အခန်း (၁၈) မင်္ဂလာပွဲရက် သတ်မှတ်ခြင်း

တာ့ချန်းအင်ပါယာ နန်းတော်၏ ချန်းချင်းနန်းဆောင်အတွင်း၌...

ရှောင်ပင်းနှင့် ရဲ့မိသားစု အကြီးအကဲများက ယနေ့ ဖြစ်ပျက်ခဲ့သမျှကို အစီရင်ခံနေကြသည်။ ဘိုးဘေး နိုးကြားလာခြင်း၊ ရုပ်ထုကို အသစ်တစ်ဖန် ပြန်လည်သွန်းလုပ်ခြင်းတို့မှာ အံ့ဖွယ်နိမိတ်များပင် ဖြစ်သည်။

၎င်းနှင့်အတူ ရဲ့မိသားစုနှင့် အင်ပါယာ၏ ကံကြမ္မာများ မြင့်တက်လာခြင်းမှာ အလွန်မင်္ဂလာရှိသော အတိတ်နိမိတ်ပင်။

"ဝိညာဉ်ကျောက်ဖျာ ပျက်စီးသွားတာကတော့ နှမြောစရာပါပဲ" အကြီးအကဲ ရဲ့ရွှမ်းက စိတ်လှုပ်ရှားစွာ ပြောလိုက်သော်လည်း ရဲ့ချန်းလျန် ဘာတွေးနေမှန်း မသိသဖြင့် ခေါင်းပြန်ငုံ့ထားလိုက်သည်။

ပါရမီစစ်ဆေးတဲ့ ကျောက်ဖျာထက် ဘိုးဘေးရဲ့ ကောင်းချီးပေးမှုက ပိုတန်ဖိုးရှိတာပေါ့။ ဒီကံကြမ္မာအရှိန်အဝါကြောင့် နောက်ထပ် အနှစ်တစ်ရာအတွင်း သူတော်စင်အဆင့် ကျင့်ကြံသူတွေ အများကြီး ထွက်ပေါ်လာနိုင်ပါတယ်။

ရဲ့ချန်းလျန်သည်လည်း မိမိကိုယ်ပေါ်တွင် ထူးခြားသော ကံကြမ္မာအရှိန်အဝါများ လွှမ်းခြုံလာသည်ကို ခံစားမိသည်။

"ဘိုးဘေးရဲ့ ကောင်းချီး ရောက်လာပြီဆိုတော့ ဒါဟာ ကောင်းကင်ဘုံက ငါတို့ တာ့ချန်းအင်ပါယာနဲ့ ရဲ့မိသားစုကို စောင့်ရှောက်တာပဲ။ ဝိညာဉ်ကျောက်ဖျာ ပျက်စီးတဲ့ကိစ္စအတွက် ဘယ်သူ့ကိုမှ အပြစ်မပေးတော့ဘူး ပိုကောင်းတဲ့တစ်ခုကိုပဲ ပြန်ရှာလိုက်ပါ"

အကြီးအကဲများ ထွက်သွားပြီးနောက် ရှောင်ပင်းက ချူနင်အကြောင်းကို အစီရင်ခံသည်။

"ချူနင် ရောက်သွားပြီးမှပဲ ဒီထူးခြားမှုတွေ ဖြစ်တာဆိုတော့ သူကကံကြမ္မာကို ပြောင်းလဲနိုင်တာလား"

ရဲ့ချန်းလျန်က ပြုံးပြီး ခေါင်းခါလိုက်သည်။ "ချူနင်က ဘယ်လောက်ပဲ ထူးချွန်ပါစေ သူက သာမန်လူတစ်ယောက်ပဲ။ ရဲ့မိသားစုရဲ့ ကံကြမ္မာကို သူက မပြောင်းလဲနိုင်ပါဘူး။ ဒါက ဘိုးဘေးရဲ့ အစွမ်းပဲ ဖြစ်မှာပါ။ သူ့ရဲ့ ပါရမီကရော ဘယ်လိုရှိလဲ"

ရှောင်ပင်းက "မသေချာပေမဲ့ ကျောက်ဖျာ မပေါက်ကွဲခင်က အနီရောင်သန်းတဲ့ လိမ္မော်ရောင်အထိ ပြောင်းသွားတာမို့ ပါရမီကတော့ အရမ်းမြင့်မှာပါ" ဟု ဖြေသည်။ ရဲ့ချန်းလျန်က ချူနင့်ကို အခြေခံကျင့်စဉ်စာအုပ် ပေးလိုက်ပြီး စမ်းသပ်ကြည့်ရန် ညွှန်ကြားလိုက်သည်။

ထို့နောက် ရဲ့ချန်းလျန်က ရှောင်ပင်းကို အမိန့်တစ်ခု ပေးလိုက်သည်။ "ယဉ်ကျေးမှုဝန်ကြီးဌာနကို သွားပြီး ငါ အိမ်ရှေ့စံရွေးချယ်တော့မယ်လို့ တစ်လောကလုံးကို ကြေညာခိုင်းလိုက်။ အခုလို ကံကြမ္မာတွေ တက်နေတဲ့အချိန်က အကောင်းဆုံးပဲ"

ရဲ့ချန်းလျန်၏ မျက်နှာလေးမှာ အနည်းငယ် နီမြန်းသွားသည်။ သူမ မင်္ဂလာဆောင်ရတော့မည်။ ဝမ်းထဲက ကလေးနှစ်ယောက်အတွက် ဖခင်တစ်ယောက် လိုအပ်နေပြီလေ။

ချူနင်က စိတ်ထားကောင်းပြီး သူမအပေါ်လည်း ဂရုစိုက်သည်။ ဗိုက်မထွက်လာခင်မှာ ဒီကိစ္စကို အမြန်ဆုံး အဆုံးသတ်ရမည်။

တစ်ဖက်တွင် ချူနင်သည် နန်းတော်ဝင်းအတွင်း အိပ်ပျော်နေစဉ် ရှောင်ပင်းက အပြေးရောက်လာပြီး "ဆရာ အရှင်မက အိမ်ရှေ့စံ ရွေးတော့မယ်လို့ ကြေညာလိုက်ပြီ" ဟု ပြောလိုက်ရာ ချူနင် လန့်နိုးသွားသည်။ 

"ဘာ ငါ့ကိုမကြိုက်လို့ တခြားသူကို ရွေးတော့မှာလားမဖြစ်ဘူး ငါ့သားအတွက် ငါပဲဖခင်ဖြစ်ရမယ်"

ရှောင်ပင်းက ရယ်ပြီး ရှင်းပြသည် "မဟုတ်ပါဘူးဆရာ အရှင်မက လုပ်ထုံးလုပ်နည်းအရ လုပ်ပြတာပါ။ ဘယ်သူတွေပဲ ပါပါ နောက်ဆုံးမှာ ဆရာပဲ ရွေးချယ်ခံရမှာပါ။ ဆရာက မင်္ဂလာဆောင်ဖို့ပဲ စောင့်နေပါ"

ချူနင် စိတ်အေးသွားသည်။ ထို့နောက် ရှောင်ပင်းက အင်ပါယာမိသားစု၏ အခြေခံကျင့်စဉ်စာအုပ်ကို ပေးသည်။ ချူနင်က "ငါလို အင်မော်တယ်ဧကရာဇ်က ဒါကို သင်ရမယ် ဟုတ်လား" ဟု တွေးနေမိသော်လည်း ညဘက် ရဲ့ချန်းလျန်ဆီ သွားပြီး ကျင့်စဉ်အကြောင်း မေးမြန်းရင်း ရင်းနှီးမှုယူရန် အကြံရသွားပြီး "ရှောင်ပင်း မင်းက တကယ့် ပါရမီရှင်ပဲ" ဟု ချီးကျူးလိုက်တော့သည်။