အခန်း ၁၁၁ ကိုယ်တိုင်မိတ်ဆက်ခြင်း

နန်းဆောင်အတွင်း၌ မိခင်လောင်းအသစ်ကလေး ရဲချန်းလျန် မှာ တစ်မျိုးပြီးတစ်မျိုး အခက်တွေ့နေရသည်။ ကလေးချီလျှင်လည်း ကို့ယိုးကားယား နို့တိုက်လျှင်လည်း အဆင်မပြေဘဲ အမြဲတမ်းပျာယာခတ်နေမိသည်။

သို့သော် ဘေးနားက ချူနင်ကတော့ တကယ့်ကို နားလည်ကျွမ်းကျင်သူပီပီ လမ်းညွှန်ပေးနေသည်။

ကလေးချီရင် လည်ပင်းကို မညှစ်ထားနဲ့လေ။ ကလေးခေါင်းကို အုပ်ကိုင်ပြီး ဘယ်လိုလုပ် နို့တိုက်လို့ ရမှာလဲ။ ကျောလေးကို ပံ့ပိုးပေးထား ဟုတ်ပြီ အဲဒီလိုမျိုး။ သူတို့ဘာသာ သက်သောင့်သက်သာရှိမယ့် ပုံစံကို ရှာလိမ့်မယ်။

စိတ်မပူပါနဲ့ လူတိုင်းမှာ ပထမဆုံးအကြိမ်ဆိုတာ ရှိတာပဲ။ ကျင့်သားရသွားရင် အဆင်ပြေသွားမှာပါ။ ဟုတ်တယ် အဲဒီအတိုင်းပဲ မကြာခင် ကျင့်သားရသွားလိမ့်မယ်။

ဒါကို ကြားတော့ ရဲချန်းလျန်လည်း သူပြောသလို လိုက်လုပ်ကြည့်သည်။ ချူနင်ပြောတဲ့အတိုင်း လုပ်တာက တကယ်ပဲ အလုပ်ဖြစ်တာကို သူမ သတိထားမိသွားသည်။ သို့သော် ပြဿနာတစ်ခု ရှိလာသည်။ သူမက ရုတ်တရက် ခေါင်းမော့ကြည့်ပြီး ချူနင်ကိုသံသယမျက်လုံးတွေနဲ့ စိုက်ကြည့်လိုက်သည်။

ရှင်က ဘယ်လိုလုပ် ဒါတွေအကုန်သိနေတာလဲ ကျွန်မထက်တောင် ပိုသိနေတယ်။ ကလေးတိုက်ကျွေးတာက မိန်းမတွေရဲ့ အလုပ်မဟုတ်ဘူးလား ရှင်ကဘာလို့ ဒီလောက်တောင် နှံ့နှံ့စပ်စပ် သိနေရတာလဲ။ ငါက လေ့လာထားလို့ပါ။

လေ့လာထားရုံနဲ့တော့ ဒီလောက်အထိ ကျွမ်းကျင်နေမှာ မဟုတ်ဘူး။ ရှင် အရင်က ခွေးအဖေလုပ်ခဲ့ဖူးတာ သေချာတယ်။ ကဲ ပြောပြဖို့ အခွင့်အရေးပေးမယ် အမှန်အတိုင်း ပြောရင် ဘာမှ မလုပ်ဘူး။

ဒါကတော့ ဘောင်းဘီချွတ်ပြီး လေလည်သလိုပါပဲ (အပိုတွေလုပ်နေတာပါပဲ)။ သူက အရင်က အဲလိုမျိုး မဟုတ်ခဲ့တာတင်မကဘဲ တကယ်လို့ ဟုတ်ခဲ့ရင်တောင် ရဲချန်းလျန်ကို အမှန်အတိုင်း ပြောပြလိုက်ရင် သူမရဲ့ ဓားချက်နဲ့ ဝေးမှာမဟုတ်ပါဘူး။

ချူနင်ရဲ့ အားကိုးရာမဲ့နေတဲ့ မျက်နှာကို မြင်တော့ ရဲချန်းလျန်က မျက်မှောင်ကြုတ်ပြီး နှာခေါင်းရှုံ့လိုက်သည်။

ကြည့်ရတာတော့ မဟုတ်သေးပါဘူး ကဲ ယုံပေးလိုက်မယ်။ ရပါတယ် ငါကျင့်သားရနေပါပြီ။ မင်း ကိုယ်ဝန်ရှိတုန်းက ငါ့ကိုဖက်ပြီး ငိုတုန်းကလည်း ငါ့မှာအပြင်မှာ တခြားလူရှိနေတယ်လို့ အမြဲသံသယဝင်ခဲ့တာပဲ မဟုတ်လား။

ကိုယ်ကျင့်တရား ကောင်းတဲ့သူက ဘာကိုကြောက်နေရမှာလဲ ရှင်မလုပ်ထားရင် ဘာလို့ကြောက်နေတာလဲ။ ငါက ကြောက်တာမဟုတ်ပါဘူး မင်းက ဒါကိုပဲနေ့တိုင်း ထပ်ခါတလဲလဲ ပြောနေလို့ပါ။ ရှင်က ကျွန်မကို စိတ်အနှောင့်အယှက် ဖြစ်စရာကောင်းတယ်လို့ ပြောတာလား။

ငါဆိုလိုတာက အဲဒီလိုတွေ တွေးမနေပါနဲ့လို့ ပြောတာပါ။ တကယ် မရှိတဲ့အရာတွေကိုလေ။ ငါက ပြောစရာ မရှိလို့ မေးတာလေ မေးတာ မှားလို့လား ဘာပဲဖြစ်ဖြစ် ရှင်ကမလုပ်ထားဘူးဆိုတော့ ကျွန်မနဲ့အလိုက်သင့်လေး စကားပြောပေးရင် ဘာဖြစ်သွားမှာမို့လို့လဲ။

အရင်ကလည်း ငါအလိုက်သင့် ပြောပေးခဲ့တာပဲ မဟုတ်လား။ အဲဒါကြောင့်လည်း ရှင့်ကို ကျွန်မတော်တော်လေး သဘောကျနေတာပေါ့။

သူမက မာန်တက်တက်နဲ့ နှာခေါင်းရှုံ့လိုက်သည်။ သူမရဲ့ စိတ်အခြေအနေက အရမ်းကို ကောင်းနေသည်။

ကလေးနှစ်ယောက်ကို အလွယ်တကူ မွေးနိုင်ခဲ့တာကြောင့် ဘာဖိအားမှ မရှိတော့ဘူးလေ ကလေးတွေရဲ့ အနှောင်အဖွဲ့ကနေ လွတ်မြောက်ပြီဆိုတော့ အခုဆိုရင် နန်းတွင်းကို ပြန်သွားပြီး သူမရဲ့ စွမ်းဆောင်ရည်တွေကို ပြသနိုင်ပြီပေါ့။ သို့သော် ချူနင်က ချက်ချင်း ငြင်းဆိုလိုက်သည်။

"မရဘူး”

ရဲချန်းလျန် ချက်ချင်း မျက်နှာပျက်သွားသည်။ "ဘာလို့ မရတာလဲ"

မင်းက အခုမှ ကလေးမွေးထားတာ ခန္ဓာကိုယ်က အားနည်းနေသေးတယ်။ အနည်းဆုံး တစ်လလောက်နေမှ ဒီနန်းဆောင်က ထွက်လို့ရမယ်။ အဲဒီမတိုင်ခင်တော့ အပြင်ထွက်ခွင့် မရှိဘူး။

မရဘူး ငါခန္ဓာကိုယ်ကြီးလေးလံနေပြီး လဲနေရတာ ခြောက်လတောင်ရှိပြီ နောက်ထပ် ထပ်လဲနေရဦးမယ်ဆိုရင် ငါတော့ လူပိုကြီးဖြစ်သွားတော့မှာပဲ။

မင်း လူပိုကြီးဖြစ်သွားရင်လည်း မရဘူး။ မင်း လူပိုကြီးဖြစ်သွားရင်လည်း ငါ စောင့်ရှောက်မှာပဲ။ မင်း ဝက်တစ်ကောင် ဖြစ်သွားရင်တောင် ငါစောင့်ရှောက်မယ် ဒါပေမဲ့ မင်းငါပြောတာ နားထောင်ရမယ်။

ငါက ဧကရီလေ နင့်စကား နားမထောင်နိုင်ဘူး။ ငါစာချွန်လွှာတွေ ကိုင်တွယ်ရဦးမယ် နိုင်ငံရေးကိစ္စတွေ စီမံရဦးမယ် နယ်မြေတွေချဲ့ထွင်ပြီး ကမ္ဘာကြီးကို သိမ်းပိုက်ရဦးမယ်။သူမက သူမရဲ့ ရည်မှန်းချက်တွေကို လက်ဟန်ခြေဟန်နဲ့ ပြောနေပေမဲ့ ချူနင်ကတော့ လုံးဝငြင်းဆန်နေတုန်းပါပဲ။

မီးဖွားပြီးတာတောင် မကြာသေးဘဲ မွေးပြီးပထမဆုံးနေ့မှာတင် နန်းတွင်းတက်ဖို့ ကြံနေတာလား။ငါ ရှိနေသရွေ့ တာ့ချန်းအင်ပါယာအတွက် မင်းစိတ်အေးအေးထားပါ။ မင်းရဲ့ခန္ဓာကိုယ်ကိုပဲ ဂရုစိုက်ပါ ကျန်းမာရေး ပြန်ကောင်းလာရင် မင်းလိုချင်တာ အကုန်ခွင့်ပြုမယ်။

ရဲချန်းလျန်ရဲ့ မာန်တွေ ချက်ချင်း ပျောက်သွားပြီး ကလေးနှစ်ယောက်ကို ကြည့်ကာ ဝမ်းနည်းသလို ပြောလိုက်သည်။

တွေ့လား နင်တို့ရဲ့ အဖေက ငါ့ကိုနှိပ်စက်နေတာ။ မမွေးခင်ကလည်း နှိပ်စက်တယ် မွေးပြီးတော့လည်း နှိပ်စက်တုန်းပဲ။ မေမေ လုပ်ချင်တာတွေကို ဘာမှလုပ်ခွင့်မပေးဘူး။

မုမု နဲ့ ရဲ့ယောင် မြန်မြန်ကြီးလာကြစမ်းပါ။ ပြီးရင် နင်တို့အဖေကိုကိုယ်တိုင် ဆုံးမကြစမ်း ဒီအိမ်မှာ ဘယ်သူက အကြီးအကဲလဲဆိုတာ သူသိသွားအောင်လို့။စကားပြောပြီးနောက် သူမက ကလေးတွေရဲ့ ခေါင်းလေးတွေကို ပွတ်သပ်ရင်း ပြုံးပျော်နေပြန်သည်။

ယောကျာ်း သူတို့လေးတွေက အရမ်းချစ်ဖို့ကောင်းတာပဲ ယောကျာ်းနဲ့လည်း တော်တော်တူတယ်။

သူတို့က ငါနဲ့ နည်းနည်းတူပြီး စရိုက်ကတော့ မင်းနဲ့ ပိုတူတယ်။ ဘာပဲဖြစ်ဖြစ် ငါတို့နှစ်ယောက်လုံးနဲ့ တူရင် ရပြီမဟုတ်လား။ ဟုတ်တာပေါ့ ကြည့်ဦး မုမုက ဘယ်လောက်တောင် မြိန်ရေယှက်ရေ စားနေလဲဆိုတာ။

ချူနင် နို့လောက်ပါ့မလား တခြား ဘာတွေပြင်ဆင်ရဦးမလဲ။

စိတ်မပူပါနဲ့ သေချာပေါက် လောက်ပါတယ်။ ငါပါဝင်သောက်ရင်တောင် ပိုနေဦးမှာပါ။ မင်း နေ့တိုင်း စားရတဲ့ အစားအစာတွေကို ငါကိုယ်တိုင် သေချာ ရွေးချယ်ပေးထားတာ။ ဒါတွေအတွက် မင်း စိတ်မပူနဲ့။

ရှင်က ကလေးတွေနဲ့တောင် လုသောက်ချင်သေးတာလား ရှင့်ရဲ့အရှက်မရှိမှုက အဲဒီအဆင့်အထိ ရောက်သွားပြီပေါ့။ သတိထားဦးနော် ကလေးတွေ ကြားသွားရင် တစ်သက်လုံး မှတ်ထားလိမ့်မယ်။

သူတို့ ကြီးလာလို့ ရှင့်ကိုမြင်ရင် သူက ငါတို့နဲ့တောင် အစားလုစားတဲ့လူဆိုပြီး အထင်သေးတဲ့ မျက်လုံးနဲ့ ကြည့်ကြလိမ့်မယ်။ ဘာကြောက်စရာရှိလဲ သူတို့က ငယ်သေးတာပဲ စကားမှ နားမလည်တာ။ အခု မလုရင် နောက်ကျရင် လုဖို့ဘာမှ ရှိတော့မှာ မဟုတ်ဘူး။

အဟက် ရှင်နောက်နေတာ သိပါတယ်။ ဒါပေမဲ့ အခု ငါတကယ်ကို ပျော်နေတာပါ။ နောက်ဆုံးတော့ ငါ့ကလေးတွေကို မြင်လိုက်ရပြီလေ။ စိတ်အေးအေးထားပါ ချန်းလျန် နောက်ကျရင် ဒီထက် ပိုမြင်ရဦးမှာပါ။

သူမရဲ့ နာမည်က ချူမု ဖြစ်သည်။

ဘာကြောင့်မှန်းမသိ သူမနဲ့ ညီမလေးက မျိုးရိုးနာမည် မတူကြဘူး။ တစ်ယောက်ကချူ၊ တစ်ယောက်ကရဲ့ ။

သူမရဲ့ အမေက တာ့ချန်းအင်ပါယာရဲ့ ဧကရီ သူမရဲ့အဖေကတော့ တာ့ချန်းအင်ပါယာရဲ့ ဧကရာဇ် သူတို့ရဲ့ ကျင့်စဉ်အဆင့်ကိုတော့ သူမ မသိရသေးပါဘူး။ ဒါပေမဲ့ တာ့ချန်းအင်ပါယာဆိုတဲ့ နာမည်ကို သူမ တစ်ခါမှ မကြားဖူးတာကြောင့် ဒါကအထက်ဘုံက အင်ပါယာ မဟုတ်တာ သေချာသလောက်ပါပဲ။

ဝိညာဉ်စွမ်းအင်ရှားပါးတာကို ကြည့်ရင် ဒါကအောက်ဘုံပဲ ဖြစ်ရမယ်။ သူမက မွေးရာပါ အစွန်းရောက် သူတော်စင်ခန္ဓာနဲ့ မွေးဖွားလာတာဖြစ်ပြီး ညီမလေးလည်း ထိုနည်းအတိုင်းပါပဲ။ သူတို့က အနာဂတ်မှာ ဧကရာဇ်တွေ ဖြစ်လာကြမှာပါ။

မွေးမွေးချင်း ပထမဆုံးနေ့မှာတင် သူမရဲ့အဖေက သူမကို ငိုအောင်အထိ ဖင်ရိုက်ခဲ့သည်။ ဒါက အရှက်ရစရာဖြစ်ပြီး နောင်တစ်ချိန်မှာ သူမ သေချာပေါက် လက်စားချေပါ့မယ်။ 

အရိုက်ခံရတာတင်မကဘူး သူမရဲ့အဖေက သူမနဲ့ အစားလုဖို့တောင် ပြောခဲ့သေးတာ သူကနောက်နေတာ မဟုတ်ဘူး တကယ်ပြောတာ ဒါကိုမြင်တဲ့ အမေတောင် ဆွံ့အသွားခဲ့ရတယ်။

ကမ္ဘာပေါ်မှာ ဒီလောက်အထိ ယုတ်မာတဲ့အဖေမျိုး ရှိနိုင်ပါ့မလား တကယ်ကို စိတ်ပျက်စရာ ကောင်းလိုက်တာ သူမ အခုချိန်မှာ ဘာမှ မလုပ်နိုင်သေးဘူး လူမိုက်ကလေးလို ဟန်ဆောင်ပြီး ချစ်စရာကောင်းအောင်ပဲ နေရမယ်။ ယောင်ယောင် စကားစပြောနိုင်တဲ့ အချိန်အထိ သူမ စောင့်ရပါမယ်။

ဒါက သူမ မွေးဖွားပြီး ပထမဆုံးနေ့ပါ။ သူမရဲ့ မှတ်ဉာဏ်ထဲမှာတော့ အမှောင်မိုက်ဆုံးနေ့ပါပဲ ဧကရာဇ်တစ်ပါးကို ဒီလိုမျိုး အရှက်ခွဲလို့ မရဘူး။

သူမရဲ့ နာမည်က ရဲ့ယောင် ဖြစ်သည်။

ဟဲဟဲဟဲဟဲဟဲ

ဝါး... ဝါး... ဝါး

ပြတ်... ပြတ်... ပြတ်... (စားသောက်သံ)

အခြားတစ်ဖက်အင်ပါယာတစ်ခုတွင် 

သူ့ရဲ့ နာမည်က ကျိဟုန်းဖြစ်သည်။ သူ့ဘဝမှာတော့ ဒါကအမှောင်မိုက်ဆုံးနေ့ပါပဲ။ သူက နှစ်ပေါင်း တစ်ထောင်လောက် ကျင့်ကြံလာခဲ့တဲ့ သူတော်စင်အဆင့် ကျင့်ကြံသူဖြစ်ပြီး ထျန်းရွှမ်းတိုက်ကြီးတစ်ခုလုံးမှာ တော်တော်လေး အစွမ်းထက်တဲ့သူပါ။

ဒါပေမဲ့ မကြာသေးခင်ကမှ တာ့ချန်းအင်ပါယာမှာ သူ့လိုအစွမ်းထက်တဲ့လူတွေ အများကြီး ပေါ်လာတာဟာ ပြက်လုံးတစ်ခုလိုပါပဲ ပြီးတော့ အဓိကဂိုဏ်းကြီးသုံးခုထဲက တစ်ခုဖြစ်တဲ့ ထိုက်ရွှမ်းဂိုဏ်းက တာ့ချန်းအင်ပါယာနဲ့ မဟာမိတ်ဖွဲ့လိုက်တာကို ကြားလိုက်ရတော့ သူ့အင်ပါယာ ပျက်စီးဖို့ မဝေးတော့ဘူးဆိုတာ သူသိလိုက်ရသည်။

ပြီးခဲ့တဲ့နှစ် ဆောင်းတွင်းက နှင်းတွေကျတုန်းက အင်ပါယာရဲ့ကံကြမ္မာကို လုယူဖို့ ကြိုးစားခဲ့ပေမဲ့ နှင်းတစ်ပွင့်တောင် သူမရခဲ့ပါဘူး။ သူ့ဘဝက အဲဒီတည်းက မှောင်မိုက်နေပြီလို့ သူထင်ထားတာ။ ဒါပေမဲ့ ဒီနေ့မှာတော့ ကျင့်ကြံသူသုံးယောက်က သူ့နန်းတော်ထဲကိုရောက်လာပြီး သူ့ရဲ့ ဂုဏ်ယူရတဲ့ ကျင့်ကြံသူ နှစ်ယောက်ကို မျက်တောင်တစ်ခတ်အတွင်း သတ်ပစ်လိုက်ကြသည်။

"ငါ တစ်ခုပဲမေးမယ်"

"တာ့ချန်းအင်ပါယာက ဘယ်ဘက်မှာလဲ"

ကျိဟုန်း ချက်ချင်း ဒူးထောက်လိုက်ရသည်။

ကျွန်တော်သိပါတယ် ကျွန်တော် လိုက်ပို့ပေးပါ့မယ်။ ကျွန်တော့်ကို မသတ်ပါနဲ့ ဟဲဟဲ... စိတ်မပူပါနဲ့ ဒီနေ့တော့ မင်းကို ငါတို့ မသတ်သေးပါဘူး။

ဒီလူတွေကို ဦးဆောင်လာတဲ့ အဘိုးအိုကတော့ အထက်ဘုံက ချန်းရှန်းဧကရာဇ်ရဲ့ လက်အောက်ခံ နတ်ဘုရားတိမ်တိုက်ဂိုဏ်းရဲ့ဂိုဏ်းချုပ် ချန်မူယာပဲ ဖြစ်ပါသည်။ သူက ဧကရာဇ်တစ်ပိုင်းအဆင့်ဖြစ်ပြီး အောက်ဘုံတစ်ခုလုံးကို သူ့ဘာသာ တစ်ယောက်တည်း ဖျက်ဆီးပစ်နိုင်တဲ့ အစွမ်းရှိသည်။

သူ့မျက်နှာမှာတော့ အနာဂတ်အတွက် မျှော်လင့်ချက်တွေနဲ့ ပြည့်နှက်နေသည်။ ဧကရာဇ်က သူ့ကို ဆုလာဘ်တွေ ပေးမယ့် မြင်ကွင်းကို သူ ကြိုတင် ပုံဖော်နေမိပါတော့သည်။