အခန်း ၁၉၆ ပြိုင်ဘက်ကင်းသောယှဉ်ပြိုင်မှု 

ငါ အသက်ငယ်တော့ ဘာဖြစ်လဲ။ဒါက အရင်းအမြစ်တွေနဲ့ ဆိုင်တဲ့ကိစ္စပဲ။ ဘယ်သူမှ လျှော့ပေးမှာ မဟုတ်ဘူး

အလွန်ဆုံးရှိလှ မင်းကို နည်းနည်းပါးပါး အခွင့်အရေးပေးရုံပဲ ရှိမယ်။ ဒါပေမဲ့ မင်းက တစ်စုံတစ်ယောက်ရဲ့ တပည့်ဖြစ်နေရုံနဲ့တော့ ငါတို့ ခက်ခက်ခဲခဲ ရယူထားရတဲ့ ဒီအရင်းအမြစ်တွေကို လွယ်လွယ်နဲ့ လက်လွှတ်မှာ မဟုတ်ဘူး။ ဒီအရင်းအမြစ်က နောင်နှစ်ပေါင်းတစ်ရာ ကျင့်ကြံဖို့အတွက် အရေးကြီးတာမို့လို့ ဘယ်သူမှ အစွမ်းကုန် မထုတ်ဘဲ နေမှာမဟုတ်ဘူး။

ဒါပေမဲ့ ချူမူရဲ့ စကားတွေကတော့ တကယ့်ကို ရဲတင်းလွန်းလှတယ်။ မဟာဧကရာဇ်ဖြစ်တော့ ဘာဖြစ်လဲတဲ့လား။

အမြန်ဆုံး ကျင့်ကြံသူတွေတောင် မဟာဧကရာဇ အဆင့်ကို ရောက်ဖို့ နှစ်ပေါင်း တစ်သောင်းနီးပါး ကျင့်ကြံရတာ။ အခက်အခဲ အတားအဆီးပေါင်း များစွာကို ကျော်ဖြတ်ပြီး အရင်းအမြစ်ပေါင်း များစွာကို ဝါးမြိုခဲ့ရတာ။ မင်းရဲ့ ဆရာရှေ့မှာတော့ သူတို့ကဘာမှမဟုတ်ဘဲ အလွယ်တကူ ရှုံးနိမ့်သွားနိုင်ပေမဲ့ မင်းရှေ့မှာတော့ သူတို့က နတ်ဘုရားပဲ။

တွင်းထဲက ဖားက လကို မော့ကြည့်နေသလိုမျိုးပဲဆိုတာ နားလည်ရဲ့လား အဲဒါက အနိုင်မတိုက်နိုင်တဲ့ တည်ရှိမှုမျိုးပဲ။ မသေမျိုးဧကရာဇ်အတော်များများ မျက်မှောင်ကြုတ်သွားကြပြီး မော့ချင်းယင်းက ဝင်ပြောသည် မူမူ ဒီကိစ္စကို ဆရာကူညီပေးလို့ရပါတယ်။ နှစ်ပေါင်းသန်းချီတဲ့ ဒီစည်းမျဉ်းကို ဖျက်ဖို့ဆိုတာ မလွယ်ဘူး။ ပြီးတော့ဆရာ မင်းအဖေကိုလည်း ကတိပေးထားပြီးသား။

ချူးမူက ခေါင်းခါလိုက်သည်။ မလိုပါဘူး ဆရာ အကယ်၍ သမီးတို့နှစ်ယောက်ကြောင့် စည်းမျဉ်းသစ်တွေ ပျက်သွားရင် ဆရာက နန်းတော်တစ်ခုလုံးမှာ ရန်သူတွေ ဝိုင်းသွားလိမ့်မယ်။ ဒါ့အပြင် သမီးတို့မှာ ကိုယ့်အရည်အချင်းနဲ့ကိုယ် ယုံကြည်မှုရှိပါတယ်။

“မဟာဧကရာဇ်”

လွန်ခဲ့တဲ့ နှစ်ပေါင်းများစွာတုန်းကဆိုရင်တော့ ချူမူအနေနဲ့ မဟာဧကရာဇ်ဆိုတာ တကယ့်ကို ထူးခြားတယ်လို့ ထင်ကောင်းထင်ပါလိမ့်မယ်။ ဒါပေမဲ့ အခုတော့ အခြေအနေတွေ ပြောင်းလဲသွားပြီ။

မဟာဧကရာဇ်ဆိုတာတောင် မသေမျိုးနယ်ပယ်ရဲ့ ကောင်းကင်တာအို ကန့်သတ်ချက်တွေကို သူ့ဘာသာသူ မချိုးဖျက်နိုင်ဘူးလေ မူလစကြာဝဠာမှာဆိုရင် မဟာဧကရာဇ်ဆိုတာ အစပြုရုံပဲ ရှိသေးတာ။

တာအိုအထွတ်အထိပ်ဖြစ်နေတော့ ဘာဖြစ်လဲ အကယ်၍ မင်းသာ ငါ့ကိုမနိုင်ရင် မင်းကို ငါအဖေလို့ ခေါ်လိုက်မယ်။ ငါက ဘာကိုကြောက်နေရမှာလဲ။ သူမက ခေါင်းမော့လိုက်ပြီး ယောင်ယောင်ကို တွန့်ဆုတ်မှုမရှိဘဲ ကြည့်လိုက်သည်။

ယောင်ယောင် နင် ဒီနေ့ ငါနဲ့အတူ တိုက်ရမယ်။ တစ်ယောက်ချင်းစီ တိုက်မယ်။ အကယ်၍ ငါတို့ ရှုံးသွားရင် ငါတို့ဆရာ မျက်နှာပျက်လိမ့်မယ်။ ပြီးတော့ တချို့ မရိုးသားတဲ့လူတွေက သူတို့အကြံ အောင်မြင်သွားလိမ့်မယ်။

နင်သာ နိုင်ရင် ငါနင်ကိုနောက်ပိုင်းမှာ အကြောင်းမဲ့ မရိုက်တော့ဘူးလို့ ကတိပေးတယ်။ ယောင်ယောင်က ချက်ချင်း စိတ်လှုပ်ရှားသွားသည်။ တကယ်လား နင်ငါ့ကို သတိမပေးဘဲ ဘယ်တော့မှ မရိုက်တော့ဘူးပေါ့နော်။

"တကယ်ပြောတာ"

ယောင်ယောင်က နှာခေါင်းတစ်ချက် ရှုံ့လိုက်သည်။

"ငါနားလည်သွားပြီ ဒါဆိုအဲဒီနန်းတော်သခင်က ငါတို့ဆရာကို ဒုက္ခပေးချင်နေတာပေါ။ ရပါတယ်။ မဟာဧကရာဇ်ဖြစ်တော့ ဘာဖြစ်လဲ"

"ငါ ငါ့အဖေကို ခေါ်လိုက်မယ်"

မလိုဘူး နင့်ရဲ့ အခုအရည်အချင်းက သတိမထားမိတဲ့ မဟာဧကရာဇ်တစ်ပါးကို သတ်ဖို့ လုံလောက်နေပြီ။ နင့်အဖေ သင်ပေးထားတဲ့ ကောင်းကင်နဲ့မြေကြီးကို မှောက်လှန်ပြီး ထာဝရကာလကို နှိမ်နင်းနိုင်တဲ့ မူလအစနယ်ပယ်ကျင့်စဉ်က လုံလောက်ပါတယ်။

ဒါ့အပြင် နင်ဝတ်ထားတဲ့ ဝတ်ရုံက ဘယ်သူမဆို နင့်ကို အားမနာတမ်း တိုက်ခိုက်လို့ရအောင် လုပ်ပေးထားတာပဲ။

မော့ချင်းယင်း၏ ကျောရိုးထဲသို့ အအေးဓာတ် စိမ့်ဝင်သွားသည်။ မဟုတ်သေးဘူး နင်တို့တွေက တကယ်ပဲ ဧကရာဇ်တစ်ပါးကို ဘယ်လိုဖြုတ်ချမလဲဆိုတာ စဉ်းစားနေကြတာလား။

သူမသည် ထိုနေရာမှ အသံများကို ကြားမရအောင် တားဆီးထားသော်လည်း ကြားရသမျှ စကားလုံးများက သူမ၏ ဦးရေခွံကို ထုံကျင်သွားစေသည်။ ဝတ်ရုံ၊ ကျင့်စဉ်၊ လက်နက်ပြီးတော့ နောက်ဆုံးသတ်ကွက်က "အဖေကိုခေါ်တာ" တဲ့လာ။

သူတို့က တကယ်ပဲ မဟာဧကရာဇ်ကို သတ်နိုင်မှာလား ဒါပေမဲ့ နင်တို့က အသက် နှစ်နှစ်ပဲရှိသေးတာလေ။

စကားပြောပြီးနောက် ချူမူက မော့ချင်းယင်းကို ကြည့်လိုက်သည်။

"သူတို့က စည်းမျဉ်းကိုသုံးပြီး ငါတို့ကို ဖိနှိပ်ချင်တယ်ဆိုရင် ငါတို့က စည်းမျဉ်းကို သုံးပြီး သူတို့ကို ပြန်အနိုင်ယူပြမယ်"

"လူယုတ်မာတွေ အခွင့်အရေးရသွားတာကို ငါ အမုန်းဆုံးပဲ"

မလှမ်းမကမ်းတွင် မော့ချင်းဖုန်းခေတ္တ တွန့်ဆုတ်သွားသည်။ မော့ချင်းယင်း ပေးထားတဲ့ ဝှက်ဖဲတွေ ရှိနေရင်တောင် မင်းတို့က ဧကရာဇ်ကို နိုင်ဖို့ဆိုတာ မဖြစ်နိုင်ပါဘူး။ မင်းတို့က အဲဒီလက်နက်တွေနဲ့ နည်းလမ်းတွေကို ထိန်းချုပ်နိုင်လို့လား။

သူ့ဘေးက တပည့်ဖြစ်သူက ပြုံးလျက် "အကြီးအကဲမော့ရဲ့ တပည့်တွေ သဘောတူပြီဆိုတော့ဆရာ ငါတို့ စလိုက်ကြရအောင်လား"

"ငါတို့ ပထမနေရာကို သေချာပေါက် ရယူပါ့မယ်။"

မော့ချင်းဖုန်းက ဒါကို ကြားတော့ ပြုံးလိုက်သည်။ ဘာကို ကြောက်နေရမှာလဲ။ သူက နည်းနည်းတော့ စိုးရိမ်နေသေးသည်။ မော့ချင်းယင်းက သူ့ကို တိုက်ရိုက် တိုက်ခိုက်မှာကို စိုးရိမ်တာလား ဒါမှမဟုတ် ချူမူရဲ့ ယုံကြည်မှုရှိတဲ့ မျက်နှာထားကြောင့် တွန့်ဆုတ်နေတာလား မသိရပေ။

တာအိုအထွတ်အထိပ်ကနေ မဟာဧကရာဇ်အထိကြားထဲမှာ မရေမတွက်နိုင်တဲ့ နယ်ပယ်ကြီးတွေနဲ့ နယ်ပယ်ခွဲတွေ အများကြီး ရှိတာလေ မှော်လက်နက်တွေ ရှိရုံနဲ့ နိုင်နိုင်ပါ့မလား ပြီးတော့ သူတို့က အသက် နှစ်နှစ်ပဲ ရှိသေးတာ။

ဒါဆိုရင် ရောက်ရှိနေတဲ့ ကျင့်ကြံသူအားလုံးကို ကျပန်းယှဉ်ပြိုင်ခိုင်းမယ်။ ဒီပြိုင်ပွဲမှာ ငါ အချိန်စီးဆင်းမှုကို ရပ်တန့်ထားမယ်။ ဘယ်တပည့်ပဲ သေဆုံးပါစေ၊ ဒဏ်ရာရပါစေ၊ မင်းတို့ရဲ့ ခန္ဓာကိုယ်အစစ်ကို ထိခိုက်မှာ မဟုတ်ဘူး အစွမ်းကုန်သာ တိုက်ကြ။

"နန်းတော်မှာ တပည့် ၃၈၄,၅၆၂ ယောက်ရှိတယ် အားလုံးကို အဆင့်ဆင့် ရွေးချယ်သွားမယ်။ နိုင်တဲ့သူက နိုင်တဲ့သူနဲ့ ပြန်တိုက်ရမယ် ပိုသန်မာတဲ့သူ ထွက်လာတဲ့အထိပေါ့။ ရှုံးတဲ့သူတွေကလည်း တခြားရှုံးတဲ့သူတွေနဲ့ ယှဉ်ပြိုင်ရမယ်။ ရှုံးရင်တောင် အမှတ်စနစ်အရ အဆင့်တက်နိုင်မယ့် အခွင့်အရေး ရှိသေးတယ်။

တရားမျှတမှု ဘက်မလိုက်မှုနဲ့ ပွင့်လင်းမြင်သာမှု ရှိဖို့အတွက် ဒီမှာရှိတဲ့ ကျင့်ကြံသူအားလုံးက ဝိုင်းပြီး ကြီးကြပ်ပေးကြပါ။ ဒါကို ကြားတော့ ယောင်ယောင်က ပြုံးပြီး မော့ချင်းယင်း၏ ဆံပင်ကို ပွတ်သပ်ပေးလိုက်သည်။

ဆရာ စိတ်အေးအေးထားပါ သမီး အဲဒီအဘိုးကြီးကို အောင်မြင်ခွင့် လုံးဝမပေးဘူး။ ဒါပေမဲ့ သမီးသာ နိုင်ရင် ရတဲ့ဆုတွေကို မေမေတို့ဆီ ပို့ပေးလို့ရမလား။

"ရတာပေါ့ ဒါပေမဲ့ ဘာလို့လဲ"

သမီးညီမက အမြဲပြောတယ် သမီးက အိမ်ကပစ္စည်းတွေကိုပဲ ယူနေတာတဲ့။ သမီး တကယ်နိုင်ရင် မေမေ ကျင့်ကြံဖို့ သုံးလို့ရတဲ့ ပစ္စည်းတွေ ပို့ပေးချင်လို့။ ဖေဖေတောင် မရှိတဲ့ ပစ္စည်းမျိုးပေါ့။ မေမေကတော့ သေချာပေါက် ပျော်နေမှာပဲ။ မော့ချင်းယင်း၏ မျက်လုံးများမှာ အနည်းငယ် နီမြန်းလာသည်။

"ကောင်းပြီ... လိမ္မာတဲ့ကလေးလေး"

လောကမှာ ဒီလောက် ချစ်ဖို့ကောင်းတဲ့ သမီးလေး ရှိနေတာပဲ ငါ့သမီးသာဖြစ်လိုက်ရင် သိပ်ကောင်းမှာပဲ ငါ သူ့ကို သိပ်ချစ်မိနေပြီ။

ဒါဆို ပြိုင်ပွဲကို စလိုက်ကြရအောင် တပည့်တွေကို ကျပန်းစနစ်နဲ့ ရွေးချယ်မယ် အဆင့်တူ ပြိုင်ဘက်တွေနဲ့ ယှဉ်ပြိုင်ခိုင်းမယ်။ ကောင်းကင်ဖြစ်စဉ်အဆင့် ကျင့်ကြံသူသစ် တစ်ယောက်က သူ့သူငယ်ချင်းတွေကို ပြောနေသည်  ဒီပြိုင်ပွဲမှာသာ ငါ နိုင်ရင် အရင်းအမြစ်တွေ အများကြီး ရတော့မှာ ဟားဟား။ တကယ့်ကို ထိုက်ထျန်းနန်းတော်ဆိုတဲ့ နာမည်နဲ့ လိုက်ဖက်ပါပေတယ်။

"စတော့မယ် ပြင်ဆင်ကြစို့"

တပည့်အားလုံးကို အလင်းတန်းများက လွှမ်းခြုံသွားသည်။ အနိမ့်ဆုံး ကောင်းကင်ဖြစ်စဉ်အဆင့်မှ အမြင့်ဆုံး အထွတ်အထိပ် ဧကရာဇ်အဆင့်အထိ။ နန်းတော်အထက်တွင် မရေမတွက်နိုင်သော ကမ္ဘာငယ်လေးများ၏ ပုံရိပ်ယောင်များ ပေါ်လာသည်။ ကောင်းကင်ဧကရာဇ်အောက်က လူတွေအတွက်တော့ စိတ်ကူးတစ်ခုတည်းနဲ့တင် ကမ္ဘာတစ်ခုကို ဖန်တီးနိုင်သည် မဟုတ်ပါလား။

မော့ချင်းယင်း၏ ရင်ခွင်ထဲရှိ ယောင်ယောင်လည်း ထွက်ခွာသွားပြီး ချူမူကလည်း တည်ငြိမ်စွာဖြင့် တိုက်ပွဲထဲ ဝင်သွားသည်။ သူမ ညီမလေးအတွက် စိုးရိမ်နေလား။ ဘာကို စိုးရိမ်ရမှာလဲ အဲဒီငတုံးမက နည်းနည်းတော့ ထုံပေမဲ့ အတည်အပေါက်လုပ်ပြီဆိုရင် သူမကို နိုင်မယ့်သူ ရှားပါတယ်။ သူမမှာ ရှိတဲ့ မှော်လက်နက်တွေက ဒီနန်းတော်တစ်ခုလုံးက အရင်းအမြစ်တွေထက်တောင် များသေးတယ်လေ။

ခုနကပြောနေတဲ့ ကောင်းကင်ဖြစ်စဉ်အဆင့် ကျင့်ကြံသူလေးဟာ မျှော်လင့်ချက်တွေနဲ့ စောင့်ကြည့်နေသည်။ ဟင်းလင်းပြင်က တုန်ခါသွားပြီး ကမ္ဘာသစ်တစ်ခု သူ့ရှေ့မှာ ပေါ်လာသည်။ ပြီးတော့ အချိန်ကာလရဲ့ အစဦးက လာသလိုမျိုး အသံတစ်ခု ထွက်ပေါ်လာသည်။

မင်းနဲ့ အဆင့်တူတဲ့ ပြိုင်ဘက်တစ်ယောက်နဲ့ ချိတ်ဆက်ပေးလိုက်ပြီ အဆင့်မြင့်ဖို့အတွက် အစွမ်းကုန် တိုက်ခိုက်ပါ

ထိုကျင့်ကြံသူလေးက ပြုံးလိုက်ပြီး သူ့လက်ထဲမှာ ဓားရှည်တစ်လက် ပေါ်လာသည်။

ကြည့်ရအောင် ဘယ်သူက ငါ့ပြိုင်ဘက်လဲဆိုတာ သူ ရုတ်တရက် မှင်တက်သွားသည်။

သူ့ရှေ့မှာ ရပ်နေတဲ့သူက ခန္ဓာကိုယ်တစ်ခုလုံး ဧကရာဇ်အမှတ်အသားတွေနဲ့ တောက်ပနေပြီး တာအိုစွမ်းအင်တွေက တစ်ပြင်လုံး လွှမ်းခြုံနေတဲ့ လူတစ်ယောက်။ ရွှေရောင်အလင်းတန်းတွေက ကောင်းကင်ယံအထိ ပြည့်နှက်နေသည်။

"တောက်... ဒါက ဘယ်နေရာက အဆင့်တူတာလဲဟ"

ထိုဧကရာဇ်က မျက်လုံးကို ဖြည်းဖြည်းချင်း ဖွင့်လိုက်သည်။ တစ်ဖက်လူရဲ့ ကျင့်ကြံမှုအဆင့်ကို မြင်တော့ သူ့မျက်လုံးတွေက အနည်းငယ် ကျဉ်းမြောင်းသွားသည်။

ထိုတပည့်လေးရဲ့ ခန္ဓာကိုယ်က ချက်ချင်း ပေါက်ကွဲထွက်သွားပြီး ဖုန်မှုန့်အဖြစ် ပြောင်းလဲသွားသည်။ မျက်တောင်တစ်ခတ်အတွင်းမှာပဲ သူက ဂိုဏ်းရဲ့ ခန်းမဆောင်ထဲကို ပြန်ရောက်လာပြီး သတိမကပ်သေးဘဲ ကြောင်နေတုန်းပဲ။

သတိပြန်ဝင်လာတော့ သူ ခေါင်းမော့ကြည့်လိုက်ပြီး  သွားသေလိုက်စမ်း ဧကရာဇ်နဲ့ငါက ဘယ်လိုလုပ် အဆင့်တူရမှာလဲ။ သွား... ငါ မကစားတော့ဘူး။

ထာဝရကြယ်စင်နယ်ပယ်၏ အဝေးတစ်နေရာတွင် ကြည့်ရှုနေသူ သုံးယောက်က ဝေဖန်နေကြသည်။

"တကယ်ကို ထူးခြားတဲ့ ယှဉ်ပြိုင်မှု စနစ်ပဲ"

ယဲ့ချင်းလျန်က တည်ငြိမ်စွာ ရှင်းပြသည် ပထမတော့ အားသန်တဲ့သူနဲ့ အားနည်းတဲ့သူကို အရင်တိုက်ခိုင်းတာပဲ။ ပြီးမှ ဆက်တိုက်နိုင်တဲ့သူတွေကို ပြန်တိုက်ခိုင်းပြီး အဆင့်သတ်မှတ်တာက ပိုကောင်းတယ်။ မဟုတ်ရင် နောက်ဆုံးပြိုင်ပွဲက ဧကရာဇ်နဲ့ ကောင်းကင်ဖြစ်စဉ်အဆင့် ယှဉ်ပြိုင်တာမျိုး ဖြစ်သွားရင် အဓိပ္ပာယ် မရှိတော့ဘူးလေ။

ဒါကို ကြားတော့ ချူနင်နဲ့ ရှောင်ပင်းတို့ နားလည်သွားကြသည်။

"အရှင်မက ပိုပြီး နားလည်တာပဲ"

"ဒါပေါ့... ငါ့မိန်းမပဲဟာ"

"နောက်မနေနဲ့တော့ သမီးကို ကြည့်ဦး"

"မင်းသမီးလေးတွေ နိုင်ပါ့မလား"

သူက ဘယ်သူ့သမီးလဲဆိုတာ မင်းမသိဘူးလား ယောင်ယောင်ကို ငါပေးထားတဲ့ မှော်လက်နက်က ဧကရာဇ်လောင်းလျာကိုတောင် သတ်နိုင်တယ်။ မဟာဧကရာဇ်နဲ့ တိုက်ရရင်တော့ နည်းနည်း ခက်ခဲလိမ့်မယ်။

ဟင် ဒါဆို ဘယ်လိုလုပ်မလဲ။ ရပါတယ် ငါတခြားနေရာကနေအဲ့အထဲကိုဝင်ထားပြီးသား။ အဲဒါက နည်းနည်းတော့ လွန်မသွားဘူးလာ။ဘာလွန်တာလဲ နောက်ခံရှိတာကလည်း ခွန်အားတစ်မျိုးပဲလေ။ အပြင်ကလူကို အကူအညီတောင်းလို့ မရဘူးလို့ စည်းမျဉ်းမှာ မပါဘူးမလား။

ချူနင်က ပြုံးလိုက်ရင်း မျက်လုံးလေးတွေ ကျဉ်းမြောင်းသွားသည် ဒါ့အပြင် သူက တကယ်ပဲ ငါ့သမီးကို မဟာဧကရာဇ်နဲ့ တိုက်ခိုင်းရဲရင် အဲဒါကလည်း အဓိပ္ပာယ်မရှိတော့ဘူး။