အခန်း ၁၂၆ ဒါကို ရှင်းပြဖို့ တကယ်ခက်တယ်

ဤနေရာသည် အောက်ဘုံဖြစ်သည်မှာ ရှင်းလင်းလှသော်လည်း ဝိညာဉ်စွမ်းအင် ကြွယ်ဝမှုမှာမူ အထက်ဘုံရှိမြင့်မြတ်နယ်မြေတစ်ခုနှင့်ပင် ယှဉ်နိုင်နေသည်။ ဤနေရာသည် အမှန်တကယ်ပင် ထူးခြားဆန်းပြားလှပေသည်။

ထို့ပြင် ကောင်းကင်တာအိုထံမှ အလွန်အမင်း ပြင်းထန်သော ဖိအားတစ်ခုကိုလည်း အာရုံခံမိနိုင်သည်။ အမှန်တကယ်ပင် ခရီးသွားလာရာတွင် အမြဲသတိထားသင့်ပေသည်။

ဘေးနားမှ ဆူးတစ်ခုလိုလုပ်နေသော တာအိုမျိုးနွယ်စုကြီးမှာ ယခုမူအမြစ်ပြတ် သုတ်သင်ခံလိုက်ရပြီ မဟုတ်ပါလား။ ဤနေရာသည် စီနီယာ၏ ပိုင်နက်ဖြစ်ရာ မည်သို့မျှ ရိုင်းစိုင်းရဲတင်း၍ မရပေ။

စီနီယာသည် မဟာဧကရာဇ် တစ်ပါးကိုပင် ဖျက်ဆီးနိုင်လျှင် ဟင်းလင်းပြင် မဟာဧကရာဇ်ဖြစ်သော သူ့ကိုဖျက်ဆီးရန်မှာလည်း ခက်ခဲမည် မဟုတ်ပေ။

သူတို့သည် နန်းတော်ရှိ မင်းတက်နန်းဆောင်သို့ ရောက်ရှိလာကြသည်။ ဤနေရာသည် အနည်းငယ် ရိုးရှင်းလှသော်လည်း တောင်တစ်တောင်သည် အမြင့်ကြောင့် ကျော်ကြားသည်မဟုတ် နတ်ဘုရားများ နေထိုင်ခြင်းကြောင့်သာ ကျော်ကြားသည်ဟူသော စကားအတိုင်းပင်။

ဤနေရာသည် စီနီယာ နေထိုင်ရာ ဖြစ်ခဲ့ဖူးသဖြင့် အမှန်တကယ်ပင် ထူးကဲသော နေရာတစ်ခု ဖြစ်ရမည်။

ထိုစဉ် ချူနင်သည် ပေါင် ၂၀ ခန့်ရှိသော ကလေးငယ်တစ်ဦးကို ပုခုံးပေါ်တင်ကာ မလှမ်းမကမ်းမှ လျှောက်လာသည်ကို မြင်လိုက်ရသည်။

"ဟီးဟီး... ဟီးဟီး"

ချူနင်၏ ပုခုံးပေါ်တွင် ထိုင်နေသော ယောင်ယောင်သည် အလွန်အမင်း စိတ်လှုပ်ရှားနေပုံရပြီး လက်ကလေးများကို တဖျတ်ဖျတ် ဝှေ့ယမ်းနေသည်။

ချူနင်ကလည်း သူမ ပြုတ်မကျအောင် ဂရုတစိုက် ကိုင်ထားပေးရသည်။

ရုတ်တရက် ယောင်ယောင်သည် အဘိုးကြီးတစ်ဦးကို မြင်လိုက်ရသောအခါ ချက်ချင်းပင် ခေါင်းငုံ့သွားပြီး အစောကကဲ့သို့ မရဲတင်းတော့ပေ။

ချူးနဥ်က ပြုံးလျက် ရပါတယ် ငါတို့မိသားစုတွေပါပဲ။ ဒီအဘိုးကြီးက အရမ်းသဘောကောင်းတဲ့သူပါဟု ပြောလိုက်သည်။

ထိုစကားကို ကြားသော် စုတုန့်ဖန်းသည် ချက်ချင်းပင် အပြုံးကြီး ပြုံးလိုက်ကာ အသက်ကြီးသူတစ်ဦးအနေဖြင့် တတ်နိုင်သမျှ ကြင်နာတတ်ပြီး ချဉ်းကပ်ရလွယ်ကူသူ တစ်ဦးအဖြစ် ဟန်ဆောင်လိုက်သည်။

"မင်္ဂလာပါ မိန်းကလေးငယ်လေး"

သို့သော် ရုပ်ရည်က ကြင်နာတတ်ပုံမပေါက်သော အဘိုးကြီးများ၏ အပြုံးမှာ တစ်ခါတစ်ရံ ကြောက်စရာ ကောင်းနေတတ်သည်။

ယောင်ယောင်မှာ ဝါးခနဲ ငိုချလိုက်ရာ စုတုန့်ဖန်းမှာ ထိတ်လန့်သွားတော့သည်။ ငါက ပြုံးနေတာကို သူက ဘာလို့ ဒီလိုဖြစ်ရတာလဲ။

ချူနင်က လက်ကာပြလိုက်ပြီး စိုးရိမ်စရာမလိုကြောင်း အချက်ပြလိုက်သည်။

ရပါတယ် သူကတစ်လသားပဲ ရှိသေးတာ လူစိမ်းမြင်ရင် ငိုတတ်တယ် စုတုန့်ဖန်း နောက်ဆုံးမှ သက်ပြင်းချနိုင်တော့သည်။

ရပါတယ် အဆင်ပြေပါတယ်။ ငါတို့က အဲဒီတိုက်ကြီးတစ်ထောင်ကိုပဲ လွှဲယူပြီး ချူနင်ကိုယ်စား စီမံပေးလိုက်တာ။

သူတို့ တစ်ခုခုဖြစ်သွားရင် ငါတို့ပဲအကြီးအကျယ် နစ်နာမှာ သူ၏ သဘောထားမှာ အလွန်ကောင်းမွန်နေဆဲ ဖြစ်ပြီး အနည်းငယ် နှိမ့်ချနေခြင်းမှာလည်း အမှားမဟုတ်ပေ။

စီနီယာ၏ ရှေ့တွင် နှိမ့်ချခြင်းကသာ အခြားသော ဧကရာဇ်များရှေ့တွင် မဟာဧကရာဇ် တစ်ပါးအဖြစ် ခေါင်းမော့နိုင်မည် မဟုတ်ပါလား။

အားလုံး မင်းတက်နန်းဆောင်အတွင်းသို့ အတူတူ ဝင်လာကြသည်။ ချူနင်သည် ယောင်ယောင်ကို ရင်ခွင်ထဲထည့်ကာ ချော့မြှူလိုက်ရာ သူမ ငိုသံတိတ်သွားသော်လည်း ခေါင်းငုံ့ထားဆဲဖြစ်ပြီး မကြည့်ရဲသေးပေ။

နန်းဆောင်အတွင်းတွင် ယဲ့ချန်းလျန်သည် နိုင်ငံရေးကိစ္စများဖြင့် အလုပ်ရှုပ်နေသည်။ တစ်စုံတစ်ဦး တံခါးတွန်းဖွင့်ဝင်လာသည်ကို မြင်သောအခါ သူမ ဇဝေဇဝါဖြင့် ထရပ်လိုက်သည်။

ချူနင် အာ... စီနီယာစုလည်း ပါတာလား။ ချူနင်က သူ့ကိုရှောင်စု(စုလေး) ဟု ခေါ်နိုင်သော်လည်း ယဲ့ချန်းလျန်ကမူ ထိုသို့ခေါ်၍ မရပေ။ စီနီယာဟု ခေါ်ခြင်းကသာ နှစ်ဦးနှစ်ဖက်လုံးအတွက် သင့်တော်ပေသည်။

စုတုန့်ဖန်းက ခေါင်းတငြိမ့်ငြိမ့်ဖြင့် သိုလှောင်လက်စွပ်တစ်ခုကို ကမ်းပေးလိုက်သည်။

ဒါတွေက စီနီယာအလိုရှိတဲ့ ဟင်းချက်စရာတွေပါ အားလုံးက အလတ်ဆတ်ဆုံးတွေပဲ ကျွန်တော် ကိုယ်တိုင် သွားရှာထားတာ။

ဒါကတော့ လွန်ခဲ့တဲ့ အချိန်က သမီးတော် နှစ်ပါးမွေးတုန်းက မပို့ရသေးတဲ့ လက်ဆောင်တွေပါ။ 

အနှောင့်အယှက် ဖြစ်မှာစိုးလို့ အဲဒီတုန်းက ဘာမှမပြောခဲ့တာပါ။ ချန်ရှန်းဧကရာဇ်ရဲ့ လူတွေကို အောက်ဘုံကို မလာအောင် မတားဆီးနိုင်ခဲ့လို့လည်း တောင်းပန်ပါတယ်။

ရပါတယ် သူလာချင်ရင် လာပါစေလို့ ငါပြောသားပဲ။ ဘာပဲဖြစ်ဖြစ် အဲဒီတုန်းက မင်းလည်း သူ့ကို နိုင်မှာမဟုတ်ဘူး။ အခုလို ဖြစ်သွားတာကပဲ နောက်နောင် ဘာမှစိတ်ပူစရာမလိုအောင် ပြဿနာကို အမြစ်ပြတ် ရှင်းလိုက်သလို ဖြစ်သွားတာပေါ့။

စုတုန့်ဖန်းသည် ချန်ရှန်းမျိုးနွယ်စု ကိစ္စကို အစီရင်ခံစဉ်က ချူနင်၏ ရည်ရွယ်ချက်မှာ ဝင်ရောက်စွက်ဖက်ရန် မဟုတ်ဘဲ အစောကတည်းက အမြစ်ပြတ် ရှင်းပစ်ရန် ဖြစ်သည်။

ဤနည်းဖြင့် ဒုက္ခများစွာကို ရှောင်ရှားနိုင်သည်။ မဟုတ်လျှင် နောက်ပိုင်းတွင် ဟင်းလင်းပြင် ဧကရာဇ်ကို အမြဲ ကာကွယ်ပေးနေရမည် ယဖြစ်ရာ အလွန် အလုပ်ရှုပ်စရာ ကောင်းပေလိမ့်မည်။

စုတုန့်ဖန်းက ထပ်ခါတလဲလဲ ခေါင်းညိတ်ပြီး ဆက်ပြောသည်။

ချန်ရှန်းမျိုးနွယ်စုရဲ့ ကိစ္စတွေကို ကျွန်တော် အကုန်စီစဉ်ပြီးပါပြီ။ လောလောဆယ် ဟင်းလင်းပြင်မျိုးနွယ်စုရဲ့ လက်အောက်မှာ ရှိပါတယ်။ စီနီယာ အဆင်သင့်ဖြစ်တဲ့အခါ ဘာအခက်အခဲမှမရှိဘဲ တိုက်ရိုက် လွှဲယူနိုင်ပါတယ်။

အဆင်ပြေပါတယ် ဒါဆို မင်းကိုပဲ အားကိုးရတော့မယ်။ မင်းရဲ့ ကျင့်ကြံခြင်းမှာရော အခက်အခဲ တစ်ခုခု ကြုံနေရတာရှိလား။

စီနီယာ့ကို ကျေးဇူးတင်ပါတယ်။ အခုတော့ ဘာမှမရှိပါဘူး ကျွန်တော် မြန်မြန်ပြန်ပြီး ကျင့်ကြံဖို့ပဲ လိုပါတယ်။

ပြဿနာရှိရင် ငါ့ဆီလာခဲ့ပါ။ မင်းကို အလကား ခိုင်းလို့ ဘယ်ဖြစ်မလဲ။

စီနီယာရဲ့အားကိုးမှုကိုရတာ ကျွန်တော့်အတွက် ဂုဏ်ယူစရာပါ ကျွန်တော် အစွမ်းကုန် ကြိုးစားပါ့မယ် အနှောင့်အယှက် မပေးတော့ပါဘူး။ စုတုန့်ဖန်းမှာ အလွန် အကဲခတ်တတ်သူ ဖြစ်သည်။

ဤလင်မယားမှာ ကလေးနှင့် အလုပ်ရှုပ်နေကြရာ သူကဲ့သို့ ပြင်ပလူတစ်ဦး အကြာကြီးနေရန် မသင့်တော်ကြောင်း သူသိသည်။

စီနီယာက​တော့ မျိုးနွယ်စု၏ ကိစ္စများကို လုံးဝ စိတ်မဝင်စားဘဲ သူ့ကိုသာ လွှဲထားခဲ့သည်။ တစ်ဖက်တွင် ယုံကြည်မှုကြောင့် ဖြစ်နိုင်သလို နောက်တစ်ဖက်တွင်မူ နှစ်ဦးစလုံးမှာ ကလေးထိန်းသည့် ကိစ္စဖြင့်သာ အလုပ်ရှုပ်နေကြ၍ ဖြစ်နိုင်ပေသည်။

သို့သော်လည်း ဤလူများ၏ ဆက်ဆံရေးမှာ နန်းတော်စောင့်က ချူနင်ကို ဧကရာဇ်ဟု ခေါ်ခဲ့သော်လည်း စီနီယာ၏ ဇနီးဖြစ်သူက နဂါးဝတ်ရုံ ဝတ်ကာ အုပ်ချုပ်ရေးကိစ္စများကို ကိုင်တွယ်နေသည်မှာ သူမကဧကရီဖြစ်နေပုံရသည်။ စီနီယာက ဧကရာဇ် မဟုတ်ဘူးလား ဒါကအောက်ဘုံလေး တစ်ခုပဲလေ။

ထားပါတော့ စီနီယာ ဘာပဲလုပ်လုပ် သူဝင်မစွက်ဖက်သင့်ပေ။ သူ၏ အလုပ်ကိုသာ ကောင်းကောင်းလုပ်ပြီး ရသင့်ရထိုက်သည်ကို ယူရုံသာ ဖြစ်သည်။

စုတုန့်ဖန်းသည် အလျင်အမြန် ထွက်ခွာသွားပြီး ချူးနဥ်အတွက် အလုပ်လုပ်ရန် အထက်ဘုံသို့ ပြန်သွားခဲ့သည်။

သူ အထက်ဘုံသို့ ထွက်ခွာသွားချိန်တွင် စုတုန့်ဖန်းသည် မှောင်မိုက်သော အရှိန်အဝါတစ်ခု သူ့နောက်မှ လိုက်ပါလာသည်ကို ရုတ်တရက် အာရုံခံမိလိုက်သည်။

တစ်ခုခုတော့ မှားနေပြီ။ စီနီယာကသူ၏ ကျင့်ကြံခြင်းကို ကန့်သတ်မထားသဖြင့် သူထွက်ခွာနိုင်ခဲ့ခြင်း ဖြစ်သည်။ ဤလောကရှိ အခြားကျင့်ကြံသူများမှာမူ နယ်ပယ်ကို ဖြတ်ကျော်နိုင်စွမ်း မရှိကြပေ။

မဟုတ်ဘူး ငါဒီအရာရဲ့ မြစ်ဖျားခံရာကို ရှာရမယ် 

နန်းတော်အတွင်းတွင် ရဲ့ချန်းလျန်က သက်ပြင်းချကာ စိတ်ပျက်လက်ပျက်ဖြင့် နဖူးကို ပွတ်လိုက်သည်။

ဘာချန်ရှန်းမျိုးနွယ်စုကို ဟင်းလင်းပြင်မျိုးနွယ်စုက သိမ်းလိုက်ပြီ ဟုတ်လား ရှင်ဘာတွေလုပ်လိုက်ပြန်တာလဲ။

သူတို့ ဘာမှမလုပ်ပါဘူး။ အခု ချန်ရှန်းဧကရာဇ် မရှိတော့ဘူးဆိုတော့ အဲဒီလောက် ကြီးမားတဲ့ ပိုင်နက်တွေကို ဒီအတိုင်း ပစ်ထားရမှာလား။

ယဲ့ချန်းလျန် ခဏတာ တုံ့ဆိုင်းသွားပြီးနောက် ထိုစကားမှာ အမှန်တရား ရှိသည်ဟု ခံစားလိုက်ရသည်။

ဒါဆိုရင် အခုနောက်ပိုင်း ငါတို့ကို ဒုက္ခပေးမယ့်သူတွေ ပေါ်မလာတော့ဘူးပေါ့ ဟုတ်လား။

မင်း ဖြေရှင်းလို့မရတဲ့ ကိစ္စမှန်သမျှကို ငါ ကိုင်တွယ်ပေးမယ်လို့ ငါတို့တွေသဘောတူထားတယ် မဟုတ်လား။

ရဲ့​ချန်းလျန် ခဏတာ တိတ်ဆိတ်သွားသည်။ ချန်ရှန်းမျိုးနွယ်စု မဟာဧကရာဇ် ဆယ်ပါးအနက် တစ်ပါးဖြစ်သော ချန်ရှန်းဧကရာဇ်၏ မျိုးနွယ်စုကို ယခု ဟင်းလင်းပြင်ဧကရာဇ်က ခေတ္တစီမံပေးနေသည်တဲ့။

အထက်ဘုံသို့ တက်လှမ်းပြီးလျှင် လမ်းကြောင်းအားလုံးပွင့်နေပြီ မဟုတ်ပါလား။

အိမ်မက်တစ်ခုလိုပင် ခံစားနေရသည်။ သူသည် အလွန်အမင်း အစွမ်းထက်လွန်းလှသဖြင့် သူမနှင့် ကလေးများမှလွဲ၍ အခြားသူ မည်သူ ဘာလုပ်သည်ကို ဂရုမစိုက်ပေ။

ချန်ရှန်းမျိုးနွယ်စုက သူ့ကိုပစ်မှတ်ထားမည်ကို သူ သိနိုင်သော်လည်း သူသည် ကြိုတင်ပြီး ဘာမှ ပြင်ဆင်မထားခဲ့ပေ။ အဘယ်ကြောင့်ဆိုသော် လိုအပ်ချက် မရှိသောကြောင့်ပင်။

ချူနင်က သူလုပ်ခဲ့သမျှကို ပေါ့ပေါ့ပါးပါးသာ ပြောပြလေ့ရှိသော်လည်း သူမအာရုံခံနိုင်သည်။

ထိုစကားများ၏ နောက်ကွယ်တွင် သူမနှစ်ပေါင်း သောင်းချီ ကျင့်ကြံလျှင်ပင် မဖြေရှင်းနိုင်သည့် ပဋိပက္ခများ ရှိနေသည်။

ပေါ့ပေါ့ပါးပါး အသတ်ခံလိုက်ရသည့် အထက်ဘုံ ကျင့်ကြံသူများ ထိုက်ရွှီမြင့်မြတ်နယ်မြေ၏ ကုယွမ်တို့ အဖမ်းခံရမှု ယခုမှသိလိုက်ရသော မဟာဧကရာဇ်ချန်ရှန်း အသတ်ခံရမှုများ။

အစောက စားစရာလာပို့သွားသည့် အဘိုးကြီး အပါအဝင် အားလုံးသည် အထက်ဘုံတွင် မိုးကို ရွာစေ လေကိုတိုက်စေနိုင်သော နယ်မြေတစ်ခုကို ဖိနှိပ်ထားနိုင်သော မဟာဧကရာဇ်များဖြစ်ကြသည်။

သူတို့မှာ သူမ ဘယ်လိုမှ မပြိုင်ဆိုင်နိုင်သော သူများဖြစ်သည်။ သူတို့နှင့် ပတ်သက်မိသည်နှင့် သူမ၏ကံကြမ္မာမှာ သူတို့၏ လက်ထဲသို့ ရောက်သွားပြီး ရုပ်သေးရုပ် တစ်ခုသာ ဖြစ်သွားပေလိမ့်မည်။

ချူနင်ရှိနေသောကြောင့်သာ သူမသည် စိတ်အေးလက်အေးဖြင့် သူမ၏အလုပ်များကို လုပ်နိုင်ခြင်းဖြစ်ပြီး ချူနင်၏ ထောက်ပံ့မှုနှင့် လေးစားမှုကို ရရှိနေခြင်း ဖြစ်သည်။

ချူနင်သည် သူမလုပ်ချင်ရာကို ဘယ်သောအခါမှ ဝင်မစွက်ဖက်သလို သူမ၏ ဘဝလမ်းကြောင်းကိုလည်း ကြိုတင်မသတ်မှတ်ထားပေ။ ဤလွတ်လပ်မှုသည် အလွန်ပင် ရှားပါးလှသည်။

ခွေးအချင်းချင်း ကိုက်နေကြသည့် ဤကမ္ဘာလောကတွင် ဤကဲ့သို့ ရရှိရန်မှာ မဖြစ်နိုင်သလောက်ပင်။ သို့သော် ယခုမူ သူမ၏ ရှေ့က ခင်ပွန်းဖြစ်သူကြောင့် သူမ ဤအရာအားလုံးကို ပိုင်ဆိုင်နေရပြီ ဖြစ်သည်။

ရဲ့ချန်းလျန်၏ မျက်လုံးများမှာ အိမ်မက်မက်နေသကဲ့သို့ ငေးမောနေမိသည်။ ချူနင်၏ ရင်ခွင်ထဲတွင် စကားသံလေးများ ထွက်ကာ လက်ကလေးများ ဝှေ့ယမ်းနေသော သမီးငယ်လေးကို ကြည့်ရင်း သူမဘာပြောရမှန်း မသိတော့ပေ။

ချူနင်၏ အစွမ်းကိုအံ့သြရမလား သူမအံ့သြခဲ့ပြီးပြီ။ သူတို့ကို လွတ်လပ်စွာ နေထိုင်ခွင့်ပေးခဲ့သည့်အတွက် ကျေးဇူးတင်ရမလား ထိုစကားများမှာ ယခုအချိန်တွင် ခံစားချက်ကို ဖော်ပြရန် လုံလောက်မည် မဟုတ်ပေ။

"ယောင်ယောင် ဗိုက်ဆာနေပြီလား"

အချိန်အတော်ကြာမှ ရဲ့ချန်းလျန် ပြုံးလျက် မေးလိုက်သည်။

"မဟုတ်ဘူး ဒီနေ့ သူငါ့ကိုဖေဖေလို့ ခေါ်တယ်လေ။ ဒါကြောင့် မင်းကိုပြဖို့ ခေါ်လာတာ"

တကယ်လား ကလေးတွေက ၈ လ ၉ လလောက်မှ စခေါ်တတ်တာ မဟုတ်ဘူးလား ရှင်ပဲပြောတော့ မွေးရာပါသူ​ေတာ်စင်ခန္ဓာကိုယ် ရှိရင်တောင် တစ်လလောက် ကြာမယ်ဆို။

ဒါပေမဲ့ သူတကယ် ခေါ်လိုက်တာ ကြည့်စမ်း ယောင်ယောင် ဖေဖေလို့ ခေါ်လိုက်ပါဦး။

ယောင်ယောင်က စိတ်လှုပ်ရှားစွာဖြင့် လက်ကလေးများကို ဝှေ့ယမ်းလိုက်သည် "ဟီးဟီး  ဖေဖေ"

ရဲ့ချန်းလျန် မှင်တက်သွားပြီး မျက်ရည်များ ဝဲလာတော့သည်။ သူမရှေ့က ချူနင်နှင့် ယောင်ယောင်ကို ကြည့်ရင်း ခံစားချက်များ ပြည့်လျှံလာသည်။

"ဘာဖြစ်လို့ ရုတ်တရက်ကြီးလဲ"

"မျက်လုံးထဲ ဖုန်ဝင်သွားလို့ပါ"

ရဲ့ချန်းလျန်က မျက်ရည်များကို သုတ်ကာ ပြုံးလျက် ရှေ့သို့တိုးပြီး ယောင်ယောင်၏ ခေါင်းကို ပုတ်ပေးလိုက်သည်။

အခုဖေဖေလို့ ခေါ်တတ်ပြီဆိုတော့ မေမေလို့လည်း ခေါ်ရမယ်လေ။ လာပါ မေမေ့ကို ခေါ်ပါဦး မေမေ လို့

"ဟေ့"

ရဲ့ချန်းလျန်၏ ကျေးဇူးတင်စိတ်များမှာ ချက်ချင်း ပျောက်ကွယ်သွားပြီး လက်သီးကို ကျစ်ကျစ်ပါအောင် ဆုပ်လိုက်မိသည်။

"ဒါ ရှင်သင်ပေးထားတာ မဟုတ်လား"

ယောင်ယောင်က ငါနဲ့ပိုရင်းနှီးလို့နေမှာပါ။ အရင်က မူမူလည်း ဒီလိုပဲ လုပ်ခဲ့တာပဲလေ။ လာ မူမူဆီ သွားကြမယ် သူလည်း ငါ့ကိုခေါ်နိုင်ဦးမယ် ထင်တယ်။

နင်တို့တွေက ငါနဲ့ တစ်စက်ကလေးမှ မရင်းနှီးကြဘူး ငါကနို့တိုက်ပေးရတဲ့သူသက်သက်ပဲ မဟုတ်လား။

နို့တိုက်ဟူသော စကားလုံးကို ကြားသည်နှင့် ယောင်ယောင်က ရဲ့ချန်းလျန်ထံသို့ လက်ကလေးများ ချက်ချင်း ဆန့်လိုက်သည်။

"စားမယ်... စားမယ်"

ယဲ့ချန်းလျန်၏ မျက်နှာမှာ ဒေါသနှင့် ဝမ်းနည်းမှုတို့ ရောပြွမ်းနေတော့သည်။

"တွေ့လား ချူနင် ကြည့်စမ်း"

ချူနင်လည်း ခေါင်းကို ကုတ်နေမိသည်။ ဒါကတော့ ရှင်းပြရ တကယ်ခက်တာပဲ။