အခန်း ၁၄၄ ကောင်းကင်ဘုံအတွက်

ထိုမြင်ကွင်းထဲက အရာအားလုံးကို ကြည့်ရှုရင်း ချူနင်တစ်ယောက် အနည်းငယ် အံ့အားသင့်သွားရသည်။

ဟေး မင်းသိလား။

ဒီအဘိုးကြီးက တော်တော်လေး နိုးနိုးကြားကြား ရှိတာပဲ။ သူ့ကို ထောက်ပံ့ပေးခဲ့ရတာ တန်သွားပြီ။

သူသည် ယခင်က အမှောင်နယ်မြေတည်ရှိမှုအကြောင်းကို တစ်ခါမျှ မကြားဖူးသလို မမြင်ဖူးခဲ့ပေ။ ထို့ကြောင့်လည်း ထိုဘက်ကနေ မတွေးမိခဲ့ခြင်း ဖြစ်သည်။

သူ့အတွက်မူ ဤကောင်းကင်ဘုံနှင့် မရေမတွက်နိုင်သော လောကဓာတ်များထဲတွင် သူ့ထက်အစွမ်းထက်သော တည်ရှိမှုဟူ၍ မရှိနိုင်ပေ။

သို့သော် တစ်စုံတစ်ယောက်သည် သူ့လက်ခုပ်ထဲမှ လွတ်မြောက်သွားနိုင်သည်ဆိုခြင်းမှာ ထိုပုဂ္ဂိုလ်သည် အလွန်တရာ ကြောက်မက်ဖွယ်ကောင်းသော အစွမ်းသတ္တိ ရှိရမည်ဖြစ်သည်။ ထို့အပြင် ၎င်းသည် ကောင်းကင်တာအို၏ ချုပ်နှောင်မှုများကိုပင် ချိုးဖျက်နိုင်စွမ်း ရှိသည်။

ထိုသို့ဆိုလျှင် ဆုံးဖြတ်ရ ပိုလွယ်သွားပြီ။ မဟာဧကရာဇ်ထက် ကျော်လွန်သေနယ်ပယ် မသေမျိုး ဧကရာဇ်

အချိန်မြစ်ကြီးထဲမှ ကြားဖြတ်ရယူထားသော မသေမျိုးအနှစ်သာရ အစိတ်အပိုင်းအချို့က သူ့ကို ပြန်လည်အသက်သွင်းပေးလိုက်ခြင်း ဖြစ်ရမည်။

ဘုရားရေ ဧကရာဇ်တစ်ပါးကို သတ်ဖို့ဆိုတာ တကယ်မလွယ်ပါလား။

လူသားလောကမှာ သေဆုံးသွားခဲ့ပေမဲ့ အလောင်းကနေတစ်ဆင့် ပြန်လည်မွေးဖွားလာခဲ့တယ်ပေါ့။ ဒါပေမဲ့ ဒါကို နတ်ဘုရားဧကရာဇ်အဆင့်ရှိသူတွေပဲ လုပ်နိုင်တာ။

သူက အမှောင်နယ်မြေမှာ တည်ရှိနေတဲ့ အလွန်အစွမ်းထက်တဲ့ အလောင်းကောင်မသေမျိုးဧကရာဇ်လား။ ဒါက စိတ်ဝင်စားဖို့ကောင်းလာပြီ။ ဤကမ္ဘာသို့ ရောက်ရှိလာပြီးနောက် ပထမဆုံးအကြိမ်အဖြစ် ချူနင်သည် ပြိုင်ဘက်တစ်ဦးအပေါ် စိတ်ဝင်စားမှု ဖြစ်ပေါ်လာခဲ့သည်။

မဟာဧကရာဇ်ဟုတ်လား။

မဟာဧကရာဇ်ဆိုတာ ကောင်းကင်တာအိုရဲ့ ကိုယ်စားလှယ်သက်သက်သာဖြစ်ပြီး ကောင်းကင်တာအိုအောက်က အားအကောင်းဆုံး အင်အားစုတစ်ခုပဲ။ ဒါပေမဲ့ မသေမျိုးဧကရာဇ်ကတော့ မတူဘူး။ သို့သော် တစ်ဖက်လူက နတ်ဘုရားဧကရာဇ် ဖြစ်နေရုံမျှဖြင့် သူ့ကို ယှဥ်နိုင်သည်ဟု မဆိုလိုပေ။

စုတိန်ဖန်းသည် ဖန်သားပြင်ကို စိုက်ကြည့်နေသည်။ အဝါရောင်ဧကရာဇ်သည် အလောင်းကောင်ဧကရာဇ်နှင့်အတူ ကောင်းကင်တာအို၏ ချုပ်နှောင်မှုများမှ လွတ်မြောက်သွားသည်ကို သူ မြင်လိုက်ရသည်။ တစ်စုံတစ်ခုသော ယန္တရားက သူတို့ကို ကာကွယ်ပေးထားသကဲ့သို့ပင်။

"အဲဒီအဘိုးကြီးက မမြင်ဘူးလို့ အသေအချာ ပြောနေပြီးတော့ တကယ်တော့ သူကငါ့ကို အချိန်အတော်ကြာအောင် ဖုံးကွယ်ထားခဲ့တာပဲ"

"အရှင် အဲဒီအရာက အမှောင်သတ္တဝါဖြစ်ရပါမယ်"

"အရှင်က အမှောင်ကပ်ဘေးအကြောင်း ကြားဖူးပါသလား"

သို့သော် မေးပြီးသည်နှင့် စုတိန်ဖန်းသည် ရှက်ကိုးရှက်ကန်းဖြင့် သူ၏နဖူးကို ရိုက်လိုက်မိသည်။

"ကျွန်တော့်ဦးနှောက်ကို ကြည့်ပါဦး နောက်ပိုင်းမှာ နည်းနည်း ဝေဝေဝါးဝါး ဖြစ်နေလို့ပါ။ ဧကရာဇ်က အမှောင်ကပ်ဘေးအကြောင်း မသိဘဲ နေပါ့မလား

"

ချူးနဥ်: "......"

ဒီကောင် ပြောချင်တာကို တစ်ဝက်ပဲပြောပြီး ရပ်သွားပြန်ပြီ။ အကယ်၍ ဤအရာက ထွက်ပြေးနိုင်သည်ကို သူသာ ကြိုသိခဲ့လျှင် ဘာလို့ အသေသတ်မထားခဲ့ဘဲ နေမည်နည်း။

အဓိကအချက်မှာ အောက်ဘုံရှိ အမှောင်သတ္တဝါများအကြောင်းကိုပင် သူတစ်ခါမျှ မကြားဖူးခြင်းပင်။ အမှောင်သတ္တဝါများသည် ဤလောကနှင့် လုံးဝ ဆန့်ကျင်ဘက် ဖြစ်သကဲ့သို့ အမှောင်နယ်မြေသည်လည်း ဆန့်ကျင်ဘက် ဖြစ်နေသည်။

ပုံမှန် ကောင်းကင်တာအို တွက်ချက်မှုအောက်တွင် ၎င်းတို့သည် စည်းမျဉ်းများပြင်ပကအရာများ ဖြစ်နေသဖြင့် ပြောင်းပြန်လှန်၍သာ တွက်ချက်ရမည်ဖြစ်သည်။ ထားလိုက်ပါတော့ သူဘာသာသူ ရှာဖွေနိုင်ပါသည်။

ခဏအကြာတွင် ချူနင်၏ မျက်လုံးများ အနည်းငယ် တောက်ပလာသည်။

ထိုအချိန်မှစ၍ ကောင်းကင်တာအို ဖြစ်ပေါ်လာပုံနှင့် ပတ်သက်သည့် မရေမတွက်နိုင်သော မှတ်တမ်းများ သူ၏ စိတ်ထဲသို့ ရောက်ရှိလာသည်။

ကောင်းကင်တာအိုဆိုသည်မှာ အကြွင်းမဲ့အသိစိတ်၏ စုစည်းမှုဖြစ်သည်။ ချူနင် သူ၏သမီးတော်များကို ပေးခဲ့သော တာအိုကျမ်းစာများကဲ့သို့ပင်။ ၎င်းသည် သဘာဝတရား၏ ထင်ရှားပြသမှုဖြစ်သည်။ ၎င်း၏ အဆင့်အတန်းမှာ အလွန်မြင့်မားပြီး မည်သည့် စည်းမျဉ်းဥပဒေသမှမဆို ပြည့်စုံစွာ ဆင့်ကဲပြောင်းလဲနိုင်သည်။

သို့သော် မည်သည့်အရာမဆို တည်ရှိလာလျှင် ၎င်းနှင့် ဆန့်ကျင်ဘက်အရာလည်း ပေါ်ပေါက်လာတတ်သည် ၎င်းကို ဟန်ချက်ညီမှုဟု သတ်မှတ်သည်။ အမှောင်နယ်မြေသည် ထိုအချက်ကြောင့် ဖြစ်ပေါ်လာခြင်းဖြစ်သည်။

ကောင်းကင်တာအိုက မည်မျှ အစွမ်းထက်သနည်း။ နေရာတစ်ခုက ပိုမှောင်လေလေ ၎င်းက ပိုအားကောင်းလေလေ ဖြစ်သည်။ ကောင်းကင်တာအိုသည် ဝိညာဉ်များကို ဖြစ်ထွန်းစေသော်လည်း အမှောင်ထုသည် ဝိညာဉ်များကို မဖြစ်ထွန်းစေနိုင်ပေ။

၎င်းသည် ကောင်းကင်တာအိုအောက်ရှိဝိညာဉ်များကို အသုံးချ၍ ထွက်ပြေးရန်သာ တတ်နိုင်ပြီး ထိုဝိညာဉ်များကို အမှောင်ထုဖြင့် အကျင့်ပျက်ခြစားစေကာ အမှောင်ဝိညာဉ်များအဖြစ် ပြောင်းလဲပစ်သည်။

ထိုပုဂ္ဂိုလ်သည် အမှောင်ထုထဲသို့ ဝင်ရောက်စိမ့်ဝင်သွားသော ပထမဆုံးသတ္တဝါများထဲမှ တစ်ဦး ဖြစ်ရမည်။ သူတို့သည် လူသားလောကသို့ လာလိုကြသော်လည်း လူသားတို့၏ ကောင်းကင်ဥပဒေသများသည် အလွန်အစွမ်းထက်သဖြင့် သူတို့ကို အပြည့်အဝ ပိတ်ဆို့ထားနိုင်သည်။

သို့သော် နှစ်ပေါင်း ၁၀၀,၀၀၀ တိုင်းသည် ကောင်းကင်တာအို၏စက်ဝန်းတစ်ခု ဖြစ်ပြီး ထိုအချိန်သည် ကောင်းကင်တာအို အားအနည်းဆုံးအချိန်ဖြစ်သည်။ အမှောင်ကပ်ဘေးသည် ကောင်းကင်တာအိုကို တိုက်စားရန် ရောက်လာတတ်သဖြင့် ကောင်းကင်တာအိုသည် စည်းမျဉ်းများကို လျှော့ချပေးခဲ့ပြီး ဤအားနည်းသော ကာလကို ကျော်လွှားနိုင်ရန် မဟာဧကရာဇ် ဆယ်ပါးကိုပေါ်ထွန်းစေခဲ့သည်။

ထိုသို့ဖြင့် သံသရာစက်ဝန်းကို တည်ဆောက်ခဲ့ပြီး မဟာဧကရာဇ် ဆယ်ပါးကို ဖန်တီးခဲ့ခြင်းဖြစ်သည်။

၎င်းကို သိရှိသွားပြီးနောက် ချူနင်သည်လည်း အနည်းငယ် ဇဝေဇဝါဖြစ်သွားသည်။

မင်းတို့က လူသားမျိုးနွယ်ရဲ့ဧကရာဇ်တွေပဲ လူသားတွေရဲ့ ကိုးကွယ်ဆည်းကပ်မှုကို ခံယူနေရတာလေ။ အဲဒါကို ဘာလို့အမှောင်ထုထဲကို ကိုယ့်ကိုယ်ကိုယ် ပစ်ချဖို့ ရွေးချယ်ရတာလဲ။ စုတိန်ဖန်းမှာ အံ့အားသင့်သွားပြီး ခေါင်းကို အမြန်ခါလိုက်သည်။

ကျွန်တော့်မှာ အဲဒီလို အတွေးမျိုး မရှိပါဘူးအရှင်။ ကျွန်တော်တို့ မဟာဧကရာဇ်ဖြစ်လာတဲ့အခါ ကောင်းကင်တာအိုရဲ့ ကောင်းချီးကို ရရှိခဲ့ပါတယ်။ ကောင်းကင်တာအိုက ကျွန်တော်တို့ကို အစွမ်းထက်တဲ့ စည်းမျဉ်းတွေနဲ့ လွှမ်းမိုးနိုင်စွမ်းရှိတဲ့ ခွန်အားတွေကို ပေးသနားပြီး လောကမှာရှိတဲ့ သက်ရှိအားလုံးရဲ့ အထက်မှာ ထားပေးခဲ့တာပါ။

ကောင်းကင်တာအိုမရှိရင် ကျွန်တော်တို့ ဒါမျိုးမဖြစ်နိုင်ဘူး။ လူသားမျိုးနွယ်မရှိရင် ကျွန်တော်တို့ ဒီနေရာကို မရောက်နိုင်ဘူး။ ကျွန်တော်တို့ဟာ လူသားမျိုးနွယ်အတွက် အသက်ပေးရမှာ ဖြစ်သလို ကောင်းကင်တာအိုအတွက်လည်း ပေးဆပ်ရမှာပါ။ ကောင်းကင်တာအိုကို ဆန့်ကျင်ဖို့ဆိုတာ ဘယ်လိုမှ မဖြစ်နိုင်ပါဘူး။

ချူနင်အကြမ်းဖျင်း နားလည်သွားသည်။ ဧကရာဇ်တစ်ပါး၏ အခြေအနေမှာ ကောင်းကင်တာအိုက သူတို့ကို အရာအားလုံး ပေးထားခြင်းဖြစ်ပြီး သူတို့ဧကရာဇ်မဖြစ်မီကလည်း လူသားမျိုးနွယ်က သူတို့အတွက် အရာအားလုံး ပေးဆပ်ခဲ့ခြင်းဖြစ်သည်။

ငါမင်းကို မွေးဖွားပေးခဲ့တယ် ပြုစုပျိုးထောင်ပေးခဲ့တယ် မင်းကိုအောင်မြင်အောင်လုပ်ပေးခဲ့တယ် ဒါဟာငါ့ရဲ့ အကြီးမားဆုံး စိန်ခေါ်မှုကို ကျော်လွှားနိုင်ဖို့ မင်းကကူညီပေးဖို့ပဲ။

လူသားများသည် အသိတရားရှိသော သတ္တဝါများဖြစ်သဖြင့် သဘာဝကျစွာပင် ကောင်းကင်တာအိုဘက်မှ ရပ်တည်ကာ လူသားမျိုးနွယ်နှင့် ကောင်းကင်တာအိုအတွက် တိုက်ပွဲဝင်ပြီး လူသားမျိုးနွယ်၏ မဟာဧကရာဇ် ဖြစ်လာကြသည်။

"ဒါပေမဲ့ အဲဒီ အဝါရောင်ဧကရာဇ်ကတော့"

စုတိန်ဖန်းသည် ခဏမျှ တိတ်ဆိတ်သွားပြီး မည်သို့ ပြန်ဖြေရမှန်း မသိဖြစ်နေသည်။

အရေးကြီးတဲ့ကိစ္စတွေ ရောက်လာရင်တော့ လူသားမျိုးနွယ်ဟာ အသေအချာ စည်းလုံးကြမှာပါ အမှောင်ထုကို လုံးဝ ဒူးထောက်မှာ မဟုတ်ပါဘူး။ သူသည် ထပ်မံ၍ ဒေါသထွက်လာပြန်သည်။

"ဧကရာဇ်ရွှမ်ယွမ်က အဲဒီအရိုးစုသတ္တဝါတွေက ဘာလဲဆိုတာ မသိဘဲမနေပါဘူး။ အဲဒါကိုတောင် ဖုံးကွယ်ထားတယ်ဆိုတော့ သူတမင်လုပ်တာပဲ"

ဒါက ဘယ်လိုဧကရာဇ်မျိုးလဲ ကျွန်တော် ကိုယ်တိုင်သူ့ကို နှိမ်နင်းပြီး သတ်ပစ်မယ်။ စုတိန်ဖန်းသည် လွန်ခဲ့သော လအနည်းငယ်ကပင် ထိုအရာကို စတင် စုံစမ်းစစ်ဆေးခဲ့ခြင်း ဖြစ်သည်။ ယခုအခါ မဟာဧကရာဇ်တစ်ပါးဖြစ်သော ရွှမ်ယွမ်ဧကရာဇ်သည် အမှန်တရားကို တမင်ဖုံးကွယ်ထားရုံတင်မကဘဲ ထိုအရာနှင့်အတူ ထွက်ပြေးသွားခဲ့လေပြီ။

"အရမ်းရွံစရာကောင်းတယ် အရှက်မရှိလိုက်တာ"

ချူနင် ခဏမျှ စဉ်းစားလိုက်သည်။

ဒီနေ့စုတိန်ဖန်း လုပ်ဆောင်ခဲ့တာတွေက ထွက်ပြေးသွားတဲ့အရာကို ခြေရာခံဖို့ဖြစ်လို့ လုံးဝကို ကျိုးကြောင်းဆီလျော်ပါတယ်။ ပြီးတော့ သူကထိခိုက်သွားတဲ့သူကိုလည်း လျော်ကြေးပေးခဲ့သေးတယ်။ 

အင်အားကြီးတဲ့သူတစ်ယောက်က ဒီလိုလုပ်ပေးနိုင်တယ်ဆိုတာ အခွင့်အာဏာကို အလွဲသုံးစားလုပ်ပြီး နှိပ်စက်တာ မဟုတ်တော့ဘူး။ ပိုပြီးတော့တောင် ချူနင်ရဲ့လူတွေအဖြစ် လုပ်ဆောင်နေတာဆိုတော့ ဒါကပြဿနာ မရှိပါဘူး။

ပြဿနာက အဲဒီအရာက နည်းနည်း ထူးခြားနေတာပဲ။ သူတို့က အဆင့်အတန်း မြင့်မားပြီး ကောင်းကင်တာအိုရဲ့ ကြားဝင်မှုကို ရှောင်တိမ်းနိုင်တဲ့ နည်းလမ်းတွေ ရှိနေကြတယ်။ ဒါက တကယ်ကို စိတ်ဝင်စားဖို့ ကောင်းတယ်။

ဒါဆိုရင် ဒီအဘိုးကြီးက အပေါ်ယံပဲ ဟန်ပြလုပ်ခဲ့ပြီးတော့ တကယ်တမ်းတော့ မျက်စိမှိတ်ပြီး နေခဲ့တာပေါ့။ ဟူး....မင်းတို့ ဧကရာဇ်က တကယ်ကို ဆိုးရွားတာပဲ။ မင်းကို ဘာပြောရမှန်းတောင် မသိတော့ဘူး။ မင်း ကိုယ့်ကိုယ်ကိုယ် တိုးတက်အောင် ပိုပြီးအချိန်ပေးသင့်တယ်။

သို့သော် အဝါရောင်ဧကရာဇ်သည် သိပါလျက်နှင့် ဖုံးကွယ်ထားခဲ့သည်။ ၎င်းမှာ ယုံကြည်ချက် လမ်းမှားသွားခြင်း ဖြစ်သည်။ လူသားဧကရာဇ်တစ်ပါးအတွက် ဤကဲ့သို့ ပြုမူခြင်းမှာ လွန်လွန်းလှသည်။

သူတို့ကို အတင်းအကျပ်ခိုင်းတာ မဟုတ်ဘဲ သူတို့ဘာသာ စေတနာအလျောက်သွားခဲ့ကြတာပဲ။ ၎င်းကို ကြားသောအခါစုတိန်ဖန်းသည် ရှေ့မှ မြင်ကွင်းအားလုံးကို ကြည့်ရင်း တစ်ခုခုကို သဘောပေါက်သွားပုံ ရသည်။

ဒါနဲ့ အရှင် ကျွန်တော် အရင်ကပြောခဲ့တဲ့ ဓားတာအိုဧကရာဇ်ကျဆုံးသွားတဲ့ ကိစ္စကို မှတ်မိသေးလား။

ချူးနဥ်က ခေါင်းအနည်းငယ် ညိတ်ပြရင်း သူ့ရှေ့က အဘိုးကြီးကို ကြည့်လိုက်သည်။ "ဘာလဲ ဒါကချန်းရှန်းဧကရာဇ်ရဲ့ အစီအမံလို့ မင်းပြောခဲ့တာ မဟုတ်ဘူးလား"

ရှန်းချန်းဧကရာဇ်မှာ သူ့အစီအစဉ်နဲ့သူရှိတာ မှန်ပါတယ်။ ဒါပေမဲ့ တခြားဧကရာဇ်တွေလည်း ပါဝင်ပတ်သက်နေကြတယ်။ သူတို့အားလုံးက ဓားဧကရာဇ်ပိုမြင့်တဲ့ အဆင့်ကို တက်လှမ်းနိုင်ဖို့ နည်းလမ်းတွေကို ဝိုင်းဝန်းလုပ်ဆောင်ခဲ့ကြတာ။ အဲဒီအချိန်တုန်းက ရွှမ်ယွမ်ဧကရာဇ်နဲ့ ချန်းရှန်းဧကရာဇ်တို့က အတော်လေး နီးစပ်ခဲ့ကြတယ်။

ကျွန်တော့် တပည့်ဆီက ကြားရတာတော့ အဲဒီအစီအစဥ်ကို အဝါရောင်ဧကရာဇ်ကပဲ ထုတ်ခဲ့တာတဲ့။ တကယ်တော့ ချန်းရှန်းဧကရာဇ်က ဓားဧကရာဇ်အပေါ် ခံစားချက်ရှိခဲ့ဖူးတယ် သူက ဘယ်တုန်းကမှ သတ်ဖို့ မရည်ရွယ်ခဲ့ဘူး။

သို့သော် နောက်ပိုင်းတွင်မူ......

ပြောပြီးနောက် ချူနင်သည် အတော်ကြာအောင် တိတ်ဆိတ်နေခဲ့သည်။

မင်းတို့ ဧကရာဇ်တွေကလည်း တစ်ယောက်နဲ့တစ်ယောက် ပြန်တိုက်ကြတာပဲလား။ မဟာဧကရာဇ်ဟာ ကောင်းကင်တာအိုရဲ့ ကောင်းချီးကို ခံယူထားသူဖြစ်သလို ကောင်းကင်တာအိုရဲ့ ကာကွယ်မှုကိုလည်း ရထားသူပါ။ 

ကောင်းကင်တာအိုရဲ့ အစောင့်အရှောက်တွေ အနေနဲ့ဆိုရင် သူ့အပေါ် အရေးယူတာမျိုးပဲ လုပ်တတ်ကြပေမဲ့ သတ်တာမျိုးတော့ မလုပ်ကြပါဘူး။ ဘာပဲဖြစ်ဖြစ် သူကအမှောင်ကပ်ဘေးအတွက် အင်အားစုဆောင်းပေးနေသူ မဟုတ်လား။

"ရန်ငြိုးရှိရင်တောင် အခြေခံမူဝါဒပိုင်းဆိုင်ရာ ကိစ္စတွေမှာ ဒီလိုမျိုး မလုပ်သင့်ဘူး။ ဒါပေမဲ့ အခုတော့"

ချူးနဥ်သည် အသက်ပြင်းပြင်းတစ်ချက် ရှူလိုက်ပြီး သက်ပြင်းရှည်ကြီး ချလိုက်သည်။

"ကောင်းကင်ဘုံက ရွေးချယ်ထားတဲ့ ကိုယ်စားလှယ်က ယုံကြည်ချက် မခိုင်မာဘူး ဖြစ်နေတာပဲ"

"မဟုတ်သေးပါဘူး။"

စုတိန်ဖန်း၏ ခန္ဓာကိုယ်မှာ ရုတ်တရက် တုန်လှုပ်သွားသည်။

ဤစကား၏ အဓိပ္ပာယ်မှာ ၎င်းသည် ထိုအဝါရောင်ဧကရာဇ် တစ်ဦးတည်းကို ဆိုလိုခြင်း မဟုတ်ဘဲ

တခြား ဧကရာဇ်တွေလည်း ပူးပေါင်းထားကြတာပဲ။

"သူတို့ အသေအချာ ပြန်လာကြလိမ့်မယ်။"

ချူနင်က ပြုံးလျက် ပြောသည် အခု မင်း အဝါရောင်ဧကရာဇ်ကို ရှာတွေ့ပြီဆိုတော့ တစ်ခုခုတော့ လုပ်ရတော့မယ်။

အဘိုးအိုစု နောက်တစ်နေ့မှာ အဝါရောင်ဧကရာဇ်က တစ်နည်းနည်းနဲ့ မင်းကို သူ့နောက်လိုက်ဖို့ ဖိတ်ခေါ်လာခဲ့ရင် လိုက်သွားလိုက်ပြီး ငါ့ကိုအကြောင်းကြားပါ။

အရှင် အကယ်၍ အရှင်က တိုက်ရိုက် ကြားဝင်ဆောင်ရွက်ဖို့ မရည်ရွယ်ဘူးဆိုရင် သူတို့က နောက်ထပ် အမှောင်ကပ်ဘေးကြီးတစ်ခုကို ဖန်တီးလိုက်ရင် ဘယ်လိုလုပ်မလဲ။

ချူနင်သည် ထိုမြင်ကွင်းကို ပိတ်လိုက်ပြီဖြစ်ကာ စစ်ချီလမ်းကြောင်းများကဲ့သို့သော ရိက္ခာပိုင်းဆိုင်ရာ မှတ်တမ်းများကို ဆက်လက် ကိုင်တွယ်နေသည်။

"အဲဒါက မင်းစဥ်းစားနေရမယ့် ကိစ္စ မဟုတ်ဘူး။"

ငါတို့ရဲ့ အားအကောင်းဆုံး အင်အားစုတွေက သစ္စာဖောက်တွေဖြစ်နေမယ် ဒါမှမဟုတ် သစ္စာဖောက် ပြန်ဖြစ်လာနိုင်တယ် ဆိုရင်တော့ သူတို့ကို ဆက်ထားနေဖို့ အကြောင်းမရှိဘူး။ သူသည် စုတ်တံကို ကောက်ကိုင်လိုက်ပြီး ဖြေရှင်းချက်တစ်ခုကို စတင်ရေးသားလိုက်သည်။

"ဘယ်နှစ်ယောက်လောက် ယုံကြည်ချက် ပျောက်ဆုံးနေပြီလဲ ဆိုတာကို ကြည့်ရအောင် ပြီးရင်တော့ အားလုံးကို တစ်ခါတည်း ရှင်းပစ်မယ်"

စုတိန်ဖန်း ခဏမျှ ကြောင်အသွားပြီးနောက် သဘောပေါက်သွားသည်။

ချူနင်သည် ကြားဝင်နှောက်ယှက်ရန် မရည်ရွယ်ပေ။ သူသည် ဤဧကရာဇ် ဆယ်ပါးထဲမှ မည်သူက ဧကရာဇ်အဖြစ် ဆက်ရှိနေရန် မလိုအပ်တော့သနည်း ဆိုသည်ကိုသာ ကြည့်လိုခြင်း ဖြစ်သည်။

ပြီးလျှင် အားလုံးကို တစ်ပြိုင်နက် သတ်ပစ်မည်။

ထို အမှောင်ကပ်ဘေးနှင့် ပတ်သက်၍မူ သူတို့သည် စီနီယာကို လုံးဝထည့်မတွက်ထားကြခြင်းသာ ဖြစ်သည်။

စုတိန်ဖန်းမှာ အလွန်ဝမ်းသာသွားရသည်။

နားလည်ပါပြီ အရှင် ဒါပေမဲ့ စီနီယာ ကျွန်တော့်ကို တွက်ချက်ခြင်း နည်းလမ်းသင်ပေးလို့ ရမလား

မဟုတ်လျှင် အမှန်တရားကို မျက်ကွယ်ပြုနေရသည်မှာ တကယ်ကို အရှက်ရဖို့ ကောင်းလှသည်။

လူက ရှေ့တည့်တည့်မှာ ရှိနေတာတောင် မမြင်ရဘူးဆိုတာ ပြောရမှာတောင် နည်းနည်း ရှက်စရာကြီး။