အခန်း ၁၇၃ တစ်ယောက်တစ်မျိုး အကြံကိုယ်စီဖြင့်

ထာဝရကြယ်စုနယ်မြေမှ ရောက်လာသော ကျင့်ကြံသူ အများအပြားကို ယိုဟဲရှေးဟောင်းမျိုးနွယ်စုအတွင်း နေရာချထားပေးလိုက်သည်။ ဤနေရာသည် အလွန်ကျယ်ပြောလှရာ ရောက်လာသော ကျင့်ကြံသူများ၏ စိတ်ကူးယဉ်မှုထက်ပင် ကျော်လွန်နေသည်။

စုတိန်ဖန်းအပါအဝင် မဟာဧကရာဇ်များကိုတော့ မျိုးနွယ်စုခေါင်းဆောင် ဝမ်ဟောက်တယ်ကိုယ်တိုင် ပင်မမျိုးနွယ်စုဆီ ဖိတ်ကြားခဲ့သည်။ ထိုနေရာတွင် မဟာဧကရာဇ်အဆင့်ရှိသော အကြီးအကဲ တစ်ဆယ်ကျော်ရှိနေပြီး ခေါင်းဆောင်မှာ ဝမ်ဟောက်တယ် ဖြစ်သည်။

လောင်းကြေးထပ်ရန် မသင့်တော်သေးပေ။ ဝမ်မိသားစုသည် လက်ရှိတွင် ပြဿနာပေါင်းစုံနှင့် ရင်ဆိုင်နေရပြီး ၎င်းတို့၏ မဟာဧကရာဇ်တစ်ဦးမှာလည်း ထိုသူများကြောင့် ကျဆုံးခဲ့ရပြီးပြီ။

နှစ်ပေါင်းထောင်ချီ တည်ဆောက်ခဲ့သော မိသားစုအခြေအနေကို အလွယ်တကူ အဆုံးရှုံးမခံနိုင်ပေ။ ထို့ပြင် စုတိန်ဖန်းနှင့် အဖွဲ့မှာလည်း ရမ်းကားခြင်းမရှိဘဲ ယဉ်ကျေးသော ဧည့်သည်များအဖြစ် စတင်ဆက်ဆံခဲ့ကြသည်။

ဝမ်ဝမ်နှင့် ပတ်သက်၍မူ ဝမ်မိသားစုတွင် ထိုကဲ့သို့လူမျိုး တစ်ခါမှ မရှိခဲ့ဖူးသလိုမျိုး မည်သူမျှ ထုတ်မပြောကြတော့ပေ။

နှုတ်ဆက်စကားများ ပြောကြားပြီးနောက် ခရမ်းရောင်ဝတ်စုံနှင့် အဘိုးအိုမှာ အံ့အားသင့်သွားရသည်။ ထာဝရကြယ်စုနယ်မြေဆိုသော အမည်မှာ မကြာသေးမီကမှ ပေါ်ထွက်လာခြင်းဖြစ်သည်။

မဟာတောရိုင်းလောကမှ မိသားစုများ ယခင်က ရှာမတွေ့ခဲ့ခြင်းမှာ ထိုနယ်မြေသည် မှောင်မိုက်သော ရင်းမြစ်စွမ်းအားများဖြင့် ဖုံးကွယ်ခံထားရသောကြောင့် ဖြစ်သည်။

အဲဒီ မှောင်မိုက်တဲ့ နယ်မြေမှာ ကောင်းကင်ဧကရာဇ်တစ်ပါး ရှိနေခဲ့တာလား။

ထိုဧကရာဇ်က မသေမျိုးဧကရာဇ်တစ်ပါးကို သတ်ခဲ့သောကြောင့်သာ ထာဝရကြယ်စုနယ်မြေပေါ်ထွက်လာခြင်း ဖြစ်သည်။ ယခင်က မဟာဧကရာဇ်နှင့် မသေမျိုးဧကရာဇ်များ ထွက်ပေါ်နိုင်သည့် ကြယ်စုနယ်မြေမျိုး သူတို့ ရှာမတွေ့ခဲ့ဖူးပေ။

မသေမျိုးဧကရာဇ် တစ်ပါးကို သတ်နိုင်သူမှာ ဤနယ်ပယ်တွင် အနှစ်သောင်းချီ၍ အရည်အချင်း သွေးထားသူ ဖြစ်ရမည်။ သူသည် ကောင်းကင်ဧကရာဇ် ဘေးဒုက္ခများကို အကြိမ်ရာနှင့်ချီ၍ ကြုံတွေ့ဖူးသူ ဖြစ်နိုင်သဖြင့် ဝမ်ဝမ်၏ ခြိမ်းခြောက်မှုများကို လုံးဝ ဂရုမစိုက်ခဲ့ခြင်း ဖြစ်နိုင်သည်။ သူတို့နှင့် ရန်မဖြစ်ဘဲ နေခြင်းမှာ ကောင်းသော အလုပ်ပင်။ ထိုကဲ့သို့သော လူမျိုးမှာ ရန်စရန် မလွယ်ကူပေ။

"အဲဒီတောရိုင်းမြေ အကြောင်း ပြောတာလား"

ဝမ်ဟောက်တယ်က ပြုံးလျက် ရှင်းပြရန် ဝန်မလေးပေ။ ထိုက်ဟွမ်လောကသားတစ်ယောက်အနေဖြင့် ဒါတွေက လျှို့ဝှက်ချက် မဟုတ်ပေ။

ဒီနေရာက တစ်ချိန်က မရေမတွက်နိုင်တဲ့ ကြယ်စုနယ်မြေတွေ ဆုံစည်းရာ နေရာပါ။ လွန်ခဲ့တဲ့ နှစ်ပေါင်းများစွာက နတ်ဘုရားတွေ တိုက်ပွဲဖြစ်ခဲ့ကြတယ်။

နတ်ဘုရားတစ်ပါး ဒီမှာအသတ်ခံခဲ့ရပြီး ကြယ်စုနယ်မြေ အများအပြား ပျက်စီးခဲ့တယ်။ သူ့ရဲ့ ခန္ဓာကိုယ်ဟာ အချိန်ကာလတွေ ပြောင်းလဲလာတာနဲ့အမျှ ဒီကျယ်ပြောတဲ့ တိုက်ကြီးအဖြစ် ပြောင်းလဲသွားပြီး သတ္တဝါမျိုးစုံ နေထိုင်လာကြတာပါ။

ဒီနေရာက နတ်ဘုရားတွေ ကျဆုံးရာမြေ ဖြစ်လို့ အရင်းအမြစ်တွေနဲ့ အမွေအနှစ်တွေ အများကြီးရှိပေမဲ့ အင်အားကြီးအဖွဲ့တွေက အကုန်ခွဲဝေယူထားကြပြီ။ ကောင်းကင်တာအိုထဲမှာကျန်နေတဲ့ တာအိုခြေရာတွေကိုပဲ လူတွေက လေ့လာခွင့်ရတော့တာပါ။

စုတိန်ဖန်း ခေါင်းငြိမ့်လိုက်သည်။ ဒါကို သူ မအံ့သြပေ ကြယ်စုနယ်မြေက အလွန် အောက်တန်းမကျနေလျှင် အရင်းအမြစ်များကို အင်အားကြီးသူများက ခွဲဝေယူထားကြမည်မှာ သေချာသည်။ လွယ်လွယ်နှင့် ရှာတွေ့နိုင်သော အရင်းအမြစ်မျိုး မရှိပေ။ သို့သော် ဤတိုက်ကြီးက အလွန်ကြီးမားသဖြင့် အခွင့်အလမ်းများစွာ ရှိနေဆဲဖြစ်သည်။

စကားပြောဆိုမှုအရ စုတိန်ဖန်း ယေဘုယျ နားလည်သွားသည်။ ရှေးဟောင်းမျိုးနွယ်စု ဆယ်စုမှာ တောရိုင်းတိုက်ကြီးပေါ်တွင် နယ်မြေတစ်ခုစီ ပိုင်ဆိုင်ကြသည်။ ထိုဆယ်စု၏ အထက်တွင်တော့ ထုံထျန်းနတ်ဘုရားနန်းတော် ရှိသည်။ ၎င်းသည် ကျဆုံးသွားသော နတ်ဘုရား၏ဦးခေါင်းကို အခြေစိုက်ထားပြီး အင်အားအကြီးဆုံး အရင်းအမြစ်များ ရှိရာနေရာ ဖြစ်သည်။

မျိုးနွယ်စုများစွာ အတူနေထိုင်ကြသော်လည်း လူသားမျိုးနွယ်မှာ အင်အားအကြီးဆုံး မဟုတ်ပေ။ ဥပမာအားဖြင့် ယိုဟဲမျိုးနွယ်စု နယ်မြေအတွင်းမှာပင် အထွတ်အထိပ် အဆင့်ရှိသောမိစ္ဆာတစ်ကောင်၏ တာအိုကျောင်းဆောင် ရှိနေသည်။

ထိုနယ်မြေရှိ မိသားစုအားလုံးသည် နှစ်ပေါင်း ၁၂၂,၆၀၀ လျှင် တစ်ကြိမ် အရင်းအမြစ် အမြောက်အမြားကို ဆက်သရသည်။ မဆက်သနိုင်လျှင် တစ်မျိုးနွယ်လုံး အသတ်ခံရမည်ဖြစ်သည်။ ထို့ကြောင့် ဝမ်မိသားစုသည် ထိုမိစ္ဆာအတွက် အရင်းအမြစ်များ စုဆောင်းပေးနေရခြင်း ဖြစ်သည်။ ဒါကို ကြားသောအခါ စုတိန်ဖန်း၏ မျက်လုံးများ တောက်ပသွားသည်။

ဒါဆိုရင် အဲဒီအစွမ်းထက်တဲ့ မိစ္ဆာကို သတ်လိုက်ရင် အဲဒီ အရင်းအမြစ်တွေ အကုန်လုံး ငါတို့ ရမှာပေါ့။ ဒါကို သူ မှတ်သားထားလိုက်ပြီး ဧကရာဇ်မင်းမြတ်ကို ပြန်တင်ပြရန် ပြင်ဆင်လိုက်သည်။

စုတိန်ဖန်း၏ တုံ့ပြန်မှုကို မြင်သောအခါ ဝမ်ဟောက်တယ် မျက်မှောင်ကြုတ်သွားသည်။ တစ်ဖက်လူ ဘာတွေးနေသလဲဆိုသည်ကို သူ ရိပ်မိသည်။ အရင်းအမြစ်က အဓိကပဲ မဟုတ်လား။ သူတို့ ဒီကိုလာတာက လည်ပတ်ဖို့တင် မဟုတ်ဘူးဆိုတာ သေချာသည်။ 

ဒါပေမဲ့ အရင်းအမြစ် လိုချင်ရင်တောင် ကိုယ့်အစွမ်းကို ကိုယ်အရင် တွက်ရဦးမည်။ မင်းတို့နောက်မှာ ကောင်းကင်ဧကရာဇ် ရှိနေရင်တောင်မှ​ပေါ့ သူက နောက်ပြောင်သလို လေသံဖြင့် ပြောလိုက်သည် အဲဒီ အထွတ်အထိပ်မိစ္ဆာက မိစ္ဆာမျိုးနွယ်ရဲ့ ဘုရင်လေးပါးထဲက တစ်ပါးပဲ။ မျိုးနွယ်အားလုံးထဲမှာ ထိပ်ဆုံးက အစွမ်းရှိတာ။ အရင်က သူဟာ တခြားရှေးဟောင်းမျိုးနွယ်စုက ကောင်းကင်ဧကရာဇ် တစ်ပါးကို ကိုယ်တိုင် သတ်ခဲ့ဖူးတယ်။ သူဟာ ဘေးဒုက္ခ ၉,၈၀၀ ကို ကျော်ဖြတ်ပြီးပြီလို့ ဝန်ခံထားတယ်။

ဘေးက အကြီးအကဲများလည်း စုတိန်ဖန်းကို အထင်သေးစွာ ကြည့်လိုက်ကြသည်။ မိစ္ဆာဆီမှာ အရင်းအမြစ်တွေ ရှိတယ်ဆိုတာနဲ့တင် သတ်ချင်နေတာလား မင်းတို့ သတ်နိုင်ရင်တော့ ကောင်းတာပေါ့။ မင်းတို့ထဲမှာ အသန်ဆုံးဆိုတဲ့ စုတိန်ဖန်းတောင်မှ ငါတို့မိသားစုက အားအနည်းဆုံး ဧကရာဇ်ထက် တစ်ဆင့် နိမ့်နေသေးတာ။ ဘေးဒုက္ခ ၉,၈၀၀ ကို ကျော်ဖြတ်ထားတဲ့ ကောင်းကင်ဧကရာဇ်ကို ဘယ်လို သတ်မှာလဲသတ်လို့ရရင် ငါတို့လည်း တခြားမိသားစုတွေနဲ့ ပေါင်းပြီး သတ်ခဲ့ပြီးသား ဖြစ်မှာပေါ့ ဒါပေမဲ့ အဲဒါက မဖြစ်နိုင်ဘူး။

စုတိန်ဖန်းက ခေါင်းငြိမ့်ကာ ကျေးဇူးတင်စကား ပြောလိုက်သည်။

အခြေအနေကို ကျွန်တော်တို့ နားလည်ပါပြီ။ ဒါပေမဲ့ ဝမ်မျိုးနွယ်စုခေါင်းဆောင် ပြောခဲ့တဲ့ ထုံထျန်းနတ်ဘုရားနန်းတော်ကလည်း လူသားအဖွဲ့အစည်းပဲ မဟုတ်လား သူတို့က ဘာလို့ ဝင်မတိုက်တာလဲ။

ထုံထျန်းနတ်ဘုရားနန်းတော်က လူသားတွေရဲ့ အထွတ်အထိပ် အင်အားပဲ။ သူတို့ လှုပ်ရှားလိုက်ရင် မိစ္ဆာမျိုးနွယ်ဘက်က အရေးကြီးတဲ့ ပုဂ္ဂိုလ်ကြီး ပါလာလိမ့်မယ်။

"အရေးကြီးတဲ့ ပုဂ္ဂိုလ်ကြီး"

အဲဒါက စကားလုံးနဲ့ ဖော်ပြလို့ မရဘူး။ ငါကိုယ်တိုင်လည်းမမြင်ဖူးဘူး ကြားပဲ ကြားဖူးတာ။

ဝမ်ဟောက်တယ်က လေးနက်စွာ ပြောလိုက်သည်။ မိစ္ဆာဘုရင် လေးပါးလုံးဟာ အဲဒီပုဂ္ဂိုလ်ကြီး ဖန်တီးထားတဲ့သူတွေပဲ။ သူ ဘယ်လောက် စွမ်းမလဲဆိုတာ စဉ်းစားသာ ကြည့်တော့ ဘယ်သူမှမသိကြဘူး။

ဒါကြောင့် ထုံထျန်းနတ်ဘုရားနန်းတော်က ဒီမိစ္ဆာကြီး လေးကောင်ကို လူသားနယ်မြေမှာ နေခွင့်ပေးထားတာ။ သူတို့က အရမ်းကြီး ရမ်းမကားသရွေ့တော့ လွှတ်ထားကြတာပဲ။ ပွင့်ပွင့်လင်းလင်း ပြောရရင် ငါတို့ နယ်မြေတွေ ဆုံးရှုံးတာက ထုံထျန်းနန်းတော်နဲ့ မဆိုင်တော့ သူတို့ ဂရုမစိုက်တာပဲ။

စုတိန်ဖန်း နားလည်သွားပြီ။ ဧကရာဇ်မင်းမြတ်ကို ဘာလုပ်မလဲဆိုတာ မေးရမည်။ သတင်းအချက်အလက်တွေ ရပြီဆိုတော့ ပြန်တင်ပြရန် လိုအပ်သည်။

ကိစ္စအတော်များများကို ကျွန်တော် သိပါပြီ။ ယိုဟဲမျိုးနွယ်စုအတွင်း လှည့်ပတ်ကြည့်ရှုလို့ ရမလား ဒါမှမဟုတ် အဲဒီ မိစ္ဆာကြီးနဲ့ရော တွေ့လို့ရမလား။ အင်အားကို စမ်းသပ်ကြည့်ချင်သည်။

အကြမ်းဖျင်း သိထားလျှင် ကိုင်တွယ်ရ လွယ်ကူမည် မဟုတ်လား။ အရင်းအမြစ်တွေကို နှစ်ပေါင်း တစ်သိန်းကျော်မှ တစ်ကြိမ် ဆက်သရသည်ဆိုတော့ အဲဒီ မိစ္ဆာကြီးက အတော်လေး ကြွယ်ဝနေမှာ သေချာသည်။ အဲဒီလိုလူကို မဖမ်းရင် တကယ်ကို မတရားရာ ကျလိမ့်မည်။

ကိုယ်ကျင့်တရားလား ဘာကိုယ်ကျင့်တရားလဲ ငါတို့ကကြယ်စုနယ်မြေရဲ့ တရားမျှတမှု ဖော်ဆောင်သူတွေလေ မင်းကယိုဟဲမျိုးနွယ်စုကို နှိပ်စက်နေတာ။ ငါတို့မှာ မင်းကို နှိမ်နင်းနိုင်တဲ့ အစွမ်းရှိလာပြီဆိုတော့ မင်းကို သတ်မှာပေါ့။

ငါတို့က အရင်းအမြစ်တွေအတွက် လာတာ မဟုတ်ဘူး ငါတို့ကကြယ်စုနယ်မြေရဲ့ ကောင်းမွန်တဲ့ ယဉ်ကျေးမှုကို လာဖြန့်ဝေပြီး ဧကရာဇ်မင်းမြတ်ရဲ့ ဂုဏ်သတင်းကို လာဖြန့်တာ။ဝမ်ဟောက်တယ်က ပြုံးပြီး ခေါင်းခါလိုက်သည်။

မင်းတို့ အဲဒီမိစ္ဆာကြီးကို တွေ့ရမှာ မဟုတ်ပါဘူး သူကလူမြင်ခဲတယ် ဒါပေမဲ့ ပေါ်လာတိုင်း အရင်းအမြစ်တွေကို ယူသွားတတ်တယ်။ တွေ့ရဖို့က ကံပေါ်မှာပဲ မူတည်တာပါ။ ပြီးတော့ မင်းတို့ တကယ်ပဲ အဲဒီမိစ္ဆာကြီးကို မတွေ့ချင်လောက်ပါဘူး။

ယိုဟဲမျိုးနွယ်စုအတွင်း လှည့်ပတ်ကြည့်ဖို့ကတော့ ရပါတယ် ငါကိုယ်တိုင် လိုက်ပြပါ့မယ်။

ဒီလောက်တောင် သဘောကောင်းနေမှတော့ ကျေးဇူးတင်ပါတယ် ဝမ်မျိုးနွယ်စုခေါင်းဆောင်။

အဖွဲ့သားများ ထွက်သွားပြီးနောက် ကျန်ခဲ့သော အကြီးအကဲများမှာ မကျေနပ်သော မျက်နှာပေးများ ဖြစ်နေကြသည်။

ဒီလူတွေက အဲဒီမိစ္ဆာကြီးကို သတ်ချင်နေတာလား။ သူတို့ သတ်နိုင်ရင်တော့ သူတို့အရည်အချင်းပေါ့။ မသတ်နိုင်ရင်တော့ ငါတို့မျိုးနွယ်စုအတွက် ပြဿနာလာရှာတာပဲ။

ရုတ်တရက် တစ်ယောက်က မျက်လုံးမှေးလိုက်ပြီးထာဝရကြယ်စုနယ်မြေက လူတွေက ငါတို့ အကြီးအကဲကို သတ်ခဲ့တဲ့ ရန်သူတွေပဲ။ အခု သူတို့က ငါတို့နယ်မြေထဲမှာ ရင်ဘတ်ကော့ပြီး လျှောက်သွားနေကြတာ။

မင်းက ကတ်သီးကတ်သတ် လုပ်ချင်တာလား ရူးနေလား ဝမ်ဝမ်ကို ခေါင်းဆောင်က နှင်ထုတ်လိုက်ပြီဆိုကတည်းက သူတို့နဲ့ ရန်မဖြစ်ချင်ဘူးလို့ အဓိပ္ပာယ်ရတယ်။ ပြီးတော့ သူတို့နောက်မှာ ကောင်းကင်ဧကရာဇ် ရှိနေတာနော်။

ကောင်းကင်ဧကရာဇ် နှစ်ယောက် တိုက်ပွဲဖြစ်ရင် ငါတို့အားလုံး ပြာဖြစ်သွားမှာ။ အဲဒီ တာဝန်ကို မင်း ယူနိုင်မလား။

"မဟုတ်ဘူး ငါတို့ မျိုးနွယ်စုခေါင်းဆောင်က"

အားလုံးက စကားပြောသူကို စိုက်ကြည့်လိုက်ကြပြီး အံ့အားသင့်သွားကြသည်။

မင်းပြောတာက အဲဒီ အရေးကြီးတဲ့ ပုဂ္ဂိုလ်ကြီး ကိုယ်တိုင် လာမှာလား။