အခန်း ၂၀၀ စာတစ်စောင်

ချန်ချင်းနန်းဆောင်အတွင်း၌ ယဲ့ချင်းလျန်သည် ချက်ချင်းပင် စိတ်တိုသွားတော့သည်။

"ကျွန်မကို မတားနဲ့"

"ကျွန်မ မဟာတောရိုင်းမြေက ကောင်းကင်နန်းတော်ကို အခုသွားမယ်"

ဒါက တရားလွန်းတာပဲ ငါတို့ကြားမှာ ဘာလို့ ဒီလောက်တောင် ကွာခြားချက်ကြီးမားနေရတာလဲ။ ရဲ့ချန်းလျန်သည် ဒေါသထွက်လွန်းသဖြင့် ငိုချင်စိတ်ပင် ပေါက်နေပြီး မတရားသဖြင့် ခံစားနေရကာ သူမ၏ မျက်ဝန်းများမှာပင် နီမြန်းနေတော့သည်။

"ငါတို့ကြားမှာ တကယ်ပဲ ဘာတွေမှားနေတာလဲဆိုတာ သူ့ကိုကိုယ်တိုင်သွားမေးရမယ်"

အဲဒီသမီးကို ကျွန်မကိုယ်တိုင် မွေးခဲ့တာ ကိုယ်တိုင်လက်နဲ့ ပြုစုပျိုးထောင်ခဲ့တာ။ ရှင်ကကျတော့ တစ်စက္ကန့်လောက် တုန်ခါသွားတာကလွဲလို့ ဘာလုပ်ခဲ့လို့လဲ ဘာလို့ ရှင်နဲ့ကျတော့ ဒီလောက် ကွာခြားနေရတာလဲ။

အဲ... ငါက သူ့ကို အနှီးလဲပေး ချော့သိပ်ပေးခဲ့တာလေ သမီးက အဲဒါတွေကို မှတ်မိနေတာနေမှာပါ။ ယဲ့ချင်းလျန်က သူ့ကို စူးစိုက်ကြည့်လိုက်သည်။

"ချူနင် ဒီလိုအချိန်မျိုးမှာတောင် ရှင်က ကျွန်မကို စကားနာထိုးချင်နေသေးတာလား"

သူမ ဒေါသထွက်ပြီး စကားမှားသွားခြင်းဖြစ်သည်။ စာနှစ်စောင်၏ အရှည်မှာ သိသိသာသာ ကွာခြားလွန်းလှသည်။ ချူနင်ဆီ ပို့သောစာမှာ အရှည်ကြီးဖြစ်ပြီး သူမဆီ ပို့သောစာမှာ စကားလုံး သုံးလုံးတည်းသာ ရှိသည်။

ဟိုစာထဲကအတိုင်း ကူးရေးရင်တောင် ဒီထက်ပိုရှည်ဦးမည်။ ဘာမှမရေးဘဲ ဒီသုံးလုံးတည်း ရေးလိုက်ခြင်းအပေါ် ယဲ့ချင်းလျန် မည်သို့ စိတ်မဆိုးဘဲ နေနိုင်မည်နည်း။

ချူနင်က သူမကို ဆက်လက်တားဆီးပြီး နှစ်သိမ့်ပေးသည် ချန်းလျန် သမီးက ငယ်သေးတော့ အတိတ်ကအကြောင်းတွေကို သိပ်မမှတ်မိပါဘူး။ မင်း သူ့ကို ဆူခဲ့တာ ရိုက်ခဲ့တာတွေကို သူစိတ်ထဲထားမှာ မဟုတ်ပါဘူး။ ပြီးတော့ ပထမစာက ချူမူရဲ့ လေသံနဲ့ ရေးထားတာဆိုတော့ ချူမူက ယောင်ယောင်ကို တိုက်တွန်းပြီး ရေးခိုင်းတာ နေမှာပါ။

ရဲ့ချန်းလျန်က ပို၍ပင် မကျေမနပ် ဖြစ်သွားသည် ဆိုလိုတာက ချူမူက ကျွန်မအတွက် စာရေးဖို့တောင် စိတ်မကူးဘဲ ရှင့်အတွက်ပဲ ရေးပေးလိုက်တာပေါ့ ဟုတ်လား။

"ပထမစာထဲမှာလည်း မိဘနှစ်ပါးလုံးအကြောင်းပါတာပဲ ပြီးတော့ ကျွန်မမှာ ကျင့်ကြံခြင်း အရင်းအမြစ်တွေ မလိုဘူးဆိုတာ သမီးက မသိတာလည်း မဟုတ်ဘူး။ ကျွန်မကတောင် ရှင့်ဆီ အထူးတလည် ပို့ပေးခဲ့သေးတာ"

"ကျွန်မ မကျေနပ်ဘူး ကိုယ်တိုင်သွားမေးမယ်"

သွားလည်း အပိုပါပဲ သမီးက စေတနာရှိပေမဲ့ ဖော်ပြပုံမတတ်တာပါ။ သူက ဒီအရင်းအမြစ်တွေကို ပေးဖို့ပဲ အာရုံရောက်နေပြီး တခြားဟာတွေ မစဉ်းစားမိတာ ဖြစ်မှာပါ။ အသက်နှစ်နှစ်အရွယ် ကလေးမလေးတွေနဲ့ ဘာလို့ ငြင်းခုံနေမှာလဲ။

ရဲ့ချန်းလျန်က ဒေါသတကြီး ခြေဆောင်လိုက်သော်လည်း ဘာမှမတတ်နိုင်တော့ပေ။ သူမသည် စာကို ပြန်ယူကာ အသေးစိတ် နှိုင်းယှဉ်ကြည့်ရာ ချူးနင်ပြောသည့်အတိုင်းပင် ဖြစ်နေသည်။ သို့သော် ယောင်ယောင်က သူမကို စကားလုံးအနည်းငယ်သာ ပေးခြင်းအပေါ် စိတ်ပျက်နေဆဲပင်။

ဘာလို့ ကျွန်မက အဲလောက်နည်းနည်းပဲရတာလဲ ကျွန်မက အမေအစစ်လေ ဒါမှမဟုတ် အရင်ကကျွန်မကပဲ သူ့ကို အဆူအဆဲများခဲ့လို့လား ဒါပေမဲ့ သူတို့ကို မဆုံးမလို့မှမရတာ ငယ်ငယ်တည်းက မဆုံးမရင် ကြီးလာရင် လူဆိုးလေးတွေ ဖြစ်ကုန်မှာပေါ့။

ဒါတွေ အကုန်လုံး ရှင့်ကြောင့်ပဲ ရှင်ကပဲ သူ့ကိုအလိုလိုက်ခဲ့လို့ ဒီလိုသမီးမျိုး ဖြစ်လာတာ။

သို့သော် ထိုသို့ပြောပြီးနောက် အပြစ်အားလုံးက ချူနင်ပေါ် ပုံချ၍ မရမှန်း သိသဖြင့် သူမ၏ မာန်မာနများ ချက်ချင်း ပျောက်ကွယ်သွားသည် "ကျွန်မ သူ့ကို မရိုက်ခဲ့သင့်ဘူး"

ချူနင်က ယဲ့ချင်းလျန်ကို ဖက်ကာ ထိုင်ခိုင်းလိုက်ပြီး ပြုံးလျက် ပြောသည် ပြိုင်ပွဲမတိုင်ခင် သူတို့ပြောတာကို မင်းမတွေ့လိုက်ဘူးလား ယောင်ယောင်က မင်းကိုသတိရနေတာပါ။ မဟုတ်ရင် အကြီးအကဲမော့ကို ဒီအရင်းအမြစ်တွေ မင်းဆီ ပို့ပေးလို့ရမလားလို့ မမေးပါဘူး။

ရှင်ပြောတာလည်း ဟုတ်ပါတယ်။ ဒါပေမဲ့ ကျွန်မက အရင်းအမြစ်တွေကို မလိုချင်ပါဘူး ယောင်ယောင်က အဲဒီလို စကားလေးတွေ ပြောတာကိုပဲ ကြားချင်တာ။ ရှေ့နောက် ကွာခြားချက်က သိသာနေတာပဲ မဟုတ်လား ယောင်ယောင်က အဲဒီလိုချိုချိုသာသာ စကားတွေ ပြောတတ်တဲ့သူ ဟုတ်လို့လား။

မဟုတ်ဘူး သူက တစ်နေ့ကုန်စားဖို့နဲ့ ကစားဖို့ပဲ စဉ်းစားနေတာ။ ကျင့်တောင် မကျင့်ချင်ဘူး အဲဒါကြောင့်လည်း ကျွန်မ သူ့ကို ရိုက်ခဲ့တာပေါ့။ အဲဒါကြောင့်ပေါ့ သူကိုယ်တိုင်ဆိုရင် ဒီစာတွေကို ရေးမှာမဟုတ်ဘူး ဒါပေမဲ့ ချူမူက စာရေးနေတာတွေ့တော့ သူလည်းမနေနိုင်ဘဲ လိုက်ရေးတာဖြစ်မှာပါ။ စကားလုံး ကျစ်လျစ်ပေမဲ့ အနည်းဆုံးတော့ သူ့ရဲ့ ခံစားချက်ကို ဖော်ပြခဲ့တာပဲ။

ရဲ့ချန်းလျန်က "အင်း" ဟု ခပ်တိုးတိုး ဆိုလိုက်ပြီး စာကို ပြန်ယူကာ အခြားစာသားများ ကျန်နေသေးမလားဟု အသေးစိတ် ထပ်မံ ရှာဖွေကြည့်သည်။ သို့သော် မတွေ့ပေ သို့သော် ရုတ်တရက် သူမသည် စာလုံးများ၏ နောက်ကွယ်တွင် တံတွေးဖြင့် စိုနေသော နှုတ်ခမ်းရာဖျော့ဖျော့လေးကို သတိပြုမိသွားသည်။ သမီးက စာကို နမ်းထားခဲ့တာပဲ။

သူမ ခဏမျှ တုံ့ဆိုင်းသွားပြီး ချူနင်ဆီ ပို့သောစာကို ပြန်ကြည့်လိုက်သည်။ ဟင် ဟိုစာမှာတော့မပါဘူး။ ထို့ပြင် ယောင်ယောင်၏လက်ရေးမှာ ကောက်ကောက်ကွေးကွေးနှင့် ကိုယ်တိုင်ရေးထားခြင်း ဖြစ်သည်။ ဆန့်ကျင်ဘက်အနေဖြင့် ချူနင်ဆီပို့သောစာမှာ လက်ရေးမှလွဲ၍ လေသံနှင့် အသုံးအနှုန်းများမှာ ချူမူနှင့် လုံးဝတူနေသည်။ အကြီးမက ထိုလေသံမျိုးဖြင့် ပြောတတ်သော်လည်း အငယ်မက ဘယ်တော့မှ ထိုသို့ ပြောနိုင်မည် မဟုတ်ပေ။

ချူနင်က သမီးနှစ်ယောက်လုံးကို ငယ်ငယ်တည်းက ဂရုတစိုက်ပြုစုခဲ့ပြီး သူတို့လိုချင်တာမှန်သမျှ ပေးခဲ့သူဖြစ်သည်။ သူမကတော့ အမြဲတမ်း ဆူပူရိုက်နှက်နေသည့် လူဆိုးနေရာက နေခဲ့ရသူဖြစ်သည်။

သို့သော် သူမဆီ ပို့သောစာတွင် နှုတ်ခမ်းရာလေးပါရှိနေခြင်းက သမီးသည် စာရေးပြီးနောက် နမ်းခဲ့သည်မှာ ထင်ရှားလှသည် ချူနင်ဆီ ပို့သောစာမှာတော့ မပါရှိပေ။

ဒီလို နှိုင်းယှဉ်ကြည့်လိုက်သောအခါ အရည်အသွေးကွာခြားချက်က ချက်ချင်း ပေါ်လွင်သွားတော့သည် ချူမူက သူမကဲ့သို့ပင် အေးစက်သောစရိုက်ရှိသဖြင့် ထိုသို့သော အပြုအမူမျိုး လုပ်မည်မဟုတ်ပေ။ ချူနင်ဆီ ပို့သောစာမှာ စကားလုံးတွေ များနေသော်လည်း ယောင်ယောင်က ချူမူ၏ စောင့်ကြည့်မှုအောက်တွင် ရေးခဲ့ရခြင်း ဖြစ်နိုင်သည်။ သူမဆီ ပို့သောစာကမူ ချူမူ၏ ပါဝင်ပတ်သက်မှု မရှိဘဲ ပို့လိုက်ခြင်းမှာ သိသာလှသည်။

စကားလုံး သုံးလုံးတည်း ဖြစ်သော်လည်း ထိုခံစားချက်က ပြည့်စုံနေပါသည် သူမ ရုတ်တရက် ပျော်ရွှင်သွားပြီး မျက်လုံးလေးများ မှေးသွားသည်အထိ ရယ်မောလိုက်တော့သည်။ ရဲ့ချန်းလျန်သည် စာနှစ်စောင်လုံးကို ဂရုတစိုက် သိမ်းဆည်းလိုက်သည် ဘာပဲဖြစ်ဖြစ် သမီးကစာပို့တတ်လာတာကိုပဲ ဝမ်းသာရမှာပါ။

သမီးက သူမကို တကယ် မချစ်ဘဲ မနေပါဘူး။ သူမက နည်းနည်း ဆိုးပေမဲ့ ဆူပူရိုက်နှက်တတ်ပေမဲ့ ကောင်းပါပြီ ဆက်မစဉ်းစားတော့တာ အကောင်းဆုံးပါပဲ။ သူမတွင် သမီးတွေ ကြိုက်လောက်မည့် အရည်အချင်း ဘာရှိသလဲဟု ဆက်စဉ်းစားနေလျှင် အဖြေထွက်မည် မဟုတ်ပေ။

ဒါနဲ့ သမီး ပေးလိုက်တဲ့ အရင်းအမြစ်တွေကို မင်းမကြည့်ဘူးလား။ ရဲ့ချန်းလျန်က နားမလည်သလို ကြည့်လိုက်သည် ဘာလို့ ကြည့်ရမှာလဲ ကျွန်မမှာ ကျင့်ကြံခြင်း အရင်းအမြစ်တွေ မပြတ်ပါဘူး။ ရှင့်အနေနဲ့ အခွင့်အရေးရရင် အဲဒါတွေကို ပြန်ပို့ပေးလိုက်ပါလား အခုက သူတို့ အရင်းအမြစ်တွေ အလိုဆုံးအချိန် မဟုတ်လား။

ချူးနင်က ခေါင်းခါလိုက်သည် သမီးက ငါတို့ကိုပေးချင်လို့ ကိုယ်တိုင်ကိုယ်ကျ ပို့ပေးလိုက်တာကို ပြန်ပို့လိုက်ရင် ကောင်းပါ့မလား။

"ဘယ်သူ ပိုလိုသလဲဆိုတာပေါ်မှာ မူတည်တာပေါ့ အဲဒါ ဘာဆိုးလို့လဲ"

ချူနင်က ပြုံးလျက် ယဲ့ချင်းလျန်၏ ပါးကို ပွတ်သပ်ပေးလိုက်သည် စဉ်းစားကြည့်ပါဦး ဒါက ထိုက်ထျန်းနန်းတော်ရဲ့ ထိပ်ဆုံးနေရာကရတဲ့ အကောင်းဆုံးဆုလာဘ်တွေပဲ။ သမီးတို့ အခုချိန်မှာ ရနိုင်တဲ့ အကောင်းဆုံးအရာတွေပေါ့။ သူတို့က မင်းရဲ့ ကျေးဇူးကို သိလို့ ပြန်ပေးဆပ်ချင်နေကြတာ။

"ကျွန်မက သူတို့ဆီက ကျေးဇူးဆပ်တာကို မလိုချင်ပါဘူး"

ချန်းလျန် မင်းအခုထိနားမလည်သေးဘူးပဲ။ သူတို့အတွက် အဖိုးတန်ဆုံးအရာတွေကို ငါတို့ကို ပေးတာက ငါတို့နှစ်ယောက်လုံးကို ပျော်စေချင်လို့လေ။ ငါတို့က ပြန်ပို့လိုက်ရင် ငါတို့က အဲဒါတွေကို သဘောမကျဘူး သူတို့ရဲ့ စေတနာကို အလဟဿ ဖြစ်စေတယ်လို့ သမီးတို့ ထင်သွားလိမ့်မယ်။

ရဲ့ချန်းလျန် ခဏမျှ မှင်တက်သွားပြီးမှ ခေါင်းညိတ်လိုက်သည် "ရှင်ပြောတာလည်း ဟုတ်သားပဲ"

သူမသည် သမီးနှစ်ယောက်လုံးကို ကလေးလေးတွေလိုပဲ မြင်နေဆဲဖြစ်သည်။ မိဘဆိုသည်မှာ သမီးတွေဆီက ပြန်ပေးဆပ်တာကို မလိုချင်ဘဲ သူတို့ ပျော်ပျော်ရွှင်ရွှင် ကျင့်ကြံနေတာကိုပဲ မြင်ချင်ကြသည်မှာ ဓမ္မတာပင်။ သို့သော် သမီးနှစ်ယောက်လုံးကလည်း သူတို့၏စေတနာကို ပြသချင်ကြပေလိမ့်မည်။

သူမသည် ချူနင်ကို ကြည့်ကာ ခဏမျှ တိတ်ဆိတ်သွားပြီး စိတ်လှုပ်ရှားစွာဖြင့် သမီးက ရှင့်ကို ပိုချစ်တာ မဆန်းပါဘူး။ ရှင်က ကျွန်မထက် သူတို့ကို ပိုနားလည်ပေးနိုင်တာပဲ။ အခုတော့ ရှင့်ကို ပိုချစ်တာကို ကျွန်မ လုံးဝ လက်ခံသွားပါပြီ။

အဲလို မဟုတ်ပါဘူး ငါတို့နှစ်ယောက်လုံးမှာ တာဝန်ကိုယ်စီရှိပါတယ်။ အလိုလိုက်လွန်းတဲ့အမေက ကလေးကို ပျက်စီးစေတတ်တယ်။ ငါတို့ရဲ့ အဆင့်အတန်းတွေက ထူးခြားတော့ သူတို့ လမ်းမှားရောက်ရင် ဘယ်သူမှ တားရဲမှာ မဟုတ်ဘူး။ ဒါကြောင့် ငါ့ရဲ့ဂရုစိုက်မှုနဲ့ မင်းရဲ့ ဆုံးမမှု နှစ်ခုလုံးက လိုအပ်ပါတယ်။ ငါတို့ အတူတူ သင်ကြားပေးမှ ပိုကောင်းတဲ့ သမီးလေးတွေ ဖြစ်လာမှာပါ။

ရှင်ပြောတာ ဟုတ်ပါတယ်။ ဒါပေမဲ့ နောက်တစ်ယောက်ကျရင် ရှင်ကလူဆိုးနေရာက လုပ်ပေးမလား။

ဘာလို့လဲ သမီးတွေက ကြီးကုန်ပြီလေ ငါ့ပုံစံကလည်း ဒီလိုပဲ အတည်ဖြစ်သွားပြီ။ နောက်တစ်ယောက် (သား) အကြောင်း ပြောတာပါ။ သမီးနဲ့ မတူရင် သားကတော့ ရမှာပေါ့။

"ဘာကွာလို့လဲ"

အဖေက သားကို အလိုလိုက်တဲ့ နိုင်ငံဆိုတာ မင်းမြင်ဖူးလို့လား အမြဲတမ်း အမေကအလိုလိုက်ပြီး အဖေက ရိုက်နှက်ဆုံးမတာ မဟုတ်လား။ ယဲ့ချင်းလျန်က ထိုစကားကို အပြည့်အဝ ထောက်ခံသည် ဟုတ်တယ် ကျွန်မ သားဆိုရင်တော့ တကယ်အလိုလိုက်မှာ။

"တောက်... ရှင်ပြောတာ ဟုတ်တယ် ဒါပေမဲ့ ကျွန်မ ဗိုက်က ဘာလို့ အခုထိ အရိပ်အယောင် မပြသေးတာလဲ"

မင်းပဲ မလိုချင်သေးဘူး ဆိုလို့ ငါက ဝိညာဉ်စွမ်းအင်အဖြစ် ပြောင်းလိုက်တာလေ။ ရဲ့ချန်းလျန်က ခေါင်းညိတ်လိုက်သည် ကျွန်မရဲ့ ကျင့်ကြံမှုတွေက ဘာလို့ဒီလောက်မြန်မြန် တက်နေတာလဲလို့ ကျွန်မ စဉ်းစားနေတာ။ ဗိုက်ကလည်း ဘာမှမထူးခြားတော့ ရှင်အားနည်းနေပြီလို့ ကျွန်မ ထင်နေတာ။

ချူးနင်က သက်ပြင်းချလိုက်သည် မင်း အဲဒီစကားကို မပြောခင် အရင်နှစ်ရက်က မင်းပြောခဲ့တာတွေကို ပြန်စဉ်းစားပါဦး။ ရဲ့ချန်းလျန်က နှုတ်ခမ်းတွန့်လိုက်ပြီး တစ်ဖက်သို့ လှည့်သွားသည်  "အော်"

သိသာတာပေါ့ သူမက သူ့ကိုအထင်သေးနေတာ ချူနင် ထပ်မံ သက်ပြင်းချမိသည်။ ကျွန်တော့်ဇနီးရဲ့ သရုပ်ဆောင်ချက်က တကယ် မကောင်းဘူး။

ဒီအရင်းအမြစ်တွေကို သိမ်းထားလိုက်ပါ ကျင့်ကြံဖို့ သုံးလို့ရတယ်။ နတ်ဘုရားမူလဓာတ်က မင်းအတွက် သိပ်အကျိုးရှိမှာပါ။ သမီးတို့ဆီကိုလည်း တခြားပစ္စည်းတွေ ပြန်ပို့ပေးကြတာပေါ့။

ရဲ့ချန်းလျန်ကစာပြန်ရေးရမည်ကိုသတိရသွားသည်ဒါဆိုကျွန်မစာသွားရေးလိုက်ဦးမယ်။