အခန်း ၃၈ - မဟာဆရာသခင် - လော်ဆန်းဖောင် ဟာ သေချာပေါက် ဝက်ပုံစံဝိညာဉ် ဖြစ်ရမယ်!

ညဥ့်နက်ပိုင်းဟာ မြန်မြန်ဆန်ဆန်ပဲ ကုန်ဆုံးသွားခဲ့ပါတယ်။

နောက်တစ်နေ့ မနက်ခင်း ရောက်တဲ့အခါ ဒိုလော်တိုက်ကြီးတစ်လွှားမှာရှိတဲ့ အဖွဲ့အစည်း အသီးသီးက အထက်လူကြီးတွေဟာ မနက်စောစော ကတည်းက သူတို့ရဲ့ အလုပ်ကိစ္စတွေကို အမြန် ရှင်းလင်းထားကြပါတယ်။

အလုပ်တွေ ပြီးသွားတာနဲ့ လူအများစုဟာ စိတ်ကျေနပ်လက်ရည်နဲ့ လက်ဖက်ရည်ခွက်တွေကို ကိုင်ပြီး ကောင်းကင်စီရင်ချက် ပွင့်လာမယ့် အချိန်ကို ငြိမ်ငြိမ်လေး စောင့်နေကြပါတယ်။

မကြာခင်မှာပဲ မနေ့က ကောင်းကင်စီရင်ချက် စတင်ပြသခဲ့တဲ့ အချိန်ကို ရောက်လာပြီး လှုပ်ရှားမှုအချို့ စတင်ပြသလာပါတယ်။

【အပြိုင် ဒိုလော်တိုက်ကြီး နှိုင်းယှဉ်ချက်ကို ဆက်လက် ပြသနေပါပြီ။】

【ပြသမယ့် အကြောင်းအရာ - အမှောင်ကမ္ဘာက မဟာဆရာသခင် ယွီရှောင်ကန်း။】

ကောင်းကင်စီရင်ချက်မှာ မဟာဆရာသခင် ယွီရှောင်ကန်းရဲ့ ပုံရိပ်တွေကို ပြတော့မယ်ဆိုတာ တွေ့လိုက်ရတဲ့အခါ လူအများစုဟာ မကျေမနပ် ဖြစ်သွားကြပါတယ်။

“ဘာလို့ ဒီ ‘မဟာဆရာသခင်’ ဆိုတဲ့လူကိုပဲ ပြနေတာလဲ? သူက ကောင်းကင်စီရင်ချက်ပေါ် တက်ဖို့ တန်လို့လား အဲဒီ နဂါးနတ်ဘုရားဒိုလော်ရဲ့ အတွေ့အကြုံတွေကိုပဲ ဆက်ပြတာက ပိုကောင်းဦးမယ်။”

“ဟုတ်ပ။ အဆင့် ၂၉ ပဲရှိတဲ့ အမှိုက်တစ်ယောက်အ ကြောင်း ဘာကြည့်စရာ ရှိလို့လဲ ငါတို့က အဲဒီ နဂါးနတ်ဘုရားဒိုလော် ဘယ်လိုမျိုး ကံကြမ္မာကို ဆန့်ကျင်ခဲ့လဲဆိုတာပဲ ကြည့်ချင်တာ။”

“မနေ့က ပြသသွားတာကို ကြည့်ရုံနဲ့တင် သူတို့နှစ်ယောက်ကြားက ကွာခြားချက်က ဘယ်လောက်တောင် ကြီးမားလဲဆိုတာ သိသာနေပြီ။ ဒီကွာခြားချက်က ရှေ့ဆက်ရင် ပိုပြီးတော့တောင် ကျယ်ပြန့်လာဦးမှာ။”

“အပြာရောင်လျှပ်စီး နဂါးဂိုဏ်းက မိုးကြိုးဒိုလော်အတွက် တကယ် စိတ်မကောင်းဘူး။ ဒီလိုသားမျိုး ရထားတာထက်စာရင် အသားခြောက်တစ်တုံးလောက်ပဲ မွေးလိုက်တာကမှ ပိုကောင်းဦးမယ်။”

“ပြောရရင်တော့ မိုးကြိုးဒိုလော်က ကလေးကို ပစ်လိုက်ပြီး အချင်းတိုင်ကိုပဲ ကြီးပြင်းအောင် မွေးမြူလိုက်တယ် ထင်ပါရဲ့။”

“...”

ကောင်းကင်စီရင်ချက်က မပြသရသေးခင်မှာပဲ နေရာအနှံ့က လူတွေဟာ ကန့်ကွက်ဆန္ဒပြနေကြပါတယ်။

ဒါပေမဲ့ စိတ်မကောင်းစွာနဲ့ပဲ ကောင်းကင်စီရင်ချက်က အဲဒီကန့်ကွက်မှုတွေကို လက်မခံပါဘူး။ မြင်ကွင်းက ပြောင်းလဲသွားပြီး ပုံရိပ်တွေ ပေါ်လာပါတယ်။

【ယွီရှောင်ကန်းရဲ့ ဝိညာဉ်စွမ်းအားဟာ အဆင့် ၁၀ ကို ရောက်ရှိသွားခဲ့ပါတယ်။】

【အသက် ၁၅ နှစ်မှာ အဆင့် ၁၀။】

【အကယ်လို့ ယွီရှောင်ကန်းသာ ဘာနောက်ခံမှမရှိတဲ့ သာမန်လူတစ်ယောက် ဖြစ်ပြီး၊ မွေးရာပါဝိညာဉ်စွမ်းအား ကလည်း တစ်ဝက်လောက်ပဲ ရှိတယ်ဆိုရင်... အသက် ၁၅ နှစ်မှာ ဒီအဆင့်ကို ရောက်တာဟာ မုချပဲ အောင်ပွဲခံရမယ့် ကိစ္စဖြစ်မှာပါ။】

【ဒါပေမဲ့ ယွီရှောင်ကန်းက သာမန်လူမဟုတ်ပါဘူး၊ သူဟာ သူ့ရဲ့ဖခင်ဖြစ်သူ ဘွဲ့အမည်ရ ဒိုလော် ယွီယွမ်ကျန့်ရဲ့ ကျင့်စဉ်အရင်းအမြစ်တွေကိုလည်း သုံးစွဲခဲ့ပါတယ်။】

【ပြောရရင်တော့ ဒါဟာ ယွီရှောင်ကန်းရဲ့ ပါရမီအစစ်အမှန်ပါပဲ။】

【နောက်ဆုံးတော့ အဆင့် ၁၀ ကို ရောက်ရှိသွားခဲ့ပြီ ဖြစ်တာကြောင့် သူ့ရဲ့ ပထမဝိညာဉ်ကွင်း ကို ရယူဖို့ အချိန်တန်ပါပြီ။】

【ယွီယွမ်ကျန့်ရဲ့ မူလအတွေးအရ... ယွီရှောင်ကန်းရဲ့ ပါရမီက ညံ့ဖျင်းပေမဲ့ သူ့ရဲ့ ဝိညာဉ် ကတော့ အလွန် ထူးခြားပါတယ်။】

【သီးခြားခွဲထွက်နိုင်သော သားရဲဝိညာဉ် ဖြစ်ပြီး၊ ဝိညာဉ်နိုးထစဉ်တုန်းက ပြသခဲ့တဲ့ စွမ်းအားတွေ... ဒါတွေအားလုံးက ယွီရှောင်ကန်း ကိုယ်တိုင် နာမည်ပေးထားတဲ့ ‘လော်ဆန်းဖောင်’ ဆိုတဲ့ ဝိညာဉ်ဟာ ထူးခြားထက်မြက်တယ်ဆိုတာ သက်သေပြနေပါတယ်။】

【ဒါကြောင့်မို့ သူဟာ ဒါတွေအားလုံးကို သက်သေပြနိုင်ဖို့ ယွီရှောင်ကန်းကို သူ့ရဲ့ ကျင့်စဉ်အရင်းအမြစ်တွေ ပေးအပ်ဖို့ ဝန်မလေးခဲ့ဘဲ အတင်းအကျပ် ကြီးထွားလာအောင် လုပ်ခဲ့ပါတယ်။】

【ဒီလုပ်ငန်းစဉ်မှာ ဝိညာဉ်ကွင်း ရယူခြင်းဟာ အရေးကြီးဆုံး အဆင့်ပဲ ဖြစ်ပါတယ်။】

【ယွီယွမ်ကျန့်ရဲ့ အစီအစဉ်အရ... သူဟာ ယွီရှောင်ကန်းရဲ့ ဝိညာဉ်မှာ နဂါးမျိုးနွယ်စုဝင် ဝိညာဉ်သားရဲရဲ့ ဝိညာဉ်ကွင်းကို တပ်ဆင်ပေးချင်ခဲ့တာပါ။】

【ဘာပဲဖြစ်ဖြစ် သူ့ရဲ့ ကိုယ်ပိုင်ဝိညာဉ်က အပြာရောင်လျှပ်စီးနဂါး ဖြစ်တာကြောင့်... ယွီရှောင်ကန်းရဲ့ ဝိညာဉ်က ဘယ်လိုပဲ သန္ဓေပြောင်းလဲသွားပါစေ၊ နဂါးတွေနဲ့ လုံးဝ မသက်ဆိုင်ဘဲတော့ မနေနိုင်ပါဘူး။】

【ဒါပေမဲ့ ဒီကိစ္စနဲ့ ပတ်သက်ပြီး ယွီရှောင်ကန်းမှာ သူ့ကိုယ်ပိုင် အယူအဆ ရှိနေပါတယ်။】

【“မင်း ဘာပြောလိုက်တယ် ဝက်ပုံစံ ဝိညာဉ်သားရဲရဲ့ ဝိညာဉ်ကွင်းကို လိုချင်တယ်ဟုတ်လား”】

【ယွီယွမ်ကျန့်က ယွီရှောင်ကန်းကို မယုံနိုင်စရာ မျက်လုံးတွေနဲ့ ကြည့်လိုက်မိတယ်၊ ယွီရှောင်ကန်းက ဘာဖြစ်လို့ ဒီလိုအတွေးမျိုး ရှိနေရလဲဆိုတာ သူ တကယ်ကို နားမလည်နိုင်ပါဘူး။】

【“ဟုတ်ပါတယ်... ဝက်ပုံစံ ဝိညာဉ်သားရဲရဲ့ ဝိညာဉ်ကွင်းပါ။”】

【“လော်ဆန်းဖောင်ရဲ့ ပုံစံကို ကြည့်ရင် ဒါက သိသိသာသာကို ဝက်ပုံစံ ဝိညာဉ် ဖြစ်နေတာပဲ။”】

【“သူ့အပေါ်မှာ ဝက်ပုံစံဝိညာဉ်သားရဲရဲ့ ဝိညာဉ်ကွင်းကို တပ်ဆင်ပေးတာကပဲ အကိုက်ညီဆုံး ဖြစ်လိမ့်မယ်။”】

【ယွီရှောင်ကန်းက စာအုပ်အထူကြီးတစ်အုပ်ကို ကိုင်ရင်း ပြောလိုက်ပါတယ်။】

【အဆင့် ၁၀ မရောက်ခင် နှစ်တွေအထိ ယွီရှောင်ကန်းဟာ ဝိညာဉ်တွေ၊ ဝိညာဉ်ကွင်းတွေနဲ့ ဝိညာဉ်သားရဲတွေအကြောင်းကိုပဲ သုတေသန လုပ်နေခဲ့တာပါ။】

【ဒါကြောင့် အခုအချိန်မှာတော့ ဝိညာဉ်တွေနဲ့ ပတ်သက်ပြီး သူ့ရဲ့ ဗဟုသုတဟာ လူအတော်များများထက် သာလွန်နေပြီလို့ သူ ယုံကြည်မှု ရှိနေပါတယ်။】

【အစပိုင်းတုန်းက ဝိညာဉ်တွေနဲ့ ဝိညာဉ်ကွင်းတွေအကြောင်း သုတေသန လုပ်တဲ့အခါ ယွီရှောင်ကန်းဟာ အလွန် စိတ်ဓာတ်ကျခဲ့ရပါတယ်။】

【ဘာပဲဖြစ်ဖြစ် မိသားစုရဲ့ မျိုးရိုးစဉ်ဆက် ဝိညာဉ်က နဂါးဖြစ်ပြီး၊ သူ့ရဲ့ ကိုယ်ပိုင်ဝိညာဉ်က ဝက်ဖြစ်နေတာကြောင့်... ကွာခြားချက်က ကြီးမားလွန်း လို့ သူ လက်မခံနိုင်အောင် ဖြစ်ခဲ့ရတာပါ။】

【ဒါပေမဲ့ ဝက်ပုံစံ ဝိညာဉ်သားရဲတွေအကြောင်းကို ပိုပြီး သုတေသန လုပ်လေလေ၊ ယွီရှောင်ကန်းဟာ တဖြည်းဖြည်းနဲ့ ပိုပြီး စိတ်လှုပ်ရှားလာလေလေပါပဲ။】

【ဘာလို့ဆို ဝက်ပုံစံ ဝိညာဉ်သားရဲတွေဟာ သူထင်ထားသလောက် မနည်းလှဘူးဆိုတာ သူ ရှာဖွေတွေ့ရှိခဲ့လို့ ဖြစ်ပါတယ်။】

【ဝိညာဉ်သားရဲ တောအုပ်အတော်များများမှာ... ယေဘုယျအားဖြင့် ပြောရရင် ဘယ်လို ဝိညာဉ်သားရဲမျိုးကို အကြောက်ဆုံးလဲ】

【ကျား၊ ခြင်္သေ့ ဒါမှမဟုတ် ဝက်ဝံလိုမျိုး ခန္ဓာကိုယ်ကြီးမားတဲ့ ဝိညာဉ်သားရဲတွေလား】

【ဒါမှမဟုတ် အဆိပ်ရှိတဲ့မြွေ၊ ကင်းမြီးကောက် ဒါမှမဟုတ် ပင့်ကူလိုမျိုး ပုန်းကွယ်နေတတ်တဲ့ မုဆိုးတွေလား】

【ဒါမှမဟုတ် ရှားပါးပေမဲ့ အလွန်အမင်း စွမ်းအားကြီး မားတဲ့ နဂါးပျံ တွေနဲ့ နဂါးစစ်စစ်တွေလား】

【အဲ့တာတွေ တစ်ခုမှ မဟုတ်ပါဘူး။ ဝိညာဉ်သားရဲ တောအုပ်အတော်များများမှာ အကြောက်ရဆုံး ဝိညာဉ်သားရဲတွေဟာ မကြာမကြာ ဆိုသလို ဝက်ပုံစံဝိညာဉ်သားရဲတွေ ဖြစ်နေတတ်ပါတယ်။】

【ယွီရှောင်ကန်းဟာ အစီရင်ခံစာတစ်ခုကို တွေ့ခဲ့ဖူးပြီး... အဲဒီထဲမှာ ဖော်ပြထားတာကတော့ အဓိက ဝိညာဉ်သားရဲ တောအုပ်တွေရဲ့ နှစ်တိုင်းရဲ့ဝိညာဉ်သားရဲမုဆိုး လုပ်ငန်းစဉ်တွေမှာ၊ ဝက်ပုံစံဝိညာဉ်သားရဲတွေရဲ့ လက်ချက်နဲ့ သေဆုံးရတဲ့ ဝိညာဉ်သခင် အရေအတွက်ဟာ မကြာမကြာဆိုသလို အများဆုံး ဖြစ်နေတတ်တယ်လို့ ဆိုပါတယ်။】

【ဒီအချက်အလက်ကို မြင်တဲ့အခါ ယွီရှောင်ကန်းဟာ ဝမ်းသာအားရ ဖြစ်သွားပါတယ်။】

【ဝက်ပုံစံ ဝိညာဉ်သားရဲတွေက ဒီလောက်တောင် စွမ်းအားကြီးနေမှတော့... ဝက်ပုံစံဝိညာဉ် ဖြစ်တဲ့ လော်ဆန်းဖောင်ကို ပိုင်ဆိုင်ထားတဲ့ သူ့မှာကော အလား အလာရှိတဲ့ အနာဂတ်တစ်ခု ရှိမနေနိုင်ဘူးလား】

【ဒါကြောင့် ယွီရှောင်ကန်းဟာ ဝက်ပုံစံဝိညာဉ်သားရဲတွေအကြောင်းကို ပိုပြီး နက်နက်နဲနဲ သုတေသန လုပ်ခဲ့ပြီး သူ့အတွက် အကောင်းဆုံး ဝိညာဉ်သားရဲတစ်ကောင်ကို ရွေးချယ်ခဲ့ပါတယ်။】

【“မိုးကြိုးစွယ်ဝက်.. ဒါက သားရဲ့ ပထမဝိညာဉ်ကွင်းအတွက် ရွေးချယ်ထားတဲ့အကောင်ပဲ။”】

【“ဒါက လော်ဆန်းဖောင်ရဲ့ မျိုးစိတ်နဲ့ ကိုက်ညီတယ်၊ ပြီးတော့ အဖေ့ရဲ့ ဝိညာဉ်က အပြာရောင်လျှပ်စီးနဂါး ဖြစ်တာကြောင့်... လော်ဆန်းဖောင်မှာ မုချပဲ မိုးကြိုးဂုဏ်သတ္တိ ရှိရမယ်လို့ သားယုံကြည်တယ်။”】

【“ဒါတင်မကသေးဘူး... မိုးကြိုးစွယ်ဝက်ကို ပထမဝိညာဉ်ကွင်းအဖြစ် ရရှိခဲ့တဲ့ ဝိညာဉ်သခင်တွေရဲ့ အချက်အလက် အတော်များများကိုလည်း သား ကြည့်ခဲ့ပြီးပြီ။ သူတို့ ရရှိခဲ့တဲ့ ဝိညာဉ်စွမ်းရည်တွေက အားလုံး တော်တော်လေး ကောင်းကြတယ်။”】

【“သူတို့ရဲ့ အစောပိုင်း အဆင့် တိုက်ခိုက်ရေးစွမ်းအားက အလွန် သန်မာတယ်!”】

【ယွီရှောင်ကန်းက သူရွေးချယ်ထားတဲ့ ဝိညာဉ်သားရဲအကြောင်းကို သူ့ဖခင်ဖြစ်သူအား ယုံကြည်မှုအပြည့်နဲ့ ပြောပြလိုက်ပြီး၊ ချီးကျူးစကား ပြောလာမယ့်အချိန်ကို စောင့်ဆိုင်းနေပါတယ်။】

【ဒါပေမဲ့ စိတ်မကောင်းစွာနဲ့ပဲ ယွီရှောင်ကန်းဟာ အတော်ကြာအောင် စောင့်ခဲ့ပေမဲ့ ယွီယွမ်ကျန့်ဆီက ဘာချီးကျူးစကားမှ မရရှိခဲ့ပါဘူး။】

【သူက ယွီယွမ်ကျန့်ကို ဇဝေဇဝါနဲ့ ကြည့်လိုက်တဲ့အခါ... ဖခင်ဖြစ်သူဟာ သူပေးထားတဲ့ အချက်အလက်တွေကို ကြည့်ပြီး မျက်မှောင်ကြုတ်နေတာကိုပဲ တွေ့လိုက်ရပါတယ်။】

【“ရှောင်ကန်း... မင်းရဲ့ ပထမဝိညာဉ်ကွင်းအတွက် နဂါးမျိုးနွယ်စုဝင် ဝိညာဉ်သားရဲတစ်ကောင်ကို ရွေးချယ်တာက ပိုပြီး စိတ်ချရလိမ့်မယ်လို့ အဖေ ထင်တုန်းပဲ။”】

【“ဝက်နဲ့ နဂါးကြားက ကွာခြားချက်က ကြီးမားလွန်းတယ်။ မင်းရဲ့ ဝိညာဉ်က ဝက်ဖြစ်တာ တကယ်ပဲ သေချာလို့လား?”】

【ယွီယွမ်ကျန့်ရဲ့ စကားကို ကြားလိုက်ရတဲ့အခါ ယွီရှောင်ကန်းက လော်ဆန်းဖောင်ကို ဆင့်ခေါ်လိုက်ပါတယ်။】

【သူ့ကို နှစ်ပေါင်းများစွာ စနောက်ပြောင်ပြောင် ခံခဲ့ရစေတဲ့ ဒီဝိညာဉ်ကို ကြည့်ပြီး ယွီရှောင်ကန်းက အေးစက်စက် နှာခေါင်းရှုံ့လိုက်ရင်း ပြောလိုက်ပါတယ်-】

【“အဖေက လော်ဆန်းဖောင်ကို အမြဲတမ်း နဂါးတစ်ကောင်လို့ ထင်နေတာပဲ၊ ဒါပေမဲ့ သူ့မှာ နဂါးရဲ့ သွင်ပြင်လက္ခဏာ တစ်ခုခု ပြသနေလို့လား?”】

【“အခြားတစ်ဖက်မှာတော့ သူ့မှာ ဝက်နဲ့ တူတဲ့ သွင်ပြင် လက္ခဏာတွေ ရှိနေတယ်- သူ့ရဲ့ အော်သံ၊ အဲဒီ နားရွက် ကြီးတွေ ပြီးတော့ သူ့ရဲ့ ခန္ဓာကိုယ် ပုံသဏ္ဌာန်။”】

【“ဒီလို အထောက်အထား သွင်ပြင်တွေ ရှိနေတာတောင်မှ... အဖေက သူ့ကို နဂါးတစ်ကောင်လို့ ဘယ်လိုမျက်နှာပြောင်တိုက်ပြီး ပြောနိုင်ရတာလဲ”】

【လော်ဆန်းဖောင် မြေပြင်ပေါ်မှာ ဟိုဟိုဒီဒီ လျှောက်သွားနေတာကို ကြည့်ရင်း ယွီရှောင်ကန်းဟာ လက်သီးကို မသိမသာ ကျစ်ကျစ်ပါအောင် ဆုပ်လိုက်မိပါတယ်။】

【အကယ်လို့သာ ဖြစ်နိုင်မယ်ဆိုရင် ယွီရှောင်ကန်းလည်း လော်ဆန်းဖောင်ကို နဂါးတစ်ကောင် ဖြစ်စေချင်တာပေါ့၊ ဒါပေမဲ့ သူ့ရဲ့ သွင်ပြင်လက္ခဏာ အားလုံးက လော်ဆန်းဖောင်ဟာ နဂါးမဟုတ်ဘဲ ဝက်တစ်ကောင် ဖြစ်တယ်ဆိုတာပဲ သူ့ကို ပြောပြနေတာပါ။】

【“...ဒါဆိုရင်တောင်မှ... ဝက်ပုံစံညာဉ်ပေါ်မှာ နဂါးမျိုးနွယ်စုဝင် ဝိညာဉ်သားရဲရဲ့ ဝိညာဉ်ကွင်းကို ထည့်ပေးတာလည်း အဆင်ပြေသင့်တာပဲ မဟုတ်ဘူးလား”】

【ယွီယွမ်ကျန့်က ယွီရှောင်ကန်းကို ထပ်ပြီး ဖျောင်းဖျဖို့ ကြိုးစားလိုက်ပါတယ်၊ သူဟာ ယွီရှောင်ကန်းရဲ့ ဝိညာဉ်နိုးထစဉ်တုန်းက အချိန်ကို ထပ်ပြီး သတိရသွားလို့ ဖြစ်ပါတယ်။】

【အဲဒီလို ဟိန်းဟောက်သံမျိုးက... ဝက်တစ်ကောင်ဆီကနေ ထွက်လာနိုင်လိမ့်မယ်လို့ သူ လုံးဝ မထင်ပါဘူး။】

【“အဖေ... မိုးကြိုးစွယ်ဝက်ဆိုတာ သား နှစ်ပေါင်းများစွာ စဉ်းစားပြီး သုတေသန လုပ်ပြီးမှ နောက်ဆုံး ရွေးချယ်ခဲ့တဲ့ ဝိညာဉ်သားရဲပါ။”】

【“သားရဲ့ ရွေးချယ်မှုက လုံးဝ မှားယွင်းမှာမဟုတ်ဘူးလို့ ယုံကြည်ပါတယ်။”】

【ယွီရှောင်ကန်းက ယွီယွမ်ကျန့်ကို တည့်တည့်ကြည့်လိုက်ပြီး၊ သူ့ရဲ့ မျက်ဝန်းတွေထဲမှာ နောက်ဆုတ်မယ့် အရိပ်အယောင် လုံးဝ မရှိပါဘူး။】

【သူဟာ ပထမဝိညာဉ်ကွင်းအတွက် သူ့ရဲ့ ရွေးချယ်မှုကို စိတ်ပိုင်းဖြတ်ပြီးသား ဖြစ်တာကြောင့် တခြားသူတွေ ဘယ်လိုပဲ ဖျောင်းဖျဖျောင်းဖျ သူ ပြောင်းလဲမှာမဟုတ်ပါဘူး။】