အခန်း ၉၀ ပြည်တွင်းပူပန်မှုမရှိ ပြည်ပစိုးရိမ်စရာမရှိ

အမှန်အတိုင်းပြောရလျှင် ချူနင်သည် ရဲ့ချန်းလျန်ကို အနည်းငယ် ခြောက်လှန့်ရုံသာ ရည်ရွယ်ခဲ့ခြင်းဖြစ်ပြီး ခြောက်လှန့်ရုံသက်သက်သာ ဖြစ်ပါသည်။

ဘာပဲဖြစ်ဖြစ် ဘယ်သူက မနက်စောစောစီးစီး အဲဒီလိုကိစ္စမျိုးကို အတည်ကြီး လုပ်မှာလဲ။ သူ့ဇနီးသည်က လိမ်မာမှုမရှိလျှင် နည်းနည်းပါးပါး ခြောက်လှန့်လိုက်တာ ဘာမှမမှားပါဘူး။

ဒါပေမဲ့ ဟန်ကိုယ်ဖို့ဆိုတဲ့ စကားတစ်ခွန်းကတော့ ချူနင့်ကို လုံးဝ ဆွံ့အသွားစေခဲ့သည်။

ဟန်ကိုယ်ဖို့ ဟုတ်လား။

ဒီအရှိန်အဝါကို မမြင်ဘူးလား။

ငါက ညတိုင်းမှာ အောင့်အည်းသည်းခံပြီး မင်္ဂလာပွဲနေ့ကျရင် မင်းမှာ ဆင်ခြေပေးစရာ မရှိတော့အောင် စောင့်နေတာ အဲဒီနေ့ကျမှပဲ အသာလေး သိမ်းပိုက်တော့မယ်လို့ ကြံစည်ထားတာကို မင်းက ငါ့ကို ဟန်ကိုယ်ဖို့လို့ ပြောတာလား။

အခြေအနေ မဟန်တော့တာကို ရိပ်မိလိုက်သော ရဲ့ချန်းလျန်သည် ချက်ချင်းပင်ထပြီး ထွက်ပြေးရန် ပြင်တော့သည်။ သို့သော် သူမ ဘယ်လိုများ ပြေးလွတ်နိုင်မှာလဲ။ ဘာပဲဖြစ်ဖြစ် သူမသည် ဖက်ထားခြင်းခံရပြီး သူ့အောက်တွင် ဖိထားခြင်း ခံလိုက်ရတော့သည်။

"ဘာလို့အဝတ်တွေကို ဒီလောက် မြန်မြန် ဝတ်ထားတာလဲ ဘာပဲဖြစ်ဖြစ် အလကားပဲဟာ"

အဲဒါတွေက ပြန်ချွတ်ခံရမှာ မဟုတ်ဘူးလား။

"နင်က ငါ့ကို ဟန်ကိုယ်ဖို့လို့ ပြောတယ်ပေါ့လေ"

ဒါဆိုရင် မင်းကိုယ်တိုင် လက်တွေ့ခံစားကြည့်နိုင်အောင် ငါလုပ်ပေးရမလား။ ရဲ့ချန်းလျန်၏ မျက်နှာလေးမှာ ချက်ချင်းပင် နီမြန်းသွားပြီး ခန္ဓာကိုယ်လေး တုန်ရင်လာတော့သည်။

"ငါ မှားသွားတယ် ငါ အဲဒီလိုမပြောသင့်ဘူး" သူမ ချက်ချင်းပင် အမှားဝန်ခံလိုက်သည်။

သူမ၏ အမှားဝန်ခံမှုက မြန်လွန်းသဖြင့် ချူနင်ပင် ကြောင်သွားရပြီး ခေါင်းကို ကုတ်ကာ ရဲ့ချန်းလျန်ကို ပြန်လွှတ်ပေးလိုက်တော့သည်။

မင်းက ဧကရီတစ်ပါးပဲ ဘယ်လိုဖြစ်ပြီး သိက္ခာဒီလောက် မရှိရတာလဲ။ ဧကရီတစ်ပါးက ဒီလောက် အလွယ်တကူ အမှားဝန်ခံရသလား။

ရဲ့ချန်းလျန်က ရှက်ရှက်နှင့်ပင် ပြန်ပြောသည် ငါသာ အဲဒီလို မပြောရင် နင်က ငါ့ကို လွှတ်ပေးမှာလား။ ပြီးတော့ နင်က ငါ့ခင်ပွန်းပဲဟာ ဘာပြောလို့ မရတာ ရှိလို့လဲ

ခင်ပွန်းဆိုသည့် စကားလုံးကို ကြားလိုက်ရသဖြင့် ချူနင့်နှလုံးသားတစ်ခုလုံး အရည်ပျော်သွားရသည်။ သူမ တကယ်ပင် အလျှော့ပေးနေပြီ ဖြစ်သည်။

ခင်ပွန်း အဲဒါကောင်းတယ်။ ခင်ပွန်းက အဲဒီလို ခေါ်တာကို အရမ်းကြားချင်တာ။ နောက်ထပ် နှစ်ခါ သုံးခါလောက် ထပ်ခေါ်စမ်းပါဦး။

"မနက်ဖြန် ပြီးသွားရင်တော့ နင်အမြဲတမ်း ကြားနေရမှာပါ။ ဘာလို့ ဒီလောက်တောင် လောနေရတာလဲ"

ထိုစကားကို ကြားသော် ချူနင် ချက်ချင်းပင် ရယ်မောလိုက်ပြီး ကုတင်ပေါ် ပြန်လှဲကာ နှုတ်ခမ်းတွင် အပြုံးတစ်ခုနှင့် ရှိနေတော့သည်။

"မင်း ပြောတာ မှန်ပါတယ် မလောတော့ပါဘူး"

"ဒါပေမဲ့ အရှင်မက မနက်ဖြန်ကျရင် အဲဒီလို မခေါ်ရင်ကော"

"ဒါဆိုရင်တော့ နင်ကြိုက်တာ လုပ်ပေါ့"

ငါ လုပ်ချင်တာတွေ အကုန်လား။

နင့်ခေါင်းထဲမှာ တစ်နေ့ကုန် ဒီကိစ္စတွေပဲ ရှိနေတာလား။

"ငါ့ခေါင်းထဲမှာ နင်နဲ့အတူ ဒါတွေ လုပ်ဖို့ပဲ ရှိတယ်"

ရဲ့ချန်းလျန်က ရွံရှာသော အမူအရာဖြင့် ကြည့်လိုက်သည်။

"တောက်"

"ပြန်အိပ်တော့ ငါ့ကို မနှိုးနဲ့ဦး ငါနိုးလာမှ အဲဒီကိစ္စတွေကို စီစဉ်မယ်"

"ဒါနဲ့မင်းက ငါ့ကို အရင်နှိုးတာလေ"

ဒါဆိုရင်လည်း ဒီကိစ္စတွေကို ငါ့ကို အစောကြီးကတည်းက ဘာလို့ မပြောတာလဲ။ ဒါဆိုရင် ငါ အိပ်ရာကတောင် ထမှာ မဟုတ်ဘူး။

မနေ့ညက ပြောပြီးသားလေ ညဝက်လောက်အထိ စကားပြောခဲ့ကြတာကို မင်းကတောင် စိတ်လှုပ်ရှားလို့ အိပ်လို့ မပျော်ဘူးဆိုပြီး ပြောနေသေးတာ။ ဒီနေ့ကျတော့ မေ့သွားပြီလား ကိုယ်ဝန်ဆောင်ရင် သုံးနှစ်လောက် အူကြောင်ကြောင် ဖြစ်တတ်တယ်ဆိုတာ အခုက ပထမဆုံးနှစ်လား။ သုံးနှစ်ကြာရင် မင်း တကယ်ပဲ ဝက်ကလေး ဖြစ်သွားမှာ မဟုတ်ဘူးလား။

"နင်က စကားနာထိုးဖို့ပဲ သိတယ်"

ဒါကြောင့်လည်း မနေ့ညက မင်းကို သတိလစ်မတတ်နမ်းနိုင်ခဲ့တာပေါ့။ ဒါက နည်းစနစ်တစ်ခုပဲ။ အကယ်၍ မင်းသာ ငါ့ကိုနမ်းလိုက်ရင် မင်းလည်း အဲဒီလို ခံစားရမှာ မဟုတ်ဘူးလို့ယုံလား။

"ငါက နင့်လောက် မတော်ဘူးလို့ ထင်နေတာလား"

"ဒါဆိုရင် စမ်းကြည့်မလား"

နင်က ငါ့ကိုနမ်းအောင် လှည့်စားနေတာပဲ မဖြစ်နိုင်တာ နောက်ပြီးတော့ နောက်တစ်ခါကျရင် လျှာကို ထုတ်မလာနဲ့ တံတွေးတွေနဲ့ မရွံဘူးလား။

"ဒါပေမဲ့ မင်းမနေ့က တော်တော်လေး သဘောကျနေပုံ ရပါတယ်"

"အဲဒါက ငါ့ရဲ့ခန္ဓာကိုယ်က စိတ်တွေ ထနေလို့ အဲဒီလို ဖြစ်သွားတာ နင်နဲ့ ဘာမှမဆိုင်ဘူး"

ဟုတ်ပါပြီ ဟုတ်ပါပြီ မြန်မြန် ထပ်အိပ်လိုက်ဦး။ မဟုတ်ရင် ဒီနေ့ အနားယူဖို့ အချိန်ရှိမှာ မဟုတ်ဘူး။ ညနေကျရင် ဘိုးဘေးနန်းဆောင်ကို သွားပြီး ဘိုးဘေးတွေကို ကန်တော့ရဦးမယ် လုပ်စရာတွေ အများကြီး ရှိသေးတယ်။

"အင်း"

ချူနင်သည် ဒါကို ပိုပိုပြီး စိတ်ဝင်စားလာမိသည်။ 

သူမက နူးညံ့သိမ်မွေ့တဲ့ ဇနီးငယ်လေး တစ်ယောက် မဟုတ်ဘူးလို့ ပြောခဲ့ပေမဲ့ မင်္ဂလာဆောင်ဖို့ နီးလာလေလေ သူမရဲ့ဇနီးငယ်လေး အမူအရာတွေက ပိုပြီး ထင်ရှားလာလေလေ ဖြစ်သည်။ အထူးသဖြင့် ဘာလုပ်ရမှန်း မသိဖြစ်တဲ့ အချိန်မှာ သူ့ကိုလာဖက်တတ်တာမျိုးပေါ့။

တစ်ခုပဲ ဇနီးငယ်လေးပုံစံနဲ့ မကိုက်တာကတော့ သူမရဲ့ လုပ်ရပ်တွေအပေါ် အမြဲတမ်း အင်မတန် ကျိုးကြောင်းဆီလျော်တဲ့ ရှင်းပြချက်တွေ ပေးတတ်တာပါပဲ အရာအားလုံးက သူမရဲ့ခန္ဓာကိုယ်က လှုံ့ဆော်မှုကြောင့် ဖြစ်ရတာပါတို့ ဒါမှမဟုတ် ချမ်းနေလို့ ကလေး အအေးမိမှာ စိုးလို့ ဖက်တာပါတို့ ဆိုတာမျိုးတွေပေါ့။

ချူနင် မကြားဖူးတဲ့ အကြောင်းပြချက် ပေါင်းစုံကို ရဲ့ချန်းလျန်က ရှာကြံပြောတတ်ပေမဲ့ သူမရဲ့ စိတ်အခြေအနေ ပြောင်းလဲသွားတာကိုတော့ တမင် ရှောင်လွှဲပြောဆိုတတ်ပြီး ချူနင့်ကို သဘောကျနေတာကိုလည်း လုံးဝထုတ်မပြောပါဘူး။

သူမ စိတ်လှုပ်ရှားလွန်းလို့ ချူနင့်ရင်ခွင်ထဲမှာ ငိုနေတဲ့ အချိန်မျိုးကျမှသာ အဲဒီလို ဖြစ်တတ်တာပါ။ ချူနင် တကယ်တော့ ပြောချင်နေမိသည် အရှင်မ မင်းရဲ့လူစွမ်းကောင်း ပုံစံကပျက်နေပြီ မင်းကိုယ့်ကိုယ်ကိုယ် သတ်မှတ်ထားတဲ့ ပုံစံနဲ့ မကိုက်တော့ဘူး။

ဒါပေမဲ့ သူမက အခုတော့ သူ့ဇနီးပဲဟာ သူစိမ်းတွေရှေ့မှာအေးစက်စက် ဧကရီမ​တစ်ပါး ဖြစ်နေပြီး သူ့နားမှာကျတော့ သူ့ကိုမှီခိုနေတဲ့ အဲဒီလို ကွဲပြားခြားနားတဲ့ အမူအရာက အကောင်းဆုံးပါပဲ။

"တောက်... ငါ့ရဲ့ကျင့်စဉ်သာ ပိုမြင့်နေရင်"

ဒီလို တိုးတိုးလေး ရေရွတ်ပြီးနောက် ရဲ့ချန်းလျန် ငြိမ်ကျသွားပြီး နှစ်နှစ်ခြိုက်ခြိုက် အိပ်ပျော်သွားတော့သည်။

အချိန်က စောပါသေးသည်။

တာ့ချန်းအင်ပါယာအတွင်းမှာတော့ အေးချမ်းသာယာသော မြင်ကွင်းများ ရှိနေသည်။ 

သို့သော်လည်း တခြားသော အင်ပါယာသုံးခုမှာတော့ ဘုရင်တွေကနေစပြီး သာမန်ပြည်သူတွေအထိ အားလုံးက အလွန်အမင်း စိတ်လှုပ်ရှားနေကြသည်။

မိုင်ပေါင်းရှစ်သောင်း အရေးပေါ် သတင်းလွှာ ငါတို့ရဲ့ ဖော်လန်မတ်အင်ပါယာက တာ့ကျိုးအင်ပါယာရဲ့ မြို့တော်ကို အောင်မြင်စွာ သိမ်းပိုက်လိုက်ပါပြီ။

ငါတို့က တာ့ကျိုးအင်ပါယာရဲ့ နယ်မြေနဲ့ ပြည်သူ ထက်ဝက်ကျော်ကို သိမ်းပိုက်နိုင်ခဲ့ပြီ။ အခုဆိုရင် ငါတို့ရဲ့ ​ေလာ့ချန်းအင်ပါယာက ကမ္ဘာပေါ်မှာ တကယ်ပဲ နံပါတ်တစ် အင်ပါယာဖြစ်သွားပြီ။

ပလ္လင်ပေါ်တွင် ထိုင်နေသော ကျိဟုန်သည် အတိုင်းထက်အလွန် ဝမ်းသာသွားပြီး ရုတ်တရက် ထရပ်လိုက်သည်။

"ဒါကငါတို့ရဲ့အချိန်ပဲ ဒါကကံတရားပဲ ဒါကကံကြမ္မာပဲ"

"တာ့ကျိုးအင်ပါယာဆိုတာ ကမ္ဘာပေါ်မှာ နံပါတ်တစ် ကျင့်ကြံသူတွေရဲ့ အင်ပါယာပဲ ဒါပေမဲ့ သူတို့က လူကောင်ကြီးတစ်ယောက်ကို သွားစော်ကားမိလို့ လုံးဝ ပျက်စီးသွားခဲ့ရတယ်။ ပျက်စီးသွားခဲ့ရင်တောင် သူတို့ဆီက ရင်းမြစ်တွေက ပေါများနေတုန်းပဲ"

"ပြောစမ်း ဝိညာဉ်ကျောက်တုံးဘယ်လောက်၊ ရင်းမြစ်တွေ ဘယ်လောက် သိမ်းဆည်းရမိသလဲ"

ညီလာခံခန်းမအတွင်းရှိ စစ်ဘက် နယ်ဘက်အရာရှိအားလုံး စိတ်လှုပ်ရှားစွာ ကြည့်နေကြသော်လည်း သတင်းလာပို့သော ကျင့်ကြံသူ၏ မျက်နှာမှာတော့ အနေရခက်နေသည်။

"အဲ... ဟို"

ဝန်ကြီးချုပ်က တစ်ခုခု မှားယွင်းနေတာကို ချက်ချင်း သတိပြုမိလိုက်သည်။ အကယ်၍ သတင်းကောင်းကို တည့်တည့်မပြောဘူးဆိုရင် တစ်ခုခု နည်းနေလို့ပဲ ဖြစ်ရမည်။

"ဘာမှမဖြစ်ဘူး ပွင့်ပွင့်လင်းလင်း ပြောစမ်းပါ။ ရင်းမြစ်တွေ နည်းနည်းပါးပါး ရှားပါးနေရင်တောင်မှ"

အရှင်မင်းကြီးကို တင်ပြရရင် ကျွန်တော်တို့ တာ့ကျိုးအင်ပါယာရဲ့ နေရာအနှံ့အပြားကနေ ရင်းမြစ်အချို့ကိုတော့ ရရှိခဲ့ပါတယ်။

ဒါပေမဲ့ တာ့ကျိုးအင်ပါယာက ရင်းမြစ်အားလုံးကို ဗဟိုအစိုးရဆီမှာပဲ စုစည်းထားတာဖြစ်ပြီး နန်းတော်ထဲမှာပဲ အပေါများဆုံး ရှိတာပါ။ ဒါကြောင့် အားလုံး ပေါင်းလိုက်ရင်တော့ ဝိညာဉ်ကျောက်တုံး တစ်သိန်းကျော်လောက်ပဲ ရှိပါတယ်"

ကျိဟုန်သည် တခြားနေရာက ရင်းမြစ်တွေကို လုံးဝ ဂရုမစိုက်ပါဘူး။

ဝိညာဉ်ကျောက်တုံး တစ်သိန်းဆိုတာ ဘာလုပ်ဖို့ လောက်မှာလဲ အဲဒါက သူတစ်နှစ်စာ ကျင့်ကြံဖို့တောင် မလောက်ဘူး ဘယ်သူကဂရုစိုက်မှာလဲ။

တာ့ကျိုးနန်းတော်ရဲ့ ဘဏ္ဍာတိုက်ဆိုတာ ကမ္ဘာပေါ်မှာ နံပါတ်တစ် အင်ပါယာငါးခုထဲမှာ ရင်းမြစ် အပေါများဆုံးဆိုတာ ဘယ်သူမသိဘဲ နေမှာလဲ။ မင်းက အရေးကြီးတဲ့ အရာတွေကို ထားခဲ့ပြီး အသေးအမွှားလေးတွေကို လာပြောနေတာလား။

"မြန်မြန် ပြောစမ်း နန်းတော်ထဲကနေ ဘယ်လောက် သိမ်းဆည်းရမိသလဲ"

ဒီကာလအတွင်းမှာ နိုင်ငံသုံးခုလုံးက သူတို့ရဲ့ အစွမ်းကုန် ကြိုးစားခဲ့ကြသည်။ ထိပ်တန်းကျင့်ကြံသူတွေ မရှိတော့တဲ့ အင်ပါယာတစ်ခုဟာ သာမန်လူတွေရဲ့အင်ပါယာလိုပါပဲ။ ဘယ်သူ့အစွမ်းက ပိုကြီးသလဲဆိုတာထက် ဘယ်သူက ပိုမြန်မြန် ရှေ့ဆက်နိုင်မလဲဆိုတာက ပိုအရေးကြီးသည်။

သုံးရက်အတွင်း မိုင်ပေါင်း သုံးသိန်း ကျင့်စဉ်နိမ့်တဲ့ စစ်သည်တွေကိုထားခဲ့ပြီး သူတော်စင်အဆင့် ကျင့်ကြံသူနှစ်ယောက်က ကျင့်ကြံသူတွေကို ဦးဆောင်ပြီး လမ်းမှာတွေ့သမျှ ကျင့်ကြံသူတွေကို သတ်ဖြတ်ကာ နန်းတော်ကို တိုက်ရိုက်သိမ်းပိုက်ဖို့ ရှေ့ဆက်ခဲ့ကြသည်။ အခုဆိုရင် ဖော်လန်မတ်အင်ပါယာက ပထမဆုံး ရောက်ရှိသွားပြီ ဖြစ်သည်။

ထိုရင်းမြစ်တွေက သဘာဝကျကျပင် သူတို့ပိုင်ဆိုင်ရမည် ထိုကျင့်ကြံသူမှာ ချက်ချင်းပင် မျက်နှာပျက်သွားရသည်။

အရှင်မင်းကြီး အရှင်ကိုယ်တိုင်ပဲ ကြည့်လိုက်ပါတော့လား။

ဝန်ကြီးချုပ်က မျက်မှောင်ကြုတ်ကာ ရှေ့တိုးပြီး လျှို့ဝှက်စာလွှာကို ယူလိုက်သည်။

"ဘာတွေ ဖုံးကွယ်နေတာလဲ ရင်းမြစ်ပမာဏ ဘယ်လောက်ပဲ ဖြစ်ဖြစ် အနည်းဆုံးတော့"

ထိုလူကြီး ရုတ်တရက် မှင်တက်သွားပြီး မျက်လုံးများ ပြူးကျယ်သွားကာ ကောင်းကင်ကြီး ပြိုကျလာသကဲ့သို့ ခံစားလိုက်ရသည်။

"ဘာ"

"တာ့ကျိုးအင်ပါယာရဲ့ နန်းတော်က ပြားပြားဝပ်နေတာပဲ"

"ဝိညာဉ်ကျောက်တုံး တစ်တုံးတောင် ရှာမတွေ့ဘူး တစ်တုံးတောင်မရှိဘူး"

မဖြစ်နိုင်ဘူး လုံးဝ မဖြစ်နိုင်တာ မင်းတို့ဒါတွေကို ခိုးဝှက်ထားတာ ဖြစ်ရမယ်

လူလွှတ်ပြီး အထက်ကနေ အောက်အထိ အကုန်လုံးကို သေချာ စစ်ဆေးစမ်း ရင်းမြစ်တွေကို တိတ်တဆိတ် သိမ်းဆည်းထားတဲ့သူကို တွေ့ရင် သတ်ပစ် သတ်ပစ်စမ်း

ပလ္လင်ပေါ်မှ လူလတ်ပိုင်း အမျိုးသားမှာလည်း ရုတ်တရက် မှင်တက်သွားရသည်။ ဝိညာဉ်ကျောက်တုံး တစ်တုံးတောင် ရှာမတွေ့ဘူး ဟုတ်လား။ နောက်နေတာလား။

ကမ္ဘာပေါ်မှာ နံပါတ်တစ် အင်ပါယာကြီးက ထိပ်တန်းကျင့်ကြံသူတွေ အသတ်ခံရတုန်းက သူတို့ရဲ့ ဝိညာဉ်ကျောက်တုံးတွေကိုပါ တစ်ပါတည်း ယူသွားပြီး ပြန်ဝင်စားတဲ့အခါ သုံးဖို့ စောင့်နေကြတာလား။ အဲဒါ ဘယ်လိုလုပ် ဖြစ်နိုင်မှာလဲ။

"ငါကိုယ်တိုင် သွားပြီး ဒီကိစ္စကိုစစ်ဆေးမယ်"

သူက ရင်းမြစ်တွေ အများကြီး ရလိမ့်မယ်လို့ ထင်ထားတာ အခုတော့ ဝိညာဉ်ကျောက်တုံး တစ်တုံးတောင်မရှိဘူးလို့ ပြောနေကြသည်။

ဟာသပဲ သူ့ရဲ့အကန့်အသတ်မဲ့ လမ်းစဉ်က သူ့ခြေဖဝါးအောက်မှာပဲ ရှိနေတာလေ အခုဆိုရင် သူက တာ့ချန်းအင်ပါယာရဲ့ မင်္ဂလာပွဲကိုတောင် ဝင်မနှောက်ယှက်တော့ဘဲ ဒါအတွက်ပဲ အာရုံစိုက်နေတာ အခုကျမှ ဘာမှ မရှိဘူးလို့ လာပြောနေတာလား။ သူ လုံးဝ မယုံကြည်နိုင်ပါဘူး။

"အခုချက်ချင်း ထွက်မယ် လမ်းပြစမ်း"

တာ့ကျိုးအင်ပါယာရဲ့ ရင်းမြစ်တွေက ဘယ်ရောက်ကုန်တာလဲ။