အခန်း ၁၂၁ အထက်ဘုံမှ ကျင့်ကြံသူများ

မင်းတို့ဘိုးအေ ဒီအဘိုးကြီး ဘယ်ချောက်ထဲ ရောက်နေတာလဲဟ။

ဟန်ထျန်းနှင့် အခြားသူများသည် တစ်ခုလုံးသော အထက်ဘုံ၏ ထိပ်တန်းအင်အားစုများကို ကိုယ်စားပြုသူများ ဖြစ်ကြသည်။

ပွင့်ပွင့်လင်းလင်းပြောရလျှင် မဟာဧကရာဇ်တစ်ပါးသာ ထွက်မလာပါက သူတို့သည် တစ်ကမ္ဘာလုံးကို လွှမ်းမိုးနိုင်သည့် အစွမ်းရှင်များ ဖြစ်ကြသည်။

သို့သော် ယခုမူ သူတို့ ဤနေရာတွင် လမ်းပျောက်နေသည်မှာ သုံးရက်ရှိပြီဖြစ်သည်။

ကောင်းကင်ယံတစ်ခုလုံး ဖုန်မှုန့်နှင့် သဲမုန်တိုင်းများ ဖုံးလွှမ်းနေသည့် ကျယ်ပြောလှသော သဲကန္တာရကြီး။

ဒါက တကယ်ပဲ အောက်ဘုံဟုတ်လို့လား။

ဘယ်လိုအောက်ဘုံမျိုးက သူတို့လို ဧကရာဇ်တစ်ပိုင်းတွေနဲ့ ဧကရာဇ်လောင်းလျာ ကျင့်ကြံခြင်းစွမ်းအား ကို ဒီလောက်အထိ ဖိနှိပ်ထားနိုင်မှာလဲ ဒါကနောက်ပြောင်နေတာ မဟုတ်ဘူး။

ထို့ပြင် သူတို့၏ကျင့်ကြံခြင်း အဖိနှိပ်ခံရရုံတင်မကဘဲ ကောင်းကင်တာအိုရဲ့ စွမ်းအားကို သုံးပြီး သူတို့ ဘယ်နေရာရောက်နေလဲဆိုတာကိုတောင် တွက်ချက်လို့မရတော့ပေ။

ထိုတံဆိပ်ခတ်နှိပ်ခံရမှုကြောင့် သူတို့၏ ကျင့်ကြံခြင်းမှာ အနှိမ်ခံရရုံတင်မက ကောင်းကင်တာအိုကပင် သူတို့ကို ငြင်းပယ်ထားသလို ခံစားနေရသည်။

ဒါကိုအောက်ဘုံလို့ ပြောနေတာလား မဟာဧကရာဇ်တစ်ပါးတောင် ဒါမျိုးကိုလုပ်နိုင်ပါ့မလား။

လူပေါင်းများစွာမှာ စိတ်ပျက်အားငယ်နေကြပြီ ဖြစ်သည်။ ဤသဲကန္တာရထဲတွင် လှည့်ပတ်နေရသည်မှာ ကြာလှပြီဖြစ်ရာ သရဲတစ္ဆေ ပြုစားထားသည့် တံတိုင်းကြီးထဲ ပိတ်မိနေသလိုပင်။

ယခု နေထွက်ရာအရပ်သို့ လေဆန်တိုးကာ သွားနေကြသော်လည်း နောက်ထပ်သဲမုန်တိုင်းတစ်ခုနှင့် ထပ်တိုးပြန်သည်။

သူတို့၏ခန္ဓာကိုယ်များကို တာအိုအတတ်များဖြင့် သန့်စင်နိုင်သော်လည်း သူတို့၏ စိတ်နှလုံးများမှာမူ ဖုန်မှုန့်များ ဖုံးလွှမ်းနေပြီဖြစ်သည်။ ကျင့်ကြံသူများ၏ မျက်နှာတွင် အားငယ်မှုများသာ ပြည့်နှက်နေတော့သည်။

အကယ်၍ ချန်မူယသာ ဤကဲ့သို့သော နေရာမျိုးတွင် သေဆုံးသွားခဲ့လျှင် သူမကျေမနပ် ဖြစ်စရာ မရှိတော့ပေ။ မဟာဧကရာဇ်တစ်ပါးတောင် ဤနေရာကို လာလျှင်တစ်ချက် နှစ်ချက်တော့ အရိုက်ခံရမှာ သေချာသည်။

"နန်းဆောင်သခင် ကျွန်တော်တို့ ပြန်လို့ရဦးမှာလား"

ဒီနေရာမှာ ကောင်းကင်တာအိုက ကျွန်တော်တို့ကို ငြင်းပယ်ထားတယ် ကျင့်ကြံခြင်းကလည်း အနှိမ်ခံထားရတယ် အထက်ဘုံနဲ့လည်း အဆက်အသွယ် ပြတ်နေတယ် ကျင့်စဉ်တွေရော နတ်လက်နက်တွေပါ သုံးလို့မရဘူး။

နန်းဆောင်သခင် ကျွန်တော်တို့ ဘာလုပ်ကြမလဲ။ သူတို့ပါရမီရှင်ကိုလည်း မရှာချင်တော့ပါ။ ဒီနောက်ကွယ်က ကြိုးကိုင်သူကိုလည်း မသိချင်တော့ပါဘူး သူတို့ ပြန်ချင်ရုံသာရှိတော့သည်။

ကျင့်ကြံခြင်းအဆင့်မြင့်လေ ပိုပြီးပြင်းပြင်းထန်ထန် အနှိမ်ခံရလေဖြစ်သည်။ ရှန်းယွင်ဂိုဏ်းမှ မဟာဧကရာဇ်တာအိုအဆင့်ရှိသူပင်လျှင် သူတော်စင်အဆင့်အောက်သို့ ရောက်သွားပြီး ကိုယ်တိုင် မပျံသန်းနိုင်တော့သဖြင့် သူများချီမသွားရသည့် အခြေအနေသို့ ရောက်နေသည်။

ဒါက ဘယ်လို နယ်ပယ်မျိုးလဲ။ ယခုအချိန်တွင် ဟန်ထျန်းကိုယ်တိုင်လည်း ဝေခွဲမရဖြစ်နေသည်။ သိရလျှင် သူဤနေရာမှ ထွက်သွားသည်မှာ ကြာပြီဖြစ်သည်။ ယခု မဟာဧကရာဇ်ထံ သတင်းပို့ရန် ကြိုးစားသော်လည်း အရာမထင်ပေ။

မဟာဧကရာဇ်မှာ တရားကျင့်ပြီး အပိတ်အဆို့ လုပ်ထားချိန်ဖြစ်၍ ပြင်ပလောကနှင့် အဆက်အသွယ် လုံးဝ ပြတ်နေသည်။

ဒီအဘိုးကြီးကိုမေးနေလို့ ဘာထူးမှာလဲ အခုဆိလူရိပ်လူခြေတောင် မမြင်ရဘူး။

သူသည် မဟာဧကရာဇ်တစ်ပါးပါးက သူတို့ကို တိတ်တဆိတ်ပုန်ကန်ပြီး ဤနေရာကို ပို့ထားခြင်းဖြစ်မည်ဟု သံသယဝင်နေသည်။ ဤနေရာသည် ထျန်းရွှမ်းတိုက်ကြီးမဟုတ်ဘဲ လှောင်အိမ်တစ်ခု ဖြစ်နေမလားဟု တွေးတောနေမိသည်။

ရုတ်တရက် သူတို့ သဲကန္တာရ အစွန်းသို့ ရောက်လာကြသည်။ နယ်စပ်မြို့တော်တစ်ခုကို သူတို့ မြင်လိုက်ရသည်။ ထိုစဉ် သူများချီမလာရသည့် ကျင့်ကြံသူ (ဝန်ထုပ်ဝန်ပိုးဖြစ်နေသူ) က တစ်ခုခုကို သတိပြုမိသွားသည်။

နန်းဆောင်သခင် ကျွန်တော့်ရဲ့ ရှန်းယွင်ဂိုဏ်းက ပစ္စည်းတစ်ခုရဲ့ အရှိန်အဝါကို ခံစားမိသလိုပဲ။ သူသည် ဂိုဏ်းသားများ ခန္ဓာကိုယ် ကျန်းမာစေရန် ဆောင်ထားလေ့ရှိသည့် ကျောက်စိမ်းဆွဲပြားတစ်ခုကို ထုတ်လိုက်သည်။ ထိုဆွဲပြားမှ တုန်ခါမှုလှိုင်းများ ထွက်ပေါ်နေသည်။

မိုင်တစ်ထောင်အတွင်းမှာ ကျွန်တော့်ဂိုဏ်းက ပစ္စည်းတစ်ခုရှိနေတယ်။ ဒါဟာ ဂိုဏ်းချုပ်တို့ ဖြစ်ရမယ်။

ထိုလူကြီးမှာ စိတ်လှုပ်ရှားစွာ ပြောလိုက်သည်။ နောက်ဆုံးတော့ သဲလွန်စတစ်ခုရပြီ။

နွားစကားတွေ လာမပြောနဲ့ မင်းတို့ ဂိုဏ်းချုပ်က ဒီမှာသေသွားပြီလို့ ပြောခဲ့တာ မဟုတ်လား။

ဟန်ထျန်းက ဒေါသတကြီးဖြင့် ထိုကျင့်ကြံသူကို ဆွဲကိုင်လိုက်သည်။ မင်းတို့လို အသုံးမကျတဲ့ အမှိုက်တွေကြောင့်သာ မဟုတ်ရင် ဒီအဘိုးကြီးက အထက်ဘုံကိုတောင် ပြန်မရဘဲ ဒီမှာ ပိတ်မိနေပါ့မလား။

ထိုကျင့်ကြံသူမှာ ပြန်ဆဲချင်နေမိသည်။ ကျွန်တော်တို့ ဂိုဏ်းချုပ်ကို အသုံးမကျဘူးလို့ မပြောနဲ့ ခင်ဗျရော ဒီကို ရောက်လာပြီး ထွက်လို့ရလို့လား။

ဧကရာဇ်လောင်းလျာအဆင့် ၈၁ တောင် ထွက်မရဘဲနဲ့ ကျွန်တော်တို့ ဂိုဏ်းချုပ်ကို လာလှောင်နေသေးတယ် ကျွန်တော်တို့ဂိုဏ်းချုပ် ဒီမှာသေတာကလည်း မကျေနပ်စရာ မရှိပါဘူး။

သို့သော် ယခုအချိန်တွင် သူ၏ ကျင့်ကြံခြင်းမှာ အဆင့် ၆ သို့ ရောက်နေသဖြင့် ပြန်ချမည့်အစား ငြိမ်နေရသည်။

နန်းဆောင်သခင် စိတ်မပူပါနဲ့ ရှန်းယွင်ဂိုဏ်းက အရှိန်အဝါကို ခံစားရတယ်ဆိုကတည်းက ဒီမှာတစ်ခုခု ပတ်သက်မှု ရှိရမယ်။ ဒါကဂိုဏ်းချုပ်တို့ ဘယ်ရောက်နေလဲဆိုတာနဲ့ သေချာပေါက် ဆက်စပ်နေမှာပါ။

"ဒါပေမဲ့ ဂိုဏ်းချုပ်ကတော့ သေလောက်ပြီ သူအသက်ရှင်မှာ မဟုတ်ဘူး"

"ဒီအဘိုးကြီးလည်း သူသေတာသိတယ် အဲဒါကိုဘာလို့ လာပြောနေတာလဲ ငါတို့ကိုပါ သေတွင်းထဲ သွားခိုင်းနေတာလား"

ထိုကျောက်စိမ်းဆွဲပြား ရှိရာနေရာမှာ ချန်မူယသေဆုံးသည့် နေရာနှင့် ဆက်စပ်နေပေလိမ့်မည်။ ထိုနေရာကို သွားခိုင်းခြင်းမှာ သေတွင်းထဲ သွားခိုင်းခြင်း မဟုတ်ပါလား။

နန်းဆောင်သခင် အဲလိုမဟုတ်ပါဘူး ဒီကလူတွေက ကျွန်တော်တို့ အထက်ဘုံက လာတာကို မသိကြဘူး။ ကျွန်တော်တို့ကို ခရီးသွားကျင့်ကြံသူတွေလို့ပဲ ထင်မှာပါ။ ကျွန်တော်တို့ ထွက်ပေါက် ရှာရမှာပဲလေ။

ဘာပဲဖြစ်ဖြစ် အရင်ထွက်သွားရအောင် ဟန်ထျန်း၏ မျက်နှာမှာ ဝေခွဲမရ ဖြစ်နေသော်လည်း ထိုစကားမှာ ကျိုးကြောင်းဆီလျော်မှု ရှိနေသည်။ ကောင်းပြီ ဒါဆိုမင်းပြောသလို လုပ်ကြတာပေါ့။

ဒီအဘိုးကြီး အပြင်ရောက်တာနဲ့ မင်းတို့ဂိုဏ်းကို အမြစ်ပြတ်အောင် ဖျက်ဆီးပစ်မယ် တစ်ယောက်မှ အသက်မချန်ဘူး ယခုတော့ အခြားနည်းလမ်း မရှိသဖြင့်ထွက်ပေါက် ရှာရန်သာ ဆုံးဖြတ်လိုက်ကြသည်။

သို့သော် သူတို့ ကျောက်စိမ်းဆွဲပြားရှိရာသို့ မိုင်တစ်ရာခန့် မရောက်မီတစ်ခုခုကို သတိပြုမိလိုက်သည်။ ခေါင်းလှည့်ကြည့်လိုက်သောအခါ အဝေးတစ်နေရာတွင် ရွှေရောင်နဂါးကြီးတစ်ကောင် ဝဲပျံနေသည်ကို တွေ့လိုက်ရသည်။ မိုင်ပေါင်းထောင်ချီ အကွာအဝေးမှပင် ထိုအရှိန်အဝါကို ခံစားနေရသည်။

ဒါကတိုင်းပြည်ရဲ့ ကံကြမ္မာလား ဘယ်လို အင်ပါယာမျိုးက ဒီလောက်အထိ ထူထပ်တဲ့ ကံကြမ္မာကို စုစည်းနိုင်တာလဲ။ ငါ့ရဲ့ အထက်ဘုံက ပထမဆုံးအင်ပါယာတောင် ဒီလောက်အရှိန်အဝါ မရှိဘူး။ ဒါက ဘယ်လိုလုပ် ဒီမှာရှိနေတာလဲ။

လူတိုင်း၏ မျက်နှာတွင် အံ့သြမှင်တက်မှုများဖြင့် ပြည့်နှက်နေသည်။ ရွှေရောင်နဂါးပုံစံ ဖြစ်နေသည့် တိုင်းပြည်ကံကြမ္မာကို ကြည့်ပြီးမှင်တက်နေကြသည်။ ဤကဲ့သို့သော အင်ပါယာမျိုးတွင် သူတို့ကို ကူညီနိုင်မည့် ထိပ်တန်းပညာရှင်တစ်ဦးဦး ရှိကောင်းရှိနိုင်ပေသည်။

ဟန်ထျန်းက တွန့်ဆုတ်မနေတော့ပေ။

"ဟိုကို သွားကြမယ်"

သူတို့၏ကျင့်ကြံခြင်း အနှိမ်ခံရပြီး အာရုံခံစားမှုများ ပိတ်ဆို့ခံထားရသဖြင့် ဤထျန်းရွှမ်းတိုက်ကြီးအကြောင်း သူတို့ ဘာမှမသိပါ။တာချန်းအင်ပါယာ ရှိသည်ကိုသာ သိကြသည်။ 

ထိုအင်ပါယာတွင် မွေးရာပါ သူတော်စင်ခန္ဓာပိုင်ရှင်ပါရမီရှင် နှစ်ဦးရှိသည်ကိုလည်း ကြားဖူးသည်။

ဒါပေမဲ့ အခုချိန်မှာ အဲဒါတွေကို ဂရုစိုက်ဖို့ စိတ်မပါတော့ပါ။ ဒီနေရာကနေ ထွက်သွားနိုင်ဖို့ကသာ အဓိကဖြစ်သည်။

မဟုတ်လျှင် သူတို့၏ ကျင့်ကြံခြင်းများ ပျောက်ဆုံးသွားပြီး ဤနေရာမှာတင် အသေဆိုးနဲ့ သေသွားရပေလိမ့်မည်။ တာချန်းအင်ပါယာ၏ ကံကြမ္မာအရှိန်အဝါက သူတို့ကို မျှော်လင့်ချက် ပေးလိုက်သည်။

ထိုကဲ့သို့သော အရှိန်အဝါမျိုးရှိသည့်နေရာတွင် ထိပ်တန်းကျင့်ကြံသူတစ်ဦးဦး ရှိနေရမည်။ အကယ်၍ ထိုနေရာမှတစ်ဆင့် အထက်ဘုံကို ပြန်တက်နိုင်မည့် နည်းလမ်းရှိလျှင် သူတို့အတွက် အကောင်းဆုံး ဖြစ်ပေလိမ့်မည်။

သူတို့၏ အထက်ဘုံမှ နောက်ခံများကိုပြောပြပြီး ကြီးမားသော ဆုလာဘ်များဖြင့် ဆွဲဆောင်နိုင်မည် မဟုတ်ပါလား။ သူတို့သည် လေဆန်အတိုင်း တာချန်းအင်ပါယာဆီသို့ ပျံသန်းသွားကြတော့သည်။

သို့သော် သူတို့ နယ်စပ်သို့ ရောက်သည်နှင့် တောင်ပမာ ကြီးမားလှသော ဓားအရှိန်အဝါတစ်ခုက ရုတ်တရက် ခုတ်ပိုင်းချလိုက်သည်။

အဘိုးကြီးတစ်ဦးသည် ကောင်းကင်ယံတွင် ခန့်ညားစွာ ရပ်နေပြီး သံမဏိဓားကြီးကို ကိုင်ဆောင်ကာ နယ်စပ်မိုင်ရှစ်ထောင်ကို စောင့်ကြပ်နေသည်။ ကျင့်ကြံသူ တစ်စုလေဆန်အတိုင်း တာချန်းအင်ပါယာထဲ ဝင်ရန် ကြိုးစားနေကြောင်း သတင်းရသဖြင့် သူရောက်လာခြင်း ဖြစ်သည်။

တာချန်းအင်ပါယာဆိုတာ ဘယ်သူမဆို လာချင်တိုင်းလာ သွားချင်တိုင်းသွားလို့ရတဲ့ နေရာမှတ်လို့လား။

လူတစ်ယောက်မှာ ရှောင်ချိန်မရလိုက်ဘဲ တိုက်ရိုက်အရိုက်ခံလိုက်ရကာ ပြင်းထန်စွာ ဒဏ်ရာရပြီး မြေပြင်ပေါ်သို့ ပြုတ်ကျသွားသည်။ ထိုသူမှာ အထက်ဘုံမှ အနန္တအင်အားစုတစ်ခု၏ ဂိုဏ်းချုပ်တစ်ဦး ဖြစ်သည်။

သို့သော် သူ့ကို တိုက်ခိုက်လိုက်သူမှာမူ အနန္တအဆင့်ရှိ ကျင့်ကြံသူသာ ဖြစ်သည်။ အနန္တအဆင့် ကျင့်ကြံသူ တစ်ယောက်ပဲလား။ သူတို့ အလဲလဲအကွဲကွဲ ဖြစ်သွားကြသည်။ သူတို့ဘဝတွင် ဤမျှ အရှက်ရစရာ ကောင်းသည်မျိုး တစ်ခါမှ မကြုံဖူးပေ။

ရှေ့မှာ တာချန်းအင်ပါယာရှိတယ် ပြင်ပ ကျင့်ကြံသူတွေ ဝင်ခွင့်မရှိဘူး။ မင်းတို့ ဘယ်ကလဲဆိုတာ ချက်ချင်း ပြောစမ်း။ မဟုတ်ရင်တော့ ဒီအဘိုးကြီးရဲ့ ဓားက ညှာတာမှာ မဟုတ်ဘူး။