အခန်း ၁၄၃ အဘိုးအိုစု၏ ရှာဖွေတွေ့ရှိမှုနှင့် ချူနင်၏ သတိပြုမိမှု

ဧကရာဇ်နှစ်ပါးသည် တစ်ဦးနှင့်တစ်ဦး ထိပ်တိုက်ရင်ဆိုင်လျက် ရှိနေကြသည်။

ပတ်ဝန်းကျင်ရှိ ကျင့်ကြံသူများသည် နောက်ဆုံးတွင် အနည်းငယ် ငြိမ်သက်သွားကြ၏။ အဝါရောင်ဧကရာဇ် ရှိနေသရွေ့ စုတိန်ဖန်းသည် ဤမျှအထိ ရဲတင်းဝံ့ရဲလိမ့်မည်မဟုတ်ဟု သူတို့ ထင်မှတ်ထားကြသည်။

"မင်း ငါ့ရဲ့ တာအိုကျောင်းဆောင်မှာ ဒီလောက်တောင် ရမ်းကားရဲတယ်ပေါ့ မင်းက ငါတို့မျိုးနွယ်စုတွေကြား စစ်ပွဲစချင်တာလား" စုတိန်ဖန်းသည် ကောင်းကင်ထက်တွင် လက်နှစ်ဖက်ကို နောက်ပစ်ထားရင်း ရှေ့မှပုဂ္ဂိုလ်ကို အထင်အမြင်သေးသော အကြည့် အေးစက်သော မျက်နှာပေးဖြင့် ကြည့်နေသည်။

"စစ်ပွဲ ဟုတ်လား"

မင်းတို့ရဲ့ ရွှမ်ယွမ်မျိုနွယ်စုမှာ ငါ့ရဲ့ဟင်းလင်းပြင်မျိုးနွယ်စုကို တိုက်ခိုက်နိုင်တဲ့ ဘယ်လို စွမ်းရည်မျိုး ရှိလို့လဲ။ ငါ့လက်ညှိုးတစ်ချက်နဲ့တင် မင်းကို ဖိနှိပ်ပစ်လို့ရတယ် မင်းကငါ့ကို ဘယ်လိုအခွင့်အရေးနဲ့ ဒီလိုစကားမျိုး ပြောနေတာလဲ။

အဝါရောင်ဧကရာဇ်သည် အလွန်အမင်း ဒေါသထွက်သွားသော်လည်း သူဘာမှမတတ်နိုင်ပေ။ ယခင်က သက်ရှည်ကျင့်စဉ်နယ်မြေအတွက် တိုက်ခိုက်ခဲ့စဉ်ကလည်း သူရှုံးနိမ့်ခဲ့ဖူးသည်။ 

စုတိန်ဖန်း၏ စွမ်းအားမှာ ယခုအခါ အဆမတန် တိုးတက်နေပြီဖြစ်ရာ ယခင်က သက်ရှည်ဧကရာဇ်ထက်ပင် ပိုမိုအစွမ်းထက်နေလေပြီ။

သူသည် စိတ်ပျက်အားငယ်စွာဖြင့် အေးစက်စွာ ပြောလိုက်သည် "ဒီနေ့သာ မင်း ငါ့ကိုခိုင်လုံတဲ့ အကြောင်းပြချက် မပေးနိုင်ရင် ငါတခြားမဟာဧကရာဇ်တွေနဲ့ ပူးပေါင်းပြီး မင်းရဲ့ ဟင်းလင်းပြင်မျိုးနွယ်စုကို အသေအချာ တိုက်ခိုက်မှာပဲ။

စုတိန်ဖန်းက သူ့ကို လှောင်ပြောင်သော အမူအရာဖြင့် ကြည့်လိုက်သည်။ ဧကရာဇ်ရှစ်ပါး ပေါင်းရင်တောင် ငါ့ကို သတ်နိုင်ပါ့မလား ငါ သူတို့ကိုမနိုင်ရင်တောင် အသာလေး ထွက်ပြေးလို့ရတာပဲ။ ငါ့ကို အရင်က ဓားဧကရာဇ်လိုများ မှတ်နေသလား။

သို့သော် သူသည် ဤလူများနှင့် စကားများနေရန် အချိန်မရှိပေ။ နယ်ပယ်ရဲ့အပြင်ဘက်ကနေ တစ်ခုခု ရောက်လာတယ် အဲဒါကိုငါစုံစမ်းနေတာ။ အဲဒီအရာက မင်းတို့ရဲ့ ရွှမ်ယွမ်မျိုးနွယ်စုထဲမှာ ပုန်းနေတယ်။

အဝါရောင်ဧကရာဇ်၏ ခန္ဓာကိုယ်မှာ ချက်ချင်း တုန်လှုပ်သွားသည်။ မင်းကို ဘယ်သူမှ ခြေရာမခံနိုင်ဘူး ဆိုပြီးတော့ အခုဘယ်လိုဖြစ်ပြီး မိသွားရတာလဲ? ဒါမှမဟုတ် စုတိန်ဖန်းရဲ့ စွမ်းအားက ငါထင်ထားတာထက် ပိုပြီး မြင့်မားနေတာလား။

သူ့ကို အနိုင်ယူဖို့ လုံးဝ မဖြစ်နိုင်တော့ဘူးလား စုတိန်ဖန်းရဲ့ နောက်ကွယ်မှာရှိတဲ့ သက်ရှည်ဧကရာဇ်ကို သတ်ခဲ့တဲ့ ပုဂ္ဂိုလ်ကြောင့်များလား။

"ရွှမ်ယွမ် အဲဒီအရာက ဘယ်မှာလဲ"

အဲဒီအရာက နယ်ပယ်အပြင်ဘက်က လာတာ။ ကောင်းကင်တာအိုရဲ့ ပြင်းထန်တဲ့ ချုပ်နှောင်မှုတွေ ရှိနေတာတောင် ရောက်လာတယ်ဆိုတော့ ဒါကမကောင်းတဲ့အရာပဲ ဖြစ်ရမယ်။ မင်းတို့မျိုးနွယ်စု တည်ငြိမ်ဖို့နဲ့ လူသားမျိုးနွယ် ငြိမ်းချမ်းဖို့အတွက် အဲဒါကို ချက်ချင်း လွှဲပေးစမ်း။

"ငါ့မျိုးနွယ်စုထဲကို ဘာတွေ ရောက်လာသလဲဆိုတာ ငါလုံးဝမသိဘူး"

"အို ဟုတ်လား" စုတိန်ဖန်းက မျက်မှောင်ကြုတ်လိုက်သည်။ ဒါဆိုရင် ငါ့ဘာသာငါ ရှာဖွေတာကို မင်း ခွင့်ပြုမလား။

သူ့ကို ရှာခိုင်းလိုက်ပါ မင်းငါအဆင့်ကိုရောက်သွားတဲ့အခါ ဒီနေ့ ရခဲ့တဲ့ အရှက်ရမှုကို မင်း အသေအချာ လက်စားချေနိုင်မှာပါ  အသံတစ်သံက သူ၏ နားထဲသို့ တိုးဝင်လာသည်။

အဝါရောင်ဧကရာဇ်မှာ အံ့အားသင့်သွားရသည်။ သူ ရှာမတွေ့နိုင်ဘူးလို့ မင်းက အကြွင်းမဲ့ ယုံကြည်နေတာလား။

အမှန်စင်စစ် သူသည် ထိုအရာက ဘာလဲဆိုတာကိုရှင်းပြနိုင်ပါသည်။

လူသားမျိုးနွယ်၏ မဟာဧကရာဇ်နှင့် ကောင်းကင်တာအို၏ ကိုယ်စားလှယ်တစ်ဦးအနေဖြင့် မျိုးနွယ်စုများအကြား အားပြိုင်မှုမှာ အကျိုးစီးပွားအတွက်သာဖြစ်သော်လည်း အသက်နှင့်သေခြင်းတရား ရောက်လာသည့်အခါ လူသားမျိုးနွယ်စုများမှာ စည်းလုံးညီညွတ်ကြရမည်ဖြစ်သည်။

သို့သော် သူသည် ဟင်းလင်းပြင်ဧကရာဇ်က သူ့ထက် နှစ်ပေါင်းထောင်ချီ နောက်ကျပြီးမှ အသိတရား ရရှိခဲ့သူဖြစ်သည်။ ယခုမူ သူ့ရှေ့တွင် မောက်မာစွာ ရပ်လျက် ဤကဲ့သို့ စကားပြောနေသည် ဘယ်လို အခြေခံကြောင့်လဲ။

ထို့အပြင် သူသည် မဟာဧကရာဇ်ဖြစ်လာပြီးနောက် တိုးတက်ရန် မည်သည့် အခွင့်အလမ်းကိုမျှ မတွေ့ရဘဲ နှစ်ပေါင်းတစ်သောင်း ကျင့်ကြံခဲ့သော်လည်း ထိုအဆင့်မှာပင် ရပ်နေခဲ့ရသည်။ သို့သော် စုတိန်ဖန်းက ဘယ်လိုဖြစ်ပြီး အဆင့်တက်နိုင်ရတာလဲ သက်ရှည်ဧကရာဇ်တောင် အဆင့်တက်နိုင်ခဲ့တာပဲ ငါကကော ဘာလို့ မရနိုင်ရမှာလဲ။

"ကောင်းပြီ”

"ဒါပေမဲ့ ဒီနေ့ မင်းဘာမှရှာမတွေ့ခဲ့ရင်တော့"

စုတိန်ဖန်း၏ မျက်နှာမှာ တည်ငြိမ်နေပြီး သူ၏ နတ်ဘုရားအာရုံများ စတင် ပြန့်နှံ့သွားသည်။

ငါမင်းရဲ့ ရွှမ်ယွမ်မျိုးနွယ်စုကို ထိခိုက်အောင်လုပ်ဖို့ စိတ်မဝင်စားဘူး။ ဒါက အလွန်အရေးကြီးတဲ့ကိစ္စပဲ။ ငါ အမြဲတမ်း သံသယရှိခဲ့တာက ချန်းရှန်းဧကရာဇ် မသေသေးဘူး ဆိုတာပဲ။

အဲဒီတုန်းက ချန်းရှန်းဧကရာဇ်က မင်းကို အကြိမ်ကြိမ် နှိပ်စက်ခဲ့တယ် သူ့ကိုသတ်လိုက်တာက မင်းအတွက် အကျိုးရှိတာ မဟုတ်ဘူးလား မင်းတို့မျိုးနွယ်စုရဲ့အရင်းအမြစ် တစ်ဝက်လောက်ကို အဲဒီ သက်ရှည်ဧကရာဇ်ကို ပေးခဲ့ရတာလေ။ အခုတော့ မင်း ဘာမှ ပေးစရာ မလိုတော့ဘူး။ မင်း ကျေးဇူးတင်သင့်တာ မဟုတ်လား။

စုတိန်ဖန်းက အများကြီး မပြောဘဲ တည်ငြိမ်စွာပင် ဆက်ပြောသည် ငါဘာမှရှာမတွေ့ရင်တော့ ဒီကိစ္စကို ဒီမှာတင် အဆုံးသတ်လိုက်မယ်။

"မင်း ငါ့မျိုးနွယ်စုဝင်တွေကို ပြင်းထန်စွာ ဒဏ်ရာရအောင် လုပ်ထားပြီးမှ အဆုံးသတ်မယ်လို့ ပြောရဲတယ်ပေါ့"

အဲဒီကျင့်ကြံသူက ငါ့ကို မရိုသေရုံတင်မကဘဲ အော်ဟစ်ဆဲဆိုခဲ့တာ။ သူက မင်းရဲ့ မျိုးနွယ်စုဝင်ဖြစ်နေလို့သာ ငါ သူ့အသက်ကို ချန်ထားပေးခဲ့တာ။

လူတိုင်း တိတ်ဆိတ်သွားကြသည် စိတ်အနှောင့်အယှက် ဖြစ်ရသော်လည်း အနည်းဆုံးတော့ သက်ရှည်မျိုးနွယ်စုကို အရင်းအမြစ်တွေ ပေးစရာ မလိုတော့သည်မှာ အမှန်ပင်။ ၎င်းက ကောင်းသောအချက်ပင် ဖြစ်သည်။

အဝါရောင်ဧကရာဇ်က လက်သီးကို တင်းတင်းဆုပ်ကာ တိုးတိုးလေး မေးလိုက်သည် "ငါမင်းကိုဘယ်လို ကူညီရမလဲ"

ဒီလူကို ငါ့လက်နဲ့ကိုယ်တိုင် သတ်ပစ်မယ် ကျွင်းရှဲ့၏အသံက ပြန်ဖြေသည်။

လောကမှာရှိတဲ့ မဟာဧကရာဇ်အားလုံးကို ဆင့်ခေါ်လိုက် ငါ့မှာသူတို့ရဲ့ မူလအရင်းအမြစ်တွေကို သိမ်းယူဖို့ နည်းလမ်းရှိတယ်။

"ဘာ မင်းကသူတို့ရဲ့ ဧကရာဇ် အနှစ်သာရကို သိမ်းယူချင်တာလား"

"ဒါပေါ့ အဲဒီထဲမှာမင်းလည်း ပါတာပေါ့။"

"ဒါဆို ငါကဘာလို့မင်းကို ကူညီရမှာလဲ"

အဓိက ရည်ရွယ်ချက်က အချိန်ရဲ့ ကန့်သတ်ချက်တွေနဲ့ ကောင်းကင်တာအိုရဲ့ ဖိနှိပ်မှုတွေကို ချိုးဖျက်ဖို့ပဲ။ အဲဒါအတွက် ကောင်းကင်တာအိုရဲ့ အထောက်အထား လိုအပ်တယ်။

မဟာဧကရာဇ်ရဲ့ မူလအရင်းအမြစ်ဟာ ကောင်းကင်တာအိုရဲ့ သက်သေပဲ။ ငါ့ရဲ့အရှင်သခင် ကြွလာတဲ့အခါ မင်း ငါ့လိုအဆင့်မျိုးရောက်စေရမယ်လို့ ငါအာမခံတယ်။ အဆိုးဆုံး အခြေအနေမှာတောင် မင်းငါနဲ့အတူ လိုက်ခဲ့လို့ရတယ်။ အဝါရောင်ဧကရာဇ်၏ ရင်ထဲတွင် ရှုပ်ထွေးသော ခံစားချက်များဖြင့် ပြည့်နှက်သွားသည်။

"မင်းက ငါ့ကိုလူသားမျိုးနွယ်ရဲ့ အစဉ်အလာကို သစ္စာဖောက်ပြီး မင်းလိုမျိုး ဖြစ်ခိုင်းနေတာလား"

မင်း ပိုပြီး အစွမ်းထက်ချင်တာ မဟုတ်ဘူးလား။ အားကြီးတဲ့သူတွေမှာပဲ စကားပြောပိုင်ခွင့် ရှိတာ။

ငါ့ရဲ့အဆင့်မျိုးကို ရောက်ဖို့နဲ့ ပိုမြင့်တဲ့ နယ်ပယ်တွေကို မြင်တွေ့ဖို့ဆိုတာ ငါတို့ ကျင့်ကြံသူတွေ ကြိုးစားရမယ့် အရာပဲ။

ဒါပေမဲ့ ငါကမဟာဧကရာဇ် တစ်ပါးအနေနဲ့။

မဟာဧကရာဇ် အထက်မှာ ဘယ်လို နယ်ပယ်မျိုး ရှိလဲဆိုတာ မင်းသိလား။ ထိုအသံသည် အဝါရောင်ဧကရာဇ်၏ ဦးနှောက်ထဲတွင် မိုးကြိုးပစ်လိုက်သကဲ့သို့ ပေါက်ကွဲသွားသည်။

"မသေမျိုး ဧကရာဇ်"

အဝါရောင်ဧကရာဇ်သည် တိတ်ဆိတ်သွားပြီး သူ၏ အကြည့်မှာ ရှုပ်ထွေးတုံ့ဆိုင်းမှုမှသည် ရက်စက်ကြမ်းကြုတ်မှုဆီသို့ ပြောင်းလဲသွားသည်။

မဟာဧကရာဇ် တစ်ပါးအနေဖြင့် ငါဟာ ကောင်းကင်ဥပဒေသများ၏ ချုပ်နှောင်မှုကို ခံနေရတယ် ငါတို့က ဘာလို့ ပိုမြင့်တဲ့ အဆင့်ကို မတက်လှမ်းနိုင်ရမှာလဲ ကောင်းကင်တာအိုရဲ့ အချုပ်အနှောင်ကနေ ဘာလို့ မလွတ်မြောက်နိုင်ရမှာလဲ ငါတို့ကဘာလို့ ပိုသန်မာတဲ့သူတွေရဲ့ ဖိနှိပ်မှုကို ခံနေရမှာလဲ။

"ငါ့ကို မင်းနဲ့အတူ ခေါ်သွားပါ။ ငါသဘောမတူခင် မင်းပြောတဲ့ အဲဒီပုဂ္ဂိုလ်ကိုအရင်တွေ့ချင်တယ်"

"ကောင်းပြီ"

ထိုအချိန်တွင် စုတိန်ဖန်းသည် တာအိုမျိုးနွယ်စုအတွင်းသို့ ကိုယ်တိုင်ဝင်ရောက်ကာ ရာနှင့်ချီသော အကြိမ်များစွာ စစ်ဆေးခဲ့ပြီး သူ၏ နတ်ဘုရားဝိညာဉ်ဖြင့်လည်း အကြိမ်ကြိမ် လွှမ်းခြုံရှာဖွေခဲ့သည်။ သို့သော် ဘာမှ ရှာမတွေ့သေးပေ။

စုတိန်ဖန်း၏ မျက်နှာမှာ တည်ကြည်လျက် ဇဝေဇဝါ ဖြစ်နေသည်။ ထိုအရာသည် ရွှမ်ယွမ်မျိုးနွယ်စုအတွင်းသို့ ဝင်ရောက်သွားသည်မှာ သေချာပါလျက် ဘာကြောင့် ရှာမတွေ့ရသနည်း။

မဟုတ်ဘူး တစ်ခုခု မှားနေပြီဟု သူ ခံစားမိသည်။ ၎င်းက အလွန်အရေးကြီးသော ကိစ္စဖြစ်သည်။ ဤကိစ္စကို စီနီယာကိုယ်တိုင် စုံစမ်းစစ်ဆေးရမည်။

သူသည် အဝါရောင်ဧကရာဇ်၏ ရှေ့သို့ အမြန်ပြန်လာခဲ့သည်။ အဝါရောင်ဧကရာဇ်က သူ့ကို စိုက်ကြည့်နေသည်။

"ရှာတွေ့ပြီလား"

"မတွေ့ဘူး။"

စုတိန်ဖန်းသည် ဒဏ်ရာရနေသော ကျင့်ကြံသူထံသို့ သိုလှောင်အိတ်တစ်ခုကို ပစ်ပေးလိုက်သည်။

ငါက အမြဲတမ်း ကျိုးကြောင်းဆီလျော်စွာ လုပ်ဆောင်တတ်တယ်။ အဲဒီထဲမှာ မဟာဧကရာဇ်တာအိုသီး သုံးလုံးပါတယ်။ အဲဒါက မင်းရဲ့ကျင့်ကြံမှုကို ပြန်ကောင်းစေရုံတင်မကဘဲ တိုးတက်စေလိမ့်မယ်။ ဒါက ငါ့ရဲ့ လျော်ကြေးလို့ပဲ မှတ်လိုက်ပါ။ ထိုကျင့်ကြံသူမှာ အံ့အားသင့်သွားပြီးနောက် အလွန်ဝမ်းသာသွားသည်။

"ကျေးဇူးတင်ပါတယ် ဟင်းလင်းပြင်ဧကရာဇ်"

မဟာဧကရာဇ် တာအိုသီးတွင် မဟာဧကရာဇ်၏ မူလအရင်းအမြစ်များ ပါဝင်ရာ ၎င်းသည် ကျင့်ကြံသူများအတွက် အဆင့်တက်ရန် အလွန်အရေးကြီးသော အရာဖြစ်သည်။ အရိုက်ခံရရကျိုး နပ်သွားပြီ။ ၎င်းကို မြင်လိုက်ရသော အဝါရောင်ဧကရာဇ်မှာပို၍ပင် အရှက်ရသွားသည်။ ဧကရာဇ်တာအိုသီး အနည်းငယ်အတွက်နဲ့ မင်းတို့က ဒီလို ဖြစ်သွားကြတာလား။

စုတိန်ဖန်းသည် ထို့နောက် ဧကရာဇ်ရွှမ်ယွမ်ကို ကြည့်လိုက်သည်။ အဲဒီအရာက အမှောင်စွမ်းအင်တွေနဲ့ စွန်းထင်နေတယ် ငါအမှောင်စွမ်းအင်ကို ကိုယ်တိုင်ကိုယ်ကျ မမြင်ဖူးပေမဲ့ အဲဒါက အမှောင်စွမ်းအင်ဆိုတာ ငါ ပြောနိုင်တယ်။

ငါက လူသားမျိုးနွယ်အတွက်လည်း တွေးပေးတာပါ တာအိုမျိုးနွယ်စုတွေကြားက အငြင်းပွားမှုက တစ်ကဏ္ဍ ဒါပေမဲ့ လောကကြီးရဲ့ အပြောင်းအလဲတွေနဲ့ ပတ်သက်လာရင်တော့ ငါတို့က စိတ်တူကိုယ်တူ ဖြစ်ရမယ်။

ထိုသို့ပြောပြီးနောက် စုတိန်ဖန်းသည် အောက်ဘုံဆီသို့ အမြန်ထွက်ခွာသွားသည်။

ယခုအချိန်တွင် အဝါရောင်ဧကရာဇ်၏ မျက်နှာတွင် အေးစက်ကြမ်းကြုတ်မှုများသာ ပြည့်နှက်နေသည်။

လူသားမျိုးနွယ်နဲ့ လောကကြီးအတွက် ဟုတ်လား ဒါငါ့မျက်နှာကို ဖြတ်ရိုက်လိုက်တာ မဟုတ်ဘူးလား ပြီးတော့ ငါက ဘာလို့ လူသားမျိုးနွယ်အတွက်နဲ့ ဒီလောကကြီးအကြောင်းကို တွေးပေးနေရမှာလဲ။

"ငါ့ကို အဲဒီကို ခေါ်သွားပါ အဲဒီပုဂ္ဂိုလ်ကို ငါတွေ့ပြီးတာနဲ့"

သက်ရှည်ဧကရာဇ်၏ခန္ဓာကိုယ်မှာ အဘိုးအို၏ ဘေးတွင် ပေါ်လာပြီး ပြုံးလျက် ပြောလိုက်သည် "ကောင်းပြီ"

ခဏအကြာတွင် အောက်ဘုံ၌ နန်းတော်၏ မင်းတက်နန်းဆောင်အတွင်း၌ သမီးတော်လေးမှာ အိပ်ပျော်သွားပြီ ဖြစ်သည်။ မိခင်ဖြစ်သူမှာမူ ကျိမိသားစုဝင်များ၏ ခေါင်းများကို လက်တွင်ကိုင်လျက် စိတ်သက်သာရာရစွာ ငိုကြွေးနေဆဲ ဖြစ်သည်။

ကလေးတွေကို အတူခေါ်လာဖို့ မသင့်တော်ဘူးပဲ။ အခုက ညဦးပိုင်းဖြစ်နေပြီမို့ ငါအလုပ်ကိစ္စအချို့ကို ကိုင်တွယ်ဖို့ အချိန်ရသေးသည်။

ထိုအချိန်တွင် စုတိန်ဖန်းက အသံလွှင့်ကာ အကြောင်းကြားလာရာ ချူနင်သည် မျက်မှောင် အနည်းငယ် ကြုတ်လိုက်သည်။

မင်းတက်နန်းဆောင်ကို တိုက်ရိုက်လာခဲ့ပါ နန်းတော်ရဲ့ပင်မတံခါးကနေ လာနေစရာ မလိုဘူး။ မကြာမီ စုတိန်ဖန်း ရောက်လာပြီး ထိုနေ့က ဖြစ်ပျက်ခဲ့သမျှကို အစီရင်ခံရာ ချူနင်က နားလည်ကြောင်း အချက်ပြလိုက်သည်။

အမှောင်ထုရဲ့ စွန်းထင်မှုကို ခံထားရတာလား။ ရှာမတွေ့သည်မှာ မထူးဆန်းပေ။ ထိုအရာသည် ကောင်းကင်တာအိုအောက်တွင် ရှိသောအရာ မဟုတ်သကဲ့သို့ ချူနင် အုပ်ချုပ်သော တာအိုနယ်ပယ်အတွင်းမှ အရာလည်း မဟုတ်ပေ။ ၎င်းသည် ကောင်းကင်နှင့် မြေကြီးကိုလုံးဝ ဆန့်ကျင်ဘက်ဖြစ်သော တည်ရှိမှုတစ်ခုဟုသာ ဆိုရမည်။

အဓိက အကြောင်းရင်းမှာ ချူနင်သည် ယခင်က အမှောင်သတ္တဝါများအကြောင်းကို တစ်ခါမျှ မတွေးခဲ့ဖူးသလို မကြားဖူးခြင်းကြောင့် ဖြစ်သည်။ ယခုစုတိန်ဖန်း၏ ရှင်းပြချက်ကို ကြားပြီးနောက်တွင်မူ သူ အကြမ်းဖျင်း နားလည်သွားသည်။

အမှောင်နယ်မြေသည် လူသားလောကနှင့် လုံးဝဆန့်ကျင်ဘက်ဖြစ်သော တည်ရှိမှုတစ်ခု ဖြစ်သည်။ ထို့ကြောင့် တွက်ချက်မှုအားလုံးကို ပြောင်းပြန်လှန် စဥ်းစားရမည်။ မကြာမီတွင် သူတို့နှစ်ဦးရှေ့၌ မြင်ကွင်းတစ်ခု ပေါ်လာသည်။ စုတိန်ဖန်းမှာ ထိတ်လန့်သွားရသည်။

"ဟုတ်တယ် အဲဒါပဲ"

"အရှင် ကျွန်တော် ခြေရာခံနေတဲ့အရာက အဲဒါပဲ အဲဒါပဲ"

သို့သော် စုတိန်ဖန်းမှာ ချက်ချင်းပင် အံ့အားသင့်သွားသည်။

"သူတို့ ဘယ်ကို သွားနေကြတာလဲ"