အခန်း ၁၇၀ သမီးဖြစ်သူကိုတောင် မနာလိုဖြစ်မိတယ်

ကလေးမလေးမှာ ငိုရလွယ်ပြီး လူကပ်လွန်းသည်။ ငိုပြီဆိုလျှင် ချူနင်ဆီပြေးပြီး ချီခိုင်းတော့သည်။ ချူနင်က ချော့လိုက်လျှင်လည်း ဘာမှမဖြစ်ခဲ့သလို ခုနက အရိုက်ခံရသည်ကိုလည်း မေ့သွားသလိုမျိုး ပြန်ရယ်နိုင်သေးသည်။

သူ့ဇနီးက ဘာကြောင့် ယောင်ယောင်ကို ရိုက်ချင်နေသလဲဆိုတာ မဆန်းတော့ပေ။ အရိုက်ခံရမှ မှတ်လောက်သားလောက် ရှိမည် မဟုတ်လား။ ဒီညကျမှ ဟိုစာအုပ်ကို သွားရှာဖတ်ကြည့်ဦးမှပဲ။

အဆုံးမဲ့သော ကြယ်စုနယ်မြေ၏ အလွန်တွင်

စုတိန်ဖန်းနှင့် တခြားလူများ ပြန်လည် စုဝေးမိကြသည်။

ဧကရာဇ်မင်းမြတ်ဆီက သတင်းစကား ရောက်လာတယ်။ ငါတို့ရဲ့ ထာဝရကြယ်စုနယ်မြေထဲကို ပြင်ပလူတွေ ကျူးကျော်လာကြတယ်တဲ့။

လူတိုင်း မျက်မှောင်ကြုတ်သွားကြသည်။ဒီကြယ်စုစနစ်ကို လုယက်ဖျက်ဆီးခဲ့တဲ့ လူတွေလား။

ဧကရာဇ်နဲ့တော့ မတွေ့ပါစေနဲ့လို့ ဆုတောင်းရမှာပဲ။ သူတို့နဲ့တွေ့ရင်တော့ တကယ် ကံဆိုးတာပဲ။

စုတိန်ဖန်းက ခေါင်းငြိမ့်ကာ သူတို့အားလုံး အသတ်ခံလိုက်ရပြီ ထင်တယ်။ ဒီကြယ်စုနယ်မြေမှာ ဧကရာဇ်မင်းမြတ်လို အထွတ်အထိပ် ပုဂ္ဂိုလ်မျိုး မရှိဘူးအထင်နဲ့ လာရမ်းကားတာ သူတို့ မျက်စိကန်းလို့ အသတ်ခံရတာပဲ။

ဒါကြောင့် ငါတို့အပြင်ထွက်တဲ့အခါ ပိုသတိထားရမယ်။ 'သက်ရှည်တာအိုမျိုးနွယ်စုကို ကြည့်ပါလေ။ အပြင်မှာရမ်းမကားနဲ့ ကိုယ့်ထက် တော်တဲ့သူအမြဲရှိတယ် ကောင်းကင်အထက်မှာ ကောင်းကင်ရှိသေးတယ်ဆိုတဲ့ စကားကို မှတ်ထားကြ။

အောက်လောကက ထျန်းရွှမ်းတိုက်ကြီးက ထိုက်ရွှီနတ်ဘုရားမြေအကြောင်း ကြားဖူးကြလား အဲဒီကကူယွမ်ဆိုရင် ကောင်းကင်ဖြစ်စဉ်အဆင့်ပဲရှိတာ တစ်သက်လုံး ကျင့်ကြံမှ အယောင်ဧကရာဇ်တစ်ပိုင်းပဲ ဖြစ်ခဲ့တာ။ ဒါပေမဲ့ အခုအဲဒီမြင့်မြတ်နယ်မြေကို မဟာချန်းအင်ပါယာက တိုက်ရိုက် ကျောထောက်နောက်ခံ ပေးထားတာ။

လူတိုင်း၏ မျက်နှာများ ပျက်သွားပြီး ခါးသီးစွာ ပြုံးလိုက်ကြသည်။

တော်သေးတာပေါ့ ခရီးသွားရင် အသွားအလာ ဆင်ခြင်တာ အကောင်းဆုံးပဲ။ ပြဿနာ လာရှာတဲ့သူနဲ့ မတွေ့သရွေ့တော့ အစွန်းမရောက်တာ အကောင်းဆုံးပဲ။

အဲဒါ အဓိကပဲ ငါတို့ရဲ့ဟင်းလင်းပြင်တာအိုမျိုးဆက်ဟာ ဧကရာဇ်ရဲ့တိုက်ရိုက် အားပေးမှုကို တစ်ခါမှမရဖူးဘူး။ ဟိုအဘိုးကြီးဆိုရင် ကောင်းကင်ဖြစ်စဉ်အဆင့်မှာ နှစ်ပေါင်းထောင်ချီ ကြာနေတာ။

အခုတော့ ဧကရာဇ်နဲ့ ပတ်သက်မှု ရှိနေလို့ အထွတ်အထိပ်ဧကရာဇ်နန်းတော်မှာတောင် အေးအေးဆေးဆေး သွားကျင့်ကြံလို့ ရနေပြီ။ 

ဧကရာဇ်အတွက် အလုပ်လုပ်ပေးတဲ့အခါ အနေအထိုင် ဆင်ခြင်ရမယ်။ ကိုယ်တိုင် ပြဿနာမရှာနဲ့ ဒါပေမဲ့ ပြဿနာလာရှာရင်လည်း မကြောက်နဲ့။ အကျိုးကျေးဇူးတွေကတော့အများကြီးပဲ။ ဒီမှာရှိတဲ့ လူတိုင်းက မဟာဧကရာဇ် အဆင့်အထိတော့ သေချာပေါက် ရောက်မှာပဲ။

ဒါဆိုအကြီးအကဲစု အခု ငါတို့ ဘယ်ကို သွားမှာလဲ။ ဧကရာဇ်က တည်နေရာ ပို့ပေးထားတယ်။ ဒီစကြဝဠာထဲမှာ ငါတို့ ထင်ထားတာထက် ပိုကြီးတဲ့ တိုက်ကြီးတစ်ခု ရှိနေတယ်တဲ့။

ဧကရာဇ်ရဲ့ စိတ်နေစိတ်ထားကို ငါ ကောင်းကောင်းသိတယ်။ သူက ဒီလိုကိစ္စတွေကို သိပ်စိတ်မဝင်စားဘူး။ ဒါကြောင့် ငါတို့ပဲ အဲဒီ တောရိုင်းမြေကို သွားပြီး နယ်မြေတစ်ခု ရအောင် တိုက်ယူကြရအောင် ဧကရာဇ်အတွက် နယ်မြေချဲ့ထွင်ပေးသလိုမျိုးပေါ့။

အဲဒါဖြစ်နိုင်တယ်ဆိုရင်တော့ အကြီးအကဲစု အခုပဲ ချက်ချင်း ထွက်ကြမလား။အချိန်မဆွဲနဲ့ အခုပဲ သွားကြမယ် ခြောက်လတာ အချိန်မှာ မျက်တောင်တစ်ခတ်အတွင်း ကုန်ဆုံးသွားသည်။

ထျန်းရွှမ်းတိုက်ကြီးအတွင်းမှ အလင်းတန်းတစ်ခု ကောင်းကင်သို့ ထိုးတက်သွားသည်။ ခမ်းနားထည်ဝါသော ဖြစ်စဉ်များနှင့်အတူ သန့်စင်သောခန္ဓာအောင်မြင်သွားပြီး ကောင်းကင်ဖြစ်စဥ်နယ်ပယ်သို့ ရောက်ရှိသွားခြင်း ဖြစ်သည်။

ဆောင်းတွင်း အိမ်ခေါင်မိုးအောက်တွင် အနီရောင် ဝါဂွမ်းအင်္ကျီလေး ဝတ်ထားသော ပါးဖောင်းဖောင်းနှင့် ကလေးမလေးတစ်ယောက် ချူနင်၏ ရင်ခွင်ထဲတွင် မှီလျက် ကောင်းကင်က ဖြစ်စဉ်ကို ကြည့်နေသည်။

အစ်မရဲ့ ကျင့်ကြံမှုက အရမ်းနှေးတာပဲ အခုမှ ကောင်းကင်ဖြစ်စဥ်အဆင့် ရောက်တာလား။

ချူနင်က ရယ်မောရင်း မုန့်တစ်ဖဲ့ကို သူမပါးစပ်ထဲ ထည့်ပေးလိုက်သည်။

အစ်မရဲ့အခြေခံက ပိုခိုင်မာလို့ပါ တစ်ရက် နှစ်ရက် နောက်ကျတာ ကိစ္စမရှိပါဘူး။ အော်ဒါဆို ညီမလေးက ပိုမြန်မြန် ကျင့်ကြံနိုင်တာကို ဘာလို့အစ်မကို ပြန်မချနိုင်တာလဲ။

"ဘာလို့ အစ်မကို ရိုက်ချင်ရတာလဲ"

သူက သမီးကို အမြဲရိုက်တာလေ သမီးလည်း ပြန်ရိုက်ချင်တာပေါ့။ ရှူး... အစ်မ ပြန်လာပြီ သူကြားသွားဦးမယ်။

"ဟုတ်ကဲ့ပါ ဖေဖေ"

ယောင်ယောင်ချက်ချင်း ငြိမ်သွားသည်။ 

မလှမ်းမကမ်းတွင် ချူမူသည် လေထုကို ခွဲကာ ရောက်ရှိလာပြီး ယောင်ယောင်ကို အေးစက်စွာ စိုက်ကြည့်သည်။

ယောင်ယောင်က ရုတ်တရက် ထိတ်လန့်သွားပြီး ဘာလို့ စိုက်ကြည့်နေတာလဲ ညီမလေး ဘာမှမပြောပါဘူး။ မယုံရင် ဖေဖေ့ကို မေးကြည့်။

ချူမူက တည်ငြိမ်စွာဖြင့် ငါ့အတင်း ပြောနေတယ်လို့ ငါပြောလို့လား။ ဒါဆိုဘာလို့ အဲဒီလို ကြည့်နေတာလဲ။ ကြည့်ချင်လို့ ကြည့်တာ ဘာဖြစ်လဲ။

ယောင်ယောင်၏ မျက်လုံးထဲတွင် မျက်ရည်များ ဝဲလာပြီး ချူနင်၏ လက်မောင်းကို ဖက်ကာ ဝမ်းနည်းသလို လုပ်ပြသည်။

ဖေဖေ ကြည့်ဦး သူကအမြဲအနိုင်ကျင့်တာ။ သူက ဖေဖေ့ကို ဖက်တောင်မဖက်ချင်ဘူး ယောင်ယောင်လေးကပဲ ဖေဖေ့ကို ချစ်တာ။

ခဏတာအတွင်း ချူနင်၏ စိတ်ထဲတွင် ကျေနပ်မှုများ ပြည့်လျှံသွားပြီး ပြုံးမိသွားသည်။

အင်း သမီးလေး မွေးရတာ ဒီလိုအရသာမျိုးကို ရုတ်တရက် ဆက်သွယ်ရေးကိရိယာလေး လင်းလာသည်။ယောင်ယောင်က ချူနင်၏ လက်အင်္ကျီထဲမှ ချက်ချင်း ဆွဲထုတ်လိုက်သည်။ ၎င်းမှာ အကြီးအကဲ စုတိန်ဖန်း ပေးထားသော အရာဖြစ်သည်။ ဝိညာဉ်စွမ်းအင် ထည့်လိုက်သောအခါ ပုံရိပ်တစ်ခု ပေါ်လာသည်။

ခြောက်လတိုင်တိုင် ကြယ်စုနယ်မြေကို ဖြတ်သန်းလာခဲ့သော ကျင့်ကြံသူများမှာ နောက်ဆုံးတွင် ရောက်ရှိသွားကြပြီဖြစ်သည်။

အရှင်မင်းကြီး ကျွန်တော်တို့ တောရိုင်းမြေကို ရောက်ပါပြီ။ အဘိုးကြီးစု တွေ့ရတာ ကြာပြီနော်။

ယောင်ယောင်က  ဖန်သားပြင်ထဲက မြင်ကွင်းကို ကြည့်ပြီး စိတ်လှုပ်ရှားစွာ နှုတ်ဆက်လိုက်သည်။

သူတို့၏ နောက်ကွယ်တွင် ခမ်းနားသော ကြယ်တာရာ ကောင်းကင်ကြီးရှိနေပြီး ရှေ့တွင်တော့ အဆုံးမဲ့သော သမုဒ္ဒရာကြီး ရှိနေသည်။ ပင်လယ်ရေများမှာ အဝေးဆီမှ စီးဆင်းလာပြီး ကြယ်တာရာ မြေပြင်၏ အဆုံးတွင် နက်ရှိုင်းစွာ ကျဆင်းသွားသည်။ ထိုပင်လယ်ရေများမှာ အဆုံးမရှိသယောင် တောရိုင်းလောက၏ အစွန်းဆီသို့ တိုးဝင်နေကြသည်။ ချူနင်လည်း စိတ်ဝင်စားသွားသည်။ 

ကောင်းကင်က ပြားပြီး မြေကြီးက လေးထောင့်ဖြစ်နေသည်။ ရေတွေက ဂလက်ဆီထဲကို စီးကျနေပြီး အဆုံးမဲ့ တိုက်ကြီးတစ်ခု ရှိနေသည်။ ဒါက ရူပဗေဒ နိယာမတွေနဲ့ လုံးဝ ဆန့်ကျင်နေတာပဲ။ ဒါပေမဲ့ ကျင့်ကြံခြင်းလောကမှာတော့ ဒါတွေကအဆန်းမဟုတ်ပေ။

သူသည် ရဲ့ချန်းလျန်ကို ချက်ချင်းခေါ်ကာ ဤလောကသစ်ကို အတူတူ ကြည့်ကြသည်။ ကျင့်ကြံသူများ၏ မျက်လုံးထဲတွင်တော့ မျှော်လင့်ချက်များ ပြည့်နေသည်။

ဒီနေရာက တကယ်ကို ထူးခြားတာပဲ။ ပင်လယ်ရေထဲမှာ အတိုင်းအဆမရှိတဲ့ ဝိညာဉ်စွမ်းအင်တွေ ပါနေတယ်။ အထက်လောကထက်တောင် သိပ်သည်းဆ ပိုများသေးတယ်။

မင်းတို့ရော ခံစားမိလား ဒီလောကမှာ တစ်မျိုးထူးခြားတဲ့ စည်းမျဉ်းစွမ်းအားတွေ စီးဆင်းနေသလိုပဲ။

"အရှင်မင်းကြီး ဒီနေရာက တကယ်ကို ထူးခြားပါတယ်"

ယောင်ယောင်နှင့် ရဲ့ချန်းလျန်တို့က စူးစမ်းချင်စိတ်ဖြင့် ကြည့်နေကြပြီး ချူမူကတော့ စိတ်မဝင်စားသလို နေသော်လည်း ခိုးကြည့်နေသည်။

ချူနင်က ပြုံးပြီး မင်းတို့ရဲ့အရှိန်နဲ့ဆိုရင် ဒီပင်လယ်ကိုဖြတ်ပြီး တိုက်မကြီးကို မြင်ရဖို့ နောက်ထပ် လဝက်လောက် ကြာဦးမယ်။ အရင်ဆုံးဝမ်မိသားစုဆီ အရင်သွားလိုက်ကြ။

"အရင်က အထက်လောကကို လာခဲ့တဲ့ မိသားစုလား"

"ဟုတ်တယ်"

နားလည်ပါပြီ သူတို့မျိုးနွယ်စုကို အပြတ်ရှင်းပစ်ရမှာလား။

အဲဒါဆိုရင်တော့ မင်းတို့အားလုံး အဲဒီမှာ သေကုန်လိမ့်မယ်။ ငါပြောတာက အဲဒီမှာ ဘယ်လိုလောကမျိုး ရှိလဲဆိုတာ အရင်စူးစမ်းခိုင်းတာ။

ထိုနေရာတွင် မသေမျိုးဧကရာဇ်များ ရှိသဖြင့် ဤလူစုမှာ ခံနိုင်ရည်ရှိမည် မဟုတ်ပေ။ ပြီးတော့ ဘာအကြောင်းမှမရှိဘဲ သူများမျိုးနွယ်စုကို ဘာလို့ သွားဖျက်ဆီးရမှာလဲ ငါတို့က ဓားပြတွေမှ မဟုတ်တာ တရားဝင် အဖွဲ့အစည်းလေ။

စုတိန်ဖန်းက ရှက်ကိုးရှက်ကန်း ရယ်လိုက်ပြီးနားလည်ပါပြီ ဝမ်မိသားစုကို ရှာတွေ့ရင် ကောင်းမှာပဲ။

ရဲ့ချန်းလျန်က နားမလည်သလို မေးသည်။ဝမ်မိသားစုကို သွားရှာရင် အကြီးအကဲစုတို့ အသတ်ခံရနိုင်တာ မဟုတ်ဘူးလား တောရိုင်းတိုက်ကြီးကိုပဲ သွားစူးစမ်းတာက ပိုမကောင်းဘူးလား။

ချူနင်က ခေါင်းခါလိုက်ပြီး ဝမ်မိသားစုနဲ့ ရန်ငြိုးက သိပ်မကြီးပါဘူး။ အဲဒီဘက်က အသိဉာဏ်ရှိတဲ့သူဆိုရင် သူတို့ကို တိုက်ရိုက်သတ်ရဲမှာ မဟုတ်ဘူး။ တကယ်လို့ သတ်ရဲရင်တော့ ငါကိုယ်တိုင် ချက်ချင်း ရောက်လာမှာပေါ့။

ဝမ်မိသားစုကို လမ်းပြအနေနဲ့ သုံးလို့ရတယ်။ ဒီလောကမှာ မရေရာတဲ့ အချက်တွေ အများကြီး ရှိနေတယ်။ အထူးသဖြင့် အဲဒီတိုက်ကြီးက တခြားကြယ်စုနယ်မြေတွေနဲ့ မတူဘူး။ နတ်ဘုရားတွေနဲ့ ပတ်သက်နေမလားလို့ ငါသံသယဖြစ်မိတယ်။

ဒါကြောင့် အရင်ဆုံး အေးအေးဆေးဆေး စူးစမ်းပြီးမှ နယ်မြေချဲ့ဖို့ စဉ်းစားကြတာပေါ့။ အခုကတော့ အချိန်ကောင်း မဟုတ်သေးဘူး။

"ရှင်ကိုယ်တိုင် သွားလိုက်ရင် ပိုမလွယ်ဘူးလား"

ငါ့မှာ အချိန်မရှိဘူးလေ သမီးလေးက နှစ်နှစ်တောင် မပြည့်သေးဘူး။ စုတိန်ဖန်းက ပြုံးပြီး သခင်မလေး စိတ်မပူပါနဲ့ ဧကရာဇ်မင်းမြတ်က အိမ်မှုကိစ္စတွေနဲ့ အလုပ်ရှုပ်နေတာပါ။ 

ကျွန်တော်တို့က ဧကရာဇ်ရဲ့ ကျေးဇူးတွေကို ခံစားထားရတော့ ဒီလောက်တော့ လုပ်ပေးသင့်တာပေါ့။ ပြီးတော့ ဒါက ကျွန်တော်တို့ရဲ့ ကျင့်ကြံမှုအတွက်လည်း အထောက်အကူ ဖြစ်စေပါတယ်။

ရဲ့ချန်းလျန် ခေါင်းငြိမ့်လိုက်သော်လည်း ချူနင်ကို မျက်စောင်းထိုးကြည့်လိုက်သည်။

တခြားလူတွေက နယ်မြေချဲ့ပေးနေရချိန်မှာ ရှင်ကတော့ ဒီမှာ ကလေးထိန်းနေတယ်ပေါ့။

ယောင်ယောင်ကတော့ ဆက်သွယ်ရေးကိရိယာကိုယူပြီး စုတိန်ဖန်းတို့နှင့် စကားကောင်းနေသည်။ ရဲ့ချန်းလျန်သည် ချူနင်၏ ပုခုံးပေါ်တွင် မှီနေသော သမီးဖြစ်သူကို ကြည့်ပြီး သက်ပြင်းချလိုက်မိသည်။

ကလေးကိုချီထားရတာ လပိုင်းပဲ ရှိသေးတယ် အခု နှစ်နှစ်တောင်မပြည့်သေးဘူး အရမ်းကြီးနေပြီ။ သူ့ကို တစ်နေရာရာကို လွှတ်ပြီး အတွေ့အကြုံ ရှာခိုင်းရင် ကောင်းမလား။

အထက်လောကမှာ လေ့ကျင့်ခိုင်းဖို့ကလည်း ဒီကလေးနှစ်ယောက်က ငယ်ငယ်ကတည်းက အထက်လောကမှာပဲ လျှောက်သွားနေတာဆိုတော့ စိန်ခေါ်မှု မရှိတော့ပေ။ အဲဒီ တောရိုင်းတိုက်ကြီးမှာ အန္တရာယ် သိပ်မရှိဘူးဆိုရင်တော့ လွှတ်လို့ရနိုင်သည်။

သူမ ခွဲနိုင်ပါ့မလား။ သေချာပေါက် ခွဲနိုင်တာပေါ့။ ငယ်ငယ်တုန်းကတော့ သေးသေးလေးမို့လို့ မခွဲနိုင်ခဲ့ပေမယ့် အခုယောင်ယောင်က အကြီးကြီး ဖြစ်နေပြီ ပြီးတော့ နေ့တိုင်းသူမယောင်္ကျားကိုပဲ ဖက်ထားတာ နည်းနည်းတော့ မနာလိုဖြစ်မိတာ အမှန်ပဲ ရင်ထဲမှာ နင့်နေတာပဲ။

ဒါပေမဲ့ယောင်ယောင်က ငယ်ငယ်ကတည်းက ဒီလိုပဲ ချီခံလာရတာဆိုတော့ ဘာမှပြောလို့မရပေ။

ဒါပေမဲ့ အဲဒါ ငါ့ယောင်္ကျားလေ ငါ့ယောင်္ကျား

ဟိုတိုက်ကြီးမှာ ဘာတွေဖြစ်နေလဲ မြန်မြန်စုံစမ်းပြီး ဒီကလေးကို အပြင်လွှတ်မှပဲ။

ယောက်ျားကို ငါတစ်ယောက်တည်းပဲ ဖက်ချင်တယ်။