အခန်း ၁၁၈ ငါတို့ ဘယ်တော့မှ ပြန်မလာနိုင်တော့တာလား

အထက်ဘုံရှိ ချန်းရှန်းဧကရာဇ်တည်ရှိရာထာဝရစိမ်းလန်းနန်းတော်အတွင်း၌ နန်းတော်သခင် ဟန်ထျန်း၏ မျက်နှာမှာ ရုတ်တရက် အေးခဲသွားသည်။

နတ်ဘုရားတိမ်တိုက်ဂိုဏ်းမှကျင့်ကြံသူ၏ တင်ပြချက်ကို နားထောင်ပြီးနောက် သူ၏ မျက်မှောင်များမှာ တင်းကြပ်စွာ ကြုတ်သွားတော့သည်။

သူ၏ လက်အောက်ခံ အင်အားစုမှ ခေါင်းဆောင်သုံးဦးမှာ ဤသို့ပင် သေဆုံးသွားခဲ့ပြီ ဧကရာဇ်တစ်ပိုင်းအဆင့် သူတို့က ဧကရာဇ်တစ်ပိုင်းတွေပဲလေ ပထမတန်းစား အောက်ဘုံမှာတောင် အမြင့်ဆုံးအဆင့်က မဟာဧကရာဇ်တာအိုအဆင့်ထက် မပိုပါဘူး။

ဒါပေမဲ့ ချန်မူယာ ဆိုတာက ဧကရာဇ်တစ်ပိုင်းအဆင့် ၃၆ ဆင့်ရဲ့ အထွတ်အထိပ်မှာ ရှိနေတာ ဧကရာဇ်လောင်းလျာအဆင့်တက်ဖို့ ခြေတစ်လှမ်းပဲ လိုတော့တဲ့သူ။ သူက ဘယ်လိုလုပ် ဒီလောက် အလွယ်တကူ သေသွားရတာလဲ။

ဂိုဏ်းချုပ် ချန်မူယာနှင့် သူသည် ငယ်စဉ်ကပင် အဆက်အသွယ် ရှိခဲ့ဖူးသည်။ ဧကရာဇ်မင်းမြတ် (ချန်းရှန်းဧကရာဇ်) က ထိုကလေးတွေကို စိတ်ဝင်စားနေခြင်းဖြစ်၍ သူကိုယ်တိုင် ကိုင်တွယ်စရာ မလိုဘဲ သူ၏ လက်အောက်ခံ အင်အားစုများကိုသာ ခိုင်းစေခဲ့ခြင်းဖြစ်သည်။

အောက်ဘုံလေးတစ်ခုသို့ သွားရမည့်ကိစ္စကို နန်းတော်သခင် ဟန်ထျန်းထံ လွှဲပေးခဲ့ပြီး ဟန်ထျန်းကလည်း ထိုကိစ္စကို ကိုယ်တိုင်လုပ်ရန် ပျင်းရိနေခဲ့သည်။

သူသည် အင်အားအကြီးဆုံး အင်အားစု၏ ခေါင်းဆောင်ဖြစ်ရာ သူ၏ လက်အောက်တွင် ဧကရာဇ်လောင်းလျာနှင့် ဧကရာဇ်တစ်ပိုင်းများမှာ ရေတွက်၍မရအောင် ရှိသည်။

သူ့ကို ကိုယ်တိုင်သွားခိုင်းတာလား ဤကဲ့သို့သောကောင်းမှုမျိုးကို သူ့လူရင်းတွေကိုပဲ ပေးလိုက်ခြင်းက မျက်နှာသာပေးရာလည်း ရောက်သည်ဟု သူ တွေးခဲ့သည်။

နတ်ဘုရားတိမ်တိုက်ဂိုဏ်းမှာ တစ်ဖက်တွင် သူနှင့် အလွန်ရင်းနှီးပြီး နောက်တစ်ဖက်တွင်လည်း သူ၏ နယ်မြေအတွင်းမှ တိုးတက်လာသော ဂိုဏ်းငယ်လေးတစ်ခု ဖြစ်သည်။

ချန်မူယာသာ ကလေးတွေကို ခေါ်လာနိုင်လျှင် ဧကရာဇ်မင်းမြတ်၏ လမ်းညွှန်မှုကို ရရှိပြီး ဧကရာဇ်လောင်းလျာအဆင့်သို့ တက်လှမ်းကာ ထာဝရစိမ်းလန်းနန်းတော်ထဲသို့ ဝင်ခွင့်ရနိုင်သည်ဟု သူ မျှော်လင့်ခဲ့သည်။

ဒါတွေက အနာဂတ် တိုးတက်မှုအတွက် သူ ကြိုတင်စီစဉ်ထားတာတွေပါ။ အောက်ဘုံကိုသွားပြီး လူတစ်ယောက်ကို ခေါ်လာရုံနဲ့ ဘာပြဿနာမှ ရှိမှာမဟုတ်ဘူးလို့ ဟန်ထျန်းက ထင်ခဲ့သည်။

သို့သော် ထိုသတင်း ရောက်လာသည့်အခါ ဟန်ထျန်း၏ ခန္ဓာကိုယ်မှာ ချက်ချင်း တောင့်တင်းသွားရသည်။

"သေပြီ"

"ဘယ်လို သေတာလဲ"

သူ၏ မျက်နှာထားမှာ ချက်ချင်း ပြောင်းလဲသွားပြီး ဒေါသမျက်လုံးများဖြင့် စိုက်ကြည့်လိုက်သည်။

ပြောစမ်း ငါ့ရဲ့ချန်းရှန်းအင်အားစုကို ဘယ်လေဟာနယ်မျိုးနွယ်ကများ တိုက်ခိုက်ရဲတာလဲ ဘယ်လောက်တောင် သတ္တိကောင်းနေကြလို့လဲ။

အောက်ဘုံကလူတွေ ပထမတန်းစား အောက်ဘုံကလူတွေတောင်မှ ဧကရာဇ်တစ်ပိုင်းတစ်ဦးကို မထိခိုက်စေနိုင်ပါဘူး ဒီနှစ်တွေအတွင်း သူတို့တွေ အောက်ဘုံပေါင်း သန်းနဲ့ချီပြီး အလွယ်တကူ ဖျက်ဆီးခဲ့တာပဲ မဟုတ်လား။

၎င်းအပြင် ဒါက တတိယတန်းစား အောက်ဘုံလေးတစ်ခုပဲလေ။ အမြင့်ဆုံး ကျင့်ကြံသူတောင်မှ ကောင်းကင်ဖြစ်စဉ် အထွတ်အထိပ်ပဲရှိတာ သူတို့မှာဘယ်လိုလုပ် ဒီလိုအစွမ်းမျိုးရှိမှာလဲ။

နားလည်ပြီ အဲဒါ ငါ့ရဲ့ ချန်းရှန်းအင်အားစုတွေကို ဆန့်ကျင်ချင်နေတဲ့ တခြား မဟာဧကရာဇ်တွေ လူလွှတ်လိုက်တာပဲ ဖြစ်ရမယ်။

ဒါက တစ်ခုတည်းသော ဖြစ်နိုင်ခြေပဲ။ အရင်က စစ်ပွဲတွေမှာ ရလာတဲ့ ပစ္စည်းတွေကို ခွဲဝေတာ မမျှတလို့ မကျေနပ်ကြတဲ့ မဟာဧကရာဇ်ခုနစ်ပါးက ဒီအခွင့်အရေးကို သုံးပြီး သူတို့ကို လာနှောက်ယှက်တာ ဖြစ်ရမယ်။ ဒါဆိုလည်း တိုက်ကြတာပေါ့။

ယခုအခါ ငါ့ရဲ့ချန်းရှန်းအင်အားစုက တာအိုတိုက်ကြီး သုံးထောင်ရဲ့ သုံးပုံတစ်ပုံကို အုပ်ချုပ်နေတာ။ ဘယ်လေဟာနယ်မျိုးနွယ်ကမှ မကျေနပ်ဘူးဆိုရင် တိုက်ရုံပဲရှိတာပေါ့ ငါတို့လူတွေကိုတောင် လက်ဖျားနဲ့ ထိရဲတယ်ဆိုတော့ သူတို့ သေတွင်းတူးနေတာပဲ။

သို့သော် သတင်းလာပို့သော အကြီးအကဲက ခေါင်းယမ်းလိုက်သည်။

ဂိုဏ်းချုပ် ချန်းရှန်းဧကရာဇ်ကိုယ်တိုင် အမိန့်ထုတ်ထားတာဆိုတော့ ဘယ်သူက ဒီကိစ္စမှာ ဝင်ပါရဲမှာလဲ။

ကျွန်တော်တို့ စုံစမ်းရသလောက်တော့ အဲဒီနေ့ကထျန်းရွှမ်းတိုက်ကြီးဆိုတဲ့ အောက်ဘုံကို ဂိုဏ်းချုပ် (ချန်မူယာ) တို့အဖွဲ့ပဲ သွားခဲ့တာပါ။ တခြား ဘယ်သူမှ မရှိပါဘူး။

တခြားဘယ်သူမှ မရှိဘူး ဟုတ်လား။ ဟန်ထျန်း မျက်မှောင်ကြုတ်လျက် ထိုအကြီးအကဲကို စိုက်ကြည့်လိုက်သည်။

မင်းပြောချင်တာက အမြင့်ဆုံးအဆင့် ကောင်းကင်ဖြစ်စဉ်ပဲရှိတဲ့ တတိယတန်းစား အောက်ဘုံမှာ ဧကရာဇ်တစ်ပိုင်းသုံးယောက် သေသွားတယ်ပေါ့။

"မင်း ငါ့ကို နောက်နေတာလား"

"ဂိုဏ်းချုပ်"

အကြီးအကဲမှာ ဟန်ထျန်း၏ပြင်းထန်လှသော သတ်ဖြတ်လိုစိတ်ကို ခံစားရသဖြင့် ချက်ချင်း ဒူးထောက်လိုက်သည်။ မဟာဧကရာဇ်အောက်တွင် အင်အားအကြီးဆုံးဖြစ်သော ဧကရာဇ်လောင်းလျာ ၈၁ ဆင့် ကျင့်ကြံသူ (ဟန်ထျန်း) သည် လက်ဖျားတစ်ချက် ခတ်ရုံဖြင့်သူ့ကို အမှုန့်ပြုပစ်နိုင်သည်။

ကျွန်တော်ပြောတာ အမှန်တွေပါ အလိမ်အညာပါခဲ့ရင် ကောင်းကင်ဘုံက ကျွန်တော့်ကို ဒဏ်ခတ်ပါစေ ကျွန်တော့်ရဲ့ ဂိုဏ်းချုပ်က ဘယ်လိုလုပ်ပြီး ဂိုဏ်းချုပ်ကြီးကို လိမ်ရဲမှာလဲ။ ဟန်ထျန်းက အေးစက်စွာ ပြုံးလိုက်သည်။

ဒါဆိုရင်တော့ ဒီနေ့ ငါကိုယ်တိုင် သွားကြည့်ရသေးတာပေါ့။ သူသည် သူ၏အသံကို တစ်ကမ္ဘာလုံး ကြားနိုင်အောင် လွှင့်လိုက်သည်။

ထာဝရစိမ်းလန်းနန်းတော်ထဲက ဧကရာဇ်တစ်ပိုင်းတွေနဲ့ ဧကရာဇ်လောင်းလျာတွေ အားလုံး ဒီနန်းတော်သခင်နဲ့အတူ အဲဒီအောက်ဘုံကို လိုက်ခဲ့ကြ။

ငါ့ရဲ့ ချန်းရှန်းအင်အားစုက လူတွေကို ဘယ်အင်အားစုက လက်ဖျားနဲ့ ထိရဲလဲဆိုတာ ငါကိုယ်တိုင် သွားကြည့်မယ်။

မင်း ငါ့ကိုလိမ်ခဲ့တာဆိုရင်တော့ မင်းရဲ့ နတ်ဘုရားတိမ်တိုက်ဂိုဏ်းနယ်မြေကို ငါ အမြစ်ပြတ် ဖျက်ဆီးပစ်မယ် အဲဒီလိုမှ မဟုတ်ရင်တော့ ဟန်ထျန်း မျက်လုံးလေး မှေးလိုက်သည်။

ဒါဘယ်မဟာဧကရာဇ်ရဲ့ လက်ချက်လဲဆိုတာ ငါသိတာနဲ့ ငါကိုယ်တိုင် သွားပြီး အဖြေတောင်းပြမယ်။

ခဏချင်းမှာပင် လေဟာနယ်မျိုးနွယ်ထဲမှ ဧကရာဇ်တစ်ပိုင်းများနှင့် ဧကရာဇ်လောင်းလျာများ အားလုံး ရောက်ရှိလာကြသည်။ ဟန်ထျန်း ဦးဆောင်သော ဧကရာဇ်လောင်းလျာ ၂၃ ဦး နှင့် အခြား အဆင့်အမျိုးမျိုးရှိသော ဧကရာဇ်လောင်းလျာများ။

၎င်းအပြင် ဧကရာဇ်တစ်ပိုင်း ၈၀၀ ကျော် သူတို့တွေက ချန်းရှန်းအင်အားစု အုပ်ချုပ်တဲ့ တိုက်ကြီးတစ်ထောင်ထဲက အနန္တအင်အားစုတွေရဲ့ခေါင်းဆောင်တွေပဲ ဖြစ်သည်။ ဤအခြေအနေမှာ အောက်ဘုံက ပါရမီရှင် ကလေးနှစ်ယောက်ကို ဖမ်းဖို့တင် မဟုတ်တော့ပါ။ တစ်ဖက်လူရဲ့ မျိုးနွယ်စုတစ်ခုလုံးကို ဖျက်ဆီးဖို့ ပြင်ဆင်လာခြင်း ဖြစ်သည်။

ဘယ်မျက်စိမရှိတဲ့လူက ငါတို့ရဲ့ ချန်းရှန်းအင်အားစုကို လာထိတာလဲ ဒါဆိုရင်တော့ မင်းတို့ ပျက်စီးဖို့သာ ပြင်ထားတော့ အကယ်၍ တစ်ဖက်လူက မဟာဧကရာဇ်တစ်ပါးကို လွှတ်လိုက်မယ်ဆိုရင်တောင် ကြည့်ရသေးတာပေါ့။

မင်းတို့က ငါတို့ရဲ့ ဧကရာဇ်တစ်ပိုင်း သုံးယောက်ကို သတ်ခဲ့ရင် တိုက်ကြီးအချို့ကို ပေးလျော်ပြီး ကောင်းကင်အထိ မြင့်တဲ့ လျော်ကြေးတွေ ပေးရလိမ့်မယ်။ အဲဒါဆိုရင်တော့ ဒီကိစ္စပြီးသွားနိုင်တယ်။

ဒါပေမဲ့ မင်းတို့က မဟာဧကရာဇ်ကိုပါ အသုံးချမယ်ဆိုရင်တော့ ငါတို့ရဲ့ ချန်းရှန်းဧကရာဇ်က မင်းတို့ရဲ့ မျိုးနွယ်စုတစ်ခုလုံးကို အမြစ်ပြတ် သုတ်သင်ပစ်တာကို မင်းတို့ မြင်ရလိမ့်မယ်။

ဤအဖွဲ့သည် ယနေ့ခေတ် အထက်ဘုံ၏ အခမ်းနားဆုံး အဖွဲ့အစည်းပင်ဖြစ်သည်။ ဧကရာဇ်အောက်ရှိ ဤမျှများပြားလှသော ကျင့်ကြံသူများ ပေါ်ထွက်လာခြင်းမှာ 'ချန်းရှန်းအင်အားစုသည် ကောင်းကင်အောက် တွင် တစ်ခုတည်းသော အမြင့်မြတ်ဆုံး တည်ရှိမှုဖြစ်ကြောင်း ကမ္ဘာကိုသိစေချင်ခြင်း ဖြစ်သည်။

မကြာမီ လူတိုင်းထျန်းရွှမ်းတိုက်ကြီး၏ အထက်ဘုံတက်လှမ်းခြင်းစင်မြင့်ရှေ့သို့ ရောက်ရှိလာကြသည်။ ထိုနေရာကို စောင့်ကြပ်နေသော ဒေသခံ နတ်ဘုရားနန်းတော်မှ လူများမှာ ဆွံ့အကုန်ကြပြီ။

ဘာတွေဖြစ်နေတာလဲ ထာဝရစိမ်းလန်းနန်းတော်ထဲက ဧကရာဇ်တွေ အားလုံး ထွက်လာကြတာလား။ ငါတို့လို နတ်ဘုရားနန်းတော်လေးတစ်ခုကို ဖျက်ဆီးဖို့ ဒီလောက်အထိ မလိုဘူး မဟုတ်လား။

"ဂိုဏ်းချုပ်ဟန် ဒါက ဘာဖြစ်လို့လဲ"

ဟန်ထျန်းက အေးစက်စွာ ပြုံးလိုက်သည်။ နတ်ဘုရားတိမ်တိုက်ဂိုဏ်းမှ အကြီးအကဲကတော့ သူ့ဘေးမှာ ရပ်နေသည်။

သူက ပြောတယ် အောက်ဘုံကလူက ငါတို့ ချန်းရှန်းအင်အားစုရဲ့ ဧကရာဇ်တစ်ပိုင်းသုံးယောက်ကို သတ်ပစ်လိုက်တယ်တဲ့။

"မင်းကော ယုံလား"

ထိုအင်အားစု၏ ခေါင်းဆောင်မှာ ကြောင်သွားသည်။ ဒါက အဓိပ္ပါယ်မရှိတဲ့ စကားပဲလေ သူတို့မှာ ဒီလိုအစွမ်းရှိရင် အထက်ဘုံကို လာတာ ကြာလှပြီ ဘာလို့ အောက်ဘုံမှာ နေနေဦးမှာလဲ။

"မယုံပါဘူး ဂိုဏ်းချုပ်ဟန်ရဲ့ ဆိုလိုရင်းက"

ဟန်ထျန်းက ထိုလူကို လုံးဝ ဂရုမစိုက်ဘဲ နတ်ဘုရားတိမ်တိုက်ဂိုဏ်းက အကြီးအကဲကိုသာ စူးစိုက်ကြည့်လိုက်သည်။

ငါပြောပြီးပြီ အောက်ဘုံမှာ ဘာမှ ရှာမတွေ့ခဲ့ရင် ပထမဆုံး မင်းတို့ရဲ့ နတ်ဘုရားတိမ်တိုက်ဂိုဏ်းကို အရင်ဖျက်ဆီးမယ် ပြီးမှဒီကိစ္စနောက်ကွယ်က ကြိုးကိုင်သူရဲ့ မျိုးနွယ်စုကို ဖျက်ဆီးမယ်။

“အထက်ဘုံတက်လှမ်းခြင်းစင်ဖြင့်ကို ဖွင့်လိုက်”

ဟန်ထျန်းနှင့် အဖွဲ့သားများ၏ မျက်နှာတွင်တော့ အထင်သေးသည့် အပြုံးများသာ ရှိသည်။

"သွားကြမယ်"

ထိုသို့ပြောပြီးနောက် သူသည် အဖွဲ့ကို ဦးဆောင်ကာ ထျန်းရွှမ်းတိုက်ကြီးအတွင်းသို့ တိုက်ရိုက် ဝင်ရောက်လိုက်ပါတော့သည်။

ယခုအချိန်တွင် ထိုပါရမီရှင် ကလေးနှစ်ယောက်မှာ အောက်ဘုံမှာပဲ ရှိနေသေးသည်။ ဒီနေရာကို ဘယ်သူမှ ဝင်တာ ထွက်တာ မရှိသေးဘဲ လုံးဝတားမြစ်ထားခြင်း ခံထားရသည်။ ထိုလူသတ်သမားတွေလည်း အောက်ဘုံမှာပဲ ရှိနေမှာ သေချာသည်။ သူတို့သာ အဲဒီလူတွေကို တွေ့လိုက်ရင်တော့။

တိန်

သူတို့အဖွဲ့သည် ဟင်းလင်းပြင် လှိုင်းလေထန်မှုများကို ဖြတ်ကျော်ပြီး ကမ္ဘာအသစ်ကို မြင်လိုက်ရသည့် အချိန်မှာပင် တစ်ခုခုကို ရုတ်တရက် ခံစားလိုက်ရသည်။ သူတို့ရဲ့ ခန္ဓာကိုယ်တွေပေါ်မှာ အမှတ်အသားတစ်ခုခု အနှိပ်ခံလိုက်ရသလိုပင်။

သူတို့ ဘာမှ မတုံ့ပြန်နိုင်ခင်မှာပင် ဧရာမ လျှပ်စီးကြောင်းကြီးတစ်ခုက လူတိုင်းအပေါ်သို့ ပြင်းထန်စွာ ရိုက်ချလိုက်ပါတော့သည်။

အခြားသူ၏မျိုးနွယ်စုကို ဖျက်ဆီးရန်ကြံရွယ်လာသော ကျင့်ကြံသူ တစ်ထောင်နီးပါးရှိသော အဖွဲ့ကြီးမှာ တစ်ယောက်မှ မလွတ်ဘဲ အရိုက်ခံလိုက်ရသည်။ လျှပ်စီးအထုခံရပြီးနောက် သူတို့၏ကျင့်စဉ်အဆင့်များမှာ ချက်ချင်း အပိတ်ခံလိုက်ရပြီး ကောင်းကင်ယံမှာ ပျံသန်းနိုင်စွမ်းတောင် မရှိတော့ဘဲ လူ့လောကထဲသို့ မိုးရေစက်များလို ပြုတ်ကျသွားကြတော့သည်။

"ဘာ... ဘာတွေ ဖြစ်ကုန်တာလဲ"

ပြုတ်ကျပြီးနောက် လူတစ်ယောက်က ထိတ်လန့်တုန်လှုပ်စွာဖြင့် ထရပ်လိုက်သည်။ သူ၏ ကျင့်စဉ်မှာ အဆင့်ခြောက်အထိ ဖိနှိမ်ခံလိုက်ရသည်ကို သိလိုက်ရသောအခါ သူဆွံ့အသွားသည်။

"ငါ့ရဲ့ ကျင့်စဉ်အဆင့်တွေ ဘယ်ရောက်ကုန်တာလဲ"

ငါ့အဆင့်တွေလည်း ပျောက်ကုန်ပြီဘာလို့ အခုသူတော်စင်အဆင့်ပဲ ရှိတော့တာလဲ။ တာအိုကျင့်စဉ် တွေကိုလည်း သုံးလို့မရတော့ဘူး ငါ့ရဲ့ နတ်ဘုရားလက်နက်ကိုတောင် ထုတ်လို့မရတော့ဘူး။

"ဂိုဏ်းချုပ် ဂိုဏ်းချုပ်ကြီး ကြည့်ပါဦး ဒါဘာဖြစ်တာလဲ"

ထိုအချိန်တွင် ဟန်ထျန်းကိုယ်တိုင်လည်း လုံးဝ ဆွံ့အကာ ရပ်နေမိသည်။

သူ၏ ကျင့်စဉ်အဆင့်မှာသူတော်စင်အထွတ်အထိပ် အဆင့်မှာတင် ခိုင်မြဲစွာ အနှိမ်ခံထားရသည်ကို သူ ခံစားလိုက်ရသည်။ မဟာဧကရာဇ်အောက်တွင် အင်အားအကြီးဆုံးဖြစ်သော ဧကရာဇ်လောင်းလျာ ၈၁ ဆင့်ကျင့်ကြံသူကြီးမှာ ယခုတော့ သူတော်စင်အဆင့်လေးပဲ ရှိပါတော့သည်။

အရင်က နည်းလမ်းတွေလည်းသုံးလို့မရ လက်နက်တွေလည်းကိုင်လို့မရ သူကိုယ်တိုင်ရဲ့ မဟာဧကရာဇ် အမှတ်အသားတွေတောင်မှ ဒီကမ္ဘာရဲ့ ကောင်းကင်ဘုံအောက်မှာ ဖိနှိပ်ခံထားရသည်။ ဒါ ဘယ်လိုလုပ် ဖြစ်နိုင်မှာလဲ။

မဟာဧကရာဇ်တစ်ပါးတောင်မှ ဒီလိုမျိုးလုပ်နိုင်စွမ်း မရှိပါဘူး။ အောက်ဘုံလေးတစ်ခုမှာ ဘယ်လိုလုပ် ဒီလောက် ပြင်းထန်တဲ့ ကျင့်စဉ်ဖိနှိပ်မှုမျိုး ရှိနေနိုင်ရတာလဲ။

လူတစ်ယောက်မှာ လုံးဝထိတ်လန့်သွားပြီး သူ၏အဆင့်တွေ ပျောက်ဆုံးသွားမှုကြောင့် စိတ်ဓာတ်တွေ ပြိုလဲကုန်ပြီ။ သူသည် ယခုရှိနေသော သူတော်စင်အဆင့်ဖြင့်ပင် လုံးဝမပိတ်သေးသော တက်လှမ်းခြင်းစင်မြင့် ဆီသို့ အသည်းအသန် ပြေးသွားတော့သည်။

ငါဒီနေရာကနေ ထွက်သွားချင်ပြီ ငါ ဒီမှာ မနေချင်တော့ဘူး။ သို့သော် သူသည် နန်းတက်တံခါးထဲသို့ ခြေမလှမ်းနိုင်ခင်မှာပင် ဧကရာဇ်တစ်ပိုင်းအောက်ရှိ ကျင့်ကြံသူအားလုံးကို အမှုန့်ပြုပစ်နိုင်သော ပြင်းထန်လှသော ဟင်းလင်းပြင် လှိုင်းလေထန်မှုများက သူ့ကို ဝါးမြိုလိုက်ပါတော့သည်။

အဘိုးကြီးက ထိတ်လန့်စွာဖြင့် သူ၏ ခန္ဓာကိုယ်ဖြင့် ခုခံရန် ကြိုးစားသော်လည်း ဝိညာဉ်စွမ်းအင် အကာအကွယ်မရှိသော ခန္ဓာကိုယ်မှာ ခဏချင်းမှာပင် ကြေမွပျက်စီးသွားရသည်။

သူ၏ ခန္ဓာကိုယ်မှာ အပိုင်းပိုင်းအပြတ်ပြတ်ဖြစ်သွားပြီး နောင်တများစွာဖြင့် ဟင်းလင်းပြင်ထဲမှာတင် ပျောက်ကွယ်သွားရသည်။ ဧကရာဇ်တစ်ပိုင်းတစ်ဦးမှာ ဤသို့ပင် ပေါက်ကွဲပျက်စီးသွားရသော်လည်း ဤကမ္ဘာပေါ်တွင် မည်သည့် သက်ရောက်မှုမျှ မရှိခဲ့ပါ။

ထိုအစား သူ၏ ကျင့်စဉ်များမှာ ဝိညာဉ်စွမ်းအင်အဖြစ် ပြောင်းလဲသွားပြီး ဤကမ္ဘာ၏ ဝိညာဉ်စွမ်းအင်ကိုသာ ပိုမိုသိပ်သည်းစေခဲ့သည်။

တက်လှမ်းခြင်းစင်မြင့်မှာ ချက်ချင်းပိတ်သွားပြီး ကောင်းကင်ယံကြီးမှာ အပြစ်အနာအဆာမရှိ ပြန်လည် ကောင်းမွန်သွားသည်။ လူပေါင်းများစွာမှာ ထိုမြင်ကွင်းကို ကြည့်ရင်း သရဲတစ္ဆေတစ်ကောင်ကို မြင်လိုက်ရသလို ငြိမ်သက်သွားကြတော့သည်။

"ငါတို့"

"ငါတို့တွေ ဘယ်တော့မှ ပြန်မသွားနိုင်တော့တာလား"