အခန်း ၁၇၅ မိစ္ဆာကြီးကို သတ်ကြစို့။

ညမှောင်လာသည်နှင့်အမျှ ကောင်းကင်ယံ၌ ကြယ်တာရာများ စီခြယ်လင်းလက်နေသည်။

စံအိမ်တော်အတွင်း၌ စုတိန်ဖန်းနှင့် ထာဝရကြယ်စုနယ်မြေမှ မဟာဧကရာဇ်များသည် သူတို့ရှေ့သို့ ရောက်လာသော ယိုဟဲရှေးဟောင်းမျိုးနွယ်စု၏ ခေါင်းဆောင်အကြီးအကဲ ဝမ်မင်ရီကို နားမလည်နိုင်သော အမူအရာဖြင့် ကြည့်နေကြသည်။

ဒါက ဘာသဘောလဲ ယဉ်ကျေးမှုအရဆိုရင်တော့ ဒါက အဆင့်ကျော်လွန်းနေပြီ မဟုတ်လား။

ဝမ်မင်ရီက ခပ်ဖွဖွရယ်မောရင်း ပြောလိုက်သည်။ ဒီအရင်းအမြစ်တွေက တကယ်တော့ လွန်ခဲ့တဲ့ တစ်ချိန်က ကျွန်တော်တို့ မိသားစုက တခြားကြယ်စုနယ်မြေတွေဆီကနေ ရယူခဲ့တာပါ။"

ဒီအရင်းအမြစ်တွေကို အဲဒီမိစ္ဆာကြီးကို ဆက်သဖို့ သုံးရပါတယ်။ အကယ်၍ အဲဒီမိစ္ဆာကြီးကို မဆက်သနိုင်တော့ဘူးဆိုရင် ကျွန်တော်တို့ မျိုးနွယ်စုတစ်ခုလုံး အမြစ်ပြတ် သုတ်သင်ခံရနိုင်ပါတယ်။ ဤနေရာတွင် အဘိုးအို၏ မျက်နှာမှာ အတော်ပင် ပူပန်နေပုံရသည်။

ဒါပေမဲ့ ဒီနေ့မှာတော့ မင်းတို့အားလုံးက အဲဒီမိစ္ဆာကြီးအကြောင်းကို ပြောနေကြတာ ကြားရတယ် မင်းတို့က သူ့ကိုကြောက်ပုံလည်း မရဘူး။ သူက စုတိန်ဖန်းကို စိုက်ကြည့်လိုက်သည်။

ဝမ်ဝမ်သေဆုံးမှုက ကျွန်တော်တို့ အမှားဆိုတာ သိပါတယ်။ ဒါပေမဲ့ ကျွန်တော်တို့ မိသားစုက ဝမ်ဝမ်နဲ့ တခြားလူတွေကို မျိုးနွယ်စုကနေ ထုတ်ပယ်ပြီး နှင်ထုတ်လိုက်ပါပြီ။ ဒါဟာ အရင်က လုပ်ရပ်တွေအတွက် တောင်းပန်မှုလို့ မှတ်ယူပေးစေချင်ပါတယ်။

အခု ကျွန်တော်တို့ မျိုးနွယ်စုခေါင်းဆောင်က မင်းတို့အပေါ် အရမ်းလေးစားမှု ရှိနေသလို မင်းတို့ကလည်း အဲဒီမိစ္ဆာကြီးရဲ့ တည်ရှိမှုကို ကြားတာတောင် မကြောက်ဘူးဆိုတော့ ဒီအရင်းအမြစ်တွေကို မင်းတို့ကို ကမ်းလှမ်းချင်ပါတယ်။

အကယ်၍ မင်းတို့က အဲဒီမိစ္ဆာကြီးကို သတ်ပေးပြီး ဒီဘေးဒုက္ခကို အမြစ်ပြတ် ရှင်းပေးနိုင်မယ်ဆိုရင် ကျွန်တော်တို့ တကယ့်ကို လွတ်လပ်သွားမှာပါ။ အဲဒီနောက်မှာလည်း ထိုက်တန်တဲ့ ဆုလာဘ်တွေ ထပ်ပေးပါ့မယ်။

စုတိန်ဖန်းက ဒါကို ကြားသောအခါ ဝမ်းသာသွားသည်။

ဒါဟာ သတင်းကောင်းပဲ ဧကရာဇ်မင်းမြတ်က သူတို့ကိုပြဿနာဖြေရှင်းဖို့ ဧကရာဇ်ရဲ့ ဂုဏ်သတင်းကို မြှင့်တင်ဖို့နဲ့ အရင်းအမြစ်တွေ ရယူဖို့ခိုင်းထားတာ မဟုတ်လား။

အခုပဲ တစ်ယောက်ယောက်ကို သွားမေးတော့မည့်ဆဲဆဲမှာ ဒီလူတွေက အရင်းအမြစ်တွေ ကမ်းလှမ်းပြီး အကူအညီ လာတောင်းနေကြသည်။ ဒါဟာ တစ်ချက်ခုတ် နှစ်ချက်ပြတ်ပဲ

စုတိန်ဖန်းက ခပ်အုပ်အုပ် ချောင်းဟန့်လိုက်ပြီး သိုလှောင်လက်စွပ်ထဲရှိ အရင်းအမြစ်များကို တစ်ချက်ကြည့်လိုက်ရုံနှင့်ပင် စိတ်လှုပ်ရှားသွားသည်။

 ကြယ်စုစနစ်များစွာမှ သိမ်းကျုံးလုယူထားသော အရင်းအမြစ်များ ဖြစ်သဖြင့် ပမာဏမှာ အလွန်များပြားလှသည်။ ဝမ်မိသားစု၏ လုပ်ရပ်မှာ အလွန်အကျွံ ဖြစ်ခဲ့သော်လည်း အခုတော့ ဒါတွေက သူတို့ (စုတိန်ဖန်းတို့) အတွက် အသုံးဝင်လာပြီဖြစ်သည်။

သူတို့တွင် အနာဂတ်၌ မဟာဧကရာဇ်များနှင့် အခြားအင်အားကြီးသူများ ပေါ်ထွန်းလာစေရန် အရင်းအမြစ် အမြောက်အမြား လိုအပ်သည်။ ဤအရင်းအမြစ်များမှာ လုံလောက်မှုရှိသည်။ ထို့ပြင် အဲဒီမိစ္ဆာကြီးကို သတ်နိုင်လျှင် ပို၍ပင် ရဦးမည်။

တကယ်တော့ ကျွန်တော်တို့လည်း ဒီနေ့ အဲဒါကိုပဲ မေးမလို့ပါ အဲဒီမိစ္ဆာကြီးကို ဘယ်လို ရှာလို့ရမလဲ။ ဝမ်မင်ရီက ချက်ချင်းပင် အလွန်ဝမ်းသာသွားပြီး စိတ်လှုပ်ရှားမှုများ မျက်နှာပေါ်တွင် ပေါ်လာသည်။

နန်းတော်သခင်စုက တကယ်ပဲ လှုပ်ရှားပေးမှာလား။ ဝမ်မင်ရီ စိတ်ထဲတွင်တော့ တစ်မျိုးတွေးနေသည်။ သူတို့က ဘယ်အရာက အရေးကြီးလဲဆိုတာကို ခွဲခြားနိုင်ပုံမရဘူး။ မဟာဧကရာဇ်တစ်ပါးကို သတ်ခဲ့ဖူးတဲ့ မသေမျိုးဧကရာဇ်က ဒါလေးပေးရုံနဲ့ အလုပ်ဖြစ်မယ်လို့ တကယ်ပဲ ထင်နေတာလား။ ပွင့်ပွင့်လင်းလင်း ပြောရလျှင် ဒီအရင်းအမြစ်တွေက အချည်းနှီး ဖြစ်သွားလိမ့်မည်။

အကယ်၍ အဲဒီမိစ္ဆာကြီးရောက်လာလျှင် ယိုဟဲမျိုးနွယ်စုက အရင်းအမြစ်တွေကို အခိုးခံလိုက်ရတယ် မင်းကိုဆက်သဖို့ လုပ်ထားပေမဲ့ တစ်ယောက်ယောက်က လုသွားလို့ ငါတို့ ဘာမှမတတ်နိုင်ဘူးဟု ပြောနိုင်မည် ဖြစ်သည်။

ဒါကြောင့် စုတိန်ဖန်းတို့အဖွဲ့က သူတို့အတွက် ဓားစာခံဖြစ်သွားမည်။ အရင်းအမြစ်တွေ ပေးလိုက်မည်ပြီးလျှင် အဲဒီမိစ္ဆာကြီးရဲ့ အစွမ်းကို သုံးပြီး ဒီလူတွေကို သတ်ပစ်မည်။

အရင်းအမြစ်တွေပြန်ရမည် ဒုက္ခတွေလည်း ပြီးသွားမည် ထိုက်ဟွမ်ကလည်း အရင်အတိုင်း ရှိနေမည်။ အဲဒီမိစ္ဆာကြီးကလည်း သူတို့ကို ဆက်ပြီး လိုအပ်နေဦးမည်။ တစ်ချိန်တည်းမှာပင် သူတို့သည် ထိုထာဝရကြယ်စုနယ်မြေကိုလည်း သိမ်းပိုက်နိုင်လိမ့်မည်။ ဒါဟာ မကောင်းဘူးလား။

ဒါပေမဲ့ သူအံ့သြသွားတာက စုတိန်ဖန်းက လုံးဝ ငြင်းဆန်ခြင်း မရှိတာပဲဖြစ်သည်။ သူတို့က အရမ်းကို မိုက်မဲပြီး မာနကြီးလွန်းတာပဲ။ လက်ဆောင်ပေးတာကိုတောင် ချက်ချင်းလက်ခံတယ် ဆင်ခြေတောင် ပေးမနေဘူး။

ဒီကိစ္စကို ကျွန်တော်တို့ဆီသာ လွှဲထားလိုက်

စုတိန်ဖန်းက ပြုံးလျက် ယုံကြည်မှုအပြည့်ဖြင့် ပြောလိုက်သည်။ ဤယုံကြည်မှုမှာ ဧကရာဇ်မင်းမြတ်ထံမှ လာခြင်းဖြစ်သည်။ ဘေးဒုက္ခ ၉,၈၀၀ အကြောင်း ကြားတာတောင် ဧကရာဇ်မင်းမြတ်က အေးဆေးပင်။ဧကရာဇ်မင်းမြတ်ရဲ့အမည်ကို ခေါ်ဆိုလိုက်သည်နှင့် အဲဒီမိစ္ဆာကြီးက ပြဿနာမဟုတ်တော့ပေ။

ထို့ပြင် အမည်ကို ရွတ်ဆိုလိုက်ခြင်းက သူတို့၏ ကျင့်ကြံမှုကို တိုက်ရိုက်မြင့်တက်စေသည်။ ဧကရာဇ်တစ်ပိုင်းက မဟာဧကရာဇ်ဖြစ်သွားမည်။ မဟာဧကရာဇ်က မသေမျိုးဧကရာဇ် ဖြစ်သွားမည် သူတို့တွင် မဟာဧကရာဇ်လေးဦးရှိရာ မသေမျိုးဧကရာဇ် လေးဦးနှင့် ညီမျှနေပြီဖြစ်သည်။ 

တကယ်လို့သာ မနိုင်ဘူးဆိုရင်တော့ ဧကရာဇ်မင်းမြတ်ကို မျက်နှာပျက်အောင် လုပ်သလို ဖြစ်သွားမှာမို့ ပြန်ပြီး အိပ်နေတာကမှ ပိုကောင်းဦးမည်။ ဒါပေမဲ့ တစ်ခုတော့ အရင်ရှင်းထားရမယ်။

နန်းတော်သခင်စု သဘောတူမယ်ဆိုရင် ကျန်တာတွေက ကျွန်တော်တို့ လိုချင်တဲ့အရာတွေပါပဲ။ ဘာကိုမဆို သဘောတူနိုင်ပါတယ်

စုတိန်ဖန်းက ပြုံးပြီး အရင်းအမြစ်များကို သိမ်းလိုက်သည်။

အဲဒီမိစ္ဆာကြီးကို သတ်ပြီးရင် သူ့ဆီကရတဲ့ အရင်းအမြစ် အားလုံးကို ကျွန်တော်တို့ပဲ ယူမယ်။ ဘာဖြစ်လို့လဲဆိုတော့ ဒီကိစ္စက မင်းတို့ ယိုဟဲမျိုးနွယ်စုနဲ့ မဆိုင်တော့လို့ပဲ။

ဝမ်မင်ရီ၏ မျက်လုံးများ မှေးသွားပြီး စိတ်ကို အတင်းထိန်းလိုက်ရသည်။ ဘယ်လောက်တောင် မာနကြီးပြီး ရိုင်းလိုက်သလဲ ငါတို့ ရှေးဟောင်းမျိုးနွယ်စုဝင်ပါစရာ မလိုဘူးတဲ့လား မင်းကငါတို့မျိုးနွယ်စုနဲ့ ပူးပေါင်းပြီး အဲဒီမိစ္ဆာကြီးကို တိုက်ရမယ် ထင်နေတာလား အဓိပ္ပာယ်မရှိလိုက်တာ။

ဟား... ဟား... သေချာတာပေါ့ အဲဒီမိစ္ဆာကြီးကို သတ်နိုင်မယ်ဆိုရင် အရင်းအမြစ် အားလုံးက အထွတ်အထိပ်ဧကရာဇ်နန်းတော် ပိုင်တာပေါ့။ တခြား ဘယ်မိသားစုကမှ ဘာမှ မပြောရဲစေရဘူး။

"ရပြီ" မဟာဧကရာဇ်များ ဝမ်းသာသွားကြသည်။

သို့သော် စုတိန်ဖန်းက နောက်ထပ် တောင်းဆိုချက်တစ်ခု လုပ်လိုက်ပြန်သည်။

ဒါပေမဲ့ တခြားမိသားစုတွေ ဆက်သဖို့ စုထားတဲ့ ဒီခေတ်ရဲ့ အရင်းအမြစ်တွေကိုလည်း မိစ္ဆာကြီးကို သတ်ပြီးရင် ငါတို့ပဲယူမယ်။ သူတို့ကလည်း ငါတို့ကိုပေးရမယ်။

ဟုတ်ကဲ့... ဟုတ်ကဲ့... အဲဒါကို ကျွန်တော် သွားပြီး ဆွေးနွေးပေးပါ့မယ်။

မာနကြီးလိုက်တာ အစွမ်းကုန် မာနကြီးလိုက်တာ မင်းတို့က အဲဒီမိစ္ဆာကြီးကို သတ်ပြီးသွားတဲ့အထိတောင် ကြိုတွေးထားကြတာလား သူတို့ တကယ်ပဲ ရူးသွားတာလား ဘယ်လို သေသွားမလဲဆိုတာတောင် သိမှာမဟုတ်ဘူး။ စုတိန်ဖန်း၏ တပည့်များကတော့ သူတို့ ဆရာကို အားကျစွာ ကြည့်နေကြသည်။

 အခြေအနေကို ညှိနှိုင်းရမှာတော့ ဆရာစုမှ ဆရာစုပဲ ယိုဟဲမျိုးနွယ်စုတင်မကဘဲ တခြားရှေးဟောင်းမျိုးနွယ်စုတွေဆီက အရင်းအမြစ်တွေကိုပါ ယူဦးမှာတဲ့။ မိစ္ဆာကြီးကို သတ်ပြီးရမယ့် အရင်းအမြစ်တွေလည်း ရှိသေးတယ်... ချမ်းသာပြီဟေ့။

ဘယ်တော့ ထွက်ကြမှာလဲ အဲဒီမိစ္ဆာကြီးကို ဘယ်လို ရှာမလဲ ဝမ်မင်ရီက ပြုံးပြီး ပြောသည်။ အဲဒီမိစ္ဆာကြီးက ခြေရာလက်ရာမရှိ သွားလာတတ်ပေမဲ့ သူ့ကို ခေါ်ယူနိုင်တဲ့ ပူဇော်ပလ္လင်တစ်ခု ရှိပါတယ်။

ဒီလို လုပ်ကြရင် ဘယ်လိုလဲ မင်းတို့က ယုံကြည်မှုရှိနေတော့ ငါတို့မိသားစုနှစ်ခု ပူးပေါင်းကြတာပေါ့။ မင်းတို့ကို အရင်းအမြစ်တွေလည်း ပေးထားပြီးပြီ မဟုတ်လား။

"အင်း... ပြီးတော့ကော"

မင်းတို့က ငါတို့ ယိုဟဲမျိုးနွယ်စုရဲ့ အရင်းအမြစ်တွေကို လုယူသွားတယ်လို့ ငါတို့က သတင်းလွှင့်မယ်။ အဲဒီအခါ မိစ္ဆာကြီးက ဒေါသတကြီးနဲ့ ကိုယ်တိုင် ဆင်းလာလိမ့်မယ်။ အဲဒီအခါကျမှ မင်းတို့က တိုက်ကြတာပေါ့။ တကယ်လို့ အဆင်မပြေရင် ငါတို့မျိုးနွယ်စု တစ်ခုလုံးကလည်း ဝိုင်းကူမှာပါ။ စုတိန်ဖန်းက လက်ဝှေ့ယမ်းလိုက်သည်။ မင်းတို့က ဧကရာဇ်မင်းမြတ်ကို အထင်သေးနေတာလား။ ဧကရာဇ်မင်းမြတ်က မိန့်ထားပြီးသားပဲ။

"မလိုဘူး... မလိုဘူး"

မင်းတို့ ဝင်ပါတာက မသင့်တော်ဘူး။ တကယ်လို့ ငါတို့ရမယ့် အရင်းအမြစ်တွေကို မင်းတို့က ခွဲယူချင်နေရင် ဘယ်လိုလုပ်မလဲ

စုတိန်ဖန်းက ဝမ်မင်ရီကို ကြည့်ပြီး စိတ်အားထက်သန်စွာ ပြောလိုက်သည်။

ကောင်းလိုက်တဲ့ အကြံ.တကယ်ကို ပါးနပ်တဲ့ အစီအစဥ်ပဲ။ မင်းတို့ ပြောတဲ့အတိုင်းပဲ လုပ်ရအောင်။ ဒါပေမဲ့ ငါတို့ ဒီမှာပဲ ရှိနေတာက နည်းနည်းတော့ မသင့်တော်ဘူး မဟုတ်လား။

ဒါကို သေချာ စီစဉ်ရအောင် မင်းတို့ အရင်းအမြစ်တွေကို လုယူပြီးပြီဆိုတော့ ထွက်ပြေးဖို့ လိုလိမ့်မယ်။ အရင်ဆုံး ပင်လယ်ဘက်ကို ထွက်သွားလိုက် အဲဒီမိစ္ဆာကြီး လိုက်လာတဲ့အခါကျမှ သူ့ကို သတ်လိုက်ပေါ့။

ဒီလိုဆိုရင် ပျက်စီးဆုံးရှုံးမှုကို အနည်းဆုံး ဖြစ်စေမှာပါ။ မင်းတို့ ထိုက်ဟွမ်ကလူတွေက ဧည့်ဝတ်ကျေရုံတင်မကဘူး တကယ့်ကို ဉာဏ်ကောင်းကြတာပဲ။ စုတိန်ဖန်းပင်လျှင် မထိန်းနိုင်တော့ဘဲ ဝမ်မင်ရီ၏ လက်ကို ဆွဲကိုင်လိုက်သည်။

တကယ်ကို သဘောကောင်းတဲ့လူပဲ ဒီအတိုင်းပဲ လုပ်ကြစို့။ဒါနဲ့ အဲဒီမိစ္ဆာကြီး နာမည်က ဘာလဲ ဝမ်မင်ရီက လေးနက်သော လေသံဖြင့် ဖြေလိုက်သည်။

"ထောင်းထီး "

အဘိုးအို နှစ်ဦးစလုံးသည် ကိုယ်စီ အကြံအစည်များဖြင့် ချက်ချင်းပင် လက်တွဲသွားကြတော့သည်။

"ဟားဟား ဒါဆို အတည်ပဲနော်"

မင်းတို့ ပြောတဲ့အတိုင်းပဲ လုပ်မယ် ဝမ်မင်ရီလည်း အားရပါးရ ရယ်မောလိုက်သည်။ ကောင်းပြီ ဒီအတိုင်းပဲ လုပ်ကြတာပေါ့။

မနက်ဖြန်ကျရင် ပြင်ဆင်စရာရှိတာတွေ ပြင်ဆင်လိုက်ကြရအောင်။