အခန်း ၁၃၁ နင့်ကို ငါကအဲ့ဒီအူကြောင်ကြောင်မလိုမျိုး အတုခိုးရမှာလား

ယောင်ယောင်ကတော့ အရင်အတိုင်း စိတ်လှုပ်ရှားနေဆဲပင်။ သူမ၏မွေးရာပါ နတ်ဘုရား ခန္ဓာကိုယ်ကြောင့် ကျင့်စဉ်ကို တစ်ခါတည်းနဲ့ အလွတ်ရသွားသော်လည်း သူမကိုယ်တိုင် ပြန်ရွတ်ဖို့တော့ စိတ်ပါပုံမရပေ။

ထို့ကြောင့် ရှောင်ပင်းက ဘေးကနေ ကူးရေးထားပြီး ပြန်ရွတ်ပြဖို့က အလွန်အရေးကြီးပါသည်။

ကိုယ်တိုင်ကျင့်ကြံတော့မည်ဆိုလျှင် အကောင်းဆုံးဖြစ်အောင် ကျင့်ကြံရမည် မဟုတ်ပါလား။

တိုက်ခိုက်ရေး ကျင့်စဉ်တွေကိုတော့ ခဏဖယ်ထားလိုက်နိုင်သည်။ သူသည် မဟာဖရိုဖရဲဧကရာဇ် နှင့် ဓားဧကရာဇ်တို့၏ မျိုးဆက်ကျင့်စဉ်များကိုပင် မမေးရသေးပေ။

နည်းစနစ်တွေကို နောက်မှ ဖော်ထုတ်မည်ဖြစ်ပြီး လောလောဆယ်တွင် စိတ်ကျင့်စဉ်အတွက် အခြေခံကောင်းကောင်း ချထားရမည်။ ကျင့်ကြံခြင်းဆိုသည်မှာ အကောင်းဆုံးဖြစ်နေရမည်။

သူသည် ငယ်စဉ်ကတည်းကပင် ဤစိတ်ကျင့်စဉ်ကို လေ့ကျင့်ခဲ့ပြီး ၎င်းမှာ သူ၏အဆင့်အတန်းနှင့် အညီ ရည်ရွယ်ထားခြင်း ဖြစ်သည်။ မဟာဧကရာဇ်တစ်ပါးက နိယာမတစ်ခုတည်းကိုပဲ ထိန်းချုပ်နိုင်တာလား။

ကြားရတာတော့ မိုက်သလိုလိုရှိပေမဲ့ ချူနင်၏ အစီအစဉ်ကတော့ ဤကဲ့သို့သော စိတ်ကျင့်စဉ်ကို ကျင့်ကြံခြင်းမှာ နိယာမတစ်ခုတည်းကို ကျွမ်းကျင်ဖို့ထက် ပိုပါသည်။

သူတို့ကျွမ်းကျင်ပိုင်နိုင်ရမည့်အရာမှာ နိယာမနှင့် စနစ်တကျဖြစ်မှုတို့ထက် သာလွန်သောမဟာတာအိုပင် ဖြစ်သည်။ ထို့အပြင် ဤကျိုးကြောင်းဆင်ခြင်မှုအရ ကျင့်ကြံမှုအဆင့် မြင့်လေလေ ပိုမိုမြင်တွေ့နိုင်လေလေဖြစ်ပြီး အကန့်အသတ်မရှိပေ။

ဤနည်းလမ်းဖြင့် ဧကရာဇ်ဖြစ်လာခြင်းမှာ ကမ္ဘာလောကကို ကျော်လွန်သွားခြင်းပင် ဖြစ်သည်။ သူတို့သည် သဘာဝတရား၏ နိယာမများအောက်တွင် ပိတ်မိနေမည်မဟုတ်ပေ။

ကျင့်ကြံသူနှင့် ကောင်းကင်တာအိုသည် တူညီသော အစမှတ်မှစတင်ပြီး အဆင့်အတန်း တူညီကြသည်။ နင်က ငါ့ကိုဘာအခွင့်အရေးနဲ့ လာပြီး ချည်နှောင်မှာလဲ ငါကျင့်တဲ့ကျင့်စဉ်က ကောင်းကင်တာအိုထက်တောင် ပိုပြီးအစွမ်းထက်သေးတယ်။

ယောင်ယောင်ကတော့ အရမ်းကို စိတ်လှုပ်ရှားနေပြီး ချူနင်ကို ဖက်ကာ တခိခိ ရယ်နေတော့သည်။ ဘေးတွင် ရပ်နေသော ချူမူမှာမူ မှင်သက်နေမိသည်။

တရားဟောခြင်း ပြီးဆုံးသွားသော်လည်း ထူးခြားသော ဖြစ်စဉ်များက အချိန်အတော်ကြာ ကျန်ရစ်နေခဲ့သည်။ အချိန်အတော်ကြာမှ ကောင်းကင်တာအို၏ စိုက်ကြည့်မှု ပျောက်ကွယ်သွားပြီး ဖြစ်စဉ်များလည်း လွင့်ပြယ်သွားတော့သည်။

မဟာဧကရာဇ်တစ်ပါး တရားဟောလျှင်ပင် ကောင်းကင်တာအိုက သက်သေအဖြစ် ပေါ်လာဖို့ မဖြစ်နိုင်ပေ။

အကြောင်းမှာ မဟာဧကရာဇ်၏တရားမှာ ကောင်းကင်တာအို၏ အောက်တွင်သာ ရှိသောကြောင့် ဖြစ်သည် မဟာဧကရာဇ်သည် ကောင်းကင်တာအို၏ ကိုယ်စားလှယ်မျှသာ ဖြစ်ပြီး ကိန်းသေအားလုံး သည် ကောင်းကင်တာအို၏ လက်ထဲတွင်သာ ရှိသည်။ ကောင်းကင်တာအိုက နင့်ကို ဘာလို့ လာကြည့်ရမှာလဲ။

ဒါပေမဲ့ အခုအဖေ ပြောလိုက်တဲ့ စိတ်ကျင့်စဉ်က ကောင်းကင်တာအိုရဲ့ အာရုံစိုက်မှုကို ခံလိုက်ရတယ် ဆိုလိုတာက ဒီစိတ်ကျင့်စဉ်ရဲ့ တည်ရှိမှုဟာ ကောင်းကင်တာအိုထက်တောင် ပိုမြင့်နေတယ်လို့ ဆိုလိုတာပဲ။

တစ်ခုခုတော့ မှားနေပြီ။ ဒါက အောက်ပိုင်းဘုံမဟုတ်ဘူးလား။ အဖေရဲ့ ကျင့်ကြံမှုအဆင့်က ဘယ်လောက်တောင် မြင့်နေလို့လဲ။

မေမေက တစ်ခါက ပြောဖူးတယ် သူကဟင်းလင်းပြင် ဧကရာဇ်ထက်တောင် သာတယ်လို့။

နောက်နေတာလား ဟိုစားစရာလာပို့တဲ့ အဘိုးကြီးက တကယ်ပဲ ဟင်းလင်းပြင် ဧကရာဇ်လား။

ဒါကအစစ်လား အတုလားဆိုတာ အတည်ပြုဖို့ သူမကိုယ်တိုင် သွားတွေ့ရလိမ့်မည်။ ဒါပေမဲ့ ဟင်းလင်းပြင်ဧကရာဇ်က အစစ်ဖြစ်စေ အတုဖြစ်စေ ဒီကျင့်စဉ်ကတော့အစစ်ပဲ ကောင်းကင်တာအိုရဲ့ အာရုံစိုက်မှုကိုရတဲ့ ကျင့်စဉ်။

"နားလည်လား"

"သမီး မှတ်မိသွားပြီ ဖေဖေ"

"ချစ်စရာကောင်းတဲ့ သမီးလေး ဖေဖေ့ကို နမ်းပါဦး"

"ဖေဖေ နမ်း"

ယောင်ယောင်၏ ပါးကို နမ်းပြီးနောက် ချူနင်က ရှောင်ပင်းကို လှည့်ကြည့်လိုက်သည်။

ငါသွားပြီး သုတေသနလုပ်နေတုန်း သမီးလေးကို ခဏ ကြည့်ပေးထားပါဦး။ ဟုတ်ကဲ့ပါ အရှင်မင်းကြီး မင်းသမီးလေးကို ကျွန်မကိုသာ စိတ်ချလက်ချ အပ်ထားလိုက်ပါ။

ရှောင်ပင်းအစ်မ အစ်မချီထားတာက နေလို့မကောင်းဘူး။ အစ်မက ဖေဖေ့လိုပဲ ယောကျ်ားကြီးလား ဘာလို့ မရှိတာလဲ။ ယောင်ယောင်က အလေးအနက် ပြောလိုက်သည် ဖေဖေနဲ့ မေမေ ပြောတာက တစ်ယောက်ကမိန်းမ တစ်ယောက်ကယောကျ်ားတဲ့။

ရှောင်ပင်း: "......"

ကလေးကို ဆက်မထိန်းချင်တော့ရင် ဘာလုပ်ရမလဲ။

သူမက သာမန်ပဲမွေးလာလို့ ဘာမှမတတ်နိုင်ပေမဲ့ သူမဘဝမှာ ဒီလောက်ကြီးမားတဲ့ ထိုးနှက်ချက်မျိုး တစ်ခါမှ မကြုံဖူးဘူး။ ကလေးဆိုတော့ မစဉ်းစားဘဲ ပြောတာပါလေ ကလေးဆိုတော့ မသိဘဲ ပြောတာပါ... ဟီးဟီး။

အခန်းထဲတွင်။

ချူနင်က ပြင်ဆင်လာသော တိရစ္ဆာန်နို့နှင့် ပျားရည်ကို ထုတ်လိုက်သည်။ အားလုံးကို စနစ်တကျ လုပ်ထားသဖြင့် ပြင်းထန်သော ဆေးစွမ်းများက သမီးလေး၏ ကျန်းမာရေးကို ထိခိုက်မှာ စိုးရိမ်စရာမလိုပေ။

နို့ဖြတ်ဖို့ ပထမဆုံးအဆင့်က ကလေးကို နို့အသစ်နဲ့ အသားကျအောင် လုပ်ဖို့ပဲ။ သူက နို့သီးခေါင်းအတုကို အမြန်လုပ်လိုက်ပြီး အထဲကို အထူးပြင်ဆင်ထားတဲ့ နို့တွေ ထည့်လိုက်သည်။

စို့လိုက်တာနဲ့ နို့ထွက်လာမှာဖြစ်ပြီး လူ့ခန္ဓာကိုယ်နဲ့ ဆင်တူအောင် လုပ်ထားတာပါ။ ကလေး အသားကျသွားပြီဆိုမှ နို့ဗူးပေးလို့ရမည်။

ကလေးက အရသာ တူတူပဲဆိုတာ သိသွားတဲ့အခါ မေမေ့အပေါ် တွယ်တာမှုကို တဖြည်းဖြည်းချင်း ဖြတ်နိုင်လိမ့်မည်။ ဒီည ချန်းလျန်ဆီ ပြန်တဲ့အခါ ယူသွားရမယ်။

နန်းတော်အပြင်ဘက်တွင်။

ရှောင်ပင်းက စိတ်ပြန်ထိန်းလိုက်ပြီး ကူးယူထားသည်များကို အသံကျယ်ကျယ်ဖြင့် ဖတ်ပြကာ ကလေးနှစ်ယောက်ကို လိုက်ဆိုခိုင်းနေသည်။

"အစဦး၌ ကောင်းကင်နဲ့ မြေကြီးကို စတင်ဖန်တီးစဉ်က ဟာလာဟင်းလင်းပြင်၌"

"ဟော... မင်းသမီးလေးကရော မကျင့်ဘူးလား အရှင်မင်းကြီးပေးတဲ့ကျင့်စဉ်က အရမ်းကောင်းတာပဲ ဘာလို့ မလေ့ကျင့်တာလဲ"

"သမီး တစ်ခုခု စဉ်းစားနေလို့ပါ။"

ချူမူက ခုနက ဖြစ်ပျက်သွားတာတွေကို စဉ်းစားနေတုန်းပင်။

တစ်ခုခုတော့ မှားနေပြီ သေချာပေါက် မှားနေပြီ။ ဘေးက ယောင်ယောင်ကတော့ တစ်ခေါက် ဖတ်ပြီးသွားပြီ။ သူမရဲ့ ခန္ဓာကိုယ်ကနေ ဝိညာဉ်အလင်းတန်းတွေ ထွက်ပေါ်လာသည်။

မွေးရာပါ နတ်ဘုရားခန္ဓာကိုယ်ရှိပြီး ဝမ်းဗိုက်ထဲမှာကတည်းက အဆင့်မြင့်ဆေးဝါးတွေနဲ့ ပြုစုပျိုးထောင်ခံခဲ့ရသူဖြစ်လို့ သူမရဲ့ ဘဝက ချောမွေ့အောင်မြင်ဖို့ ကံပါလာပြီးသားပါ။

ရုတ်တရက် ယောင်ယောင်၏မျက်နှာထား ပြောင်းလဲသွားသည်။ စိတ်အာရုံ၏ အခြေခံအဆင့်။ သူမ အကြိမ်ပေါင်းများစွာ ထပ်ရွတ်လိုက်သည်။ စိတ်အာရုံ၏ ဒုတိယအဆင့်သို့ ဝင်ရောက်သွားသည်။

ယောင်ယောင်က သူမခန္ဓာကိုယ်ထဲက အပြောင်းအလဲတွေကို ခံစားမိသွားပြီး ဒီခံစားချက်ကို ရုတ်တရက် သဘောကျသွားသည်။ သူတို့ ကစားတာကိုတောင် ရပ်လိုက်ကြသည်။

ဖေဖေပေးတဲ့ ဂါထာကိုပဲ ဆက်ရွတ်နေမယ်။ စိတ်အာရုံ တတိယအဆင့်သို့ ရောက်သောအခါ သူမ၏ တာအိုစိတ်ဓာတ်က ကြည်လင်လာပြီး ဝိညာဉ်အနှစ်သာရများ ပွင့်ထွက်ကာ ဝိညာဉ်စွမ်းအင်များ လွှမ်းခြုံလာသည်။

ခန္ဓာကိုယ်ထဲမှ အလွန်သေးငယ်သော အညစ်အကြေးများ စွန့်ထုတ်ခံလိုက်ရသည်။ သူမ၏ စိတ်ထဲတွင် ကြည်လင်မှုများ ပြန်လည်ရောက်ရှိလာပြီး ဝိညာဉ်စွမ်းအင်များ သူမ ပတ်ပတ်လည်တွင် လှိုင်းထနေသည်။

ဝိညာဉ်နိုးထခြင်း အစပြုပြီဖြစ်သောကြောင့် ခန္ဓာကိုယ်နှင့် အရိုးအဆစ်များကို သန့်စင်လိုက်သည်။

ပထမအဆင့် ကျင့်ကြံသူ

"မင်းသမီးလေး အဆင့်တက်သွားပြီ"

ရှောင်ပင်း အံ့ဩသွားပြီး ချူနင်ကို ချက်ချင်း သွားခေါ်သည်။

အရှင်မင်းကြီး အရှင်မင်းကြီး ဒုတိယမင်းသမီးလေး အဆင့်တက်သွားပါပြီ မင်းသမီးလေးက ပိုပြီး ဖျတ်လတ်လာပါပြီ။

ရှောင်ပင်းကိုယ်တိုင်တောင် အတွင်းအားကို လပေါင်းများစွာ ကျင့်ကြံပြီးမှ ဝိညာဉ်နယ်ပယ်ကို ရောက်ခဲ့တာပါ။ အခု ဒုတိယမင်းသမီးလေးက စကားပြော လမ်းလျှောက် ပြေးရုံပဲ တတ်သေးတယ် လူတောင် သိပ်မကြီးသေးဘူး ဝိညာဉ်နယ်ပယ်ထဲကို ရောက်သွားပြီ။

မွေးရာပါနတ်ဘုရားခန္ဓာကိုယ်ဆိုတာ ဒီလောက်တောင် အစွမ်းထက်တာလား။ ကိစ္စရပ်တွေကို ဆန်းစစ်နေတဲ့ ချူမူက အသံကြားတော့ မှင်သက်သွားသည်။

ဘာ

ဒီအူကြောင်ကြောင်မက ကျင့်စဉ်ကို ကျင့်နေတာ မဟုတ်ဘူးလား။ စိတ်ကျင့်စဉ် ကျင့်ကြံတာက ရုပ်ပိုင်းဆိုင်ရာ ကျင့်ကြံတာနဲ့ တူတူပဲ။ စိတ်ကျင့်စဉ်ဆိုတာ ကျင့်ကြံသူရဲ့ ဝိညာဉ်နဲ့ စိတ်အာရုံကို ကျင့်ကြံတာပဲ။

သူမ ကျင့်နေတဲ့ စိတ်ကျင့်စဉ်က ဝိညာဉ်ကျင့်ကြံမှုမှာ ပေါ်လွင်နေဖို့ မသင့်တော်ဘူး။ ပြီးတော့......

သူမက ယောင်ယောင်ရဲ့ အပြောင်းအလဲကို ချက်ချင်း သတိထားမိသွားသည်။

သူ့ရဲ့ စိတ်အခြေအနေက တိုးတက်သွားတာပဲ စိတ်အာရုံ တတိယအဆင့် ကြည်လင်တဲ့ တာအိုစိတ်ဓာတ်။

ငါ့ညီမ မဟုတ်ဘူးလား နင်ဘာလုပ်လိုက်တာလဲ။ နင် ခုနကအဲဒီစိတ်ကျင့်စဉ်ကိုပဲ တတွတ်တွတ် ရွတ်နေတာ မဟုတ်လား တော်တော်ကြာအောင်ရွတ်ပြီးတော့မှ ကျင့်တာလား။ နင် နောက်နေတာ မဟုတ်ဘူးမလား။

သူမ လုံးဝ အံ့အားသင့်သွားသည်။ အားလုံးက အဲဒီစိတ်ကျင့်စဉ်ကြောင့် ဖြစ်နိုင်မလား ဒါပေမဲ့ ဒါတွေအားလုံးက။

မဖြစ်နိုင်တာ စိတ်ကျင့်စဉ်က ဘယ်လိုလုပ်ပြီး ရုပ်ပိုင်းဆိုင်ရာ ကျင့်ကြံမှုအပေါ် လွှမ်းမိုးနိုင်မှာလဲ ဒါတွေက တူညီတဲ့အရာတွေ မဟုတ်ဘူးလေ။ အမြန်ထွက်လာတဲ့ ချူနင်ကလည်း ယောင်ယောင် ခန္ဓာကိုယ်ထဲက အပြောင်းအလဲတွေကို ချက်ချင်း သတိထားမိသွားသည်။

ဝါး... သမီးလေးက စိတ်ကျင့်စဉ်ကို ဒီလောက်မြန်မြန် ကျွမ်းကျင်သွားတာလား မွေးရာပါနတ်ဘုရား ခန္ဓာကိုယ်ရှိတာ မဆန်းပါဘူး။

သူက တစ်စုံတစ်ယောက်သော အစွမ်းထက်သူရဲ့ ဝင်စားတာများလား။ ချူနင် အရမ်းဝမ်းသာသွားပြီး ယောင်ယောင်ကို အသည်းယားစွာဖက်လိုက်ကာ မူမူရဲ့ ခေါင်းလေးကိုလည်း ပွတ်ပေးလိုက်သည်။

"ရပါတယ်မူမူရဲ့ ဖေဖေပေးတဲ့ကျင့်စဉ်ကို သေသေချာချာ ရွတ်ဖတ်မယ်ဆိုရင် သမီးလည်း ညီမလေးလိုပဲ မြန်မြန်ကျင့်ကြံနိုင်မှာပါ ကြိုးစားနော်"

ချူးမူရဲ့ စိတ်ဓာတ်တွေ လုံးဝ ပြိုလဲသွားပါပြီ။

ဒီဧကရီက အဲ့ဒီကလေးနဲ့ တူလို့လား။ ဒီဧကရီက အဲ့ဒီအူကြောင်ကြောင်မနဲ့ တူလို့လား။

နောက်နေတာလား ငါကမဟာဧကရီဝင်စားထားတာ ငါကပိုပြီးဉာဏ်ကောင်းတဲ့သူ။

ဒီဧကရီက ဒါကိုလက်မခံနိုင်ဘူး။ ငါ့ထက် အူတဲ့ အဲ့ဒီအူကြောင်ကြောင်မက ဘာလို့ ငါ့ထက် ပိုမြန်မြန် ကျင့်ကြံနိုင်ရတာလဲ။ ဒီဧကရီလည်း အဲဒီစိတ်ကျင့်စဉ်ကို ကျင့်ချင်တယ်။ ဘာ ဓားဧကရာဇ်ရဲ့ စိတ်ကျင့်စဉ်လဲ။

သွားစမ်းပါ အဲဒီဟာက အဖေပေးတဲ့ ကောင်းကင်တာအိုရဲ့ အာရုံစိုက်မှုကိုခံရတဲ့ ကျင့်စဉ်ထက် ဘယ်လိုလုပ် သာမှာလဲ။ ဒီအဖေကတော့ တကယ်ကို မရိုးရှင်းဘူး လုံးဝကို မရိုးရှင်းတာ။

......

ညအချိန်။

ရဲ့ချန်းလျန်သည် ချူနင်၏ တိုက်တွန်းမှုကြောင့် နို့သီးခေါင်းအတုကို တပ်ဆင်လိုက်သည်။

ဒါက တကယ်ပဲ ဖြစ်နိုင်ပါ့မလား။

ယောကျာ်းကို ယုံစမ်းပါ ဒါကအလုပ်ဖြစ်မှာပါ။ မေမေ အခုနာလည်းနာတယ် အရသာလည်း တစ်မျိုးကြီးပဲ။

"ပြောကြည့်ဦး ပိုစားလို့ ကောင်းတာရှိသေးလား"

ဒုတိယအဆင့်ကို ရောက်နေပြီဖြစ်တဲ့ ယောင်ယောင်က ခေါင်းကို အားပါးတရ ညိတ်လိုက်သည်။

"အရင်ကထက်တောင် ပိုစားလို့ ကောင်းသေးတယ်"

"ဒါဆို နောက်ဆို ဒါပဲစားကြမလား"

"ဟုတ်ကဲ့ ဖေဖေ"