အခန်း (၃၂) - ရာထူးတိုးခြင်း
ချောင်ယန်လမ်းကြား သို့ ပြန်ရောက်လာချိန်တွင် လမ်းကြားထဲ၌ ဖြူဆွတ်သော မီးအိမ်များ ချိတ်ဆွဲထားသည့် နေရာနှစ်ခု ရှိနေသည်။ တစ်ခုက စပ်ဟပ်ပေးသူ ဒေါ်လေး လျို၏ အိမ်ဖြစ်ပြီး၊ နောက်တစ်ခုကတော့ လမ်းကြားထိပ်ရှိ သားသတ်သမား ဝမ် ၏ အိမ်ဖြစ်သည်။
ဒေါ်လေး လျိုသည် မည်သူ့ကို သွားရောက်စော်ကားမိမှန်း မည်သူမျှ မသိသော်လည်း လွန်ခဲ့သော ညအနည်းငယ်က သူမ၏ ကိုယ်ပိုင်အိမ်ဝင်းထဲ၌တင် ခုတ်ထစ်သတ်ဖြတ်ခြင်း ခံခဲ့ရသည်။ နောက်တစ်နေ့ နံနက်တွင် ကျန်းဖုန်းတစ်ယောက် သားသတ်သမား ဝမ်၏ အိမ်ရှေ့မှ ဖြတ်သွားစဉ် ဝမ် ၏ ရောဂါဟောင်း ပြန်ထလာပြီး အိမ်ရှေ့၌တင် လဲကျသွားခဲ့သည်။ ကံဆိုးချင်တော့ ကျန်းဖုန်း သည် လွန်ခဲ့သော ရက်အနည်းငယ်ကကျန်ပေ့အကျဉ်းထောင်တွင် အလုပ်ရှုပ်နေသဖြင့် အပြင်သို့ မထွက်နိုင်ခဲ့ဘဲ နာရေးစားသောက်ပွဲ နှစ်ခုစလုံးကို လွဲချော်ခဲ့ရ လေသည်။
အိမ်ပြန်ရောက်လျှင်ရောက်ချင်း ကျန်းဖုန်း သည် ဦးစွာ ရေနွေးအိုးတည်ပြီး ကိုယ်လက်သန့်စင်လိုက်သည်။ ရေပုံးပေါင်းများစွာ ကုန်သည်အထိ တစ်ကိုယ်လုံးကို အပြင်ရောအတွင်းပါ ပြောင်စင်အောင် ပွတ်တိုက်ပြီးနောက် အဝတ်အစားသစ်များ လဲလှယ်ကာ မိမိကိုယ်ကိုယ် နမ်းကြည့်လိုက်သည်။ သို့သော် ဖားပြုတ်၏ ညှီစော်နံစော်များက မပြယ်သေးဘဲ စွဲကျန်နေသကဲ့သို့ ခံစားနေရဆဲပင်။ ထိုအနံ့က ဖျောက်ဖျက်ရ ခက်ခဲလွန်း၍လား သို့မဟုတ် လွန်ခဲ့သော ရက်အနည်းငယ်က ထိုအနံ့နှင့် ယဉ်ပါးသွား၍လားတော့ မသိ၊ အနံ့ဆိုးက လုံးဝ ပျောက်မသွားချင်ပေ။ သူသည် ကုတင်ပေါ်တွင် ထိုင်ကာ မိမိ၏ အချက်အလက်ပြဘောင် ကို စစ်ဆေးလိုက်သည်။
အမည် - ကျန်းဖုန်း
ကံကြမ္မာအမှတ် - ၄၃၂၁
ကျင့်စဉ် - ထောင် စောင့်ကျန်းမာရေးစောင့်ရှောက်မှုကျင့်စဉ် အောင်မြင်မှုအဆင့်ကြီး
စွမ်းရည်များ - အကျဉ်းထောင်အစောင့် လက်သီးရှည်ကျင့်စဉ်ကျွမ်းကျင်+ - နတ်မြှားကျင့်စဉ် ဆရာအဆင့်+မျောက်အသွင်လွတ်မြောက်ခြင်းကျင့်စဉ်ကျွမ်းကျင်+
ကျင့်ကြံမှုအဆင့် - ပဉ္စမအဆင့် သွေးသန့်စင်ခြင်း
တန်ခိုး -မသေမျိုးအသက်ရှည်ခြင်း
ယခုတစ်ကြိမ် ထောင်စီးနင်းခံရသည့် မုန်တိုင်းသည် အန္တရာယ်များနှင့် ပြည့်နှက်နေခဲ့သည်။ သူပုန်ဂိုဏ်းက ထောင်ထဲသို့ အတင်းဝင်ရောက်စီးနင်းခြင်း၊ ထိုအရာက ကျန်းဖုန်းအတွက် သယ်ဆောင်လာသည့် ခြိမ်းခြောက်မှုများ သို့မဟုတ် ထောင်မှ လွတ်မြောက်သွားပါက နန်းတော်က ပြစ်တင်အပြစ်ပေးခြင်း ခံရနိုင်ပြီး ကျန်းဖုန်း အတွက် ပိုမိုကြီးမားသော ပြဿနာများကို ဆောင်ကြဉ်းလာနိုင်ခြင်း စသည်တို့ ရှိနေသည်။ ခြုံငုံပြောရလျှင် သူသည် သာမန် အကျဉ်းထောင်အစောင့်လေး တစ်ဦးမျှသာ ဖြစ်သဖြင့် ဤကဲ့သို့သော ရှုပ်ထွေးမှုများကြားတွင် အခြေခံအားဖြင့် အသတ်ခံရမည့်နေ့ကို စောင့်နေရသူ သက်သက်သာ ဖြစ်သည်။
ကံကောင်းထောက်မစွာဖြင့် ကျန်းဖုန်း သည် ပါးနပ်လွန်းသဖြင့် ရှောင်တိမ်းနိုင်ခဲ့သည်။ သူပုန်များသည် ထောင်စီးနင်းရာတွင် ရှုံးနိမ့်ခဲ့ပြီး ကြာနီဂိုဏ်း ၏ သခင်လေးသည်လည်း ထိုနေရာ၌တင် သေဆုံးသွားခဲ့ကာ နန်းတော်၏ မျက်နှာပန်း လှသွားခဲ့သည်။ ထောင်ထဲရှိ အစောင့်များအားလုံး အပြစ်ပေးခြင်း မခံရမည့်အပြင် တရားဝင် ဆုလာဘ်များပင် ရရှိလိမ့်မည်ဟု သတင်းများ ထွက်ပေါ်နေသည်။
အန္တရာယ်ကြီးမားသော လှိုင်းလုံးများစွာကို ကျော်ဖြတ်ပြီးနောက်ကျန်းဖုန်းကြောင့် သူ၏ ကံကြမ္မာအမှတ် များသည် ရက်ပိုင်းအတွင်း ၄၃၂၁ အထိ မြင့်တက်လာခဲ့သော်လည်း သူ အလွန်အမင်း စိတ်မလှုပ်ရှားမိပေ။ အမှန်တကယ်တော့
ကျန်းမာရေးစောင့်ရှောက်မှုကျင့်စဉ်
၏ နောက်ကွယ်တွင် (+) လက္ခဏာ မရှိတော့သည်ကို မြင်လိုက်ရသဖြင့် သူ အနည်းငယ် စိတ်ပျက်သွားမိသည်။ မိမိ၏ ကျင့်ကြံမှုအဆင့်ကို ထပ်မံမြှင့်တင်ရန်အတွက် အနည်းဆုံး ကံကြမ္မာအမှတ် ၅၀၀၀ သို့မဟုတ် ထိုထက်မက လိုအပ်မည်ကို သူ နားလည်သွားခဲ့သည်။
အကျဉ်းထောင်အစောင့် လက်သီးရှည်ကျင့်စဉ်
နတ်မြှားကျင့်စဉ်
နှင့်မျောက်အသွင်လွတ်မြောက်ခြင်းကျင့်စဉ်
တို့၏ နောက်ကွယ်တွင် Plus (+) လက္ခဏာများ ပေါ်နေသည်ကို ကြည့်ပြီး ကျန်းဖုန်း သည် ခေတ္တမျှ စဉ်းစားကာ မျောက်အသွင်လွတ်မြောက်ခြင်းကျင့်စဉ် ကို အဆင့်မြှင့်တင်ရန် ဆုံးဖြတ်လိုက်သည်။
ယခုတစ်ကြိမ်တွင် ကြာနီဂိုဏ်း၏ ထောင်စီးနင်းမှု ပျက်ပြားသွားပြီး သခင်လေးပါ ထိုနေရာ၌တင် သေဆုံးသွားခဲ့သဖြင့် လာမည့်ရက်များတွင်ကြာနီဂိုဏ်း အနေဖြင့် ရူးသွပ်စွာ ကလဲ့စားချေလာနိုင်ပြီး အထူးသဖြင့် ၎င်းတို့ထဲမှ အရာရှိများကို ပစ်မှတ်ထားလာမည်ကို ကျန်းဖုန်းစိုးရိမ်နေမိသည်။ အကယ်၍ သူသည် မိမိ၏ ကိုယ်ဖော့ကိုယ်ခံပညာကို မြှင့်တင်နိုင်ခဲ့လျှင် အန္တရာယ်နှင့် ကြုံတွေ့ရပါက လွတ်မြောက်ရန် လမ်းစရှိပေလိမ့်မည်။
လွန်ခဲ့သောတစ်ကြိမ်က သူ၏ ကံကြမ္မာအမှတ်၂၀၀၀ ကျော် ရှိနေစဉ်တွင် နတ်မြှားကျင့်စဉ် နှင့်မျောက်အသွင်လွတ်မြောက်ခြင်းကျင့်စဉ် တို့နောက်၌ +လက္ခဏာများ မရှိခဲ့သည်ကို သူ မှတ်မိနေသေးသည်။
ယခုတစ်ကြိမ်တွင်မူ ကျန်းဖုန်းသည် ကံအမှတ်၂၅၀၀ ကို မျောက်အသွင်လွတ်မြောက်ခြင်းကျင့်စဉ် ထဲသို့ တိုက်ရိုက် ထည့်သွင်းလိုက်သည်။ဘောင်သည် ချက်ချင်း ပြောင်းလဲသွားခဲ့သည်။
အမည် - ကျန်းဖုန်း
ကံကြမ္မာပွိုင့်အမှတ် - ၁၈၂၁
ကျင့်စဉ် - ကျန်းမာရေးစောင့်ရှောက် မှုကျင့်စဉ်အာင်မြင်မှုအဆင့်ကြီး
စွမ်းရည်များ -အကျဉ်းထောင်အစောင့် လက်သီးရှည်ကျင့်စဉ်
ကျွမ်းကျင်+ - နတ်မြှားဆရာအဆင့်+၊ မျောက်အသွင်လွတ်မြောက်ခြင်းကျင့်စဉ်
မဟာအောင်မြင်ခြင်း
ကျင့်ကြံမှုအဆင့် - ပဉ္စမအဆင့်သွေးသန့်စင်ခြင်း
တန်ခိုး -မသေမျိုးအသက်ရှည်ခြင်း
"မဟာအောင်မြင်ခြင်း! ကိုယ်ဖော့ကျင့်စဉ်က တကယ်ပဲ မဟာအောင်မြင်ခြင်း -
အဆင့်ကို တက်လှမ်းသွားပြီပဲ" ကျန်းဖုန်းရေရွတ်လိုက်မိသည်။
မူလက မိမိ၏ ကိုယ်ဖော့ကျင့်စဉ်ကို မြှင့်တင်ရန်ကံကြမ္မာအမှတ်၂၅၀၀ လိုအပ်သည်ကို မြင်သောအခါ သူ အနည်းငယ် နှမြောမိသော်လည်း— မျောက်အသွင်လွတ်မြောက်ခြင်းကျင့်စဉ်
က ဆရာအဆင့်ကို ကျော် ပြီးနောက် နောက်တစ်ဆင့်မှာ မဟာအောင်မြင်ခြင်း!
ဖြစ်လာလိမ့်မည်ဟု သူ မမျှော်လင့်ထားခဲ့မိပေ။မဟာအောင်မြင်ခြင်း အဆင့်တွင် ထိုကျင့်စဉ်က မည်မျှအထိ ထိရောက်မှု ရှိမည်နည်း။
ကျန်းဖုန်းသည် ကြမ်းပြင်ပေါ်တွင် မတ်တပ်ရပ်လိုက်သည်။ သူသည် မိမိ၏ စွမ်းအင် ကို အနည်းငယ် မျှဝေ လှည့်ပတ်လိုက်ရုံဖြင့် ခြေထောက်များ မြေပြင်မှ လွင့်ပျံတော့မတတ် ခံစားလိုက်ရသည်။ အကယ်၍ သူသည် ယခင်က ဆယ်မီတာကျော်မျှသာ ခုန်ကူးနိုင်ခဲ့လျှင် ယခုအခါ တစ်ချက်တည်း ခုန်လိုက်ရုံဖြင့် မီတာသုံးလေးဆယ်အထိ ရောက်ရှိသွားနိုင်ပြီဖြစ်ရာ— သူ၏ ရွေ့လျားမှုနှုန်းမှာ ယခင်နှင့် လုံးဝ နှိုင်းယှဉ်၍မရနိုင်တော့ပေ။
ထိုအရှိန်နှုန်းဖြင့်ဆိုပါက ကျန်းဖုန်းအနေဖြင့် စတုတ္ထအဆင့် ပြိုင်ဘက်နှင့် ရင်ဆိုင်ရလျှင်ပင် အနည်းဆုံးတော့ ခုခံကာကွယ်နိုင်မည်ဖြစ်ပြီး နတ်မြှားနှင့်ပါ ပေါင်းစပ်လိုက်လျှင် တတိယအဆင့်အထက် ကိုယ်ခံပညာရှင်တစ်ဦးပင်လျှင် သူ့ကို ဖမ်းမိနိုင်ရန် မလွယ်ကူတော့ကြောင်း ယုံကြည်ချက် ရှိသွားခဲ့သည်။
ထိုသို့ တွေးတောမိပြီးနောက်ကျန်းဖုန်း ၏ စိတ်ခံစားချက်မှာ သိသိသာသာ လန်းဆန်းသွားခဲ့သည်။ ကျန်ရှိနေသောကံကြမ္မာအမှတ် ၁၈၂၁ ကို ကြည့်ပြီး သူသည် ၁၅၀၀ ကို အကျဉ်းထောင်အစောင့် လက်သီးရှည်ကျင့်စဉ်
ထဲသို့ ထည့်သွင်းရန် ဆုံးဖြတ်လိုက်သည်။ အနီးကပ်တိုက်ခိုက်ခြင်းမှာ သူ၏ အားနည်းချက် ဖြစ်သည်။ အကယ်၍ မဟာလူသားတစ်ဦးက သူ့ကို ချောင်းမြောင်းတိုက်ခိုက်လာပါက ကျန်းဖုန်း၏ အကျဉ်းထောင်အစောင့် လက်သီးရှည်ကျင့်စဉ် အဆင့်ဖြင့် ခေတ္တမျှသာ တောင့်ခံနိုင်မည်ဖြစ်ပြီး အလဲအလှယ် အနည်းငယ် ပြုလုပ်ပြီးနောက်တွင် ပျာယာခတ်သွားရပေလိမ့်မည်။
သူသည် လီဝေ နှင့် လေ့ကျင့်စဉ်ကပင် ဤအရာကို အမှန်တကယ် ခံစားခဲ့ရဖူးသည်။ ထိုစဉ်က သူ၏ ကျင့်ကြံမှုအဆင့်မှာ နိမ့်လွန်းသဖြင့် ကျင့်ကြံမှုအားလုံးကို ကျန်းမာရေး စောင့်ရှောက်မှု ပေါ်တွင်သာ အာရုံစိုက်ခဲ့ရသည်။ ယခုအခါ သူ၏ ကျင့်ကြံမှုမှာ ပဉ္စမအဆင့်သို့ ရောက်ရှိနေပြီး ကိုယ်ဖော့ကျင့်စဉ်မှာလည်း မဟာ အောင်မြင်ခြင်းသို့ ရောက်ရှိနေပြီဖြစ်ရာ ကျန်းဖုန်းသည် နောက်ဆုံးတွင် ထောင် စောင့်လက်သီးကို အားစိုက်ပျိုးထောင်နိုင်ပြီ ဖြစ်သည်။
ဘောင် မှာ ထပ်မံ ပြောင်းလဲသွားပြန်သည်။
အမည် - ကျန်းဖုန်း
ကံကြမ္မာပွိုင့်အမှတ် - ၃၂၁
ကျင့်စဉ်-ကျန်းမာရေးစောင့်ရှောက်မှု
အောင်မြင်မှုအဆင့်ကြီး
စွမ်းရည်များ - အကျဉ်းထောင်အစောင့် လက်သီးရှည်ကျင့်စဉ်
အနည်းငယ်အောင်မြင်ခြင်း နတ်မြှားဆရာအဆင့်+ - မျောက်အသွင်လွတ်မြောက်ခြင်းကျင့်စဉ်
မဟာအောင်မြင်ခြင်း
ကျင့်ကြံမှုအဆင့် - ပဉ္စမအဆင့် သွေးသန့်စင်ခြင်း
တန်ခိုး - မသေမျိုးအသက်ရှည်ခြင်း
အကျဉ်းထောင်အစောင့် လက်သီးရှည်ကျင့်စဉ်
နှင့် ကျန်းမာရေးစောင့်ရှောက်မှုကျင့်စဉ်
l နှစ်ခုစလုံးသည် အခြေခံအကျဆုံး ကျင့်စဉ်များ ဖြစ်ကြသည်။
အစောပိုင်း အဆင့်မြှင့်တင်မှုများအတွက် လိုအပ်သော ကံကြမ္မာအမှတ်ပမာဏမှာ အတူတူပင်ဖြစ်ရာ ကံကြမ္မာအမှတ်၁၅၀၀ က သူ၏ လက်သီးရှည်ကို (ကျွမ်းကျင်မှုအဆင့်)
မှ (အနည်းငယ်အောင်မြင်ခြင်းအဆင့်) အဆင့်သို့ ရောက်ရှိစေခဲ့သည်။ ကျန်းဖုန်းသည်အကျဉ်းထောင်အစောင့် လက်သီးရှည်ကျင့်စဉ်) နှင့် ပတ်သက်၍ နားလည်မှု အသစ်တစ်ရပ်ကို သိသိသာသာ ခံစားလိုက်ရသည်။
အကျဉ်းထောင်ထဲက အဖြစ်အပျက်ကို ပြန်တွေးကြည့်လျှင် အကယ်၍ အရာရှိ ယွမ်သာ အချိန်မီ ပြေးမထွက်လာခဲ့ပါက ကြာနီဂိုဏ်းသခင်လေး၏ နတ်ဆိုးသတ်ပညာနှင့် ရင်ဆိုင်ရချိန်တွင် သူ၏လက်သီးရှည်အနည်းငယ် အောင်မြင်ခြင်းဖြင့် အနည်းဆုံးတော့ သခင်လေးကို မလဲကျခင် နောက်ထပ် အချက်အနည်းငယ် ပိုမိုခုတ်ဖျက်ပစ်အောင် လုပ်ဆောင်နိုင်ခဲ့လိမ့်မည်ဟု ကျန်းဖုန်းသေချာပေါက် ယုံကြည်မိသည်။
နောက်တစ်နေ့ နံနက်။
ကျန်းဖုန်းသည်ကျန်ပေ့အကျဉ်းထောင်သို့ ပြန်သွားခဲ့သည်။ သူသည် တံခါးဝတွင် ဦးလေးဟော့နှင့် တိုးမိလေသည်။
မင်း ဘာမှမဖြစ်ဘဲ အကောင်းတိုင်း ရှိနေတာ တွေ့ရတာ ဝမ်းသာပါတယ်ကွာ" ဦးလေးဟော့က အနားသို့ လျှောက်လာပြီး ကျန်းဖုန်းကို အကဲခတ်ကာ ပြောလိုက်သည်။
"ဦးလေဟော့၊ ဦးလေး ထပ်ပြီး ချောင်းမြောင်းတိုက်ခိုက်ခံရတယ်လို့ ကြားတယ်၊ ဒီရက်ပိုင်း အားလုံး အလုပ်ရှုပ်နေကြတာနဲ့ ဦးလေးဆီ လာမကြည့်ဖြစ်ဘူး" ကျန်းဖုန်း က စိုးရိမ်တကြီး ပြောလိုက်သည်။
"ငါ နားလည်ပါတယ်ကွာ၊ ထောင်ခန်းတွေမှာ လူအင်အား မလောက်မင ဖြစ်နေတာပဲဥစ္စာ။ အခု ငါ ကုတင်ပေါ်ကဆင်းပြီး လမ်းလျှောက်နိုင်ပြီဆိုတော့ ငါ့ဂျူတီအတွက် ပြန်လာတာပေါ့" ဦးလေးဟော့က ခေါင်းညိတ်လိုက်သည်။ ထို့နောက် အကျဉ်းထောင်အပြင်ဘက်တွင် ပုံထားသော ပစ္စည်းများကို ကြည့်ကာ သက်ပြင်းချရင်း— "အဲဒီသူပုန်တွေကတော့ တကယ့်ကို အကြောက်အလန့်မရှိတာပဲ— နေ့ခင်းကြောင်တောင်ကြီး ထောင်ကို စီးနင်းရဲတယ်လို့။ နေပါဦး၊ ငါ ကံကောင်းလို့လား မသိဘူးနော်။
သူပုန်တွေ ထောင်ထဲ အတင်းဝင်လာတုန်းက ငါက သတိမေ့လဲကျနေတာလေ၊ အိမ်မှာတင် ကုတင်ပေါ်လဲပြီး ရက်အနည်းငယ် ကုန်သွားတယ်။ နေဦး... မဟုတ်သေးပါဘူး၊ ငါသာ သတိမေ့မလဲသွားရင် အရာရှိ ချန်နဲ့ ဂျာတီလဲဖြစ်မှာ၊ ဒါဆို အဲဒီသူပုန်တွေနဲ့ တိုးမှာ မဟုတ်ဘူး။ တောက်... ငါ ဘယ်သူ့ကို သွားကန့်လန့်တိုက်မိလို့လဲမသိဘူး။ ဒီတစ်ခါတော့ ဘယ်သူလုပ်လဲဆိုတာ သေချာပေါက် စုံစမ်းရမယ်"
ဆက်တိုက်ဆိုသလို နှစ်ကြိမ်တိုင်တိုင် ရိုက်နှက်ခံခဲ့ရသည်ကို တွေးမိပြီး ဦး လေးဟော့ တစ်ယောက် ဒေါသထွက်နေရှာသည်။
"ဦးလေးဟော့ ရယ်၊ အထဲပဲ အရင်ဝင်ရအောင်ပါ!" ကျန်းဖုန်းသည် စကားလမ်းကြောင်းကို အလျင်အမြန် လွှဲလိုက်ရသည်။ သူကိုယ်တိုင်ပင် ဦးလေးဟော့ ကို နှစ်ကြိမ်တိုင်တိုင် သတိမေ့အောင် ရိုက်ခဲ့ခြင်းဖြစ်သည်။
— မူလကတော့ သူ့ကို ကယ်တင်ရန်အတွက် ဖြစ်သော်လည်း သူပုန်များက ပထမအကြိမ်တွင် ထောင်စီးနင်းရန် မဝံ့ရဲဘဲ ဒုတိယအကြိမ်တွင် နေ့ခင်းဘက်မှ ရောက်လာလိမ့်မည်ဟု မည်သူက ထင်ထားပါမည်နည်း၊ ထို့ကြောင့် ဦးလေး ဟော့ ခမျာ တုတ်ဖြင့် အလကားသက်သက် နှစ်ချက် အရိုက်ခံခဲ့ရခြင်း ဖြစ်သည်။
"ကျန်းဖုန်း၊ ဗိုလ်ကြီး လုမင်းကို ရှာနေတယ်" အထဲသို့ ဝင်ရုံရှိသေး၊ အကျဉ်းထောင်အစောင့်တစ်ဦးက ကျန်းဖုန်းကို လှမ်းအော်ပြောလိုက်သည်။
"အော်။" ကျန်းဖုန်း အံ့သြသွားမိသည်- ဗိုလ်ကြီး လု၏ အမည်အပြည့်အစုံမှာ လုရှန်ဟိုင်း
ဖြစ်ပြီး အဋ္ဌမအဆင့် အရိုးသန့်စင်ခြင်း ကျင့်ကြံမှုရှိကာ ဝမ်ဟဲ၏ နေရာတွင် အစားထိုးရန် အကျဉ်းထောင်စစ်တပ် မှ မကြာသေးမီကမှ ပြောင်းရွှေ့လာသူ ဖြစ်သည်။ သူတို့နှစ်ဦးကြားတွင် ယခင်က မည်သည့် ဆက်ဆံရေးမျှ မရှိခဲ့ဖူးပေ။ လုရှန်ဟိုင်း မိမိကို မည်သည့်အတွက်ကြောင့် ရှာရသည်ကို ကျန်းဖုန်း လုံးဝ စဉ်းစားမရပေ။
"အရာရှိမင်း၊ ကျွန်တော့်ကို တွေ့ချင်တယ်ဆိုလို့ပါ?" ကျန်းဖုန်းသည် လုရှန်ဟိုင်း ၏ ရုံးခန်းထဲသို့ ဝင်လာခဲ့သည်။
ကျန်းဖုန်း, ဂုဏ်ယူပါတယ်ကွာ! မင်းက သူပုန်တွေရဲ့ ထောင်စီးနင်းမှုကို တားဆီးရာမှာ ကူညီပေးခဲ့လို့ ကြီးမားတဲ့ အကျိုးပြုမှုကို လုပ်ဆောင်နိုင်ခဲ့တယ်။ တပ်မှူးကြီး ဟန် က မင်းကို တော်တော်လေး အလားအလာရှိတယ်လို့ မြင်တာကြောင့် မင်းကို တတိယအဆင့်ရဲ့ အကျဉ်းထောင်မှူး အဖြစ် ပြောင်းရွှေ့ခန့်အပ်ဖို့ ငါ့ကို အမိန့်ပေးခဲ့တယ်။ ပြင်ဆင်စရာရှိတာ ပြင်ဆင်ထားဦး၊ သတင်းပို့ဖို့ ငါ မင်းကို အဲဒီကို ခေါ်သွားမယ်" လုရှန်ဟိုင်းသည် သူ၏ ပုံမှန် အေးစက်စက် အမူအရာကို ဖျောက်ဖျက်ကာ မတ်တပ်ရပ်ပြီး ကျန်းဖုန်း၏ ပုခုံးကို ပုတ်ပေးလိုက်သည်။
"ဟင်၊ တတိယအဆင့်ရဲ့ အကျဉ်းထောင်မှူး ဟုတ်လား။" ကျန်းဖုန်းတစ်ယောက် ကြောင်အမ်းသွားမိသည်။ သူ... တကယ်ပဲ ရာထူးတိုးသွားခဲ့တာလား။