အခန်း ၁၂၄ ဧကရာဇ် မြန်မြန်ပြေးတော့

ဟန်ထျန်း၏ကျင့်ကြံခြင်းမှာ အမှန်တကယ်ပင် ပြန်လည်ပွင့်လန်းလာခဲ့သည်။ ကောင်းကင်တာအို၏ ဖိအားများ ပျောက်ကွယ်သွားပြီးနောက် သူ၏ကျင့်ကြံခြင်းမှာ ဧကရာဇ်လောင်းလျာအဆင့် ၈၁ ၏ အထွတ်အထိပ်သို့ ပြန်ရောက်သွားသည်။

ဤသည်မှာ မဟာဧကရာဇ်အောက်တွင် အားအကောင်းဆုံး တိုက်ခိုက်ရေးစွမ်းပကားပင် ဖြစ်သည်။ သို့သော် သူ၏စိတ်ထဲတွင်မူ ငြိမ်းချမ်းမှုမရှိဘဲ ပို၍ပင်ထိတ်လန့်လာခဲ့သည်။

အဘယ်ကြောင့်ဆိုသော် ယခုအချိန်အထိ သူသည် ချူနင်၏ ကျင့်ကြံခြင်းကို လုံးဝ ထိုးဖောက်မမြင်နိုင်သေးခြင်းကြောင့်ပင်။

ဧကရာဇ်လောင်းလျာကို အပိုင်းပိုင်းဖြတ်နိုင်သည့် တည်ရှိမှုမျိုးသည် ကျင့်ကြံခြင်းမရှိဘဲ မနေနိုင်ပေ။ ထိုသို့ဆိုလျှင် ဤလူ၏ အစွမ်းမှာ ဧကရာဇ်လောင်းလျာထက်မက မဟာဧကရာဇ်ထက်ပင် အများကြီး သာလွန်နေသည်ဟု ဆိုလိုခြင်း ဖြစ်သည်။

မဟုတ်လျှင် သူကမဟာဧကရာဇ် ချန်ရှန်းကို လာခိုင်းပါဟု မည်သို့ ပြောရဲပါမည်နည်း။ သူသည် မဟာဧကရာဇ်ကို လုံးဝ ကြောက်ရွံ့ခြင်း မရှိပေ။ ဤနယ်ပယ်ကို ပေးထားသည့် ကောင်းကင်တာအို ကောင်းချီးမှာလည်း ဤလူ့ထံမှ ဖြစ်ရမည်။

"စီနီယာ ဒါကနားလည်မှု လွဲတာပါ"

"နားလည်မှု လွဲတာ"

"ဘယ်မှာမှ နားလည်မှုလွဲတာမရှိဘူး။"

ကျွန်တော်တို့ စီနီယာရဲ့ဇနီးကို ထိပါးဖို့ ရည်ရွယ်ချက်မရှိပါဘူး စီနီယာရဲ့ကလေးကိုလည်း တပည့်အဖြစ် လက်ခံချင်ယုံသက်သက်ပါ။

ချူနင်၏ မျက်နှာအမူအရာမှာ ချက်ချင်းပြောင်းလဲသွားပြီး ဟန်ထျန်း၏ ခေါင်းကို ဆုပ်ကိုင်လိုက်သည်။

"မင်း ငါပြောတဲ့ စကားတစ်ခွန်းကိုမှ နားမထောင်ဘူးပဲ"

"ငါပြောသမျှက အလကားအပိုစကားတွေလို့ မင်းထင်နေတာလား"

မင်းကို ရွေးချယ်စရာ နှစ်ခု ပေးမယ်။တစ်ခုက မင်းရဲ့ မဟာဧကရာဇ်ချန်ရှန်းကို ဒီကိုခေါ်လိုက် ငါ သူ့ရှေ့မှာ မင်းကို သတ်ပြမယ်။ ဒါမှမဟုတ် အခုပဲ မင်းကို သတ်လိုက်ရမလား။

ဝုန်း

ဟန်ထျန်း၏ ဦးနှောက်မှာ ခဏချင်း ဗလာဖြစ်သွားသည်။ ထွက်ပြေးရန်မှာလည်း လုံးဝ မဖြစ်နိုင်ပေ။ ဤလူသည် ဧကရာဇ်လောင်းလျာအောက် ကျင့်ကြံသူအားလုံးကို ဖိနှိပ်နိုင်ရုံတင်မက မဟာဧကရာဇ်ကိုပင် ဖိနှိပ်နိုင်လိမ့်မည်။ 

သူ ဘယ်ကို ပြေးနိုင်ပါမည်နည်း။ ယနေ့ သူသေရမည်မှာ သေချာနေပြီ။ မဟာဧကရာဇ်ကို ခေါ်ခြင်းကသာ မျှော်လင့်ချက် အနည်းငယ် ရှိနိုင်ပေမည်။

တစ်ချိန်တည်းမှာပင် ချူနင်သည် အရာအားလုံးကို အေးစက်သော မျက်နှာထားဖြင့် ကြည့်နေသည်။

အကယ်၍သူ၏ ကျင့်ကြံခြင်းသာ နိမ့်ပါးနေပါက သူသည် ရဲ့ချန်းလျန်နှင့် သမီးတော်နှစ်ပါးကို ကာကွယ်နိုင်မည် မဟုတ်ပေ။

အကယ်၍ သူ၏ကျင့်ကြံခြင်းက အရင်လာသောကျင့်ကြံသူ သုံးဦးထက် မြင့်သော်လည်း ဤလူများထက် နိမ့်နေပါက သူသည် ဤလူများ၏ လက်ချက်ဖြင့် သေဆုံးရမည် ဖြစ်ပြီး မိသားစုကို ကာကွယ်နိုင်မည် မဟုတ်ပေ။ 

အကယ်၍ သူ၏ကျင့်ကြံခြင်းက ထိုမဟာဧကရာဇ်ထက် မသာလွန်ပါက သူသည်ဤလူများကို သတ်ရဲမည် မဟုတ်ဘဲ ဇနီးနှင့် သားသမီးများကို ကာကွယ်နိုင်မည်မဟုတ်ပေ။

သို့သော် သူ၏ကျင့်ကြံခြင်းမှာ သူတို့စိတ်ကူးနိုင်သည့် မည်သည့် နောက်ခံထက်မဆို ပို၍ မြင့်မားနေသည်။ ချူနင်သည် မည်သည့် အကျိုးဆက်ကိုမှ ထည့်တွက်စရာမလိုဘဲ လွတ်လပ်စွာ လုပ်ဆောင်နိုင်သည်။

မင်းတို့ သုံးယောက် လာတုန်းက ငါမင်းတို့ရဲ့မျိုးနွယ်ကို မဖျက်ဆီးခဲ့တာက ငါအချိန်မပေးချင်လို့ပဲ။ အေးအေးဆေးဆေး နေချင်ရင်ရိုးရိုးသားသားနေ ဒါပေမဲ့ မင်းတို့က ထပ်ရောက်လာပြန်ပြီ မကျေနပ်လို့ နောက်ခံအင်အားတွေ ခေါ်လာတာပေါ့ ဒါဆိုရင်တော့ မင်းတို့ အညံ့ခံတဲ့အထိ ငါ ရိုက်ရမှာပေါ့။

ရိုက်နှက်ပြီးသည့်တိုင် သူတို့ မကျေနပ်ဘဲ မဟာဧကရာဇ်ကို ထုတ်သုံးလာကြသေးသည်။

ဒါဆိုလည်း မင်းတို့ရဲ့ မဟာဧကရာဇ် ချန်ရှန်းကို လာခိုင်းလိုက်စမ်း။ မင်းတို့ အညံ့ခံမလား မခံဘူးလား ကြည့်ကြတာပေါ့။

သူသည် ထိုနေရာရှိ အထက်ဘုံကျင့်ကြံသူ အားလုံးကိုဖမ်းချုပ်ကာ ကောင်းကင်ပေါ်သို့ ပျံတက်လိုက်သည်။ လူအများအပြားမှာ ကောင်းကင်ထက်တွင် ဓားစာခံဖြစ်နေကြပြီး ထိတ်လန့်တကြား အော်ဟစ်နေကြသည်။

"ဟန်ထျန်း မြန်မြန် မဟာဧကရာဇ်ကို ခေါ်လိုက်"

"မဟာဧကရာဇ်ကိုခေါ်ပါ မဟာဧကရာဇ် တစ်ယောက်ပဲငါတို့ကို ကယ်နိုင်မှာ"

သို့သော် ယခုအချိန်တွင် ဟန်ထျန်းမှာ ချူနင်၏ ကျင့်ကြံခြင်း မည်မျှမြင့်သည်ကို ရှင်းရှင်းလင်းလင်း သိသွားပြီ ဖြစ်သည်။ မဟာဧကရာဇ် ချန်ရှန်းကိုပင် မကြောက်သည့်သူမှာ လွန်ခဲ့သော နှစ်ဝက်ခန့်က အထက်ဘုံတွင် ပါရမီရှင်များကို လိုက်လံသတ်ဖြတ်ခဲ့သည့် လျှို့ဝှက်ကျင့်ကြံသူဖြစ်ရမည်။

ထိုသူမှာ မဟာဧကရာဇ် ချန်ရှန်းပင်လျှင် ယှဉ်နိုင်ရန် မျှော်လင့်ချက်မရှိသော တည်ရှိမှုမျိုး ဖြစ်သည်။

"မဟာဧကရာဇ်ကျွန်တော် ဟန်ထျန်းပါ"

"အောက်ဘုံကို လုံးဝ မလာပါနဲ့ ကျွန်တော်တို့ကို လာမကယ်ပါနဲ့"

အဲဒီလူရဲ့ ကျင့်ကြံခြင်းက အရမ်းမြင့်လွန်းတယ် ဧကရာဇ်လာရင် သေချာပေါက် အသက်ဆုံးရှုံးရပါလိမ့်မယ် ထိုစကားကို ကြားသောအခါ ကျင့်ကြံသူ အမြောက်အမြားမှာ မျှော်လင့်ချက်မဲ့သွားကြသည်။

"ဟန်ထျန်း မင်းရူးနေတာလား"

"မဟာဧကရာဇ် မလာရင် ဒီလူကို ဘယ်သူကယှဉ်မှာလဲ"

ငါဒီမှာမသေချင်ဘူး ဒါတွေ အားလုံးကမင်းကြောင့်ပဲ ဟန်ထျန်းက စကားပြောပြီးနောက် ချူနင်ကို ကြည့်ကာ အကျယ်ကြီး ရယ်မောလိုက်သည်။

ဟားဟားဟား မင်းငါတို့ရဲ့ မဟာဧကရာဇ်ကို သတ်ချင်တာလား ငါအဲဒီအခွင့်အရေးကို လုံးဝ ပေးမှာမဟုတ်ဘူး။

သတ်ချင်ရင် သတ်လိုက်တော့ မင်းငါတို့ကိုသတ်ရင်တောင် မဟာဧကရာဇ်မှာ ငါတို့ကို ပြန်ရှင်အောင်လုပ်မယ့် နည်းလမ်းတွေ ရှိသေးတယ်။

မကြာခင်မှာ မဟာဧကရာဇ်က အဲဒီနယ်ပယ်ကို ဖောက်ထွက်ပြီး မင်းရဲ့မာနတွေကို ချိုးနှိမ်ဖို့ လာလိမ့်မယ် ချူနင်က အနည်းငယ် ပြုံးလိုက်သည်။ သူ မလာဘူးလို့ မင်းပြောတိုင်း မလာဘဲ နေမှာတဲ့လား။

မဟာဧကရာဇ်ချန်ရှန်း အကြောင်းကို သူကြားဖူးသည်။ ဟင်းလင်းပြင်မဟာဧကရာဇ် စုတုန့်ဖန်းက တစ်ခါက ပြောပြဖူးသည်။ ဤလူမှာ ကြီးမားသော ရည်မှန်းချက်ရှိပြီး အစွမ်းမှာလည်း အခြားမဟာဧကရာဇ်များထက် များစွာ သာလွန်ကာ ဓားမဟာဧကရာဇ် နှင့် အဆင့်တူသည်။

သူသည် ဓားဧကရာဇ်၏အလှကို လိုချင်ခဲ့သော်လည်း မရရှိခဲ့သဖြင့် သတ်ချင်စိတ် ပေါ်ပေါက်လာကာ အခြား မဟာဧကရာဇ် ခုနစ်ပါးနှင့် ပူးပေါင်း၍ ဓားဧကရာဇ်ကို လုပ်ကြံခဲ့သူဖြစ်သည်။

ထိုကဲ့သို့သော လူမျိုးက ဘာကိုကြောက်မည်နည်း။ ချူနက်ကဲ့သို့ပင် ဤကျင့်ကြံခြင်း အဆင့်တွင် သူသည် မည်သည့် တည်ရှိမှုကိုမှ ကြောက်ရွံ့မည် မဟုတ်ပေ။

မျှော်လင့်ထားသည့်အတိုင်းပင်။

မှောင်မိုက်နေသော ကောင်းကင်ကြီးမှာ တောက်ပသော အလင်းတန်းများဖြင့် ရုတ်တရက် လင်းထိန်သွားသည်။ တစ်လောကလုံးရှိ နေနှင့်လတို့မှာ ခန့်ညားသော အမျိုးသားတစ်ဦး၏ ပုခုံးပေါ်သို့ ရောက်ရှိလာသကဲ့သို့ပင်။ 

သူသည် ဝတ်ရုံဖြူကို ဝတ်ဆင်ထားပြီး နတ်ဘုရားတစ်ပါးကဲ့သို့ အရှိန်အဝါ ရှိသော်လည်း သူ၏မျက်နှာမှာမူ အလွန် ကြမ်းတမ်းခက်ထန်နေသည်။ မင်း တကယ်ကို သတ္တိရှိတာပဲ။

ဟင်းလင်းပြင်ကြီးမှာ ချက်ချင်းပင် အစိတ်စိတ်အမွှာမွှာ ဖြစ်သွားသော်လည်း ဤကမ္ဘာလောကမှာမူ တည်ငြိမ်နေဆဲ ဖြစ်သည်။

ခြေတစ်လှမ်းလှမ်းတိုင်း ကြာပန်းတစ်ပွင့် ပွင့်လာပြီး နတ်ဘုရားတေးသံများ ပဲ့တင်ထပ်ကာ ကျင့်ကြံခြင်းစွမ်းအားဖြင့် ဖွဲ့စည်းထားသော နတ်မင်းများက သူ့ကိုဝန်းရံထားကြသည်။ ဤသည်မှာ နတ်ဘုရားတို့၏ဖြစ်စဉ်ပင် ဖြစ်သည်။

မဟာဧကရာဇ်ချန်ရှန်း။

သူထိန်းချုပ်ထားသော နိယာမမှာ ချန်ရှန်း(ထာဝရရှင်သန်ခြင်း) ဖြစ်သောကြောင့် ကမ္ဘာကြီး ပျက်စီးသည့် သံသရာပေါင်းများစွာကို သူကျော်လွှားနိုင်ခဲ့ပြီး သူ၏အင်ပါယာကို ပြန်လည် ထူထောင်နိုင်ခဲ့ခြင်း ဖြစ်သည်။

သူ၏ရုပ်သွင်မှာ နုပျိုနေသော်လည်း သူ၏ သက်တမ်းမှာမူ အသက်ကြီးဆုံး မဟာဧကရာဇ်များထက်ပင် အဆပေါင်းများစွာ ပို၍ ရှည်ကြာလှသည်။ ကျွင်းရှဲ့ သည် ဖမ်းဆီးခံထားရသော သူ၏ တပည့်များကို ကြည့်ကာ မျက်နှာ ပျက်ယွင်းနေသည်။

ထိုလူများသည် သူ၏မျက်စိထဲတွင် ခွေးများသဖွယ် ဖြစ်သော်လည်း ခွေးကို ရိုက်လျှင်ပင် ခွေးပိုင်ရှင်ကို ကြည့်ရမည် မဟုတ်ပါလား။ လောကရှိမဟာဧကရာဇ် အားလုံးမှာချန်ရှန်း၏ နာမည်ကို ကြားရုံနှင့် မျက်နှာပျက်ကြရသည်။

ယခု သူ၏ အစွမ်းမှာ အခြား မဟာဧကရာဇ် မည်သူ့ကိုမဆို တစ်ယောက်ချင်း ယှဉ်ပြိုင်လျှင် အလွယ်တကူ အနိုင်ရနိုင်သည့် အနေအထား ဖြစ်သည်။ ဤလူက သူ့ကို ဤမျှအထိ အလေးမထားရဲသလော။

ချူနင်က ကောင်းကင်ပေါ်က ပုံရိပ်ကိုကြည့်ကာ ပြုံးလိုက်ပြီး ဟန်ထျန်း၏ ခေါင်းကို ဆွဲဖြုတ်လိုက်သည်။

သူတို့ပြောတာတော့ မင်းလာရင် သူတို့ကို ကာကွယ်ပေးနိုင်မယ် ဆိုလားပဲ။

"မိုက်ရူးရဲဆန်လှချေလား"

ကျွင်းရှဲ့က ဟိန်းဟောက်လိုက်ရာ မဟာဧကရာဇ်၏ နယ်ပယ်သည် တစ်လောကလုံးကို ချက်ချင်း ဖုံးလွှမ်းသွားတော့သည်။ အဆုံးမဲ့ကမ္ဘာဖျက်နိယာမသည် စကြဝဠာနှင့် ကောင်းကင်မြေကြီး၏ မူလအစကို အစိတ်စိတ်အမွှာမွှာ ဖြစ်စေသည်။

သူသည် လာသည့်လမ်းတွင် အရာအားလုံးကို တွက်ချက်ခဲ့သော်လည်း တာချန်းအင်ပါယာမှ မည်သူက ဤကိစ္စကို လုပ်ဆောင်ခဲ့သည်ကိုမူ တွက်ချက်၍ မရခဲ့ပေ။

သူ၏လူများကို သတ်ရုံတင်မက သူ့ကိုပါလာခိုင်းရဲသည့်သူမှာ အလွန် မာနကြီးသည့်သူ ဖြစ်ရမည်။ ယခု တွေ့လိုက်ရသောအခါတွင်လည်း အမှန်တကယ်ပင် မာနကြီးသည့် လူငယ်တစ်ဦးသာ ဖြစ်သည်။

ဒေါသအရှိန် ပြင်းထန်နေသော ကျွင်းရှဲ့သည် ယခုအချိန်တွင် ဘယ်သူ့ကိုမှဂရုမစိုက်တော့ပေ။ ချူနင်၏ လူများရော သူ၏ကိုယ်ပိုင်လူများကိုပါ သူဂရုမစိုက်တော့ မဟာဧကရာဇ်တစ်ပါးကို စော်ကား၍ မရပေ။ မင်းရဲ့လုပ်ရပ်က ထိပ်တန်းမဟာဧကရာဇ်တစ်ပါး၏ ဒေါသကို ဆွပေးလိုက်ပြီ ဖြစ်သည်။

ထာဝရစိမ်းလန်းခြင်း နိယာမက ကောင်းကင်နှင့် မြေကြီးကို လည်ပတ်စေကာ ခေတ်အဆက်ဆက်မှ ရန်သူအားလုံးကို ဖိနှိပ်ပစ်သည်။

ကမ္ဘာကြီးမှာ ချက်ချင်း ကျုံ့သွားပြီး ကျွင်းရှဲ့သည် နတ်ဘုရားတစ်ပါးကဲ့သို့ ကျုံ့သွားသော ထျန်းရွှမ်းတိုက်ကြီးကို လက်ထဲတွင် ကိုင်ထားကာ ရုတ်တရက် ချေမွပစ်လိုက်သည်။ သူ၏ မျက်နှာတွင် ရူးသွပ်နေသော အမူအရာများ ပေါ်လာသည်။

"မင်းက မဟာဧကရာဇ် ဖြစ်နေရင်တောင်"

"မင်းရဲ့ ကျင့်ကြံခြင်းက ဘယ်လောက်ပဲ မြင့်နေပါစေ"

"ဒီဧကရာဇ်ထက် မြင့်နိုင်ပါ့မလား"

"ငါ့ကိုဒီလောက် အလေးမထားတဲ့အတွက် ဒါက မင်းရဲ့နောက်ဆုံးပဲ"

သူသည် လက်ကို မြှောက်ကာ ကမ္ဘာကြီးကို ဖျက်ဆီးပစ်လိုက်သည်။ ကောင်းကင်နှင့် မြေကြီးမှာ သူ၏ လက်ထဲတွင် ခဏတာ အရာဝတ္ထုများသဖွယ် ဖြစ်သွားသည်။

ကမ္ဘာလောကအတွင်းရှိ သက်ရှိအားလုံးမှာ လုံးဝ ချေမှုန်းခံလိုက်ရပြီး ခန္ဓာကိုယ်ပြန်လည် တည်ဆောက်ရန် သို့မဟုတ် ဝိညာဉ် ကူးပြောင်းရန် အခွင့်အရေးပင် မရှိတော့ပေ။ ဘယ်သူလာလာ သေရမည်မှာ သေချာသည်။

မဟာဧကရာဇ်ဖြစ်လျှင်ပင် ကျင့်ကြံခြင်း အားလုံးကို စွန့်လွှတ်ရမည် ဖြစ်သည်။

"ဟားဟားဟားဟား"

အတိုင်းအဆမဲ့သော ဟန်ချက်မဲ့ ဟင်းလင်းပြင်သည် ပျက်စီးသွားသော ကမ္ဘာကြီး၏ မူလပုံစံပင် ဖြစ်သည်။ သူသည် ရဲရင့်သော အသံဖြင့် ရူးသွပ်စွာ ရယ်မောနေသည်။

"ဒီဧကရာဇ်က ဘယ်လိုလူများလဲလို့ ဒီလောက် လွယ်လွယ်နဲ့ ရှုံးသွားတာလား"

"အပေါ်ကို မော့ကြည့်လိုက်ပါဦး"

သူ ရုတ်တရက် တောင့်တင်းသွားပြီး အံ့သြတုန်လှုပ်သော မျက်နှာထားဖြင့် ခေါင်းမော့ကြည့်လိုက်သည်။

ဟင်းလင်းပြင်၊ အတိုင်းအဆမဲ့ အထက်ဘုံ၊ အဆုံးမဲ့ ကောင်းကင်ဘုံများ။

သူသည် တစ်လွှာချင်းစီကို အဆင့်ဆင့် ကြည့်ရှုရင်း နောက်ဆုံးတွင် ထိုပုံရိပ်သည် မည်မျှ ခန့်ညားကြီးကျယ်သည်ကို မြင်လိုက်ရတော့သည်။

သူက အောက်ဘုံတစ်ခုကို လက်ထဲမှာ ကိုင်ထားနိုင်သော်လည်း သူ့ရှေ့က လူကတော့ အဆုံးမဲ့ ကောင်းကင်ဘုံ တစ်ခုလုံးကို လက်ထဲတွင် ကိုင်ထားနိုင်သည်။ ထိုစဉ် ထိုလက်ကြီးများက ရုတ်တရက် ဆုပ်ကိုင်လိုက်သည်။

ကောင်းကင်နှင့် မြေကြီးမှာ အစိတ်စိတ်အမွှာမွှာဖြစ်သွားသော်လည်း ဤကမ္ဘာလောကကြီးမှာမူ ဘာမှ ထိခိုက်မှု မရှိပေ။ ပျက်စီးသွားသည်မှာ ထိတ်လန့်တုန်လှုပ်နေသော ထိုတည်ရှိမှု (ကျွင်းရှဲ့) သာ ဖြစ်သည်။

ခန္ဓာကိုယ် မဟာဧကရာဇ်ကျင့်ကြံခြင်း ဝိညာဉ်အားလုံးမှာ အစိတ်စိတ်အမွှာမွှာ ဖြစ်သွားခဲ့သည်။ သို့သော် တစ်လောကလုံးမှာမူ ယခင်ကကဲ့သို့ပင် တိတ်ဆိတ်ငြိမ်သက်နေဆဲ ဖြစ်သည်။

အထက်ဘုံတွင်သာ ကောင်းကင်နှင့် မြေကြီးက ငိုကြွေးမြည်တမ်းနေကြသည်။ မဟာဧကရာဇ်တစ်ပါး ကျဆုံးသွားပြီဖြစ်ရာ တစ်လောကလုံး ဝမ်းနည်းပူဆွေးနေကြပြီး အထက်ဘုံကြီးမှာလည်း တုန်ခါနေတော့သည်။