အခန်း ၅ - ကောင်းကင်ဘုံမှ ငရဲဘုံသို့ ကျဆင်းခြင်း နှင့် ယွီရှောင်ကန်း မူးမေ့ချင်ယောင်ဆောင်ခြင်း

【"လော်... လော်..."】

【ဝက်ကလေးတစ်ကောင်နှင့် တူသော ထိုသားရဲငယ်လေးသည် ယွီရှောင်ကန်း နောက်တွင် ပုန်းကွယ်လျက် တိုးညှင်းစွာ အော်နေသည်။ ယွီရှောင်ကန်းအပေါ် သံယောဇဉ်ရှိပြီး သူသည် ရှေ့သပင် တိုးလာကာ ယွီရှောင်ကန်းရဲ့ ဘောင်းဘီနားစကို လာရောက်ပွတ်သပ်နေသည်။】

【"ဒါ... ဒါ ဘာကြီးလဲ..."】

【အချိန်းများခဲသွားသလို ငြိမ်သက်နေသော ဝိညာဉ်နိုးထခြင်း ကွင်းပြင်ကြီးကို ထို တိုးညှင်းသော ရေရွတ်သံတစ်ခုက ပြန်လည်သက်ဝင်လှုပ်ရှားလာစေသည်။ ဧည့်သည်တော်အားလုံးသည် တစ်ယောက်ကိုတစ်ယောက် ကြည့်လိုက်ကြပြီး ဘယ်သူမျှ ဘာပြောရမှန်း မသိဖြစ်နေကြသည်။】

【"ဝိညာဉ်က သားရဲပုံသဏ္ဍာန် ရှိနေတယ်၊ ဒါက သားရဲဝိညာဉ် ဖြစ်တာ ထင်ရှားပါတယ်။ ဒါပေမဲ့ ခန္ဓာကိုယ်ရဲ့ ပြင်ပမှာ မွေးဖွားလာတာပဲ။ ဒါဟာ ဝိညာဉ်တွေရဲ့ ပုံစံသစ်တစ်ခု ဖြစ်နိုင်တယ်"】

【နောက်ဆုံးတွင် ဘုံခုနစ်ဆင့်ပြာသာဒ်ဂိုဏ်း ယခင်ဂိုဏ်းချုပ်က စတင်ပြောလိုက်သဖြင့် တိတ်ဆိတ်နေသော မြင်ကွင်းကြီးတွင် ဆူညံသံများဖြင့် ပြန်လည်သက်ဝင်လာသည်။】

【နှမြောစရာကောင်းတာက ထိုအချိန်တွင် လူအများစု မျက်ဝန်းများတွင် ပြဇာတ်ကောင်းတစ်ပုဒ်ကို ထိုင်ကြည့်ချင်နေသော အမူအရာများဖြင့် ပြည့်နှက်နေခြင်းပင် ဖြစ်သည်။】

【အပြာရောင်လျှပ်စီး နဂါးဂိုဏ်းက အခမ်းအနားကို သက်သေအရာတည်ရန် ဖိတ်ကြားထားသောသူများတွင် ဘယ်သူက နာမည်ကျော်ကျွမ်းကျင်သူ မဟုတ်ဘဲ ရှိမလဲ။ သူတို့ စွမ်းအားများက အပြာရောင်လျှပ်စီး နဂါးဂိုဏ်းကို မမီနိုင်သော်လည်း ဝိညာဉ်များနှင့် ပတ်သက်သော ဗဟုသုတများကိုမူ အတိုင်းအတာတစ်ခုအထိ နားလည်ထားကြသည်။】

【ယွီရှောင်ကန်း ယခုတင် နိုးထလာခဲ့သော ဝိညာဉ်က ထင်ရှားစွာပင် ဗီဇပြောင်းလဲမှုကို ခံလိုက်ရခြင်း ဖြစ်သည်။】

【သူ့အသေးစိတ်အချက်အလက်များကို သူတို့ နားမလည်သော်လည်း၊ ဝက်ပုံသဏ္ဍာန်ကို ကောင်းမွန်သော ဗီဇပြောင်းလဲမှုဟု သတ်မှတ်ရန် ဘလိုမှ မဖြစ်နိုင်ပေ။】

【"ဟားဟားဟား... ကျွန်တော်လည်း ညီနောင်နင်ရဲ့ သုံးသပ်ချက်ကို သဘောတူတယ်။ ခန္ဓာကိုယ်ပြင်ပမှာ မွေးဖွားလာတဲ့... ဒီလိုဝိညာဉ်မျိုးက ကျွန်တော်တို့ ဝိညာဉ်နန်းတော်ရဲ့ မှတ်တမ်းတွေထဲမှာတောင် တစ်ခါမှ မရှိဖူးသေးပါဘူး။"】

【စောစောကအထိ မျက်နှာပျက်နေသော ဝိညာဉ်နန်းတော်မှ ဘွဲ့အမည်ရဒိုလော်သည် နောက်ဆုံးတွင် အားရပါးရ ရယ်မောလိုက်တော့သည်။】

【မိမိ ပြိုင်ဘက် အခက်အခဲကြုံနေရတာကို မြင်ရခြင်းထက် သူ့ကို ပိုပျော်ရွှင်စေမည့်အရာ ဘာရှိဦးမလဲ။】

【"ဟူး... ရှောင်ကန်း၊ စိုးရိမ်မနေပါနဲ့ဦး။ မွေးရာပါဝိညာဉ်စွမ်းအားကို အရင်သွားစမ်းသပ်လိုက်ပါဦး"】

【အသက်ပြင်းပြင်းရှူသွင်းကာ ပြန်လည်သက်ပြင်းချရင်း ယွီယွမ်ကျန့်က ရိုလာကိုစတာစီးနေရသလို လှုပ်ခတ်နေသော သူ့စိတ်ခံစားချက်များကို တည်ငြိမ်အောင် ထိန်းချုပ်လိုက်သည်။】

【လွန်ခဲ့သော မိနစ်ပိုင်းက ယွီရှောင်ကန်း အလင်းတန်းများ လွှမ်းခြုံခံထားရစဉ်တုန်းက သူက သူ့သားရဲ့ ‘မွေးရာပါဝိညာဉ်စွမ်းအားအပြည့်’ ဖြင့် ဝိညာဉ်နိုးထခြင်းကို ဘယ်လိုအောင်ပွဲခံရမလဲဆိုတာကို တွေးတောနေခြင်း ဖြစ်သည်။】

【ဒါပေမဲ့ အခုတော့ အားလုံး အစိတ်စိတ်အမြွှာမြွှာ ပျက်စီးသွားခဲ့ပြီ။】

【ယွီယွမ်ကျန့်ရဲ့ စကားများကြောင့် ဝိညာဉ်နိုးထခြင်း အခမ်းအနားကို တာဝန်ယူကျင်းပပေးနေသော အပြာရောင်လျှပ်စီး နဂါးဂိုဏ်းသားသည် သတိပြန်ဝင်လာကာ ယွီရှောင်ကန်း ခြေရင်းရှိ သားရဲငယ်လေးကို တစ်ချက်ကြည့်ကာ မျက်မှောင်ကုတ်လိုက်ပြီး၊ မွေးရာပါဝိညာဉ်စွမ်းအားကို စမ်းသပ်သည့် ဖန်လုံးကို ယွီရှောင်ကန်း၏ ရှေ့သို့ ကမ်းပေးလိုက်သည်။】

【"ဂိုဏ်းချုပ်ငယ်... မွေးရာပါဝိညာဉ်စွမ်းအားကို အရင်စမ်းသပ်ကြည့်ပါဦး။ ဖြစ်နိုင်တာက အခြေအနေတွေက မင်းထင်သလောက် ဆိုးချင်မှ ဆိုးမှာပါ။"】

【တာဝန်ခံ၏ စကားများက ယွီရှောင်ကန်းရဲ့ ပုံမှန်မဟုတ်သော ဆွံ့အမှုကို ပြယ်လွင့်သွားစေပြီး၊ ကျောက်ရုပ်ကဲ့သို့ အကြာကြီး ငြိမ်သက်နေခဲ့သော သူကို ပြန်လည်လှုပ်ရှားလာစေသည်။】

【သူ့ခြေရင်းရှိ သားရဲငယ်လေးကို ကြည့်ကာ မျက်လုံးများ ပြူးကျယ်လျက်၊ လုံးဝ မယုံကြည်နိုင်လောက်သော အမူအရာဖြင့် လက်သီးများကို တင်းတင်းဆုပ်ထားမိသည်။】

【"ဒါ... ဒါ ဘာကြီးလဲ..."】

【ယွီရှောင်ကန်း အသံက တိုးညှင်းလွန်းလှသဖြင့် သူကိုယ်တိုင်သာ ကြားနိုင်သော အဆင့်တွင် ရှိနေသည်၊ ယခုအချိန်တွင် သူသည် အလွန်အမင်း ထိတ်လန့်သွားသဖြင့် အသံပင် ပျောက်ကွယ်လုနီးပါး ဖြစ်သွားရသည်။】

【သူသည် ယခုဖြစ်ပျက်သမျှ အားလုံးကို အိပ်မက်တစ်ခုသာ ဖြစ်ပါစေဟု အပြင်းအထန် ဆုတောင်းမိနေသည်။]

【ဒါပေမဲ့ တင်းတင်းဆုပ်ထားတဲ့ လက်သီးတွေဆီက နာကျင်မှုက အားလုံးဟာ လက်တွေ့ဘဝဆိုတာ သူ့ကို သတိပေးနေသည်။】

【"ဂိုဏ်းချုပ်ငယ်... မွေးရာပါဝိညာဉ်စွမ်းအားကို အရင်စမ်းသပ်ကြည့်ပါဦ"]

【ယွီရှောင်ကန်းရဲ့ အခြေအနေကို မြင်သောအခါ တာဝန်ခံက မျက်မှောင်ကုတ်လိုက်ပြီး သူ့အသံကလည်း မသိစိတ်အရ ပိုမိုကျယ်လောင်လာသည်။】

【"မင်း..."】

【ထိုအသံကြောင့် လန့်ဖျတ်သွားသော ယွီရှောင်ကန်းက တာဝန်ခံကို ကြည့်လိုက်ရာ ထိုလူ၏ မျက်မှောင်ကုတ်ထားတာကို ရှင်းရှင်းလင်းလင်း မြင်လိုက်သည်။ သူ့နှလုံးသားထဲတွင် ဒေါသတကြီး မကျေမနပ် ဖြစ်သွားသော်လည်း အပြင်သို့ ထုတ်ပြောရန်မူ မဝံ့ရဲပေ။】

【"သူက ဘာလို့ မျက်မှောင်ကုတ်နေရတာလဲ။ ငါ့အပေါ် မကျေနပ်လို့လား။"】

【"ငါက အပြာရောင်လျှပ်စီး နဂါးဂိုဏ်းရဲ့ ဂိုဏ်းချုပ်ငယ်ပဲ၊ သူက ဘယ်လိုသတ္တိနဲ့ ငါ့အပေါ် မကျေမနပ် ဖြစ်ရဲတာလဲ။"】

【"ငါနိုးထလာတဲ့ ဝိညာဉ်က အသုံးမကျဘူးဆိုတာကို သူမြင်သွားလို့ ဒီလို ပြုမူရဲတာလား။"】

【အတွေးပေါင်းစုံက ယွီရှောင်ကန်း စိတ်ထဲတွင် လျှပ်စီးလက်သကဲ့သို့ ဖြတ်ပြေးသွားသည်။ ယခုအချိန်တွင် သူပတ်ဝန်းကျင်ရှိ ဆူညံသံအားလုံးက သူကို လှောင်ပြောင်နေသည်ဟု ခံစားနေရသည်။】

【သို့သော်လည်း သူက နောက်ဆုံးမျှော်လင့်ချက်တစ်ခုကို ဆုပ်ကိုင်ထားဆဲ ဖြစ်သည် — ဖြစ်နိုင်တာက သူကမွေးရာပါဝိညာဉ်စွမ်းအားအပြည့် ပိုင်ဆိုင်ထားပြီး၊ ထိုဝိညာဉ်က တစ်ခါမှ မရှိဖူးသေးတဲ့ အထူးအမျိုးအစား ဖြစ်နေတာမျိုးလား】. 【ထို့ကြောင့် ယွီရှောင်ကန်းက သူရဲ့လက်ကို ဖန်လုံးပေါ်သို့ တင်လိုက်သည်။】

【ဆူညံသံများ ငြိမ်ကျသွားပြီး လူအများစုက မသိစိတ်အရ အသက်ရှူပင် အောင့်ထားမိကြသည်။】 【ထိုအထဲတွင် ဖခင်ဖြစ်သူ ယွီယွမ်ကျန့်က အပူပန်ဆုံး ဖြစ်နေကာ၊ သူ့နှလုံးသားထဲတွင် မိမိသိသမျှ နတ်ဘုရားအားလုံးကို တိုင်တည်ပြီး ဆုတောင်းနေခဲ့ပြီ ဖြစ်သည်။】

【ဒါပေမဲ့ ကံဆိုးစွာနဲ့ပဲ... ကောင်းကင်ကြီးက သူ့ကို ပြန်လည်မထူးခဲပေ။】

【သေးငယ်လှသော အလင်းဖျော့ဖျော့လေးတစ်ခုက ဖန်လုံးပေါ်တွင် လင်းလက်လာပြီး။ ထိုအလင်းတန်းကို မြင်လိုက်ရသောအခါ ဘွဲ့အမည်ရဒိုလော်တစ်ဦးရဲ့ သားဖြစ်သူ ယွီရှောင်ကန်းက ယနေ့မှစပြီး လူပြက်တစ်ယောက်(အမှိုက်)ထက် မပိုတော့ကြောင်း လူတိုင်း နားလည်သွားကြသည်။】

【"မွေးရာပါဝိညာဉ်စွမ်းအား... အဆင့် ၀.၅။"】

【တာဝန်ခံက နောက်ဆုံးရလဒ်ကို ကြေညာလိုက်သောအခါယွီရှောင်ကန်း မျက်နှာက ချက်ချင်းပင် လူသေလို ဖြူလျော်သွားကာ၊ ခြေထောက်များ ပျော့ခွေပြီး မြေပြင်ပေါ်သို့ ဘုန်းခနဲ လဲကျသွားတော့သည်။】

【မွေးရာပါဝိညာဉ်စွမ်းအား အဆင့် ၀.၅။】

【အဆင့် ၀.၅ တဲ့လား...】 အမှောင်ကမ္ဘာ၊ ဝိညာဉ်နန်းတော်တွင်။ "ရှောင်ကန်း..." ဗီဒီယိုထဲတွင် မြေပြင်ပေါ်တွင် ပျော့ခွေလဲကျနေသော ယွီရှောင်ကန်းကို ကြည့်ရင်း ဘိဘိတုန်ရဲ့ မျက်ဝန်းများတွင် နာကျင်မှုများ ပြည့်နှက်နေသည်။ ထိုအချိန်တွင် သူမသည် ကောင်းကင်စီရင်ချက်ကို ထုတ်လွှင့်ပြသကာ ယွီရှောင်ကန်း တစ်ချိန်က ခံစားခဲ့ရဖူးသော နာကျင်မှုများကို သူမမျက်စိရှေ့တွင် တစ်ခါပြန် ပေါ်လာအောင် လုပ်ဆောင်နေသော တည်ရှိမှုကို မုန်းတီးမိသည်။ သူမက သူမကိုယ်ကိုယ်ကိုလည်း မုန်းတီးမိသည် — သူမက ဘာလို့ ကောင်းကင်စီရင်ချက်မျက်နှာပြင်ထဲ ဝင်ရောက်ကာ သူ့ကို နှစ်သိမ့်ပေးပိုင်ခွင့် မရှိရတာလဲ။(မျက်ကန်းဒိုလော်) ဆော့ထိုမြို့၊ ရှရက်ခ် အကယ်ဒမီ။ "အားးးးးးးးးး!!!" အတိတ်ရဲ့ နာကျင်မှုများက လွှမ်းခြုံလာသဖြင့် ယွီရှောင်ကန်းက နှလုံးကြေကွဲဖွယ် အော်ဟစ်သံတစ်ခုကို ထုတ်လိုက်သည်။ ထိုအရာများ မဖြစ်မီက သူသည် မိမိအပေါ် ဖြစ်ပျက်ခဲ့ဖူးသောကိစ္စရပ်များက သူ့နှလုံးသားကို ဘယ်လိုမှ ထပ်မံလှုပ်ခတ်နိုင်တော့မည်မဟုတ်ဟု ထင်ခဲ့သည်။ ဒါပေမဲ့ အရာအားလုံးက သူ့မျက်စိရှေ့မှာ ပြန်ပေါ်လာသောအခါ၊ သူ့ နာကျင်မှုနှင့် ဒေါသများကို လုံးဝ ထိန်းချုပ်မရနိုင်ကြောင်း သူ သိလိုက်သည်။ သူက သူရဲ့မိသားစုကို မုန်းတီးမိသည်၊ အထူးသဖြင့် သူ့ဖခင် ယွီယွမ်ကျန့်ကို ဖြစ်သည်၊ သူ့ကို ထိုသို့သော ပါရမီမျိုး ပေးခဲ့သည့်အတွက် မုန်းတီးမိသည်။ သူ့အဖေက ဘွဲ့အမည်ရဒိုလော်တစ်ဦး ဖြစ်သော်လည်း အလွန် ကပ်စေးနှဲလွန်းလှသဖြင့် သူ့သားထံသို့ ပါရမီအစအနလေးတစ်ခုပင် ပေးမသွားခဲ့ဘဲ သူ့ကို တိုက်ကြီးတစ်ခုလုံးရဲ့ လှောင်ပြောင်စရာ ဖြစ်အောင် လုပ်ဆောင်ခဲ့သည်။ ခေါင်းကိုမော့လိုက်ပြီး ကောင်းကင်စီရင်ချက်မျက်နှာပြင်ပေါ်ရှိ ယွီယွမ်ကျန့်၏ အကြည့်များကို မြင်လိုက်ရသောအခါ — ၎င်းအကြည့်များက အလားတူပင် ထိတ်လန့်နေသော်လည်း ငယ်ရွယ်သော မိမိကိုယ်ကိုယ်အပေါ် စိုးရိမ်ပူပန်မှုများဖြင့် ပြည့်နှက်နေသည် — ယွီရှောင်ကန်း၏ မျက်ဝန်းများထဲမှ မကျေနပ်ချက်များက ပို၍ပင် ထင်ရှားလာခဲ့သည်။ 'စိုးရိမ်ပူပန်တယ် ဟုတ်လား၊ မင်းသာ ငါ့ကို တကယ်စိုးရိမ်ရင် ဘာလို့ ငါ့ကို အဆင့်မီတဲ့ ပါရမီတစ်ခု မပေးခဲ့တာလဲ။' ထိုအချိန်တွင် အခြားတစ်ဖက်ရှိ အပြာရောင်လျှပ်စီး နဂါးဂိုဏ်း၌ ဖြစ်သည်။ "ဟူး..." ယွီယွမ်ကျန့်သည် ကောင်းကင်စီရင်ချက်မျက်နှာပြင်ပေါ်တွင် တစ်ခါပြန်ပေါ်လာသော အတိတ်ကို ငေးမောကြည့်နေမိပြီး၊ အတော်ကြာမှ သက်ပြင်းအရှည်ကြီး တစ်ချက်ကို ချလိုက်မိသည်။ ဝိညာဉ်နိုးထခြင်း တစ်ခုကပင် သူ့သားကို ဂိုဏ်းရဲ့ အရှက်ရစရာ ဖြစ်လာစေပြီး၊ ထိုနောက် နှစ်များစွာတွင ယွီရှောင်ကန်းက မိမိကိုယ်ပိုင်ပါရမီရဲ့ ကန့်သတ်မှုအောက်တွင် ထာဝရ ပိတ်မိနေခဲ့ရသည်။ သူ့ဘဝတွင် သားနှစ်ယောက်သာ ရှိခဲ့ကာ သားကြီးကို စောစောမွေးဖွားခဲ့ပြီး ပါရမီ အသင့်အတင့် ကောင်းမွန်သည်။ သူ့ရဲ့ ဒုတိယသား ယွီရှောင်ကန်းကတော့ သူ ဘွဲ့အမည်ရဒိုလော် ဖြစ်လာပြီးမှ မွေးဖွားလာခဲ့တာ ဖြစ်သည်။ ဒိုလော်တိုက်ကြီးတစ်ခုလုံးတွင် ဘွဲ့အမည်ရဒိုလော်များ၏ မျိုးဆက်များက ပါရမီပိုင်းတွင် ဘယ်တော့မှ အားနည်းလေ့မရှိကြပေ။ ထို့ကြောင့် သူရော ဂိုဏ်းတစ်ခုလုံးပါ သူ့အပေါ် မျှော်လင့်ချက်များစွာ ပြည့်နှက်နေခဲ့ကြသည်။ နှမြောစရာကောင်းတာကတော့ ကံကြမ္မာက လူကို လှည့်စားခဲ့ခြင်းပင် ဖြစ်သည်။

【ဗီဒီယိုက ဆက်လက်ပြသနေသည်...】

【ဝက်ကဲ့သို့ ဝိညာဉ်တစ်ခုနှင့် မွေးရာပါဝိညာဉ်စွမ်းအား အဆင့် ၀.၅ — အရာအားလုံးက ဘွဲ့အမည်ရဒိုလော်တစ်ဦး၏ သားဖြစ်သူ ယွီရှောင်ကန်းသည် လုံးဝဥဿုံ အမှိုက်တစ်ယောက် ဖြစ်သွားပြီဆိုသည်ကို လူတိုင်းအား သက်သေပြနေသည်။】

【ယွီရှောင်ကန်း မတိုင်မီက ဝိညာဉ်နိုးထခဲ့ကြသည့် ကလေးများသည် — မိဘများရဲ့ ညွှန်ကြားချက်ကြောင့် သူ့ကို မျက်နှာချိုသွေးရန် ကြိုးစားခဲ့သော်လည်း သူ့ဘက်က တိုက်ရိုက်မောင်းထုတ်ခြင်းကို ခံခဲ့ရသူများဖြစ်ရာ — ယခုအချိန်တွင်မူ သူတို့၏ စကားလုံးများက ညှာတာနေကြမည် မဟုတ်သည်မှာ အသေအချာပင် ဖြစ်သည်။】

【"ငါ့မိဘတွေက စောစောက သူ့ကို ဖားခိုင်းနေသေးတယ်၊ အခုကြည့်ရတာတော့ လုံးဝကို မလိုအပ်တော့တာပဲ။"】

【"ဟုတ်ပ၊ ပြီးခဲ့တဲ့အပတ်က ငါချန်ထားတဲ့ မုန့်ကောင်းကောင်းလေးတွေကို သူ့ကို ကျွေးဖို့ ယူလာတာ၊ သူက မြေပြင်ပေါ် ပုတ်ချပစ်လိုက်တာလေ။ ငါကိုယ်တိုင်တောင် မစားရသေးဘူး။"】

【"သူ အရင်က ပြောခဲ့တယ်မဟုတ်လား၊ သူနဲ့ငါတို့က မတူညီတဲ့ ကမ္ဘာကလူတွေပါဆို။ အင်း... သူပြောတာ မှန်တာပေါ့၊ ငါတို့က တကယ်ပဲ မတူညီတဲ့ ကမ္ဘာကလူတွေပဲ။"】

【"ဂိုဏ်းချုပ်ရဲ့ သားက ဒီလိုပါရမီမျိုး ရှိရတယ်လို့။ သူက ငါတို့ အပြာရောင်လျှပ်စီး နဂါးဂိုဏ်းအတွက် တကယ့်ကို အရှက်ရစရာပဲ။"】

【"..."】

【ကလေးများရဲ့ပြောဆိုသံများက ယွီရှောင်ကန်းရဲ့ နားထဲသို့ စီးဝင်လာသည်။ ထိုစကားများကို ကြားရသောအခါ ယွီရှောင်ကန်းက သူတို့ကို ကြည့်ရန် သတ္တိပင် မရှိတော့ပေ။】

【ထိုကလေးများကိုတင် မဟုတ် — ယွီရှောင်ကန်းသည် ဘယ်သူ့ အကြည့်ကိုမျှ ရင်ဆိုင်ရန် သတ္တိမရှိတော့ပေ။】

【ယခုအချိန်တွင် သူက မူးမေ့လဲကျသွားပါစေဟု အပြင်းအထန် ဆုတောင်းနေမိသည်၊ ထိုမှသာ လူတွေ သူ့ကို ဘယ်လိုလှောင်ပြောင်နေသလဲဆိုတာကို သူ သိစရာမလိုတော့မည် မဟုတ်ပါလား။】

【နားထဲမှ အသံများသညက ပိုမို စူးရှလာခဲ့သည်။ နောက်ဆုံးတွင် ဆက်လက် မတောင့်ခံနိုင်တော့ဘဲ ယွီရှောင်ကန်းသည် မျက်လုံးများကို မှိတ်လိုက်ပြီး ခန္ဓာကိုယ်ကို လျှော့ချကာ မြေပြင်ပေါ်သို့ ဖြည်းဖြည်းချင်း လဲချသွားတော့သည်။】

【သူက သဘာဝအတိုင်း မူးမေ့သွားခြင်း မဟုတ်ဘဲ မူးမေ့ချင်ယောင်ဆောင်လိုက်ခြင်း ဖြစ်သည်။】

【ဘာပဲဖြစ်ဖြစ်... ထိုလူများ သူ့ကို ကြည့်နေကြသော အကြည့်မျိုးကို သူ ဆက်ပြီး မရင်ဆိုင်ချင်တော့ပေ။】