အခန်း ၁၆၁ ကြယ်စင်နယ်မြေပြင်ပမှ အရင်းအမြစ်များကို စုဆောင်းခြင်း

ခမ်းနားထည်ဝါသော နန်းတော်ကြီးအတွင်း၌ နေထိုင်ရန် သီးသန့်ဆောင်များ ရှိပေသည်။ ယခုအခါ အဓိကညီလာခံနန်းဆောင်မှလွဲ၍ ကျန်ရှိသော နန်းဆောင်များတွင် မည်သူမျှ ခြေချခွင့်မရှိပေ။

ဤနေရာသည် နောင်တွင် ချူနင်နှင့် သူ၏ မိသားစုဝင်များ နေထိုင်ရာ အရပ်ဖြစ်လာပေလိမ့်မည်။

အခြားသော ဧကရာဇ်များနှင့် ကျင့်ကြံသူများမှာမူ နန်းတော်ပတ်ဝန်းကျင်ရှိ တောင်ကြားလိုဏ်ဂူများ သို့မဟုတ် နန်းဆောင်ငယ်များတွင်သာ နေထိုင်ကြသည်။

နန်းတော်ထဲသို့ ဝင်လိုက်သည်နှင့် ရဲ့ချန်းလျန် နှင့် ရှောင်ပင်းတို့မှာ ဤနေရာ၏ သန့်ရှင်းသပ်ရပ်မှုနှင့် ဆန်းပြားမှုတို့ကြောင့် ချက်ချင်းပင် စိတ်ဝင်စားသွားကြသည်။

ရဲ့ချန်းလျန်က ခဏတာ ဝေခွဲမရဖြစ်နေပြီးမှ သမီးနှစ်ယောက်ကို ချီလိုက်ကာ တစ်ယောက်ကို ရှောင်ပင်းလက်ထဲ ထည့်ပေးလိုက်သည်။

ကျွန်မတို့ သူတို့ကို ဟိုဟိုဒီဒီ လိုက်ပြလိုက်ဦးမယ် သူတို့လည်း ဒီနေရာကို တော်တော် စိတ်ဝင်စားနေပုံရတယ်။ မေမေ ယောင်ယောင်က စိတ်မဝင်စားပါဘူး ယောင်ယောင်က ဖေဖေနဲ့ပဲ နေချင်တာ။

မဟုတ်ဘူး သမီးက စိတ်ဝင်စားနေတာပါ ရဲ့ချန်းလျန်က အတင်းပြောကာ သမီးကို ခေါ်သွားတော့သည်။

တကယ်တော့ ရဲ့ချန်းလျန်ကိုယ်တိုင်ကသာ လူအုပ်ကြီးကို ကြောက်ပြီး ရှောင်ထွက်ချင်နေခြင်းဖြစ်သည်။ ချူနင်ကတော့ သူမကို မဖော်ထုတ်တော့ဘဲ ပြုံး၍သာ ကြည့်နေလိုက်သည်။

စုတိန်ဖန်းကတော့ ဒါတွေကို ဂရုမစိုက်ပေ။ ဤနန်းတော်သည် ချူနင်ပိုင်ဆိုင်ခြင်း ဖြစ်ရာ သူတို့ စိတ်ကြိုက် နေထိုင်နိုင်ပေသည်။

"အရှင် ဆွေးနွေးစရာလေး တစ်ခု ရှိလို့ပါ"

"ဒီမနက်တင် ပြောပြီးပြီ မဟုတ်လား"

ဒီမနက်က တာ့ချန်းအင်ပါယာက အမတ်တွေ ကြောင်နေကြတာနဲ့ ကျွန်တော် ဆက်မပြောလိုက်ရလို့ပါ။

ချူနင် ခေါင်းငြိမ့်လိုက်သည်။ "ဘာကိစ္စလဲ"

အခု အထက်လောကမှာ ရှိတဲ့ ကျင့်ကြံရေး အရင်းအမြစ်တွေ အကြောင်းပါ။ စုတိန်ဖန်းက အနည်းငယ် ခက်ခဲသော လေသံဖြင့် ပြောသည် အမြင့်မြတ်ဆုံးဧကရာဇ်နန်းတော် တည်ထောင်ပြီးကတည်းက ကျွန်တော် ကျင့်ကြံသူတွေကို အထက်လောကရဲ့ အရင်းအမြစ် သတင်းအချက်အလက်တွေ စုဆောင်းခိုင်းခဲ့ပါတယ်။ အမှန်အတိုင်း ပြောရရင် အရင်းအမြစ်တွေက သိပ်ပြီး မပေါများလှပါဘူး။

ချူနင်အံ့သြသွားသည်။ အရင်က အရင်းအမြစ်တွေက မလုံလောက်ဘူးလား။ ကောင်းကင်တာအိုရဲ့ ကံကြမ္မာတွေ တိုးတက်လာရင် ဝိညာဉ်စွမ်းအင်တွေ ဝိညာဉ်ကျောက်တုံးတွေလည်း တိုးလာမှာပဲလေ။ ဘာလို့ မလုံလောက်တာလဲ။

အရှင် အရှင်က ကောင်းကင်တာအိုရဲ့ အဆင့်အတန်းကို မြှင့်တင်ပေးရုံတင်မကဘဲ အပြောင်းအလဲတွေ အများကြီး ထည့်သွင်းပေးခဲ့တာကို မေ့နေတာလား။ အခုဆို တာအိုကျင့်စဉ်တွေ နည်းနာတွေ အများကြီးကို လူတွေက ရှာဖွေတွေ့ရှိနေကြပြီ။ ဒါက ကျင့်ကြံခြင်းရဲ့ ရွှေခေတ်ဖြစ်ပေမဲ့ ကျင့်ကြံသူတွေ များလာတာနဲ့အမျှ နောင်နှစ်ပေါင်း တစ်သောင်းအတွင်းမှာ အရင်းအမြစ်တွေ ပြတ်လပ်သွားနိုင်တယ်လို့ တွက်ချက်ထားကြပါတယ်။

အထူးသဖြင့် မဟာဧကရာဇ်တွေပေါ့။ အရင်လို ၁၀ ပါးပဲ ကန့်သတ်ထားတာ မဟုတ်တော့ဘဲ နောက်ပိုင်းမှာ မဟာဧကရာဇ်တွေ အဲဒီအထက်က ကျင့်ကြံသူတွေ အများကြီး ထွက်လာတော့မယ်။

မဟာဧကရာဇ် တစ်ပါးရဲ့ အရင်းအမြစ် သုံးစွဲမှုက ကျင့်ကြံရေးတိုက်ကြီး အများအပြား ပေါင်းထားတာထက်တောင် ပိုပါတယ်။ 

ကျွန်တော်နဲ့ ဟင်းလင်းပြင်မျိုးနွယ်စုတွေ တွက်ချက်မှုအရဆိုရင် အရင်းအမြစ်တွေက နောက်နှစ် ၅၀၀၀ စာလောက်ပဲ ကျန်ပါတော့မယ်။

ချူနင် ခဏတာ တိတ်ဆိတ်သွားသည်။ ဒါက ကြိုတင်ပြင်ဆင်ထားတာပဲ ဒါပေမဲ့ ပြောတာကလည်း အဓိပ္ပာယ် ရှိသည်။ မသေမျိုး ကျင့်ကြံသူတွေအတွက် နှစ် ၅၀၀၀ ဆိုတာ မျက်စိတစ်မှိတ်စာမျှသာ ဖြစ်သည်။

ကြယ်စင်နယ်မြေတစ်ခုလုံးမှာရှိတဲ့ ကျင့်ကြံသူတွေ အကုန်လုံး အဆင့်တက်လာရင် အရင်းအမြစ် မလုံလောက်တာက တကယ့် ပြဿနာပဲ။

အရင်တုန်းက ကောင်းကင်တာအိုက မဟာဧကရာဇ် ၁၀ ပါးပဲ ကန့်သတ်ထားတာက အရင်းအမြစ်တွေ မျှတအောင် ထိန်းညှိထားခြင်းလည်း ဖြစ်နိုင်သည်။ သုံးစွဲမှုနဲ့ ထွက်ရှိမှုက မျှခြေဖြစ်နေခဲ့တာပေါ့။

စုတိန်ဖန်းက ရုတ်တရက် အကြံပေးလိုက်သည်။ အရှင် ကျွန်တော့်မှာ နည်းလမ်းတစ်ခု ရှိပါတယ်။ ဒီကြယ်စင်စုရဲ့ အပြင်ဘက်မှာလည်း တခြားသော ကြယ်စင်စနစ်တွေ ရှိနေဦးမှာပဲလေ။

ဧကရာဇ်လောင်းလျာအဆင့် ကျင့်ကြံသူတွေက ဟင်းလင်းပြင်ကို ဖြတ်ကျော်နိုင်ကြပါပြီ။ ကောင်းကင်တာအိုရဲ့ ကန့်သတ်ချက်တွေ ရှိနေသေးပေမဲ့ အရှင်တစ်ခွန်းပြောလိုက်ရင် ဒါတွေက ပြေလျော့သွားမှာပါ။ ကျွန်တော်တို့ တခြား ကြယ်စင်စနစ်တွေကို သိမ်းပိုက်ပြီး အရင်းအမြစ်တွေ ချဲ့ထွင်ရင်ကော။

ချူနင်​ေခါင်းငြိမ့်လိုက်သည်။ ဒါက စိတ်ကူးကောင်းပဲ။

ကောင်းကင်ဘုံက ချမှတ်ထားတဲ့ ကန့်သတ်ချက်တွေက ချူနင်အတွက်တော့ တစ်ခွန်းပြောရုံသာ ရှိသည်။ အခုဆို အမှောင်နယ်မြေလည်း မရှိတော့ရာ ဤကန့်သတ်ချက်များက မလိုအပ်တော့ပေ။ စကြဝဠာကြီးက ကျယ်ပြောလှပြီး မရေမတွက်နိုင်သော အရင်းအမြစ်များ ရှိနေပေလိမ့်မည်။

ချူနင်သည် ခေါင်းကို ဖြည်းဖြည်းချင်း မော့ကာ ကောင်းကင်တာအိုကို ကြည့်လိုက်သည်။ ထိုအခါ ကောင်းကင်တာအိုသည် ချက်ချင်းပင် သိရှိနားလည်သွားပြီး ကန့်သတ်ချက်များကို ရုပ်သိမ်းပေးလိုက်သည်။ လောကကြီးတွင် အပြောင်းအလဲကြီးကြီးမားမား မပေါ်သော်လည်း ကန့်သတ်ချက်များ ကွယ်ပျောက်သွားပြီဖြစ်သည်။

မင်းတို့ဘာသာ စီစဉ်လိုက်ပါ။ ဧကရာဇ်တစ်ပိုင်းတစ်ပါးဆိုလျှင်ပင် ကြယ်စင်စနစ်တွေကို ဖြတ်ကျော်ရန် လုံလောက်နေပြီ။ ဧကရာဇ်လောင်းလျာတွေ ဧကရာဇ်တွေဆိုလျှင် ပြောနေစရာပင် မလိုတော့။ စုတိန်ဖန်းက အားတက်သရော ခေါင်းငြိမ့်ပြသည်။

အခု အမြင့်မြတ်ဆုံးဧကရာဇ်နန်းတော်မှာ ကျင့်ကြံသူ သောင်းနဲ့ချီ ရှိနေပါပြီ။ သူတို့အားလုံးကိုအပြင်ကို စေလွှတ်လိုက်ပါ့မယ်။ 

အရှင်ရဲ့ ကောင်းချီးတွေနဲ့တင် အဆင့်တက်နေရတာထက် အပြင်ထွက်ပြီး အရင်းအမြစ်တွေ ရှာဖွေတာက သူတို့အတွက် ပိုကောင်းပါတယ်။ ဘာမှအကျိုးမပြုနိုင်ရင် ရာထူးတိုးပေးတာကလည်း အဓိပ္ပာယ် မရှိဘူးလေ။

ချူနင်က ပြုံးပြီး ပြောလိုက်သည် တခြား ကြယ်စင်နယ်မြေက သက်ရှိတွေနဲ့ တွေ့ရင် အတင်းအဓမ္မ သိမ်းပိုက်စရာ မလိုပါဘူး။ ကျင့်စဉ်တွေ တာအိုမူလတွေ ဒါမှမဟုတ် မဟာဧကရာဇ် တာအိုအသီးအနှံတွေနဲ့ အလဲအလှယ် လုပ်လို့ရတာပဲ။ ငါးတွေ အကုန်ရဖို့ ရေကန်ကို ခန်းအောင် လုပ်တာက ရေရှည်အတွက် မကောင်းဘူး။

မင်းတို့က နောင်မှာမဟာဧကရာဇ်တွေ မသေမျိုးဧကရာဇ်တွေ ဖြစ်လာကြဦးမှာ။ ဒီကြယ်စင်နယ်မြေလေးက မင်းတို့ကို ထာဝရ ကန့်သတ်ထားမှာ မဟုတ်ဘူး။ တခြား ကြယ်စင်နယ်မြေက လူတွေပါငါတို့ဆီ လာရောက် ပေါင်းစည်းနိုင်ရင် ပိုတောင် ကောင်းသေးတယ်။

စုတိန်ဖန်း သဘောပေါက်သွားသည်။ အင်အားသုံးတာက တော်လှန်မှုကိုသာ ဖြစ်စေနိုင်သည်။ ကောင်းကောင်းမွန်မွန် ဆွေးနွေးပြီး မရှိတာကို ရှိတာနဲ့ လဲလှယ်တာက ပို၍ ထိရောက်ပေလိမ့်မည်။

နားလည်ပါပြီ အရှင်ကျွန်တော် ချက်ချင်း စီစဉ်လိုက်ပါ့မယ်။ ကောင်းပြီ တခြား အရေးကြီးတာ မရှိရင် ငါ့ကို မနှောင့်ယှက်နဲ့တော့ ချူနင်သည် သူ၏ ဇနီးနှင့် သမီးများရှိရာသို့ ထွက်လာခဲ့သည်။

စုတိန်ဖန်းသည် ကျင့်ကြံသူ အားလုံးကို ချက်ချင်း စုဝေးစေလိုက်သည်။ အားလုံးက သတင်းကို ကြားတော့ အံ့သြသွားကြသည်။

ဘာ ကောင်းကင်တာအိုရဲ့ ကန့်သတ်ချက်တွေ မရှိတော့ဘူးလား။

ဒါဆိုရင် ငါတို့ကောင်းကင်ဘုံရဲ့ အပြင်ဘက်ကို ထွက်ပြီး နဂါးငွေ့တန်းကြီးက ဘယ်လိုလဲဆိုတာ သွားကြည့်လို့ ရပြီပေါ့။

စကြဝဠာနှင့် အမည်မသိ နယ်မြေများကို စူးစမ်းလိုစိတ်မှာ လူသားတို့၏ မွေးရာပါ ဗီဇပင်ဖြစ်သည်။ ကြယ်စင်တွေ ပြည့်နေတဲ့ ကောင်းကင်ကို မော့ကြည့်လိုက်တဲ့ ခဏမှာတင် လူသားတွေရဲ့ စူးစမ်းလိုစိတ်က စတင်နေခဲ့ပြီ မဟုတ်လား။

ထိုအချိန်တွင် ကြယ်စင်စနစ်၏ အပြင်ဘက်၌

အကြီးအကဲအချို့က ခေါင်းခဲနေကြသည်။

ဒီကြယ်စင်နယ်မြေမှာ ပြင်းထန်တဲ့ ကန့်သတ်ချက်တွေ ရှိနေလို့ ငါတို့ ဖြတ်ကျော်လို့ မရဘူး ဖြစ်နေတာ။ ငါတို့မျိုးနွယ်စုဆီ ပြန်ပြီး အကြီးအကဲတွေကို သတင်းပို့တာက ပိုကောင်းမယ်။

ဒီနယ်မြေက ငါတို့ တွေ့ဖူးသမျှ နယ်မြေတွေထက် ပိုကျယ်သလို ငါတို့ နယ်မြေထက်တောင် ပိုကြီးပုံရတယ်။

အရင်က ဘာလို့သတိမထားမိတာလဲ အရင်ကတော့ ဒီနေရာက မှောင်မည်းပြီး ရှုပ်ထွေးနေတာပဲလေ။ အမှောင်ထုက ဒီနေရာကို ဖုံးကွယ်ထားတာများလား။

မသိဘူး အမြန်ပြန်ပြီး သတင်းပို့တာက ပိုအရေးကြီးတယ်။

"မှန်တယ်"