​အခန်း ၆၀ ဓားရော လူရောက အပြည့်စုံဆုံးပဲ

​တာ့ချန်းအင်ပါယာအတွင်းတွင် ပြည်တွင်းပြည်ပ အင်အားစုများ အားကောင်းလာနေသည်။

ဧကရီ၏ မင်္ဂလာပွဲရက်ကို သတ်မှတ်ပြီးနောက် မြို့တော်မှစ၍ အနီးနားရှိ ခရိုင်များအထိ ပျော်ပွဲရွှင်ပွဲ အငွေ့အသက်များ ဖုံးလွှမ်းနေ၏။

နယ်စပ်တပ်မတော်တွင်လည်း မင်္ဂလာလက်ဆောင်အဖြစ် ချီးမြှင့်ငွေများ ရောက်ရှိနေပြီဖြစ်ရာ စစ်သည်တော်အားလုံးမှာ ထိုငွေကို မည်သို့သုံးစွဲရမည်ကိုပင် ကြိုတင်စီစဉ်နေကြတော့သည်။

​သို့သော် တာ့ချန်းအင်ပါယာ၏ ပျော်ရွှင်စရာ အငွေ့အသက်များနှင့် ဆန့်ကျင်ဘက်ဖြစ်သည်မှာ အခြားသော မင်းဆက်များစွာကျော်တွင် ရှိသည့် တာ့ကျိုးအင်ပါယာပင် ဖြစ်သည်။

ထိုနေရာတွင်မူ သေမင်းတမျှ တိတ်ဆိတ်ခြောက်ခြားမှုများ စိုးမိုးနေ၏။ ဝမ်ကျင့်ကျုံးမှာ ခေါင်းဖြတ်ခံလိုက်ရပြီး ကောင်းကင်စူးစမ်းရေးအဖွဲ့ တစ်ဖွဲ့လုံးမှာလည်း တစ်ယောက်မှ ပြန်မလာနိုင်ဘဲ အမြစ်ပြတ်သွားခဲ့ပြီ။

​ဝမ်ကျင့်ကျုံး၏ဦးခေါင်းမှာ နန်းတော်တွင် ပြသထားဆဲပင် ဖြစ်သည်။ ဤဖြစ်ရပ်ကြောင့် အနားယူနေသော ဧကရာဇ်ဟောင်းနှင့် ဘိုးဘေးအိုကြီးများပင်လျှင် တရားထိုင်ရာမှ ထွက်လာကြရတော့သည်။

ဤပုဂ္ဂိုလ်များသည် တာ့ကျိုးအင်ပါယာ၏ အဝှက်ထားဆုံးသော အင်အားစုများဖြစ်ပြီး ကျင့်စဉ်အဆင့်မှာအနန္တနယ်ပယ်၏ အထွတ်အထိပ်သို့ ရောက်ရှိနေကြကာ ကောင်းကင်ဖြစ်စဥ်နယ်ပယ်သို့ ရောက်ရန် လက်တစ်လုံးအလိုသာ လိုတော့သည်။

​သူတို့၏ဆန္ဒမှာ လောကကြီးကို သိမ်းပိုက်ရန် မဟုတ်တော့ဘဲ အထက်လောကသို့ တက်လှမ်းရန်သာ ဖြစ်သဖြင့် တက်လှမ်းရေးစင်မြင့်ပွင့်မည့်အချိန်ကိုသာ စောင့်ဆိုင်းရင်း ကျင့်ကြံနေကြခြင်း ဖြစ်သည်။ သို့သော် ယခုဖြစ်ရပ်မှာ ရိုက်ခတ်မှု ပြင်းထန်လွန်းလှသည်။

​တာ့ချန်းအင်ပါယာနှင့် မဟာမိတ်ဖွဲ့ရန် ယင်းတန့်၏ ဆုံးဖြတ်ချက်ကို မည်သူမှ မကန့်ကွက်ရဲတော့ပေ။ အထူးသဖြင့် သူတော်စင်နယ်ပယ် ကျင့်ကြံသူတစ်ဦး၏ ဝေဒနာခံစားနေရသော ရုပ်အလောင်းကို မြင်လိုက်ရပြီးနောက်တွင် ဖြစ်သည်။

​"သူက တိုက်ရိုက် ခေါင်းဖြတ်ခံလိုက်ရတာ။ သူတော်စင်နယ်ပယ် ကျင့်ကြံသူတစ်ယောက်က ဒါမျိုးမလုပ်နိုင်ဘူး တာ့ချန်းအင်ပါယာမှာ ကောင်းကင်​ဖြစ်စဥ်နယ််ပယ်ကျင့်ကြံသူတစ်ယောက် ရှိနေတာသေချာတယ်" ဟု ဘိုးဘေးတစ်ဦးက ဆုံးဖြတ်ချက်ချလိုက်ရာ အားလုံးက လက်ခံလိုက်ကြသည်။

​ဝမ်ကျင့်ကျုံးက မင်းဆက်ခြောက်ဆက်ကို အမှုထမ်းခဲ့တဲ့ ဝန်ကြီးဟောင်းပဲ နေမင်းတောက်ပမြင့်မြတ်သောနယ်မြေရဲ့ လမ်းညွှန်မှုကို ခံယူထားသူ။

သူ့ရဲ့အစွမ်းက နယ်ပယ်တူ ကျင့်ကြံသူတွေကို သတ်နိုင်တဲ့အထိရှိတယ်။ သူတော်စင်နယ်ပယ် နောက်ဆုံးအဆင့် ကျင့်ကြံသူတစ်ယောက်ဆိုရင်တောင် လွတ်အောင်ပြေးဖို့ အခွင့်အရေး ရှိရမှာပဲ။

​"ဒါပေမဲ့ အခုတော့ သူ သေသွားပြီ တာ့ချန်းနန်းတော်ထဲမှာတင်သေသွားတာ"

သတင်းအချက်အလက်တွေက ရှင်းနေပါပြီ။ ထိုနေ့က အတူလိုက်ပါသွားခဲ့သည့် ကျင့်ကြံသူက အားလုံးကို ရှင်းပြထားပြီးသား ဖြစ်သည်။

ထိုမိန်းမစိုးအိုကြီး ဝမ်ကျင့်ကျုံးသည် သူ၏အသက်နှင့်လဲ၍ တာ့ချန်း၏ အစွမ်းကို စမ်းသပ်ခဲ့ခြင်းဖြစ်သည်။

​သူသာ အသက်ရှင်လျက် ပြန်လာနိုင်လျှင် တာ့ချန်း၏ နဂါးစွမ်းအင်မှာ ပြတ်တောက်သွားပြီဟု ဆိုနိုင်သော်လည်း ယခုမူ ပြန်မလာနိုင်ခဲ့ပေ။ ဆိုလိုသည်မှာ ပြိုင်ဘက်၏ ဝှက်ဖဲမှာ သူတို့ ထင်ထားသည်ထက် များစွာ ကြီးမားနေခြင်း ဖြစ်သည်။

​ကောင်းကင်ဖြစ်စဥ််နယ်ပယ်ကျင့်ကြံသူ ဟုတ်လား ရဲ့မျိုးနွယ်စုက အခုအချိန်မှာ ဒီလိုလူမျိုးကို ထပ်မွေးထုတ်နိုင်သေးလို့လား ရင်းမြစ်တွေကလည်း ကုန်နေပြီ ကျင့်စဉ်တွေကလည်း သမိုင်းထဲမှာ ပျောက်ဆုံးကုန်ပြီ မဟုတ်လား။

​လူကြီးတစ်ဦး၏ မျက်နှာမှာ ညှိုးငယ်သွားပြီး သက်ပြင်းချလိုက်သည်။ငါ အနားယူနေပေမဲ့ လောကကြီးကို သိမ်းပိုက်ဖို့ဆိုတာ ငါ့ရဲ့ ရည်မှန်းချက်ပဲ။

အခု ယင်းတန့်ရဲ့ အစွမ်းနဲ့ နည်းလမ်းတွေအရဆိုရင် အခွင့်အရေးရှိခဲ့ပေမဲ့ ရဲ့မျိုးနွယ်စုက ကောင်းကင်ဖြစ်စဥ်နယ်ပယ် ကျင့်ကြံသူတစ်ယောက် ရုတ်တရက် ပေါ်လာတာကတော့...။

​"ဒီအဆင့်မှာဆိုရင် ငါတို့ ယင်းမျိုးနွယ်စု ဘိုးဘေးတွေ အားလုံးပေါင်းပြီး တိုက်ရင်တောင် နည်းလမ်းမရှိဘူး"

မဟာမိတ်ဖွဲ့တာက အကောင်းဆုံးပဲ တကယ်လို့ ဆက်ဆံရေးကောင်း တည်ဆောက်နိုင်မယ်ဆိုရင် အဲဒီပုဂ္ဂိုလ်ကြီးဆီကနေ လမ်းညွှန်မှုတွေ ရနိုင်ပြီး အတူတူ အဆင့်တက်လှမ်းနိုင်လိမ့်မယ်။

ဒါက နှစ်ဦးနှစ်ဖက် အကျိုးရှိတာပဲ။ ဒါပေမဲ့ ငါတို့အားလုံးက အရင်တုန်းက ဧကရာဇ်တွေ ဖြစ်ခဲ့ကြတာဆိုတော့ လောကကြီးကို သူတစ်ပါးနဲ့ ခွဲဝေယူဖို့ဆိုတာ ဘယ်လိုလုပ် စိတ်ပါလက်ပါ ရှိပါ့မလဲ ​ယင်းတန့်ကတော့ ဘာမှမပြောဘဲ သက်ပြင်းသာ ချနေမိသည်။

"ဒါပေမဲ့ တခြားနည်းလမ်း မရှိဘူးလေ ဒါပဲ လုပ်နိုင်တာ"

ငါ့သား ဒါက အရမ်းဝမ်းနည်းစရာ မဟုတ်ပါဘူး။ မင်းမှာ သင့်တော်တဲ့ ဆက်ခံသူတစ်ယောက်ရလာတာနဲ့ မင်းလည်း အာဏာကနေ ခွာပြီး ငါတို့လိုပဲကျင့်ကြံရမှာပဲ။

မင်းသာ အထက်လောကကို တက်လှမ်းနိုင်မယ်ဆိုရင် ဒါတွေက ဘာမှအရေးမပါတော့ပါဘူး။

​အားလုံးက သူ့ကို ဝိုင်းဖျောင်းဖျကြသည်။ သို့သော် အနာဂတ်အတွက် အစီအစဉ်များ ဆွဲနေစဉ်မှာပင်  ရုတ်တရက် ဟိန်းဟောက်သံကြီးတစ်ခု ထွက်ပေါ်လာတော့သည်။

​"ယင်းတန့် တာ့ကျိုးဧကရာဇ် ဒီဘိုးဘေးကြီးကို လာတွေ့စမ်း"

ကြီးမားလှသော ဖိအားများကြောင့် လူတိုင်း အသက်ရှူရ ခက်ခဲသွားကြပြီး ထိုသူမှာ မည်သူဖြစ်ကြောင်း ချက်ချင်း သိလိုက်ကြသည်။

"ဒါ... ဒါက နေမင်းတောက်ပ မြင့်မြတ်သောနယ်မြေကလူပဲ"

​ထိုနယ်မြေမှာ အထွတ်အထိပ် နယ်မြေသုံးခုထဲတွင် နံပါတ်တစ်ဖြစ်သည်။ အထက်လောကသို့ တက်လှမ်းနိုင်သော နတ်ဘုရားအထူးဖြစ်ရပ် ကျင့်ကြံသူ ဆယ်ဂဏန်းမက ရှိပြီး ထျန်းရွှမ်းတိုက်ကြီး၏ ထိပ်တန်း ဂိုဏ်းကြီးလည်း ဖြစ်သည်။

ယင်းတန့်သည် သေဆုံးသွားသော ဝမ်ကျင့်ကျုံးကို သတိရသွားပြီး ချက်ချင်းပင် အပြင်သို့ ထွက်လာခဲ့သည်။

​သူ နန်းတော်အပြင်သို့ ခြေလှမ်းလိုက်သည်နှင့် ဧရာမ လက်ဝါးကြီးတစ်စုံက သူ့ကို မြေပြင်ပေါ်သို့ ရိုက်ချလိုက်ရာ မြေပြင်မှာ အစိတ်စိတ်အမြွှာမြွှာ ကွဲအက်သွားတော့သည်။

"ဝမ်ကျင့်ကျုံး ဘယ်လိုသေတာလဲ"

​သူက ငါ့ရဲ့နေမင်းတောက်ပ မြင့်မြတ်သောနယ်မြေက အသိအမှတ်ပြုထားတဲ့သူ အသက် နှစ်ထောင်အောက် သူတော်စင်နယ်ပယ် ကျင့်ကြံသူပဲ အဲဒါဘာကို ဆိုလိုသလဲဆိုတာ မင်းသိလား။

သူသာ မင်းရဲ့အင်ပါယာအပေါ်မှာပဲ အာရုံစိုက်မနေဘူးဆိုရင် ငါတို့ဆီမှာ အဆင့်မြင့်ကျင့်စဉ်တွေနဲ့ ကောင်းကင်ဖြစ်စဥ်နယ်ပယ်ကို ရောက်နေတာ ကြာလှပြီ။

အခုတော့ သူ့ရဲ့ အသက်ဓာတ်ပြားက ကွဲသွားပြီ ဒီဘိုးဘေးကြီးကို ရှင်းပြချက် ပေးစမ်း။

​ရောက်လာသူမှာချန်ရွှမ်ထျန်းဖြစ်ပြီး ထိုနယ်မြေ၏ လက်ရှိ အထင်ရှားဆုံး ပုဂ္ဂိုလ်ကြီး ဖြစ်သည်။ သူသည် ကောင်းကင်ဖြစ်စဥ် နယ်ပယ်၏ အထွတ်အထိပ်သို့ ရောက်ရှိနေသူဖြစ်ပြီး နှစ်ပေါင်း သောင်းချီ ကျင့်ကြံခဲ့သူ ဖြစ်သည်။

သူသည် ယခင်က ဝမ်ကျင့်ကျုံးနှင့် တွေ့ဆုံခဲ့စဉ်က ဝမ်ကျင့်ကျုံး၏ ပါရမီကို သဘောကျသဖြင့် တပည့်အဖြစ် သတ်မှတ်ခဲ့ခြင်း ဖြစ်သည်။

​ဝမ်ကျင့်ကျုံးက ဂိုဏ်းဂဏကိစ္စများကို မကြိုက်ဘဲ အင်ပါယာစည်ပင်မှုကိုသာ လိုလားသဖြင့် တာ့ကျိုးတွင်သာ နေခဲ့ခြင်း ဖြစ်သော်လည်း ယခုတော့ သေဆုံးသွားခဲ့ပြီ။ 

ယင်းမျိုးနွယ်စု ဘိုးဘေးများမှာ မခုခံရဲဘဲ ဖြစ်ပျက်သမျှကိုသာ ဦးညွှတ်ရှင်းပြရတော့သည်။ ယင်းတန့်၏ ခန္ဓာကိုယ်မှာလည်း ကြေမွလုနီးပါး ဖြစ်နေပြီ။

​ရုတ်တရက်ဆိုသလို လူအများက တစ်ခုခုကို သတိပြုမိသွားကြသည်။ တာ့ချန်းနှင့် လောကကြီးကို ခွဲဝေယူဖို့ဆိုတာ မဖြစ်နိုင်တော့ဘူး လောကကြီးက ယင်းမျိုးနွယ်စု တာ့ကျိုးအတွက်ပဲဖြစ်ရမည်။

​ဝန်ကြီးဝမ်က တာ့ချန်းရဲ့ နဂါးသွေးကြောကို ဖြတ်တောက်ဖို့ သွားခဲ့တာပါ ဒါပေမဲ့ မမျှော်လင့်ဘဲ အဲဒီမှာဆရာကြီးတစ်ယောက် ရှိနေခဲ့တယ်။

အခု ဝန်ကြီးဝမ်ရဲ့ ဦးခေါင်းက နန်းတော်မှာ ရှိနေတယ် အဲဒီလူက မြင့်မြတ်သောနယ်မြေကို စော်ကားဖို့ တမင်တကာ ပြန်ပို့လိုက်တာပါ။

​ချန်ရွှမ်ထျန်း၏ မျက်နှာမှာ တင်းမာသွားပြီး ဒေါသတွေ ပေါက်ကွဲထွက်လာတော့သည်။

"ဆရာကြီး ဘယ်လိုဆရာကြီးလဲ"

"ဒါက မင်းတို့ ငါ့ကို ပြဿနာလွှဲချဖို့ ကြံစည်နေတာလို့ ဒီဘိုးဘေးကြီးက မသိဘူးထင်နေလား"

​သူက ထပ်မံ ရိုက်နှက်လိုက်ရာ လူတိုင်း နာကျင်စွာဖြင့် ဒူးထောက်လိုက်ကြရသည်။ သေလုနီးပါးဖြစ်နေသော ယင်းတန့်က လက်လေးချောင်း ထောင်ပြလိုက်သည်။

ကျွန်တော်မျိုး ကောင်းကင်ဘုံလမ်းစဉ်ကို တိုင်တည်ပြီး ကျိန်ဆိုရဲပါတယ် ဒီကိစ္စက ကျွန်တော်တို့နဲ့ ဘာမှမပတ်သက်ပါဘူး။ 

ကျွန်တော်တို့ ဝန်ကြီးဝမ်ကို ဘယ်လိုမှ မထိခိုက်စေနိုင်ပါဘူး တာ့ချန်းမှာ တကယ်ပဲ ဆရာကြီးတစ်ယောက်ရှိနေတာပါ ကောင်းကင်ဖြစ်စဥ်နယ်ပယ်ကျင့်ကြံသူ ဖြစ်ဖို့ များပါတယ်။

"တကယ်လို့ စီနီယာချန် မယုံရင် ကိုယ်တိုင် တွက်ချက်ကြည့်နိုင်ပါတယ်"

​လူကြီးအိုကြီး အသက်ပြင်းပြင်းရှူလိုက်ပြီး သူ၏ ဒေါသကို ထိန်းကာ ကောင်းကင်ဘုံလမ်းစဉ်ကို ပြန်လည်တွက်ချက်ကြည့်လိုက်သည်။

ဝမ်ကျင့်ကျုံး၏ သေဆုံးမှုမှာ တာ့ကျိုးတွင် မဟုတ်ပေ ၎င်းမှာ တာ့ချန်းအင်ပါယာ၊ နဂါးသွေးကြော ထွန်းကားရာ မြေတွင် ဖြစ်သည်။ သူတို့ မြင့်မြတ်သောနယ်မြေအတွက် အင်ပါယာ နဂါးသွေးကြောဆိုတာက ဘာမှ မဟုတ်သော်လည်း ထိုအင်ပါယာက သူတို့လူကို သတ်လိုက်ခြင်း ဖြစ်သည်။

​ဒါပေမဲ့ ဒီလူကို သူဘာလို့ တွက်ချက်လို့ မရတာလဲ။ လူကြီးအိုကြီးက လှောင်ပြုံး ပြုံးလိုက်သည်။

ဒါဆိုရင်လည်း ဒီဘိုးဘေးကြီးက တာ့ချန်းကို တစ်ခေါက် သွားကြည့်ရမှာပေါ့ အဲဒီ ဆရာကြီးဆိုတဲ့လူက ဘယ်လောက်အထိ တော်သလဲဆိုတာ ကြည့်ကြသေးတာပေါ့။

​စီနီယာချန် မလောပါနဲ့ဦး ကျွန်တော့်မှာ ပိုကောင်းတဲ့ အကြံတစ်ခု ရှိပါတယ်။

​.......

​တာ့ချန်းနန်းတော်အတွင်း ချူနင်သည် ညစာစားပြီးနောက် ရဲ့ချန်းလျန်နှင့်အတူ လမ်းလျှောက်ရင်း ကလေးအခြေအနေကို စစ်ဆေးဟန်ဖြင့် သူမကို အခွင့်အရေး ယူနေသည်။

​"ချန်းလျန် ကလေးက အခုလေးတင် ကိုယ့်ကို ကန်လိုက်တယ်"

"လျှောက်မပြောနဲ့ လေးလပဲ ရှိသေးတာ။ ကိုယ်လက်အင်္ဂါတောင် စုံပြီလား မသိသေးဘူး ဘယ်လိုလုပ် ကန်နိုင်မှာလဲ"

"ဟားဟား... မိသွားပြီပေါ့ တကယ်တော့ ကိုယ်က မင်းရဲ့ ကိုယ်သင်းနံ့လေးကို စိတ်ဝင်စားလို့ပါ" ချူနင်က ရယ်လိုက်သည်။

"မင်းရဲ့နတ်ဘုရားရနံ့ ခန္ဓာကိုယ်နိုးထလာတဲ့အချိန်နဲ့ အတူတူပဲ ထင်တဲ့အတိုင်းပဲ ဒီရနံ့က အရမ်းမွှေးတာပဲ"

​ရဲ့ချန်းလျန်က ဘာအမူအရာမှ မပြဘဲ ချူနင်၏ခေါင်းကို တွန်းထုတ်လိုက်သည်။ "နင် ငါ့ကို ဓားတစ်လက် ပေးထားရုံနဲ့ ဒီလောက် ရမ်းကားလို့ရမယ် မထင်နဲ့"

"ဓားက မင်းရဲ့ အကြိုက်နဲ့ ထပ်တူကျရဲ့လား"

"အသွင်အပြင်ကတော့ ကောင်းပါတယ်"

"ဒါဆို ကိုယ်ပေးထားတဲ့ ကျင့်စဉ်ကျမ်းကိုပါ ပေါင်းလိုက်ရင် ဒီညကိုယ် မင်းရဲ့ကုတင်ပေါ်မှာ အိပ်လို့ရမလား"

"ဘာကျင့်စဉ်ကျမ်းလဲ"

"မင်းရဲ့ နတ်ဘုရားရနံ့ ကျင့်စဉ်နဲ့ လိုက်ဖက်တဲ့ ဓားပညာကျမ်းလေ ကိုယ်စားပွဲပေါ်မှာ တင်ထားခဲ့တာ"

"ငါ မကြည့်ရသေးဘူး ထမင်းစားပြီးတာနဲ့ နင် ငါ့ကိုအပြင်ခေါ်လာတာလေ"

"ဒါဆိုရင် မင်းကြည့်ပြီးသွားရင် ကိုယ်တို့ အတူအိပ်လို့ရမလား"

"လုံးဝ မရဘူး နင်ဘေးဆောင်မှာ အိပ်ရတာကိုပဲ ကျေးဇူးတင်စမ်းပါ ငါ့ကုတင်ပေါ်မှာ အိပ်ချင်သေးတယ်လား"

​တကယ်လို့ သူသာ သူမကုတင်ပေါ်မှာ အိပ်ရင် ဒီလူယုတ်မာက ငြိမ်ငြိမ်နေမှာ မဟုတ်ဘူးလေ သူမရဲ့ ခန္ဓာကိုယ်နဲ့ နှိမ်နင်းတာတောင် လောက်ပါ့မလားလို့ စိုးရိမ်နေရတာ။ သို့သော် ထိုသို့တွေးမိရင်းရဲ့ချန်းလျန်က ချူနင့်ကို စူးစမ်းသလို ကြည့်လိုက်သည်။

​"နင် ငါ့ရဲ့ခန္ဓာကိုယ် ပြန်လည်ရိုက်ခတ်မှုကို ဘယ်လိုဖြေရှင်းပေးလိုက်တာလဲ။ အရင်က ငါ ဘယ်လိုမှမထိန်းချုပ်နိုင်ဘဲ အမြဲတမ်း ကိုယ့်ကိုယ်ကိုယ် ပိတ်လှောင်ထားခဲ့ရတာ။ နင့်ရဲ့ ကျင့်စဉ်အဆင့်နဲ့ဆိုရင် ဒါကမဖြစ်နိုင်ဘူး မဟုတ်လား"

ချူနင်ကတော့ ပြုံးရုံသာ ပြုံးနေသည်။ ရဲ့ချန်းလျန်လည်း ပြုံးလိုက်၏။

"တခြားကမ္ဘာက ဆရာကြီးတစ်ယောက်ပေါ့ ဟုတ်လား"

"မင်း ကိုယ့်အကြောင်းကို တကယ် နားလည်သွားပြီပဲ။ ရှောင်ပင်းကတော့ မင်း မသိဘူးလို့ အတင်းပြောနေတာ ကိုယ် တကယ် အထင်ကြီးသွားပြီ"

​ရဲ့ချန်းလျန်လည်း အလေးအနက် မထားတော့ပေ။ သူမက ဓားကို ဆွဲထုတ်ပြီး လရောင်အောက်မှာ ကြည့်ရင်း ကျေနပ်နေမိသည်။ 

"နှမြောစရာပဲ အသွင်အပြင်က အရမ်းလှပေမဲ့ အတွင်းသား အရည်အသွေးကတော့ နည်းနည်း လိုနေသလိုပဲ။ တကယ်လို့ ဒါကို မြှင့်တင်နိုင်ရင်တော့ အပြည့်စုံဆုံး ဖြစ်မှာပဲ"

​"အသွင်အပြင်ရော အတွင်းသားရော အပြည့်စုံဆုံး ဖြစ်နေနိုင်ရင်ရော"

ရဲ့ချန်းလျန် မျက်လုံးလေး မှေးလိုက်သည်။ သူမက ဓားကို သုံးပြီး ချူနင့်ကို ကျင့်ကြံဖို့ သတိပေးလိုက်ခြင်း ဖြစ်သော်လည်း ချူနင်ကတော့ သူရော ဒီဓားရောက အကောင်းဆုံးလို့ ဆိုလိုနေခြင်း ဖြစ်သည်။

​"ဟမ် ဘယ်လောက်အထိ ကောင်းလို့လဲ"

"မင်း စိတ်ကူးထားတာထက် ပိုကောင်းတာပေါ့"

ရဲ့ချန်းလျန်က အေးအေးဆေးဆေး ပြုံးလိုက်သည်။ "ငါက နင့်ဓားကို အထင်သေးလို့ ပြောတာ မဟုတ်ပါဘူး ဒီဓားက ငါ့အကြိုက်နဲ့ တကယ် ထပ်တူကျလို့ပါ"

​ဒါပေမဲ့ ငါ့ရဲ့ မသေမျိုးလက်နက်က အင်ပါယာရဲ့ ထိပ်တန်း ဓားပန်းပဲဆရာ သွန်းလုပ်ထားတာ ကျင့်စဉ်နယ်ပယ် ခုနစ်ဆင့်ရှိတဲ့သူက အဲဒါကို သုံးရင်တောင်တွေကို ရွှေ့နိုင်ပြီး ပင်လယ်တွေကို မှောက်လှန်နိုင်တယ်။

​ကိုယ်ပေးတဲ့ ဒီဧကရာဇ်လက်နက်ကတော့ မင်းရဲ့ အမျိုးသားကိုယ်တိုင် သွန်းလုပ်ထားတာ။ နယ်ပယ် ခုနစ်ဆင့်ရှိတဲ့သူက ဒါကို သုံးရင် မြို့တွေကို ဖျက်ဆီးနိုင်ပြီး ကောင်းကင်ကိုတောင် ခွဲပစ်နိုင်တယ်။ ဒါက ဟိုမီးဖိုချောင်သုံး ဓားနဲ့ မတူဘူးလေ မင်း စမ်းကြည့်ရင် သိမှာပေါ့။

​ရဲ့ချန်းလျန် သက်ပြင်းချလိုက်မိသည်။ "နင်က အမြဲတမ်း စမ်းကြည့်ဖို့ပဲ ပြောနေတာ ငါ တကယ် စမ်းလိုက်ရင် နင်စိတ်မကောင်း ဖြစ်နေဦးမယ်"

တကယ်လို့ သူမသာ စမ်းလိုက်ရင် သူ့အစွမ်းတွေ ပေါ်သွားမှာ မဟုတ်ဘူးလား။ သူတို့ နှစ်ယောက်ကြားမှာ ဘယ်သူက ကျင့်စဉ် ပိုမြင့်သလဲဆိုတာ ဆွေးနွေးနေဖို့ မလိုပါဘူး။ သူမ ကျင့်စဉ် ဘယ်လောက်မြင့်မြင့် ချူနင်က သူမကို နှိမ်နင်းထားနိုင်တာပဲလေ။

​"ဘာလို့ စိတ်မကောင်း ဖြစ်ရမှာလဲ စမ်းကြည့်လိုက်လေ"

"ငါ ဒီဓား ကျိုးသွားမှာ စိုးလို့ပါ နင်ကိုယ်တိုင် သွန်းလုပ်ထားတာလေ"

"ဒီလောက်နဲ့ ကျိုးသွားမယ်ဆိုရင် ကောင်းကင်ဘုံလမ်းစဉ်ရဲ့ ကောင်းချီးပေးထားတဲ့ ဧကရာဇ်လက်နက်လို့ ခေါ်စရာ မလိုတော့ဘူးပေါ့"

"တကယ်လို့ ကျိုးသွားရင်ရော"

"ကျိုးသွားရင် နောက်တစ်လက် ထပ်လုပ်ပေးမှာပေါ့"

​ရဲ့ချန်းလျန် တကယ်ပဲ ဘာမှပြန်မပြောနိုင်တော့ပေ။ မကြာသေးခင်က သူ ပြောခဲ့သမျှတွေကြောင့် သူမ ခေါင်းတွေတောင် မူးနေရပြီ။ ချူနင်က သူက ဆရာကြီးတစ်ယောက်ဆိုတာကို သက်သေပြချင်နေမှတော့ သူမ သက်သေပြခွင့် ပေးလိုက်မည်။

​"ကြိုပြောထားမယ်နော် တကယ်လို့ နင်က အရင်လိုပဲ ငါ့ကိုလျစ်လျူရှုထားမယ်ဆိုရင်တော့ ငါ နင့်ကို ဘယ်တော့မှ စကားမပြောဘဲ ဂူသင်္ချိုင်းကိုပဲ တန်းပို့လိုက်မှာ"

ချူနင်က လက်ဝေ့ယမ်းလိုက်သည်။ "ကိုယ်က ဘာလို့မင်းကို လျစ်လျူရှုရမှာလဲ။ မင်းက ကိုယ့်ဇနီးပဲလေ ဒါက ဓားစမ်းတာပဲဟာ ဘာတွေ အထူးတလည် ဖြစ်နေတာလဲ"

"ဒါဆို ငါ စမ်းပြီနော်"

"စမ်းလိုက်လေ"

​ရဲ့ချန်းလျန် ခဏ တွန့်ဆုတ်နေပြီးမှ အသက်ကို ပြင်းပြင်းရှူလိုက်သည်။

နင်တော့ တကယ် သင်ခန်းစာ ရမှ ဖြစ်တော့မယ် သူမက ချူနင့်ကို ကျင့်ကြံဖို့ သတိပေးချင်သော်လည်း ချူနင်ကတော့ ဂရုမစိုက်တဲ့ ပုံစံပဲလေ။ ဒါကြောင့် အသွင်အပြင် ဘယ်လောက်လှလှ အတွင်းသားက ပျော့နေရင် မရဘူးဆိုတာကို သူမ သိစေချင်သည်။ 

ဓားပဲဖြစ်ဖြစ် လူပဲဖြစ်ဖြစ် အရင်ဆုံး မာကျောနေဖို့ လိုတယ် မဟုတ်လား။

​ဒီဓားလေးအတွက်တော့ နှမြောစရာပဲ။

ရဲ့ချန်းလျန်က ဓားကျိုးသွားမှာ စိုးသဖြင့် ဝိညာဉ်စွမ်းအင်အနည်းငယ်ကိုသာ ထည့်သွင်းလိုက်သည်။ သို့သော် နောက်တစ်စက္ကန့်တွင် ဓားရှည်မှနေ၍ ပြင်းထန်လှသော ဖိအားများ ထွက်ပေါ်လာသည်ကို သူမ ခံစားလိုက်ရသည်။

​ရဲ့ချန်းလျန် ကြောင်သွားသည်။ ဘာတွေ ဖြစ်နေတာလဲ ဝိညာဉ်စွမ်းအင် အနည်းငယ်လေးနဲ့တင် ဒီလောက်အထိ ဖြစ်နေတာလား။ နောက်တစ်စက္ကန့်တွင် သူမ ဓားကို အသာအယာ ဝေ့ယမ်းလိုက်သော်လည်း သူမ နေရာမှာတင် ကြောင်အသွားတော့သည်။

​ဓားရှည်ရှေ့က ဟင်းလင်းပြင်ကြီးမှာ ဖြည်းဖြည်းချင်း ပွင့်ထွက်သွားပြီး အဆုံးမဲ့သော ဟင်းလင်းပြင်နယ်ပယ်ပေါ်ထွက်လာသည်။

ဤဓားသည် ဝိညာဉ်စွမ်းအင် အပြည့်အဝ မထည့်ရသေးခင်မှာပင် ဟင်းလင်းပြင်ကို ခွဲပစ်နိုင်စွမ်း ရှိနေသည်။

​ရဲ့ချန်းလျန်က ပြုံးဖြဲဖြဲလုပ်နေသော ချူနင့်ကို လှမ်းကြည့်လိုက်သည်။

"ကိုယ်ပြောသားပဲ ဓားရော လူရောက အပြည့်စုံဆုံးပဲလို့"

"တကယ်လို့ မင်းရဲ့ဝိညာဉ်စွမ်းအင်က ဒီဓားကို တကယ် ချိုးနိုင်တယ်ဆိုရင် ကိုယ် ဒီဓားကို အလကား သွန်းခဲ့တာ ဖြစ်မှာပေါ့"

​မဟုတ်နိုင်တာ။

ရဲ့ချန်းလျန်၏ စိတ်အစဉ် တုန်လှုပ်သွားသည်။ သူမက ဝိညာဉ်စွမ်းအင်တွေကို ထပ်တိုးပြီး ထည့်လိုက်ရာ ဖိအားတွေက ပိုပြင်းလာတော့သည်။

သူမက ဟင်းလင်းပြင်ထဲသို့ ဓားနှင့် ထိုးစိုက်လိုက်ရာ ပြင်းထန်လှသော ဓားစွမ်းအင်က ဟင်းလင်းပြင်ကို ဆွဲဖြဲလိုက်ပြီး သူတို့ရှေ့က နန်းဆောင်ကြီးမှာလည်း ဟိန်းဟောက်သံနှင့်အတူ ပြိုကျသွားတော့သည်။

​"ချူနင်... ဒါက"

​ချူနင်ပေးလိုက်တဲ့ဓားကတကယ့်ကိုအစွမ်းထက်လှတဲ့ဧကရာဇ်လက်နက်ဖြစ်နေပါပြီ။ရဲ့ချန်းလျန်တစ်ယောက်တော့အံ့ဩလွန်းလို့ဆွံ့အနေရပါပြီ။