အခန်း ၁၅၁ နောက်လိုက်များ ငါ၏နာမကို ချီးမွမ်းကြလော့

ကောင်းကင်ဘုံနှင့် မရေမတွက်နိုင်သော လောကတစ်ခုလုံးသည် ထိုသွေးမိုးများအောက်တွင် နစ်မွန်းနေခဲ့သည်။

မြေပြင်သည် မရပ်မနား တုန်ခါနေပြီး သဘာဝအတိုင်းပင် ထျန်းရွှမ်းတိုက်ကြီးပေါ်တွင်လည်း ထူးဆန်းသော အပြောင်းအလဲများ ဖြစ်ပေါ်လာသည်။

ဒါကိုမြင်တော့ ချူနင်က ဒီနေရာက ကောင်းကင်တာအိုကို တည်ငြိမ်အောင် လုပ်လိုက်ပြီး ခေါင်းကို အသာအယာ မော့ကြည့်လိုက်သည်။

ကောင်းကင်တာအို၏ အကြည့်သည် သူတို့အပေါ် ကျရောက်လာပြီး သနားစရာကောင်းခြင်း မကျေနပ်ခြင်းနှင့် ဒေါသထွက်ခြင်းတို့ဖြင့် ပြည့်နှက်နေသည်။

ဗိုက်ထဲမှာ မကျေနပ်ချက်တွေ ပြည့်နေပြီး တစ်ယောက်ယောက်ကို ရင်ဖွင့်ချင်နေသလိုမျိုးပင် ချူနင်က ထိုရင်ဖွင့်သံကို ခံစားမိသည့် တစ်ဦးတည်းသောသူ ဖြစ်သည်။ ချူနင်က ခေါင်းကို အသာအယာ ခါလိုက်သည်။

ဒီလိုလူမျိုးတွေအတွက်နဲ့ ငိုကြွေးနေဖို့ မထိုက်တန်ပါဘူး။ လောကမှာ တခြား ဧကရာဇ်လောင်းလျာတွေ အများကြီး ရှိပါသေးတယ်။

ကောင်းကင်တာအိုသည် အရာခပ်သိမ်းနှင့် တာအိုမျိုးနွယ်စုများကို ပျိုးထောင်ပေးခဲ့ပြီး ၎င်းမှတစ်ဆင့် ကျင့်ကြံခြင်းနှင့် လူသားမျိုးနွယ်အပါအဝင် အခြားမျိုးနွယ်စုအားလုံး၏ တဖြည်းဖြည်း တိုးတက်ပြောင်းလဲလာမှုကို ဖြစ်ပေါ်စေခဲ့သည်။

ဧကရာဇ်တစ်ပါးဖြစ်လာခြင်းကို တာဝန်တစ်ခု သို့မဟုတ် ကန့်သတ်ချက်တစ်ခုအဖြစ် ရှုမြင်နိုင်သည်။ သို့သော်လည်း ကောင်းကင်တာအိုထက် ပိုမြင့်မားသော နယ်ပယ်တစ်ခုကိုမူ ၎င်းထံမှ ထုတ်ယူ၍မရနိုင်ပေ။

မိဘတွေက ကလေးကို ကျွေးမွေးပြုစုပျိုးထောင်ပေးလိုက်လို့ အရွယ်ရောက်လာတဲ့အခါ မိဘတွေကဘာမှထပ်မပေးနိုင်တော့တာကို မင်းတို့ဘာလို့ ငါ့ကိုဒါတွေထပ်မပေးနိုင်တာလဲဆိုပြီး မိဘကို ပြန်ရန်လုပ်ခြင်းက ဖောက်ပြန်သည့် လုပ်ရပ်ပင်ဖြစ်သည်။

မဟာဧကရာဇ်နယ်ပယ်သည် ကောင်းကင်တာအို၏ ကောင်းချီးပေးခြင်းကို ခံရသည့် အစွမ်းထက်သော သတ္တဝါများအတွက် ဖြစ်သည်။ 

ထိုနယ်ပယ်ထက် ကျော်လွန်သွားပါက ကောင်းကင်တာအိုကိုယ်တိုင်ပင် ထိုအဆင့်ကို မခန့်မှန်းနိုင်တော့ပေ။ ကျင့်ကြံသူများသည် မိမိတို့ဘာသာ လမ်းစရှာဖွေရမည် ဖြစ်သည်။

ဓားဧကရာဇ်သည် ထိုအဆင့်သို့ ရောက်သည့်အခါ ဤနေ့ရောက်လာမည်ကို သိရှိခဲ့ပြီး ပိုမိုမြင့်မားသော အဆင့်သို့ တက်လှမ်းရန် အခြားနည်းလမ်းတစ်ခုကို ရှာဖွေခဲ့သည်။ ချန်းရှန်းဧကရာဇ်သည် ဓားဧကရာဇ်ကို သတ်ဖြတ်ပြီးနောက် ဤလမ်းစဉ်ကို တွေ့ရှိခဲ့သည်။

ဟင်းလင်းပြင်ဧကရာဇ်သည် ပိုမိုမြင့်မားသော နယ်ပယ်ကို မြင်တွေ့ခဲ့ပြီး တစ်ဆင့်ချင်း တက်လှမ်းရမည့် လမ်းစဉ်ကို ဖြတ်လမ်းနည်းဖြင့် တိုက်ရိုက်လျှောက်လှမ်းခဲ့သည်။

ကောင်းကင်တာအိုသည် မည်သည့် တည်ရှိမှုကိုမျှ ချုပ်နှောင်ထားခြင်း မရှိခဲ့သော်လည်း ယခုအခါ ၎င်းကိုယ်တိုင် အသိအမှတ်ပြုထားသည့် ကိုယ်စားလှယ်များ၏စီရင်ဆုံးဖြတ်ခြင်းနှင့် တုံ့ပြန်ခြင်းကို ခံနေရခြင်းမှာ ဖြစ်ရိုးဖြစ်စဉ်ပင် ဖြစ်သည်။

မဟာတာအိုသည် သံယောဇဉ် ကင်းမဲ့သော်လည်း ၎င်းကို ဆန့်ကျင်သည့် အရာများအပေါ်တွင်မူ သဘာဝအတိုင်း တုံ့ပြန်မှု ရှိတတ်သည်။

ချူနင်၏ စကားကို ကြားသောအခါ ကောင်းကင်တာအိုသည် မကျေမနပ် ဖြစ်နေဆဲ ဖြစ်သော်လည်း ချူနင်၏ အကြည့်တစ်ချက်အောက်မှာတင် ကောင်းကင်တာအို၏ လှုပ်ရှားမှုများအားလုံး လုံးဝရပ်တန့်သွားသည်။

ကြောက်လန့်သွားခြင်းပင် ဒီနေရာက ငါ့မိန်းမနဲ့ ကလေးတွေ နေတဲ့နေရာပဲ။ ဘယ်သူကများ လာထိရဲမှာလဲ ကောင်းကင်ဘုံကိုယ်တိုင်ပင် သူ့အပေါ် ရိုသေမှု ပြသခဲ့သည်။

တစ်ဖက်တွင်လည်း ဘေးနားမှာ ရပ်နေသည့် မူမူသည် ကောင်းကင်တာအို၏ တစ်ခုခု မှားယွင်းနေမှုကို သတိပြုမိသော်လည်း ခဏတာ ဘာဖြစ်နေမှန်းမသိဘဲ ချူနင်ကိုသာ ကြည့်နေမိသည်။

ဖေဖေ ဘာဖြစ်တာလဲ ဘာလို့ရုတ်တရက်ကြီး မှောင်သွားတာလဲ။ ဟုတ်တယ် ဖေဖေ ဘာလို့ မှောင်သွားတာလဲ ယောင်ယောင်လည်း လိုက်မေးသည်။

ချူနင်က ရယ်မောလိုက်ပြီး အဲဒါက ဒီနေ့ စောစောမှောင်သွားလို့လေ မူမူနဲ့ ရာယောင်းရဲ့။

မူမူ : "......"

သူက ငါ့ကို ကလေးတစ်ယောက်လို ဆက်ဆံနေပြန်ပြီ ငါသာဆို ဒီလိုစကားမျိုး ဘယ်တော့မှ ပြောမှာ မဟုတ်ဘူး။

ယောင်ယောင်ကတော့ ထောက်ခံသည့်အနေဖြင့် ခေါင်းတငြိမ့်ငြိမ့် လုပ်နေသည်။

"ဪ... သမီး အခုမှ နားလည်သွားပြီ"

ချူနင်သည် ရွှေယွမ်တာအိုနယ်မြေသို့ ကိုယ်တိုင်မသွားဘဲ ထိုနေရာရှိ အရာအားလုံးကို အဝေးကနေသာ စောင့်ကြည့်နေခဲ့သည်။

......

"စုတိန်ဖန်းကို သတ်ကြ"

ဒီလူက ငါတို့နဲ့ တစ်စိတ်တစ်သဘောတည်း မဟုတ်ဘူး။ မသေမျိုးဧကရာဇ်အရှင် ကျဆုံးသွားပြီးနောက် ဒီလူက အရှင်ရဲ့နယ်မြေကို သိမ်းပိုက်ခဲ့တယ်။ ဒီနေ့ ကျွန်တော် အရှင်ရဲ့ ကိုယ်စား ဒီလူကို သတ်ပေးပါ့မယ်။

ချန်းရှန်းဧကရာဇ် ပြန်လည် ပေါ်ထွက်လာခြင်းက တစ်ခုခုကို သက်သေပြနေသည်။ သူတို့သည် ပိုမိုသန်မာလာပြီး ပို၍ရက်စက်လာကြသည်။ ထို့ပြင် သေပြီးသားလူ ပြန်ရှင်လာခြင်းက ရွှေယွမ်းဧကရာဇ်ပြောခဲ့သည်မှာ မှန်ကန်ကြောင်း သက်သေပြနေသည်။

အမှောင်ထုနယ်မြေသည် သူတို့၏ ကျင့်ကြံမှုကို မြှင့်တင်ပေးနိုင်ပြီး ပိုမြင့်သော နယ်ပယ်သို့ ရောက်ရှိစေနိုင်ကာ ထာဝရရှင်သန်ခြင်းရရှိရန် တစ်ခုတည်းသော လမ်းစဉ်ပင် ဖြစ်သည်။

သူတို့ လုပ်ရမည့်အရာမှာ စုတိန်ဖန်းကို သတ်ရန်သာ အဝါဧကရာဇ်က မျက်လုံးကို မြှင့်လိုက်ပြီး ပတ်ဝန်းကျင်မှ အမှောင်စွမ်းအားများ တဟုန်ထိုး တက်လာသည်။

အဘိုးကြီး အရင်နေ့က ငါ့ရဲ့ရွှေယွမ်နယ်မြေကို လာတုန်းက ငါ့ကိုစော်ကားခဲ့တယ်နော်။

ဒီလိုနေ့မျိုး ရောက်လာလိမ့်မယ်လို့ ဘယ်သူ ထင်ထားမှာလဲ။ ဒီနေ့ ငါကိုယ်တိုင် တခြား မဟာဧကရာဇ်တွေနဲ့ ပူးပေါင်းပြီး မင်းကို သတ်ပစ်မယ်။

သူက ဓားဧကရာဇ်ကို သတ်နိုင်ခဲ့ရင် ဟင်းလင်းပြင်ဧကရာဇ်ကိုလည်း အသေအချာ သတ်နိုင်မည်ဟု ယုံကြည်နေသည်။

မင်းမှာ နောက်ခံတွေ ရှိနေရင်ရော ဘာဖြစ်လဲ ထာဝရဧကရာဇ်နဲ့ ရွှေယွမ်းဧကရာဇ်တို့တောင် မရှိတော့ဘူး မဟုတ်လား ပြီးတော့ အခုကစပြီး ငါတို့မှာလည်း ရှိနေပြီ။

စုတိန်ဖန်း၏ မျက်နှာသည် ချက်ချင်း တင်းမာသွားသည်။ ဧကရာဇ် (ချူနင်) က ဘာလို့ အခုထိ ပေါ်မလာသေးတာလဲ ဧကရာဇ်က ထွက်မလာဖို့ ဆုံးဖြတ်လိုက်ပြီလား။ ရုတ်တရက် ချူနင်၏ အသံက သူ့ဘေးနားက ထွက်ပေါ်လာသည်။

ငါ့နောက်ကို လိုက်လာမယ့်သူများ ငါ၏နာမည်ရင်းကို ရွတ်ဆိုကြလော့။

စုတိန်ဖန်း၏ နှလုံးသားသည် တစ်ခုခုကို ခံစားမိလိုက်သလို ရုတ်တရက် တုန်လှုပ်သွားသည်။ သူသည် ချူနင်၏ နာမည်ကို သိသော်လည်း ထုတ်မခေါ်ရဲခဲ့ပေ။

သို့သော် ယခုအခါ ဧကရာဇ်ကိုယ်တိုင်က ခွင့်ပြုလိုက်ပြီဖြစ်ရာ သူသည် ကြည်ညိုသော စိတ်နှလုံးဖြင့် လက်နှစ်ဖက်ကို စုလိုက်ပြီး ခုခံမှုအားလုံးကို စွန့်လွှတ်လိုက်သည်။ ထိုအချိန်တွင် မဟာဧကရာဇ်များစွာက သူ့ကို တိုက်ခိုက်လိုက်ကြပြီ ဖြစ်သည်။

ဝတ်စုံခရမ်းရောင်နှင့် အဘိုးကြီးက တုန်ရင်နေသော နှုတ်ခမ်းများဖြင့် ထိုစကားလုံးများကို ရွတ်ဆိုလိုက်သောအခါ ကောင်းကင်နှင့် မြေကြီးသည် ရုတ်တရက် တုန်ခါသွားသည်။

မဟာဧကရာဇ်များထံမှ ကျရောက်လာသော မရေမတွက်နိုင်သော စွမ်းအားကြီး နည်းဗျူဟာများသည် သူ့ခန္ဓာကိုယ်ပေါ်သို့ ကျရောက်လာသော်လည်း အစင်းရာလေးတစ်ခုပင် မထင်ကျန်ခဲ့ပေ။

စုတိန်ဖန်း၏ မျက်လုံးများသည် ရုတ်တရက် လင်းလက်လာပြီး သူ၏ အကြည့်သည် တည်ငြိမ်အေးစက်ကာ ခန့်ညားထည်ဝါသော အငွေ့အသက်များဖြင့် ပြည့်နှက်သွားသည်။

အဆုံးမဲ့သော စွမ်းအားများသည် သူ့အပေါ်သို့ သက်ရောက်လာသည်။ အရင်တုန်းက ချူနင်သည် သူ့ကိုထိုနယ်ပယ်၏ ရှုခင်းများကို ပြသခဲ့ဖူးပြီး ယခုအခါတွင်မူ သူကိုယ်တိုင် ထိုနယ်ပယ်ထဲတွင် ရပ်တည်ကာ ကောင်းကင် မြေကြီးနှင့် သတ္တဝါအားလုံးကို ငုံ့ကြည့်နေပြီ ဖြစ်သည်။

ဒါက ဧကရာဇ်ရဲ့ ရှုထောင့်ပေါ့။

သူသည် ဘာကိုမျှ မကြောက်ရွံ့တော့သလို ဘာကိုမျှလည်း စိုးရိမ်ခြင်း မရှိတော့ပေ။ အရင်တုန်းက ပိုင်ယန်၏ စော်ကားမှုသည် သူ့ကို စိတ်ပိုင်းဆိုင်ရာ ထိခိုက်မှု မပေးနိုင်ခဲ့ဘဲ ထိုလူများ၏ ဆူညံသံက ကလေးကို နှောင့်ယှက်မည်ကိုသာ သူစိုးရိမ်ခဲ့ခြင်း ဖြစ်သည်။

ယခုအခါ စုတိန်ဖန်း၏မျက်လုံးထဲတွင် ထိုယုတ်မာသော ရာဇဝတ်ကောင်များသည်ပင် အရေးမပါသော အရာများ ဖြစ်သွားသည်။ သူ့မျက်လုံးထဲတွင် တခြားအရာ ဘာမှ အရေးမကြီးတော့ပေ။

ငါရဲ့​တည်ရှိမှုသည် ထူးခြားဆန်းပြားသည်။ မည်သူမျှ ဤထူးခြားသော အနေအထားကို မလှုပ်ခါနိုင်ပေ။ သေချာတာကတော့ မည်သူမျှလည်း ဤထူးခြားမှုကို ဝင်ရောက် စွက်ဖက်နိုင်မည် မဟုတ်ပေ။ ရှေ့မှာရှိနေတဲ့ လူတွေတင် မဟုတ်ဘဲ သူတို့နောက်ကွယ်က သခင်ပါ အပါအဝင်ပေါ့။

ဝုန်း

ရုတ်တရက် ဖြစ်ပေါ်လာသော တုန်ခါမှုကြောင့် မဟာဧကရာဇ်များ အားလုံး လွင့်ထွက်သွားပြီး ရွှေယွမ်တာအို နယ်မြေအောက်ရှိ မြေပြင်သည် ချက်ချင်း ပြိုကျသွားသည်။

ဟင်းလင်းပြင် စွမ်းအားများ၏ စစ်မှန်သော ပုံစံဖြစ်သည့် ခရမ်းရောင် လျှပ်စီးများက သူ့ကို ဝန်းရံထားသည်။

သူ၏ တာအိုဝတ်ရုံသည် လေထဲတွင် လွင့်ပျံနေပြီး သူ၏ခန္ဓာကိုယ်သည် လေပေါ်တွင် လမ်းလျှောက်နေသည်။ စုတိန်ဖန်းသည် မျက်လုံးများကို ဖြည်းညှင်းစွာ ဖွင့်လိုက်ပြီး ရှေ့ရှိ ဧကရာဇ်များ အားလုံးကို စိုက်ကြည့်လိုက်သည်။

မင်းတို့ရဲ့ ဒီနေ့ လုပ်ရပ်တွေဟာ နတ်ဘုရားတွေရော လူသားတွေပါ ရှုတ်ချရမယ့် အရာတွေဖြစ်ပြီး ကောင်းကင်တာအိုရဲ့ ဥပဒေတွေအရလည်း လက်ခံနိုင်စရာ မရှိဘူး။

"ဒူးထောက်စမ်း"

ထိုအသံသည် အဆုံးမဲ့ စွမ်းအားများနှင့် ပေါင်းစပ်ကာ ကောင်းကင်တာအိုထက်ပင် ကျော်လွန်သော ကန့်သတ်ချက်တစ်ခုဖြစ်သွားပြီး ဧကရာဇ်များစွာကို ချက်ချင်းပင် မထိန်းချုပ်နိုင်ဘဲ ဒူးထောက်သွားစေသည်။

စုတိန်ဖန်း၏ လက်ထဲတွင် ကွေးညွတ်နေသော ဓားတစ်လက် ပေါ်လာပြီး သူက ချက်ချင်းပင် ခုတ်ချလိုက်သည်။ ကောင်းကင်နှင့် မြေကြီးသည် သွေးငိုခြင်း ရပ်တန့်သွားသည်။ မဟာဧကရာဇ်တစ်ပါး ကျဆုံးခြင်းမှာ အရေးမပါတော့သလို အရင်က သွေးမိုးများပင် ရပ်တန့်သွားခဲ့သည်။

သံသရာဧကရာဇ်၏ ခေါင်းသည် ထိုနေရာတင် ပြတ်ကျသွားပြီး ချက်ချင်းပင် ပေါက်ကွဲသွားတော့သည်။

မဟာဧကရာဇ် တစ်ပါးက ထွက်ပြေးရန် ကြိုးစားသော်လည်း ကောင်းကင်ဥပဒေကို ဆုပ်ကိုင်ထားသော ဧကရာဇ်၏ ကန့်သတ်ချက်များမှ မရုန်းထွက်နိုင်ခဲ့ပေ။

လူတိုင်း၏ မျက်နှာများသည် ကြောက်လန့်မှုကြောင့် ချက်ချင်း ဖြူဖျော့သွားကြသည်။

စုတိန်ဖန်း၏ အဆင့်က ဘာလို့ ထိုသခင်၏ အဆင့်ထက်တောင် ရုတ်တရက် မြင့်သွားရတာလဲ။

"မသေမျိုးဧကရာဇ် ပုန်းမနေနဲ့တော့"

"သခင်က မင်းအတွက် ချန်ထားပေးတဲ့ အရာကို ထုတ်လိုက်စမ်း"

အလောင်းဧကရာဇ်ချန်ရှန်းကျွင်းရှဲသည် မဆိုင်းမတွဘဲ အစစ်မှန်ဆုံးသော အမြင့်မြတ်ဆုံး နတ်ဘုရား အရင်းအမြစ်ကို သူ့ခန္ဓာကိုယ်ထဲသို့ ပေါင်းစပ်လိုက်သည်။

ခဏချင်းမှာပင် ကောင်းကင်နှင့် မြေကြီး၏ ကန့်သတ်ချက်များကို ကျော်လွန်သော နောက်ထပ် တည်ရှိမှုတစ်ခုသည် ကောင်းကင်နှင့် မြေကြီးကြားတွင် ပေါ်ပေါက်လာခဲ့သည်။ အချိန်တိုအတွင်းမှာပဲ ဖြစ်ရင်တောင် ဒါက လုံလောက်နေပါပြီ။

ကောင်းကင်နှင့် မြေကြီးကြားရှိ သတ္တဝါများစွာသည် ဤနေရာသို့ လှမ်းကြည့်နေကြသည်။ ဟင်းလင်းပြင်ဧကရာဇ်က ဘာလို့ မဟာဧကရာဇ်တွေ အများကြီးကို သတ်နေရတာလဲ ကောင်းကင်တာအိုကရော သူ့ကို မတားဘူးလား ပြီးတော့ ဟင်းလင်းပြင်ဧကရာဇ်ရဲ့ တစ်ဖက်က တည်ရှိမှုက ဘာလို့ အလောင်းကြီး ဖြစ်နေရတာလဲ။

ထိုအချိန်တွင် ရွှေယွမ်မျိုးနွယ်စုမှ တစ်ယောက်က ထိုအလောင်းကို မှတ်မိသွားသည်။

ဒါက အမှောင်ထုသတ္တဝါပဲ ဒါကအရင်တုန်းက ချန်းရှန်းဧကရာဇ်ပဲ။

ဧကရာဇ်ရွှေယွမ်ကလည်း အမှောင်ထုထဲ ကျဆင်းသွားတာလား ဘယ်လိုလုပ် ဖြစ်နိုင်မှာလဲ။

မရေမတွက်နိုင်သော လူများ ကြောက်လန့်နေကြသော်လည်း အလောင်းဧကရာဇ် ပိုမိုမြင့်မားသော နယ်ပယ်သို့ ရောက်ရှိသွားခြင်းကိုတော့ မတားဆီးနိုင်ခဲ့ကြပေ။

အချိန်အတော်ကြာပြီးနောက် ကျွင်းရှဲ့၏ မျက်လုံးများသည် စုတိန်ဖန်းကို စိန်ခေါ်နေသကဲ့သို့ အလွန်ပင် ကျေနပ်အားရနေပုံရသည်။

မင်းရဲ့ ခွန်အားက သခင်ထက် သာလွန်တယ်လို့ ထင်နေတာလား။ စုတိန်ဖန်းကတော့ ဘာခံစားချက်မှ မရှိဘဲ တည်ငြိမ်နေဆဲ ဖြစ်သည်။

ရေတွင်းအောက်က ဖားတစ်ကောင်ဟာ အပေါ်ကို မော့ကြည့်လိုက်တဲ့အခါ လကို မြင်ရတယ်။

မင်းက တကယ်ပဲ အဲဒီ အမှောင်ထုနယ်မြေက တည်ရှိမှုက ဧကရာဇ် (ချူနင်) ကို အနိုင်ယူနိုင်မယ်လို့ ထင်နေတာလား ဒါပဲလား။

သူသည် ရွှေယွမ်တာအို နယ်မြေတစ်ခုလုံးကို လက်တစ်ဖက်ဖြင့် မလိုက်ပြီး ကျွင်းရှဲ့ပေါ်သို့ ဖိချလိုက်သည်။ တိုက်နယ်တစ်ခုစာလောက် ကြီးမားသော ဟင်းလင်းပြင် လျှပ်စီးကြောင်းကြီးတစ်ခုသည် သူ၏ ခန္ဓာကိုယ်ပေါ်သို့ ကျရောက်လာခဲ့သည်။

မသေမျိုးဧကရာဇ်သည် သူ၏လက်ရှိ စွမ်းအားကို အပြည့်အဝ မခံစားရသေးခင်မှာပင် သူ့ဆီက အရာအားလုံး ပျက်စီးဆုံးရှုံးနေပြီ ဖြစ်ကြောင်း သိရှိသွားတော့သည်။

"မဖြစ်နိုင်ဘူး"

မင်းက သခင်ထက် ပိုသန်မာနေလို့ မဖြစ်နိုင်ဘူး။ သူသည် ချူနင်ကို ရင်ဆိုင်ရန် ပြင်ဆင်ထားသမျှ အစွမ်းအားလုံးကို အသုံးပြုခဲ့ပြီးပြီ ဖြစ်သည်။ သို့သော် ဘာကြောင့် စုတိန်ဖန်းကိုတောင် ယခုအချိန်ထိ ဘာလို့အနိုင်မယူနိုင်ရတာလဲ။

"ဟင့်အင်း... မဖြစ်ဘူး"