အခန်း ၁၂၈ မေမေ့ဟာက ပိုမွှေးတယ်

အထက်ဘုံရှိမျိုးနွယ်စုများ၏ အခြေအနေမှာ လျော့ရဲမသွားပေ။ ယခုအခါ ချန်ရှန်းမျိုးနွယ်စု ပိုင်ဆိုင်ခဲ့သမျှ နယ်မြေအားလုံးမှာ စီနီယာ၏ နာမည်အောက်တွင် ရှိနေပြီဖြစ်သည်။

အကယ်၍ စီနီယာကိုယ်တိုင် ကိုင်တွယ်ရန် ပျင်းရိနေသော ပြဿနာများရှိလာပါက စုတုန့်ဖန်းက ရှေ့ထွက်ဖြေရှင်းပေးမည်သာ ဖြစ်သည်။

အခြားသော ဧကရာဇ်များက ဤနယ်မြေကို လောဘတက်လာမည်လား ထိုအရာမှာသူတို့တွင် အရည်အချင်း ရှိ မရှိပေါ်တွင်သာ မူတည်ပေလိမ့်မည်။ အရာအားလုံး အခြေကျသွားမှသာ ကျင့်ကြံခြင်းကို ဆက်လက်လုပ်ဆောင်နိုင်မည်ဖြစ်သည်။

သူနှင့်အတူ ပါလာခဲ့သော အမဲရောင်အငွေ့အသက်၏ မြစ်ဖျားခံရာမှာ ယခုထိ မသိရသေးပေ။ ချန်ရှန်းဧကရာဇ်သည် အလွန်အစွမ်းထက်ပြီး သူ၏ နည်းလမ်းများမှာလည်း ခန့်မှန်းရ ခက်ခဲလှသည်။

ထို့ကြောင့် အမြဲသတိထားနေရမည်။ သို့သော် ချန်ရှန်းနန်းတော်မှ ကျန်ရစ်သော အရာဝတ္ထုများကို မည်သို့ပင် စစ်ဆေးတွက်ချက်ပါစေ ချန်ရှန်းဧကရာဇ်သေဆုံးသွားပြီဖြစ်ကြောင်းသာ အဖြေထွက်နေသည်။

မဟာဧကရာဇ်တစ်ပါးက ဒီလောက် လွယ်လွယ်နဲ့ အမြစ်ပြတ် သေသွားနိုင်ပါ့မလား ဒါပေမဲ့ စီနီယာ လက်ချက်ဆိုရင်တော့ ပြောစရာမရှိပါဘူး။

အမိန့်ထုတ်လိုက်စမ်းရှိသမျှ လူအင်အားသုံးပြီး ချန်ရှန်းဧကရာဇ်ရဲ့ အစအနကို ရှာကြ။ တစ်ခုခု ထူးခြားတာနဲ့ ငါ့ကိုချက်ချင်း သတင်းပို့ရမယ်။ ဒါက တခြား ဘယ်အရာထက်မဆို အရေးကြီးတယ်။

ဟင်းလင်းပြင်မျိုးနွယ်စုဝင်များမှာ ဤကိစ္စ၏ အရေးကြီးပုံကို နားလည်ကြသည်။ သို့သော် သုံးလကြာသည်အထိ မည်သည့် အရိပ်အယောင်မျှ မတွေ့ရသဖြင့် စုတုန့်ဖန်း နောက်ဆုံးတွင် စိတ်အေးသွားရတော့သည်။

ငါပိုမြင့်တဲ့ နယ်ပယ်ကို တက်လှမ်းဖို့ တရားထိုင်တော့မယ်။ ချန်ရှန်းမျိုးနွယ်စု နယ်မြေတွေကို သေချာ စီမံထားကြ။ ဘယ်သူပဲ ကျူးကျော်လာလာ ငါ့ကိုချက်ချင်း လာခေါ်လို့ရတယ်။ ပြီးတော့ အရင်က ရှာခိုင်းထားတဲ့ ကိစ္စကိုလည်း ဆက်ရှာနေကြ။

သုံးလတာ ကာလအတွင်း အောက်ဘုံမှာ လုံးဝ ပြောင်းလဲသွားခဲ့သည်။

ဝိညာဉ်စွမ်းအင်များမှာ ပိုမိုသန့်စင်ကြွယ်ဝလာပြီး ကမ္ဘာမြေအနှံ့တွင် ထူးဆန်းသော ဝိညာဉ်ပင်များ ပေါက်ရောက်လာသည်။

ဝိညာဉ်ကျောက်သတ္တုတွင်းများကို လော့ဟန်နိုင်ငံ အပါအဝင် နေရာအနှံ့တွင် ရှာဖွေတွေ့ရှိခဲ့ကြပြီး တာချန်းအင်ပါယာတွင်မူ အကောင်းဆုံးနှင့် အဆင့်အမြင့်ဆုံး သတ္တုတွင်းများကို တွေ့ရသည်။

လူသားများမှာလည်း ဝိညာဉ်စွမ်းအင်၏ ပြုစုပျိုးထောင်မှုကြောင့် သက်တမ်းရှည်လာကြသည်။ 

မွေးဖွားလာသော ကလေးတိုင်းမှာ ကျင့်ကြံခြင်း အလားအလာ တစ်ခုခုပါလာကြသလို တောရိုင်းတိရစ္ဆာန်များမှာလည်း ဝိညာဉ်သားရဲများအဖြစ် ပြောင်းလဲလာကြသည်။ ဤလောက၏ အဆင့်အတန်းမှာ သိသိသာသာ မြင့်တက်လာခြင်း ဖြစ်သည်။

အဓိကအချက်မှာ ထိပ်တန်းကျင့်ကြံသူများ၏ အမြင့်ဆုံး နယ်ပယ် ကန့်သတ်ချက်မှာ ပွင့်သွားခြင်းဖြစ်သည်။

ကူရှင်းကဲ့သို့သော ထိပ်တန်းကျင့်ကြံသူမှာ တစ်ရက်လျှင် အဆင့်ငယ် တစ်ဆင့် တစ်လလျှင် နယ်ပယ်ငယ်တစ်ခုနှုန်းဖြင့် တိုးတက်နေပြီး တစ်နှစ်အတွင်း မဟာဧကရာဇ်အဆင့်သို့ ရောက်ရန်မှာ အိမ်မက် မဟုတ်တော့ပေ။

တာချန်းအင်ပါယာအတွင်း.အထူးသဖြင့် ရဲ့မျိုးနွယ်စုမြင့်မြတ််မြေတွင် အဆင့် ၇ သူ​တော်စင်အဆင့် ကျင့်ကြံသူပေါင်း ခုနစ်ဆယ်ကျော်အထိ ရှိလာခဲ့သည်။

ယခုအခါ နန်းတော်အတွင်းသို့ ဝင်ခွင့်ရရန်မှာ ထူးကဲနတ်ဘုရားခန္ဓာကိုယ်ပါမှသာ ဖြစ်နိုင်တော့မည့် အခြေအနေ ဖြစ်သည်။

ငါအရှေ့ဘက်ကို စစ်ချီပြီး နိုင်ငံအားလုံးကို နှိမ်နင်းတော့မယ်။

မင်းတက်နန်းဆောင်အတွင်း၌ ရဲ့ချန်းလျန်သည် ကလေးနှစ်ယောက်ကို တစ်ဖက်တစ်ချက် ချီကာ နို့တိုက်ရင်း ချူနင်ကို ပြတ်သားစွာ ကြည့်ကာ ပြောလိုက်သည်။

ချူနင်က ခဏတာ စဉ်းစားလိုက်ပြီး တိုက်တာက ပြဿနာမရှိပါဘူး ဒါပေမဲ့ မင်းသွားရင် ကလေးတွေကို ဘယ်သူနို့တိုက်မှာလဲ။

ကလေးတွေက အခု လေးလရှိပြီလေ နို့ဖြတ်လို့ ရပါပြီ။ သူတို့လမ်းတောင် လျှောက်နေကြပြီပဲ ရဲ့ချန်းလျန်က စိတ်ပျက်လက်ပျက် ပြောလိုက်သည်။

 မွေးရာပါသူတော်စင်ခန္ဓာကိုယ်က အရမ်းမြန်မြန် ကြီးထွားလွန်းတယ်။ ငါတိုင်းပြည်ရေးရာတွေ လုပ်နေတုန်း မူမူကယောင်ယောင်ကိုခေါ်ပြီး နို့လာစို့နေကြတာ။

ဒီနှုန်းအတိုင်းဆို နို့ဖြတ်ဖို့ အဆင်ပြေလောက်ပါပြီ။ ရှင်မှ နို့မတိုက်ရတာ သူတို့ ဘယ်လောက် အားသန်တယ်ဆိုတာ ရှင်မသိဘူး။

ပြောရင်းဆိုရင်း ရဲ့ချန်းလျန်၏ မျက်နှာ ပျက်သွားသည် ယောင်ယောင် မေမေ့ကို မကိုက်နဲ့လေ။

ယောင်ယောင်က ဝမ်းနည်းဟန်ဖြင့် မော့ကြည့်သည် မေမေ သမီးဗိုက်ဆာလို့ပါ။

ကိုက်လို့ မရဘူးလေ သမီးအမ မူမူကို ကြည့်ဦး သူက လိမ္မာတယ်။

"မေမေကလည်း အရမ်းဆူတာပဲ"

ဖန်သားပြင်လေးလို လှပသော သမီးငယ်လေးက ထိုသို့ပြောလိုက်သောအခါ ရဲ့ချန်းလျန်မှာ ဆက်ပြီး မဆူရက်တော့ပေ။

သူတို့လေးတွေက အရမ်းချစ်စရာကောင်းလွန်းသဖြင့် ချော့တေးဆိုလိုက်တိုင်း သူမ၏ နှလုံးသားမှာ အရည်ပျော်သွားရသည်။

ရဲ့ချန်းလျန်က လေသံကို ပြန်လျှော့လိုက်ပြီး ယောင်ယောင် သမီးအဲဒီလိုလုပ်ရင် မေမေ နာတာပေါ့။ အသာလေးစို့နော် ဟုတ်ပြီလား။

"ဟုတ်ကဲ့ မေမေ" ယောင်ယောင်က ခေါင်းညိတ်ပြီး ဆက်စားနေတော့သည်။

ရဲ့ချန်းလျန်က ချူနင်ကို မျက်စောင်းထိုးလိုက်သည် တွေ့လား ရှင့်သမီးကို ငါကမဆူရက်ဘူး ဖြစ်နေတာ။

ချူနင်က ရယ်လျက် မင်းမဆူရက်တာက ငါနဲ့ ဘာဆိုင်လို့လဲ မင်းကမှသူတို့ကို သဲသဲလှုပ် ဖြစ်နေတာကို။

ရဲ့ချန်းလျန် ခဏတာ ဆွံ့အသွားပြီးမှ "ငါ ငါဂရုမစိုက်ဘူး ဘာပဲဖြစ်ဖြစ် နို့ဖြတ်ရမယ်။ သူတို့က ညလုံးပေါက် ငါနဲ့အတူအိပ်ပြီး အိပ်နေရင်းတောင် စားချင်နေကြတာ။

အခု သွားတွေလည်း အကုန်စုံနေပြီကို ဘာလို့နို့စို့နေတုန်းလဲ မသိဘူး။ ရှင်သူတို့အတွက် တခြား စားစရာ တစ်ခုခု စဉ်းစားပေးဦး။ နို့ဖြတ်ပြီးတာနဲ့ ငါအရှေ့ဘက်ကို စစ်ချီတော့မယ်။

"ဘာလို့ ဒီလောက် လောနေတာလဲ"

လော့ဟန်အင်ပါယာရဲ့ ဧကရာဇ်က ထူးဆန်းတဲ့ ရတနာတစ်ခုရထားပြီး ကျင့်ကြံခြင်းနှုန်းက အရမ်းမြန်နေတယ်လို့ ကြားလို့။

လွန်ခဲ့တဲ့ ခြောက်လက သူကသူတော်စင်နယ်ပယ် အလယ်အလတ်အဆင့်ပဲ ရှိသေးတာ အခု အထွတ်အထိပ်အဆင့် ရောက်နေပြီ။ မကြာခင် အနန္တနယ်ပယ်ကို ရောက်တော့မှာ။

ချူနင်က ဆွံ့အသွားသည် ဒါဆိုရင်ရော မင်းက အခု ကောင်းကင်ဖြစ်စဥ်အဆင့်ရောက်နေပြီ မဟုတ်လား။

တစ်နေ့ကျရင် သူကငါ့ထက် သာသွားရင် ဘယ်လိုလုပ်မလဲ ငါ့မှာအခုတစ်ကမ္ဘာလုံးကို စည်းလုံးဖို့ ယုံကြည်ချက်အပြည့်ရှိတယ်။ အခုမှ မလုပ်ရင် ဘယ်တော့ လုပ်မှာလဲ မူမူနဲ့ ယောင်ယောင် ကြီးလာတဲ့အထိ ငါတို့ နယ်မြေက ဒီလောက်ပဲရှိနေဦးမှာလား။

အင်းလေ သူတို့က ငါးလတောင် မပြည့်သေးဘူးဆိုတော့။

ဘာပဲဖြစ်ဖြစ် ကလေးတွေက ရှင့်နားမှာပဲ နေနေကြတာ ငါရှိရှိ မရှိရှိ ဘာမှမထူးပါဘူး။ ရှင်ပဲစီစဉ်ပေးတော့သူတို့ကို နေ့တိုင်းနို့မစို့ခိုင်းနဲ့တော့။ ငါ့မှာ အားတွေတောင် ကုန်နေပြီ။

ကလေးမွေးပြီး လေးငါးလ ရှိလာပြီဖြစ်ရာ သူမတွင် နို့ရည်မှာလည်း နည်းပါးလာပြီ ဖြစ်သည်။ ထို့ကြောင့် နို့ဖြတ်ရန်မှာ လိုအပ်လာသည်။

ချူနင်က ဘာမှပြန်မပြောသဖြင့် ရဲ့ချန်းလျန်က ကလေးနှစ်ယောက်လုံးကိုချီပြီး ချူနင်၏ ဘေးသို့ တိုးကပ်လာသည်။

"ယောင်္ကျားတစ်ခုခု စဉ်းစားပေးပါဦးနော်... နော်လို့... ဟီးဟီး"

ချူနင်က ယောင်ယောင်၏ ခေါင်းကို အသာလေး ခေါက်လိုက်သည် ငါကမင်းမေမေရဲ့ ယောင်္ကျားလေ သမီးက ငါ့ကိုဖေဖေလို့ခေါ်ရမှာ သိလား။

မူမူကမူ ဘာမှ ဂရုမစိုက်ဘဲ ဆက်စားနေသည်။ သူမက နို့ဖြတ်ရမည်ကို သိပ်ပြီးစိတ်မဝင်စားသော်လည်း အစားကောင်းလျှင်တော့ အဆင်ပြေသည်။

ယောင်ယောင်က ခေါင်းကို အားပါးတရ ညိတ်လိုက်သည် "ဖေဖေ တစ်ခုခု စဉ်းစားပေးပါဦး"

ချူနင်က ရယ်မောလိုက်ပြီး စဉ်းစားပေးရမယ် မင်းမေမေပြောတာကို မကြားဘူးလား နောက်ဆို ဘယ်သူမှစားရမှာ မဟုတ်တော့ဘူးလေ။

ထိုစကားကို ကြားသောအခါ ယောင်ယောင် မှင်တက်သွားပြီးမှ ရဲ့ချန်းလျန်နှင့် ချူနင်ကို တစ်လှည့်စီ ကြည့်ကာ "ဟင့်အင်း သမီး စားချင်တယ် စားချင်တယ်"

ရဲ့ချန်းလျန်လည်း စိတ်ညစ်နေရသည်။ နေ့တိုင်း နို့တိုက်ရလွန်းသဖြင့် သူမမှာ ငိုချင်နေသည်။ ကလေးတွေ စစမွေးချင်းတုန်းကလိုအစားအသောက်တွေ အလျှံအပယ် ရှိနေသည် မဟုတ်တော့ပေ။

သမီးတော် နှစ်ပါးစလုံးက ချူနင်ကို ဝမ်းနည်းဟန်ဖြင့် ကြည့်နေကြသဖြင့် ချူနင်မှာ ခေါင်းခဲသွားရသည်။

ဟူး... ငါ တကယ် စဉ်းစားပေးပါ့မယ် နည်းလမ်းတစ်ခု ရှာကြည့်ရမှာပေါ့။

နို့ဖြတ်ခြင်းကိစ္စကို အမြန်ဆုံး ဖြေရှင်းရမည်။ ချူနင်သည် တတိယမြောက် ကလေးကို အမြဲတမ်း လိုချင်နေခဲ့သော်လည်း အခွင့်အရေးမရခဲ့ပေ။

နေ့ဘက်တွင် သမီးနှစ်ယောက်ကို ချီထားရပြီး ညဘက်တွင်လည်း သမီးနှစ်ယောက်က သူနှင့် သူ့ဇနီးကြားတွင် တစ်ယောက်တစ်ဖက် ဝင်အိပ်ကြသဖြင့် လင်မယားနှစ်ယောက် တသီးတန့်သန့် နေချိန်ဟူ၍ မရှိသလောက်ပင်။

နို့ဖြတ်ပြီး ကလေးတွေကို သီးသန့် အိပ်ခိုင်းနိုင်မှသာ တတိယမြောက် ကလေးအတွက် အစီအစဉ် ဆွဲနိုင်မည် မဟုတ်ပါလား။

ထိုစကားကြောင့် ရဲ့ချန်းလျန်၏ မျက်နှာမှာ ဝမ်းသာအားရ ဖြစ်သွားသော်လည်း ယောင်ယောင်ကမူ ငိုမဲ့မဲ့ ဖြစ်သွားသည်။

ဖေဖေ မေမေက ယောင်္ကျားလို့ ခေါ်လိုက်တာနဲ့ ဖေဖေက ဘာလို့ သဘောတူလိုက်တာလဲ။

ယောင်ယောင်လည်း ဖေဖေ့ကို ယောင်္ကျားလို့ ခေါ်မယ်လေ ယောင်ယောင် နို့မဖြတ်ချင်ဘူး။ယောင်ယောင် မေမေ့ဟာလေးတွေ အကုန် စားချင်တာ။

ဒါက သမီးတို့ ကောင်းကျိုးအတွက်ပါပဲ။ ဖေဖေ ချက်တဲ့ ဟင်းတွေက အရသာရှိတယ် မဟုတ်လား ဖေဖေ ချက်ကျွေးတာ မစားချင်ဘူးလား။

"မေမေ့ဟာက ပိုမွှေးတယ် ပိုစားကောင်းတယ်"