အခန်း ၁၁၅ မင်းက ဧကရာဇ်ကိုသုံးပြီး ငါ့ကို ခြိမ်းခြောက်နေတာလား

သူသည် လေဟာနယ်ထဲသို့ ခြေလှမ်းလှမ်းလိုက်သည် သူကား အဆင့်ခုနစ်ကျင့်ကြံသူ တစ်ဦးပင်သူ၏ဖိအား ကို တောင့်ခံနိုင်ရန်အတွက် အနည်းဆုံး မဟာဧကရာဇ်တာအိုအဆင့်ရှိရမည်ဖြစ်သည်။ သို့သော် မည်သည့်သက်ရောက်မှုမျှ မရှိဘဲ အေးအေးဆေးဆေး တောင့်ခံနိုင်သည်ဆိုခြင်းမှာ သူသည် မဟာဧကရာဇ်အဆင့်တင်မကဘဲ သူကဲ့သို့ပင် ဧကရာဇ်တစ်ပိုင်းတစ်ဦး ဖြစ်နိုင်ခြေ အလွန်များနေသည်။

သို့သော် ချူနင်၏ပြတ်သားသော လုပ်ဆောင်ချက်နှင့် သူ့လည်ပင်းကို ဖမ်းဆုပ်လိုက်ပုံမှာ အဘိုးကြီးကို ချက်ချင်း အံ့အားသင့်သွားစေသည် အကယ်၍ သူသည် ဧကရာဇ်တစ်ပိုင်းအဆင့်မျှသာဆိုလျှင် သူ့ကို ဤမျှအထိ အစွမ်းမဲ့သွားအောင် မည်သို့လုပ်နိုင်မည်နည်း။

ဘုန်း... ဘုန်း။

ဘေးနားမှ တိုက်ခိုက်ရန် ပြင်နေသော နတ်ဘုရားတိမ်တိုက်ဂိုဏ်းမှ အကြီးအကဲနှစ်ဦးမှာလည်း သူတို့၏ ကျင့်စဉ်များကိုပင် မစုစည်းနိုင်ခင်မှာပင် ပြင်းထန်စွာ နှိပ်ကွပ်ခံလိုက်ရပြီး ကြမ်းပြင်ပေါ်သို့ မှောက်ရက်လဲကျကာ လုံးဝ မလှုပ်နိုင်တော့ပေ။

"မင်း... မင်းက ဘယ်သူလဲ။

မဖြစ်နိုင်ဘူး လုံးဝ မဖြစ်နိုင်ဘူး။

ဤမျှ အစွမ်းထက်သော တည်ရှိမှုမျိုးက အောက်ဘုံမှာ ရှိနေပြီး သူတို့ကို နှိပ်ကွပ်နိုင်သည်ဆိုလျှင် ဤလူသည် တကယ့် ဧကရာဇ်တစ်ပိုင်းတောင် ဖြစ်နေနိုင်သည်။

ချန်မူယာ၏ မျက်နှာထားမှာ သိသိသာသာ ပြောင်းလဲသွားပြီး သူ၏မျက်ဝန်းထဲတွင် ထိတ်လန့်မှုများဖြင့် ပြည့်နှက်နေကာ ချူနင်ကို စိုက်ကြည့်ရင်း အသက်တောင် ဝဝမရှူနိုင်တော့ပေ အရိုးချင်း ကြိတ်ခြေသံများမှာ သူ၏ နိဂုံးကို နိမိတ်ဖတ်နေသကဲ့သို့ပင်။

ဒီဘိုးဘေးက... ဒီဘိုးဘေးက ချန်းရှန်းဧကရာဇ်ရဲ့ လက်အောက်ခံ လေဟာနယ်တာအိုမျိုးနွယ်ကပဲ။ မင်း ငါ့ကို သတ်ရဲရင် ဧကရာဇ်ကြီးက သေချာပေါက်။

နောက်တစ်စက္ကန့်တွင်တော့ သူ့ရှေ့က ကမ္ဘာကြီးမှာ ပြောင်းလဲသွားသည်။ ဝေဝေဝါးဝါးထဲတွင် သူ့ဆီသို့ ရိုက်ချလာသော ဧရာမ လက်ဝါးကြီးတစ်ခုကို မြင်လိုက်ရသလိုပင်။

နတ်ဘုရားတစ်ပါးကို မြင်လိုက်ရသလို မြင့်မားလှသော တောင်ကြီးတစ်လုံးကို မြင်လိုက်ရသလို ခံစားချက်မျိုးကြောင့် သူ၏စိတ်အာရုံမှာ ပြင်းထန်စွာ တုန်ခါသွားပြီး အသည်းအသန် အော်ဟစ်လိုက်သော်လည်း ခဏချင်းသာ ကြာလိုက်သည်။

ဘုန်း

အဘိုးကြီး၏ ခန္ဓာကိုယ်နှင့် ကျင့်စဉ်အားလုံးမှာ ပြည့်လျှံနေသော ဝိညာဉ်စွမ်းအင်များအဖြစ် ပြောင်းလဲသွားပြီး ဤကမ္ဘာထဲသို့ ပျံ့နှံ့ကာ လုံးဝ သေဆုံးသွားပါတော့သည်။

နန်းတော်အတွင်းရှိ ထိုက်ရွှမ်းမြင့်မြတ်နယ်မြေမှ လူများမှာ ဆွံ့အကုန်ကြပါပြီ အထက်ဘုံ၏ အစွမ်းထက်လှသော ဧကရာဇ်တစ်ပိုင်းတစ်ဦးမှာ ဤသို့ပင် သေဆုံးသွားရလေပြီ အခြားနှစ်ဦးမှာလည်း လုံးဝ မလှုပ်နိုင်အောင် နှိပ်ကွပ်ခံထားရသည်။

ကူယွမ်ပင်လျှင် တိုင်းပြည်အတွက် စိုးရိမ်ပြီး အလွန်အမင်း သတိထားဆက်ဆံခဲ့ရသော ထိုပုဂ္ဂိုလ်ကြီးမှာ မျက်တောင်တစ်ခတ်အတွင်း သေဆုံးသွားခဲ့ပြီ။ ပြီးတော့ ဧကရာဇ် (ချူနင်) နောက်ဆုံး ပြောသွားတဲ့ စကားက ဘာလဲ။

မင်းတို့ရဲ့ ဧကရာဇ်ကြီးတောင် ငါ့ကို ဒီလိုစကားမျိုး မပြောရဲဘူးတဲ့လား။

ဧကရာဇ်၏ကျင့်စဉ်မှာ အမှန်တကယ် မည်မျှအထိ မြင့်မားနေသနည်း ရှိသမျှမှူးမတ်များအားလုံး ယခုမှပင် သက်ပြင်းချနိုင်ကြတော့သည်။ ဤအဘိုးကြီး သုံးယောက်မှာ မင်းသမီးလေးတွေကိုတင် မကဘဲ ဧကရီ (ရဲချန်းလျန်) ကိုပါ ခေါ်သွားချင်နေကြသည် မဟုတ်လား။

ဤသို့ ရိုင်းပျပြီး အကျိုးအကြောင်းမရှိသော ဂိုဏ်းမျိုးမှာ အသတ်ခံရရုံတင်မကဘဲ မျိုးဖြုတ်ခံရလျှင်တောင် ထိုက်တန်ပါသည်။ ကျန်ရှိနေသော နှစ်ဦးမှာတော့ ချန်မူယာ၏ခန္ဓာကိုယ်နှင့် ဝိညာဉ်ပါ အစအနမကျန် ပျက်စီးသွားသည်ကို မြင်ပြီး ချက်ချင်းပင် မျှော်လင့်ချက် ကင်းမဲ့သွားကြသည်။

မဖြစ်နိုင်ဘူး ငါတို့ဂိုဏ်းချုပ်ကို ဘယ်လိုလုပ် အလွယ်တကူ သတ်နိုင်ရတာလဲ သူတစ်ခုခု သုံးထားတာ ဖြစ်ရမယ် ဧကရာဇ်ကြီး ဟုတ်တယ် ငါတို့မှာဧကရာဇ်ကြီး ရှိသေးတယ်။

ငါတို့က ချန်းရှန်းဧကရာဇ်ရဲ့ လက်အောက်ခံတွေပဲ။ ဒီကိစ္စကို ဧကရာဇ်ကြီးကိုယ်တိုင် ခိုင်းစေခဲ့တာ။ မင်း ငါတို့ကို ဆက်ပြီး တိုက်ခိုက်နေရင် ဧကရာဇ်ကြီးက သေချာပေါက် နှိပ်ကွပ်။

သူ စကားမဆုံးခင်မှာပင် သူ၏ဦးခေါင်းမှာ ပြင်းထန်စွာ နင်းခြေခံလိုက်ရပြီး အသက်ရှူသံ ချက်ချင်း ရပ်တန့်သွားသည်။ နောက်ထပ် ဧကရာဇ်တစ်ပိုင်းတစ်ဦးမှာလည်း ဘာမှ ပြန်မလုပ်နိုင်ဘဲ ကျဆုံးသွားပြန်ပြီ ဤလူသည် အမှန်တကယ် မည်သူနည်း။

ချူနင်က ခပ်အေးအေး မျက်နှာထားဖြင့် လှည့်ကြည့်လိုက်ရာ သူ၏ အကြည့်မှာ အသက်ရှင်ကျန်နေသေးသည့် အကြီးအကဲလျူ ဆီသို့ ရောက်သွားပြီး နှုတ်ခမ်းထောင့်တွင် အပြုံးတစ်ခု ပေါ်လာသည်။

မင်းရော မင်းရဲ့ ဧကရာဇ်ကြီးကို နောက်ခံအနေနဲ့ ထုတ်ပြဦးမလို့လား။

သူ့ကို ခြိမ်းခြောက်နေတာလား မင်းတို့ရဲ့ဧကရာဇ်ကြီးကို ခေါ်လာပြီး သူ့ကိုခြိမ်းခြောက်ခိုင်းချင်တာလား သူ အိမ်မှာ အေးအေးဆေးဆေး အိပ်နေတုန်းမှာ အဘိုးကြီးတွေ ရုတ်တရက် ပေါ်လာပြီး ဘာမှမပြောဘဲ ဝိညာဉ်ကျောက်တုံး တစ်သိန်းပေးကာ သူ့မိန်းမနဲ့ ကလေးကို ခေါ်သွားမယ် လုပ်နေကြသည်။

ပြီးတော့ သေခါနီးကျမှ သူတို့ဧကရာဇ်က ခိုင်းတာမို့လို့ ပြန်တိုက်ရင် ဧကရာဇ်က နှိပ်ကွပ်လိမ့်မယ်လို့ ပြောနေကြသည်။

ကောင်းပြီလေ ဒါဆို အဲဒီဧကရာဇ်ဆိုတဲ့လူက တကယ်လာရဲမလားဆိုတာ သူ ကြည့်ရသေးတာပေါ့။

လျူဟုန်ဟု အမည်ရသော အဘိုးကြီးမှာ ဒေါသထွက်နေသော်လည်း စိတ်ထဲတွင်တော့ ကြောက်ရွံ့မှုနှင့် မျှော်လင့်ချက်မဲ့မှုတို့ဖြင့် ပြည့်နှက်နေသည်။

အရင်နှစ်ယောက်မှာ ဧကရာဇ်ကြီးရဲ့လူဖြစ်ကြောင်း ပြောသော်လည်း အသတ်ခံလိုက်ရသည်။ တစ်ဖက်လူက ချန်းရှန်းဧကရာဇ်ကို လုံးဝ ဂရုမစိုက်တာသိသာနေသည်။

ဤသို့သောလူမျိုး အောက်ဘုံမှာ ဘယ်လိုရှိနေနိုင်သနည်း ချန်းရှန်းဧကရာဇ်သည် ယနေ့ခေတ် အထက်ဘုံ၏ အစွမ်းအထက်ဆုံး ကျင့်ကြံသူမဟုတ်ပါလား သူဘာမှထပ်မပြောရဲတော့ဘဲ ဒူးထောက် အသနားခံလိုက်ခြင်းကသာ အသက်ရှင်ဖို့ အခွင့်အရေး ရှိနိုင်ပေမည်။

"ဧကရာဇ်မင်းမြတ် ဒါက အထင်မှားမှုပါ"

ချူနင်က ပြုံးပြီး ဆောင့်ကြောင့်ထိုင်ချလိုက်သည်။

“ပြီးတော့ရော”

ကျွန်တော်တို့ မှားသွားပါပြီ တကယ်မှားသွားပါပြီ နောက်တစ်ခါ ဘယ်တော့မှ မလာတော့ပါဘူး။ ကျွန်တော် ပြန်ရောက်တာနဲ့ ဧကရာဇ်ကြီးကို ချက်ချင်း အကြောင်းကြားပြီး ဧကရာဇ်မင်းမြတ်ကို ဘာပြဿနာမှ မပေးအောင် လုပ်ပါ့မယ်။

သူ ဟန်ဆောင်နေစရာ မလိုတော့ပါ။ သူဘာလုပ်လုပ် သေမှာပဲဆိုတော့ အသက်ရှင်ဖို့ အခွင့်အရေးကိုပဲ ရှာရပါတော့မည်။ သို့သော် ချူနင်က အဘိုးကြီး၏ ခေါင်းကို အသာအယာ ပွတ်သပ်ရင်း ပြုံးလိုက်သည်။

မင်းတို့က မှားမှန်းသိတာ မဟုတ်ဘူး မင်းတို့က သေတော့မယ်ဆိုတာကိုသိတာ။ အဘိုးကြီးမှာ ရေခဲတွင်းထဲ ကျသွားသလို ခံစားလိုက်ရသည် ရှေ့ကလူက သူ့ကိုလွှတ်ပေးဖို့ အစီအစဉ် မရှိဘူး။

တောက်... အဘိုးကြီး၏ သွေးများမှာ ချက်ချင်း ဆူပွက်လာပြီး စိတ်ထဲတွင် ပြတ်သားသော ဆုံးဖြတ်ချက်တစ်ခု ချလိုက်သည်။ ဒီနေ့ ငါသေရင်တောင် မင်းတို့ရဲ့ အောက်ဘုံတစ်ခုလုံးကို ငါနဲ့အတူ ဆွဲခေါ်သွားမယ် သိက္ခာရှိရှိ သေပြမယ်။

မင်း ဘယ်လောက်ပဲ အစွမ်းထက်နေပါစေ ဒီက လူတွေကတော့ ပုရွက်ဆိတ်တွေပဲ။ အဘိုးကြီးက သူ၏ ဝိညာဉ်နန်းတော်ကို ချက်ချင်း ဖောက်ခွဲလိုက်ပြီး အားရပါးရ ရယ်မောလိုက်ပါတော့သည်။

"မင်း ဘယ်သူပဲဖြစ်ဖြစ် ဂရုမစိုက်ဘူး ငါကတော့ ဒီနေ့ သေမှာပဲ"

"ဒါဆိုရင်တော့ အတူတူ သေကြရအောင်"

ဧကရာဇ်တစ်ပိုင်းအဆင့်၏ ကျင့်စဉ်များ ပေါက်ကွဲထွက်လာပြီး သူ၏ မျက်နှာမှာ ရူးသွပ်မှုများဖြင့် ပြည့်နှက်နေသည်။

ဘုန်း

အဘိုးကြီး၏ ခန္ဓာကိုယ်မှာ ချက်ချင်း ပေါက်ကွဲသွားပြီး ပြင်းထန်သော ရိုက်ခတ်မှုများ ပျံ့နှံ့တော့မည့် ဆဲဆဲမှာပင် အရာအားလုံး ရပ်တန့်သွားသည်။ ချူနင်က ပြုံးပြီး လက်တစ်ဖက်ကို အသာအယာ လှုပ်ရှားလိုက်သည်။

၎င်းမှာ အဘိုးကြီး၏ ခန္ဓာကိုယ်ပေါ်တွင် အချိန်မြစ်ရေကို ပြောင်းပြန်စီးဆင်းစေခြင်းပင် ဖြစ်သည်။

လျူဟုန်မှာ ဤမြင်ကွင်းကို အစမှ အဆုံးအထိ ကြည့်ရင်း ထိတ်လန့်ရုံတင်မကဘဲ ပြောမပြနိုင်လောက်အောင် အံ့အားသင့်သွားရသည်။ ပျက်စီးသွားပြီဖြစ်သော သူ၏ ဝိညာဉ်နန်းတော်နှင့် ခန္ဓာကိုယ်မှာ ပြန်လည် ကောင်းမွန်လာသည်ကို သူ တွေ့လိုက်ရသည်။ မပေါက်ကွဲသွားခဲ့ပါဘူး။

၎င်းမှာ ဤလူ၏ ကျင့်စဉ်ကြောင့်ပင်။

အချိန် ၎င်းမှာဧကရာဇ်ကြီးတောင် ကျော်လွန်နိုင်ခြင်းမရှိသော အရာဖြစ်သည်။ ကောင်းကင်နှင့် မြေကြီး အရာအားလုံးမှာ အချိန်မြစ်ရေအောက်တွင် စီးဆင်းနေကြသည်။ သို့သော် ဤလူက အချိန်ကို ပြောင်းပြန်လှန်နိုင်သည်။

ဧကရာဇ်ထက် မြင့်သော အဆင့် ဤလူ၏ကျင့်စဉ်မှာ ဧကရာဇ်ထက်ပင် မြင့်မားနေသည်။

"မင်းက ပေါက်ကွဲရတာ ကြိုက်တယ် မဟုတ်လား"

ချူနင်၏ စကားကို ကြားလိုက်ရပြီးနောက် သူသည် ကမ္ဘာကြီး၏ အမြင့်ဆုံးနေရာသို့ အရှိန်ဖြင့် ပစ်တင်ခံလိုက်ရသည်ကို သိလိုက်ရသည်။ ထိုအချိန်တွင် သူ၏ ခန္ဓာကိုယ်မှာ ထိန်းချုပ်၍မရဘဲ ရုတ်တရက် ပေါက်ကွဲထွက်သွားပါတော့သည်။

ပေါက်ကွဲသွားသည်မှာ သူ၏ ခန္ဓာကိုယ်သာမက ဝိညာဉ်နှင့် ကျင့်စဉ်များပါ ပါဝင်ပြီး အလွန်တောက်ပလှသော အနီရောင် မီးရှူးမီးပန်းကြီးအဖြစ် ပြောင်းလဲသွားကာ နေမင်းကြီးထက်ပင် ပိုမိုတောက်ပစွာဖြင့် ကောင်းကင်ယံတွင် လှပစွာ ချိတ်ဆွဲထားသလို ဖြစ်နေသည်။

တစ်ချိန်တည်းမှာပင် ချန်ချင်းနန်းဆောင်၌ ရဲချန်းလျန်တစ်ယောက် လေကောင်းလေသန့် ရနေသဖြင့် ပျော်နေသည်။ ဂွမ်းစောင်အင်္ကျီအထူကြီးကို ခြုံကာ နွေဦးနေရောင်အောက်တွင် မျက်လုံးလေးမှိတ်ပြီး အနားယူနေသည်။

သူမက ကျင့်ကြံသူတစ်ယောက်ပဲ ချူနင်က ဘာလို့ ဒီလောက်အထိ အကာအကွယ် ပေးနေရတာလဲ သူက အရမ်းကို စိုးရိမ်လွန်းနေတာပါ။ ရဲချန်းလျန်ကတော့ ချူနင်ရဲ့ ဂရုစိုက်မှုကို ခံစားရလို့ ပျော်နေပေမဲ့လို့ပေါ။

အရှင်မင် အပြင်မှာနေတာ ကြာနေပြီနော်။ ပြန်ဝင်ပါတော့ မဟုတ်ရင် ဧကရာဇ်က ထပ်ဆူနေဦးမယ်။ ဒါကို ကြားတော့ ရဲချန်းလျန် ချက်ချင်း မျက်မှောင်ကြုတ်သွားသည်။

ငါ့ကို ဆူရအောင် သူက ဘာမို့လို့လဲ ငါက ဒီအိမ်ရဲ့အကြီးအကဲ ငါက ဧကရီလေ ချူနင်က ငါ့ကို ဆူရဲမယ် ထင်နေလား။ ရှောင်ပင်းကတော့ ဒါကို ကြားပြီး ငြိမ်နေလိုက်သည်။ ဧကရာဇ်မရှိတဲ့ အချိန်ကျမှသာ။

ဒါပေမဲ့ ရုတ်တရက် ရှောင်ပင်းတစ်ခုခုကို သတိထားမိပြီး အပေါ်ကို မော့ကြည့်လိုက်ရာ မြင်လိုက်ရတဲ့ မြင်ကွင်းကြောင့် အံ့သြသွားသည်။

အရှင်မ ဟိုမှာကြည့်ပါဦး အဲဒီမှာ မီးရှူးမီးပန်းတွေ ဖောက်နေကြတာလား။ ရဲချန်းလျန်လည်း ကြည့်လိုက်တော့ ကြောင်သွားသည် နေ့ခင်းကြောင်တောင်ကြီး မီးရှူးမီးပန်း ဖောက်နေတာလား ဟင် တကယ်ကြီးပဲ။ သူမ ချက်ချင်း စိတ်လှုပ်ရှားသွားပြီး ချူနင်ဆီကို သတင်းပို့လိုက်သည်။

မြန်မြန်လာခဲ့ဦး ငါနဲ့အတူလာကြည့် ဟိုမှာတစ်ယောက်ယောက် မီးရှူးမီးပန်းတွေ ဖောက်နေတယ်။

ချူနင်ကတော့ ဧကရာဇ်တစ်ပိုင်းတစ်ဦးကို မီးရှူးမီးပန်းအဖြစ် ပြောင်းလဲပစ်လိုက်ပါပြီ။ ရဲချန်းလျန်ကတော့ ဒါကို သာမန်မီးရှူးမီးပန်းလို့ ထင်နေတုန်းပါ။