အခန်း (၄၈ )- မျှော်လင့်ထားသည်ထက် ကျော်လွန်ခြင်း

​"တပ်မှူးကြီး ဟန်။"

"တစ်ခုခု မှားနေလို့လား။"

"ဟုတ်ကဲ့။"

ကျန်းဖုန်း က သူသိထားသမျှ အရာအားလုံးကို ဟန်ဒေါင် အား ချက်ချင်း ဖွင့်ပြောလိုက်သည်။

"မယုံနိုင်စရာပဲ၊ သူ သေချင်နေတာလား။" အသေးစိတ်အကြောင်းအရာကို သိလိုက်ရသောအခါ ဟန်ဒေါင် သည် ဒေါသအမြတ်ထွက်သွားပြီး ကျန်းဖုန်းကို လွှတ်ကာ ချောင်ကျိန်း ကိုရှာဖွေရန် အလျင်အမြန် ထွက်သွားတော့သည်။

"ဟူး။" ကျန်းဖုန်း သက်ပြင်းချလိုက်မိသည်။ ဟန်ဒေါင်ကို ပြောပြလိုက်ခြင်းက ကျန်းဖုန်းအနေဖြင့် လုပ်ဆောင်နိုင်သည့် တစ်ခုတည်းသော အရာ ဖြစ်သည်။ ချောင်ကျိန်း သည် သူ၏ ရာထူးနေရာတွင် အစားထိုးဝင်ရောက်လာသူ ဖြစ်ရာ၊ အကယ်၍ သူက တိုင်ရုရှန်းနှင့် ပူးပေါင်းကြံစည်ပြီး ၎င်းကို နန်းတော် က သိရှိသွားပါက ချောင်ကျိန်း အနေဖြင့် ချောင်ကျန့်ရန် ၏ အကာအကွယ်ဖြင့် အနာအဆာမရှိ လွတ်မြောက်သွားနိုင်သော်လည်း၊ သူကမူ သာမန် ထောင်မှူးလေး မျှသာ ဖြစ်သည်။ ထို့ကြောင့် ဝရမ်းပြေးဘဝ ရောက်ရန်မှတစ်ပါး အခြားရွေးချယ်စရာ ရှိလိမ့်မည်မဟုတ်ပေ။

ချောင်ကျိန်း က မည်သို့ပင် တွေးတောနေပါစေ—သူတစ်ပါး၏ အသုံးချခြင်းကို ခံရသည်ဖြစ်စေ၊ ဂရုမစိုက်ဘဲ နေသည်ဖြစ်စေ—ကျန်းဖုန်းအနေဖြင့် မိမိသိသမျှအားလုံးကို ဟန်ဒေါင်ထံ အသိပေးရမည်သာ ဖြစ်သည်။ နောက်ဆက်တွဲ ဘာဖြစ်လာမည်နည်းဟူသည်မှာမူ... ချောင်ကျိန်း က သူ့အပေါ် ရန်ငြိုးဖွဲ့မည်လား၊ လူမည်မျှအထိ ပတ်သက်ဆက်နွှယ်သွားမည်နည်း ဆိုသည်ကိုမူ ကျန်းဖုန်း တစ်ယောက် ဆက်ပြီး ဂရုမစိုက်နိုင်တော့ပေ။

​"အာ... တပ်မှူးကြီးဟန်၊ ကျွန်တော့်ကို လွှတ်ပါဦး၊ ကျွန်တော့်လက် ကျိုးတော့မယ်။"

မကြာမီမှာပင်... ချောင်ကျိန်း ၏ အော်ဟစ်ညည်းတွားသံသည် တတိယထပ်တွင် ပဲ့တင်ထပ်သွားသည်။

"တပ်မှူးကြီး ဟန်၊ စိတ်လျှော့ပါဦး။ ဒါ တစ်ခုခု နားလည်မှုလွဲတာ မဟုတ်ပါဘူးလား။" လီမင်ဟယ်သည် ချောင်ကျိန်း ၏ နောက်ခံအဆင့်အတန်းကို သိထားပြီး ရာထူးတိုးချင်ဇောဖြင့် ချောင်ကျိန်း အတွက် ဝင်ရောက်တောင်းပန်ပေးရန် ကြိုးစားလိုက်သည်။

"ဝုန်း။" ကျန်းဖုန်းသည် ကျယ်လောင်သော တိုက်ခိုက်သံတစ်ခုကို ကြားလိုက်ရသည်။ လီမင်ဟယ်မှာ ဟန်ဒေါင် ၏ ကန်ကျောက်ခြင်းကို ခံလိုက်ရပုံပေါ်သည်။

"အကြီးအကဲ ဟူ၊ မြှားနတ်ရှင်တပ်ဖွဲ့ ရဲ့ တပ်မှူးကြီး သခင် ချောင် ကို ဒီကို ကိုယ်တိုင် သွားရောက်ပင့်ဖိတ်ချေ။"

"အရာရှိ ကျောက်ဟု မင်းက ထောင်အရာရှိချုပ်ကြီး ဆီ သွားပြီး ဖိတ်ကြားလိုက်ပါ၊ ငါ့မှာ ဆွေးနွေးစရာ အရေးကြီးကိစ္စရှိတယ်လို့ ပြောလိုက်။"

"ငါ့အမိန့်မရှိဘဲ ဘယ်သူမှ ကျန်ပေ့

ထောင်ကနေ ထွက်ခွာခွင့်မရှိဘူး။" ဟန်ဒေါင်က တစ်ဆက်တည်း အမိန့်ပေးလိုက်သည်။

အသံက သိပ်မကျယ်သော်လည်း ကျန်းဖုန်း နှင့် နီးကပ်နေသည့်အပြင်၊ သူ၏ စတုတ္ထအဆင့် အနှစ်သာရ သန့်စင်ခြင်းနယ်ပယ် ကျင့်စဉ်ကြောင့် ၎င်းကို အထင်အရှား ကြားလိုက်ရသည်။

"ဟုတ်ကဲ့။" အကြီးအကဲ ဟူနှင့် အရာရှိ ကျောက်ဟု တို့သည် အခြေအနေ မဟန်သည်ကို ရိပ်မိကြသဖြင့် မဆိုင်းမတွဘဲ အလျင်အမြန် ထွက်ခွာသွားကြသည်။

​သူတို့ထွက်သွားပြီးနောက် ဟန်ဒေါင်သည်လည်း ကျန်ပေ့ထောင်မှ ထွက်ခွာသွားခဲ့သည်။

သူမသည် အချိန်တိုအတွင်း ချက်ချင်း ပြန်ရောက်လာသည်။ လက်ထဲတွင် လူတစ်ယောက်ကို ဆွဲခေါ်လာပြီး ၎င်းမှာကျန်ပေ့ထောင်၏ ထောင်စောင့်တပ်ဖွဲ့မှဗိုလ်ကြီးလု ဖြစ်နေသည်။ ဗိုလ်ကြီးလု သည် ဟန်ဒေါင် ၏ ခြေလက်ရိုးများကို ရိုက်ချိုးခြင်းခံထားရပြီး ကြမ်းပြင်ပေါ်သို့ ပျော့ခွေစွာ ပစ်ချခြင်းခံလိုက်ရသည်ကို ကျန်းဖုန်းမြင်လိုက်ရသည်။

"ဒီမိန်းမကတော့ တကယ့်ကို ရက်စက်တာပဲ။" ကျန်းဖုန်း မိမိကိုယ်ကို သတိပေးလိုက်သည်။ ဘာမှမမြင်လိုက်ရသကဲ့သို့ ဟန်ဆောင်ကာ သူ၏ တာဝန်ဝတ္တရားများကိုသာ ဆက်လက်လုပ်ဆောင်နေခဲ့သည်။ ချောင်ကျိန်း ဗိုလ်ကြီးလုနှင့် တိုင်ရုရှန်းတို့အကြား ပူးပေါင်းကြံစည်မှု ရှိမရှိကို ဟန်ဒေါင်၏ နည်းလမ်းများက ရက်ပိုင်းအတွင်း ဖော်ထုတ်နိုင်လိမ့်မည်ကို သူ နားလည်ထားသည်။

သူသည် ယနေ့မှသာ ထောင်သို့ ပြန်ရောက်လာခြင်းဖြစ်ပြီး ဟန်ဒေါင်ထံ သတင်းပို့ခဲ့သူမှာလည်း သူပင် ဖြစ်သည်။ ချောင်ကျိန်း နှင့် ဗိုလ်ကြီး လု တို့အကြား ပြဿနာရှိခဲ့လျှင်ပင်၊ အပြစ်တင်စရာရှိလာပါက နန်းတော်က သူ့ကို ထည့်သွင်းအပြစ်ပေးလိမ့်မည် မဟုတ်ပေ။

ထို့ကြောင့် နောင်တွင် မည်သို့ပင် ဖြစ်ပျက်လာပါစေ နန်းတော်က သူ့အပေါ် တာဝန်ရှိသည်ဟု သတ်မှတ်မည်မဟုတ်။ အဓိက စိုးရိမ်စရာမှာ ၎င်းက ချောင်ကျန့်ရန် အပေါ် သက်ရောက်မှု ရှိမရှိပင် ဖြစ်သည်။ အကယ်၍ ချောင်ကျန့်ရန် သာ ပါဝင်ပတ်သက်ခြင်းမရှိဘဲ၊ သူက ဟန်ဒေါင် ထံ သတင်းပို့ခဲ့သည်ကို သိသွားပါက ကလဲ့စားချေလာမည်လား။ ထို့ပြင် တိုင်ရုရှန်း အရေးကိစ္စတွင် ပါဝင်ပတ်သက်နေသူများက ဤနှောင့်ယှက်ဖျက်ဆီးမှုကို သိရှိသွားပါက မည်သို့ တုံ့ပြန်ကြမည်နည်း။

သို့သော် ကျန်းဖုန်း တွင် အခြားရွေးချယ်စရာ မရှိခဲ့ပေ။ သူ ဆုတောင်းရုံသာ တတ်နိုင်သည်။ ချောင်ကျိန်း က တိုင်ရုရှန်း ထံ ပေးအပ်ခဲ့သောအရာသည် သာမန် နေ့စဉ်သုံးပစ္စည်းများသာ ဖြစ်ပြီး၊ တိုင်ရုရှန်း ၏ အမှုတွဲတွင် ရှုပ်ထွေးမှုများ မဖြစ်စေရန်သာ ဆုတောင်းရုံရှိသည်။ ထိုသို့ဆိုလျှင် အပြစ်ပေးခံရမည့်သူမှာ ဗိုလ်ကြီး လု နှင့် ချောင်ကျိန်း သာ ဖြစ်လိမ့်မည်။ ချောင်ကျန့်ရန် သိသွားလျှင်ပင် သူ၏ ညီဖြစ်သူက အရင် မှားယွင်းခဲ့ခြင်းကို သိမြင်ပြီး တာဝန်ဝတ္တရားအရ ဆောင်ရွက်ရခြင်းကို အသိအမှတ်ပြုကာ၊ အနည်းဆုံးတော့ သူ့အသက်ကို ရန်ရှာသည်အထိ အပြစ်တင်လိမ့်မည် မဟုတ်ပေ။ ကျန်းဖုန်း

သည် ကောင်းမွန်သောဘက်မှ တွေးတောရန် ကြိုးစားလိုက်သည်။

​မကြာမီမှာပင်... ထောင်အရာရှိချုပ်ကြီးနှင့် မြှားနတ်ရှင်တပ်ဖွဲ့ တပ်မှူးကြီး ချောင်ကျန့်ရန် တို့သည် ကျန်ပေ့ ထောင်သို့ တစ်ယောက်ပြီးတစ်ယောက် ရောက်ရှိလာကြသည်။ ထို့နောက် မရှည်မနှောင်းမှာပင် ထောင်စောင့်တပ်မှူးနှင့် အရာရှိအချို့လည်း ဝင်ရောက်လာကြသည်။

တတိယထပ်ရှိ တပ်ကြပ်ကြီးများနှင့် အရာရှိတိုင်း စစ်ဆေးမေးမြန်းခြင်းကို ခံခဲ့ရသည်။ ကျန်းဖုန်း၏ လက်အောက်တွင် အလုပ်လုပ်သော အရာရှိဝမ်၊ အရာရှိ မင်၊ အရာရှိဖုန်းနှင့် မကြာသေးမီက ချောင်ကျန်း နှင့် ထိတွေ့ဆက်ဆံခဲ့ဖူးသူများအားလုံးကို စုံစမ်းစစ်ဆေးရန် ဆင့်ခေါ်ခဲ့သည်။ ကံကောင်းထောက်မစွာဖြင့် ဗိုလ်ကြီးများသည် ပြင်းထန်သော ညှဉ်းပန်းနှိပ်စက်မှုကိုမူ မခံခဲ့ရပေ။

သို့သော် ပြန်ရောက်လာကြသောအခါ ၎င်းတို့၏ မျက်နှာအမူအရာများမှာ အလွန်ပင် ညှိုးငယ်နေကြသည်။ ဟန်‌ဒေါင်ကိုယ်တိုင်က ကျန်းဖုန်းအပါအဝင် ဝန်ထမ်းအားလုံးကို ကျန်ပေ့ ထောင်မှ မထွက်ခွာဘဲ ထိုနေရာတွင်သာ နေထိုင်စားသောက်ရန် အမိန့်ပေးခဲ့သည်။

​လူစုံတက်စုံ ဖြစ်သွားသည်နှင့် တတိယထပ်ရှိ စစ်ဆေးမေးမြန်းရေးအခန်းကို ယနေ့တွင် နောက်ဆုံး၌ ဖွင့်လှစ်လိုက်ပြီ ဖြစ်သည်။ ပထမဆုံး စစ်ဆေးမေးမြန်းခြင်းခံရသူမှာ ထောင်စောင့်တပ်ဖွဲ့မှ ဗိုလ်ကြီးလု ဖြစ်သည်။ ထို့နောက်တွင်မူ ချောင်ကျိန်း ကိုယ်တိုင် ဖြစ်သည်။

ချောင်ကျိန်း အနေဖြင့် မိမိကိုယ်တိုင်က ညှဉ်းပန်းနှိပ်စက်သည့် ကိရိယာများကို အသုံးပြုရမည့်အစား ၎င်းတို့၏ နှိပ်စက်ခြင်းကို ခံရမည့်သူ ဖြစ်လာလိမ့်မည်ဟု အိပ်မက်ပင် မက်ဖူးလိမ့်မည် မဟုတ်ချေ။ မကြာမီမှာပင် လီမင်ဟယ်နှင့် မကြာသေးမီက ချောင်ကျိန်း နှင့် ရင်းနှီးခဲ့သော ဗိုလ်ကြီးအချို့လည်း စစ်ဆေးမေးမြန်းခံခဲ့ရပြီး ရုပ်ပိုင်းဆိုင်ရာ နာကျင်မှုအချို့ကို ခံစားခဲ့ရသည်။

​တစ်ညလုံး... တတိယထပ်တွင် လူသူအဝင်အထွက်များဖြင့် အလွန်ရှုပ်ထွေးနေခဲ့သည်။ သို့သော် ထောင်အရာရှိချုပ်ကြီး၊ ချောင်ကျန့်ရန် ၊ ဟန်ဒေါင် နှင့် ထောင်စောင့်တပ်မှူး ချူထျန်းဟယ်တို့သည် ကျန်ပေ့ထောင်၏ တတိယထပ်သို့ ဝင်ရောက်သွားကတည်းက ပြန်လည်ထွက်ခွာလာခြင်း မရှိကြသေးပေ။ ကျန်းဖုန်း၏ မျက်နှာအမူအရာမှာ ပို၍ပင် မှုန်မှိုင်းလာခဲ့သည်။

ဤလူကြီးလူကောင်းများ၏ လှုပ်ရှားမှု ပိုမိုကြီးမားလေ၊ ကျန်ပေ့ ထောင်တွင် အချိန်ပိုကြာလေ၊ အခြေအနေက ပိုမိုဆိုးရွားလေ ဖြစ်သည်။ ချောင်ကျိန်း ၏ အမှားမှာ တကယ့်ကို ကြီးလေးပုံရသည်။ သူ၏ စရိုက်အပေါ် အခြေခံ၍ ကျန်းဖုန်းသိသည်မှာ၊ ချောင်ကျိန်း သည် လေလွင့်သောက်စားတတ်သူ ဖြစ်သော်လည်း သူ၏ စိတ်ရင်းမှာမူ ရိုးသားဖြူစင်ပါသည်—ထိုသို့မဟုတ်ပါက ဝံပုလွေမွှေးစုတ်တံ ကို သူ့ထံ အလွယ်တကူ အပ်နှံပြီး အတိတ်က လုပ်ရပ်များကို အကုန်အစင် အဘယ်ကြောင့် ဖွင့်ပြောလိမ့်မည်နည်း။ ဖြစ်နိုင်သည်မှာ၊ သူ၏ မျက်စိထဲတွင် ၎င်းက သာမန်ကိစ္စမျှသာဖြစ်ပြီး ခြိမ်းခြောက်မှုတစ်ခု မဟုတ်ဟု ထင်မြင်နေခြင်း ဖြစ်နိုင်သည်။

နောက်ခံအာဏာရှိသော်လည်း ရိုးအပြီး ပြဿနာကို မကြောက်တတ်သူမျိုးကိုသာ အသုံးချခြင်း ခံရတတ်သည်။ ဗိုလ်ကြီးလု သည် ဤစရိုက်လက္ခဏာကြောင့်ပင် ချောင်ကျိန်း

ကို ရွေးချယ်ခဲ့ခြင်း ဖြစ်ရမည်။ အမှန်တရားမှာမူ လုပ်ငန်းခွင်အခန်းထဲတွင် ထိုင်ရင်း အပြင်ဘက်က အသံများကို အမြဲနားစွင့်နေသော ကျန်းဖုန်း ၏ စိတ်ကူးယဉ်တွေးတောမှုမျှသာ ဖြစ်သည်။

ထောင်စောင့်တပ်ဖွဲ့၏ လှုပ်ရှားမှုများနှင့် ချောင်ကျန့်ရန် နှင့် ထောင်အရာရှိချုပ်ကြီးတို့၏ ရောက်ရှိနေမှုများသည် ကျန်ပေ့ထောင်တွင် ကြောက်စရာမဟုတ်ဟု သူ တွေးမိသည်။ တရားရေးဌာန မှ မည်သူမျှ ရောက်မလာသရွေ့ ပြဿနာကို ထိန်းချုပ်နိုင်သေးသည်။ အနည်းဆုံးတော့ လက်ရှိပြဿနာများကို ချောင်ကျန့်ရန် နှင့် ထောင်အရာရှိချုပ်ကြီးတို့ ကိုင်တွယ်နိုင်သည်။

သို့သော်လည်း နောက်တစ်နေ့တွင်...

အသံတစ်ခုကြောင့် ကျန်းဖုန်းလန့်ဖျတ်သွားခဲ့သည်။

"တရားမျှတမှုဝန်ကြီးဌာန ရဲ့ ဝန်ကြီးချုပ်၊ သခင် ချင်သခင်ရောက်ရှိလာပါပြီ။"ဤုအသံသည် ကျန်းဖုန်း ၏ နားထဲတွင် အထူးပင် ကျယ်လောင်နေခဲ့သည်။ ထင်ရှားသည်မှာ၊ ကိစ္စရပ်များသည် တရားရေးဌာန ထံသို့ ရောက်ရှိသွားပြီ ဖြစ်ပြီး ဝန်ကြီးချုပ်ကိုယ်တိုင် အခင်းဖြစ်ပွားရာနေရာသို့ ရောက်ရှိလာခြင်းက ကျန်းဖုန်း ၏ မျှော်လင့်ချက်များထက် ကျော်လွန်ကာ အခြေအနေမှာ အလွန်စိုးရိမ်ဖွယ်ရာ ဖြစ်နေကြောင်း ပြသနေသည်။

​အခြေအနေနှင့် ရင်ဆိုင်ရသောအခါ ကျန်းဖုန်းအနေဖြင့် နောက်ဆုံးရလဒ်ကိုသာ စောင့်ဆိုင်းနိုင်တော့သည်။ သူသည် ဟန်ဒေါင် ကို အသိပေးခဲ့သည့်အတွက် နောင်တမရပေ။

အကြောင်းမူကား အကယ်၍ ပေါ်ပေါက်သွားပါက သူသည် မြေမြှုပ်ရန် နေရာပင် ရှိလိမ့်မည်မဟုတ်ဘဲ သေဆုံးရမည် ဖြစ်သောကြောင့်တည်း။ ထိုသို့ဆိုလျှင် အကောင်းဆုံး ရလဒ်မှာ နန်းတော်၏ လိုက်လံဖမ်းဆီးခြင်းကို ခံရပြီး နဂါးမြို့တော် သို့ ဆုတ်ခွာကာ ပုန်ကန်သူများအဖွဲ့ ထံတွင်သာ ခိုလှုံခွင့် တောင်းခံရနိုင်ခြင်း ဖြစ်သည်။ သို့သော် အပြန်အလှန်အားဖြင့်မူ... ဤအဖြစ်အပျက်၏ ရိုက်ခတ်မှု မည်မျှပင် ကြီးမားစေကာမူ ပြင်ပလူများ၏ မျက်စိထဲတွင် သူသည် မိမိတာဝန်ကို ကျေပွန်စွာ ထမ်းဆောင်သည့် ထောင်မှူးလေးတစ်ဦးမျှသာ ဖြစ်သဖြင့် လူကြီးလူကောင်းများက သူ့ကို အပြစ်တင်လိမ့်မည် မဟုတ်ပေ။

အကယ်၍ ဒေါသအမျက်ထွက်နေသော အသည်းအသန်ဖြစ်နေသူများက သူ့ကို ရှင်းလင်းပစ်ချင်လျှင်ပင်၊ သူ ရင်ဆိုင်ရမည့် အန္တရာယ်သည် နန်းတော်၏ လိုက်လံဖမ်းဆီးခြင်းကို ခံရသည်ထက် နည်းပါးပေလိမ့်မည်။

အဆိုးဆုံး ဖြစ်လာပါက ကျန်ပေ့ထောင်တွင်သာ ဆက်လက် ပုန်းအောင်းနေပြီး၊ ပထမအဆင့် အစွမ်းထက်ပုဂ္ဂိုလ် ဖြစ်လာမှသာ အပြင်ထွက်၍ ၎င်းတို့ကို ရင်ဆိုင်မည် ဖြစ်သည်။ ထို့အပြင် ကျန်းဖုန်း က ဟန်ဒေါင်နှင့် ထောင်အရာရှိချုပ်ကြီးတို့က သူ့ကို ဘေးကင်းအောင် စောင့်ရှောက်လိမ့်မည်ဟု အမြဲ ခံစားနေရသည်။ အကြောင်းမှာ နောက်ပိုင်းတွင် နန်းတော်က လိုက်လံစုံစမ်းပါက ပထမဆုံး အပြစ်ပေးခံရမည့်သူများမှာ ထောင်အရာရှိချုပ်ကြီးနှင့်ဟန်ဒေါင် တို့ ဖြစ်သောကြောင့် ဖြစ်သည်။ ချောင်ကျန့်ရန် ပင်လျှင် အနာအဆာမရှိ လွတ်မြောက်နိုင်မည် မဟုတ်ချေ။ ထို့ကြောင့် ကျန်းဖုန်းသည် ကလဲ့စားချေခံရမည့်အရေးကို သိပ်ပြီး မစိုးရိမ်တော့ပေ။

​"ကျွန်တော် အခုလေးတင် အစားအသောက် သွားပို့တာ၊ သခင်တိုင်ကို စစ်ဆေးမေးမြန်းရေးအခန်းထဲ ခေါ်သွားကြပြီ၊ ထောင်အရာရှိချုပ်ကြီးနဲ့ တပ်မှူး ကြီးဟန် တို့လည်း အကုန်ရှိနေကြတယ်၊ သူတို့ ဘာတွေ ရှာတွေ့သွားလဲ ဘယ်သူသိမလဲ။" ဤအချိန်တွင် ကျန်းဖုန်းသည် အရာရှိ၀မ်၏ လက်အောက်ရှိ ထောင်စောင့်လေးတစ်ဦး တိုးတိုးတိုးတိုး ပြောဆိုနေသည်ကို ကြားလိုက်ရသည်။

ကျန်းဖုန်းက ၎င်းကို ဆိတ်ငြိမ်စွာ မှတ်သားထားလိုက်ပြီး၊ ထို့နောက် အရာရှိဝမ် အား ထိုထောင်စောင့်ကို ပါးနှစ်ချက် ရိုက်ရန် ညွှန်ကြားကာ မလိုအပ်ဘဲ အတင်းအဖျင်း မပြောရန် သတိပေးလိုက်တော့သည်။