အခန်း ၁၅၆ အမည်ခံသက်သက်သာ ကျန်ရစ်တော့သည်

မဲမှောင်နေသောကောင်းကင်သည်

တစ်ဖန်ပြန်လည် လင်းထိန်လာခဲ့သည်။

ကောင်းကင်ကြီးမှာ တစ်မျိုးတစ်ဖုံ ပြောင်းလဲသွားပုံရသည်။

မဟာဧကရာဇ် ရှစ်ပါးမှာ ခေါင်းဖြတ်သတ်ခြင်းခံလိုက်ရပြီး သူတို့၏ ရုပ်ထုများကို ကောင်းကင်တာအိုရှေ့တွင် ဒူးထောက်ခိုင်းထားကာ လူသားမျိုးနွယ်အပေါ် ပြစ်မှားခဲ့သော အပြစ်သားများအဖြစ် ထာဝရ ဒူးထောက်နေစေခဲ့ပြီ ဖြစ်သည်။

ကြယ်စင်နယ်မြေ ပေါင်းစည်းခြင်း ဆိုသည်မှာ အထက်လောကနှင့် အောက်လောက နှစ်ခုလုံး ပေါင်းစည်းသွားခြင်းကို ဆိုလိုသည်။

ဇနီးသည်က ထျန်းရွှမ်းတိုက်ကြီးကို ပေါင်းစည်းသည်။

သူကတော့ လောကခပ်သိမ်းနှင့် မရေမတွက်နိုင်သော နယ်ပယ်အားလုံးကို ပေါင်းစည်းလိုက်သည်။

အားလုံးက ကြယ်စင်စနစ်တစ်ခုတည်းထဲမှာပဲ ရှိနေတာ အမြဲတမ်း တိုက်ခိုက်နေကြတာ ဘာအဓိပ္ပာယ်ရှိလို့လဲ။

ယခင်က သက်ရှည်တာအိုမျိုးနွယ်စုများ ရှိခဲ့သော နေရာတွင် ယခုအခါ ဟင်းလင်းပြင်တာအိုမျိုးနွယ်စုများ၏ ထိန်းချုပ်မှုအောက်၌ ခမ်းနားထည်ဝါလွန်းသော ဧကရာဇ်နန်းတော်ကြီးတစ်ခု မြေပြင်မှ ထွက်ပေါ်လာခဲ့ပြီ ဤနေရာသည် ချူနင်၏ နောင်အနာဂတ် ကျင့်ကြံရာနေရာ ဖြစ်လာပေလိမ့်မည်။

ယနေ့တွင် ဧကရာဇ်၏ နာမတော်သည် လောကခပ်သိမ်းတွင် ဟိန်းထွက်သွားမည်မှာ သေချာသော်လည်း ၎င်းမှာ နောက်ပိုင်းမှ ပြောရမည့် အကြောင်းအရာဖြစ်သည်။ သူကတော့ အမိန့်ပေးရုံသာ တာဝန်ယူသည်။ ထိုမှတစ်ဆင့် ဘယ်လိုဆက်လုပ်မလဲဆိုသည်မှာ သူတို့၏အလုပ်သာ ဖြစ်သည်။

အင်အားစုအသီးသီးမှ ဧကရာဇ်လောင်းလျာအထက် ကျင့်ကြံသူများသည် အမြင့်မြတ်ဆုံးဧကရာဇ်နန်းတော်၏ ကျင့်ကြံရာနေရာများသို့ ဝင်ရောက် ကျင့်ကြံနိုင်သည်။ ကျန်ရှိသော ကျင့်ကြံသူများအတွက်မူ မျိုးနွယ်စုခွဲခြားမှု သို့မဟုတ် နယ်နိမိတ် ကန့်သတ်ချက်များ မရှိတော့ပေ။

ဂိုဏ်းအသီးသီးသည် မိမိတို့ဘာသာ သီးခြားစီ တိုးတက်နိုင်ကြပြီး မသေမျိုးနန်းတော်နှင့် ကောင်းကင်အင်အားစုများ၏ စည်းမျဉ်းများကို လိုက်နာနေကြဆဲ ဖြစ်သည်။ သို့သော် ယခုအခါ အင်အားအဆင့်အတန်း အသစ်တစ်ခု ထပ်တိုးလာခဲ့သည်။

အမြင့်မြတ်ဆုံးသောအင်အားစု။

အမြင့်မြတ်ဆုံးဧကရာဇ်၏နန်းတော် ဤနေရာသည် ချူနင်၏ ကျင့်ကြံရာနေရာအဖြစ် ရွေးချယ်ခံရပြီးနောက် ကောင်းကင်တာအို၏ အဆင့်မြှင့်တင်မှုအပြီး ပထမဆုံး ကောင်းချီးပေးခြင်းခံရသည့် နေရာဖြစ်လာကာ မြင့်မြတ်သော ကံတရားနှင့် ဥပဒေသများ လွှမ်းခြုံထားသည်။

ထောင်ပေါင်းများစွာသော ဧကရာဇ်လောင်းလျာများသည် ဤနန်းတော်တွင် ကျင့်ကြံနိုင်ပြီး နောင်တွင် အဆင့်တက်လာမည့် ဧကရာဇ်လောင်းလျာများနှင့် မဟာဧကရာဇ်များသည် ကောင်းကင်တာအိုထံမှ ပိုမိုများပြားသော ကောင်းချီးများကို ရရှိနိုင်မည်ဖြစ်သည်။ ဤသို့ဖြင့်သာ လောကခပ်သိမ်း၏ စစ်မှန်သော ပေါင်းစည်းမှု ဖြစ်လာနိုင်ပေလိမ့်မည်။

အောက်ခြေကျင့်ကြံသူများသည် အဆင့်တက်လာပြီးနောက် မိမိတို့စိတ်ကြိုက် ဂိုဏ်းများကို ရွေးချယ်ကာ ခွန်အားမြှင့်တင်နိုင်မည်ဖြစ်သည်။ ဧကရာဇ်လောင်းလျာအဆင့်သို့ ရောက်ရှိသည်နှင့် ဧကရာဇ်နန်းတော်သို့ ဝင်ရောက်ကာ မိမိတို့၏ တာအိုကို သက်သေပြပြီး ပိုမိုမြင့်မားသော နယ်ပယ်များကို လိုက်စားနိုင်မည် ဖြစ်သည်။

အကျိုးစီးပွားနှင့် ရာထူးတိုးတက်မှု အစီအစဉ်ကို ပေါင်းစည်းလိုက်ခြင်းဖြင့် တည်ငြိမ်မှုကို ထိန်းသိမ်းနိုင်သည်။ ယခုအခါ ချူနင်သည် စီမံခန့်ခွဲမှု အာဏာအားလုံးကို စုတိန်ဖန်းထံ အပ်နှံထားလိုက်သည်။

စုတိန်ဖန်းကတော့ ငြင်းပယ်မည်မဟုတ်ပေ။ အမြင့်မြတ်ဆုံးဧကရာဇ်နန်းတော်သို့ အရင်ဆုံး ဝင်ရောက်ခွင့်ရသူများသည် အကျိုးကျေးဇူး အများဆုံး ရရှိမည်ဖြစ်သည်။

ဧကရာဇ်နှင့်ရင်းနှီးသော ဆက်ဆံရေးရှိခြင်း၏ရလဒ်ပင် ဧကရာဇ်က ဤအသေးအဖွဲကိစ္စများကို မကိုင်တွယ်ချင်လျှင် သူကပဲ လုပ်ပေးလိုက်မည်။

အထက်လောက၏ အာဏာတည်ဆောက်ပုံမှာ အကြီးအကျယ် ပြောင်းလဲသွားခဲ့ပြီ ဖြစ်သည်။

အောက်လောကက ရဲ့ချန်းလျန်သည် သူမ၏ ပေါင်းစည်းရေး လုပ်ငန်းစဉ်များအတွက် သူမ၏ စစ်တပ်ကို အဝေးမှ အမိန့်ပေးနေဆဲ ဖြစ်သည်။ အခု မိုးလင်းပြီ မဟုတ်လား မိုးလင်းရင် ဆက်တိုက်ရမှာပေါ့။ ကလေးအဖေက ဒီမှာမရှိပေမဲ့ ငါကတော့ ကလေးတွေကို ကြည့်ရဦးမယ်။

ချန်ချန်းနန်းဆောင်အတွင်း၌ မိန်းကလေးငယ်နှစ်ယောက်မှာ အိပ်ပျော်နေဆဲ ဖြစ်သည်။ ရှောင်ပင်းနှင့် ရဲ့ချန်းလျန်တို့သည် ကုတင်ဘေးတွင် ထိုင်နေကြပြီး ချူနင်အတွက် စိုးရိမ်နေကြသည်။ ရှောင်ပင်းသည် အမှောင်ထုကောင်းကင်ပျောက်သွားပြီလားဆိုသည်ကို ခဏခဏ ထကြည့်နေတတ်သည်။

ကောင်းကင်ကြီး ပုံမှန်အတိုင်း ပြန်ဖြစ်သွားမှသာ လူတိုင်း သက်ပြင်းချနိုင်တော့သည်။

သူမက တိုးတိုးလေး ပြောလိုက်သည် အရှင်မ ဧကရာဇ် (ချူနင်) ကိစ္စပြီးလောက်ပါပြီ။

ရဲ့ချန်းလျန်က ခေါင်းငြိမ့်လိုက်ပြီး တင်းကြပ်နေသော စိတ်ကို လျှော့ချလိုက်သည်။ 

သို့သော် ချူနင်ကို ကိုယ်တိုင်မြင်ရမှသာ စိတ်အေးနိုင်မည်။ သူမ မွေးကတည်းက ဤကဲ့သို့ ထူးဆန်းသော ဖြစ်ရပ်မျိုး မမြင်ဖူးပေ။ ချူနင် ဤမျှကြာအောင် သွားနေရသည်ဆိုလျှင် ရန်သူ၏ ခွန်အားမှာ သေချာပေါက် အထင်သေး၍ မရပေ။

ထိုအခိုက်အတန့်တွင် လောကခပ်သိမ်းမှ မရေမတွက်နိုင်သော အော်ဟစ်သံများ ထွက်ပေါ်လာသည်။

"မသေမျိုးဧကရာဇ် မသေမျိုးဧကရာဇ် "

"ထာဝရကြယ်စုနယ်မြေ အမြင့်မြတ်ဆုံးဧကရာဇ်နန်းတော် လောကခပ်သိမ်း ပေါင်းစည်းခြင်း"

ရဲ့ချန်းလျန်မှင်တက်သွားသည် ရှောင်ပင်းလည်း မှင်တက်သွားသည် ယခုလေးတင် နိုးလာသော သမီးလေးတစ်ယောက်လည်း မှင်တက်သွားသည်။

"ဟင်"

ဘာလဲ ငါ ကြားတာမှန်ရဲ့လား။

ထိုအချိန်မှာပင် ချူနင်ရုတ်တရက် ပြန်ရောက်လာသည်။ နန်းတော်တံခါး ဖြည်းဖြည်းချင်း ပွင့်လာပြီး ခေါင်းလေး ပြူထွက်လာသည်။ ရဲ့ချန်းလျန် နောက်ဆုံးတော့ သက်ပြင်းချနိုင်သွားသည်။ ချူနင်ဘာမှမဖြစ်တာ မြင်ရတာ တော်သေးတာပေါ့။

သမီးလေးတွေ အိပ်နေတုန်းပဲလား။ ရဲ့ချန်းလျန် ခေါင်းငြိမ့်ပြပြီး သမီးကို ပြန်ကြည့်လိုက်သည် အားလုံး အိပ်နေကြတုန်းပဲ။ ငါ ဒီမှာနေတာကြာ.. ဟင် မူမူနိုးနေတာလား။

ချူနင်က ခြေဖျားထောက် ဝင်လာပြီး ကုတင်ဘေးတွင် ထိုင်လိုက်သည်။ သမီးလေးတစ်ယောက်က မျက်လုံးအဝိုင်းသားဖြင့် သူ့ကို စိုက်ကြည့်နေပြီး နောက်တစ်ယောက်ကတော့ ဘာမှမသိဘဲ အိပ်ပျော်နေဆဲ ဖြစ်သော်လည်း အသံကြောင့် နိုးလာရှာသည်။ သူမ မျက်လုံးဖွင့်ကြည့်လိုက်ပြီး ချူနင်ကို တစ်ချက်ကြည့်ကာ ဘေးက ရဲ့ချန်းလျန်နှင့် ရှောင်ပင်းကို ကြည့်လိုက်သည်။

"ဘာဖြစ်လို့လဲ ဖေဖေ ဘာလို့ အားလုံးက သမီးကို အဲလိုကြီး ကြည့်နေကြတာလဲ"

ချူနင်က ယောင်ယောင်၏ ပါးလေးကို ဆွဲညှစ်ကာ ပြုံးလိုက်ပြီး မူမူ၏ ခေါင်းကို ပွတ်သပ်ပေးလိုက်သည်။ ဘာမှတော့ မပြောပေ။ ထိုအချိန်တွင် ရဲ့ချန်းလျန်က တံတွေးတစ်ချက် မျိုချလိုက်ပြီး ချူနင်ကို ကြည့်လိုက်သည်။

ခုနက ဧကရာဇ်ဆိုတာ... ရှင်... ရှင့်ကို ပြောတာ မဟုတ်လား။ နင့်ကို အံ့သြသွားအောင်လို့ လျှို့ဝှက်ထားပေးရမလား။

ရဲ့ချန်းလျန် သူမ၏ နဖူးကို ပွတ်လိုက်ရင်း ဘာမှမဖြစ်သလို တည်ငြိမ်နေသော ချူနင်ကို ကြည့်လိုက်သည်။

လောကခပ်သိမ်းကို ပေါင်းစည်းတာ အမြင့်မြတ်ဆုံးဧကရာဇ်ရဲ့ နန်းတော် ဒါတွေ အားလုံးကို ချူနင် လုပ်ခဲ့တာလား။

သူမက ဒီမှာထျန်းရွှမ်းတိုက်ကြီးကို ပေါင်းစည်းနေချိန်မှာ ချူနင်က အထက်က နယ်ပယ်အားလုံးကို ပေါင်းစည်းပစ်လိုက်တာပေါ့ ဒါဆို ဟိုမဟာဧကရာဇ်တွေကော သူတို့အားလုံး အခု ချူနင်ရဲ့ လက်အောက်ခံတွေ ဖြစ်သွားပြီလား။

ရဲ့ချန်းလျန် အကြာကြီး တိတ်ဆိတ်နေပြီးမှ ရုတ်တရက် ခါးသီးစွာ ရယ်မောလိုက်မိသည်။ ဘာပြောရမှန်းပင် မသိတော့ပေ။ ဒီမနက်တင် သူနဲ့ တစ်ခါဆုံပြီး အသားယူတာ ခံလိုက်ရသေးတယ်။ ကောင်းရောသူက ဒီနေ့နေ့လယ်မှာတင် လောကခပ်သိမ်းကို ပေါင်းစည်းပစ်လိုက်ပြီ သူမထက်တောင် မြန်သေးတယ်။

သူမ တစ်ခုခု ပြောချင်ပေမဲ့ ဘာပြောရမလဲ မသိတော့ဘူး။ ချူနင်ရဲ့ ခွန်အားကို သိထားပြီးသားမို့ သူ ဒါတွေလုပ်နိုင်တယ်ဆိုတာကိုတော့ သူမ လက်ခံသည်။

ဒါဆိုရင် ငါဒီနေရာကိုပေါင်းစည်းနေတာက ဘာအဓိပ္ပာယ်ရှိတော့မှာလဲ။ချူနင်က နားမလည်သလို ကြည့်လာသည်။

မင်းအလုပ် မင်းလုပ် ငါ့အလုပ်ငါလုပ်တာပဲလေ ဘာမှမပတ်သက်ပါဘူး ဟုတ်တယ်မလား။

"ငါ မတိုက်ရင်တောင် ဒီနေရာက နင့်ဟာဖြစ်နေပြီ မဟုတ်လား"

အဲဒါ မတူဘူးလေ။ ငါက အမည်ခံ ပေါင်းစည်းတာပဲ ကျင့်ကြံသူတွေကို သိမ်းသွင်းတဲ့ နည်းလမ်းတစ်ခုပေါ့။ ချန်းလျန် မင်းကမှ တကယ့်အစစ်အမှန်ကြီးပါ။

ဘာတွေ ထူးလို့လဲ

မင်းနယ်မြေတွေကို ပေါင်းစည်းရင် အဲဒါတွေ အားလုံးက မင်းဟာ ဖြစ်သွားမှာ။ ငါ ပေါင်းစည်းရင်တော့ အားလုံးက ငါ့ဟာ မဟုတ်ဘူး တခြားသူတွေလည်း ပိုင်ကြမှာပဲ။ ငါက အမည်ခံနယ်မြေအဖြစ်ပဲ သတ်မှတ်တာ။

ဒါကို ကြားတော့ ရဲ့ချန်းလျန် အလေးအနက် စဉ်းစားလိုက်သည်။ ချူနင် ပြောလိုက်ပုံအရဆိုလျှင် တစ်မျိုး ထူးခြားနေသလိုပင်။

ဒါဆို ရှင့်စကားအရဆိုရင် ငါက ရှင့်ထက်တောင် ပိုပြီး အစွမ်းထက်နေတာပေါ့။

ဒါပေါ့ ငါ့မိန်းမက အစွမ်းမထက်ရင် ဘယ်သူက ထက်ရမှာလဲ။

ဒါဆို ရှင့်ရဲ့နောက်ထပ် အစီအစဉ်က ဘာလဲ အမြင့်မြတ်ဆုံးဧကရာဇ်နန်းတော်ကို အင်ပါယာတစ်ခုလို အုပ်ချုပ်မှာလား။

အင်ပါယာက အင်ပါယာပဲ ဂိုဏ်းကဂိုဏ်းပဲလေ။ ပွင့်ပွင့်လင်းလင်း ပြောရရင် အဲဒါက ထိပ်တန်းကျင့်ကြံသူတွေ စုဝေးတဲ့ ဂိုဏ်းကြီး တစ်ခုပါပဲ။ ဘာမှ ထွေထွေထူးထူး မရှိပါဘူး။ ကျင့်ကြံသူတွေက သူတို့ အချိန်အများစုကို ကျင့်ကြံရင်းပဲ ကုန်ဆုံးကြတာ။

ဟင်းလင်းပြင်တာအို ဂိုဏ်းက လူတစ်ယောက်လွှတ်ပြီး ကြည့်ခိုင်းထားလိုက်ရင် ရပါပြီ။ ငါ မျက်နှာပြနေဖို့တောင် မလိုဘူး။

ချူနင်ကတော့ လူကိုယ်တိုင် ပြနေဖို့ မလိုတာ အမှန်ပင်။ စုတိန်ဖန်းက ချူနင်ရဲ့ နာမည်ကို သုံးပြီး နန်းတော်တစ်ခုလုံးကို ထိန်းချုပ်ထားနိုင်ပါလိမ့်မည်။ ဒုက္ခများတဲ့ အလုပ်တွေကိုတော့ ဟိုအဘိုးကြီးဆီပဲ ပစ်ထားလိုက်တော့မည်။

သူ ပေါင်းစည်းလိုက်တာကလည်း ဒီလူတွေ အားနေတာ မြင်လို့ပါ။ အမြဲတမ်း တိုက်ခိုက်နေကြတာ ဘာတွေအတွက် တိုက်နေကြတာလဲ အားယားနေလို့မဟုတ်ဘူးလား အားလုံးက ကိုယ့်အရည်အချင်းကိုယ် ကျင့်ကြံကြ အစွမ်းထက်လာရင် တခြားကြယ်စင်စနစ်တွေကို သွားပြီးဒုက္ခပေးကြပေါ့။ ဒီကြယ်စင်စနစ်တစ်ခုတည်းမှာ ဘာတွေ တိုက်နေကြမှာလဲ။

သို့သော်လည်း အကြွင်းမဲ့ ခွန်အားရှိသူမှသာ ဤကဲ့သို့ လုပ်ဆောင်နိုင်ခြင်း ဖြစ်သည်။ လောကခပ်သိမ်းကို အင်အားစုတစ်ခုတည်းအဖြစ် သတ်မှတ်နိုင်သူသည် လောကခပ်သိမ်းကို နှိမ်နင်းနိုင်သော စွမ်းအား ရှိရမည်။ ဒါဆိုရင်တော့ ဒီကိစ္စက ကိုင်တွယ်ရ ပိုလွယ်သွားပြီ။

ရဲ့ချန်းလျန် ခဏတာ တုံ့ဆိုင်းနေမိသည်။ သူမ၏ ခင်ပွန်းသည် ကလေးထိန်းနေရင်းနဲ့ အထက်လောကကို သွားပြီး လောကခပ်သိမ်းကို ပေါင်းစည်းကာ အင်အားကြီး အဖွဲ့အစည်းတစ်ခု တည်ထောင်လိုက်သည်။ ဆိုလိုတာက လောကခပ်သိမ်းဟာ အခု သူမခင်ပွန်းရဲ့ လက်အောက်ကို ရောက်သွားပြီပေါ့။

သူမကလည်း ရဲ့ချန်းလျန်က မူလကတည်းက အမည်ခံ ဧကရီတစ်ပါးသာဖြစ်သည်။ ချူနင်ထက် သာတာဆိုလို့ အဲဒီအမည်ခံ ရာထူးတစ်ခုပဲ ရှိတာ အခုတော့ ဂိုဏ်းကြီးအားလုံးက ချူနင်ရဲ့ အမြင့်မြတ်ဆုံးဧကရာဇ်နန်းတော် လက်အောက်ခံတွေ ဖြစ်ကုန်ပြီ ထျန်းရွှမ်းတိုက်ကြီးလည်း အပါအဝင်ပေါ့။

သွားပြီ။

ချူနင်ထက် သာပါတယ်ဆိုတဲ့ အမည်ခံအချက်လေးတောင် ပျောက်သွားပြီ။ ဘဝရဲ့ အဓိပ္ပာယ်ကိုတောင် သံသယဝင်လာမိပြီ။

"ချူနင်"

"ပြောစမ်း ဘဝရဲ့ရည်ရွယ်ချက်က ဘာလဲ"

လူတိုင်း၏ အကြည့်များက ထိုဘက်သို့ ရောက်သွားကြသည်။ ရှောင်ပင်းက အံ့သြတုန်လှုပ်စွာ အော်လိုက်သည်။

အရှင်မ ဒါက ဝမ်းသာစရာ ကိစ္စကြီးပါ အရှင်မ ဘာမှလျှောက်မတွေးပါနဲ့ဦး။