အခန်း ၁၉၉ အနိုင်မရှိဟုမည်သူဆိုဝံ့သနည်း

မော့ချင်းယင်းသည် အစောကတည်းက လှုပ်ရှားရန် ပြင်ဆင်ထားပြီးသား ဖြစ်သည်။ သူတို့က စည်းမျဉ်းတွေကို စိတ်တိုင်းကျ ပြောင်းလဲနေကြတာလား ငါကဒီနန်းတော်အတွက် နှစ်ပေါင်းများစွာ ကြိုးစားပေးခဲ့ပြီး အင်အားစုများစွာကို နှိမ်နင်းပေးခဲ့တာ။ မင်းတို့က ငါ့ကို ဒီအတိုင်း အစားထိုးလို့ရမယ် ထင်နေတာလား။

တခြားကိစ္စတွေကို ထားလိုက်ဦး ငါ့တပည့်တွေရဲ့ အရည်အချင်းအရဆိုရင် သူတို့ကိုဧကရာဇ်အဆင့်မီ အရင်းအမြစ်တွေ ပေးရမှာပဲ သူမသည် အကြိမ်ပေါင်း ၂၃,၀၀၀ သော ဘေးဒုက္ခတွေကို ကျော်ဖြတ်ထားသည့် မသေမျိုးဧကရာဇ်တစ်ပါး ဖြစ်သည်။

သူမသာ တခြားအင်အားစုတစ်ခုခုကို သွားမယ်ဆိုရင် သူတို့က ဒီထက်မကတဲ့ အရင်းအမြစ်တွေ ပေးကြမှာပဲ။ မိစ္ဆာမျိုးနွယ်တွေတောင် ပိုပေးကြဦးမယ်။ ဒီကလေးနှစ်ယောက်အတွက် ဧကရာဇ်အဆင့် အရင်းအမြစ်တွေကို မင်းတို့ကနှမြောနေတာလား ဒါက တခြား မသေမျိုးဧကရာဇ်တွေနဲ့လည်း သက်ဆိုင်တယ်။ 

တပည့်တစ်ယောက်ရဲ့ ကံကောင်းခြင်းက သူ့ရဲ့ ဆရာနောက်ခံပေါ်မှာ မူတည်တယ်။ ဆရာ့ကျင့်ကြံမှု မြင့်လေ သူ့အဆင့်အတန်းက မြင့်လေပဲ။ အဲဒီအဆင့်အတန်းကို ဘာကပေးတာလဲ ခွန်အားနဲ့ ပေးဆပ်မှုပဲ

မသေမျိုးဧကရာဇ်တိုင်းဟာ ဒီလိုပဲအဲဒီအရင်းအမြစ်တွေဆိုတာဂိုဏ်းက သူတို့ကို ပေးရမယ့်အရာတွေပဲ။ 

မဟုတ်ရင် သူတို့က ဘာလို့ ဒီမှာနေမှာလဲ မတရားဘူးလို့ ခံစားနေရတဲ့ အဆင့်နိမ့်ကျင့်ကြံသူတွေအတွက်တော့ ကျင့်ကြံခြင်းလောကမှာ ဘယ်မှာတရားမျှတမှု ရှိလို့လဲ ငါကဒီနန်းတော်အတွက် သွေးမြေကျခဲ့တဲ့ မသေမျိုးဧကရာဇ်ပဲ။ ငါ့တပည့်တွေက ဧကရာဇ်အဆင့်ဆက်ဆံမှုကို ခံစားခွင့်ရှိရမယ်။

သို့သော် ချူမူက တားထားသောကြောင့် သူမ မလှုပ်ရှားသေးခြင်းဖြစ်သည်။ ချူမူက မော့ချင်းယင်းကို ရန်သူဝိုင်းမခံစေချင်ပေ။ ဒါကြောင့် သူမ သည်းခံနေခြင်းဖြစ်သည်။ ပြိုင်ပွဲပြီးလို့မှ ဂိုဏ်းက အရင်းအမြစ်တွေကို အနည်းငယ်မျှ တွန့်တိုနေမယ်ဆိုရင်တော့ သူမ တကယ်ပဲ လှုပ်ရှားတော့မည် ဖြစ်သည်။ ဒါက သူမရဲ့ တပည့်တွေကို စော်ကားတာတင်မကဘဲ သူမကိုယ်တိုင်ကိုပါ စော်ကားတာ ဖြစ်သည်။ ပြိုင်ပွဲမှာ အနည်းငယ်သာ ကျန်တော့သည်။

ချူမူနှင့် ယောင်ယောင်တို့၏ အခြေခံမှာ ချူနင်ပေးထားသောကြောင့် မဟာဧကရာဇ်အောက်က မည်သူ့ကိုမဆို သတ်နိုင်သည်။ သို့သော် မဟာဧကရာဇ်ကိုတော့ အနိုင်ရရန် မဖြစ်နိုင်ပေ။ အဆင့်ချင်းက ကမ္ဘာခြားသလို ကွာခြားလွန်းလှသည်။ မည်မျှပင် မှော်လက်နက်တွေ ရှိနေပါစေ၊ အစွမ်းကုန် မထုတ်ဖော်နိုင်ပေ။

မော့ချင်းဖုန်းကတော့ သူ့တပည့်ကို မဟာဧကရာဇ်နှင့် ယှဉ်ပြိုင်ခိုင်းရဲသည်မှာ အရှက်မရှိလွန်းလှသည်။

မော့ချင်းယင်း၏ ဓားချက်က ဟိန်းဟောက်ကာ ထွက်ပေါ်လာပြီး လူအုပ်ကြားကို ခွင်းလျက် မော့ချင်းဖုန်းဆီသို့ ပြင်းထန်စွာ ကျရောက်သွားသည် မော့ချင်းဖုန်းက ခုခံရန် ကြိုးစားသော်လည်း ရုတ်တရက် နောက်သို့ လွင့်ထွက်သွားတော့သည်။

မဖြစ်နိုင်တာ မင်းရဲ့ ခွန်အားက ဘယ်လိုလုပ်ဒီလောက်မြန်မြန် တိုးတက်လာတာလဲ။ သူမ၏ ခွန်အားက သူ့ကို မှီနေပြီ မော့ချင်းယင်းက သူ့ထက် နှစ်ပေါင်းတစ်သောင်း နောက်ကျပြီးမှ ဂိုဏ်းထဲဝင်လာတာ ဖြစ်သော်လည်း ယခုအခါ သူမသည် စည်းမျဉ်းဥပဒေသသုံးထောင်၏ ထက်ဝက်နီးပါးကို တတ်မြောက်နေပြီ ဖြစ်သည်။

မော့ချင်းယင်းက ကောင်းကင်ယံမှာ ရပ်နေပြီး ဓားဦးကို မော့ချင်းဖုန်းဆီသို့ ချိန်ရွယ်ကာ အေးစက်စွာ ပြောလိုက်သည် အရင်က မင်းလုပ်သမျှကို ငါသည်းခံခဲ့တယ် ငါ့တပည့်တွေကသန်မာလို့လေ။ ဒါပေမဲ့ မင်းက ငါ့တပည့်ကို မဟာဧကရာဇ်နဲ့ တိုက်ခိုင်းရဲတယ်ပေါ့ မင်းဒီမှာသေချင်နေတာပဲ။

ငါကလူသားမျိုးနွယ်ရဲ့မသေမျိုးဧကရာဇ်ပဲ ထိုက်ထျန်းနန်းတော်ရဲ့မသေမျိုးဧကရာဇ်ပဲ ငါ့တပည့်တွေ ရရှိတဲ့ အခွင့်အရေးဆိုတာ ဒီနန်းတော်အတွက် ငါပေးဆပ်ခဲ့တာတွေကြောင့်ပဲ။

ငါတို့လို မသေမျိုးဧကရာဇ်တွေသာ မရှိရင် မင်းကဒီလူသားနယ်မြေမှာ ခေါင်းဆောင်လုပ်နေလို့ ရပါ့မလား။ မသေမျိုးဧကရာဇ်သာ မရှိရင်မိစ္ဆာမျိုးနွယ်တွေရဲ့ ကျူးကျော်မှုကို လူသားတွေ တားနိုင်ပါ့မလား။

အခုတော့ အရင်းအမြစ်တွေကို မင်းတို့စိတ်တိုင်းကျ ပြောင်းလဲပစ်ပြီး ငါတို့လိုမသေမျိုးဧကရာဇ်တွေကို ဘာမှမဟုတ်သလို ဆက်ဆံနေကြတာလား ငါတို့ကို ထိုက်ထျန်းနန်းတော်ကနေ ထွက်ပြီး အမြင့်မြတ်ဆုံး(အထွတ်အထိပ်)ဧကရာဇ်နန်းတော်ထဲ ဝင်စေချင်တာလား။

လူတိုင်း တိတ်ဆိတ်သွားကြသည်။ အောက်က တပည့်တွေလည်း အခြေအနေကို နားလည်သွားကြသည်။ ထိပ်တန်းကျင့်ကြံသူတွေရဲ့ ဆက်ဆံမှုဆိုတာ သူတို့ပေးဆပ်ခဲ့တာတွေအပေါ်မှာ မူတည်တာပဲ။ ရန်သူလာရင် သူတို့ကပဲ အရှေ့ဆုံးက ရပ်တည်ပေးရတာ မဟုတ်လား။ မော့ချင်းဖုန်းလည်း ဒီအချက်ကို သိသော်လည်း သူ့တွင် ကိုယ်ပိုင်အကြံအစည် ရှိနေသေးသည်။

ညီမလေး... မင်းမကျေနပ်တာ ငါသိပါတယ်။ ဒါပေမဲ့ ဒါကဂိုဏ်းရဲ့ ရေရှည်ဖွံ့ဖြိုးတိုးတက်မှုအတွက် ငါ သေချာစဉ်းစားထားတာပါ။ ချူမူနဲ့ ယောင်ယောင်က တကယ်ပဲ တာအိုအဆင့်နဲ့ ဒီထိရောက်လာတာကို ငါအသိအမှတ်ပြုပါတယ်။ ဒါဆိုရင် သူတို့ကို ပထမနဲ့ ဒုတိယနေရာတွေ ပေးလိုက်မယ် ဆုတွေကိုလည်း ပေးလိုက်မယ်။ သူတို့ ကျင့်ကြံမှုအဆင့် တက်လာရင် ငါတို့ထပ်ပြီးဖြည့်ဆည်းပေးမှာပေါ့။

နန်းတော်သခင်အနေဖြင့် သူခေါင်းမငုံ့ချင်သော်လည်း ဒီရူးသွပ်နေတဲ့ အမျိုးသမီးက သူ့ခေါင်းကို ဓားနဲ့ ပိုင်းတော့မလို ဖြစ်နေတာကြောင့် အလျှော့ပေးလိုက်ရသည်။ သို့သော် ထိုအချိန်တွင် လူတိုင်း ရုတ်တရက် တစ်ခုခုကို သတိပြုမိသွားကြသည်။

ချူမူက သူမ၏ ခေါင်းကို မော့လိုက်ပြီး လှောင်ပြုံးတစ်ချက် ပြုံးလျက် ရယ်မောလိုက်သည်။ မင်းက ဧကရာဇ်ရဲ့ ခွန်အားနဲ့ ငါ့ကိုတိုက်ချင်တယ်ဆိုရင်တော့ မင်းမှာဘာတွေရှိလဲဆိုတာ အကုန်ထုတ်ပြလိုက်စမ်း။

ချူမူ၏ ခွန်အားမှာ ရုတ်တရက် ကောင်းကင်သို့ ထိုးတက်သွားသည်။ ယောင်ယောင်၏ အခြေအနေမှာလည်း အတူတူပင် သူတို့နှစ်ယောက်စလုံး၏ ခန္ဓာကိုယ်ကို သူတို့ကိုယ်တိုင် ထိန်းချုပ်နေခြင်း မဟုတ်တော့ပေ။

အဝေးကနေ စောင့်ကြည့်နေတဲ့ စုတိန်ဖန်း က ပြောလိုက်သည် ဧကရာဇ် (ဖေဖေ) က လှုပ်ရှားလိုက်ပြီဆိုမှတော့ ငါတို့ သွားစရာ မလိုတော့ဘူး။

ကမ္ဘာငယ်လေးအတွင်းမှာ ချူမူက ဓားကို ကိုင်ထားပြီး ဧကရာဇ်ကို ချိန်ရွယ်လိုက်သည် အနိုင်မရှိဟု မည်သူဆိုဝံ့သနည်း မရှုံးနိမ့်ဖူးဟု မည်သူကြွေးကြော်ဝံ့သနည်း။

ချူမူ (စိတ်ထဲကနေ) တုန်လှုပ်သွားသည် သူမက အဲဒီလိုစကားလုံးမျိုးတွေ မပြောချင်ဘူးလေ။ ဖေဖေက သူမရဲ့ ခန္ဓာကိုယ်ထဲဝင်ပြီး ကူညီပေးနေတာ မှန်ပေမဲ့ သူမရဲ့ ပင်ကိုယ်စရိုက်အတိုင်းပဲ လုပ်ပေးပါလား။ ဒီလို စကားတွေ ပြောတာက အရမ်း ကြွားဝါလွန်းနေသလိုပဲ ကျင့်ကြံသူအားလုံး မှင်တက်သွားကြသည်။

"ဟား... သူတို့ဆီမှာ ဧကရာဇ်ရဲ့ ခွန်အားရှိနေတာလား ဒါဘယ်လို နည်းလမ်းမျိုးလဲ"

ဓားတစ်ချက်က ကောင်းကင်ကို ခွဲလိုက်ပြီး ဧကရာဇ်ကို ချေမှုန်းလိုက်သည်။ ကမ္ဘာနှစ်ခုလုံး ပျက်စီးသွားသော်လည်း အရာအားလုံးက ငြိမ်သက်သွားသည်။

ရက်အနည်းငယ်ကြာပြီးနောက် မဟာချန်းမင်းဆက်သို့ ပါဆယ်ထုတ် နှစ်ခုနှင့် စာနှစ်စောင် ရောက်ရှိလာသည်။

တစ်စောင်မှာ ချူနင်အတွက်ဖြစ်ပြီး နောက်တစ်စောင်မှာ ရဲ့ချင်းလျန်အတွက် ဖြစ်သည်။

ဖေဖေ... ဖေဖေနဲ့ မတွေ့ရတာ နည်းနည်းကြာတော့ သမီးသိပ်လွမ်းတာပဲ။ အစ်မချူမူက ပြောတယ် ကျင့်ကြံသူတွေဆိုတာ မိဘနားမှာပဲ အမြဲမနေရဘူး ကိုယ့်ခြေထောက်ပေါ်ကိုယ် ရပ်တည်ရမယ်တဲ့။ ဖေဖေတို့ ပေးထားတဲ့ ပစ္စည်းတွေက သမီးတို့အတွက် လုံလောက်နေပါပြီ။

ပြီးခဲ့တဲ့ရက်က ဂိုဏ်းပြိုင်ပွဲမှာ သမီးတို့ ပထမရလို့ ဆုတွေ အများကြီး ရခဲ့တယ်။ သမီးတို့က ဖေဖေတို့ဆီကပဲ အမြဲ ယူနေရတာဆိုတော့ အခုရတဲ့ဆုတွေကို ဖေဖေတို့ ကျင့်ကြံဖို့အတွက် ပြန်ပေးချင်ပါတယ်။ သမီးတို့ ဒီမှာ ကြိုးစားပြီး ဖေဖေတို့ မျက်နှာမပျက်အောင် နေပါ့မယ် ချစ်တဲ့ သမီးလေး ယောင်ယောင်"

ချူနင်က စာကိုဖတ်ပြီး ပြုံးလိုက်သည် လက်ရေးက ယောင်ယောင်ရဲ့ လက်ရေးပဲ ဒါပေမဲ့ စကားလုံးတွေကတော့ ချူမူ သင်ပေးထားတာ ဖြစ်ရမယ်။

ရဲ့ချန်းလျန်ကလည်း နောက်စာတစ်စောင်ကို ဖွင့်ဖတ်လိုက်သည်။ မေမေ... ဒီစာကို ဖတ်နေရတာ မေမေ့ကို တွေ့နေရသလိုပါပဲ။ သမီး မေမေ့ကို ချစ်တယ်။

လက်မှတ်ကတော့ (ယောင်ယောင်)