အခန်း (၂၇) မဟုတ်ဘူး

နန်းတွင်းအရာရှိများသည် လက်ရှိအခြေအနေကို အကဲခတ်ရာတွင် အလွန်ပင် လျင်မြန်ကြသည်။

သူ့ရှေ့တွင် ဖြစ်ပျက်နေသမျှအရာအားလုံးက ချူနင်ကို အနည်းငယ် ကြောင်အမ်းသွားစေသည်။ ရဲ့ချန်းလျန်ကို သူပေးခဲ့သော နိုင်ငံရေးစနစ်သစ်သည် ဘာကြောင့် ရက်ပိုင်းအတွင်းမှာတင် အောင်မြင်စွာ အကောင်အထည်ဖော်နိုင်ပြီး လျင်မြန်စွာ လည်ပတ်နိုင်ခဲ့သလဲဆိုသည်ကို အံ့သြမိတော့သည်။

အကယ်၍ ဤသည်မှာ ကျင့်ကြံသူများ၏ အင်ပါယာမဟုတ်ဘဲ သာမန်လူသားတို့၏ အင်ပါယာသာဆိုလျှင် အရာရှိအုပ်စု၏ ခုခံမှု၊ ပညာတတ်လူတန်းစား၏ ကန့်ကွက်မှု၊ မှူးမတ်မျိုးနွယ်စုများ၏ တားဆီးမှုနှင့် တော်ဝင်မိသားစုဝင်များ၏ ဆန့်ကျင်မှုစသည့် အခက်အခဲများစွာကို ရင်ဆိုင်ရမည် ဖြစ်သည်။

သို့သော် ယခုမူရဲ့ချန်းလျန်သည် ဤနေရာတွင် ထိုင်ကာ စကားတစ်ခွန်း ပြောလိုက်ရုံသာ လိုအပ်သည်။

"ဒါက ဧကရာဇ်ပဲ မနာခံတဲ့သူကို တိုက်ရိုက် သတ်ပစ်မယ်"

သူမ၏ စကားသည် ကောင်းကင်ဘုံ၏ အလိုတော်ပင် ဖြစ်သည်။ မည်သူက ဆန့်ကျင်ရဲသနည်း စမ်းကြည့်ချင်လျှင် လာခဲ့လေ။

ရဲ့ချန်းလျန် ပိုင်ဆိုင်ထားသော အဆင့်အတန်းနှင့် ခွန်အားသည် သူမအား အစွန်းကုန် လွှမ်းမိုးချုပ်ကိုင်နိုင်စွမ်းကို ပေးထားရာ ဘေးနားရှိ ချူနင်ပင် ရင်ခုန်သွားမိသည်။

ငါ့မိန်းမက တကယ်ကို မိုက်တာပဲ အရမ်းကို တော်တာပဲ။

လူတစ်ယောက်သည် အစွန်းရောက်သော အာဏာနှင့် ခွန်အားကို ပိုင်ဆိုင်ထားသည့်အခါ လောကကြီး၏ အမြင်တွင် အနိုင်ယူလိုစိတ်ဆိုသည်မှာ အဓိပ္ပာယ်မဲ့သွားပုံရသည်။

ရိုးရှင်းစွာ နေထိုင်ခြင်း၊ ကလေးကို အေးအေးဆေးဆေး ပြုစုပျိုးထောင်ခြင်းနှင့် ဇနီးသည်ကို စိတ်အေးချမ်းစွာ အဖော်ပြုပေးခြင်းသည်သာ အစစ်အမှန် လမ်းစဉ်ပင် ဖြစ်တော့သည်။

သူသည် ယခုကဲ့သို့ အာဏာစက်ပြင်းထန်သော ရဲ့ချန်းလျန်ကိုပို၍ပင် သဘောကျလာမိသည်။

ဤအချိန်တွင် ချူနင်သည် ရဲ့ချန်းလျန်၏ စရိုက်ကို အကြမ်းဖျင်း နားလည်သွားသည်။

 သူမသည် ဧကရာဇ်မင်းအဖြစ် ကြာမြင့်စွာ နေထိုင်ခဲ့သူဖြစ်ရာ သူမ၏စရိုက်မှာ ယခုကဲ့သို့ပင် ဖြစ်သည်။

အချို့ကိစ္စများတွင် သူမမှားသွားခဲ့သည်ဟု အမှန်တကယ် သိရှိခဲ့လျှင်ပင် သူမသည် မည်သည့်အခါမျှ ခေါင်းငုံ့ကာ အမှားဝန်ခံမည် မဟုတ်ချေ။ သူမသည် ပြဿနာကို ဖြေရှင်းမည့်အစား ပြဿနာကို သယ်ဆောင်လာသူကိုသာ ရှင်းပစ်မည့်သူမျိုး ဖြစ်သည်။

ထို့ကြောင့် ချူနင် ဤနေရာတွင် ထိုင်နေခြင်းသည် ရဲ့ချန်းလျန် ပေးလိုက်သော ဖြေရှင်းနည်းပင် ဖြစ်သည်။ ကြည့်ရသည်မှာ ဤနည်းလမ်းတစ်ခုတည်းသာ ရှိပုံရသည်။

နန်းတွင်းအရာရှိများမှာမူ ဤဧကရာဇ်သစ်ကို မည်သူမှ မသိကြသော်လည်း အရှင်မက ပြောပြီးပြီ မဟုတ်ပါလား ဒါဆိုရင် နင်ကဧကရာဇ်ပဲ ငါတို့ ဘာမှပြောစရာမရှိတော့ဘူး။

 အရှင်မ လက်ခံတဲ့သူဟာ ငါတို့လက်ခံတဲ့သူပဲ။

ချူနင့်ကို ပေးထားသော အာဏာနှင့် ပတ်သက်၍မူ ဤကောင်လေးအတွက် ကံကောင်းမှုကြီးတစ်ခုဟုသာ မှတ်ယူလိုက်ကြသည်။

နန်းတွင်းကိစ္စများတွင် ဝင်ရောက်မရှုပ်ယှက်သရွေ့ အဆင်ပြေပါသည်။ သို့သော် ၎င်းမှာ သူတို့ စိတ်ပူစရာ ကိစ္စမဟုတ်ပုံရသည်။

 အရှင်မ ရှိနေသရွေ့ မည်သူက သူမ၏ အာဏာကို လုယူရဲမည်နည်း။

ဝေစာနာမည်ရှိသော ဝန်ကြီးချုပ်ချူးသည် ယခုအချိန်တွင် တစ်ခုခုကို ရိပ်မိသွားပုံရသည်။ ဤလူသည် မည်သို့ကြောင့် ဧကရာဇ်ရာထူးကို အလျင်အမြန် ရရှိသွားသနည်း။ အရှင်မက ထုံးတမ်းစဉ်လာတွေကိုတောင် ကျော်လွန်ပြီး သူ့ကို ခန့်အပ်ခဲ့တာလား။

ကမ္ဘာကြီးကို မျှဝေခံစားခွင့် အုပ်ချုပ်ရေးအာဏာ၊ နန်းတွင်းအကြံပေးအဖွဲ့၊ ဝန်ကြီးဌာန ခြောက်ခုကို ညွှန်ကြားနိုင်စွမ်း၊ စစ်အာဏာကိုပါ ပိုင်ဆိုင်ခွင့်။ နိုင်ငံရေးစနစ်သစ်သည် ဤလူထံမှ လာခြင်းဖြစ်ရမည်ဟု သူ ခန့်မှန်းလိုက်သည်။

နိုင်ငံတော်ကိစ္စများတွင် အမြဲတမ်း အကြွင်းမဲ့ အာဏာကို ကိုင်စွဲထားသော အရှင်မသည် အဘယ်ကြောင့် ရုတ်တရက် ဤမျှ ပြည့်စုံလွန်းသော အတွင်းပိုင်း အားနည်းချက် မရှိသော နိုင်ငံရေးစနစ်နှင့် အကောင်အထည်ဖော်ပုံ နည်းလမ်းများကို ထုတ်ပြန်နိုင်ခဲ့သနည်းဟု သူ တွေးနေခဲ့ခြင်း ဖြစ်သည်။

သူ့နောက်ကွယ်ရှိ အရာရှိအများအပြားမှာ မကျေနပ်သော်လည်း ထုတ်မပြောရဲကြချေ။

သို့သော် ဝန်ကြီးချုပ်ချူးသည် ၎င်း၏ အတွင်းကျကျ အသေးစိတ်များကို လျင်မြန်စွာ မြင်တွေ့လိုက်ရသည်။ ဤလူသည် မရိုးရှင်းပါ သူသည် ရုပ်ရည်ချောမောရုံသက်သက် ဖလားတစ်လုံး မဟုတ်ချေ။

သူသည် အရှင်မနှင့်လည်း အလွန် နက်ရှိုင်းသော ဆက်ဆံရေး ရှိနေရမည် ကြည့်ရသည်မှာ ပါရမီရှင်တစ်ယောက်ပင်။

ထိုအချိန်တွင် ဝန်ကြီးချုပ် ချူးသည် ရှေ့သို့ တက်လာခဲ့သည်။ "အရှင်မက ဧကရာဇ်ကို ရွေးချယ်ပြီးပြီဆိုတော့ ရှုပ်ထွေးတဲ့ အရင်အဆင့်တွေကို ကျော်ပြီး ယဉ်ကျေးမှုဝန်ကြီး အကြံပြုတဲ့အတိုင်း ဘိသိက်ခံပွဲ အခမ်းအနားကို တန်းပြီး ပြင်ဆင်ကြရအောင်လား။ အရှင်မ သဘောတူပါသလား"

အားလုံးက ထိုလူအိုကြီးကို ကြည့်လိုက်ကြသည်။ ဝန်ကြီးချုပ် ခင်ဗျား တစ်ခွန်းတောင် မပြောတော့ဘူးလား ခင်ဗျားက ဝါရင့်သူမို့ အရှင်မက ခင်ဗျားကို သတ်ဖို့ ရက်စက်မှာ မဟုတ်ဘူးလေ အနည်းဆုံးတော့ အကြံပြုချက်လေး ပေးပါဦး။ အုပ်ချုပ်ရေးအာဏာနဲ့ စစ်အာဏာကိစ္စကို ဘာမှ မပြောတော့ဘူးလား။

ဝန်ကြီးချုပ်ချူး ဘာပြောနိုင်မည်နည်း ဘာမှ မပြောနိုင်ပါ အရှင်မ ဤနေရာတွင် ရှိနေသည် မဟုတ်ပါလား အရှင်မ ပြောသမျှကို သူတို့ လုပ်ရမည်။ သူတို့သည် လောကကြီးနှင့် တော်ဝင်မိသားစုကိုသာ အလုပ်အကျွေးပြုရသော ကျွန်များသာ ဖြစ်သည်။

ရဲ့ချန်းလျန်က အနည်းငယ် ခေါင်းညိတ်လိုက်သည်။ "ဘိသိက်ခံပွဲကို တန်းပြီး လုပ်လိုက်တော့"

"ဒါဆိုရင် ကျန်တဲ့ အိမ်နီးချင်း အင်ပါယာ လေးခုကိုရော ဖိတ်စာပို့ရမလား ထုံးတမ်းစဉ်လာအရတော့ ပို့သင့်ပါတယ်"

"ကျန်တာတွေကိုတော့ နန်းတွင်း ထုံးစံတွေအတိုင်းပဲ စီစဉ်လိုက်ပါ"

ဝန်ကြီးချုပ် ချူးသည် အရိုအသေပြုကာ နောက်ထပ် ကန့်ကွက်စရာ မရှိတော့ပေ။

 အခြားကိစ္စများမှာ အလုပ်မများတော့သဖြင့် အားလုံး ညီလာခံမှ ထွက်ခွာသွားကြသည်။ ရဲ့ချန်းလျန်သည် နန်းတွင်းနှင့် လောကကြီးကို ပြင်းထန်သော နည်းလမ်းဖြင့် နှိမ်နင်းနိုင်သော်လည်း နောက်ဆက်တွဲ ဖြစ်လာမည့် မုန်တိုင်းကိုတော့ သူမ တားဆီးနိုင်မည် မဟုတ်ချေ။

ဤသတင်း ပြန့်နှံ့သွားသောအခါ တစ်နိုင်ငံလုံး လှုပ်ခတ်သွားတော့သည်။

ကိစ္စတွေက ဘယ်လိုဖြစ်ပြီး ဒီလောက်တောင် မြန်သွားရတာလဲ ငါ့တူလေးတောင် ဧကရာဇ်ရွေးပွဲမှာ ပါဝင်ဖို့ ပြင်ဆင်နေတာ သူက ဒီဧကရာဇ်သစ်ထက် ပိုချောတာ သေချာတယ်။

"နင့်တူက  ထားလိုက်ပါတော့ သူက ရုပ်လည်းမရှိ ပါရမီလည်းမရှိဘဲ နင့်လို နန်းတွင်းအရာရှိ တစ်ယောက်ကိုပဲ အားကိုးနေရတာလေ။ နန်းတွင်းမှာ နင့်ထက် မျိုးရိုးမြင့်တဲ့သူတွေ အများကြီးပဲ"

"ပြီးတော့ နင်တို့ သတိမထားမိဘူးလား ဒီနိုင်ငံရေးစနစ်သစ်က တစ်ညတည်းနဲ့ စဉ်းစားလို့ရတဲ့ အရာမဟုတ်ဘူး။ ဧကရာဇ်က နန်းတက်တာနဲ့ အုပ်ချုပ်ရေးအာဏာကို တန်းရတာဆိုတော့"

အားလုံးက ထိုစကားကို ကြားသောအခါ စဉ်းစားမိသွားပြီး မျက်လုံးများ ပြူးကျယ်ကုန်ကြသည်။ "နင် ဆိုလိုတာက"

"ပြောလို့မကောင်းဘူး ဒါက အရှင်မရဲ့ အမိန့်တော်ပဲ ဘယ်သူ စဉ်းစားခဲ့လဲဆိုတာ အရေးမကြီးဘူး။ ဘယ်လိုပဲဖြစ်ဖြစ် ဒီနည်းလမ်းက နန်းတွင်းအတွက်တော့ တကယ် အကျိုးရှိတာပဲ.ငါတို့ အရာရှိတွေအတွက် နည်းနည်း ဖိအားများတာကလွဲရင်ပေါ့"

ရဲ့မိသားစုသန့်စင်မြေဘက်တွင်လည်း ရဲ့ရွှမ်း သတင်းယူလာသောအခါ အားလုံး ပါးစပ်အဟောင်းသား ဖြစ်ကုန်ကြသည်။

"ဘာကြီးလဲဟ"

"အရင်က ရဲ့နန်းတွင်းအရာရှိက ပါရမီစမ်းသပ်ဖို့ ခေါ်လာတဲ့လူက ဧကရာဇ် ဟုတ်လား နင် နောက်နေတာလား"

"သူ့မှာ ကျင့်စဉ်လည်း မရှိ မျိုးရိုးနောက်ခံလည်း မရှိဘူး သူက ဘယ်မျိုးရိုးကြီးကမှလည်း မဟုတ်ဘူးမလား ချောတာကလွဲရင် ဘာရှိသေးလို့လဲ"

"ဒါပေမဲ့ အရှင်မက တာ့ချန်းအင်ပါယာရဲ့ အရှင်သခင်ပဲလေ။ ဧကရာဇ်မှာ ဘာမှမရှိရင်တောင် ဘာဖြစ်လဲ အရှင်မသာ အလိုရှိရင် ဒီဧကရာဇ်သစ်က ခဏလေးအတွင်းမှာတင် အာဏာ၊ စည်းစိမ်၊ ကျင့်ကြံသူတွေနဲ့ ကျင့်စဉ်အရင်းအမြစ်တွေ အပြည့်ရှိတဲ့ မျိုးရိုးကြီးတစ်ခုကို တည်ထောင်နိုင်တာပဲလေ"

"နှမြောစရာကြီး ငါတောင် အရှင်မရဲ့ မျက်နှာသာပေးမှုကို ရမလားလို့ တွေးနေတာ။ နင်တို့ မသိဘူး အရင်က အရှင်မသန့်စင်မြေကိုလာတိုင်း ငါ့ကို တစ်ချက်ပိုကြည့်လေ့ရှိတာ။ အခုတော့ ဒီမျက်နှာချောချောလေးနဲ့ ကောင်က ငါ့ထက်လက်ဦးသွားပြီ"

"အရှင်မက နင့်ရုပ်ကို ထူးဆန်းလို့ ကြည့်တာများလား"

တစ်နိုင်ငံလုံး လှုပ်လှုပ်ခတ်ခတ် ဖြစ်နေသလို၊ အခြား အင်ပါယာ လေးခုကလည်း ဤသတင်းကို ကြားသောအခါ အမျိုးမျိုး တုံ့ပြန်ကြသည်။

ချူနင်ဆိုတာ ဘယ်သူလဲ သူက ဘာကြောင့် ရဲ့ချန်းလျန်ရဲ့ မျက်နှာသာပေးမှုကို တခြားသူတွေထက် ပိုရခဲ့တာလဲ။

...

တစ်ချိန်တည်းမှာပင် မင်းတက်နန်းဆောင်အတွင်း၌။

ညီလာခံအပြီးတွင် ရဲ့ချန်းလျန်သည် ချူနင့်ကို ဤနေရာသို့ ခေါ်လာခဲ့သည်။

"အခုတော့ နင် ကျေနပ်ပြီလား ငါပေးနိုင်သမျှ အကုန် နင့်ကို ပေးပြီးပြီ။ နောင်ကျရင် နင် အရင်လို ထပ်လုပ်ဦးမယ်ဆိုရင်တော့ ငါ့ဓားက ရက်စက်သွားမယ်ဆိုတာ မမေ့နဲ့"

ချူနင်သည် ရွှေရောင် နဂါးဝတ်ရုံ ဝတ်ဆင်ထားသော အမျိုးသမီးကို ကြည့်ကာ ဆွံ့အလျက် ခေါင်းခါမိသည်။

"မင်း ဒီလိုတွေ လုပ်စရာ မလိုပါဘူး ငါတို့ကြားမှာ တကယ်တမ်း ဘာပြဿနာမှ မရှိပါဘူး"

ရဲ့ချန်းလျန်က ချူနင့်ကို အထင်အမြင်သေးသော မျက်လုံးများဖြင့် အေးစက်စွာ ကြည့်လိုက်သည်။

ပြဿနာ မရှိဘူး ဟုတ်လား။

ဒါဆို အရင်ကသုံးရက်ဆက်တိုက် နန်းဆောင်ထဲမှာပဲ အောင်းပြီး အိပ်နေတာက ဘာသဘောလဲ။

ငါက နင့်ကိုမတရားဆက်ဆံတယ်လို့ နင် ခံစားနေရလို့ မဟုတ်လား။

အခုတော့ ငါ ပေးနိုင်သမျှ အကုန် ပေးလိုက်ပြီ။

"အမြတ်ရပြီးမှတော့ အပြစ်မရှိသလို လာမလုပ်နဲ့။ နေလည်စာ စားရမယ့် အချိန်နီးပြီဆိုတော့ သွားချက်တော့ နေလည်စာကို ယုန်ခေါင်းစပ်စပ်လေး စားချင်တယ်"

ချူနင်က ပြုံးပြီး ခေါင်းညိတ်ပြလိုက်သည်။ ထိုအချိန်တွင် ရဲ့ချန်းလျန်က မနေ့က ကိုင်တွယ်ရန် ကျန်ရှိနေသော အုပ်ချုပ်ရေး အစီရင်ခံစာ အချို့ကို ချူနင့်ရှေ့သို့ တိုက်ရိုက် တိုးပေးလိုက်သည်။ ချူနင် ကြောင်သွားသည်။

"ချန်းလျန်... မင်း"

ရဲ့ချန်းလျန်က အေးအေးဆေးဆေးပင် ပြောသည် "လောကကြီးကို မျှဝေအုပ်ချုပ်မယ်လို့ ငါသဘောတူထားပြီးပြီဆိုတော့ နင်လည်း အစီရင်ခံစာတချို့ကို ဖတ်သင့်တာပေါ့။ နင် နားမလည်ရင်လည်း ဒီအတိုင်း ထားလိုက်ပါ"

ချူနင် ထိုစကားကို ကြားသောအခါ အံ့သြသွားသည်။ သူမက သူ့ကို အရမ်းယုံကြည်လွန်းနေသည်။ ဤခံစားချက်မှာ ကောင်းမွန်သော်လည်း အပြောင်းအလဲက အရမ်းမြန်လွန်းနေသည် မဟုတ်ပါလား ဒါဆို သူမကို တိတ်တဆိတ် ဖက်လိုက်ရင်ရော ဖြစ်မလား။

ရုတ်တရက် ရဲ့ချန်းလျန်က ခေါင်းလှည့်ကြည့်လိုက်သည်။ "ငါ နင့်ကိုနောက်နေတာ မဟုတ်ဘူးနော် ချူနင် နင့်မှာ ပါရမီရှိရင် ပြစမ်းပါ။ ဖုံးကွယ်မထားနဲ့ နင့်ရဲ့အုပ်ချုပ်ရေး စွမ်းရည်ကသာ အဆင့်မီမယ်ဆိုရင် နောက်ပိုင်း နိုင်ငံတော်ကိစ္စတွေကို နင်ပဲ အကုန် ကိုင်တွယ်ရလိမ့်မယ်၊ အဲဒီအခါကျရင် ငါက အနားယူလို့ ရပြီ နားလည်လား"

ထိုစကားကို ကြားသောအခါ ချူနင် ထပ်ပြီး တွန့်ဆုတ်မနေတော့ပေ"ကောင်းပြီ"

သူ့ဇနီးသည် ကိုယ်ဝန်ဆောင်စဉ်မှာ ကောင်းကောင်း အနားယူရမည် မဟုတ်ပါလား ပင်ပန်းသွားရင် ဘယ်လိုလုပ်မလဲ အစီရင်ခံစာလေးတွေပဲကို။

သူ့စိတ်ထဲတွင် ဧကရာဇ်များ၏ ဘဝအတွေ့အကြုံပေါင်းများစွာက အသိဉာဏ်အဖြစ် ပေါင်းစည်းဝင်ရောက်လာသည်။ ချူနင် ပြုံးလိုက်ပြီး ထိုင်ကာ အစီရင်ခံစာ တစ်ခုကို ကောက်ကိုင်၍ သေချာစွာ ဖတ်ရှုလိုက်သည်။ ခဏအကြာတွင် သူက စုတ်တံကို ကောက်ကိုင်လိုက်သည်။

ရဲ့ချန်းလျန်က ဘေးမှ ကြည့်နေရင်း စိတ်ထဲတွင် ရေရွတ်နေမိသည်။

နင် ငါ့ကို လိမ်ညာပြီး ဒီနေရာကို ရောက်အောင် လာခဲ့တာပဲဖြစ်ဖြစ် ငါနင့်ကို ယုံကြည်တယ်။

အရင် ဧကရာဇ် ကွယ်လွန်ပြီးကတည်းက ငါ အပြည့်အဝ ယုံကြည်နိုင်တဲ့သူ တစ်ယောက်မှ မရှိခဲ့ဘူး။

သူက သူမ၏ဧကရာဇ် ဖြစ်နေပြီဖြစ်ရာ သူ တစ်ခုခု လုပ်ချင်လျှင် လွတ်လပ်စွာ လုပ်သင့်သည်။ သူက သူမကို စိတ်မပျက်စေသရွေ့ အရာရာကို ညှိနှိုင်း၍ ရပါသည်။

ချူနင်သည် သူမ၏ ယုံကြည်မှုနှင့် ထိုက်တန်သူ ဖြစ်ပါစေဟု သူမ မျှော်လင့်မိသည်။ သူ အစီရင်ခံစာတွေကို ကောင်းကောင်း ကိုင်တွယ်နိုင်သည်ဖြစ်စေ မကိုင်တွယ်နိုင်သည်ဖြစ်စေ သူမနှင့် ကလေးအပေါ် စိတ်ထားမှန်နေဖို့ကသာ အရေးကြီးဆုံး ဖြစ်သည်။

သို့သော် နောက်တစ်ခဏမှာပင် ချူနင်က တစ်ခုကို ပြီးသွားသည်။ သူက ဘေးသို့ တန်းချလိုက်သည်။ ရဲ့ချန်းလျန် အနည်းငယ် မျက်မှောင်ကြုတ်သွားသည်။

"ချူနင် ဒီအစီရင်ခံစာတွေက ပေါ့ပေါ့တန်တန် ကိုင်တွယ်ရမယ့် အရာတွေ မဟုတ်ဘူးနော်"

ဘယ်လောက်တောင် ကြာသေးလို့လဲ နင် တစ်ခု ပြီးသွားပြီလား နင်က ငါ့ရဲ့ယုံကြည်မှုကို အလေးမထားတာလား နင်မလုပ်တတ်ရင်တောင် အနည်းဆုံးတော့ ဟန်ဆောင်ပြီး လုပ်ပြပါဦး။

ရဲ့ချန်းလျန်က မကျေမနပ် မျက်နှာထားဖြင့် လျှောက်သွားကာ အစီရင်ခံစာကို ဖွင့်ကြည့်လိုက်သည်။ သူမသည် ချူနင်၏ အပြုအမူကို ပြုပြင်ရန် ပြောဆိုတော့မည့် ဆဲဆဲတွင်ပင် သူမ ကြောင်အမ်းသွားတော့သည်။

ဒါက