အခန်း ၁၃၂ ခိုးကြောင်ခိုးဝှက်

ရှေ့တွင် မြင်တွေ့နေရသော မြင်ကွင်းကို ကြည့်ပြီး ချူမူသည် နို့၏ အထိအတွေ့နှင့် အရသာ အဘယ်ကြောင့် ပြောင်းလဲသွားရသည်ကို အလိုအလျောက် ခန့်မှန်းမိလိုက်သည်။

နင်က ဒီလိုနည်းနဲ့ ကလေးတွေကို လှည့်စားပြီး အလုပ်ရှုပ်သက်သာအောင် လုပ်နေတာပေါ့လေ။

သို့သော်လည်း အရသာကတော့ တကယ်ပင် ကောင်းမွန်လှသည်။ သားရဲနို့ထဲတွင် ခန္ဓာကိုယ်ကို အကျိုးပြုသည့် ဝိညာဉ်စွမ်းအင်များ အမှန်တကယ် ပါဝင်နေသည်။

ဟိုးအရင်နှစ်များက မဟာဖရိုဖရဲဧကရာဇ်၏ ကျောင်းတော်တွင် ရှေးဟောင်းဖရိုဖရဲသားရဲကြီး တစ်ကောင်ရှိသည်ဟု သူမ ကြားဖူးခဲ့သည်။ ထိုသားရဲကြီးသည် ကမ္ဘာဦးအစကတည်းက တည်ရှိခဲ့ပြီး မိမိ၏နို့ရည်ဖြင့် ကောင်းကင်နှင့် မြေကြီးကြားရှိ သက်ရှိအားလုံးကို ကျွေးမွေးပြုစုခဲ့သည်။

သို့သော်လည်း အချိန်ကြာလာသည်နှင့်အမျှ ၎င်း၏စွမ်းအားများသည် ရေတွက်မကုန်နိုင်သော သက်ရှိများထံသို့ ခွဲဝေရောက်ရှိသွားပြီးနောက် သဲလွန်စမကျန် ပျောက်ကွယ်သွားခဲ့သည်။ ဒါပေမဲ့ ဒီလောကထဲမှာ ဒီလိုမျိုးတခြားသက်ရှိတွေလည်း ရှိနေဦးမှာပါပဲ။

ဖရိုဖရဲနယ်ပယ်ထဲမှာ ပုန်းအောင်းနေပြီး သူတို့ရဲ့ နို့ရည်ဟာ ကလေးငယ်တွေအတွက် အာဟာရအဖြစ်ဆုံး အရာတွေပေါ့။

ဒီနို့ထဲမှာ ဖရိုဖရဲစွမ်းအားတွေ ပါနေသလိုမျိုး ငါခံစားနေရတယ်။ ချူမူသည် အစာစားခြင်းအပေါ် အာရုံစိုက်ထားသဖြင့် ထပ်ပြီးအများကြီး မစဉ်းစားတော့ပေ။ သူမသည် အစားအသောက် အတုအယောင်များကို စားရင်း ချူနင်ကို အကဲခတ်နေသည်။

အခုဆိုရင် သူမရော ယောင်ယောင်ပါ ကျင့်ကြံမှု ဒုတိယအဆင့်ကို ရောက်နေပြီ ခန္ဓာကိုယ်ထဲကို ဝိညာဉ်စွမ်းအင်တွေ တမင်ဆွဲသွင်းတာမျိုး ဝိညာဉ်စွမ်းအင်ကိုသန့်စင်တာမျိုး မလုပ်ရသေးဘဲနဲ့ ဒုတိယအဆင့် ကျင့်ကြံသူ ဖြစ်နေပြီ အားလုံးက အဲဒီစိတ်ကျင့်စဉ်ကို ကျင့်ခဲ့လို့ပဲ။

သူမသည် မူလက ဓားကျင့်စဉ်ကို ကျင့်ကြံနေခဲ့သူ ဖြစ်သဖြင့် ထိုကျင့်စဉ်ကို စွန့်ပယ်ဖို့ အလွန်ခက်ခဲခဲ့သည်။ သို့သော်လည်း နောက်ဆုံးတွင် သူမသည် ကျင့်စဉ်ဟောင်းအားလုံးကို စွန့်ပယ်ပြီး ဖခင်ဖြစ်သူပေးသော ကျင့်စဉ်သစ်သို့ ပြောင်းလဲခဲ့သည်။

ငါက အမေ့ဗိုက်ထဲမှာ အသိစိတ်ရှိကတည်းက စပြီး ကျင့်ခဲ့တာ၊အခုဆို တစ်နှစ်ရှိပြီ။ စတုတ္ထအဆင့်အထိ ကျင့်ကြံနိုင်ခဲ့ခြင်းမှာ သူမသည် ပါရမီထူးချွန်သူဖြစ်ပြီး ယနေ့ကမ္ဘာပေါ်ရှိ ပါရမီရှင်အားလုံးကို ကျော်လွန်နေသည်ဟု ဆိုနိုင်သည်။

ဒါပေမဲ့ ဟိုအူကြောင်ကြောင် ယောင်ယောင်ကတော့ တစ်မွန်းလွဲရုံနဲ့တင် စိတ်ကျင့်စဉ်ကို ရွတ်ဖတ်ပြီးနေပြီ ငါကတော့ စိတ်အာရုံငါးဆင့်အထိ ကျင့်ကြံပြီးပြီ။

ငါးဆင့်ကို တစ်မွန်းလွဲတည်းနဲ့ ဒါက မွေးရာပါနတ်ဘုရား ခန္ဓာကိုယ်ရဲ့ အစွမ်းထက်တဲ့ ပါရမီနဲ့ အများကြီး သက်ဆိုင်နေပေမဲ့ အဲဒီစိတ်ကျင့်စဉ်နဲ့ ဘာမှမဆိုင်ဘူးဆိုတာကိုတော့ သူမ လုံးဝ မယုံကြည်နိုင်ပါဘူး။

အဲဒီကျင့်စဉ်က ဘာမှမသိသေးတဲ့ ဗလာစာရွက်လို လူတွေအတွက် သီးသန့်ထုတ်ထားသလိုပဲ။ ကျင့်ကြံသူက ကျင့်စဉ်အကြောင်း ဘာမှမသိလေလေ ပိုပြီးမြန်မြန်ကျင့်နိုင်လေလေပဲ။

ဒါတင်မကသေးဘူး ကျင့်ကြံပြီးတဲ့နောက်မှာတော့ လူရဲ့အမြင်က ကောင်းကင်တာအိုထက်တောင် သာလွန်သွားသလို ခံစားရတယ်။ ကောင်းကင်တာအိုနဲ့ ဆက်နွှယ်နေရမယ်ဆိုတဲ့ အဓိပ္ပာယ်မရှိတဲ့ အရာတွေကို ဂရုမစိုက်တော့ဘဲ လူရဲ့အမြင်က ကောင်းကင်တာအိုရဲ့ အထက်မှာ တိုက်ရိုက် ရောက်နေသလိုပဲ။

ဒီအဖေက တကယ်တော့ ဘယ်သူလဲ ဒီလောက်အစွမ်းထက်တဲ့ စိတ်ကျင့်စဉ်ကို သူဘယ်က ရလာတာလဲ။ မွေးဖွားပြီး ခြောက်လအကြာမှာတော့ သူမသည် သူမ၏အဖေကို မသိတော့သလို ပထမဆုံးအကြိမ် ခံစားလိုက်ရသည်။

မဖြစ်ဘူး သူမ ကျင့်ကြံမှုကို ဆက်လုပ်ရမည်။ ယောင်ယောင်က ဉာဏ်ကောင်းကောင်းနဲ့ မွေးလာပါစေ ကျင့်ကြံမှုမှာ ထူးခြားတဲ့အားသာချက်တွေ ရှိနေပါစေ။

ငါက အရင်ဘဝမှာ ခေတ်အဆက်ဆက် ပြိုင်ဘက်ကင်းခဲ့တဲ့ ဓားဧကရာဇ်ပဲ။

 ကျင့်ကြံမှုမှာ တခြားသူနောက် ဘယ်လိုလုပ် အကျခံနိုင်မှာလဲ။

ရဲ့ချန်းလျန်သည် ဤမြင်ကွင်းကို ကြည့်ပြီး ချူနင်ကို အံ့ဩတကြီး ကြည့်လိုက်မိသည်။

ရှင်ကတော့ တကယ်ပဲနည်းမျိုးစုံ သိတာပဲ ဒါကတကယ်လည်း အလုပ်ဖြစ်နေတာပဲနော်။ ဟုတ်တယ်လေ နောက်နှစ်ရက်လောက်နေရင် တခြားနို့ဗူးတစ်မျိုး ပြောင်းလို့ရပြီ။ အားလုံး ပြင်ဆင်ပြီးသားပါ။

ရဲ့ချန်းလျန်၏ လှပသော မျက်ဝန်းများက အနည်းငယ် လှုပ်ခတ်သွားပြီး တခြားသူတွေ သတိမထားမိနိုင်သော အရိပ်အယောင်တစ်ခု သူမ၏ မျက်ဝန်းထဲတွင် ဖြတ်ပြေးသွားသည်ကို ချူနင်က ချက်ချင်း ဖမ်းမိလိုက်သည်။

ကလေးတွေ အိပ်ပျော်သွားရင် ငါတို့ အပြင်ကို ခိုးထွက်ကြမလား။ ရဲ့ချန်းလျန်၏ ရင်ခုန်သံတွေ မြန်လာသော်လည်း စိုးရိမ်စိတ်က ရှိနေဆဲပင်။ ကလေးက သန်းခေါင်ယံမှာ နိုးလာပြီး ငါတို့ကို မတွေ့ရင် ဘာလုပ်မလဲ။

နှစ်ယောက်တည်း သီးသန့်အချိန်မဖြုန်းရတာ ကြာပြီဖြစ်သဖြင့် ခဏလေးနှင့်တော့ ပြီးဆုံးမည် မဟုတ်သည်မှာ သေချာသည်။

အရိပ်တစ်ခု ထားခဲ့လို့ရတာပဲ ဒါဆိုသူတို့က ငါတို့ရှိနေသေးတယ်လို့ ထင်မှာပေါ့။ ရပါတယ် နို့အတုထဲကို နောက်မှ သားရဲနို့ နည်းနည်း ထပ်ထည့်ပေးထားလိုက်မယ်။ အပူချိန်ကိုလည်း ပုံမှန်အတိုင်း ထိန်းထားပေးမှာဆိုတော့ ကလေး နိုးလာရင်တောင် စားစရာ ရှာတွေ့နိုင်မှာပါ။

ရဲ့ချန်းလျန်၏ မျက်ဝန်းထဲတွင် ပျော်ရွှင်မှု အရိပ်အယောင်များ ပေါ်လာသည်။ ခြောက်လကြာ နို့တိုက်ခဲ့ရပြီး ကလေးကို အချိန်အတော်ကြာ ပြုစုခဲ့ရပြီးနောက် နောက်ဆုံးတော့ သူမ စိတ်လက်အေးအေးထားပြီး သူမရဲ့ အချစ်တော်နဲ့ နှစ်ယောက်တည်း အချိန်ဖြုန်းနိုင်တော့မည်။

ရှောင်ပင်းကိုလည်း နောက်မှ ကြိုပြောထားလိုက်မယ် တစ်ခုခု ပြဿနာရှိရင် သူ ကူညီပေးနိုင်အောင်လို့။

"ဟီးဟီး... အဲဒါ ကောင်းသားပဲ"

နေဝင်ရိုးရီ အချိန်တွင် ဇနီးမောင်နှံနှစ်ဦးသည် ညစာစားပြီးနောက် ကလေးများကို အိပ်ရာဝင်သိပ်ကြသည်။ ယောင်ယောင်က ချူနင်ကို တွယ်ကပ်ထားပြီး လက်တစ်ဖက်က ရဲ့ချန်းလျန်ကို ကိုင်ထားကာ မူမူကတော့ နှစ်ယောက်ကြားတွင် အိပ်နေသည်။

ကလေးနှစ်ယောက်လုံး အသက်ရှူသံမှန်မှန်ဖြင့် နှစ်နှစ်ခြိုက်ခြိုက် အိပ်ပျော်သွားပြီဟု သိလိုက်ရသောအခါ ညမှောင်မှောင်အောက်တွင် နှစ်ယောက်လုံး မျက်လုံးများကို ပြိုင်တူ ဖွင့်လိုက်ကြသည်။

နောက်တစ်စက္ကန့်တွင်။

ချူနင်သည် ကုတင်ဘေးတွင် ပေါ်လာသည်။ ကုတင်ပေါ်တွင် ကျန်ရစ်ခဲ့သည်မှာ အသိစိတ်ကင်းမဲ့နေသော အရိပ်အယောင် အမည်းရောင် ပုံရိပ်တစ်ခုသာ ဖြစ်သည်။ ဒါက ရဲ့ချန်းလျန်အတွက်လည်း ပြဿနာမဟုတ်ပေ။

နှစ်ယောက်သား အဝတ်အစားများကို တိတ်တဆိတ် ဝတ်ဆင်ကာ နန်းတော်အပြင်ဘက်သို့ ထွက်လာခဲ့ကြသည်။ အိမ်ထောင်ကျပြီးကတည်းက သူတို့နှစ်ဦးသည် တစ်ခုခုလုပ်တိုင်း ဤမျှအထိ ခိုးကြောင်ခိုးဝှက် မလုပ်ခဲ့ဖူးပေ။

ယခုအချိန်တွင် ရဲ့ချန်းလျန်၏ မျက်နှာတစ်ခုလုံး နီမြန်းနေပြီး ရင်ခုန်သံတွေလည်း မြန်နေကာ တစ်ခုခု အမှားလုပ်ထားမိတဲ့ သူခိုးတစ်ယောက်လိုမျိုး အပြစ်ရှိသလို ခံစားနေရသည်။

ကလေးတွေ ငါတို့ ခိုးထွက်လာတာကို တကယ်ပဲ မသိနိုင်ဘူးလား။ ချူနင်က ခေါင်းညိတ်ပြီး အတည်ပြုပေးလိုက်သည်။ ကိုယ် အကဲခတ်ပြီးပါပြီ ဘာမှမဖြစ်နိုင်ပါဘူး။

ချူးနဥ်၏ စကားကို ကြားမှ ရဲ့ချန်းလျန်စိတ်အနည်းငယ် အေးသွားပြီး ချူနင်ကို နောက်ကနေ မဖက်ဘဲ မနေနိုင်တော့ပေ။ ယောကျာ်း ကျွန်မတို့ နှစ်ယောက်တည်း သီးသန့်ရှိနေရတာ တော်တော်တောင် ကြာသွားပြီနော်။

သူမ၏ အသံထဲတွင် ဝမ်းနည်းမှုနှင့် အပြစ်တင်မှု အနည်းငယ် ပါဝင်နေသည်။ ကလေးမွေးပြီးစ ကလေး ငယ်ငယ်လေးတုန်းကတော့ ဘာမှ မဖြစ်ခဲ့ပေ။ ကလေးက ညဘက် ကုတင်ပေါ်ကို တက်လာရင်တောင် နှစ်နှစ်ခြိုက်ခြိုက် အိပ်ပျော်နေတတ်သဖြင့် စိုးရိမ်စရာ မရှိခဲ့ပါ။ ဒါပေမဲ့ ကလေးရဲ့ ဉာဏ်ရည်က အရမ်းမြန်မြန် တိုးတက်လာတယ်။

တစ်ညမှာ ရဲ့ချန်းလျန်အိပ်ရာဝင်ဖို့ ပြင်နေတုန်း ယောင်ယောင်က ရုတ်တရက် ထထိုင်ပြီး "မေမေ ဘာလုပ်နေတာလဲ" လို့ မေးလိုက်တာကြောင့် ရဲ့ချန်းလျန်နဲ့ ချူနင်တို့ တစ်ဝက်သေမတတ် လန့်သွားခဲ့ရသည်။

အဲဒီနောက်ပိုင်းမှာတော့ တကယ်ကို ထပ်မလုပ်ရဲတော့ပါဘူး ကလေးတွေကို လမ်းမှားရောက်အောင် လုပ်မိမှာ စိုးရိမ်လို့ပါ။

ဒါတင်မကသေးဘူး ကလေးထိန်းတဲ့အခါ မိဘနှစ်ပါးထဲက အနည်းဆုံး တစ်ယောက်ကတော့ ရှိနေရမည်။ သူတို့ မရှိရင် ယောင်ယောင်ကငိုပြီး သူ့အဖေကို လိုက်ရှာတော့တာပဲ။

တစ်ခါတလေ ရဲ့ချန်းလျန်းကို မြင်ရရုံနဲ့ မလုံလောက်ဘဲ သူ့အဖေကိုပဲ ရှာနေတတ်တာ နှစ်ယောက်တည်း ရှိဖို့ အခွင့်အရေးကို လုံးဝမရှိခဲ့ပါဘူး။

အခုတော့ အမှောင်ထုကို အခွင့်ကောင်းယူပြီး စားစရာတွေလည်း အဆင်သင့်ရှိနေပြီဖြစ်လို့ နှစ်ယောက်သား တစ်ညတာ ခိုးထွက်နိုင်ခဲ့ခြင်းဖြစ်သည်။ ရဲ့ချန်းလျန်က ချူနင်ကို တင်းတင်းကြပ်ကြပ် ဖက်ထားပြီး သူမရှေ့မှာ ချူနင်ရှိနေတာကို ခံစားရင်း စိတ်အေးလက်အေး ဖြစ်နေသည်။

"ဘေးကနန်းတော်ကို သွားကြမလား အရင်က ကျွန်မ အဲဒီမှာနေခဲ့တာ မဟုတ်လား"

"ယောကျာ်းကို နောက်ထပ် ခဏလောက် ထပ်ဖက်ထားချင်သေးတယ်"

"ဟော... နောက်ဆို မဖက်ရတော့မှာ ကျနေတာပဲ"

မရဘူးလေ နေ့ဘက်မှာ ကလေးတွေက ကျွန်မရှင့်ကိုဖက်ထားတ မြင်ရင် ဘာလုပ်နေတာလဲလို့ လာမေးကြမှာပေါ့။ ဒါက ကျွန်မရဲ့ ယောကျ်ားကို ဖက်ထားတာပဲ တခြား ဘာလုပ်ရမှာလဲ ဒါပေမဲ့ အဲဒါက ရှင်းပြဖို့ မကောင်းဘူးလေ။

ချူနင်က ဒါကိုကြားတော့ ပြုံးလိုက်ပြီး သူ့ရှေ့က အမျိုးသမီးရဲ့ လက်ကလေးတွေကို ဆုပ်ကိုင်လိုက်သည်။ ရပါတယ် ကိုယ် အမြဲတမ်း ဒီမှာရှိနေမှာပါ။မိန်းမ ကြိုက်သလောက် ကြာကြာ ဖက်ထားလို့ ရပါတယ်။

"အင်း"

အတော်ကြာပြီးနောက် ချူနင်၏ ကျောကို မှီထားသော ရဲ့ချန်းလျန်က မျက်တောင်ခတ်ရင်း ရုတ်တရက် ချူးနဥ်ကို လှမ်းခေါ်လိုက်သည်။

"ချူနင်"

"ဘာဖြစ်လို့လဲ"

ကျေးဇူးတင်ပါတယ်။

ကျေးဇူးတင်တာနဲ့တင် ပြီးမယ်ဆိုရင် ကိုယ့်ကိုယ်ကိုယ် ပြန်ပေးဆပ်ဖို့ ဘာလို့ လိုအပ်ဦးမှာလဲ။

ချူနင်၏ နောက်ပြောင်မှုကို ကြားတော့ ယဲ့ချင်လျံက အလေးအနက် ပြန်ရှင်းပြသည် ရှင် အခုတလော ပင်ပန်းနေရတယ်ဆိုတာ ကျွန်မသိပါတယ်။

ကလေးတွေ နေ့တိုင်း ဘာတွေစဉ်းစားနေလဲဆိုတာကို ကျွန်မ နားမလည်နိုင်ပေမဲ့ ရှင်ကတော့ သူတို့ကို နားလည်ပေးပြီး ပျော်အောင် ထားပေးနိုင်တယ်။ ရှင်က အရမ်းအစွမ်းထက်တာပဲ ဒီလို ကိစ္စသေးသေးလေးတွေအပေါ် စိတ်နှစ်ထားဖို့ မလိုပါဘူး ဒါပေမဲ့ ရှင်ကတော့ လုပ်ပေးခဲ့တာပဲ။

ချူနင်က ပြုံးပြီး ပြောလိုက်သည် အစွမ်းထက်တယ်ဆိုတာ ဒါတွေအားလုံးအတွက် အာမခံချက်တစ်ခုပါပဲ။ ကိုယ့်အတွက် ဘယ်အရာက ပိုအရေးကြီးလဲဆိုတဲ့ အပေါ်မှာပဲ မူတည်ပါတယ်။ ဥပမာ - ကလေးလား ဒါမှမဟုတ် မင်းလား။

ဘာလို့ အဲဒီလိုစကားလုံးတွေ ခဏခဏ ပြောနေရတာလဲ ကျွန်မမျက်လုံးထဲကို ဖုန်ဝင်ပြန်ပြီ။ ရဲ့ချန်းလျန်က ချက်ချင်း မျက်ရည်သုတ်လိုက်ပြီး ချူနင်ကို ဘေးက နန်းတော်ဆီသို့ ဆွဲခေါ်သွားတော့သည်။

အချိန်ဆိုတာ ဘယ်သူ့ကိုမှ မစောင့်ဘူး။ ဒီအခွင့်အရေးကို လက်လွတ်ခံလိုက်ရင် နောက်ထပ် အခွင့်အရေးရမှာ မဟုတ်တော့ဘူး။ သူတို့ နို့လုံးဝ ဖြတ်ပြီးသွားတာနဲ့ သူတို့ရဲ့ နယ်မြေတွေကို သွားပြီး သိမ်းပိုက်တော့မယ် ကျွန်မ ကိုယ်တိုင် လုပ်မှာ။

"ကောင်းပါပြီ ကောင်းပါပြီ"