အခန်း ၁၄၇ ရပါတယ် သမီးလေးတို့ သိမှာမဟုတ်ပါဘူး

သူမ၏ နယ်မြေချဲ့ထွင်ရေး အောင်မြင်မှုများသည် ချူနင်၏ မျက်လုံးထဲတွင် အရေးမပါလှသော်လည်း ဤအရာမှာ ရဲ့ချန်းလျန်ကိုယ်တိုင် လုပ်ဆောင်ရမည့် ကိစ္စဖြစ်သည်။

အမှန်တကယ် အောင်မြင်သွားသည့်အခါ သူမ၏နှလုံးသားထဲတွင် နှစ်ပေါင်းများစွာ ဖိနှိပ်ထားခဲ့သော ခံစားချက်များမှာ နောက်ဆုံးတွင် လွတ်မြောက်သွားပြီး သူမ၏ စိတ်အခြေအနေမှာလည်း လုံးဝ မြင့်တက်သွားတော့သည်။

ချန်းလျန် မင်းက ကောင်းကင်ဖြစ်စဥ် နယ်ပယ်ရဲ့ ထိပ်ဆုံးကို ချိုးဖျက်နိုင်ခဲ့ပြီပဲ! မင်းရဲ့ ကျင့်ကြံမှုက တော်တော်လေး မြန်တာပဲ။

ရဲ့ချန်းလျန်သည် ထမင်းဘူးကို ကိုင်ကာ စားသောက်ရင်း ပေါ့ပေါ့ပါးပါးပင် ပြန်ပြောလိုက်သည်။

မနေ့ညက ချိုးဖျက်နိုင်ခဲ့တာ ဖြစ်ရမယ်။ ဒီကိစ္စတွေကို အပြီးသတ် ကိုင်တွယ်ပြီးတာနဲ့ ငါ့ရဲ့အင်အားအားလုံးကို ကျင့်ကြံခြင်းမှာပဲ အာရုံစိုက်တော့မယ်။

ချူနင်က ဘေးတွင် ထိုင်လျက် ပြုံး၍ ခေါင်းညိတ်ပြသည်။

ဒါက ဖြစ်နိုင်ပါတယ် မင်းက သတိရှိရှိ ကျင့်ကြံသည်ဖြစ်စေ မကျင့်ကြံသည်ဖြစ်စေ မင်းရဲ့ကျင့်ကြံမှုအဆင့် တိုးတက်မှုကတော့ သိပ်ပြီး နှေးမှာမဟုတ်ဘူး။

အရင်က စားခဲ့သမျှ ဆေးဖက်ဝင် အစားအစာများ၏နူးညံ့ပြီး အာဟာရဖြစ်စေသော ဆေးစွမ်းအာနိသင်များမှာ သူမ၏ခန္ဓာကိုယ်ထဲတွင် စုစည်းနေခဲ့ပြီ ဖြစ်သည်။

အဆင့်မြင့် ဆေးလုံးများစွာလည်း ရှိသေးရာ ၎င်းတို့သည် သိသိသာသာ အဆင့်တက်စေခြင်းမျိုး မဟုတ်သော်လည်း အခြေခံကို ခိုင်မာစေသည်။

ကျင့်ကြံမှု တိုးတက်အောင် လုပ်ဆောင်ရာတွင် အဆိုးဆုံးမှာ အတင်းအကျပ် အားထုတ်ခြင်းပင်ဖြစ်သည်။

အမှန်ကန်ဆုံး နည်းလမ်းမှာ တဖြည်းဖြည်းနှင့် စဉ်ဆက်မပြတ် တိုးတက်စေကာ ခိုင်မာသော အခြေခံအုတ်မြစ်ကို ချရန်ဖြစ်သည်။ မဟုတ်လျှင် ချူနင်၏ နည်းလမ်းများဖြင့် ရဲ့ချန်းလျန်ကို ချက်ချင်းပင် မဟာဧကရာဇ်လောင်းလျာဖြစ်အောင် လုပ်ပေးရန်မှာ ပြဿနာမရှိပေ။

သို့သော် မဟာဧကရာဇ်လောင်းလျာအဆင့် ၈၁ ဆင့်မှာ ကျင့်ကြံသူ၏ ကိုယ်ပိုင် နှစ်ကာလများနှင့် စုဆောင်းထားသော အတွေ့အကြုံများ လိုအပ်သည်။ ၎င်းကသာ နောင်တွင် စစ်မှန်သော မဟာဧကရာဇ် ဖြစ်လာရန် အခြေခံဖြစ်သည်။

ထိုသို့မဟုတ်ဘဲ အတင်းမြှင့်တင်ထားသော မဟာဧကရာဇ်လောင်းလျာမှာ အင်အား အကန့်အသတ် ရှိပေလိမ့်မည်။

ထို့အပြင် ရဲ့ချန်းလျန် ကိုယ်တိုင်ကလည်း ကျင့်ကြံမှု အဆင့်ကို အလောတကြီး မြှင့်တင်လိုစိတ် မရှိပေ။ ချူနင်က လုံလောက်အောင် သန်မာပြီးသား ဖြစ်သည်။

သူမ၏ တိုးတက်မှုမှာ အခြားသူများထက် များစွာ မြန်ဆန်နေပြီဖြစ်ရာ အဆင့်ကို ရုတ်တရက် ခုန်တက်စေခြင်းက ကျင့်ကြံမှုအပေါ် ဆိုးကျိုးသာ သက်ရောက်နိုင်ပေသည်။

ထိုအတောအတွင်း သမီးတော်လေး နှစ်ဦးမှာ နန်းတော်အတွင်း လှည့်လည်ကြည့်ရှုနေကြသည်။ တစ်ဦးက နန်းတော်ထဲသို့ စူးစမ်းလိုစိတ်ဖြင့် ဝင်ကြည့်နေပြီး ကျန်တစ်ဦးက ရဲ့ချန်းလျန်၏ ချပ်ဝတ်တန်ဆာကို အံ့သြစွာ ကြည့်ကာ ချူနင်ကို မကြာခဏ မေးခွန်းများ မေးနေသည်။

ရဲ့ချန်းလျန်သည်လည်း သမီးတော်လေး နှစ်ဦး၏နားလည်မှု အဆင့်အတန်းကို တစ်ချက်ကြည့်ရုံဖြင့် သိလိုက်ရာ မိမိကိုယ်မိမိ ပြန်လည် သံသယဝင်သွားမိသည်။

သူတို့ နှစ်ယောက်လုံးက ပဉ္စမမြောက် နယ်ပယ်ကို ယရောက်နေပြီလား ငါအိမ်က ထွက်လာတာ နှစ်ရက်ပဲ ရှိသေးတာ မဟုတ်ဘူးလား။

ဒီကျင့်ကြံမှုက တော်တော်လေး မြန်လွန်းနေပြီ ငါ့ကိုတောင် မကြာခင် မှီတော့မယ် ထင်တယ်။

ချူနင်က ဘာမှမပြောဘဲ ပြုံးနေသဖြင့် ရဲ့ချန်းလျန်လည်း ထပ်မမေးတော့ပေ။ မေးလည်း ဘာမှ ထူးမည်မဟုတ်။

မသေမျိုးဧကရာဇ်တစ်ဦးကို ဖခင်အဖြစ် ပိုင်ဆိုင်ထားပြီး အကန့်အသတ်မဲ့သော အရင်းအမြစ်များကို အကောင်းဆုံး အသုံးချကာ အလုံခြုံဆုံး ပတ်ဝန်းကျင်တွင် ကြီးပြင်းလာရခြင်း ထို့ပြင်မွေးရာပါ အမြင့်မြတ်ဆုံးသော ခန္ဓာကိုယ်ကို ပိုင်ဆိုင်ထားခြင်းတို့ကြောင့် သူတို့၏ ကျင့်ကြံမှု နှေးနေလျှင်မှ ထူးဆန်းနေပေလိမ့်မည်။

ယောင်ယောင်သည် မူမူနန်းတော်ထဲ ဝင်သွားသည်ကို မြင်သောအခါ သူမ၏ ခြေထောက်တိုလေးများဖြင့် ပြေးလိုက်သွားရင်း အစ်မ နေဦးလေ ယောင်ယောင်လည်း ကြည့်ချင်တယ် ဟု အော်လိုက်သည်။

ထိုမြင်ကွင်းကို ကြည့်ရင်း ရဲ့ချန်းလျန်က မျက်လုံးလေး မှေးကာ ပြုံးလျက် ပြောသည် ဒီနေရာကို ယောင်ယောင်အတွက် ကိုယ်ပိုင်နယ်မြေအဖြစ် သတ်မှတ်ဖို့ စဥ်းစားထားတယ်။ ဒါပေမဲ့ နန်းတော်ကိုတော့ အသစ်ပြန်ဆောက်ရမယ် ကျိမိသားစုရဲ့ အကြိုက်က သိပ်ပြီး အဆင့်မရှိဘူး။

ဒါနဲ့ နန်းတော်ထဲက ပစ္စည်းစာရင်းတွေ စစ်လို့ ပြီးသလောက် ရှိနေပြီ။ ရှင် သူတို့ နှစ်ယောက်ကို အခုပဲပြန်ခေါ်သွားလိုက်ပါတော့။ နောက်ထပ် တစ်လလောက် ကြာဦးမယ် ထင်တယ် ငါပြန်လာနိုင်ဖို့။

"ချူနင် နင်ဘာလို့ ငါ့ကို အဲဒီလို ကြည့်နေတာလဲ"

ချူနင်၏ မျက်လုံးထဲမှ ထူးဆန်းသော အရိပ်အယောင်ကို ရဲ့ချန်းလျန် သတိပြုမိသွားပြီး ရုတ်တရက် ကြောင်အသွားသည်။

သူမ စားလက်စကို ရပ်ကာ ထမင်းဘူးကို ချပြီး ထွက်ပြေးဖို့ ပြင်လိုက်သည် ချူနင်က ရဲ့ချန်းလျန်၏ လက်ကို ဆွဲထားလိုက်ပြီး နှုတ်ခမ်းတွင် အပြုံးတစ်ခု ပေါ်လာသည်။

ကလေးကို ခေါ်လာတာက မင်းကိုပေးတွေ့ရုံသက်သက်ပဲလို့ မင်းထင်နေတာလား။ ရဲ့ချန်းလျန်မှာ ရှက်လည်းရှက် စိတ်လည်းတိုကာ မျက်နှာတစ်ခုလုံး နီမြန်းနေပြီ ဖြစ်သည်။

နေခင်းကြောင်တောင်ကြီးမှာ ရှင် ဘာလုပ်ချင်နေတာလဲ ငါအလုပ်တွေ လုပ်စရာရှိသေးတယ်။

တစ်ရက်လောက် ခွဲရတာက ဆောင်းဦးသုံးခုစာလောက် ကြာတယ်လို့ ခံစားရတယ်လေ။ ဒါပေမဲ့ ငါက ခွင့်လွှတ်ရတာ မြန်ပါတယ်။

ရှင်က အမြဲတမ်း အလောတကြီး လုပ်တတ်တာပဲ သမီးလေးတွေ ရောက်လာရင် ဘယ်လိုလုပ်မလဲ။

မစိုးရိမ်ပါနဲ့ ငါပတ်ဝန်းကျင်ကို အပြင်လောကနဲ့ အဆက်အသွယ် ဖြတ်ထားလိုက်မယ်။ ရပါတယ် ဟိုဘက် ခန်းမထဲ သွားရအောင်။

ချူနင်၏ တိုက်တွန်းမှုကြောင့် ရဲ့ချန်းလျန်၏ မျက်နှာမှာ ပို၍ နီမြန်းလာသည်။ သူမ ငြင်းဆန်ချင်သော်လည်း နှလုံးခုန်သံများ မြန်လာကာ ခိုးစားချင်စိတ်ကလည်း ပေါ်လာသဖြင့် သူမ၏ ငြင်းဆန်မှုမှာ သိပ်ပြီး အားမပါတော့ပေ။

ချူနင်၏ မျက်လုံးထဲတွင်မူ ၎င်းမှာ ငြင်းသယောင်နှင့် အလိုရှိနေခြင်းသာ ဖြစ်သည်။ ဇနီးသည်က အပြင်မှာ တိုက်ပွဲဝင်နေစဉ် ဤကဲ့သို့သော အခွင့်အရေးကောင်းကို ဘယ်မှာ ရနိုင်ပါဦးမည်နည်း။

ချူနင်က ရဲ့ချန်းလျန်ကို အခန်းထဲသို့ ဆွဲခေါ်သွားရင်း သတိပေးရန်လည်း မမေ့ပေ။

မူမူ ယောင်ယောင် သမီးတို့ ကြိုက်သလောက် လျှောက်ကြည့်နော်။ ကြိုက်တဲ့ပစ္စည်းရှိရင် ယူသွားလို့ ရတယ် ဒီနေရာက အခုငါတို့အိမ် ဖြစ်သွားပြီ။

ရဲ့ချန်းလျန်ကတော့ တစ်ခွန်းပဲ ပြန်ပြောနိုင်သည်  ဒီမှာ ကုတင်တွေမရှိဘူးနော် ဘယ်သူမှမနေတဲ့ ဘေးခန်းမပဲ ရှိတာ။

ရပါတယ် ဒီမှာပဲ မင်းငါ့ကိုကူညီပေးလို့ ရတာပဲ။ ဒါဆို ငါတို့ ဘယ်လိုလုပ်ကြမလဲချူနင်။ 

နင် ငါ့ကို နန်းတော်ကိုပဲ ပြန်ခေါ်သွားပါလား နင်ရဲ့ စွမ်းအားတွေနဲ့ဆို ခဏလေးပဲ ကြာမှာကို နန်းတော်ထဲက လူတွေ အကုန်အသတ်ခံထားရတာ သမီးလေးတွေ တစ်ခုခု ဖြစ်သွားမှာ မကြောက်ဘူးလား ဒါပေမဲ့ ဘာလို့ ဒီလိုနေရာမှာမှလဲ။

ရှက်ကြောက်ခြင်းနှင့် စိုးရိမ်ခြင်းမှာ တစ်ထပ်တည်း ဖြစ်နေသော်လည်း ခိုးစားရခြင်းမှ ရရှိသော လျှို့ဝှက်သော ပျော်ရွှင်မှုမှာလည်း တခြားတစ်ဖက်တွင် ရှိနေသည်။

ငါတို့ မြန်မြန်လုပ်ရင် သမီးလေးတွေ တစ်ခုခု ထူးခြားတာ သတိထားမိမှာ မဟုတ်ပါဘူး။

ရဲ့ချန်းလျန် တစ်ယောက် တကယ်ကို အံ့သြမိရသည်။

သူမက စစ်တိုက်နေတာပါဆိုမှ သူက အစားအစာ လာပို့ရင်း သူမကိုပါ တစ်ခါတည်း စားသွားဖို့ မမေ့ဘူး။ သမီးလေးတွေက သူမကိုသတိရတာ မဟုတ်ဘဲ ချူနင်ကိုယ်တိုင်က သတိရလို့လာတာလားလို့တောင် သူမ သံသယဝင်မိသည်။

ဒါပေမဲ့ ရပါတယ်ချူနင် အပြင်မှာ ခိုးမစားရင်ပဲ တော်ပါပြီ။

ခဏအကြာတွင် သူတို့နှစ်ဦး နန်းတော်ထဲမှ ထွက်လာကြသည်။ မလှမ်းမကမ်းရှိ လှေကားထစ်များပေါ်တွင် ကလေးငယ်နှစ်ဦးက သူတို့၏လက်ထဲတွင် နို့ဗူးကိုယ်စီကိုင်ကာ လှမ်းကြည့်နေကြသည်။

"အဖေ မေမေ စောစောက ဘယ်သွားကြတာလဲ"

ဘာလို့ ရှာလို့ မရတာလဲ။

ရဲ့ချန်းလျန်မှာ ရှက်ကိုးရှက်ကန်း ဖြစ်သွားသော်လည်း အောင့်ထားကာ ပြုံးလျက် ရှေ့သို့တိုးပြီး ယောင်ယောင် ခေါင်းလေးကို ပုတ်ပေးလိုက်သည်။

မူမူ ယောင်ယောင် အဖေက သမီးတို့ကို တခြားနေရာတွေ လိုက်ပို့ပေးလိမ့်မယ်။ မေမေ့ကို သတိရရင် လာတွေ့နော် မေမေ အခု အလုပ်တွေ လုပ်စရာရှိသေးလို့ပါ။

ချူမူကတော့ ဘာမှ ဂရုမစိုက်ပေ။ သူမ၏ မိခင်မှာ စစ်တိုက်နေခြင်းဖြစ်ရာ ၎င်းမှာ ခဏတာ အနားယူခြင်းသာ ဖြစ်သည်။ နောက်ပိုင်းတွင် အသေအချာ စစ်ချီရဦးမည် မဟုတ်လား။ယောင်ယောင်ကတော့ မျှော်လင့်ချက်အပြည့်ဖြင့် ခေါင်းကို အပြင်းအထန် ညိတ်ပြသည်။

"အဖေ ယောင်ယောင် ဟိုအစ်မပိုင်ကို တွေ့ချင်တယ် သူက အရမ်းလှတာပဲ"

ရဲ့ချန်းလျန် ရုတ်တရက် လှည့်ကြည့်လိုက်သည်။

"ဘယ်က အစ်မပိုင်လဲ"

......

နောက်ဆုံးတွင် ရှင်းပြချက်မှာ ပြီးဆုံးသွားခဲ့သည်။ ထိုအခါမှသာ ချူနင်ကို လွှတ်ပေးလိုက်တော့သည်။

သူက သက်ပြင်းချရင်း ပြောလိုက်သည် ငါ့သမီးက လူသိပ်မများပေမဲ့ တစ်ယောက်ယောက်ကို သိသွားပြီး မှတ်မိသွားပြီဆိုရင် မေ့ဖို့ ခက်တယ်လေ။

ဒါပေမဲ့ သမီးက မေမေ့ရှေ့မှာ အဲဒီလိုပြောလိုက်တော့ အဖေ့မှာ ဖြေရခက်သွားတာပေါ့။ အဖေ့မှာ ချစ်သူကို သစ္စာဖောက်တော့မလို ဖြစ်သွားတယ်။

ထိုအတောအတွင်း နန်းတော်အပြင်ဘက် စစ်တပ်အတွင်း၌ ရဲ့ချန်းလျန်သည် ဂုဏ်ယူဝင့်ကြွသော မျက်နှာပေးဖြင့် စစ်တပ်အတွင်းသို့ ပြန်လည်ရောက်ရှိလာသည်။

လက်အောက်ငယ်သားများက ပစ္စည်းစာရင်းများကို အမြန် အပြီးသတ် စစ်ဆေးလိုက်ကြသည်။

အင်ပါယာ မြို့တော်အတွင်းမှာ လူဦးရေ ၇.၃၂ သန်းလောက်ရှိပြီး အားလုံးကို စာရင်းသွင်းပြီးပါပြီ။ ဒါ့အပြင် ဒေသခံပြည်သူတွေက ကျွန်တော်တို့ မဟာချန်အင်ပါယာအပေါ် အရမ်းကို စိတ်အားထက်သန်နေကြတာမို့ သိမ်းပိုက်ရတာ သိပ်မခက်ပါဘူး။

ရဲ့ချန်းလျန်က ခေါင်းအနည်းငယ် ညိတ်ပြသည်။ အရှေ့ဘက်ကို ဆက်သွားပြီး တခြား အင်ပါယာတွေကိုပါ ချေမှုန်းမယ်။

ထိုက်ရွှီ သန့်စင်နယ်မြေရဲ့ အခြေအနေက ဘယ်လိုလဲ။ မင်ကူ သန့်စင်နယ်မြေကို ထိုက်ရွှီ သန့်စင်နယ်မြေက ဝိုင်းထားပါတယ်။ နှစ်ဖက်စလုံးက ထိပ်တန်း ကျင့်ကြံသူတွေက ပြင်းပြင်းထန်ထန် တိုက်ခိုက်နေကြပြီး ဘယ်သူကမှ အသာမရသေးပါဘူး။ ရဲ့ချန်းလျန်က နှုတ်ခမ်းကို အနည်းငယ် တွန့်လိုက်သည်။

တာအိုနယ်ပယ်ကျင့်ကြံသူ နှစ်ယောက်တည်းကို ဘာလို့ ဒီလောက်တောင် ပြင်းပြင်းထန်ထန် တိုက်နေရတာလဲ။

အောက်က စစ်သူကြီးမှာ မျက်နှာပျက်သွားရသည်။ တစ်ယောက်က တာအိုနယ်ပယ် အလယ်အလတ်အဆင့် နောက်တစ်ယောက်က အစောပိုင်းအဆင့် သူတို့နဲ့ တိုက်ရတာ မလွယ်ဘူးလေ။

"ငါ ကိုယ်တိုင်သွားမယ်"

ရဲ့ချန်းလျန်သည် ဧကရာဇ်လက်နက်ကို စွဲကိုင်ကာ ကောင်းကင်ထက်သို့ ပျံတက်သွားလေတော့သည်။