အခန်း ၁၂၂ ငါ့လူတွေ ဘယ်ရောက်ကုန်တာလဲ

ရောက်ရှိနေသော ကျင့်ကြံသူများသည် သူတို့၏အထွတ်အထိပ် ကျင့်ကြံခြင်းစွမ်းအားကို အသုံးမပြုနိုင်ကြသော်လည်း အခြေအနေကိုမူ အကဲခတ်နိုင်ကြဆဲ ဖြစ်သည်။

ထိုရှေ့မှ အဘိုးကြီး၏ နယ်ပယ်မှာ အနန္တအဆင့်၏ အလယ်အလတ်အဆင့်သာ ရှိသေးသည်။ သူကိုင်ဆောင်ထားသော သံမဏိဓားမှာလည်း အကန့်အသတ်မဲ့အဆင့်နတ်လက်နက် အမျိုးအစားမျှသာ ဖြစ်သည်။

"မင်းက ငါတို့ကို တားရဲတယ်ပေါ့လေ"

ဤနေရာတွင် ရှိနေသူ မည်သူမဆို ရှန်းယွင်ဂိုဏ်းမှ အကြီးအကဲပင်လျှင် ဧကရာဇ်တစ်ပိုင်းအဆင့်သို့ ခြေတစ်လှမ်းအလိုတွင် ရှိနေသူဖြစ်သည်။

အနန္တအဆင့်ကျင့်ကြံသူတစ်ဦးကို သတ်ရန် မဆိုထားနှင့် သူတို့ စိတ်မကြည်လျှင် သင်တို့၏ အောက်ဘုံတစ်ခုလုံးကို အမြစ်ပြတ်အောင် ဖျက်ဆီးပစ်ရန်မှာ လက်ဖျောက်တစ်ချက်တီးရသလောက်ပင် လွယ်ကူသည်။

သို့သော် ယခုမူ ထိုအဘိုးကြီးက သူတို့ကို ဓားထုတ်ရုံတင်မက လမ်းကိုပါ ပိတ်ထားရဲလေသည်။ အဘိုးကြီး မင်း သေချင်နေတာလား။ ငါတို့က ဘယ်သူတွေလဲဆိုတာ မင်းသိလား။

ဖန့်ဟောက်ရန်က မျက်မှောင်ကြုတ်ကာ ရှေ့မှကျင့်ကြံသူအားလုံးကို သတိကြီးစွာဖြင့် အကဲခတ်နေသည်။ သူတို့ထဲတွင် ကျင့်ကြံခြင်း အမြင့်ဆုံးမှာသူတော်စင့်အဆင့်၏ အထွတ်အထိပ်သာ ရှိသည်။ 

အနန္တအဆင့်က သူတော်စင်အဆင့်ကို တိုက်ခိုက်ခြင်းဖြစ်ရာ သူကတော့ သေချာပေါက်ယုံကြည်ချက် ရှိနေသည်။

သူ့လက်ထဲမှ အကန့်အသတ်မဲ့နတ်လက်နက်က သူ့နယ်ပယ်ကို တစ်ဆင့် မြှင့်တင်ပေးထားသည်မှာ မဆိုထားနှင့် ထိုက်ရွှီမြင့်မြတ်နယ်မြေ၏ ကျင့်စဉ်ဖြစ်သော ထိုက်ရွှီသံသရာကျင့်စဉ်ကိုပင် သူ ကျင့်ကြံနေသည်မှာ နီးပါးရှိပြီဖြစ်သည်။

ဖန့်ဟောက်ရန်က လှောင်ပြုံးပြုံးလိုက်သည်။ ငါကတော့ အင်ပါယာရဲ့ ပထမတန်းစား နန်းတွင်းပညာရှိ ဖန့်ဟောက်ရန်ပဲ။ လက်ရှိမှာ တာချန်းအင်ပါယာရဲ့ နယ်စပ်ကို စောင့်ကြပ်ဖို့ တာဝန်ယူထားတာ။

မင်းတို့ ပြောပုံအရဆိုရင် ငါတို့တာချန်းအင်ပါယာရဲ့ ရန်သူ လုပ်ချင်တာပေါ့ ဟုတ်လား။ ကျင့်ကြံသူတစ်ဦးမှာ ချက်ချင်းပင် ဒေါသတကြီး မျက်လုံးပြူးသွားသည်။ တောက် သူ၏တစ်သက်တာတွင် ဤကဲ့သို့ အရှက်ရမှုမျိုး တစ်ခါမှ မကြုံဖူးပေ။

မင်းလိုအနန္တအဆင့်ကျင့်ကြံသူ မဆိုထားနှင့် မင်းတို့ တာချန်းအင်ပါယာ တစ်ခုလုံး ပေါင်းလိုက်ရင်တောင် သူ့ရဲ့လက်ကွက်တစ်ကွက်စာတောင် မရှိပေ။ သူ၏ ကျင့်ကြံခြင်းသာ အနှိမ်ခံမထားရလျှင်။

"နေဦး"

ဟန်ထျန်း၏မျက်နှာမှာ ဒေါသကြောင့် စိမ်းတစ်လှည့် ဖြူတစ်လှည့် ဖြစ်နေသော်လည်း ယခုအချိန်တွင် သူတို့၏ အခြေအနေကို အသိဆုံးမှာ သူပင်ဖြစ်သည်။

အရင်ဆုံး အထက်ဘုံကို ပြန်ဖို့ နည်းလမ်းရှာရမယ်။ ကျင့်ကြံသူတွေကြားက ဒီလိုရန်ဖြစ်သတ်ဖြတ်နေတာက အဓိပ္ပာယ် မရှိဘူး။

စကားပြောလိုက်သော ကျင့်ကြံသူမှာ အသက်ကို ပြင်းပြင်းရှူကာ ဒေါသကို အတင်းအကျပ် မျိုသိပ်ထားရသည်။

ဒီဘိုးဘေးသာ အထက်ဘုံပြန်ရောက်လို့ ကျင့်ကြံခြင်း ပြန်ရတာနဲ့ မင်းကို အပိုင်းပိုင်း အပြတ်ပြတ်ဖြစ်အောင် သတ်ပြမယ်။

ဟန်ထျန်းသည်လည်း စိတ်လှုပ်ရှားမှုကို ထိန်းချုပ်ကာ ယဉ်ကျေးပျူငှာဟန်ဖြင့် လက်အုပ်ချီ နှုတ်ဆက်လိုက်သည်။

ကျွန်တော့်နာမည်က ဟန်ထျန်းပါ တာချန်းအင်ပါယာရဲ့ကံကြမ္မာ အရှိန်အဝါကို ကြည်ညိုလွန်းလို့ အလည်အပတ် လာခဲ့တာပါ။ တာချန်းအင်ပါယာမှာ အမှုထမ်းချင်တဲ့ဆန္ဒလည်း ရှိပါတယ်။

ကျွန်တော်တို့က ဒီဒေသကို အသစ်ရောက်လာတာဆိုတော့ အင်ပါယာရဲ့ စည်းမျဉ်းတွေကို နားမလည်တာ ရှိရင်လည်း ခွင့်လွှတ်ပေးစေချင်ပါတယ်။

ခွင့်လွှတ်ရမှာ မင်းအမေကိုလား။ သူသည် နှစ်ပေါင်း သောင်းချီ ကျင့်ကြံလာခဲ့ပြီး ဤမျှနိမ့်ပါးသော ကျင့်ကြံသူတစ်ဦးကို ဤသို့နှိမ့်ချဆက်ဆံခဲ့ဖူးခြင်း မရှိပေ။ အခြား ကျင့်ကြံသူများမှာလည်း မျက်နှာများ ပျက်ယွင်းနေကြသည်။

ဟန်ထျန်းသည် အထက်ဘုံ၏ကောင်းကင်အင်အားစုတစ်ခု၏ အားအကိုးရဆုံး ခေါင်းဆောင် ဧကရာဇ်လောင်းလျာအဆင့် ၈၁ ရှိသူ ဖြစ်သည်။ အကယ်၍ သူသာ ဓားတာအိုကို မကျင့်ကြံခဲ့ပါက ဓားမဟာဧကရာဇ်နေရာကိုပင် ဆက်ခံရမည့်သူ ဖြစ်သည်။

သို့သော် ယခုမူ ရွေးချယ်စရာ မရှိပေ။ ဖန့်ဟောက်ရန်က ရှေ့မှလူများကို ကြည့်ကာ လက်ထဲက ဓားကွေးကြီးကို ဆက်ကိုင်ထားဆဲ။ အော် ခိုလှုံဖို့ လာတာပေါ့ အမှုထမ်းချင်တယ်ပေါ့။ 

သူတော်စင်အဆင့် ကျင့်ကြံသူပေါင်း တစ်ထောင်နီးပါး ဒီလောက်ကြီးမားတဲ့အင်အားစုမျိုးကို ဘယ်အင်အားစုက ထုတ်ပေးနိုင်မှာလဲ။ မင်ကူမြင့်မြတ်နယ်မြေက အခြားအင်အားစုတွေနဲ့ ဘယ်တော့မှ မဆက်ဆံဘူး။ လဝန်းနီမြင့်မြတ်နယ်မြေကတော့ ပျက်စီးသွားပြီ။

ထိုက်ရွှီမြင့်မြတ်နယ်မြေက လူတွေဆိုရင်လည်း သူတို့ဒီကိုလာစရာ အကြောင်းမရှိဘူး။ သူတို့ဆိုရင် နန်းတော်ကို တိုက်ရိုက်သွားမယ့် နယ်မြေဖြတ်ကျော်အစီရင်စုကို သုံးမှာပေါ့။

ဒီလူတွေကတော့ သေချာပေါက် ပြဿနာရှိတဲ့ လူတွေပဲ။ အဘိုးကြီး ဖန့်ဟောက်ရန်က မျက်လုံးကို အနည်းငယ် မှေးလိုက်ပြီး ပါးစပ်နားက ပြုံးစစ ဖြစ်သွားသည်။

"အော်... ဟုတ်လား"

"ဟုတ်ကဲ့ အမှန်ပါပဲ"

"ကောင်းပြီ ဒါဆိုမင်းတို့ ဘယ်ကလာတာလဲ"

သူတို့၏ ကိုယ်ခန္ဓာများမှာ ချက်ချင်း တောင့်တင်းသွားကြသည်။

ငါတို့ အထက်ဘုံက လာတာလို့ ပြောလို့မရဘူးလ အခုဆို မင်းလိုအနန္တအဆင့်အမှိုက်တစ်ယောက်ကိုတောင် ငါတို့ မနိုင်ဘူး။ ပြောလျှင်လည်း တစ်ဖက်လူက သေချာပေါက် ယုံမည်မဟုတ်ပေ။ ဟန်ထျန်း၏ ဦးနှောက်မှာ အလျှင်အမြန် အလုပ်လုပ်သွားပြီး တုံ့ပြန်စကားတစ်ခု ရှာတွေ့သွားသည်။

ကျွန်တော်တို့က ထျန်းရွှမ်းတိုက်ကြီးရဲ့ လျှို့ဝှက်ဂိုဏ်းတစ်ခုကပါ။ နှစ်ပေါင်းများစွာ တရားကျင့်ပြီး တံခါးပိတ်ထားခဲ့တာပါ။ အခု တာချန်းအင်ပါယာက အရမ်းအစွမ်းထက်တယ်လို့ ကြားလို့။

ကောင်းပြီ ဒါဆို ငါတို့တာချန်းအင်ပါယာရဲ့ ဧကရာဇ်က ဘယ်သူလဲ ဟန်ထျန်းမှာ ချက်ချင်းပင် ဆွံ့အသွားသည်။ ဒါဆို တာချန်းအင်ပါယာရဲ့ ဧကရီကကော ဘယ်သူလဲ။ သူ့မျက်နှာမှာ ပြန်လည် ပျက်ယွင်းသွားပြန်သည်။

တောက် ဒီကိစ္စကိုငါအစကတည်းက ဂရုမစိုက်ခဲ့ဘူး။ တာချန်းအင်ပါယာဆိုတာပဲ သိခဲ့တာ။

သူသည် ထိုကိစ္စကို ရှန်းယွင်ဂိုဏ်းထံသာ လွှဲထားခဲ့ခြင်း ဖြစ်သည်။

သူသည် သူတို့နှင့်အတူ ပါလာသော ရှန်းယွင်ဂိုဏ်းမှ အကြီးအကဲကို ကြည့်လိုက်ရာ ထိုသူ၏ မျက်နှာမှာလည်း ဆေးခါးကြီး သောက်ထားရသလို ဖြစ်နေသည်။

ကျွန်တော်လည်း မသိဘူး။ အသုံးမကျတဲ့ကောင်။ ဟန်ထျန်းက စိတ်ထဲက ကျိန်ဆဲလိုက်ပြီး မျက်နှာကိုတော့ ပြုံးအောင် အတင်းလုပ်ထားရသည်။

ကျွန်တော်တို့လို နိမ့်ပါးတဲ့လူတွေက ကောင်းကင်သမီးတော်ဖြစ်တဲ့ ဧကရီရဲ့ နာမည်ကို ဘယ်လိုလုပ် သိနိုင်မှာလဲ

ဟန်ထျန်းက ပြုံးနေသလို ဖန့်ဟောက်ရန်ကလည်း ပြုံးနေသည်။

မင်းပြောတာလည်း ကျိုးကြောင်းဆီလျော်ပါတယ်။ ဒါဆို ငါ တစ်ခုလောက်ပဲ ရိုးရိုးရှင်းရှင်း မေးမယ်။ မကြာသေးခင်က ငါတို့ တာချန်းအင်ပါယာမှာ သားတော်လေး နှစ်ပါး ဖွားမြင်ခဲ့တယ်။

သမီးတော် နှစ်ပါး မဟုတ်ဘူးလား။ ဖန့်ဟောက်ရန်၏ မျက်နှာမှာ ရုတ်တရက် ပြောင်းလဲသွားပြီး လက်ထဲက ဓားကွေးကြီးဖြင့် ဝှေ့ယမ်း ခုတ်ပိုင်းလိုက်တော့သည်။

"ငါ သိသားပဲ မင်းတို့က သခင်လေးတွေကို ရည်ရွယ်ပြီး လာတာပဲ"

ဓားကွေးကြီး၏ စွမ်းအားမှာ အပြည့်အဝ ပွင့်ထွက်လာပြီး ဟန်ထျန်း၏ မျက်နှာတည့်တည့်သို့ ပြင်းထန်သော တိုက်ကွက်တစ်ခု ကျရောက်လာသည်။

မင်းတို့ ဒါလည်းမသိ ဟိုဟာလည်းမသိနဲ့ လျှို့ဝှက်ဂိုဏ်းဆိုတာ မဖြစ်နိုင်ဘူး။ ဒီလောက်များတဲ့ သူတော်စင်အဆင့်ကျင့်ကြံသူတွေဆိုတာ သေချာပေါက် သခင်လေးတွေကို ကြံစည်ဖို့ လာတာပဲ။

ဒါကြောင့် မင်းတို့ကို ငါ အလွတ်မပေးနိုင်ဘူး။ ဟန်ထျန်း၏ မျက်လုံးများ ပြူးသွားတော့သည်။

မင်းက နယ်စပ်စောင့်နေတဲ့ အဘိုးကြီး တစ်ယောက်ပဲလေ ဘာလို့ ဒီလောက် အသေးစိတ်တွေ လိုက်မေးနေတာလဲ။

သို့သော် တစ်ဖက်လူက အခွင့်အရေး မပေးတော့ဘဲ တိုက်ခိုက်လာပြီ ဖြစ်သည်။တောက် ဒီအဘိုးကြီးကို သတ်ပစ်ကြ။ ငါတို့ရဲ့ ကျင့်ကြံခြင်းက သူတော်စင်အဆင့်မှာပဲ ရှိနေပေမဲ့ ဒီကောင့်ကို သတ်ဖို့က ဘာမှ မဟုတ်ဘူး။

ငါတို့ရဲ့ ကျင့်ကြံခြင်းစွမ်းအား သုံးလို့မရပေမဲ့ ခန္ဓာကိုယ်ခွန်အားကတော့ အရမ်း အစွမ်းထက်နေတုန်းပဲ သတ်။ သို့သော် ဖန့်ဟောက်ရန်က ထိုအချက်ကို ကြိုတင် သိရှိပြီးသား ဖြစ်သည်။

သူတော်စင်အဆင့်ကျင့်ကြံသူ ရာပေါင်းများစွာ သူတို့သာ မြင့်မြတ်နယ်မြေက မဟုတ်လျှင် သာမန်လူတွေ မဖြစ်နိုင်ပေ။ သူတို့သည် မကြာသေးခင်က နန်းတော်ထဲ ဝင်ရောက်ပြီး သခင်လေးတွေကို ခိုးယူဖို့ ကြိုးစားခဲ့တဲ့ အထက်ဘုံက လူတွေနဲ့ ပတ်သက်နေမှာ သေချာသည်။

အနန္တအဆင့်က ဘယ်လောက်ပဲ အစွမ်းထက်ပါစေ ဒီလူတွေကို ကိုင်တွယ်ဖို့က မလွယ်ပေ။ အကယ်၍ သူတို့သာ ဖောက်ထွက်သွားလျှင်။

"စီနီယာကူ"

သူ အော်ဟစ်လိုက်သောအခါ အဘိုးကြီးတစ်ဦး ရုတ်တရက် ပေါ်လာသည်။

ထိုသူမှာ ကူယွမ်ဖြစ်သည်။ ထိုက်ရွှီမြင့်မြတ်နယ်မြေ၏ ဂိုဏ်းချုပ်ဖြစ်ပြီး ယခုအခါ တာအိုနယ်ပယ်၏ အစောပိုင်းအဆင့်တွင် ရှိနေသူ ဖြစ်သည်။ အဘိုးကြီးသည် လက်နှစ်ဖက်ကို နောက်ပစ်ကာ အောက်မှ ကျင့်ကြံသူများကို ကြည့်ပြီး သူတို့တွင် တစ်ခုခုမှားယွင်းနေသည်ကို ချက်ချင်းသိလိုက်သည်။

ဧကရီပြောတာတော့ အခုအောက်ဘုံကို သူကပြန်လည်အားဖြည့်ထားတယ် ဘယ်ပြင်ပလူမဆို ဒီကိုလာရင် ကျင့်ကြံခြင်း အနှိမ်ခံရလိမ့်မယ်တဲ့။

ဒီလူတွေရဲ့ ခန္ဓာကိုယ်တွေက ဒီလောကက ကျင့်ကြံသူတွေထက် အများကြီး ပိုသန်မာတယ် ဒါပေမဲ့ ကျင့်ကြံခြင်းကတော့ ဗလာဖြစ်ပြီး ဖိနှိမ်ခံထားရတာ သိသာတယ်။ သူတို့ကို ငါ့ဆီပဲ လွှဲလိုက်ပါ။

လူတိုင်း၏ မျက်လုံးများ ရုတ်တရက် ပြူးသွားကြသည်။ အဲဒါ ဧကရီ အဲဒီတိုင်းပြည်ရဲ့ ဧကရာဇ်က ဒါတွေအားလုံးကို လုပ်ခဲ့တာပဲ။

သူတို့ရှေ့က တာအိုနယ်ပယ် ကျင့်ကြံသူကို ယခင်ကဆိုလျှင် သူတို့ ဂရုတောင် စိုက်မည် မဟုတ်ပေ။ သို့သော် ယခုမူ သူတို့၏ ခန္ဓာကိုယ်က ဘယ်လောက်ပဲ သန်မာနေပါစေ ဘာလုပ်နိုင်မှာလဲ ပင်လယ်ထဲ ရောက်သွားတဲ့ တောကျွဲကြီးလိုပဲ လှုပ်ရှားလို့ မရတော့ပေ။

ကူယွမ်က အောက်မှ ကျင့်ကြံသူအားလုံးကို လက်ညှိုးထိုးကာ လက်သီးကို ရုတ်တရက် ဆုပ်လိုက်သည်။

"ထိုက်ရွှီ အတတ်"

"ဟင်းလင်းပြင် အပိုင်းပိုင်းဖြတ်ခြင်း"

တစ်ချိန်တည်းမှာပင်...

အထက်ဘုံရှိ ချန်ရှန်း (ထာဝရရှင်သန်ခြင်း) တာအိုအင်အားစုမှာတော့ ဖရိုဖရဲ ဖြစ်နေပြီဖြစ်သည်။

ထိပ်တန်း ကျင့်ကြံသူအားလုံး ခြေရာလက်ရာမရှိ ပျောက်ကွယ်သွားကြသည်။ အစပိုင်းတွင် အောက်ခြေလူများက ဝေခွဲမရဖြစ်နေကြသော်လည်း နောက်ပိုင်းတွင် အားလုံး တကယ် ပျောက်ဆုံးသွားခြင်းဖြစ်ကြောင်း သိလိုက်ရသည်။ အချို့သော မြင့်မြတ်နယ်မြေများမှ လူများမှာမူ သူတို့၏ ဘိုးဘေးများ သေဆုံးသွားကြောင်းကိုပင် သိလိုက်ရသည်။

ဒီသတင်းက ဟင်းလင်းပြင်အင်အားစုတစ်ခုလုံးသို့ ကပ်ရောဂါလို ပျံ့နှံ့သွားပြီး ပြင်ပ မျိုးနွယ်များအထိပါ ပျံ့နှံ့သွားတော့သည် လူတိုင်းက စောင့်ကြည့်နေကြသည်။

အဆုံးမဲ့နက်ပြာရောင် ကောင်းကင်နန်းတောထဲတွင် မျက်လုံးတစ်စုံ ရုတ်တရက် ပွင့်လာသည်။ မဟုတ်ဘူး ဒီကျင့်စဉ်ကမမှန်သေးဘူး တစ်ခုခုလိုနေသေးတယ်။ သူတို့ကို ဒီကိုတိုက်ရိုက် ခေါ်လာခိုင်းတာက ပိုကောင်းလိမ့်မယ်။ ငါက ကျင့်စဉ်ကို သင်ပေးပြီး သူတို့ကို ပြန်လည် သန့်စင်လိုက်မယ်ဆိုရင် ငါ့ရဲ့ အဆင့်က ဒီထက်ပိုပြီး တိုးတက်လာနိုင်မယ်။

ကျွင်းရှဲ့သည် ဖြည်းညှင်းစွာ ထရပ်ကာ နန်းဆောင်ကြီးထဲသို့ လှမ်းထွက်လာသည်။ သူ့မျက်နှာက တည်ငြိမ်နေသည်။ဟန်ထျန်း ဒီဧကရာဇ်ဆီကို ချက်ချင်းလာခဲ့စမ်း ပြီးတော့ အဲဒီသမီးတော်နှစ်ယောက်ကိုပါ ခေါ်လာခဲ့။

"ဟန်ထျန်း"

သူ့မျက်နှာက ရုတ်တရက် မှောင်ကျသွားသည်။

"ဟန်ထျန်း ဘာလို့ ဒီဧကရာဇ်ဆီကို ချက်ချင်း ရောက်မလာတာလဲ"

သို့သော် နန်းဆောင်ကြီးအတွင်းမှာတော့ အလွန်ပင် တိတ်ဆိတ် ခြောက်ကပ်နေပြီး အပြင်ဘက်မှာလည်း လုံးဝ ဖရိုဖရဲ ဖြစ်နေပြီ ဖြစ်သည်။ ကျွင်းရှဲ့က မျက်မှောင်ကြုတ်ကာ ဝေခွဲမရ ဖြစ်နေတော့သည်။ လူတွေ ဘယ်ရောက်ကုန်တာလဲ။