အခန်း ၁၃၀ ကောင်းကင်တာအိုက နာယူရသည့် တရားတော်

ဟို စားစရာလာပို့တဲ့ အဘိုးကြီးအကြောင်း ပြောတာလား။ အစ်မက အပြင်မထွက်တော့ သူ့ကို မမြင်ဖူးဘူး။ သူက တကယ်ကို ရုပ်ဆိုးတာ။

ရုပ်ချောတာ မချောတာက အဓိကမဟုတ်ဘူး။ ငါမေးနေတာက သူက ဧကရာဇ်လား ပြီးတော့ သူတို့ကြားမှာ ဘာတွေဖြစ်နေတာလဲဆိုတာ။

ဪ... အင်းအင်း။

ယောင်ယောင်က ခေါင်းကို အားပါးတရ ညိတ်လိုက်ပြီး အလေးအနက် ပြောရှာသည် သူ့နာမည်က မဟာဧကရာဇ်တဲ့ မေမေက သူ့ကို ဟင်းလင်းပြင် မဟာဧကရာဇ်လို့ ခေါ်တာ ယောင်ယောင် သေသေချာချာ မှတ်မိတယ်။

ချူးမူ၏ မျက်နှာထား အနည်းငယ် တင်းမာသွားသည်။ ဟိုးရှေးရှေးက ကြားဖူးခဲ့သည့် ဟင်းလင်းပြင် ဧကရာဇ်အကြောင်း ပုံပြင်ကို သူမ ပြန်လည်အမှတ်ရသွားသည်။

ဒါက တကယ်ပဲလား။ ဒါက ဘာကို ဆိုလိုတာလဲ။

အဲဒီစကားစုရဲ့အဓိပ္ပာယ်က အဲဒါပဲလေ။

ဪ... အင်းအင်း။

ငါက နင့်ကို တကယ်လားလို့ မေးနေတာ။

"ဘာကို တကယ်လဲလို့ မေးတာလဲ"

ချူမူမှာ သွေးအန်ချင်စိတ်ပင် ပေါက်သွားသည်။

တကယ်ကို ခက်ခဲလွန်းတယ်...

ဒီအဖေက ဘယ်လိုလုပ်ပြီး ဒီအူကြောင်ကြောင်မနဲ့ အေးအေးဆေးဆေး စကားပြောနိုင်တာလဲ ဒီလိုကလေးမျိုးနဲ့ စကားပြောရတာ တကယ် စိတ်တိုဖို့ကောင်းတယ်။ ဒါပေမဲ့ သူမ ပြောနေတဲ့အထဲမှာ တစ်ခုခုတော့ မှားနေသလိုပဲ။

“ဟင်းလင်းပြင်ဧကရာဇ်”

မဟာဧကရာဇ်က တစ်ချိန်လုံး ကျင့်ကြံခြင်းထဲမှာပဲ အောင်းနေခဲ့တာ မဟုတ်ဘူးလား။ အဆင့်မြင့်နယ်ပယ်တစ်ခုကို ရောက်ဖို့နှစ်ပေါင်း တစ်သောင်းလောက် အောင်းနေခဲ့တာ အခုမှ ထွက်လာတာလား။ဒါပေမဲ့ ကျင့်ကြံခြင်းက ထွက်လာတဲ့သူက စားစရာပို့တဲ့သူဖြစ်နေစရာ အကြောင်းမရှိဘူးမလား။

အချို့အရာတွေကို ဟာသတစ်ခုလိုပဲ ထားလိုက်တာ ပိုကောင်းပါလိမ့်မည်။ ဘာပဲဖြစ်ဖြစ် ရှေ့က အူကြောင်ကြောင်မလေးက သူမကိုယ်သူမ ရှင်းရှင်းလင်းလင်းတောင် ဖော်ပြနိုင်သေးတာ မဟုတ်ပေ။

ဒါပေမဲ့ ကောင်းကင်ဖြစ်စဉ်အဆင့် ကျင့်ကြံသူဖြစ်တဲ့ မေမေက ဒီလိုပြောတယ်ဆိုတော့။

“ဟင်းလင်းပြင် ဧကရာဇ်”

“ဒါက အစစ်လား အတုလား”

"အဲဒီအဘိုးကြီးက ဘယ်တော့ စားစရာလာပို့မှာလဲ"

"တစ်ရက်ကို အခေါက်ပေါင်းများစွာ လာတာလေ"

"အယောင်ဆောင်မ တစ်လကို တစ်ခါပဲလာတာ"

“လဆိုတာ ဘာလဲ”

တစ်နှစ်မှာ ဆယ့်နှစ်လရှိတယ် တစ်လမှာ ရက်ပေါင်း သုံးဆယ်ရှိတယ် နေထွက်တာနဲ့ နေဝင်တာက တစ်ရက်ပဲ။ ယောင်ယောင်က နားလည်သလိုလို မလည်သလိုလိုဖြင့် ရှေ့က ချူမူကို စိုက်ကြည့်နေသည်။

ဪ... အင်းအင်း။

"ဒါဆို အဲဒီအဘိုးကြီးက ဘယ်တော့ စားစရာလာပို့မှာလဲ"

မသိဘူးလေ ဖေဖေ့ကိုမေးကြည့်လိုက် အဖေက အဘိုးကြီးကို မတွေ့ရတာကြာပြီ။ ချူမူ ခဏတာ တိတ်ဆိတ်သွားသည်။ တစ်ခုခု ထပ်မေးရန် ပြင်လိုက်စဉ်မှာပင် မနီးမဝေးရှိ ရှောင်ပင်းက သူတို့နှစ်ယောက်ကို မြင်သွားသည်။

ယောင်ယောင်က ချက်ချင်းပင် ရှောင်ပင်းဆီ ပြေးသွားသဖြင့် ဆက်မေးရန် အခွင့်မသာတော့ပေ။ ဒီဘုံရဲ့ ဝိညာဉ်စွမ်းအင်တွေက တော်တော်လေး ကြွယ်ဝနေသလိုပဲ။ ပထမဆုံး ဖန်တီးခဲ့စဉ်ကထက် အဆပေါင်းများစွာ ပိုသိပ်သည်းလာတာပဲ။

ဒါပေမဲ့ ဒီနေရာက အောက်ပိုင်းဘုံပဲရှိသေးသည်။ အခု မေမေက အိမ်နီးချင်း နိုင်ငံတွေကို သိမ်းပိုက်ဖို့ လုပ်နေပြီး သူမက တော်တော်လေး ယုံကြည်မှု ရှိနေပုံရသည်။

နိုင်ငံတွေကို စုစည်းဖို့ကတော့ သူမကြီးလာရင် အေးဆေးပါပဲ။ အိမ်နီးချင်းနိုင်ငံတွေက ထိပ်တန်းကျင့်ကြံသူတွေတောင် သူတော်စင်အဆင့်ပဲ ရှိကြတာ သူတို့ကို တွေ့ရတာက ဖားသူငယ်က တွင်းထဲကနေ လကို ကြည့်နေရသလိုပါပဲ။

သူမသာစကျင့်ရင် သုံးနှစ်အတွင်းမှာ သူတော်စင်အဆင့်ကို ရောက်မှာဖြစ်ပြီး ဆယ်နှစ်အတွင်းမှာ အနန္တအဆင့်ကို ရောက်မှာ သေချာသည်။

ဒါဆို စားစရာလာပို့တဲ့ အဘိုးကြီးက။

ချူမူ ခေါင်းငုံ့စဉ်းစားနေစဉ်မှာပင် ရှေ့တည့်တည့်တွင် ရုတ်တရက် အစီအရင်ကိန်းဂဏန်းများစွာ ပေါ်လာသည်။ ချူမူက ၎င်းကိုဟင်လင်းပြင်ပို့ဆောင်ခြင်းနည်းပညာမှန်း ချက်ချင်း သိလိုက်သည်။

ဒါပေမဲ့ ဒီအစီအရင်ထဲမှာ သူမ နားမလည်နိုင်တဲ့ တာအို သင်္ကေတတွေ ဘာလို့ ဒီလောက်တောင် များနေရတာလဲ။

ဘယ်သူက ဒီအစီအရင်ကို ခင်းကျင်းထားတာလဲ။ ထိုင်ရွှီသန့်စင်နယ်မြေက ကောင်းကင်ဖြစ်စဉ်အဆင့် ကျင့်ကြံသူတွေလား။ အခြေခံအကျဆုံးအစီအရင်ကိုတောင် ကောင်းကင်ဖြစ်စဉ်အဆင့်တွေမှ သုံးနိုင်တာ မဟုတ်ဘူးလား။

ဒါပေမဲ့ ထိုင်ရွှီကျင့်ကြံသူတွေက နန်းတော်ထဲကို အထူးသဖြင့် ချန်ချင်းနန်းဆောင်ထဲကို တိုက်ရိုက်ဝင်လာဖို့ သတ္တိရှိမှာ မဟုတ်ဘူး။

မကြာမီ လူတစ်ယောက် ပေါ်လာသည်။ လက်တစ်ဖက်မှာ ပျားရည်၊ နောက်လက်တစ်ဖက်မှာ တိရစ္ဆာန်နို့ကို ကိုင်ထားသည်။

“အဖေ”

ဒီအဖေက တကယ်ပဲ ကောင်းကင်ဖြစ်စဉ်နယ်ပယ်မှာ ရှိနေတာလား။ မျှော်လင့်ထားတဲ့အတိုင်း သူ့ရဲ့ ကျင့်ကြံမှုအဆင့်က မရိုးရှင်းဘူး။ သူကိုယ်တိုင်အစီအရင်ကို သုံးနိုင်တယ်ဆိုကတည်းက အနည်းဆုံးတော့ ကောင်းကင်ဖြစ်စဉ်အဆင့် ကျင့်ကြံသူပဲ။

အောက်ပိုင်းဘုံမှာ ဝိညာဉ်စွမ်းအင်တွေ ဘာလို့ ဒီလောက်တောင် များနေရတာလဲဆိုတာ မရှင်းလင်းပေမဲ့ ဒါကသူမ အနာဂတ်မှာ ဆက်တိုက်ကျင့်ကြံပြီး အထက်သို့ တက်လှမ်းဖို့အတွက် သင့်တော်နေတာကတော့ အမှန်ပဲ။

ချူမူကို မြင်သော် ချူနင်က ပြင်ဆင်လာသော နို့ကို ချက်ချင်း သိမ်းလိုက်ပြီး ချူမူ၏ ခေါင်းကို ပွတ်ပေးလိုက်သည်။

"မူမူ မေမေ ဘယ်မှာလဲ"

မေမေက အလုပ်တွေ လုပ်နေတုန်းပဲ"

ချူနင်က ပြုံးလျက် ချူမူကို ချီလိုက်ပြီး နှာခေါင်းလေးကို တို့လိုက်သည်။ ချူမူမှာ ချက်ချင်းပင် နှုတ်ခမ်းလေး တွန့်သွားရှာသည်။ ချူနင်ကလည်း သဘောကျနေသည်။

“ဒါငါ့သမီးလေးပဲ”

မူမူက ဘာလို့ ညီမလေးနဲ့ သွားမကစားတာလဲ။ ကလေးကို စကားပြောတဲ့ပုံစံက ချော့မော့လွန်းလို့ ကြက်သီးတောင် ထမိသည်။ ဒါပေမဲ့ ချူမူကတော့ ဒါကိုနေသားကျနေပါပြီ။

"သူက အရမ်းဆူညံတာပဲ။"

ချူနင်က ဒီအဖြေကို ကြားတော့ အနည်းငယ် အံ့အားသင့်သွားသည်။

ကြည့်ရတာ ဟုတ်ပုံပဲ ဒီကလေးမလေးက ဦးနှောက်မှာ ပြဿနာရှိတာ မဟုတ်ဘူး။ တကယ်တော့ သူ့ရဲ့ ဉာဏ်ရည်က ပိုမြန်မြန်ဖွံ့ဖြိုးနေတာကြောင့် တခြားကလေးတွေ စိတ်ဝင်စားတာတွေကို သူက စိတ်မဝင်စားတာပဲ။

"ဒါဆို မူမူက ဘာကိုစိတ်ဝင်စားတာလဲ"

ရှောင်ပင်းအစ်မ ပျံနိုင်တာ တွေ့ခဲ့တယ် သမီးလည်းပျံချင်တယ်။

ဪ ဖေဖေနားလည်ပြီ ဒါပေမဲ့ ပျံသန်းဖို့ဆိုတာ အနည်းဆုံး တတိယအဆင့်ကျင့်ကြံသူ ဖြစ်ရမယ် သမီးက အခုထိမကျင့်ကြံရသေးဘူးလေ။

ဒါပေမဲ့ သမီးက အခုကြီးနေပြီလေ။ချူနင် ခဏတာ စဉ်းစားလိုက်သည်။ ပြီးနောက် ပျောက်နေတာ ကြာပြီဖြစ်တဲ့ စနစ်ကို လှမ်းခေါ်လိုက်သည်။

ငါ့သမီးက အခု ကျင့်ကြံလို့ ရပြီလား။

စနစ်၏ အဖြေက ရိုးရှင်းပါသည် “ရပါတယ်”

ချူနင် ဒါကိုအရင်ကတည်းက စဉ်းစားထားပြီးသားပါ။ ဒါပေမဲ့ သာမန်ကလေးတွေက ကျင့်ကြံခြင်း သတ်မှတ်ချက်ကို ပြည့်မီဖို့ အနည်းဆုံး အသက်သုံးနှစ် ရှိရမှာဖြစ်ပြီး အဲဒီအချိန်မှာတောင် အခြေခံလောက်ပဲ ကျင့်လို့ရတာပါ။

ဒါပေမဲ့ အဆုံးစွန်းသူတော်စင်ခန္ဓာကိုယ်နဲ့ မွေးလာတဲ့သူတွေက ဉာဏ်ရည်တင် မြန်တာမဟုတ်ဘဲ ကျင့်ကြံခြင်းမှာလည်း အလွန်လျင်မြန်ကြသည်။ ပြီးတော့ စနစ်ကလည်း ရတယ်လို့ အဖြေပေးထားတော့ ဘာပြဿနာမှ ရှိမှာမဟုတ်ဘူး။

အဓိကအချက်က ချူနင်အနေနဲ့ အဆုံးစွန်းသူတော်စင်ခန္ဓာကိုယ်ကို တစ်ခါမှ မထိန်းကျောင်းဖူးလို့ ဇွတ်မဆုံးဖြတ်ရဲတာပါ။

ပြီးတော့ မေမေကလည်း ဖေဖေ့ကို ကျင့်ကြံခြင်း သင်ပေးခိုင်းတယ်လေ။

ချူမူ ဖေဖေဆိုတဲ့ စကားလုံးကို ခေါ်ရတာ စိတ်ထဲမှာ တစ်မျိုးကြီးဖြစ်နေသည်။ မွေးကတည်းက ဖင်ကို ရိုက်ခဲ့တဲ့ အဖေဆိုတော့ သူ့အပေါ်မှာ ကောင်းတဲ့ အထင်အမြင်တော့ မရှိဘူး။

သူမက ဒါကိုအခုထိ မှတ်ထားတုန်းပဲ။ မင်းမေမေကလည်း ခွင့်ပြုတယ်ဆိုမှတော့ ဘာပြဿနာမှ မရှိတော့ပါဘူး။

"ဖေဖေ ဘာတွေ ပြောနေတာလဲ"

ယောင်ယောင်က အမြန်ပြေးလာပြီး ချူနင်၏ ရင်ခွင်ထဲသို့ ခုန်ဝင်လိုက်သည်။

ချူနင်က ပြုံးလျက် ရှင်းပြလိုက်သည် ကျင့်ကြံခြင်း သင်ပေးဖို့အကြောင်း ပြောနေတာလေ။ သမီးရဲ့ အစ်မက အခုလေးတင် ပြောနေတာ။

“ကျင့်ကြံခြင်းဆိုတာ ဘာလဲ”

"ကျင့်ကြံတဲ့သူတွေက ပျံနိုင်တယ်လေ"

ချူမူက ဘေးကနေ စကားမဲ့စွာ ဝင်ပြောလိုက်သည် ယောင်ယောင်က ပျံမယ်ဆိုတဲ့ စကားကို ကြားတာနဲ့ သူ့မျက်လုံးတွေ ဝင်းခနဲ ဖြစ်သွားတာပဲ။

"ဒါဆိုဖေဖေ သမီးလည်း ပျံချင်တယ်"

ကောင်းပြီ သမီးတို့နှစ်ယောက်စလုံး ကျင့်ကြံခြင်းကို ဒီလောက်စိတ်ဝင်စားမှတော့ ဖေဖေက သမီးတို့ကို အမြင့်မြတ်ဆုံးကျင့်စဉ်တစ်ခုကို ပေးသနားမယ်။

"ဟေး... ဖေဖေက အကောင်းဆုံးပဲ"

ချူမူကတော့ ဘာမှမလှုပ်မယှက် ရှိနေဆဲပါ။ အောက်ပိုင်းဘုံကို အထင်သေးတာတော့ မဟုတ်ပါဘူး။

သူမမှာ အခု ကောင်းကင်ဓားရိုးရှိနေပြီး ဒါကယခင်ဘဝကထက်တောင် ပိုပြီး အစွမ်းထက်တဲ့ပါရမီပဲ။ 

နှစ်ပေါင်း တစ်သောင်းလောက် ကျင့်ကြံလာခဲ့သူဖြစ်လို့ ကျင့်ကြံခြင်းလမ်းစဉ်အပေါ်မှာ သူမက အလွန်နက်နဲတဲ့ နားလည်မှုရှိပြီးသားပါ။

ကိုယ်တိုင်ဖော်ထုတ်ထားတဲ့ စိတ်ကျင့်စဉ်တွေကသာ ကိုယ့်အတွက် အသင့်တော်ဆုံးဖြစ်သည်။ တော်ဝင်မိသားစုမှာ မွေးဖွားလာတာကြောင့် နောက်ခံကလည်း ကောင်းပြီးသား။ 

မိဘနှစ်ပါးစလုံးကလည်း အနန္တအဆင့်တွေဆိုတော့ အောက်ပိုင်းဘုံမှာ သူတို့ကကံကောင်းတဲ့သူတွေပဲ။

ဘယ်သူ့ကိုမှ အထင်ကြီးတာ အထင်သေးတာ မရှိပါဘူး ကျေးဇူးတင်စိတ်ပဲရှိတာပါ။ ကျင့်စဉ်က ဘာပဲဖြစ်ဖြစ် သူမကတော့ သိပ်စိတ်မဝင်စားပေမဲ့ ချူနင် စိတ်မပျက်အောင်တော့ လေ့ကျင့်ပေးမှာပါ။

ဒါပေမဲ့ အခု သူမကကိုယ်ပိုင် စိတ်ကျင့်စဉ်တွေကို ကျင့်ကြံနေပြီး သူမရဲ့ စိတ်အာရုံက စတုတ္ထအဆင့်ကို ရောက်နေပြီ။ ဒါကကမ္ဘာပေါ်မှာ သူမနဲ့ သက်တူရွယ်တူတွေအားလုံးကို ကျော်လွန်နေတာပဲ။

"ဖေဖေ သမီးကို ဘယ်လိုပေးမှာလဲ သမီးလိုချင်တယ်"

ယောင်ယောင်က ချူနင်ကို တင်းတင်းကြပ်ကြပ် ဖက်ထားပြီး မျှော်လင့်တကြီး ကြည့်နေသည်။

ချူနင်က ရယ်မောလျက် ဖေဖေတစ်ကြောင်းချင်း ပြောမယ် သမီးတို့ မှတ်ထားပါ။ ရှောင်ပင်း မင်းလည်း ဒါကို တစ်ခါတည်း ကူးယူထားလိုက်။

ဒါပေမဲ့ ဒီစိတ်ကျင့်စဉ်က မင်းနဲ့တော့ သိပ်မသင့်တော်ဘူး။ ဒါကိုကျင့်ရင် မင်းရဲ့ မူလကျင့်စဉ်နဲ့ ဆန့်ကျင်ဘက် ဖြစ်သွားနိုင်တယ်။ မင်း ကောင်းကင်ဖြစ်စဉ်အဆင့်ကို ရောက်တဲ့အခါ ကျန်တဲ့ ကျင့်စဉ်တွေကို ငါဖော်ထုတ်ပေးမယ်။

ရှောင်ပင်းက အားပါးတရ ခေါင်းညိတ်ပြီး ချက်ချင်း ရှေ့တိုးလာသည်။

အမိန့်အတိုင်းပါ အရှင်မင်းကြီး ကျွန်မ သေသေချာချာမှတ်သားပြီး မင်းသမီးလေးတို့အတွက် ကူးယူထားပါ့မယ်။ ဒါမှနေ့တိုင်း ရွတ်ပြလို့ ရမှာပါ။

"ကောင်းပြီ။"

သမီးတို့ နှစ်ယောက်လည်း မှတ်မိသလောက် မှတ်ထားကြ။ သမီးတို့က ပါရမီရှင်တွေဆိုတော့ တစ်ခါတည်းနဲ့ မှတ်မိမှာပါ။

ယောင်ယောင်က စိတ်လှုပ်ရှားစွာ "ဟုတ်ကဲ့ပါ ဖေဖေ"

"အစဦး၌ စကြဝဠာကို ဖန်တီးခဲ့သည်"

ကလေးနှစ်ယောက်အနက် တစ်ယောက်က စိတ်လှုပ်ရှားစွာ လိုက်ဆိုနေပြီး နောက်တစ်ယောက်ကတော့ အတတ်နိုင်ဆုံး ပူးပေါင်းဆောင်ရွက်ပေးနေသည်။

သူမကိုယ်တိုင်လည်း ကျင့်ကြံချင်နေတာဆိုတော့ ဒါကရိုးရှင်းပါတယ်။ သင့်တော်တဲ့ နည်းလမ်းတစ်ခု ရပြီဆိုတာနဲ့ သူမ စကျင့်လို့ ရပြီလေ။

အခု ချူနင်က သဘောတူလိုက်ပြီဆိုတော့ ဒါကသူမပြန်လည် နိုးထလာဖို့နဲ့ ရှေးဟောင်း မဟာဧကရာဇ် လမ်းစဉ်ကို လျှောက်လှမ်းဖို့ အခွင့်အရေးပါပဲ။

အစဦး၌ ကောင်းကင်နဲ့ မြေကြီးကို စတင်ဖန်တီးစဉ်က ဟာလာဟင်းလင်းပြင်နဲ့ ဖန်တီးခြင်းတို့ ပေါ်ပေါက်လာသည်။

"အရာခပ်သိမ်းရဲ့ အစမှာ အမြင့်မြတ်ဆုံးသော အရှင်ရှိခဲ့သည်"

အစပိုင်းမှာတော့ ချူမူက လိုက်ဆိုရုံပဲ ဆိုနေတာပါ။ သူမအတွက် ဒီစိတ်ကျင့်စဉ်က မလိုဘူး ဒါပေမဲ့ သူမ ကျင့်ကြံတာကို တရားဝင်ဖြစ်စေဖို့ အခွင့်အရေးတစ်ခုပဲ လိုတာပါ။

ဒါပေမဲ့ ချူနင်က ပထမလေးကြောင်းကို ရွတ်ဆိုပြီးသွားတဲ့အခါ ပတ်ဝန်းကျင် ကမ္ဘာကြီးရဲ့ အရောင်အသွေးတွေ ပြောင်းလဲသွားပြီး အလွန်မြင့်မား ဝေးကွာလှတဲ့ ကောင်းကင်တာအိုက သူ့ကို စိုက်ကြည့်နေသလို သူပြောတာကို နားထောင်နေသလိုမျိုး ဖြစ်လာသည်။

ချန်ချင်းနန်းဆောင်အတွင်းရှိ အပင်တွေ ပန်းတွေနဲ့ သစ်ပင်တွေက အသက်ဝင်လာသလိုမျိုး ဖြစ်လာသည်။ ချူနင်၏ ခြေဖဝါးအောက်တွင် ရွှေရောင်အလင်းတန်းတွေ ထွက်ပေါ်နေတဲ့ ကြာပန်းတွေ ပွင့်လာသည်။

ချူမူ ရုတ်တရက် အံ့အားသင့်သွားသည်။

တစ်ခုခုတော့ မှားနေပြီ။ ဘာလို့ ဂါထာလေး ရွတ်ရုံနဲ့ ဒီလောက်ကြီးတဲ့ဖြစ်စဉ်တွေ ဖြစ်နေရတာလဲ

နောက်နေတာလား။

ဒီလောက်အထိဖြစ်တာက တစ်ပိုင်းပေါ့ ဒါပေမဲ့မဟာဧကရာဇ်တစ်ပါး တရားဟောရင်တောင် ကောင်းကင်တာအိုရဲ့ အာရုံစိုက်မှုကို ဒီလောက် မရနိုင်ဘူး။ နင့်စကားတွေက ကောင်းကင်တာအိုထက်တောင် သာလွန်နေတယ်လို့ ပြောချင်တာလား။

"အရာခပ်သိမ်းရဲ့ အစမှာ အမြင့်မြတ်ဆုံးသော အရှင်ရှိခဲ့သည်"

"အမြင့်မြတ်ဆုံးသောအရှင်က သန့်စင်ခြင်းသုံးပါးအဖြစ် ပြောင်းလဲသည် သန့်စင်ခြင်း သုံးပါးက တာအိုအဖြစ် ပြောင်းလဲသည် တာအိုက အနန္တအဖြစ် ပြောင်းလဲသည်၊အနန္တကလွတ်မြောက်ခြင်းအဖြစ် ပြောင်းလဲသည်"

ထူးခြားတဲ့ဖြစ်စဉ်တွေက ပိုပိုပြီးကြီးမားလာကာ ရွှေရောင်အလင်းတန်းတွေက နန်းတော်တစ်ခုလုံး ပြီးတော့ နိုင်ငံတစ်ခုလုံး နောက်ဆုံးမှာကမ္ဘာတစ်ခုလုံးကို လွှမ်းခြုံသွားတော့သည်။

ချူနင်က ကမ္ဘာကြီးရဲ့ မွေးဖွားခြင်းနဲ့ မူလအစအကြောင်း အမှန်တရားကို ဟောကြားနေတာပဲ။

ချူမူမှာ ပတ်ဝန်းကျင်က အဆုံးမဲ့ထူးခြားတဲ့ ဖြစ်စဉ်တွေကြောင့် အရမ်းကိုတုန်လှုပ်သွားပြီး ဘာစကားမှတောင် မကြားရတော့ပေ ဒီထူးခြားတဲ့ ဖြစ်စဉ်တွေကတော့ တကယ့်ကို အံ့ဩစရာကြီးပါပဲ။

"လွတ်မြောက်ခြင်းက ကောင်းကင်နဲ့ မြေကြီးအဖြစ် ပြောင်းလဲသည် ကောင်းကင်နဲ့ မြေကြီးက မဟာတာအိုအဖြစ် ပြောင်းလဲသည် မဟာတာအိုက စနစ်တကျဖြစ်မှုကို မွေးဖွားပေးသည် စနစ်တကျ ဖြစ်မှုက တာအိုမျိုးဆက်ကို ဖြစ်ပေါ်စေသည် တာအိုမျိုးဆက်က သက်ရှည်ကျန်းမာခြင်းကို ဖြစ်ပေါ်စေသည်"

ဒါကတော့ ထိုက်ရှန် ( အမြင့်မြတ်ဆုံးအရှင်၏ဖန်တီးခြင်းကျမ်း)ပဲ ဖြစ်တယ်။

သမီးတို့အားတဲ့အချိန်မှာ ဒါကိုရွတ်ဖတ်ပြီး စိတ်အခြေအနေကို မြှင့်တင်ကြပါ။ စိတ်အခြေအနေက ပြည့်စုံသွားပြီဆိုရင် သမီးတို့ ပျံနိုင်ပြီ။

"ဟေး... သမီးတို့ အခုပျံလို့ ရပြီ"