အခန်း ၁၁၂ ဧကရီကို အမြန်သွားပင့်ကြစမ်း

လော့ချန်းနန်းတော်အတွင်း၌ သွေးညှီနံ့များ ဖုံးလွှမ်းနေသည်။ နန်းတွင်းသူနန်းတွင်းသားများမှာ ကြောက်ရွံ့တုန်ရင်နေကြပြီး ဧကရာဇ်ကိုယ်တိုင် ဒူးထောက်နေရကာ ကောင်းကင်နှင့်မြေပြင်ကို ကျော်လွန်သည့် ကျင့်စဉ်အဆင့်ရှိသော မည်သည့်နေရာမှန်းမသိသည့်ပုဂ္ဂိုလ်ကြီးသုံးဦးမှာ ထိုနေရာတွင် ရပ်နေကြသည်။

ချန်မူယာက ဒူးထောက်နေသော နဂါးဝတ်ရုံဝတ် အမျိုးသားကို အထင်သေးစွာ စိုက်ကြည့်လိုက်သည်။

အောက်ဘုံကဧကရာဇ် မင်းရဲ့ နဂါးစွမ်းအင်က အရမ်းကို အားနည်းလွန်းတယ်။ မင်းရဲ့အင်ပါယာက နောက်ဆယ်နှစ်အတွင်း ပျက်စီးတော့မယ်လို့ ငါထင်တယ်။ ဒါပေမဲ့ မင်းရဲ့ နှိမ့်ချတဲ့ အမူအရာကြောင့် ဒီဘိုးဘေးက မင်းကို အရေးယူဖို့ ပျင်းနေလို့သာပေါ့။

အောက်ဘုံက ပုရွက်ဆိတ်လေးတွေသာ ဖြစ်သည် အရင်ကျင့်ကြံသူတွေရဲ့ ဆူညံသံကို သူစိတ်မရှုပ်ခဲ့ရင် ဒီလူတွေကို တစ်ချက်တောင် ကြည့်မှာမဟုတ်ပါဘူး။

အစွမ်းထက်သူတစ်ဦးက အားနည်းသူကို မသတ်တာဟာ သဘောကောင်းလို့ မဟုတ်ဘဲ သတိထားစရာတောင် မလိုလောက်အောင် အဆင့်မတူလို့သာ ဖြစ်သည်။ သို့သော် ကျိဟုန်း ရဲ့ နားထဲမှာတော့ ဒါဟာ မိုးကြိုးပစ်လိုက်သလို ရိုက်ခတ်သွားသည်။

အထက်ဘုံ အထက်ဘုံတဲ့ နှစ်ပေါင်း တစ်သောင်းမှာ တစ်ကြိမ်သာပွင့်တဲ့ နန်းတက်စင်မြင့်ကနေ ကောင်းကင်ဖြစ်စဉ်အဆင့် ကျင့်ကြံသူတွေပဲ သူတို့ရဲ့သန်မာတဲ့ ခန္ဓာကိုယ်ကို အားကိုးပြီး တက်လှမ်းနိုင်တာပါ။ အဲဒီလို တက်လှမ်းသွားတဲ့သူတွေကလည်း ပြန်မဆင်းနိုင်ဘူးလို့ ကြားဖူးထားတာ။

ဒါပေမဲ့ အခု သူ့ရှေ့က အဖြူရောင်ဝတ်ရုံဝတ် အဘိုးအို သုံးယောက်က သူတို့ကိုယ်သူတို့ အထက်ဘုံကလို့ ပြောနေကြပြီး ထျန်းရွှမ်းတိုက်ကြီးကို ဆင်းသက်လာကြတာပဲ ဒါကသူတို့ဟာ အထက်ဘုံမှာတောင် ကောင်းကင်ကို ကိုင်လှုပ်နိုင်တဲ့ ထိပ်တန်းပုဂ္ဂိုလ်တွေ ဖြစ်ရမယ်ဆိုတာကို သက်သေပြနေတာပါ။

ဒီလောက် အစွမ်းထက်တဲ့လူတွေက အောက်ဘုံကို ဘာလို့ လာတာလဲ ပြီးတော့ တာ့ချန်းအင်ပါယာရဲ့ တည်နေရာကို ဘာလို့ မေးနေရတာလဲ။

သင်ခန်းစာရထားတဲ့ ကျိဟုန်းက ဒီလူတွေလည်း တာ့ချန်းအင်ပါယာနဲ့ ပူးပေါင်းဖို့ လာတာလားလို့ စိုးရိမ်မိသွားသည်။ အရာရာက ဖြစ်နိုင်နေတာပဲလေ အထက်ဘုံက ပုဂ္ဂိုလ်ကြီးတွေ ဆင်းသက်လာတာကလည်း ထူးဆန်းတော့မှာ မဟုတ်ဘူး မဟုတ်လား။

ကျွန်တော်မျိုး တာ့ချန်းအင်ပါယာရဲ့ တည်နေရာကို သိပါတယ်ခင်ဗျာ။ ကျွန်တော့်ရဲ့လော့ချန်းအင်ပါယာဟာ တာ့ချန်းအင်ပါယာနဲ့ နှစ်ပေါင်းများစွာ ခင်မင်ရင်းနှီးခဲ့တာပါ ဆက်ဆံရေးကလည်း အမြဲတမ်း ပြေလည်ပါတယ်။

သူက ခေါင်းမော့ပြီး အသေခံခါနီး ခွေးတစ်ကောင်လို အမြီးနံ့ပြကာ အသက်ချမ်းသာခွင့် တောင်းနေရှာသည်။

သို့သော် ဘိုးဘေးကတော့ ဒါကိုဂရုမစိုက်ပါဘူး။

"အဲဒါက ငါနဲ့ ဘာဆိုင်လို့လဲ"

ဒီဘိုးဘေး ကြားထားတာကတော့ အောက်ဘုံမှာ မွေးရာပါအစွန်းရောက် သူတော်စင်ခန္ဓာနှစ်ခု ပေါ်ထွန်းလာတယ်ဆိုပဲ။

ငါတွက်ချက်ကြည့်တော့ ဒါကတာ့ချန်းအင်ပါယာနဲ့ ဆက်စပ်နေတယ်။ ဒါပေမဲ့ ဒီကို ရောက်လာတော့ တည်နေရာကို အတိအကျ တွက်လို့မရတော့ဘူး ထူးဆန်းလိုက်တာ။

ချန်မူယာနဲ့ တခြားဂိုဏ်းချုပ်တွေလည်း ထိုနည်းအတိုင်းပါပဲ။ ကလေးမလေး နှစ်ယောက်က တာ့ချန်းအင်ပါယာနဲ့ ဆက်စပ်နေပြီး ထျန်းရွှမ်းတိုက်ကြီးမှာ ရှိနေတာကို သူတို့ အတိအကျ သိပေမဲ့ ဆင်းသက်လာတဲ့အခါမှာတော့ တစ်ခုခုက ဖုံးကွယ်ထားသလို တည်နေရာကို ရှာမရတော့တာပါ။

ဒါပေမဲ့ ကိစ္စမရှိပါဘူး လမ်းပြမယ့်အောက်ဘုံက ပုရွက်ဆိတ်လေး ရှိနေတာပဲလေ။

"ဟုတ်ကဲ့ပါ ဟုတ်ကဲ့ပါ အဲဒါမှန်ပါတယ်"

ကျိဟုန်း ဝမ်းသာအားရ ပြောလိုက်သည် အဲဒါ တာ့ချန်းအင်ပါယာပါပဲ အဲဒီကဧကရီက မင်းသမီးလေး နှစ်ယောက်ကို မွေးဖွားခဲ့ပြီး သူတို့ကိုဘုရင်ဘွဲ့တွေ ချက်ချင်း ပေးအပ်ခဲ့တာပါ။ သူတို့က မွေးရာပါ အစွန်းရောက် သူတော်စင်ခန္ဓာတွေပါ။

သုံးယောက်သား အကြည့်ချင်းဖလှယ်လိုက်ကြပြီး ချန်မူယာက ခေါင်းညိတ်လိုက်သည်။

ဒါဆို ကိုက်ညီသွားပြီ ထပြီး လမ်းပြစမ်း။ဒါကို ကြားတော့မှ ကျိဟုန်းလည်း ထရဲတော့သည်။ တိုင်းပြည်တစ်ခုရဲ့ ဧကရာဇ်က ဒီလိုအခြေအနေမျိုး ရောက်နေတာဟာ ဝမ်းနည်းစရာ ဖြစ်ပေမဲ့ တစ်ဖက်လူရဲ့ ကျင့်စဉ်က အရမ်းမြင့်နေတာကြောင့် ဘာမှ မတတ်နိုင်ပါဘူး။ ကြည့်ရတာ သူတို့က ဧကရီရဲ့ ကလေးနှစ်ယောက်ကို လာရှာတာပဲ။

တပည့်အဖြစ်လက်ခံဖို့များလား တော်သေးတာပေါ့၊ သူတို့ ဆက်ဆံရေးကောင်းပါတယ်လို့ အစောက ကြိုပြောထားလို့ မဟုတ်ရင် အခုတင် အသတ်ခံရနိုင်တယ်။

မြောက်ဘက်မှာပါခင်ဗျာ။ လေဟုန်စီးပြီး လမ်းပြစမ်း။ ဒီဘိုးဘေးလည်း မွေးရာပါ အစွန်းရောက် သူတော်စင်ခန္ဓာကို မွေးထုတ်ပေးနိုင်တဲ့ အောက်ဘုံက ဘာတွေများ ထူးခြားနေလဲဆိုတာ ကြည့်ချင်သေးတယ်။

ကျိဟုန်းလည်း မနှောင့်နှေးရဲဘဲ အစွမ်းကုန် လေဟုန်စီးပြီး လမ်းပြပါတော့သည်။ ဒါပေမဲ့ သူဘယ်လောက်ပဲ အမြန်သွားသွား သူ့နောက်က အဘိုးအို သုံးယောက်ကတော့ ဝိညာဉ်စွမ်းအင် ထွက်ပေါ်တာတောင် မရှိဘဲ သူ့ဘေးနားကနေ သုံးလှမ်းထက် ပိုမကွာဘဲ အရိပ်လို လိုက်ပါလာကြသည်။ ဒီလိုလူမျိုးတွေနဲ့ တွေ့ရင် ပြေးဖို့ဆိုတာ စိတ်ကူးတောင် ယဉ်လို့မရပါဘူး။

သူတို့လော့ချန်းအင်ပါယာ နယ်မြေကနေ ထွက်ခွာပြီး တာ့ချန်းအင်ပါယာ တည်နေရာကို ရောက်ရှိလာကြသည်။ သူတို့ ရောက်လာတာကို ဘယ်သူမှသတိမထားမိကြပါဘူး။ ဒါက သူတို့ရဲ့ မြင့်မားတဲ့ ကျင့်စဉ်အဆင့်ကြောင့်ဖြစ်ပြီး သူတို့ရဲ့တည်ရှိမှုက ကောင်းကင်ယံကိုတောင် လွှမ်းမိုးထားနိုင်လို့ပါ။

ပုံမှန်ဆိုရင် မွေးရာပါ အစွန်းရောက်သူတော်စင်ခန္ဓာ ဖြစ်ဖို့ဆိုတာ မိဘတစ်ဦးဦးက အနည်းဆုံး ဧကရာဇ်လောင်းလျာအဆင့်ရှိရမယ် ဒါမှမဟုတ် ကံတရားက အရမ်းကြီးမားရမယ်။

ဒါပေမဲ့ ဒါကအောက်ဘုံ သေးသေးလေးမှာ ပေါ်လာတာပဲ ဒါမဖြစ်သင့်ဘူး။ ဒီဘိုးဘေး တွက်ချက်ကြည့်သလောက်တော့ ဘာပြဿနာမှ မတွေ့ရဘူး။

ချန်မူယာကလည်း ခေါင်းညိတ်လိုက်သည်။ ဒီဘိုးဘေးလည်း ဘာမှထူးထူးခြားခြား တွက်ချက်လို့ မရဘူး။

ဒါဆိုရင်တော့ ဘာမှ စိုးရိမ်စရာမရှိ စကားမဆုံးသေးခင်မှာပဲ တစ်ယောက်ရဲ့ မျက်နှာက ပြောင်းလဲသွားပြီး အပေါ်ကို မော့ကြည့်လိုက်သည်။ ထိုအချိန်မှာ သူတို့ဟာ တာ့ချန်းအင်ပါယာရဲ့ မြို့တော်နဲ့ မိုင်တစ်ရာလောက် အကွာကို ရောက်နေပါပြီ။ 

သူတို့ရှေ့မှာတော့ ရွှေရောင်ကံတရား နဂါးတစ်ကောင်က ခွေပတ်နေပြီး အငွေ့အသက်တွေက ကောင်းကင်ယံအထိ ထိုးတက်နေသည်။

ရွှေရောင်ကံတရားတွေက ကောင်းကင်နဲ့ မြေပြင်ကို ကောင်းချီးပေးနေပြီး မြို့တော်ကနေ အင်ပါယာ တစ်ခုလုံးကို ဖြာထွက်နေတာပါ။ အဘိုးအို သုံးယောက်လုံး ရပ်သွားပြီး အင်ပါယာရဲ့ ကံတရားကို စိုက်ကြည့်နေမိကြသည်။

ဒီဘိုးဘေး အင်ပါယာပေါင်းများစွာကို လှည့်လည်ခဲ့ဖူးပေမဲ့ ဒီလောက်အထိ အစွမ်းထက်တဲ့ ကံတရားမျိုး တစ်ခါမှ မမြင်ဖူးဘူး ဒါက တကယ်ကို ချဲ့ကားလွန်းနေပြီ။

အထက်ဘုံက ထိပ်တန်းအင်ပါယာတွေမှာတောင် ဒီလောက်ကြီးမားတဲ့ ကံတရားမျိုး ရှိမယ်မထင်ဘူး။ ဒါဆိုရင်တော့ မွေးရာပါ အစွန်းရောက်သူတော်စင်ခန္ဓာ ပေါ်လာတာက အဓိပ္ပာယ်ရှိသွားပြီ။

ဖြစ်နိုင်တာက မိဘတွေက သိပ်ပြီး အစွမ်းမထက်ရင်တောင် အင်ပါယာရဲ့ကံတရားက အရမ်း အစွမ်းထက်နေတာပါ။ သူတို့အတွက်တော့ ဒါကသိပ်မပြောပလောက်တဲ့ အစွမ်းပေမဲ့ ဒီအောက်ဘုံမှာတော့ အရမ်း အစွမ်းထက်နေတာ ဖြစ်ရမယ်။

"ဟေ့... ဧကရာဇ်"

ကျိဟုန်း ချက်ချင်း လှည့်ကြည့်လိုက်သည်။ "မိန့်တော်မူပါ နတ်ဘုရားမင်းမြတ်"

ချန်မူယာက မျက်မှောင်လေး ကြုတ်လိုက်သည်။ ဒီလို အမြီးနံ့ပြတတ်တဲ့လူကို သူတော်တော်လေး သဘောကျနေပုံရသည်။ အလိုက်သိတတ်တဲ့လူက သုံးရတာ လွယ်ကူတယ်လေ။

"အဲဒီ တာ့ချန်းအင်ပါယာထဲမှာ ကျင့်စဉ် အမြင့်ဆုံးလူက ဘယ်သူလဲ"

တင်ပြပါတယ် နတ်ဘုရားမင်းမြတ်ညအဲဒီအင်ပါယာရဲ့ ဧကရီရဲချန်းလျန်ပါ သူမက နှစ်ပေါင်း ၁၃၀ ကျင့်ကြံလာခဲ့ပြီး အနန္တအဆင့်ကို ရောက်နေပါပြီ။

သုံးယောက်သား ဆွံ့အသွားကြသည်။ အောက်ဘုံက လူတစ်ယောက်က နှစ်ပေါင်း ၁၃၀ အတွင်းမှာ အနန္တအဆင့်ကို ရောက်နိုင်တယ်ဟုတ်လား။

ဘိုးဘေးတစ်ယောက်က ရေရွတ်လိုက်သည် ဒီလို ကျင့်စဉ်တိုးတက်မှုနှုန်းက ဧကရာဇ်ကြီးတွေရဲ့ မျိုးနွယ်စုက ကျင့်ကြံသူတွေနဲ့ပဲ ယှဉ်လို့ရတာ။ ကြည့်ရတာ သူမကလည်း မျိုးစေ့ကောင်း တစ်ခုပဲလား။

သူမကိုပါ တစ်ခါတည်း ခေါ်သွားကြမလား တကယ်လို့ သူမက ရုပ်ရည်လှပပြီး ဧကရာဇ်မင်းမြတ်ရဲ့ မျက်စိကျခြင်းကို ခံရမယ်ဆိုရင် ငါတို့အတွက် ဆုလာဘ်တွေက ပိုကြီးမှာပဲ။

ကျိဟုန်းကတော့ သူတို့ပြောတာကို မကြားရပါဘူး။ ဒါပေမဲ့ သူတို့ကတော့ အစီအစဉ်တွေ ထပ်ဆွဲနေကြပြီ။

"တခြားရော ရှိသေးလား"

အဲဒါအပြင် ထျန်းရွှမ်းတိုက်ကြီးရဲ့ ထိပ်တန်းမြင့်မြတ်နယ်မြေသုံးခုထဲက တစ်ခုဖြစ်တဲ့ ထိုက်ရွှမ်းမြင့်မြတ်နယ်မြေနဲ့လည်း တာ့ချန်းအင်ပါယာက အကြီးအကျယ် ပူးပေါင်းထားတာပါ။ အဲဒီမှာ အနည်းဆုံး ကောင်းကင်ဖြစ်စဉ်အဆင့်ကျင့်ကြံသူ ငါးယောက်ခြောက်ယောက်လောက် အမြဲရှိနေတတ်ပါတယ်။

ဒါကကျိဟုန်း ဘာလို့အားငယ်နေရသလဲဆိုတဲ့ အချက်ပါပဲ။ ကောင်းကင်ဖြစ်စဉ်အဆင့် ကျင့်ကြံသူ တစ်ယောက်တည်းနဲ့တင် အင်ပါယာငါးခုကို အလွယ်တကူ ချေမှုန်းနိုင်တာလေ။ တာ့ချန်းမှာက အဲဒီလိုလူတွေ အများကြီးရှိနေတာ။

သို့သော် ထိုသုံးယောက်ရဲ့ မျက်နှာကတော့ မပြောင်းလဲပါဘူး။ တစ်ယောက်က တစ်ခုခုကို သတိရသွားပုံရသည်။

ထျန်းရွှမ်းတိုက်ကြီး ထိုက်ရွှမ်းမြင့်မြတ်နယ်မြေ ဟိုဖက်ကနတ်ဘုရားနန်းတော်ရဲ့ အင်အားစုတစ်ခုက ငါတို့ရဲ့ နတ်ဘုရားတိမ်တိုက်ဂိုဏ်းလက်အောက်မှာ ရှိတာပဲ။

လွန်ခဲ့တဲ့ နှစ်ပေါင်း တစ်သောင်းက အဲဒီကနေ တက်လာတဲ့ ပါရမီရှင် တပည့်တစ်ယောက် ရှိတယ် အခုဆို သူက ဧကရာဇ်အဆင့်ကို ရောက်နေပြီ။ သူက ထိုက်ရွှမ်းမြင့်မြတ်နယ်မြေက လာတာလို့ ထင်တယ်။

ဪ... ငါတို့ ဂိုဏ်းနဲ့တောင် အဲလိုပတ်သက်မှု ရှိနေတာလား ဒါဆိုရင်တော့ ဆက်ဆံရေးမပျက်တာ အကောင်းဆုံးပဲ။ သူတို့က တိုက်ရိုက် သဘောတူလိမ့်မယ်လို့ ငါ မျှော်လင့်ပါတယ်။

ချန်မူယာက ပြုံးလိုက်သည် သူတို့ သဘောတူတူ မတူတူ အရေးမကြီးပါဘူး။ ငါတို့ လုပ်စရာရှိတာကိုပဲ လုပ်မှာပါ။

ကျိဟုန်းရဲ့ ဦးနှောက်ကတော့ ပေါက်ကွဲတော့မလို ခံစားနေရသည်။ လွန်ခဲ့တဲ့ နှစ်ပေါင်း တစ်သောင်းက ပါရမီရှင်တဲ့ ဒါကထိုက်ရွှမ်းမြင့်မြတ်နယ်မြေရဲ့ အရင်မျိုးဆက်က တက်သွားတဲ့ ဘိုးဘေးကြီးကို ပြောတာ မဟုတ်လား အဲဒီလိုပုဂ္ဂိုလ်ကြီးကတောင် ဒီရှေ့က လူသုံးယောက်ရဲ့ ဂိုဏ်းလက်အောက်မှာ တပည့်ပဲ ရှိသေးတာလား။

ဒါတွေက ဘယ်လိုလူတွေလဲ ပြီးတော့ သူတို့စကားအရဆိုရင် သူတို့က တခြားတစ်ယောက်အတွက် အလုပ်လုပ်ပေးနေတာတဲ့ဒီသုံးယောက်ကိုတောင် ခိုင်းနိုင်တဲ့လူက ဘယ်လိုလူမျိုး ဖြစ်မလဲ။

သွားပြီ... သွားပြီ... အားလုံး သွားပြီ တာ့ချန်းအင်ပါယာက ဒီလိုအင်အားစုတွေနဲ့ ပတ်သက်သွားပြီဆိုရင် ပိုတောင် သွားပြီ။ သူ အားငယ်နေတုန်းမှာပဲ နောက်ထပ် စကားတစ်ခွန်း ကြားလိုက်ရသည်။

"တခြားရော ရှိသေးလား"

မရှိ... အော် ရှိပါသေးတယ် နောက်တစ်ခု ရှိပါသေးတယ်။

ကျိဟုန်း ချက်ချင်း ထပ်ဖြည့်လိုက်သည် အဲဒီ အင်ပါယာရဲ့ ဧကရာဇ် (ချူနင်ကို ဆိုလိုသည်) က ကောင်းကင်ကို ကိုင်လှုပ်နိုင်တဲ့ ကျင့်စဉ်ရှိတယ်လို့ ကြားဖူးပါတယ်။ သူက အင်ပါယာတစ်ခုကို တစ်ယောက်တည်း ဖျက်ဆီးခဲ့ဖူးပြီး ထိပ်တန်းမြင့်မြတ်နယ်မြေတစ်ခုကိုလည်း ချေမှုန်းခဲ့ဖူးတယ်လို့ ဆိုကြတယ်။

ဒါပေမဲ့ ကျွန်တော်မျိုးကတော့ သူတိုက်ခိုက်တာ တစ်ခါမှ မမြင်ဖူးပါဘူး ဒါက သတင်းစကားတင်ပါ။ ဟက်...ကောင်းကင်ကို ကိုင်လှုပ်နိုင်တဲ့ကျင့်စဉ်တဲ့ အထက်ဘုံမှာ ဘယ်လိုအဆင့်ကိုမှ ကောင်းကင်ကို ကိုင်လှုပ်နိုင်တယ်လို့ ခေါ်တယ်ဆိုတာ မင်း သိရဲ့လား။

နတ်ဘုရားနန်းတော်၊ အနန္တ၊ ကောင်းကင်ကို ကိုင်လှုပ်နိုင်ခြင်းဆိုပြီး ထိပ်တန်းအင်အားစု သုံးဆင့် ရှိတာပါ။ ဧကရာဇ်အစစ်ရှိတဲ့ နေရာကိုမှ ကောင်းကင်ကိုကိုင်လှုပ်နိုင်တဲ့အဆင့်လို့ ခေါ်တာလေ။ အောက်ဘုံမှာ နန်းတက်လို့တောင် မရတဲ့လူက အဲဒီလို စကားမျိုး သုံးရဲတယ်ဆိုတော့။

ထားလိုက်ပါတော့ ဂိုဏ်းချုပ် ရေတွင်းထဲက ဖားတစ်ကောင်က လကို မြင်တဲ့အခါ သူမြင်ရသလောက်ပဲ ကြီးတယ်လို့ ထင်နေတာပဲလေ ဒါတွေပြောနေလို့လည်း အပိုပါပဲ။

ဟုတ်တယ် ဒီဘိုးဘေးစိတ်အခြေအနေ ကောင်းနေလို့ ဒါကမင်းအတွက် ဆုလာဘ်ပဲ။ ချန်မူယာက ကျောက်စိမ်းဆွဲသီး တစ်ခုကို ပစ်ပေးလိုက်ပြီး မျက်မှောင်လေး ကြုတ်ကာ ပျောက်ကွယ်သွားပါတော့သည်။ 

ကြောင်အမ်းအမ်းနဲ့ ကျန်ခဲ့တဲ့ ကျိဟုန်းကတော့ ဘာအဆင့်မှန်းမသိတဲ့ အဲဒီကျောက်စိမ်းကို ကိုင်ထားရင်း သူ့ရဲ့ ကျင့်စဉ်တွေတရစပ် တိုးတက်လာတာကို ခံစားလိုက်ရသည်။ သူ တကယ်ကို အံ့အားသင့်သွားမိသည်။ ဒါက ဘာပစ္စည်းမို့လို့ ဒီလောက်တောင် အစွမ်းထက်ရတာလဲ။

တာ့ချန်းအင်ပါယာ နန်းတော်တံခါးဝရှေ့၌။

သပ်သပ်ရပ်ရပ် ဝတ်ဆင်ထားသော အဘိုးအို သုံးဦးမှာ လက်ကို နောက်ပစ်ပြီး ရပ်နေကြသည်။ အရှေ့ဆုံးက ချန်မူယာက ပြုံးလိုက်ပြီး ပြောလိုက်သည်။

မင်းတို့ရဲ့ ဧကရီကို သွားပြောလိုက် ဒီဘိုးဘေးက အထက်ဘုံကနတ်ဘုရားတိမ်တိုက်ဂိုဏ်းရဲ့ ဂိုဏ်းချုပ် ဖြစ်တယ်။ မင်းတို့ အင်ပါယာမှာ မွေးရာပါသူတော်စင်ခန္ဓာတွေ ပေါ်ထွန်းလာတာကို ငါတို့တွေ့ရှိခဲ့ပြီး သူတို့ကို တပည့်အဖြစ် လာခေါ်တာ ဖြစ်တယ်လို့ ပြောလိုက်စမ်း။

စကားပြောပြီးနောက် သူက သူ့ရဲ့ကျင့်စဉ်အဆင့်ကို အနည်းငယ် ပြသလိုက်သည်။ လက်တစ်ဖက် မြှောက်လိုက်ရုံနဲ့ ကမ္ဘာကြီးတစ်ခုလုံးကို သူ ထိန်းချုပ်ထားသလို ထူးဆန်းတဲ့ ဖြစ်စဉ်တွေ ပေါ်ပေါက်လာတာကြောင့် တာ့ချန်းအင်ပါယာမှာ ရှိနေတဲ့ ကောင်းကင်ဖြစ်စဉ်ကျင့်ကြံသူကူယွမ်ချက်ချင်း ရောက်လာပါတော့သည်။

သူ့ရဲ့ မျက်နှာက အင်မတန် တည်ကြည်နေပြီး အဆုံးမရှိတဲ့ ကျင့်စဉ်တွေရှိနေတဲ့ အဘိုးအို သုံးယောက်ကို ကြည့်ကာ အော်လိုက်သည် ဧကရီကို အမြန်သွားသတင်းပို့ကြစမ်း။