အခန်း ၁၀၄ အတွင်းနှင့်အပြင်၏ ကွာခြားချက်
စက်မြင်းညည်းသံ ယင်လေအေးတို့ မှောင်ရီပျိုးစတွင် ပို၍သိသာလာ၏။ အနောက်လေတစ်ချက် ဝေ့လိုက်ရုံနှင့် အိုမင်းလှသော ထင်းရှူးပင်တို့သည် တိတ်ဆိတ်သွားကြလေပြီ။
တစ်ခါက လောကနိုးထခြင်း ပုရပိုက်များတွင် မြင်ဖူးခဲ့သမျှ များပြားလှသော လွင့်ပျံပန်းများက မြို့တော်တံခါးဝတွင် အခြေချကုန်ကြပြီ။
အချိန်ကိုက်ကျသော ဆီးနှင်းသည် ထွက်နှုန်းကောင်းမည့်နှစ်ကို ကတိပြုနေ၏၊ နိမိတ်ကောင်းပေစွ လာမည့်နှစ်တွင် သေချာပေါက် အထွက်နှုန်းကောင်းမည့်အပြင် ပါရမီရှင်များသည်လည်း မိုးအပြီးမှိုတက်သလို ပေါ်ထွက်လာကြလိမ့်မည်။ တကယ်ကို မျှော်လင့်စောင့်စားစရာပါပဲ။
နန်းတွင်း အတွင်းဝန်ရုံးအပြင်ဘက်တွင် အနီရောင် ဝတ်စုံဝတ် အရာရှိကြီး အချို့သည် ကျနေသော ဆီးနှင်းများအကြောင်းကို ဆွေးနွေးနေကြသည်။ မလှမ်းမကမ်းတွင်တော့ ရိုးရိုးဝတ်စုံဝတ်ထားသော်လည်း ကိုယ်ဟန်မှာ ကိုင်းညွတ်နေသည့် အဘိုးအိုအချို့ကလည်း တိုးလာနေသည့် နှင်းထုကို ငေးကြည့်နေကြသည်။
ငါတို့ထိုက်ရွှီမြင့်မြတ်နယ်မြေရဲ့ မှတ်တမ်းတွေအရတော့ လဝန်းနီမြင့်မြတ်နယ်မြေ စတင်တည်ထောင်တုန်းက ငါးပေ ခြောက်လက်မအထူရှိတဲ့ ဆီးနှင်းတွေ ကျခဲ့ဖူးတယ်။
အဲဒါကဂိုဏ်းရဲ့ အာဏာစက်နဲ့ ကံကြမ္မာကို ကိုယ်စားပြုတာပဲ။ အဲဒီနောက်မှာ လဝန်နီမြင့်မြတ်နယ်မြေဟာ ကမ္ဘာပျက်ကပ်ထဲမှာ ရုတ်တရက် ထွန်းတောက်လာပြီး လောကမှာရှိသမျှ အင်အားစုတွေကို နှိမ်နင်းနိုင်ခဲ့တာ။
အခု တာ့ချန်းအင်ပါယာမှာတော့ နာရီဝက်အတွင်းမှာတင် နှင်းထုက ခြောက်ပေထက် ကျော်သွားပြီ ကျနေတာလည်း မရပ်သေးဘူး။ ဒီလောက် ထူထဲတဲ့ ကံကြမ္မာရဲ့ သိပ်သည်းဆကိုတော့ ဒီဘိုးဘေးတောင်မှ ခန့်မှန်းလို့ မရနိုင်တော့ဘူး။
စကားပြောနေသူမှာ ဂူယွမ်ဖြစ်ပြီး သူသည် အားလပ်ချိန်တွင် တာ့ချန်းအင်ပါယာ၏ ကျင့်ကြံမှုကိစ္စရပ်များကို လမ်းညွှန်ပေးရန် ရောက်ရှိနေသည့် မြင့်မြတ်နယ်မြေမှ ဘိုးဘေးတစ်ဦးဖြစ်သည်။ သူ့ဘေးမှ အခြားသော ထိုက်ရွှီဘိုးဘေးတစ်ဦးကလည်း မချီးကျူးဘဲ မနေနိုင်ပေ။
ဒီလောက်များပြားတဲ့ ကံကြမ္မာသာ ငါတို့ထိုက်ရွှီမြင့်မြတ်နယ်မြေပေါ်ကို ကျရောက်လာမယ်ဆိုရင် ကောင်းကင်ဖြစ်စဉ်အဆင့်ကျင့်ကြံသူတွေ နောက်ထပ်ဆယ်ဂဏန်းလောက် ထွက်လာမှာသေချာတယ်။ အထက်ဘုံတက်လှမ်းခြင်းစင်မြင့်ပွင့်တဲ့အခါကျရင် ငါတို့ဟာ အထက်ဘုံမှာနတ်ဘုရားနန်းဆောင်အဆင့်ရှိတဲ့ အင်အားစုအဖြစ်တောင် သတ်မှတ်ခံရနိုင်တယ်။
"ဧကရာဇ်မင်းမြတ်ရဲ့ အစီအစဉ်က ဘာဖြစ်မလဲ"
သူတို့အားလုံးသည် ကျင့်ကြံမှုအဆင့်သုံးဆင့်သာ ရှိသေးသော်လည်း အင်ပါယာတွင် ဧကရာဇ်ပြီးလျှင် ရာထူးအမြင့်ဆုံးဖြစ်သည့် ဝန်ကြီးချိုးကို လှမ်းကြည့်လိုက်ကြသည်။
အနီရောင်ဝတ်စုံဝတ် အဘိုးအိုသည် ကောင်းကင်ဖြစ်စဥ်အဆင့် ကျင့်ကြံသူများရှေ့တွင် ရှိနေသော်လည်း မျက်နှာပျက်ခြင်းမရှိဘဲ တည်ငြိမ်စွာဖြင့်ပင် ပြန်လည်ဖြေကြားသည်။
ဧကရာဇ်နဲ့ အရှင်မတို့ရဲ့ ရည်ရွယ်ချက်က အင်ပါယာရဲ့အင်အားကို တတ်နိုင်သမျှ မြှင့်တင်ဖို့ပါပဲ။ နောက်ဆက်တွဲ အစီအစဉ်တွေကိုတော့ အခုလောလောဆယ် တိတိကျကျ မသိရသေးပါဘူး ။ဒါကို ကြားတော့ မြင့်မြတ်နယ်မြေမှ ဘိုးဘေးများ ခေတ္တတွေဝေသွားကြသည်။
ဒီလိုရပ်တည်ချက်မျိုးက အင်ပါယာရဲ့ ကိုယ်ပိုင်အင်အားကို မြှင့်တင်ပြီး ထိပ်တန်းအင်အားစုတစ်ခု ဖြစ်အောင် လုပ်ချင်တာပဲ။ ဒါဟာ တစ်နိုင်ငံလုံး အထက်ဘုံတက်လှမ်းဖို့ပြင်ဆင်နေတဲ့ လက္ခဏာပဲ ဖြစ်နိုင်တယ်။
"တစ်နိုင်ငံလုံး အထက်ဘုံတက်လှမ်းမယ် ဟုတ်လား"
အစွမ်းထက်တဲ့သူတွေဟာ ကမ္ဘာတစ်ခုလုံးကို အထက်ဘုံဆီ ခေါ်ဆောင်သွားနိုင်တယ်လို့ ကောလာဟလ ရှိတယ်။ တာ့ချန်းအင်ပါယာက လောကကြီးကို စည်းလုံးစေပြီး အင်အားလုံလောက်ပြီဆိုရင် အဲဒီလိုလုပ်ကောင်း လုပ်လိမ့်မယ်။ မဟုတ်ရင် ဧကရာဇ်က ဘာလို့ ဒါတွေကို လုပ်နေမှာလဲ။
ဝန်ကြီးချိုးက ခဏစဉ်းစားပြီး ကောင်းကင်ကို မော့ကြည့်လိုက်သည် တကယ်လို့ တစ်နိုင်ငံလုံး အထက်ဘုံတက်လှမ်းမယ်ဆိုရင် ဒါမှမဟုတ် ရှေးလူကြီးတွေပြောသလို ကမ္ဘာတစ်ခုလုံး တက်လှမ်းမယ်ဆိုရင် နတ်ဘုရားဘုံက ဒါကို လက်ခံနိုင်ပါ့မလားလို့ စိုးရိမ်မိတယ်။
ဟားဟား အမတ်ချုပ်ကြီးချိုး ခင်ဗျား အဝေးကြီး တွေးနေတာပဲ။ ဒီလောကထဲမှာ ငါတို့လိုအောက်ဘုံတွေ အများကြီး ရှိပါတယ်။ ကျင့်ကြံသူအားလုံးရဲ့ ပန်းတိုင်က ပိုပြီးကျယ်ပြောလှတဲ့ အထက်ဘုံပါပဲ။ အထက်ဘုံနဲ့ နှိုင်းယှဉ်ရင် ဒီကမ္ဘာကြီးက ဖုန်မှုန့်တစ်စလောက်ပဲ ရှိမှာပါ။
"ဒါ တကယ်ပဲလား"
"တကယ်ပါ။"
"ဒါဆို ခုနက ပြောတဲ့ နတ်ဘုရားနန်းဆောင်ဆိုတာ ဘာကို ဆိုလိုတာလဲ"
ငါတို့ထိုက်ရွှီမြင့်မြတ်နယ်မြေက ဘိုးဘေးတွေ အထက်ဘုံတက်လှမ်းသွားပြီးနောက်မှာ အောက်ဘုံကို သတင်းစကားအချို့ ပေးပို့ခဲ့ဖူးတယ်။ သာမန်အင်အားစုတွေကို သုံးဆင့် ခွဲထားတယ် လူသားအင်ပါယာတွေက အဆင့်နိမ့်၊ နတ်ဘုရားအင်ပါယာတွေက အလယ်တန်း၊ ပြီးတော့ သူတော်စင်အင်ပါယာတွေက အဆင့်မြင့်ပေါ့။
အဆင့်မြင့်အင်ပါယာဖြစ်ဖို့ဆိုရင် အနည်းဆုံး သူတော်စင်အဆင့် သူတော်စင်ငါးယောက်လောက် ရှိရမယ်။ ဥပမာ အရင်က ပျက်စီးသွားတဲ့ တာ့ကျိုးအင်ပါယာဆိုရင် အဆင့်မြင့်အင်အားစုထဲမှာပါတဲ့အတွက် လဝန်းနီမြင့်မြတ်နယ်မြေနဲ့ ပတ်သက်မှု ရှိခဲ့တာ။
အစတုန်းက ခင်ဗျားတို့ရဲ့ အင်အားက သူတို့ထက် အများကြီး နိမ့်ကျပြီး အောက်တန်းအဆင့်မှာပဲရှိခဲ့ပေမဲ့ အခုတော့ ခင်ဗျားတို့က သူတို့နေရာကို အစားထိုးလိုက်ပြီလေ။ အရာရှိများအားလုံး စိတ်ဝင်တစား နားထောင်နေကြသည်။
ဂူယွမ်က ပြုံးရင်း ဆက်ပြောသည် ဒါတွေက အောက်ဘုံရဲ့အဆင့်အတန်းတွေပဲ ရှိသေးတာ။ အထက်ဘုံမှာကျတော့ ပိုပြီး ရှုပ်ထွေးတယ်။ ကောင်းကင်ဖြစ်စဉ်အဆင့်ကျင့်ကြံသူ ဆယ်ယောက်နဲ့ တာအိုအဆင့်သုံးယောက်ရှိတဲ့ ထိပ်တန်းအင်အားစုတောင်မှ အထက်ဘုံမှာဆိုရင် အနိမ့်ဆုံးအဆင့်ပဲ ရှိပါသေးတယ်။ အဲဒါကိုမှ နတ်ဘုရားနန်းဆောင်လို့ ခေါ်တာ။
အဲဒီအထက်မှာတော့ တာအိုအဆင့်ကျင့်ကြံသူ ဆယ်ယောက်နဲ့ ဧကရာဇ်တစ်ပိုင်းတစ်ယောက်ရှိတဲ့ အင်အားစုကို အတိုင်းအဆမဲ့လို့ ခေါ်တယ်။ ပိုပြီး မြင့်တဲ့အဆင့်မှာတော့ ဧကရာဇ်တစ်ဦးတည်း ရှိနေရင်တောင် တခြား ဘာလိုအပ်ချက်မှ မလိုဘဲ ကောင်းကင်အင်အားစုလို့ ခေါ်နိုင်တယ်။
"အော်"
အမတ်ချုပ်ကြီးချိုးက စူးစမ်းစွာ မေးလိုက်သည် ဧကရာဇ်တစ်ယောက်တည်း ရှိရုံနဲ့ ဘာလိုအပ်ချက်မှ မလိုဘဲ ကောင်းကင်အင်အားစုလို့ ခေါ်နိုင်တာလား။
ဒီဘိုးဘေးကတော့ ဧကရာဇ်ဆိုတာကို တစ်ခါမှ မမြင်ဖူးသလို အဲဒီအဆင့်အကြောင်းကိုလည်း မကြားဖူးပါဘူး။ ဒါပေမဲ့ ငါတို့ ဘိုးဘေးပြောဖူးတာကတော့ ဒီအောက်ဘုံရဲ့ အကျယ်အဝန်းဟာ အထက်ဘုံရဲ့တာအိုတိုက်ကြီး သုံးထောင်ထဲမှာ ခဏတာနားခိုရာ နေရာလေးတစ်ခုလောက်ပဲ ရှိတာတဲ့။
ဧကရာဇ်တစ်ယောက်ဟာ အနည်းဆုံး တာအိုတိုက်ကြီး တစ်ရာလောက်ကို စိုးမိုးထားနိုင်တယ် ဒါကြောင့် ဧကရာဇ်တစ်ယောက်တည်းရှိနေတဲ့ ဂိုဏ်းဟာ ဘာအထောက်အပံ့မှ မလိုဘဲ ကောင်းကင်အင်အားစု ဖြစ်နေတာပေါ့။
ဒါကို ကြားတော့ လူအများအပြားဟာ အားကျစိတ်နဲ့ တုန်လှုပ်သွားကြသည်။ အခုအချိန်မှာတော့ သူတို့အတွက် ထျန်းရွှမ်တိုက်ကြီးက စိတ်ဝင်စားစရာ မကောင်းတော့ပါဘူး။ ဧကရာဇ် တစ်ယောက်တည်းနဲ့တင် ရန်သူအားလုံးကို သတ်နိုင်သလို ဧကရာဇ်မရှိရင်တောင် အနန္တအဆင့်ရှိပြီး နတ်ဘုရားလက်နက်ကို ကိုင်ဆောင်ထားတဲ့ အရှင်မက လောကကြီးကို နှိမ်နင်းနိုင်တာပဲလေ။
အခုတော့ သူတို့ အရှင်မနဲ့ ဧကရာဇ်ရဲ့ ရည်ရွယ်ချက်ကို သဘောပေါက်သွားပါပြီ။ အင်အားစုကို မြှင့်တင်မယ် ပါရမီရှင်တွေကို ပြုစုပျိုးထောင်မယ် ပြီးရင် အထက်ဘုံကို တက်လှမ်းမယ်။
ဝိညာဉ်စွမ်းအင်တွေ ပြည့်နှက်နေတဲ့ ကျယ်ပြောလှတဲ့ အထက်ဘုံဟာ တာ့ချန်းအင်ပါယာရဲ့ တကယ့်ဦးတည်ချက်ပါပဲ။ အရာအားလုံးဟာ ဧကရာဇ်ဆီကနေ စတင်ပြီး ဧကရာဇ်ဆီကိုပဲ ပြန်သွားတာပါ။ သူတို့လုပ်ရမှာက အင်ပါယာ ဖွံ့ဖြိုးတိုးတက်ဖို့အတွက် စိတ်ရောကိုယ်ပါ ကြိုးစားပေးဖို့ပါပဲ။
အဆင့်နိမ့်အင်အားစုလေးတွေကတော့ သူတို့အတွက် ဘာမှ မဟုတ်တော့ပါဘူး။ သူတို့ ရယ်မောနေကြရင်း တစ်ယောက်က အရက်သောက်ဖို့ အကြံပြုတာကြောင့် အားလုံး အခြားတစ်နေရာကို ရွှေ့ပြီး သောက်ကြတော့သည်။
ဆီးနှင်းကျတဲ့နေ့မှာ အရက်မပါလို့ ဘယ်ဖြစ်မလဲ။ ဒီနေရာမှာ ရှိတဲ့သူတွေက အင်ပါယာရဲ့ ထိပ်တန်းအရာရှိတွေချည်းပဲဆိုတော့ နည်းနည်းလောက် အလုပ်နားလည်း ဘယ်သူမှ သတိထားမိမှာ မဟုတ်ပါဘူး လက်အောက်ငယ်သားတွေ လုပ်ပေးမှာပဲလေ။
တစ်ချိန်တည်းမှာပဲ နယ်စပ်ဒေသမှာတော့ အနန္တအဆင့်ကို ရောက်နေပြီဖြစ်တဲ့ ကြံ့ခိုင်တဲ့ အဘိုးအိုတစ်ယောက်ဟာ နယ်စပ်မြို့မှာ ကင်းစောင့်နေသည်။ ရုတ်တရက် အဘိုးအိုရဲ့ မျက်လုံးတွေ ပွင့်လာပြီး ဓားကွေးကြီးကို ဆွဲကာ ခုတ်ချလိုက်သည်။
ဘေးနားက လော့ချန်းအင်ပါယာကနေ ဆီးနှင်းတွေကို လာခိုးတဲ့ ကျင့်ကြံသူဟာ ချက်ချင်းပဲ အပိုင်းပိုင်း ပြတ်သွားတော့သည်။
ဒီဘိုးဘေးအတွက် သူတို့ကိုသေချာ စောင့်ကြည့်စမ်း ဒီဆီးနှင်းတွေဟာ ငါတို့တာ့ချန်းအင်ပါယာအတွက် နိမိတ်ကောင်းနဲ့ ကံကြမ္မာတွေပဲ။ အမြင်မကျယ်တဲ့ လော့ချန်းအင်ပါယာက ကောင်တွေလာခိုးရင်တော့ အညှာတာမရှိ သတ်ပစ်ကြ။
ငါတို့ တာ့ချန်းအင်ပါယာရဲ့ အရာရာတိုင်းကို ဘယ်သူ့ကိုမှ အခိုးမခံနိုင်ဘူး။ အခြားတစ်ဖက်မှာတော့ တာ့ချန်းအင်ပါယာနဲ့ အနီးဆုံးဖြစ်ပြီး လက်ရှိမှာနယ်မြေအကျယ်ဆုံးနဲ့ အင်အားအကြီးဆုံးလို့ ထင်ရတဲ့ လော့ချန်းအင်ပါယာဟာ အခုတော့ ပူလောင်နေတဲ့ အိုးထဲက ပုရွက်ဆိတ်တွေလိုဖြစ်နေပါပြီ။
နန်းတော်ထဲမှာတော့ ဆီးနှင်းတွေက အလွှာပါးလေးပဲ ကျနေပြီး အင်ပါယာထဲက ကျင့်ကြံသူတွေတောင်မှ အိမ်နီးချင်းနိုင်ငံဆီ ဘက်ပြောင်းဖို့ စဉ်းစားနေကြပြီ အဆင့်မြင့်အင်ပါယာတစ်ခုရဲ့ ပထမဆုံးနှင်းဟာ ကံကြမ္မာရဲ့ ပြယုဂ်ဆိုတာ ဘယ်သူကမသိဘဲ နေမလဲ။
ဘေးက နိုင်ငံမှာတော့ နှင်းတွေက ခြောက်ပေလောက်ရှိနေပြီး မရပ်သေးဘူးလေ ဘယ်သူကပိုအစွမ်းထက်လဲဆိုတာ နှိုင်းယှဉ်နေဖို့ လိုသေးလို့လား ဘယ်လိုတိုက်ရမှာလဲ ဘယ်သူကတိုက်မှာလဲ။
တာ့ကျိုးအင်ပါယာရဲ့ နယ်မြေအများစုနဲ့ လူတွေကို သိမ်းပိုက်ထားတဲ့ ကျိဟုန်ဟာ အခုနန်းတော်ထဲမှာ တုန်လှုပ်နေရသည်။
အနန္တအဆင့် အဲဒီအမျိုးသမီးကအနန္တအဆင့်ကို ရောက်နေပြီ နယ်စပ်ကို စောင့်နေတာကလည်း အရင်က သူလုပ်ကြံခဲ့တဲ့ ဖန့်ဟောက်ရန်မဟုတ်လား သူဘယ်လိုပြန်ရှင်လာပြီး အနန္တအဆင့်ကိုပါ ရောက်သွားတာလဲ ထိုက်ရွှီ မြင့်မြတ်နယ်မြေကတောင် တာ့ချန်းအင်ပါယာနဲ့ လက်တွဲနေပြီ။
ဒါတွေက အရေးမကြီးသေးပါဘူး လော့ချန်းအင်ပါယာမှာ အခုအပျံ့နှံ့ဆုံး ကောလာဟလကတော့ လွန်ခဲ့တဲ့ လအနည်းငယ်က တာ့ကျိုးအင်ပါယာ ရုတ်တရက် ပျက်စီးသွားတာပါပဲ အဲဒီအမျိုးသမီးရဲ့ခင်ပွန်းက လက်ဝါးတစ်ချက်တည်းနဲ့ နန်းတော်ကို ဖျက်ဆီးပြီး ဝိညာဉ်စွမ်းအင်တွေကို လူစုခွဲကာ ထိပ်တန်းကျင့်ကြံသူတွေကို နှိမ်နင်းခဲ့တာတဲ့။
သူ့ရဲ့လော့ချန်းအင်ပါယာကတော့ သေချာပေါက် ပျက်စီးတော့မှာပါ။ ဒါပေမဲ့ ဘာလို့တာ့ချန်းအင်ပါယာက အခုထိ ဘာမှ မလုပ်သေးတာလဲ။
သူဟာ နေ့တိုင်း စိုးရိမ်တကြီးနဲ့ ဖြတ်သန်းနေရသည်။ ဘာလို့ အခုထိ လာမတိုက်သေးတာလဲ။ မြန်မြန်ပဲ ဖျက်ဆီးပစ်လိုက်ပါတော့။ ဘယ်လိုပဲဖြစ်ဖြစ် ငါတို့မှာ ပြန်တိုက်ဖို့ အင်အားမှ မရှိတာ။
ဒီအချိန်မှာတော့ တာ့ချန်းအင်ပါယာရဲ့ နန်းတော်ထဲမှာ ကျိဟုန် အရမ်းကြောက်နေရတဲ့ ဧကရာဇ် ချူနင်ကတော့ ညစာ ချက်ပြီးသွားပါပြီ။
ညစာ အဆင်သင့်ဖြစ်ပြီ။ ဟင့်အင်း မထချင်ဘူး။
"ဗိုက်မဆာဘူးလား"
"နင် ခွံ့ကျွေးတာ ခံချင်တယ်"
ငါခွံ့ကျွေးရင် မင်းတကယ် ဝက်လေး ဖြစ်သွားတော့မှာပဲ။ ရှောင်ပင်းလည်း ရှိနေတာကို ရှောင်ပင်းလှောင်တာ ခံချင်လို့လား။
ရှောင်ပင်းက ငါတို့လူပဲဟာကို ငါနင်ခွံ့ကျွေးတာပဲ ခံချင်တာ။
"မခွံ့ဘူး စားချင်စား မစားချင်နေ မင်း သဘောပဲ"
ယောင်္ကျား ငါတကယ် မလှုပ်ချင်လို့ပါ တစ်ခါတည်းပဲ ခွံ့ပေးပါနော်။
ဒါကို ကြားတော့ ချူနင့်စိတ်က ပျော့သွားပြီး သက်ပြင်းချလိုက်မိသည်။
ဟူး... ငါတော့ တကယ်ပဲ ဝက်မွေးမြူရေးသမားဖြစ်နေပြီ ထားပါတော့။ ဒါဆို နောက်နှစ်လနေရင် ဝက်ကလေးတွေ မွေးလာတဲ့အခါ နင်ဘာပြောဦးမလဲ။
ဒါဆိုရင်တော့ ဘာမှမတတ်နိုင်ဘူးပေါ့ သူမကိုပဲ အလိုလိုက်ရတော့မှာပဲ။ ငါနင့်ကို စလိုက်တာပါ ငါ့ဘာသာ စားပါ့မယ် နင်ခွံ့ပေးဖို့ မလိုပါဘူး။
တာ့ချန်းအင်ပါယာရဲ့ ကံကြမ္မာက တဖြည်းဖြည်း မြင့်တက်လာနေပါပြီ။ ကျိဟုန်တို့ လော့ချန်းအင်ပါယာကရော တကယ်ပဲ ပျက်စီးသွားမှာလား။