန်းပါပဲ သူမ ဘယ်လောက်ကြာကြာ တောင့်ခံထားမိသလဲ မသိတော့ဘူး သူမရဲ့ ရည်ရွယ်ချက်တွေ လုံးဝ ပျောက်ဆုံးသွားရသည်။ ဘာလို့လဲဆိုတော့ အစကနေ အဆုံးထိ ချူနင်က လုံးဝ မနားဘူးလေ သူမကသာ

နောက်ထပ် အချိန်တွေ ဘယ်လောက်ကုန်သွားမှန်း မသိတော့တဲ့အချိန်မှာ မာန်မာနတွေလည်း မရှိတော့ဘဲ အင်အားတွေ လုံးဝ ကုန်ခမ်းနေတဲ့ ရဲ့ချန်းလျန်ဟာ ပြတင်းပေါက် အပြင်ဘက်က အရုဏ်ဦး အလင်းရောင်ကို ကြည့်ပြီး မှင်တက်သွားရသည်။

မိုးလင်းသွားပြီ ပြီးတော့ သူက ပင်ပန်းနေပုံလည်း မရပါဘူး သူမရဲ့ခံစားချက်ကို ငဲ့ညှာပြီး အနားယူချင်လို့သာ နားလိုက်တာပါ။ ရဲ့ချန်းလျန် တကယ်ပဲ ထပ်ပြီး မခံနိုင်တော့ပါဘူး။ သူမရဲ့ ကျင့်စဉ်ကတောင် ဒီလောက် ပြင်းထန်တဲ့ စိတ်ပင်ပန်းမှုကို မတောင့်ခံနိုင်တော့ဘဲ မျက်လုံးတွေတောင် မဖွင့်နိုင်လောက်အောင် အိပ်ချင်လာတော့သည်။

ချူနင်ကတော့ ပြုံးပြီး သူမကို ရင်ခွင်ထဲ ထည့်ထားလိုက်သည်။

အရင် အနားယူလိုက်ဦး ခုနစ်ရက်တိတိ နန်းတွင်းညီလာခံ တက်စရာ မလိုဘူး။

မျက်နှာလေး နီမြန်းပြီး အင်အားချည့်နဲ့နေတဲ့ ရဲ့ချန်းလျန်က ချူနင့်ကို မကျေမနပ်နဲ့ တစ်ချက် ထိုးလိုက်သည်။ ဒါက သူမ စိတ်ကူးထားတာနဲ့ လုံးဝ တခြားစီပဲ ဒီလို မဖြစ်သင့်ဘူးလေ။

အရမ်း ပင်ပန်းလာတဲ့အတွက် ချူနင်နဲ့ ဆက်ပြီး စကားနိုင်မလုနိုင်တော့ဘဲ သူ့ရင်ခွင်ထဲမှာပဲ မှီပြီး မတရားခံရသလို ခံစားနေရတော့သည်။

ဒီကောင်က ဘယ်လိုလုပ် ဒီလောက် သန်မာနေရတာလဲ ကျင့်စဉ်မှာလည်း သန်မာသလို ဒီကိစ္စမှာလည်း

သူမက အနိုင်ရဖို့ အခွင့်အရေး ရှိဦးမယ်လို့ ထင်ခဲ့ပေမဲ့ အခုတော့ လုံးဝ မရှိတော့ပါဘူး။

သူမ အိပ်မပျော်ခင်မှာ ချူနင်က အပြင်က အလင်းရောင်တွေကို ကာကွယ်လိုက်သည်။ ဒီလို အချိန်မျိုးမှာ အလင်းရောင်က အိပ်စက်ခြင်းကို အနှောင့်အယှက် ပေးနိုင်လို့လေ။

အိပ်ပြီ။

ဘယ်လောက်ကြာအောင် အိပ်လိုက်မိမှန်း မသိတဲ့နောက်မှာတော့ ရဲ့ချန်းလျန် တုန်တုန်ချည့်ချည့်နဲ့ ခေါင်းထောင်လာသည်။

ငါ့ခေါင်းတွေ အရမ်း ကိုက်နေတာပဲ။ သူမမှာ အင်အား မရှိသေးပါဘူး။

အခန်းထဲမှာတော့ အနီရောင်နဂါးနှင့် ဖီးနစ် ဖယောင်းတိုင်ကြီးက တစ်ဝက်လောက်ပဲ လောင်ကျွမ်းနေသေးပြီး အခန်းထဲက အရမ်း တိတ်ဆိတ်နေသည်။

ဘေးနားက ချူနင့်ရဲ့ နှလုံးခုန်သံကိုပဲ ကြားနေရသည်။ ရဲ့ချန်းလျန် သတိပြန်ဝင်လာပြီး ချူနင့်ကို တစ်ချက် ကြည့်လိုက်သလို မလှမ်းမကမ်းက မင်္ဂလာဝတ်စုံကိုလည်း ကြည့်လိုက်မိသည်။

ကြည့်ရတာ သူမ မင်္ဂလာဆောင်လိုက်ပြီ ထင်တယ်။ မနေ့ညက သူမနဲ့ ချူနင်တို့ အဆုံးထိ ရောက်သွားကြပြီး ဒီကောင်က လုံးဝ မနားခဲ့ဘူး။ သူမ ခဏလောက် စဉ်းစားပြီးမှ စောင်ထဲ ပြန်ဝင်လိုက်သည်။ ဘာမှ မလှုပ်ချင်ဘူး ဘာမှ မတွေးချင်ဘူး ဘာမှလည်း မလုပ်ချင်တော့ဘူး။

အရမ်း ပင်ပန်းနေတာပဲ ဘာလို့ ဒီလောက် ပင်ပန်းနေမှန်းလည်း မသိဘူး သူ့ရင်ခွင်ထဲမှာပဲ ဆက်ပြီး လဲလျောင်းနေချင်တော့သည်။ အခု သူက သူမရဲ့ ယောက်ျား ဖြစ်သွားပြီပဲ ဖက်ထားတာ ဘာမှားလို့လဲ

ရဲ့ချန်းလျန်ရဲ့ နှုတ်ခမ်းဖျားမှာ အပြုံးလေးတစ်ခု ပေါ်လာပြီး အခုလို ဘဝက မဆိုးဘူးလို့ ခံစားလိုက်ရသည်။

တကယ်တော့ သူမက ချူနင့်ရှေ့မှာ အရမ်း မာနကြီးနေချင်တာ မဟုတ်ပါဘူး ဒါမှမဟုတ် ဧကရီတစ်ပါးလို အရှိန်အဝါတွေ ပြပြီး စကားနိုင်လုနေချင်တာ မဟုတ်ပါဘူး။

ချူနင့်ရဲ့ ကျင့်စဉ်နဲ့ အစွမ်းက ဒီအဆင့်ထက် ဒါမှမဟုတ် လောကအပေါင်းအားလုံးထက် အများကြီး သာလွန်တယ်ဆိုတာကို ရဲ့ချန်းလျန် သိနေတာပဲလေ။

ဒီလို လူမျိုးက သူမရဲ့ခင်ပွန်း ဖြစ်လာတာကိုပဲ သူမ ကျေနပ်နေပါပြီ။ ပြီးတော့ ချူနင်က သူမအပေါ် သိပ်ကောင်းတာပဲ ဒါပေမဲ့ စိတ်ထဲမှာတော့ ချူနင့်စကားကို လုံးဝမြေဝယ်မကျ နားထောင်နေရင် ဒါက အဓိပ္ပာယ် မရှိဘူးလို့ ခံစားရသည်။ လင်မယားဆိုတာ နေ့ဘက်မှာ စကားများပြီး ညဘက်မှာ ပြန်တည့်ရတာ မဟုတ်လား။

သူမရဲ့ စိတ်က တကယ်ပဲ သိပ်မကောင်းတာ ဖြစ်နိုင်သလို သူမရဲ့ အကျင့်ကလည်း နည်းနည်းတော့က‌ေလးဆန်တာ အမှန်ပါပဲ။ ဒါပေမဲ့ ဒါက ချူနင်က အရာအားလုံးကို ပိုင်ဆိုင်သွားပြီးတဲ့နောက်မှာ သူမရဲ့ ညည်းတွားမှုလေးတွေပါ။

နင်က ငါ့ကို နမ်းလည်းနမ်း ဖက်လည်းဖက် အကုန်လုံးလည်း ပိုင်ဆိုင်သွားပြီပဲ ငါက နည်းနည်းပါးပါး ညည်းတာကိုတော့ ခွင့်ပြုသင့်တယ် မဟုတ်လား။

ကံကောင်းတာက ချူနင်က သူမရဲ့ ဒီလိုခေါင်းမာမှုလေးတွေကို လက်ခံပေးနိုင်တာပါပဲ။ ရဲ့ချန်းလျန်အနေနဲ့ ဒါက သူမအပေါ် ဖားနေတာလို့ မခံစားရသလို ချူနင့်ဘက်က တစ်ဖက်သတ် အချစ်လို့လည်း မထင်ပါဘူး။

အင်ပါယာထဲက မိသားစုကြီးတွေက သခင်လေးတွေဟာ အမျိုးသမီးတစ်ယောက်နောက်ကို တကောက်ကောက် လိုက်နေကြတာမျိုးကို သူမ ကြားဖူးပါတယ် ဒါပေမဲ့ အဲဒါက ဘာမှပြန်မရတဲ့ တစ်ဖက်သတ် အချစ်စစ်စစ်တွေပါ။

ရဲ့ချန်းလျန်က အဲဒီလိုလူတွေကို နှာခေါင်းရှုံ့ပြီး သူတို့ ဦးနှောက်ထဲမှာ တစ်ခုခု ချို့ယွင်းနေတာ ဖြစ်မယ်လို့ တွေးမိခဲ့သည်။ တစ်ဖက်လူက မချစ်ရင် ဘာလို့ ဒီလောက်အထိ အာရုံစိုက်နေမှာလဲ။

ဒါပေမဲ့ သူမက ချူနင့်ကို ချစ်တယ်၊ ပြီးတော့ သူတို့ရဲ့ ဆက်ဆံရေး အသေးစိတ်လေးတွေကနေ ချူနင် သူမအပေါ် ဘယ်လောက် ဂရုစိုက်တယ်ဆိုတာ မြင်နေရသည်။ အလားတူပဲ သူမကလည်း ချူနင့်ကို တုံ့ပြန်မှုတွေ ပေးနိုင်ခဲ့သည်။ သူမ ပေးနိုင်တဲ့ အရာတွေက ချူနင့်အတွက် မပြောပလောက်ပေမဲ့ သူမ တန်ဖိုးအထားဆုံး အရာအားလုံးကိုတော့ သူ့ကို ပေးခဲ့တာ အမှန်ပါပဲ။

သူမက အောက်ဘုံက အင်ပါယာတစ်ခုရဲ့ ဧကရီတစ်ပါးသာ ဖြစ်ကောင်းဖြစ်နိုင်ပါတယ် ချူနင့်မျက်လုံးထဲမှာ ဘာမှမဟုတ်နိုင်ပေမဲ့ သူမရဲ့ စိတ်ထဲမှာတော့ ဒါက သူမရဲ့ ဘိုးဘေးဘီဘင်တွေရဲ့ ဆန္ဒနဲ့ သူမ တစ်သက်လုံး ကြိုးစားလာခဲ့တဲ့ အရာတွေပါ။

အင်ပါယာရဲ့ အာဏာကို ဘယ်သူက အလွယ်တကူ လက်လွှတ်ချင်မှာလဲ။ ဒါပေမဲ့ ချူနင် ကျင့်စဉ် မရှိတဲ့အချိန်မှာတောင် ဒါမှမဟုတ် သူမ ဘာမှမသိသေးတဲ့အချိန်မှာတောင် ချူနင်နဲ့ မဝေးကွာသွားဖို့အတွက် အဲဒီ အာဏာကို လဲလှယ်ဖို့ သူမ ကမ်းလှမ်းခဲ့တာပဲ။

ပြီးတော့ ချူနင်က သူ့ရဲ့ကျင့်စဉ်တွေကို ပြသတဲ့အခါမှာလည်း ရဲ့ချန်းလျန်က သူ့ဆီကနေ အကျိုးအမြတ်တွေ ရဖို့ မစဉ်းစားခဲ့ပါဘူး။ အဲဒီအစား ချူနင် သူမကို တကယ်ချစ်ရဲ့လားဆိုတာကိုပဲ သူမစိုးရိမ်ခဲ့တာပါ။

သူမရဲ့ စိတ်ကထူးဆန်းနေရင်လည်း ပြောင်းလဲလို့ မရတော့ပါဘူး။ အခု သူမ ကျေးဇူးတင်မိတာက ချူနင်က သူမရဲ့ အကျင့်တွေကို လက်ခံပေးနိုင်တာပါပဲ။ ဒီလိုယောက်ျားကောင်းမျိုးက ဒါထက်ပိုမရှိနိုင်တော့ပါဘူး။

သူမ လိုချင်တဲ့ အရာမှန်သမျှကို သူမဘာသာ တိုက်ယူဖို့ ကြိုးစားမှာဖြစ်ပြီး ယောက်ျားတစ်ယောက်ကို အားကိုးပြီးမှ ရပ်တည်နိုင်တဲ့သူ မဟုတ်ဘူးဆိုတာကို ပြသသွားမှာပါ။ ဒါပေမဲ့ သူတို့က လင်မယားတွေ ဖြစ်သွားပြီဆိုတော့ အကျိုးကျေးဇူးတွေ ရလာတာကတော့ ရှောင်လွှဲလို့ မရနိုင်ပါဘူး ဒါကတော့ နောက်ပိုင်းမှ ပြောရမယ့် အကြောင်းအရာပေါ့။

ဘာပဲဖြစ်ဖြစ် သူက သူမရဲ့ခင်ပွန်းပဲ မဟုတ်လား။

ဒီလို တွေးလိုက်တဲ့အခါ သူမရဲ့ နှုတ်ခမ်းလေးတွေ ကော့တက်သွားသည်။ သူမ ချူနင့်ကို ချစ်ချစ်ခင်ခင် ဖက်လိုက်ပြီး ခဏအကြာမှာတော့ ခေါင်းလေးကို ခပ်ဖြည်းဖြည်း မော့ကာ တိုးတိုးလေး ခေါ်လိုက်သည်။

"ယောကျာ်း"

နောက်ကလူက ဘာမှပြန်မထူးပါဘူး ဟောက်သံ ခပ်တိုးတိုးလေးပဲ ထွက်နေတုန်းပါ။ သူ အိပ်နေတုန်းပဲဆိုတာ သိလိုက်ရတဲ့အခါ သူမပိုပြီး နီးနီးကပ်ကပ် တိုးသွားပြီး သူ့ကို မနမ်းဘဲမနေနိုင်တော့ဘူး။

သူက တကယ်ကို ချောတာပဲ ပြီးတော့ သူ့ဆီကရတဲ့ အနံ့ကလည်း သိပ်ကောင်းတာ။ သူ့ကို ဖက်ထားရတာ နွေးထွေးပြီး သက်သောင့်သက်သာ ရှိလှသည်။ သူမ သူ့ကို တကယ် သိပ်ချစ်တာပဲ။

"အင်း မင်းရဲ့ယောကျာ်း ဒီမှာရှိပါတယ်"

အိပ်ဖို့ ပြန်လှဲလိုက်တဲ့ အမျိုးသမီးလေးဟာ ချက်ချင်း တောင့်တင်းသွားသည်။

မဟုတ်ဘူး နင်အိပ်မနေဘူးလား။

သူမရဲ့ နှလုံးခုန်သံတွေက ရုတ်တရက် မြန်လာပြီး ပြောမပြတတ်အောင် ရှက်သွားမိသည်။ ခေါင်းတောင် ပြန်မမော့ရဲတော့ဘူး။

"နင် နားကြားမှားတာနေမှာ ငါအိပ်မက်ယောင်နေတာ"

ချူနင် မျက်လုံးဖွင့်လိုက်ပြီး ခေါင်းမမော့ရဲတဲ့ ရဲ့ချန်းလျန်ကို ကြည့်လိုက်သည်။ ခဏအကြာမှာတော့ သူ့ရဲ့ စိတ်တွေက ထပ်ပြီး လွင့်ပျံ့လာပြီး မငြိမ်မသက် ဖြစ်နေတဲ့ လက်တွေကလည်း ထိန်းမနိုင် သိမ်းမရ ဖြစ်လာတော့သည်။ ရဲ့ချန်းလျန် ချူနင့်ရဲ့ စိတ်ကူးကို ရိပ်မိလိုက်တာနဲ့ ချက်ချင်း ထိတ်လန့်သွားတော့သည်။

နေဦး နင်က ထပ်လုပ်ဦးမလို့လား။

နင် အနားယူဖို့တောင် မလိုဘူးလား နင် အကြာကြီး အိပ်ခဲ့ပြီးပြီ ဆိုပေမဲ့လည်း

"နောက်တစ်ခါ ထပ်ခေါ်ပါဦး ယောင်္ကျားက ကြားချင်လို့ပါ"

ငါ နင့်ကို မခေါ်ရင်ရော နင်က ငါ့ကို အနိုင်ကျင့်ချင်နေတာလား။

ချူနင်က ပိုပြီး ပြုံးလိုက်သည်။

"မင်း မခေါ်ရင်တော့ ကိုယ်သဘောရှိ လုပ်တော့မှာပေါ့"

"မခေါ်ဘူး လုံးဝ မခေါ်ဘူး"

"ဟီးဟီး... ဒါဆိုရင်တော့ ကိုယ် ရက်စက်သွားရင် အပြစ်မတင်နဲ့နော်"

ဘာပဲဖြစ်ဖြစ် သူက အားမရသေးဘူးလ ဒါကြောင့် ဆက်ပြီး ပျော်ပါးဦးမှာပါ။ သူမက ယောင်္ကျားလေးလို့ လိမ္မာပါးနပ်စွာ ခေါ်တဲ့အထိပေါ့။

ရဲ့ချန်းလျန်ကတော့ မတရားခံရသလို အမူအရာနဲ့ ထပ်ပြီး အစခံလိုက်ရပြန်သည်။ သူမရဲ့ မျက်နှာလေးမှာလည်း နီမြန်းနေပြီး မျောက်ဖင်နီအလား ဖြစ်နေသည်။ တကယ်တော့ သူမက မခေါ်ချင်တာ မဟုတ်ပါဘူး သူက သူမရဲ့ ယောင်္ကျားဖြစ်နေပြီပဲ။

အဓိကကတော့ သူမလည်း အဲဒီလို ဖြစ်ချင်နေတယ်ဆိုတာကို ပြောဖို့ရှက်နေတာပါ။ အရသာကို မြည်းစမ်းဖူးသွားပြီဖြစ်တဲ့အပြင် အနားယူတာလည်း ဝသွားပြီဆိုတော့ သူမလည်း ဒါမျိုးကို စိတ်ဝင်စားလာမိတာပေါ့။

ဘာပဲဖြစ်ဖြစ် သူက အားနည်းတဲ့သူ မဟုတ်မှတော့ ဒါက မကောင်းစရာ အကြောင်း မရှိဘူး မဟုတ်လား။