အခန်း ၁၇၈ ဖေဖေ သမီး ခွေးလေးလိုချင်တယ်

ယခင်က မည်သူမျှ မမြင်ဖူးခဲ့သော ထိုပုံရိပ်ကြီး။

ထိုက်ထျန်းနန်းတော်တစ်ခုတည်းသာ ထိုအရှင်နှင့် ဆက်သွယ်မှုရှိခဲ့သော်လည်း ၎င်း၏ ဘုရင်လေးပါးကို လူသားတို့၏ နယ်မြေတွင် သောင်းကျန်းခွင့်ပြုထားခြင်းကပင် အခြေအနေကို ဖော်ပြနေသည်။ ထိုက်ထျန်းနန်းတော်ပင်လျှင် သူတို့ကို ဆန့်ကျင်ရန် မဝံ့ရဲပေ။

မိစ္ဆာမျိုးနွယ်စု၏မဟာဘိုးအေ မိစ္ဆာအပေါင်းတို့၏မူလအစ ထောင်းထီးကပင် သူ၏ "မဟာခမည်းတော်" ဟု ခေါ်ဆိုရသော တည်ရှိမှုကြီး ဖြစ်သည်။

ရောက်ရှိနေသော ထာဝရဧကရာဇ်များမှာ သူတို့၏ ထွက်သက်ဝင်သက်များပင် ပိတ်ဆို့ခံထားရသလို ခံစားနေရသည်။ နှစ်ဖက်စလုံးမှာ ထာဝရဧကရာဇ်များ ဖြစ်ကြသော်လည်း ရှေ့တွင် ဆင်းသက်လာသော ထိုတည်ရှိမှုမှာ ဆင်းသက်လာရုံမျှဖြင့်ပင် တုန်လှုပ်ဖွယ်ရာ ဖိအားများကို ထုတ်ဖော်နေသည်။

အကယ်၍ ငါတို့သာ လှုပ်ရှားလိုက်ရင် ဘာဖြစ်သွားမလဲ။ စုတိန်ဖန်းသည် ခေါင်းမော့ကာ ချူနင်၏ ပုံရိပ်ကို ကြည့်လိုက်သည်။ ချူနင်သည် ကိုယ်တိုင် ရောက်လာခြင်း မဟုတ်ဘဲ ပုံရိပ်ယောင်အနေဖြင့်သာ ပေါ်လာခြင်း ဖြစ်သည်။

သို့သော် ဤအခိုက်အတန့်တွင် စုတိန်ဖန်းမှာ အနည်းငယ် စိုးရိမ်နေမိသည်။ ဤတည်ရှိမှုမှာ သာမန်မဟုတ်သည်မှာ သေချာသည်။ ယခင်က တွေ့ခဲ့သော အလောင်းကောင် ထာဝရဧကရာဇ်ဆိုသည်မှာ ဤနေရာတွင် ပုရွက်ဆိတ်တစ်ကောင်မျှသာ ဖြစ်ပေလိမ့်မည်။

စုတိန်ဖန်းနှင့် တခြားသော မဟာဧကရာဇ်အဆင့်ရှိ ထာဝရဧကရာဇ်များမှာ တိုက်ခိုက်လိုစိတ် လုံးဝ ပျောက်ဆုံးနေကြသည်။ ဝမ်ဟောက်တယ်မှာမူ တုန်ရင်နေပြီ ဖြစ်သည်။ အစွမ်းထက် မိစ္ဆာမျိုးနွယ်စု ရောက်လာပြီ ထောင်းထီးကို သတ်ဖြတ်ရမည့် တန်ဖိုးမှာ အလွန်ပင် ကြီးမားလှသည်။ မိသားစုထဲက အဲဒီ ငတုံးတွေ သေထိုက်တယ်။

သူ့မှာ ထောင်းထီးကို သတ်နိုင်တဲ့ အစွမ်းရှိရင်တောင် စုတိန်ဖန်းတို့ကို လုံးဝ လွှတ်ပေးမှာ မဟုတ်ဘူး ဒီအရှင်ဆင်းသက်လာရင် ဘယ်သူ တားနိုင်မှာလဲ ထိုက်ထျန်းနန်းတော်က အစွမ်းထက် ပုဂ္ဂိုလ်တွေတောင် မတားနိုင်ဘူး သူတို့ မျက်နှာမပြကြတာက ဒီကိစ္စထဲမှာ မပါဝင်ချင်လို့ပဲ။

"မင်းရဲ့ကိုယ်ပွား မဟုတ်ဘဲ မူလကိုယ်ထည်နဲ့ ဘာလို့ဆင်းမလာသေးတာလဲ" ထိုအရှင်က အမူအရာမရှိဘဲ ဖြည်းညှင်းစွာ ပြောလိုက်သည်။

ချူနင်၏ ရွှေရောင်ပုံရိပ်မှာ တိတ်ဆိတ်နေဆဲ ဖြစ်သည်။ အထွတ်အထိပ် တည်ရှိမှု၏ စွမ်းအားများသည် သူ၏ လက်ချောင်းထိပ်များမှ ထွက်ပေါ်လာပြီး ပတ်ဝန်းကျင် ဟင်းလင်းပြင်ကို ပြိုကွဲစေကာ စည်းမျဉ်းစွမ်းအားများကို ရူးသွပ်စွာ ထွက်ပြေးစေသည်!

အထွတ်အထိပ် ဝိညာဉ်ချိတ်ပိတ်လက်ချောင်း

တစ်ကွက်တည်းသာ

ရွှေနဂါးမှာ အမူအရာမရှိဘဲ သူ၏ ရွှေလှံကို ကိုင်ဆောင်ကာ ရှေ့သို့ ရုတ်တရက် ထိုးနှက်လိုက်သည် တောရိုင်းတိုက်ကြီး တစ်ခုလုံး ပြင်းထန်စွာ တုန်ခါသွားပြီး ကောင်းကင်ကြီး ပြိုကျတော့မည့်အတိုင်းပင်။

ဤတစ်ကြိမ်တွင် မည်သည့် အင်အားစုမျှ ငြိမ်မနေနိုင်တော့ပေ။ မူလက ဝင်မပါရန် ကြံရွယ်ထားသော်လည်း ယခုအခါ နှစ်ဖက်စလုံးမှာ ထိပ်တိုက်တွေ့နေပြီ ဖြစ်သည်။ အခုချက်ချင်း အရေးမယူလျှင် မဟာတောရိုင်းတိုက်ကြီး ပျက်စီးသွားနိုင်သည်။

အားလုံးပဲ ဒီကမ္ဘာကို ကာကွယ်ဖို့ ငါနဲ့အတူ လိုက်ခဲ့ကြ။လူသားတို့၏ နယ်မြေတွင် ဤမျှ အစွမ်းထက်သော တည်ရှိမှုမျိုး ဘယ်လိုလုပ် ပေါ်လာရတာလဲ မရေမတွက်နိုင်သော မိစ္ဆာအင်အားစုများ လှည့်ကြည့်လိုက်ကြပြီး သူတို့၏ မျက်လုံးများမှာ အံ့အားသင့်မှုများဖြင့် ပြည့်နှက်နေသည်။

သူက ငါ့အဘိုးကို အစွမ်းကုန် သုံးခိုင်းနိုင်တဲ့အပြင် အဘိုးကသူ့ကို မသတ်နိုင်သေးဘူးလား။

လက်ချောင်းထိပ်နှင့် လှံဖျားတို့ ထိပ်တိုက်တွေ့ဆုံမှုက လူအများအပြားကို ဆွဲဆောင်ထားသည်။ ရွှေနဂါး၏ ခန္ဓာကိုယ်မှာ အလွန် အစွမ်းထက်လှသဖြင့် အနိုင်ယူရန် မလွယ်ကူပေသို့သော် တစ်ကွက်ချင်း လဲလှယ်ပြီးနောက် ၎င်းက သဘောပေါက်သွားသည်။

၎င်းသည် ယှဉ်နိုင်စွမ်း မရှိပေ ပုံရိပ်ယောင်ကိုပင် မယှဉ်နိုင်ပါက မူလကိုယ်ထည်သာ ရောက်လာလျှင် မတွေးဝံ့စရာပင်။ တစ်ချိန်တည်းမှာပင် ၎င်း သိရှိသွားသည်မှာ တစ်ဖက်လူသည် အစွမ်းကုန် မတိုက်ခိုက်ခြင်းမှာ ၎င်းကို ကြောက်၍ မဟုတ်ပေ။ အကြောင်းပြချက် တစ်ခုခုကြောင့် မျိုးနွယ်စုနှစ်ခုအကြား စစ်ပွဲမဖြစ်လိုခြင်းကြောင့် ဖြစ်နိုင်သည်။

စကားတစ်ခွန်းမျှ မဆိုသော်လည်း ရွှေနဂါးသည် ထိုတိုက်ကွက်နောက်ကွယ်က သဘောတရားကို နားလည်သွားသည်။ ၎င်းသည် တိုက်ခိုက်မှုကို ရပ်တန့်ကာ လှံကို ပြန်သိမ်းလိုက်သည်။

ထိုပုံရိပ်မှာ အပြုံးလေးဖြင့် ရှိနေဆဲ ဖြစ်သည်။ ဤလူမှာ သာမန်မဟုတ်ပေ။ သူ၏ အစွမ်းမှာ ၎င်းထက် များစွာ သာလွန်သည်။ ဤမျှ အစွမ်းထက်သော ပုဂ္ဂိုလ်မျိုးသည် အဘယ်ကြောင့် ဤတောရိုင်းမြေတွင် ပေါ်လာနိုင်သနည်း ၎င်းသည် စကားမဆိုဘဲ သဘောတူညီချက်အတိုင်း ဆုတ်ခွာသွားသည်။

တောရိုင်းတိုက်ကြီး၏ ထိပ်တန်းအင်အားစုများမှာ ဤမြင်ကွင်းကြောင့် အလွန်အမင်း တုန်လှုပ်သွားကြသည်။ လူသားတစ်ဦး၏ တည်ရှိမှုမှာ အစွမ်းအထက်ဆုံး မိစ္ဆာမျိုးနွယ်ကိုပင် နှိမ်နင်းနိုင်သည်တဲ့လား ထိုက်ထျန်းနန်းတော်က လူတစ်ယောက်မှ မလှုပ်ရှားရသေးပေ ဤလူသည် ထိုက်ထျန်းနန်းတော်၏ အထက်တွင် ရှိနေသည်။

ပုံရိပ်မှာ ဖြည်းဖြည်းချင်း ပျောက်ကွယ်သွားသည်။ စုတိန်ဖန်းတို့မှာ ချက်ချင်းပင် ဦးညွှတ် အလေးပြုကြသည်။

"ကျေးဇူးတင်ပါတယ် ဧကရာဇ်မင်းမြတ်"

ဧကရာဇ်

ဤအခိုက်အတန့်တွင် အင်အားစု အသီးသီးမှာ ကိုယ်ပိုင် အတွေးကိုယ်စီ ရှိနေကြသည်။ ဤမျှ အစွမ်းထက်လှသည်။ သူတို့နှင့် မိတ်ဖွဲ့ရမည် မိစ္ဆာမျိုးနွယ်ကို ရင်ဆိုင်ရန်အတွက် ဤကဲ့သို့သော အစွမ်းထက် ပုဂ္ဂိုလ်မျိုး သူတို့ လိုအပ်သည် သူတို့ကိုသာ ဆွဲဆောင်နိုင်ရင် ဝမ်မိသားစုခေါင်းဆောင် ဝမ်ဟောက်တယ်မှာလည်း အလျင်အမြန် ဒူးထောက်လိုက်သည်။

"ယိုဟဲ ရှေးဟောင်းမျိုးနွယ်စုကိုယ်စား ဧကရာဇ်မင်းမြတ်ကို ကျေးဇူးတင်ရှိကြောင်း ပြောကြားလိုပါတယ်"

ဤကိစ္စမှာ ယိုဟဲမျိုးနွယ်စုကြောင့် စတင်ခဲ့ခြင်း ဖြစ်သည်။ ဤအရှင်သည် ယိုဟဲမျိုးနွယ်စုကို အမြစ်ပြတ် သုတ်သင်ပစ်ရန် အစွမ်းအပြည့် ရှိသည်။ သို့သော် သူ မလုပ်ခဲ့ပေ။ စုတိန်ဖန်းတို့၏ မျက်နှာကြောင့် ဖြစ်နိုင်သလို သူ၏ မြင့်မြတ်သော စိတ်ထားကြောင့်လည်း ဖြစ်နိုင်သည်။

စုတိန်ဖန်းတို့က ၎င်းကို ပထမဆုံးမြင်စဉ်ကပင် မကြောက်ရွံ့ခဲ့ကြသည်မှာ မဆန်းတော့ပေ။ ယင်းအစား သူ့ကိုသတ်ရမလား မသတ်ဘူးလားဆိုတာကိုသာ စဉ်းစားနေခဲ့ကြခြင်း ဖြစ်သည်။ တောက်ဒီကောင်တွေက သူ့ကို တကယ် ဖြုတ်ချနိုင်တာပဲ။

နန်းတော်သခင်စု ဒီကိစ္စက ကျွန်တော့်မိသားစုရဲ့ စည်းကမ်းမရှိမှုကြောင့် ဖြစ်ရတာပါ။ကျွန်တော် နန်းတော်သခင်စုတို့ အဖွဲ့ကို သေချာပေါက် ရှင်းပြပါ့မယ်။ စုတိန်ဖန်းက အနက်အဓိပ္ပာယ်ပါသော အပြုံးဖြင့် ပြုံးလိုက်သည်။

ဧကရာဇ်မင်းမြတ်က အဲဒီလူတွေကို ကိုင်တွယ်ပြီးပြီဆိုတော့ အရမ်း အပြစ်မရှိသလို မခံစားပါနဲ့။

ဝမ်မိသားစုခေါင်းဆောင်က အမှားအမှန်ကို ခွဲခြားနိုင်တဲ့သူဖြစ်နေလို့သာ ဝမ်မိသားစုက ဧကရာဇ်မင်းမြတ်နဲ့ ဆက်ဆံရေး ရှိနေနိုင်တာပါ။ ဝမ်ဟောက်တယ် ခဏ ကြောင်သွားသည်။ ကိုင်တွယ်ပြီးပြီ ဟုတ်လား။

သူ့နောက်တွင် ကျန်ရှိနေသော အကြီးအကဲ အချို့က ကြောက်ရွံ့စွာဖြင့် လာရောက် သတင်းပို့ကြသည်။

"မျိုးနွယ်စုခေါင်းဆောင်"

မိသားစုထဲက အကြီးအကဲ ခုနစ်ယောက်ဟာ မဟာဧကရာဇ် အဆင့်ကနေ တာအိုအထွတ်အထိပ် အဆင့်ကို ကျဆင်းသွားပါပြီ။

သူတို့က မိသားစုထဲက ပါရမီအရှိဆုံး လူငယ်တွေလောက်တောင် အစွမ်းမရှိတော့ပါဘူး ခေါင်းဆောင်သွားကြည့်ပေးပါဦး။

ဤအခိုက်အတန့်တွင် ဝမ်ဟောက်တယ်မှာ အံ့သြ ကြောက်ရွံ့မှုများဖြင့်သာ ပြည့်နှက်နေသည်။ သူ့ကို သတ်ပစ်တာ မဟုတ်ဘဲ ကျင့်ကြံမှုကို ချိုးနှိမ်လိုက်တာ။ ထာဝရကြယ်စုနယ်မြေက လူတွေက တကယ်ကို ယဉ်ကျေးသိမ်မွေ့ကြတာပဲ သူကတောင် မိသားစုအတွက် အဲဒီလူတွေကို သတ်ပစ်ချင်နေတာ။

"ကျေးဇူးတင်ပါတယ် ဧကရာဇ်မင်းမြတ်"

ရန်ငြိုးမထားတဲ့အတွက် ကျေးဇူးတင်ပါတယ် နန်းတော်သခင်စု။

ရပါတယ် ဒါတွေက ဧကရာဇ်မင်းမြတ်ရဲ့ ဆန္ဒတွေပဲ ငါတို့နဲ့ မဆိုင်ဘူး။ ငါတို့က မဟာတောရိုင်းတိုက်ကြီးမှာ အခြေချဖို့ လာတာပဲ လူသားမျိုးနွယ်ကို သတ်ဖြတ်ဖို့ ဒါမှမဟုတ် ထိခိုက်စေဖို့ ရည်ရွယ်ချက် မရှိဘူး။ စုတိန်ဖန်းက လက်ကို နောက်ပစ်ကာ မြင့်မြတ်သော ပုဂ္ဂိုလ်တစ်ဦးကဲ့သို့ ရပ်နေသည်။

ငါတို့ရဲ့ ထာဝရကြယ်စုနယ်မြေဟာ ဧကရာဇ်မင်းမြတ်ရဲ့ စတိုင်အတိုင်းပဲ လိုက်နာတယ်။ရန်မမူရင် ငါတို့ မတိုက်ဘူး။ အကယ်၍ တစ်စုံတစ်ယောက်က ငါတို့ကို စော်ကားရင်တော့ သူတို့ရဲ့ မျိုးနွယ်တစ်ခုလုံးကို ဖျက်ဆီးပစ်မယ်။

ဝမ်ဟောက်တယ်သာ မလာခဲ့ရင် သူလှုပ်ရှားမှာ မဟုတ်ဘူး။ ထိုမျိုးနွယ်တစ်ခုတည်းသာ အမှန်တကယ် ပျက်စီးသွားပုံရသည်။ သူတို့က စည်းဘောင်တွေကို သေချာ သိကြသည် ၎င်းပြင် သူတို့က ယဉ်ကျေးမှုကို အလေးထားသော နိုင်ငံဖြစ်ပြီး အကျိုးအကြောင်းနှင့် စည်းမျဉ်းများကို တန်ဖိုးထားကြသည်။

ဝမ်ဟောက်တယ်က သက်ပြင်းရှည်ကြီး ချလိုက်သည်။ ထာဝရကြယ်စုနယ်မြေက ဧကရာဇ်ရဲ့ အရှိန်အဝါက တကယ့်ကို အံ့မခန်းပါပဲ။ ကျွန်တော်ရော ကျွန်တော့်ရဲ့ ယိုဟဲမျိုးနွယ်စုရော သူ့ကို အထူးပင် လေးစားမိပါတယ်။ ထိုအချိန်တွင် အဝေးမှ ပုံရိပ်အချို့ ရောက်ရှိလာသည်။

မျိုးနွယ်စုခေါင်းဆောင် ဖုန်းမင်မိသားစုခေါင်းဆောင်က တွေ့ဆုံခွင့် တောင်းနေပါတယ်။

"မိသားစုအရှင် ထိုက်ထျန်းနန်းတော် နန်းတော်သခင်က"

ဝမ်ဟောက်တယ်၏ မျက်လုံးများ ကျဉ်းမြောင်းသွားပြီး စုတိန်ဖန်းကို ငေးကြည့်လိုက်သည်။ ရှေးဦးလူသားမျိုးနွယ်စု၏ အစွမ်းအထက်ဆုံး အင်အားစုဖြစ်သော ထိုက်ထျန်းနန်းတော်၏ အရှင်သခင်ပင်လျှင် တိုက်ရိုက်မလာဘဲ တွေ့ဆုံခွင့် တောင်းနေသည် ဤလုပ်ရပ်မှာ သတင်းအချက်အလက်များစွာ ပါဝင်နေသည်။

"နန်းတော်သခင်စု ဘယ်လိုထင်သလဲ"

ဧကရာဇ်မင်းမြတ်က မိန့်ကြားဖူးတယ် အဝေးမှ မိတ်ဆွေများ လာရောက်ခြင်းသည် ဝေးကွာနေသော်လည်း ငါတို့ သေချာပေါက် အပြစ်ပေးရမည် အဲ မဟုတ်ဘူး ဒါက ပျော်ရွှင်စရာ အခါသမယ မဟုတ်ပါလားတဲ့။(မှတ်ချက် - စုတိန်ဖန်း စာသားမှားရွတ်မိခြင်းဖြစ်သည်)

-----------

"ဒါဆို တွေ့ကြတာပေါ့"

"ဖေဖေ သမီးတို့ တကယ် သွားလို့ရပြီလား"

ဖေဖေ ကတိပေးထားသားပဲ အဘိုးစုတို့ အခြေအနေကို သေချာ စုံစမ်းပြီးရင် သွားမယ်လို့။ အခု အကုန်လုံး အဆင်ပြေသွားပြီ နန်းတော်ခွဲလည်း တည်ထောင်ပြီးပြီဆိုတော့ ယောင်ယောင်လေးကို အဲဒီမှာ သွားဆော့ခိုင်းရမှာပေါ့။

"ဟေးးး"

ချူမူက အဝတ်အစားများ လဲလှယ်ပြီးပြီဖြစ်သော်လည်း သူ၏ ရင်ထဲတွင် တုန်လှုပ်နေဆဲဖြစ်သည်။ လပိုင်းအတွင်းမှာတင် မဟာတောရိုင်းတိုက်ကြီးမှာ အင်အားကြီးတစ်ခု တည်ဆောက်နိုင်ခဲ့တယ် အဲဒါ တကယ် မြန်လွန်းတယ်။

စကြဝဠာရဲ့ ဟိုးအပြင်ဘက်က ဗဟိုတိုက်ကြီး မဟာတောရိုင်းတိုက်ကြီး မဟာဧကရာဇ်ဆိုတာ အစပြုခြင်းပဲ ရှိသေးတယ် ငါ သေချာပေါက် သွားကြည့်ရမယ်။

"မြက်" (တရုတ်ဆဲဆိုသံတစ်ခု)

ကမ်းခြေတွင် အနက်ရောင် ဘောလုံးလေးတစ်ခု မျှောလာပြီး နိုင်ငံတော်အဆင့် ရတနာတစ်ခုလို အသံထွက်လာသည်။

"တောက် တော်သေးတာပေါ့ အဲဒီလူက ငါ့ရဲ့ အတိတ်၊ ပစ္စုပ္ပန်နဲ့ အနာဂတ်ကို ဖျက်ဆီးဖို့ ပျင်းနေလို့။ မဟုတ်ရင် ငါဒီနည်းလမ်းနဲ့ ပြန်မမွေးဖွားနိုင်ဘူး။ အဲဒါက ဘာကြီးလဲ အရမ်း အစွမ်းထက်တာပဲ"

ဒါပေမဲ့ သူလည်း မဟာခမည်းတော်ရဲ့ သတ်တာ ခံလိုက်ရလောက်ပါပြီ။ မဟာတောရိုင်းတိုက်ကြီးမှာ ဒီလိုလာသောင်းကျန်းရဲတယ် သူက တကယ်ပဲ မဟာခမည်းတော်ရဲ့ မွေးစားသားလို့ ထင်နေတာလား။ ထောင်းထီးက သက်ပြင်းချရင်း ဝမ်းနည်းကြေကွဲမှုများနှင့် ပြည့်နှက်နေသည်။

နှမြောစရာကောင်းတာက ငါ့ရဲ့ ကျင့်ကြံမှုတွေ အကုန် ပျောက်ကုန်ပြီ။ အဘိုးရဲ့ နယ်မြေကို ပြန်သွားပြီး ကျင့်ကြံမှုတွေ အရင် ပြန်ဆယ်ရမယ်။

ထိုအချိန်တွင် ကောင်းကင်မှ လူတစ်စု ဆင်းသက်လာသည်။ သူတို့မှာ မိသားစု လေးယောက် ဖြစ်ပုံရသည်။ အရပ်ပုပု မိန်းကလေးငယ်လေးက ၎င်းကို ချက်ချင်းမြင်သွားသည်။

"ဟေး ဖေဖေ ကြည့်ဦး ဟိုမှာခွေးလေး တစ်ကောင်"

"အဲဒါ ခွေးမဟုတ်ဘူး ဘောလုံးကြီးပါ။"

အိမ်ကို ခေါ်သွားရအောင် ဒီခွေးဘောလုံးလေးက အရမ်းချစ်ဖို့ကောင်းတယ်။

အမျိုးသမီးက ဆူလိုက်သည်။.အဲဒီအရာက အရှင်လား သေနေတာလားတောင် မသိဘူး ဘာလို့ ယူမှာလဲ ရုပ်ဆိုးလိုက်တာ။

လိုချင်တယ် လိုချင်တယ်မေမေ... သမီး မေမေ့ကို စိတ်မဆိုးတော့ဘူး အဲဒီခွေးဘောလုံးလေးကိုပဲ ယူသွားပါရစေ သူက အသက်ရှိတယ် လှုပ်နေတာ သမီးမြင်တယ်။

တကယ်ပါပဲ ရှင်သူ့ကို အရမ်းအလိုလိုက်ထားလို့ အခု ယောင်ယောင်က တွေ့သမျှ အကုန် အိမ်သယ်ချင်နေပြီ။

"အော် ကလေးပဲဟာ"

ခွင့်ပြုချက်ရသွားသော မိန်းကလေးငယ်လေးသည် ခွေးဘောလုံးကို လက်ဖြင့် လှမ်းကိုင်လိုက်သည်။ ၎င်းမှာ အနက်ရောင် လုံးဝိုင်းနေသော ဘောလုံးဖြစ်ပြီး လက်တစ်ဖက်ဖြင့် ကိုင်ရန် အနေတော်ပင် ဖြစ်သည်။

ဟယ်လို ခွေးလေး ငါ့နာမည်က ယောင်ယောင် အခုကစပြီး နင်ကငါ့ခွေးလေးပဲ။