အခန်း ၁၅၈ ကြယ်စင်များအောက်ဝယ်

ညနေစောင်းတွင် ရဲ့ချန်းလျန်သည် နန်းတော်၌ ညစာစားခဲ့သည်။

ကျွန်မ သွားရတော့မယ် စစ်တပ်ကို ပစ်ထားလို့ မဖြစ်ဘူး။ သွားပါ ငါ့ရဲ့အရှေ့ဘက်ချီတက်ပွဲက စစ်သေနာပတိချုပ်ကြီးရယ် စိတ်မပူနဲ့ သမီးလေးတွေကို ငါသေချာကြည့်ထားလိုက်မယ် ဘာပြဿနာမှ မရှိစေရဘူး။

ရဲ့ချန်းလျန်သည် ချူနင်ကို တစ်ချက်ကြည့်ကာ နှာခေါင်းရှုံ့လိုက်သော်လည်း ဘာမှတော့ မပြောပေ။ သမီးတွေကို သေချာဂရုစိုက်ရန် မှာကြားပြီးနောက် ထွက်ခွာသွားတော့သည်။

သမီးနှစ်ယောက်လုံးကလည်း မေမေ ဘယ်သွားသလဲဆိုတာကို မမေးကြပေ။ ဘာပဲဖြစ်ဖြစ် တွေ့ချင်တဲ့အချိန် တွေ့လို့ရတာပဲလေ။ ဖေဖေကမှ သူတို့ရဲ့ အစစ်အမှန်အချစ် မေမေကတော့ မတော်တဆပါလာတာမျိုးပေါ့။

ဖေဖေ ယောင်ယောင်က ပုထိုးတော်ကြီး ဗောဓိက မျောက်ကလေးကို သင်ပေးတဲ့ ၇၂ မျိုးသော ပြောင်းလဲခြင်းအတတ်ကို သင်ချင်တယ်။

ယောင်ယောင်က အခုလည်း ပြောင်းလဲလို့ ရနေပါပြီ ဒါပေမဲ့ ဖေဖေက သမီးလေး ထိန်းမနိုင်မှာ စိုးလို့ပါ။ သမီးလေး နည်းနည်းကြီးလာမှ ပြောင်းကြည့်မလား။ ရဲ့ယောင်ယောင်က အားတက်သရော ခေါင်းငြိမ့်ပြသည်။

ယောင်ယောင်က ကြီးလာရင် ခူကောင်လေး ဖြစ်ချင်တာ ဒီနေ့ နေ့လယ်က ဖေဖေ့ကိုယ်ပေါ်မှာ အကြာကြီး ငြိမ်ငြိမ်လေး ကပ်နေတဲ့ ခူကောင်လေးလိုမျိုး ယောင်ယောင်လည်း ဖြစ်ချင်တယ်။

ကောင်းပါပြီ ဒါဆိုငါတို့သားအဖတွေ ခူကောင်လေးတွေ အတူတူလုပ်ကြတာပေါ့ ဟုတ်ပြီလား။

"ဝိုး... ခူကောင်လေး"

ချူမူကတော့ တိတ်တဆိတ် ထွက်သွားသည်။ သူမညီမလေးက ငယ်လွန်းသေးသည်။ ဖေဖေကလည်း သူတို့နဲ့ စကားပြောရင် ကလေးလား လူကြီးလား မသဲကွဲအောင် ပြောတတ်တာကို သူမ အခုထိ သိပ်ပြီး အသားမကျသေးပေ။

နန်းဆောင်၏ အမိုးစွန်းအောက်တွင် ယခင်က ဓားဧကရာဇ်ဖြစ်ခဲ့ဖူးပြီး ယခု ချူနင်၏ သမီးဖြစ်နေသူလေးသည် ကောင်းကင်ယံကို မော့ကြည့်နေသည်။

ထာဝရ တောက်ပနေသော ကောင်းကင်ပြာကြီးအခုတော့ ဒါတွေအားလုံးက ငါတို့ပိုင်တာပေါ့ သူမဧကရာဇ်ဖြစ်ခဲ့စဉ်ကတောင် ဤကဲ့သို့ ဖြစ်လာလိမ့်မည်ဟု မထင်မှတ်ခဲ့ပေ။ ယခုမူ ဤလောကကြီးသည် သူမ၏ ကိုယ်ပိုင်ကမ္ဘာလေး ဖြစ်နေပြီဖြစ်သည်။

ထိုစဉ် ကောင်းကင်ယံထက်မှ ကောင်းကင်ဘုံ၏ အလိုတော်က သက်ဆင်းလာသည်။ ချူမူသည် အံ့သြခြင်း မရှိပေ။ ဖေဖေ ခေါ်လာတာ ဖြစ်လိမ့်မည်ဟု သူမ ခန့်မှန်းမိသည်။

သို့သော် နောက်တစ်ခဏတွင် ကောင်းကင်ဘုံ၏ ကောင်းချီးမင်္ဂလာများသည် ရုတ်တရက် သက်ဆင်းလာပြီး ချူမူ၏ ခန္ဓာကိုယ်ကို လွှမ်းခြုံသွားသည် ဤကောင်းချီးများကြောင့် ကောင်းကင်တာအိုအောက်ရှိ မည်သည့် မဟာဧကရာဇ်မျှ ချူမူကို အနည်းငယ်မျှပင် ထိခိုက်အောင် မလုပ်နိုင်တော့ပေ။

ထိုကောင်းချီးများကို အခန်းထဲတွင် ချူနင်နှင့် ဆော့ကစားနေသော ရဲ့ယောင်ယောင်နှင့် စစ်စခန်းသို့ ပြန်ရောက်သွားသော ရဲ့ချန်းလျန်တို့လည်း ရရှိကြသည်။ ဤသည်မှာ ကောင်းကင်ဘုံ၏ ကျေးဇူးဆပ်ခြင်း ဖြစ်သည်။

အလောင်းမသေမျိုးဧကရာဇ် လက်ထဲတွင် ကောင်းကင်တာအိုသည် ပျက်သုဉ်းရန် ကံပါနေခဲ့သည်။ ယခု ဘေးအန္တရာယ်မှ လွတ်မြောက်ခဲ့ပြီဖြစ်ရာ ချူနင်ကို ကျေးဇူးဆပ်ရန် ကြိုးစားခြင်း ဖြစ်သည်။

အမြင့်မြတ်ဆုံးဧကရာဇ်နန်းတော်ကို ကောင်းချီးပေးခြင်းကတစ်မျိုး ယခုချူနင်၏ ဇနီးနှင့် သမီးများကို ကောင်းချီးပေးခြင်းက တစ်မျိုးဖြစ်သည်။ ချူနင်အတွက် ဤကာကွယ်မှုမျိုး မလိုအပ်သော်လည်း ဤသည်မှာ ကောင်းကင်ဘုံအနေဖြင့် ပေးအပ်နိုင်သော အကောင်းဆုံးအရာ ဖြစ်သည်။

ချူနင်၏ ဘေးနားရှိ လူများကို မည်သူမျှ ရန်မပြုနိုင်စေရန် အာမခံချက် ပေးလိုက်ခြင်းပင်။

ချူမူ သက်ပြင်းတစ်ချက် ရှည်ရှည်ချလိုက်မိသည်။ ဤကဲ့သို့သော နတ်ဘုရားအဆင့် ကာကွယ်မှုကို သူမ၏ ယခင်ဘဝ တစ်လျှောက်လုံးတွင် တစ်ခါမျှ မရရှိခဲ့ဖူးပေ။ ကောင်းကင်ဘုံက ချူနင်ကို ကိုးကွယ်နေသလိုပင် ကောင်းတာမှန်သမျှ အကုန်ပေးနေတော့သည်။

ယခုဆိုလျှင် သူမသည် ဘာမှမလုပ်ဘဲနှင့်ပင် ကောင်းကင်တာအိုအောက်တွင် မည်သူမျှ မယှဉ်နိုင်သော မဖျက်ဆီးနိုင်သော တည်ရှိမှုတစ်ခု ဖြစ်လာခဲ့ပြီ။

ပြောရရင် ဘာမှမလုပ်ဘဲနေရတာ တကယ် ဇိမ်ရှိတာပဲ။ နှစ်ပေါင်း တစ်သောင်းလောက် ကျင့်ကြံပြီးမှ အသတ်ခံလိုက်ရတဲ့အတွက် ကောင်းကင်ဘုံကပေးတဲ့ ဆုလာဘ်လား သေရကျိုးနပ်သွားသလိုပါပဲ။

ထိုစဉ် ချူနင်သည် လက်ကို နောက်ပစ်ကာ ခန့်ညားထည်ဝါသော အရှိန်အဝါဖြင့် ထွက်လာသည် ယောင်ယောင်းနှင့် စကားပြောလျှင် ကလေးလို ပြောတတ်သော်လည်း မူမူနှင့် ပြောလျှင်မူ ပို၍ တည်ငြိမ် လေးနက်သွားတတ်သည်။ ဤသမီးလေးက အရာရာကို မြန်မြန်နားလည်ပြီး တည်ငြိမ်သော စရိုက်ရှိသည်ကို သူသိသည်။

"မူမူ သမီး ကျင့်ကြံတာ ဘယ်အဆင့် ရောက်ပြီလဲ"

ဪ... ဆဋ္ဌမနယ်ပယ်ရောက်ပြီလား။

အင်း ဆဋ္ဌမနယ်ပယ်ဆိုတော့ မဆိုးပါဘူး။ နောက် သုံးနှစ်အတွင်း ကောင်းကင်ဖြစ်စဉ်နယ်ပယ်ကို ရောက်ဖို့ဆိုတာ ပြဿနာ မရှိပါဘူး။

ချူမူ တစ်ခုခု ပြောချင်သော်လည်း ထိန်းထားလိုက်သည်။ သုံးနှစ် ဖေဖေပြောတာ နှေးလွန်းနေပြီ။ ချူနင်ပေးထားသော ကျင့်စဉ်များ၊ စိတ်စွမ်းအား ကျင့်ကြံနည်းများနှင့် အရင်းအမြစ်များ ရှိနေပါလျက်နှင့် သုံးနှစ်အတွင်း ထိုအဆင့်ကို မရောက်လျှင် သူမ ညံ့လွန်းရာ ရောက်ပေလိမ့်မည်။

ဒါပေမဲ့ ဖေဖေက သူမကို ယောင်ယောင်လို ကလေးသံနဲ့ မပြောတာကိုတော့ သူမ ကျေနပ်မိသည်။

မေမေ တိုက်ကြီးကို ပေါင်းစည်းပြီးရင် ဖေဖေက နယ်ပယ်တစ်ခုလုံးကို ကောင်းကင်ဘုံဆီ ခေါ်သွားသင့်တယ်လို့ သမီးထင်လား။

ချူမူ ခဏစဉ်းစားပြီး ပြန်ဖြေသည် ဒါက မေမေ့ရဲ့ ဆုံးဖြတ်ချက်ပေါ်မှာ မူတည်တာ မဟုတ်ဘူးလား။

ချူနင် ခေါင်းငြိမ့်လိုက်သည်။ မေမေ့ဆန္ဒက အရေးကြီးတာပေါ့ တကယ်တော့ ဒီမှာပဲနေနေ အထက်လောကကိုပဲ သွားသွား ဘာမှ မထူးခြားပါဘူး။ ဒါဆိုရင် ဒီမှာပဲ နေတာ ကောင်းပါတယ် ဖေဖေ။

ချူနင် ပြုံးလိုက်ပြီး ကြယ်စင်ကောင်းကင်ယံကို မော့ကြည့်လိုက်သည်။

မူမူ ငါတို့ကမ္ဘာရဲ့အထက်မှာ အထက်လောက ဆိုတာရှိတယ် အဲဒါက ဖေဖေအရင်က ပြဖူးတဲ့ မရေမတွက်နိုင်တဲ့ ဂြိုဟ်တွေနဲ့ ကြယ်ကြီးတွေပေါ့။

ချူမူ စိတ်ဝင်တစား နားထောင်နေသည်။အဲဒီ ကြယ်စင်နယ်မြေရဲ့ အထက်မှာလည်း ပိုပြီး ကျယ်ပြောတဲ့ ကြယ်စင်ပင်လယ်ဆိုတာ ရှိသေးတယ်။ အရင်က ဖေဖေ သမီးတို့ကို အပြင်ခေါ်သွားတုန်းက တွေ့ခဲ့ရတဲ့ အရာမျိုးပေါ့။

မေမေကျင့်ကြံတာ တိုးတက်လာတဲ့အခါ သမီးနဲ့ ယောင်ယောင်လည်း တိုးတက်လာတဲ့အခါ ဖေဖေက သမီးတို့ကို ပိုဝေးတဲ့ ပိုကြီးတဲ့ နေရာတွေကို ခေါ်သွားပြီး ပိုလှတဲ့ မြင်ကွင်းတွေ ပြပေးမယ် ဘယ်လိုလဲ။

ချူမူ အံ့သြသွားသည်။ ပိုကြီးတဲ့ကမ္ဘာ ကောင်းကင်နဲ့ မြေကြီးရဲ့အပြင်ဘက်မှာ ပိုကျယ်တဲ့ ကမ္ဘာရှိသေးတာလား စကြဝဠာကြီးကကျယ်ပြောလှသည်။

မဟာဧကရာဇ်ဆိုတာ အစပြုရုံသာ ရှိသေးပြီး မသေမျိုးဧကရာဇ်ဆိုတာ ကောင်းကင်တာအိုရဲ့ ကန့်သတ်ချက်ကနေ ရုန်းထွက်နိုင်ရုံသာ ရှိသေးတာပေါ့။

ဖေဖေပြောပုံအရဆိုရင် သူက အချိန်မရွေး ထွက်သွားနိုင်တဲ့ပုံပဲ။ ဒါဟာ ဖေဖေ့ရဲ့အသိဉာဏ်နဲ့ အဆင့်အတန်းက သူမ ထင်ထားတာထက် အများကြီး ပိုမြင့်နေတာကို သက်သေပြနေသည်။

စကြဝဠာရဲ့အစက ဒီကြယ်စင်နယ်မြေလေးတင်မဟုတ်ဘူး။ ဒီ့ထက် ဝေးကွာတဲ့ ကမ္ဘာတွေ ရှိနေသေးတာပဲ။ ချူမူ အကြာကြီး စဉ်းစားပြီးမှ ခေါင်းငြိမ့်လိုက်သည်။

ဒါကို မြင်တော့ ချူနင်က ပြုံးပြီး မူမူ၏ ဆံပင်လေးကို ပွတ်သပ်ပေးလိုက်သည်။ သူမ သမီးလေးက ပြောရဆိုရ လွယ်ကူသည်။ 

အထူးသဖြင့် ဒီလိုအေးစက်စက်နဲ့ တည်ငြိမ်တဲ့ သမီးမျိုးပေါ့။ အမှန်အတိုင်း ပြောရရင် မူမူ စကားမပြောနိုင်ခင်က သူမ ဘာလိုချင်သလဲ ဘာသိချင်သလဲဆိုတာကို နားလည်ဖို့ တကယ် ခက်ခဲခဲ့သည်။

သူမက တခြားကလေးတွေနဲ့ မတူဘဲ ကျင့်ကြံခြင်းနဲ့ ပိုကျယ်ပြန့်တဲ့ ကမ္ဘာကို သိချင်နေတာပဲ။

ကဲ အထဲဝင်ရအောင် ဖေဖေ မျောက်ကလေး အကြောင်း ဆက်ပြောပြမယ်။ ဒါကို ကြားတော့ ချူးမူ၏ မျက်လုံးလေးများ တောက်ပသွားပြီး ခေါင်းငြိမ့်ကာ လိုက်သွားတော့သည်။

ညအမှောင် လွှမ်းခြုံထားသော နန်းတော်ကြီးသည် အလွန်အေးချမ်းလှသည်။ အထက်လောကတွင်မူ ဆူညံပွက်လောရိုက်နေဆဲ ဖြစ်သော်လည်း ချူနင်က ထိုအရာများကို မနှစ်သက်ပေ။

နောက်ထပ် နှစ်ပတ်ခန့် ကြာသောအခါ 

နံနက်စောစောအချိန်တွင် နေမင်းသည် ထျန်းရွှမ်းတိုက်ကြီး၏ အရှေ့ဘက် အစွန်ဆုံး ပင်လယ်ပြင်ထက်တွင် ဖြည်းဖြည်းချင်း ထွက်ပေါ်လာသည်။ ရဲ့ချန်းလျန်၏ နောက်ကွယ်မှ စစ်သူကြီးတစ်ဦးက သတင်းပို့လာသည်။

အရှင်မ အမြင့်မြတ်ဆုံးဂိုဏ်းက လက်နက်ချပြီး ကျွန်တော်တို့ တာ့ချန်းအင်ပါယာဆီမှာ အမှုထမ်းဖို့ သဘောတူလိုက်ပါပြီ။

လှိုင်းတံပိုးများ ထနေသော ပင်လယ်ပြင်ကို ကြည့်ရင်း ရဲ့ချန်းလျန် ခေါင်းငြိမ့်ပြလိုက်သည်။

သမိုင်းမှာ အရှင်မက အနောက်ကနေ အရှေ့အထိ တစ်တိုက်ကြီးလုံးကို သိမ်းပိုက်နိုင်တဲ့ ပထမဆုံးဧကရာဇ် ဖြစ်လာပါပြီ ဂုဏ်ယူပါတယ် အရှင်မ။

ဒါကို ကြားတော့ ရဲ့ချန်းလျန်က နှုတ်ခမ်းလေး တွန့်သွားပြီး တိုးတိုးလေး ရေရွတ်လိုက်သည်။ ထင်တဲ့အတိုင်းပဲ သိပ်ပြီး စိတ်ဝင်စားဖို့ မကောင်းတော့ဘူး။

ဒါက သူမအတွက်ရော ချူနင်အတွက်ရော ဘာမှမထူးခြားတော့ပေ။ အိမ်မှာနေပြီး ကလေးထိန်းတာကမှ ပိုကောင်းဦးမည်။

ချက်ချင်း မြို့တော်ကိုပြန်မယ် စစ်တပ်ကို ဆုလာဘ်တွေ ပေးလိုက်ပါ။ မြို့တော် ပြန်ရောက်ရင် ခုနစ်ရက်တိုင်တိုင် အောင်ပွဲခံပွဲတော် ကျင်းပမယ် ပြီးရင်နိုင်ငံတော် အမည်ကို လုံချင်းလို့ ပြောင်းမယ်။

"ဪ ဒါဆို အရှင်မကကော"

"ငါ အရင် ပြန်နှင့်မယ်"

ထာဝရကြယ်စုနယ်မြေသည် ယခုအခါ အမြင့်မြတ်ဆုံးဧကရာဇ်နန်းတော်၏ အုပ်ချုပ်မှုအောက်တွင် လုံးဝ ရောက်ရှိသွားပြီ ဖြစ်သည်။ မူလက မျိုးနွယ်စု ၁၀ ခု ခွဲခြား အုပ်ချုပ်ခဲ့သော်လည်း ယခုအခါ တစ်ခုတည်းသော အမြင့်မြတ်ဆုံး အင်အားစုအောက်တွင် ရှိနေတော့သည်။

ကျယ်ပြောလှသော စကြဝဠာကြီးအတွင်းရှိ ကြယ်စင်နယ်မြေများတွင် မည်သည့် အပြောင်းအလဲမဆို သေးငယ်လှသည်။

"ဪ"

ဒီနေရာမှာ တခြား ကြယ်စင်စနစ်တစ်ခု ရှိနေသေးတာလား။