အခန်း ၁၂၃ မင်းတို့ဧကရာဇ်ကိုခေါ်လိုက်စမ်း

ညမှောင်ရီ ပျိုးလာသည်နှင့်အမျှ တာချန်းအင်ပါယာ နန်းတော်တစ်ခုလုံး မှောင်မိုက်ခြင်းထဲတွင် နစ်မြုပ်နေသည်။

ချူနင်သည် ထိုပြဿနာများကို တကယ်တမ်း စိုးရိမ်နေခြင်း မဟုတ်ပါ။ သို့သော် သူတို့ကို တစ်ခုခု လုပ်စရာ ပေးထားခြင်းကလည်း ကောင်းသည် မဟုတ်ပါလား။

လူဆိုသည်မှာ မိမိကိုယ်ကို အသုံးမဝင်တော့မည်ကို အမြဲကြောက်ရွံ့တတ်ကြသည်။ သူ၏ဇနီး ချန်းလျန်သည်လည်း ထိုသို့ပင်ဖြစ်ပြီး အခြားသူများမှာလည်း ထပ်တူပင်။

ဖန့်ဟောက်ရန်သည် အစောပိုင်းနှစ်များက နန်းတွင်းပညာရှိတစ်ဦးအနေဖြင့် အလွန်အဖိုးတန်ခဲ့ပြီး အင်ပါယာ၏ ဝှက်ဖဲတစ်ခု ဖြစ်ခဲ့သည်။ သို့သော် ချူနင်ရောက်လာပြီးနောက်တွင် သူသည် မလိုအပ်တော့သလို ဖြစ်သွားခဲ့သည်။

သူသည် ချူနင်နှင့် ပတ်သက်မှု အားမကောင်းသလို ယခင်ကလည်း အခြေအနေမှာ အနည်းငယ် အဆင်မပြေခဲ့ပေ။ ထို့ပြင် သူ့ပင်ကိုယ်စရိုက်အရလည်း ချူနင်ထံတွင် နှိမ့်ချကာ ဆုလာဘ်တောင်းခံရန် မဖြစ်နိုင်သဖြင့် နယ်စပ်သို့ တိုက်ရိုက်သွားကာ သူ၏တာဝန်ကို ထမ်းဆောင်နေခြင်း ဖြစ်သည်။

ထိုက်ရွှီမြင့်မြတ်နယ်မြေကလည်း လွန်ခဲ့သော အချိန်အနည်းငယ်က ချူနင်ကို သူတို့ များများစားစား မကူညီနိုင်သဖြင့် အလွန်ရှက်ရွံ့မိကြောင်း ပြောခဲ့ဖူးသည်။ ဒါဆိုရင်လည်း မင်းတို့ကို နည်းနည်းလောက် ကူညီခွင့်ပေးရမှာပေါ့။

ကျင့်ကြံခြင်းကို သာမန်လူအဆင့်အထိ လုံးဝဖိနှိပ်ထားရန် မဖြစ်နိုင်သော်လည်း ကျင့်ကြံခြင်း မြင့်မားလေလေ ဖိနှိပ်ခံရမှုက ပိုပြင်းထန်လေလေ ဖြစ်မည်မှာ သေချာသည်။ တခြားကိစ္စတွေကို မင်းတို့ပဲ ကိုင်တွယ်လိုက်ပါ။ 

ငါကတော့ ငါ့သမီးနဲ့ ငါ့မိန်းမကိုပဲ ကြည့်ရှုစောင့်ရှောက်မယ် ဒါက ပိုမကောင်းဘူးလား။ ယခုတော့ အရာအားလုံးက အဆင်ပြေပြေ ဖြစ်နေပြီဖြစ်သည်။

တာချန်းအင်ပါယာ၏ မြေအောက်ထောင်အတွင်း လုံးဝ အကျဉ်းချခံထားရသော ဟန်ထျန်းနှင့် အခြားသူများသည် အဆက်မပြတ် ကျိန်ဆဲနေကြသည်။ တောက် မင်းတို့က ငါတို့ရဲ့ကျင့်ကြံခြင်းကို ဖိနှိပ်ထားတာပဲ။ အထက်ဘုံကို လာရဲလား ဒီအဘိုးကြီးက မင်းကို အသေသတ်ပြမယ်။

ငါတို့ကို ဖမ်းထားလည်း ဘာလုပ်နိုင်မှာလဲ မဟာဧကရာဇ်က မကြာခင် သိသွားပြီး ငါတို့ကို လာကယ်မှာပဲ။ အဲဒီကျရင် မင်းတို့ရဲ့ နောက်ဆုံးနေ့ပဲ။

ငါတို့ရဲ့ ခန္ဓာကိုယ်တွေက သန်မာတယ် မင်းတို့ ငါတို့ကိုမသတ်နိုင်ဘူး ဟားဟားဟား သေဖို့သာ ပြင်ထားကြ မင်းတို့ရော မင်းတို့ အင်ပါယာရော ဒီအောက်ဘုံတစ်ခုလုံးပါ သေရမှာ ချူနင်၏ မျက်နှာအမူအရာမှာ ပြောင်းလဲခြင်းမရှိဘဲ ဂရုမစိုက်သလို ရှိနေသော်လည်း ဘေးမှ ကူယွမ်မှာမူ မျက်နှာ ပျက်ယွင်းနေသည်။

"ဧကရာဇ် ဒီအဘိုးကြီးက အရင်က အထက်ဘုံကလူတွေဆိုရင် အဆင့်အတန်းတစ်ခုခုရှိမယ်လို့ ထင်ခဲ့တာ။ အခုတော့ ကျွန်တော်တို့နဲ့ သိပ်မခြားနားပါလား။

သူတို့အားလုံးမှာ အထက်ဘုံမှ လူများဖြစ်ကြသော်လည်း အဖမ်းခံရပြီးနောက်တွင် ထောင့်ပိတ်မိနေသော ခွေးအိုများကဲ့သို့သာ ပြုမူနိုင်တော့သည်။ အဓိကမှာ သူတို့ လွတ်အောင် မပြေးနိုင်ခြင်းပင်။ ယခုအချိန်တွင် ကူယွမ်သည် ချူနင်၏ အစွမ်းကို ပို၍ သိသိသာသာ ခံစားနေရသည်။

ဤလူများသည် သာမန်လူများ မဟုတ်ကြပေ။ သို့သော် သူတို့အားလုံးမှာ ဧကရာဇ်၏ နယ်ပယ်ဖိနှိပ်မှုကြောင့် ယခုကဲ့သို့ အဖမ်းခံနေရခြင်း ဖြစ်သည်။ အကယ်၍ အထက်ဘုံမှာသာဆိုလျှင် ဤလူများသည် သူ့ကို လက်တစ်ဖက်တည်းနှင့် ချေမှုန်းနိုင်မည့်သူများ ဖြစ်မည်မှာ သေချာသည်။ သို့သော် ယခုမူ

ဒါက တကယ် စိတ်ဝင်စားဖို့ ကောင်းတာပဲ

ပုံမှန်ပါပဲ ကျင့်ကြံခြင်းမရှိရင် သူတို့ဘာလုပ်နိုင်မှာလဲ အခုမင်းတို့လက်ထဲ အဖမ်းခံထားရတော့ သူတို့ မကျေနပ်ကြတာပေါ့။ ချူနင်က စပ်စုသည့်လေသံဖြင့် မေးလိုက်သည်။ သူတို့ဆီက ဘာတွေ တွေ့သေးလဲ။

ကူယွမ်က အကျယ်ကြီး ရယ်မောလိုက်သည်။ ဟားဟားဟား ဧကရာဇ်ကိုတင်ပြရရင် ကျွန်တော်တို့ သူတို့ဆီက သိုလှောင်လက်စွပ်ရှစ်ရာကျော် တွေ့ပါတယ်။ ဒါပေမဲ့ ကျွန်တော်တို့ ဖွင့်လို့မရဘူး အထဲမှာတော့ ကောင်းကင်ဘုံ ရတနာတွေ အများကြီး ရှိနေမှာ သေချာတယ်။ ဒါတွေအားလုံးက တာချန်းအင်ပါယာရဲ့ အင်အားကို မြှင့်တင်ဖို့ သုံးလို့ရမှာပါ။

နတ်လက်နက်တွေ ကာကွယ်ရေး ဝတ်စုံတွေလည်း အများကြီးပဲ။ အားလုံးကို ချွတ်ယူထားလိုက်ပြီ တစ်ခုမှ မကျန်ဘူး။ ချူနင်က သိုလှောင်လက်စွပ်များကို ယူကာ စိတ်အာရုံဖြင့် စစ်ဆေးလိုက်ပြီးနောက် ရင်းမြစ်အမြောက်အမြားထဲမှ ဆယ်ပုံတစ်ပုံခန့်ကို ထုတ်ယူကာ သိုလှောင်လက်စွပ် အသစ်တစ်ခုထဲသို့ ထည့်လိုက်သည်။

ကျန်တဲ့ဟာတွေကလောလောဆယ် မင်းတို့အတွက် အသုံးမဝင်သေးဘူး အဲဒီဆေးစွမ်းတွေကို မင်းတို့ ခန္ဓာကိုယ်က တောင့်မခံနိုင်ဘူး။ ဒါပေမဲ့ အခုထုတ်ပေးထားတဲ့ ဒီပစ္စည်းတွေကတော့ အင်ပါယာက ကျင့်ကြံသူတွေ တိုးတက်ဖို့အတွက် သုံးလို့ရပါတယ်။

ချူနင်က သိုလှောင်လက်စွပ် တစ်ကွင်းကို ပေါ့ပေါ့ပါးပါး ပြန်ပေးလိုက်ပြီး ကျန်သည့် လက်စွပ်များကို သိမ်းထားလိုက်သည်။ ကူယွမ်အနေဖြင့်မူ ထိုအချက်ကို ကန့်ကွက်စရာ မရှိပေ။ 

ဧကရာဇ်ကြောင့်သာလျှင် ဤလူများကို ဖမ်းနိုင်ခဲ့ခြင်း မဟုတ်ပါလား ဧကရာဇ်သာ မရှိလျှင် ဤမျှများပြားသော ရင်းမြစ်များကို သူတို့ ရရှိနိုင်မည်လား။ ဒါဆိုဒီအဘိုးကြီးက ဒါတွေကိုနန်းတွင်းအကြံပေးအဖွဲဆီ လွှဲပေးလိုက်ပါ့မယ်။ ဘယ်လို ခွဲဝေမလဲဆိုတာကိုတော့ အဖွဲ့ကပဲ ဆုံးဖြတ်ပါလိမ့်မယ်။

"အင်း... ကောင်းပြီ"

နန်းတွင်းအကြံပေးအဖွဲ့ဆီ ရောက်သွားလျှင် အင်ပါယာ၏ လက်ရှိစည်းမျဉ်းများအတိုင်း ခွဲဝေမည်ဖြစ်သည်။ ထိုက်ရွှီမြင့်မြတ်နယ်မြေသည်လည်း အစောကတည်းက ပူးပေါင်းခဲ့သူဖြစ်ရာ သူတို့အတွက် ရရှိမည့် ဝေစုမှာ လက်ရှိရင်းမြစ်များထက် အဆပေါင်းများစွာ ပိုကောင်းမည်မှာ သေချာသည်။

သူတို့ တိုက်ပွဲဝင် ရလဒ်များကို ခွဲဝေနေစဉ် အကျဉ်းချခံထားရသော အဘိုးကြီးတစ်ဦးက ရုတ်တရက် စကားပြောလာသည်။ မင်းက အဲဒီဧကရာဇ်ပေါ့!ဒီအဘိုးကြီးက ဘယ်သူလဲဆိုတာ မင်းသိလား။ ချူနင်က မော့ကြည့်လိုက်ပြီး ပြုံးလျက် အရှေ့သို့ လျှောက်သွားသည်။

"မသိဘူး ဒါပေမဲ့ မင်းတို့ ဒီကိုလာတာ ကောင်းတဲ့ကိစ္စအတွက်တော့ မဟုတ်တာ သေချာတယ်။ ပြီးတော့ အရင်က လာသွားတဲ့ လူတွေကိုကြည့်ရင် မင်းတို့လည်း ဒီတစ်ခါ ငါတို့အသတ်ခံရဖို့ ရောက်လာတာပဲ ဖြစ်ရမယ်။ မင်းမှာ ငါ့ကို ဆွဲဆောင်နိုင်မယ့် အကြောင်းပြချက် မရှိဘူးလား ငါ စိတ်ကြည်နေရင် မင်းကို မြန်မြန်သေခွင့် ပေးမိမလားလို့လေ။

ချန်ရှန်း (ထာဝရရှင်သန်ခြင်း) အင်အားစုက လူတွေပေါ့လေ။ မာနကြီးတဲ့ အုပ်စုတစ်စု လာတယ် အသတ်ခံရတယ်။ ဒါကြောင့် အခုနောက်ထပ် အုပ်စုကြီးတစ်စု ထပ်ရောက်လာတာပဲ။

အမှန်အတိုင်း ပြောရလျှင် သူတို့က ဒီလောက်အထိ စိတ်အနှောင့်အယှက် ပေးနေမည်ဆိုလျှင် သူတို့ရဲ့ ခေါင်းဆောင်နှင့် စကားပြောရန် လိုအပ်လိမ့်မည်။

သူက ဒီလို အသေးအမွှားကိစ္စတွေမှာ အချိန်ကုန်ခံချင်သူ မဟုတ်ပေ။ သို့သော် ဤစိတ်အနှောင့်အယှက်ဖြစ်စရာများက ဆက်ရှိနေမည်ဆိုလျှင် သူ သည်းခံနိုင်တော့မည် မဟုတ်။

ဟန်ထျန်းက ချက်ချင်း မျက်စောင်းထိုးလိုက်သည်။

မင်းက ဒီအဘိုးကြီးကို သတ်မလို့လား ဒီမှာကြည့်စမ်း ငါ့ရဲ့ကျင့်ကြံခြင်းက မင်းတို့ ကောင်းကင်တာအိုကြောင့် ဖိနှိပ်ခံထားရပေမဲ့ ငါ့ရဲ့ခန္ဓာကိုယ်ကတော့ ရှိနေတုန်းပဲ။ မင်း ငါ့ကိုဘယ်လို သတ်မလဲ။ ချူနင်က မျက်လုံးကို အနည်းငယ် မှေးလိုက်ကာ ဟန်ထျန်းကို ကြည့်လိုက်သည်။

"မင်းက ခေါင်းဆောင်လား"

ဒီအဘိုးကြီးက အဆုံးမဲ့ နက်ပြာရောင် ကောင်းကင်နန်းတော်ရဲ့ နန်းဆောင်သခင်ပဲ ပြီးတော့ မဟာဧကရာဇ် ချန်ရှန်း ရဲ့ တပည့်ရင်းပဲ။ ချူနင်က ခေါင်းညိတ်လိုက်သည်။

ဒါဆို ဒီတစ်ယောက်ကိုတော့ လောလောဆယ် မသတ်သေးဘူး နောက်မှ သတ်မယ်။ သူက ကျင့်ကြံသူ တစ်ယောက်ကို ပေါ့ပေါ့ပါးပါး ဖမ်းဆွဲလိုက်ပြီး ကျင့်ကြံခြင်းကို စစ်ဆေးလိုက်သည်။ ဧကရာဇ်လောင်းလျာ အဆင့် ၅၄။

ဒီအဘိုးကြီးက အဆုံးမဲ့ နက်ပြာရောင် ကောင်းကင်နန်းတော်ရဲ့ ဒုတိယ နန်းဆောင်သခင်ပဲ မဟာဧကရာဇ် ချန်ရှန်းရဲ့ တပည့်ပဲ။

ချူနင်သည် ဟန်ထျန်းကို လက်မတင်ခြင်းမှာ မဟာဧကရာဇ်၏အရှိန်အဝါကြောင့် ဖြစ်မည်ဟု သူ ထင်နေသည်။ ယခုအချိန်တွင် မဟာဧကရာဇ်၏အမည်မှာ သူတို့အတွက် အသက်ကယ် လက်ဖွဲ့သဖွယ် ဖြစ်နေသည်။ ထို့ပြင် ဤလူသည် သူ့ကို နာကျင်အောင် လုပ်နိုင်မည် မဟုတ်ပေ။

သူတို့ အချည်ခံထားရသည်မှာပင် ကျင့်ကြံခြင်း မလုံလောက်၍ ခန္ဓာကိုယ်၏ ခွန်အားကို အပြည့်အဝ မသုံးနိုင်ခြင်းကြောင့်သာ ဖြစ်သည်။ မဟုတ်လျှင် သူတို့ လွတ်မြောက်နေသည်မှာ ကြာပြီဟု သူတို့ ထင်နေကြသည်။

ချူနင်၏ မျက်လုံးများ လင်းလက်သွားသည်။ ဒါဆို ဒီတစ်ယောက်ကို သတ်လို့ရပြီ။ မျောက်ကို ခြောက်ဖို့ ကြက်ကို သတ်ရမယ်ဆိုရင် နည်းနည်း အဆင့်ရှိတဲ့ ကြက်မျိုးတော့ လိုတာပေါ့။

ဟန်ထျန်းက ချူနင်နှင့် စည်းကမ်းချက်များ ညှိနှိုင်းရန် ပြင်လိုက်စဉ်မှာပင် သူ၏မျက်နှာမှာ ရုတ်တရက် ဖြူလျော့သွားတော့သည် ကျင့်ကြံသူအားလုံးမှာလည်း ပုရစ်ကလေးများလို ငြိမ်ကျသွားကြသည်။

သူတို့၏မျက်စိရှေ့တွင်ပင် ချူနင်သည် ဒုတိယနန်းဆောင်သခင်၏ ခေါင်းကို ပေါ့ပေါ့ပါးပါး ဆွဲဖြုတ်လိုက်သည်။

ဖူး

သွေးများ ပန်းထွက်လာကာ ချူနင်၏ မျက်နှာနှင့် အားလုံး၏ မျက်နှာပေါ်သို့ စင်ဟပ်ကုန်သည်။ ထိုစဉ် သွေးစွန်းနေသော မျက်နှာနှင့် ချူနင်က ပြုံးနေဆဲ ဖြစ်သော်လည်း ထိုအပြုံးမှာ အလွန်ပင် ထိတ်လန့်စရာ ကောင်းနေသည်။

ဘေးမှ ထိုက်ရွှီမြင့်မြတ်နယ်မြေကျင့်ကြံသူများမှာ မှင်တက်သွားကြပြီး သူတို့၏ကြောက်ရွံ့မှုကို အတင်းအကျပ် ထိန်းချုပ်ထားရကာ အသက်ပြင်းပြင်းပင် မရှူရဲကြတော့ပေ။ ချူနင်က ပြတ်သွားသော ခေါင်းကို ကိုင်ထားကာ ကိုယ်ထည်ကို ပစ်ချလိုက်ပြီးနောက် ခေါင်းကို ဟန်ထျန်း၏ ရှေ့တွင်ချလိုက်သည်။

ထိုစဉ် သတိမေ့မြောနေသော ထိုခေါင်းက ရုတ်တရက် စကားပြောလာသည်။ ငါအရမ်း သနားစရာကောင်းအောင် သေခဲ့ရတယ်။

"ကယ်ပါ ကယ်ကြပါဦး"

လောကအတွေ့အကြုံ များလှသော ဟန်ထျန်းပင်လျှင် ယခုမူစိတ်ဓာတ်များ ပြိုလဲလုနီးပါး ထိတ်လန့်သွားတော့သည်။ ထိုစကားကို ချူင်က ပြောနေခြင်း ဖြစ်သည်ကိုပင် သူ သတိမပြုမိတော့ပေ။ 

အဘယ်ကြောင့်ဆိုသော် ဘယ်သူပြောသည်ဆိုသည်မှာ အရေးမကြီးတော့ဘဲ သူ့ရှေ့က ပုဂ္ဂိုလ်သည် ဧကရာဇ်လောင်းလျာအဆင့် ၅၄ ရှိသူကို အလွယ်တကူ သတ်နိုင်သလို သူ့ကိုလည်း အလွယ်တကူ သတ်နိုင်သည်ဟူသော အချက်ကသာ အရေးကြီးဆုံး ဖြစ်နေသည်။

ဘယ်သူမှ အော်ဟစ်ခြင်း မပြုရဲတော့သလို စကားပင် မပြောရဲကြတော့ပေ။ ထိုအခါမှ ချူနင်က ခေါင်းကို ပစ်ချလိုက်သည်။ 

"ငါမင်းတို့နဲ့ ဘာရန်ငြိုးမှ မရှိဘူး။"

"မင်းတို့ဆီက ရှန်းယွင်ဂိုဏ်းက လူတွေ ဒီကိုလာပြီး ငါ့ကိုဘာပြောသွားလဲ မင်းသိလား"

ဟန်ထျန်းမှာ နှုတ်ခမ်းများ တုန်ရီနေပြီး ဘာမှ ပြန်မပြောနိုင်ပေ။ ချူနင်၏ လက်တစ်ဖက်က သူ့ပုခုံးပေါ် ရောက်လာသောအခါ သူ့ခန္ဓာကိုယ်မှာ ပို၍ ပြင်းထန်စွာ တုန်ယင်လာသည်။

"ဧကရာဇ်... ဧကရာဇ်မင်းမြတ်... ကျွန်တော်တို့ မလာခဲ့သင့်ဘူး"

ချူးနဥ်က အနည်းငယ် မကျေမနပ် ဖြစ်သွားသည်။

"ဟေး ငါ့စကားတောင် မဆုံးသေးဘူး မင်းက ဘာလို့အရင်ပြောနေတာလဲ"

"ကဲ... နောက်တစ်ခါ ပြန်လုပ်မယ်"

နောက်ထပ် ခေါင်းတစ်လုံး ထပ်မံ ဆွဲဖြုတ်ခံလိုက်ရပြန်ပြီး သွေးများ ပန်းထွက်လာသည်။

ရှန်းယွင်ဂိုဏ်းကလူတွေ ငါ့ကို ဘာပြောသွားလဲ မင်းသိလား။ ဟန်ထျန်း၏ စိတ်ဓာတ်မှာ လုံးဝ ပြိုလဲသွားပြီဖြစ်သည်။ နောက်ထပ် ဧကရာဇ်လောင်းလျာအဆင့် ၄၀ ရှိသူ တစ်ယောက် ထပ်သေပြန်ပြီ ထိုသူမှာ အဆုံးမဲ့ နက်ပြာရောင် ကောင်းကင်နန်းတော်၏ အသန်မာဆုံး ကျင့်ကြံသူတစ်ဦး ဖြစ်သော်လည်း ယခုတော့ သေဆုံးသွားပြန်ပြီ။

"ကျွန်တော်... ကျွန်တော် မသိပါဘူး"

ချူးနဥ်က ပြုံးလိုက်ပြီး ဝိညာဉ်ကျောက်တုံးအိတ်တစ်အိတ်ကို ထုတ်လိုက်သည်။

အော် ဒါဆို ငါပြောပြမယ် သူက ငါ့ကိုညာဉ်ကျောက်တုံး တစ်သိန်းပေးတယ် ဒီအိတ်ထဲကအတိုင်းပဲ။ သူကငါ့မိန်းမနဲ့ ငါ့သမီးကို ခေါ်သွားချင်တယ်တဲ့။ မင်းထင်တာတော့ သူတို့ သေသင့်သလား မသေသင့်ဘူးလား။

ဟန်ထျန်းသည် ဘာမှ မပြောရဲတော့ဘဲ အသည်းအသန်သာ ပြောနေတော့သည်။ သေသင့်ပါတယ် သူတို့ သေသင့်ပါတယ်။

ဧကရာဇ်မင်းမြတ်ကျွန်တော့်ကို အခွင့်အရေး တစ်ခုပေးပါ။ ကျွန်တော် ကိုယ်တိုင်သွားပြီး ရှန်းယွင်ဂိုဏ်းကို အမြစ်ပြတ်အောင် ရှင်းပစ်ပါ့မယ်။အထက်ကနေအောက်အထိ တစ်ယောက်မှ အသက်မချန်ဘဲ အကုန်သတ်ပစ်ပေးပါမည်။

ချူနင်က သက်ပြင်းချလိုက်သည်။ ငါကတော့ ယေဘုယျအားဖြင့် ဂိုဏ်းတစ်ခုလုံးကို အမြစ်ပြတ်အောင် သတ်တာမျိုး မလုပ်ချင်ဘူး။ ဘာလို့လဲဆိုတော့ သူတို့ထဲမှာ ဒီကိစ္စနဲ့ မပတ်သက်တဲ့လူတွေ ဘာမှမသိတဲ့လူတွေ အများကြီး ရှိနေမှာပဲ။

သူတို့ သေရမှာက မတရားဘူးလေ ဟုတ်တယ်မလား။ ဒါကြောင့် အစကတော့ အဲဒီအဘိုးကြီးတွေကို ငါ သတ်လိုက်ပြီးတာနဲ့ ကိစ္စက ပြီးသွားပြီလို့ ထင်ခဲ့တာ။ ဘာပဲဖြစ်ဖြစ် ငါသူတို့ကို သတ်လိုက်ပြီပဲ မဟုတ်လား။

"ဟုတ်ပါတယ် ဟုတ်ပါတယ်"

"ဒါဆို ဧကရာဇ်မင်းမြတ်" ဟန်ထျန်း၏ မျက်လုံးထဲတွင် မျှော်လင့်ချက်များ ပေါ်လာသည် သူတို့ ဘာမှ မလုပ်ရသေးခင်မှာပင်။ ချူနင်၏ မျက်နှာပေါ်က အပြုံးမှာ တဖြည်းဖြည်း ပျောက်ကွယ်သွားသည်။

"ဒါပေမဲ့ မင်းတို့က ထပ်ရောက်လာပြန်တယ်"

လာတဲ့လမ်းမှာလည်း ငါ့မိသားစုတစ်စုလုံးကို သတ်မယ်လို့ မင်းတို့ပြောခဲ့ကြသေးတယ် မဟုတ်လား။ ပြီးတော့ အဲဒီမဟာဧကရာဇ်ချန်ရှန်းဆိုတဲ့ နာမည်ကို သုံးပြီး ငါ့ကိုခြိမ်းခြောက်ပြီး မင်းတို့ကို လွှတ်ပေးဖို့ ပြောနေသေးတယ်။

ပြောစမ်း ငါသာ မင်းတို့ကို လွှတ်ပေးလိုက်ရင် ငါ့မျက်နှာဘယ်နား သွားထားရမလဲ။ ချူနင်က ပြုံးလိုက်ပြီး ဟန်ထျန်း၏ ခေါင်းကို အလွန်နူးညံ့စွာ ပွတ်သပ်ပေးလိုက်သည်။ လာလေ မင်းရဲ့ ကျင့်ကြံခြင်းကို ငါပြန်ပေးမယ်။

အဲဒီ မဟာဧကရာဇ်ချန်ရှန်းဆိုတဲ့လူကို ခေါ်လိုက်စမ်း။ သူမင်းကို ကာကွယ်ပေးနိုင်မလား ကြည့်ရအောင်ဟမ်။