အခန်း ၁၇၄ လက်ဆောင်အကြီးကြီး ဟုတ်လား

ယိုဟဲရှေးဟောင်းမျိုးနွယ်စုအတွင်း ကျင့်ကြံသူတစ်စုသည် ကောင်းကင်ယံ၌ ပျံသန်းရင်း ဤလောကကြီးကို အပေါ်စီးမှ ကြည့်ရှုနေကြသည်။ နှစ်ပေါင်းများစွာ စုဆောင်းလာခဲ့သော ရှေးဟောင်းယဉ်ကျေးမှု၏ အမွေအနှစ်မှာ မရိုးရှင်းပေ။ ၎င်းသည် ဟင်းလင်းပြင်တာအို မျိုးဆက်ထက်ပင် ပို၍ ခမ်းနားကျယ်ပြောလှသည်။

ထို့ပြင် ဤနေရာသည် စည်းမျဉ်းစွမ်းအားများနှင့် တာအို၏ အနှစ်သာရများဖြင့် ဝန်းရံနေသည်။ အထွတ်အထိပ်ဧကရာဇ်နန်းတော်ကို မမီသော်လည်း ထာဝရကြယ်စုနယ်မြေ၏ အထက်လောကထက် များစွာသာလွန်သော ကျင့်ကြံရာနေရာ ဖြစ်သည်။

စုတိန်ဖန်း၏ မျက်လုံးများတွင် မျှော်လင့်ချက်များ ပြည့်နှက်နေသည်။ ဤနေရာတွင် အခြေချနိုင်လျှင် အထက်လောကမှတစ်ဆင့် ကူးပြောင်းနိုင်သော နောက်ထပ် ပလက်ဖောင်းတစ်ခု ဖြစ်လာလိမ့်မည်။

 ဧကရာဇ်လောင်းလျာအဆင့်သို့ ရောက်ရှိလာသော ကျင့်ကြံသူများသည် အထွတ်အထိပ်ဧကရာဇ်နန်းတော်တွင်သော်လည်းကောင်း ဤကျယ်ပြောသော မြေပြင်တွင်သော်လည်းကောင်း ဆက်လက် ကျင့်ကြံနိုင်ကြမည်ဖြစ်သည်။ ဤသည်မှာ အင်အားနှင့် အမွေအနှစ်များ အဆက်မပြတ် တိုးတက်လာမည့် မြစ်ဖျားခံရာပင် ဖြစ်သည်။

ဝမ်ဟောက်တယ်သည် ဝါရင့်ပြီး ပါးနပ်သူဖြစ်ရာ စုတိန်ဖန်း၏ အတွေးကို ရိပ်မိသည်။

မဟာတောရိုင်းတိုက်ကြီးဆိုတာ ဘယ်ကြယ်စုနယ်မြေထက်မဆို ပိုကြီးပါတယ်။ ဒီတောရိုင်းမြေမှာ ငါတို့ ယိုဟဲမျိုးနွယ်စုဆိုတာ အင်အားနည်းနည်းပိုရှိတဲ့ မိသားစုတစ်ခုမျှသာပဲ ထိပ်တန်းအဆင့်တောင် မဟုတ်ပါဘူး။

ငါ့ဆီမှာ ကောင်းတာ ဘာမှမရှိဘူး။ မင်းတို့ နယ်မြေလိုချင်ရင် တခြားလူဆီ သွားရှာကြ။ ငါတို့က မင်းတို့ကို မစော်ကားသလို မင်းတို့လည်း ငါတို့မြေကို အကြောင်းမဲ့ လာမသိမ်းနဲ့။

စုတိန်ဖန်းက ပြုံးလိုက်သော်လည်း သူ၏ အကြည့်များမှာ ကမ္ဘာကြီး၏ အဝေးတစ်နေရာသို့ ရောက်နေသည်။ ယိုဟဲမျိုးနွယ်စုတစ်ခုတည်းက စုတိန်ဖန်းကို မဆွဲဆောင်နိုင်ပေ။

ထုံထျန်းနတ်ဘုရားနန်းတော်လား အထွတ်အထိပ်ဧကရာဇ်နန်းတော်နဲ့ ယှဉ်ရင် ဘယ်ဟာက ပိုကောင်းမလဲ အကယ်၍ အထွတ်အထိပ်ဧကရာဇ်နန်းတော်က ဒီတောရိုင်းမြေတစ်ခုလုံးက အင်အားစုတွေကို လွှမ်းမိုးနိုင်ခဲ့ရင် ဘယ်လိုမျိုး ဖြစ်လာမလဲ။

ဒါဟာ ဧကရာဇ်မင်းမြတ်နဲ့ ထာဝရကြယ်စုနယ်မြေတို့ လိုလားတဲ့အရာ ဖြစ်ရမည်။

ဒီကာလအတွင်း အနှောင့်အယှက်ပေးမိတာကို တောင်းပန်ပါတယ်။ ငါတို့ ကြယ်စုနယ်မြေသားတွေ ဒီတိုက်ကြီးနဲ့ အသားကျသွားပြီဆိုရင်တော့ ရှေ့ဆက်ပြီး စူးစမ်းသွားမှာပါ။ ယိုဟဲမျိုးနွယ်စုရဲ့ ကျေးဇူးကိုလည်း မှတ်ထားပါ့မယ်။

ဟဲဟဲ အဲဒါက ကိစ္စမရှိပါဘူး ငါ့ဝမ်မိသားစုက အဝေးကလာတဲ့ ဧည့်သည်တွေကို ကြိုဆိုပါတယ်။ ဒါကတော့ အဓိက အင်အားကြီးအဖွဲ့တွေရဲ့ နယ်မြေခွဲဝေမှုကို ပြထားတဲ့ တောရိုင်းမြေရဲ့ မြေပုံပါ။ ဝမ်ဟောက်တယ်က မြေပုံတစ်ခု ကမ်းပေးလိုက်သည်။

ငါတို့ ယိုဟဲမျိုးနွယ်စုက တောရိုင်းမြေရဲ့ အလယ်ပိုင်းတိုက်မှာ မရှိပါဘူး။ အဲဒီ အလယ်ပိုင်းတိုက်မှာတော့ မျိုးနွယ်စုပေါင်းစုံ စုဝေးနေကြပြီး အရင်းအမြစ်တွေနဲ့ အခွင့်အလမ်းတွေက အကန့်အသတ်မရှိ ရှိနေတာပါ။

ငါ မင်းတို့ကို လမ်းပြပေးလိုက်ပြီ။ ငါ့ကိုတော့ ထပ်မတိုက်နဲ့တော့နော်။

ဘာပဲဖြစ်ဖြစ် ဒီလူတွေကို ဧည့်ခံရတာက သိပ်ပြီး ကုန်ကျစရိတ်မရှိပေ။ တန်ဖိုးရှိတာဆိုလို့ ဒီမြေပုံတစ်ခုပဲ ရှိသည်။ ကျန်တာကတော့ ဘာမှ မဟုတ် ဝမ်ဝမ်ရဲ့ ကိစ္စအတွက်လည်း ယိုဟဲမျိုးနွယ်စုက အဆိုးကို အကောင်းနဲ့ တုံ့ပြန်လိုက်တာပဲ မဟုတ်လား။

အကယ်၍ သူတို့မှာ အမှန်တကယ် အစွမ်းရှိလျှင် အလယ်ပိုင်းဒေသမှာ အင်အားကြီးအဖွဲ့တစ်ခု တည်ဆောက်နိုင်လိမ့်မည်။ ဒါတွေက ကိုယ်ရေးကိုယ်တာ ဆက်ဆံရေးတွေပဲ ဝမ်ဟောက်တယ်၏ မျက်လုံးများတွင် စိတ်အေးသွားသည့် အရိပ်အယောင်များ ပေါ်လာသည်။ မသေမျိုးဧကရာဇ်၏ အင်အားစုကို မစော်ကားမိတာနဲ့တင် လုံလောက်ပါပြီ။

စုတိန်ဖန်းနှင့် ဤမဟာဧကရာဇ်များသည် ထိုပုဂ္ဂိုလ်၏ အမည်ကို ရွတ်ဆိုရုံဖြင့် အစွမ်းတွေ တိုးလာနိုင်သည်ဟုဆိုကြရာ သူတို့က ဝမ်ဟောက်တယ်ကို သတ်နိုင်သည်ဟု ယုံကြည်နေကြသည်။ အကယ်၍ ဒါဟာ အမှန်ဆိုလျှင်သူတို့နောက်ကွယ်က ပုဂ္ဂိုလ်ကြီးက ဘယ်လောက်တောင် အစွမ်းထက်နေမှာလဲ။

ဖေဖေ အဘိုးကြီးစုက ဖေဖေနဲ့ စကားပြောချင်လို့တဲ့ ကလေးမလေးက ပြေးလာပြီး ချူနင်ထံ ဆက်သွယ်ရေးကိရိယာလေး ကမ်းပေးသည်။ အခြားတစ်ဖက်တွင် စုတိန်ဖန်းက သူ၏ ပျော်ရွှင်မှုများကို ဝေမျှနေသည်။

အရှင်မင်းကြီး ဒီက ကောင်းကင်တာအို စည်းမျဉ်းတွေက မရိုးရှင်းပါဘူး။ ငါတို့နယ်မြေမှာ မရှိတဲ့ စည်းမျဉ်းစွမ်းအားတွေ ဒီမှာရှိနေပါတယ်။ တာအိုရဲ့ မူလရင်းမြစ် စွမ်းအားတွေလည်း အများကြီး ရှိပါတယ်။ အထွတ်အထိပ်ဧကရာဇ်နန်းတော်လောက် မများပေမဲ့ ကျင့်ကြံဖို့အတွက် တကယ့်ကို ကောင်းမွန်တဲ့ နေရာပါ။

ပြီးတော့ ယိုဟဲမျိုးနွယ်စုကလူတွေက အရမ်းဧည့်ဝတ်ကျေပြီး ငါတို့ကို နွေးနွေးထွေးထွေး ဆက်ဆံကြပါတယ်။ ဒီတောရိုင်းမြေက လူတွေက တကယ့်ကို ရိုးသားဖြောင့်မတ်ပုံရပါတယ်။

ချူနင်က ပြုံးလိုက်သော်လည်း ဘေးတွင်ရှိနေသော ယောင်ယောင်ကတော့ မျှော်လင့်တကြီး ကြည့်နေသည်။

ဖေဖေ သမီးလည်း အဲဒီမှာ သွားဆော့ချင်တယ် အထက်လောကထက် ပိုပျော်စရာကောင်းပုံပဲ။

စုတိန်ဖန်းက ကပျာကယာ ရှင်းပြသည် မင်းသမီးလေး ကျွန်တော်တို့ ဒီနေရာနဲ့ အသားမကျသေးလို့ပါ အသားကျသွားပြီဆိုရင်တော့ ဧကရာဇ်မင်းမြတ်က မင်းသမီးလေးကို ခေါ်လာပေးပါလိမ့်မယ်။ ယောင်ယောင်က ခေါင်းကို အားရပါးရ ငြိမ့်ပြသည်။

အဘိုးစု မြန်မြန်လုပ်နော် ဒီမှာက အရမ်းပျင်းဖို့ကောင်းတယ် ဆော့စရာလည်း မရှိဘူး။ သမီး အဘိုးစုဆီ လာချင်တယ်။ဒါနဲ့ အရှင်မင်းကြီး နောက်ထပ် ကိစ္စတစ်ခု ရှိပါသေးတယ်။

ချူနင်က မျက်မှောင်ကြုတ်ကာ "ဘာလဲ"ဟုမေးလိုက်သည်။

ငါတို့ ထာဝရကြယ်စုနယ်မြေကို လာပြီး ဖျက်ဆီးခဲ့တဲ့လူတွေက ယိုဟဲမျိုးနွယ်စုရဲ့ အလုပ်ပါ သူတို့က အရင်းအမြစ်တွေ စုဆောင်းပြီး အထွတ်အထိပ် မိစ္ဆာတစ်ကောင်ကို ဆက်သနေရတာပါ။ နှစ်ပေါင်း ၁၂၃,၆၀၀ လျှင် တစ်ကြိမ်ပါ။ အကယ်၍ အဲဒီ မိစ္ဆာကြီးကို သတ်နိုင်ခဲ့ရင်တော့..။

သူ့ရဲ့ ကျင့်ကြံမှု အဆင့်က ဘယ်လောက်လဲ။

ယိုဟဲမျိုးနွယ်စုခေါင်းဆောင် ပြောပြချက်အရတော့ မ​သေမျိုးဧကရာဇ် ဘေးဒုက္ခ ၉,၈၀၀ ကို ကျော်ဖြတ်ထားတဲ့ အဆင့်လို့ သိရပါတယ်။

မင်းကိုယ်တိုင်ပဲ လုပ်လိုက်လေ။ စုတိန်ဖန်းနှင့် ဘေးကလူများ အံ့အားသင့်သွားကြသည်။

"အရှင်မင်းကြီး ကျွန်တော်လား"

ဘေးဒုက္ခ ၉,၈၀၀ ဆိုတာက ကြောက်စရာကြီးပဲ အဲဒီလောက် အစွမ်းထက်တဲ့ မိစ္ဆာဘုရင်ကို ဘယ်လိုနိုင်မှာလဲ ချူနင်က လက်ကို ပေါ့ပေါ့ပါးပါး ဝှေ့ယမ်းလိုက်ရာ စုတိန်ဖန်း ချက်ချင်း နားလည်သွားသည်။

ဧကရာဇ်မင်းမြတ် ပေးထားသော မသေမျိုးဧကရာဇ်အစွမ်းကတ်မှာ အဆင့်မြင့်လွန်းနေခြင်း ဖြစ်သည်။ သာမန် မသေမျိုးဧကရာဇ် မဟုတ်ပေ။ ဧကရာဇ်မင်းမြတ်က ထိုသို့ ပြောလိုက်ပြီဆိုလျှင် သူ ယုံကြည်မှု ရှိသွားပါပြီ။

ဒါဆို အဲဒီမိစ္ဆာဘုရင် ဘယ်မှာလဲဆိုတာ သွားမေးလိုက်ကြရအောင် စုတိန်ဖန်း၏ တပည့်ဖြစ်သူ မဟာဧကရာဇ်တစ်ဦးက ဒေါသတကြီး ပြောသည်။

ဒီမိစ္ဆာတွေက လူသားမျိုးနွယ်ရဲ့ မြေပေါ်မှာ နေထိုင်ပြီး အရင်းအမြစ်တွေကို ခေါင်းပုံဖြတ်နေကြတာ။ ကောင်းကင်ကတောင် ခွင့်မလွှတ်နိုင်တဲ့ အပြစ်တွေပဲ။ ငါတို့ အဲဒီ မိစ္ဆာတွေကို သတ်ပစ်ရမယ်။ ဒါဆိုရင်အဲဒီ အရင်းအမြစ်တွေက ငါတို့အတွက်ပဲ။

ဘာအရင်းအမြစ်လဲ အဲဒါက ငါတို့ရသင့်ရထိုက်တဲ့ ဆုလာဘ်ပဲလေ။ ဟုတ်ပါတယ် ဆရာ ဆရာပြောတာ မှန်ပါတယ်။

အရှင်မင်းကြီး ဆက်ပြီး အလုပ်လုပ်ပါဦး။ ကျွန်တော်တို့ ဒါကိုချက်ချင်း ကိုင်တွယ်လိုက်ပါ့မယ်။

သို့သော် သူတို့ ပြန်ရောက်သောအခါ ဝမ်ဟောက်တယ်ကို ရှာမတွေ့တော့ပေ။ ဝမ်မိသားစုက မျိုးနွယ်စုခေါင်းဆောင်သည် ကျင့်ကြံရန်အတွက် အထီးကျန် တရားအားထုတ်နေသည်ဟု ပြောကြသည်။ စုတိန်ဖန်းက မိစ္ဆာကြီး၏ နေရာကို စုံစမ်းသော်လည်း မည်သူမျှ မသိဟု ဆိုကြသည်။

သူတို့ သက်ပြင်းချလိုက်မိသည်။ ဧကရာဇ်မင်းမြတ်ကို စောစော ဆက်သွယ်မိခဲ့လျှင် ကိုယ့်အစွမ်းကိုသိပြီး အဲဒီ မိစ္ဆာကြီးကို အေးဆေး သတ်ခဲ့ပြီးလောက်ပြီ။ သူတို့ တည်းခိုရာသို့ ပြန်ရောက်သောအခါ ဝမ်မိသားစုမှ အကြီးအကဲတစ်ဦးက စောင့်ဆိုင်းနေသည်။ သူသည် အရင်းအမြစ် အမြောက်အမြားကို ယူဆောင်လာခဲ့သည်။

နန်းတော်သခင်စု ဒါကတော့ လက်ဆောင်လေးတစ်ခုပါ အားမနာပါနဲ့။ စုတိန်ဖန်း တစ်ယောက် ကြောင်အသွားသည်။ ဟင် ငါဘာမှလည်း မလုပ်ပေးရသေးဘူး မိစ္ဆာကြီးကို သတ်ပေးဖို့လည်း မကူညီရသေးဘူး။ ဘာလို့ လက်ဆောင်တွေ ပေးနေတာလဲ။

"အကြီးအကဲ ဒါကဘာသဘောလဲ"