အခန်း ၂၄ အဖြေအတည်ပြုခြင်းနှင့် မိသားစုအတွင်း အငြင်းပွားမှု

【 ဝေလငါးကော်ရဲ့ အားဖြည့်ပေးမှုအောက်တွင် ဝမ်ဒါချွဲ့ရဲ့ ရုပ်ပိုင်းဆိုင်ရာ ခွန်အားက အဆင့် ၂၀ ဝန်းကျင်ရှိ ဝိညာဉ်သခင်အချို့ထက် မနိမ့်တော့ကြောင်း ယဲ့ဟန်ချွမ်းက အကဲဖြတ်လိုက်သည်။ 】

【 ဒီခွန်အားနဲ့ဆိုရင် နှစ်ပေါင်း ၅၀၀ ကနေ ၇၀၀ ဝန်းကျင်ရှိတဲ့ ဝိညာဉ်ကွင်းကို ရယူဖို့ လုံလောက်ပါပြီ။ ဒါပေမဲ့ ယဲ့ဟန်ချွမ်းတစ်ယောက် အနည်းငယ်တော့ မသေချာသေးပါဘူး။ ဒိုလော်တိုက်ကြီးမှာ ပထမဆုံး ဝိညာဉ်ကွင်းအတွက် စံချိန်တင်ထားတဲ့ သက်တမ်းဟာ နှစ်ပေါင်း ၄၀၀ ကျော်တာမျိုး ဘယ်တုန်းကမှ မရှိခဲ့ဖူးတာကိုး။ 】

【 ဒီအချိန်မှာ ခန္ဓာကိုယ် ပိုသန်မာလာတာကို ခံစားလိုက်ရတဲ့ ဝမ်ဒါချွဲ့က ယဲ့ဟန်ချွမ်းကို မျှော်လင့်တကြီးနဲ့ ကြည့်လိုက်တယ်။ "အရှင်... အစမ်းသပ်အောင်မြင်ရင် ကျွန်တော့်ရဲ့ ပထမဆုံး ဝိညာဉ်ကွင်းကို ရအောင် ကူညီပေးမယ်လို့ ပြောခဲ့တယ်မဟုတ်လား။ အခုရော အဆင်ပြေနိုင်ပါဦးမလားခင်ဗျာ။" 】

【 ဝိညာဉ်သူတော်စင်တစ်ယောက်က သူ့အတွက် ဝိညာဉ်ကွင်း ရအောင် ကူညီပေးတယ်ဆိုတာ တကယ်ကို ရှားပါးတဲ့ အခွင့်အရေးပါပဲ။ 】

【 "သေချာတာပေါ့။ ငါ ယဲ့ဟန်ချွမ်းဆိုတာ စကားတည်တဲ့သူပဲ။" ယဲ့ဟန်ချွမ်းက ပြန်ပြောလိုက်တယ်။ စကားပြောပြီးတဲ့အခါ ဝမ်ဒါချွဲ့ကို ကြည့်လိုက်ပြီး သူ့မျက်လုံးတွေ ဝင်းလက်သွားတယ်။ "ကောင်လေး... မင်း ငါ့နဲ့ တစ်ခါ စွန့်စားပြီးပြီပဲ၊ နောက်တစ်ခါ ထပ်စွန့်စားဖို့ စိတ်ကူးရှိလား။" 】

【 "သဘောတူပါတယ်!" ဝမ်ဒါချွဲ့က ချက်ချင်းပဲ ပြန်ဖြေလိုက်တယ်။ 】

【 "ဟားဟား... ကောင်းတယ် ကောင်လေး မင်းရဲ့ စရိုက်ကို ငါ သဘောကျတယ်။ အခွင့်အရေးရှိရင် ချက်ချင်းကို ဆုပ်ကိုင်ထားတတ်တာပဲ။" ယဲ့ဟန်ချွမ်းက ဝမ်ဒါချွဲ့ ပခုံးကို ပုတ်ကာ ချီးကျူးလိုက်တယ်။ သူက ဝမ်ဒါချွဲ့ကို သူ့လက်အောက်မှာပဲ ထားဖို့ ဆုံးဖြတ်လိုက်ပါပြီ။ 】

【 ဝမ်ဒါချွဲ့နဲ့ ကိစ္စပြီးတော့ ယဲ့ဟန်ချွမ်းက ယွီရှောင်ကန်းကို ကြည့်လိုက်တယ်။ "ရှောင်ကန်း... ငါ သူ့ကို ဝိညာဉ်ကွင်း ရအောင် သွားခေါ်တော့မယ်။ မင်း လိုက်ကြည့်မလား။" ယွီရှောင်ကန်း ခေါင်းညိတ်လိုက်တယ်။ ဒီစမ်းသပ်ချက်ရဲ့ နောက်ဆုံးအဆင့်မို့ သူ မလိုက်ဘဲ မနေနိုင်ပါဘူး။ 】

【 နောက်နေ့မှာပဲ သူတို့သုံးယောက် ဝိညာဉ်ကွင်း ရှာဖွေဖို့ ထွက်လာခဲ့ကြတယ်။ သွားမယ့်နေရာကတော့ အပြာရောင်လျှပ်စီး နဂါးဂိုဏ်းပိုင်တဲ့ 'လျှပ်စီးတောအုပ်' ဖြစ်ပြီး အဆင့်မြင့် ဝိညာဉ်သား ရဲတွေ မရှိတာကြောင့် ယွီရှောင်ကန်းကို ခေါ်သွားဖို့ ယဲ့ဟန်ချွမ်း ရဲရဲဝံ့ဝံ့ ဆုံးဖြတ်လိုက်တာပါ။ 】

【 တောအုပ်ထဲရောက်တော့ ဝိညာဉ်သားရဲတွေကို ရှာဖွေရင်း ယဲ့ဟန်ချွမ်းက ဝိညာဉ်သားရဲ မုဆိုးတွေရဲ့ ဗဟုသုတတွေကို ယွီရှောင်ကန်းကို ရှင်းပြပေးတယ်။ ဝမ်ဒါချွဲ့ကလည်း ဝိညာဉ်သူတော်စင်ရဲ့ လမ်းညွှန်မှုကို ကြားနာရတာဖြစ်လို့ စေ့စေ့စပ်စပ် မှတ်သားထားလိုက်တယ်။ 】

【 မကြာခင်မှာပဲ ဝမ်ဒါချွဲ့နဲ့ သင့်တော်တဲ့ 'သံကြေးခွံသားရဲ' ကို တွေ့သွားတယ်။ "မင်း ဝိညာဉ်က သံတုတ်ဆိုတော့ ဒီသားရဲက မင်းနဲ့ အလွန်ကိုက်ညီတယ်။ သူက သတ္တုဓာတ်နဲ့ ဖွဲ့စည်းထားပြီး ခွန်အားကြီးတဲ့ အမျိုးအစားမို့ မင်းရဲ့စွမ်းအားကို ပိုတိုးတက်စေလိမ့်မယ်။ သက်တမ်းကတော့ နှစ်ပေါင်း ၅၅၀ လောက် ရှိတယ်။ မင်းခန္ဓာကိုယ်က အားဖြည့်ထားပြီးသားမို့ စုပ်ယူနိုင်မယ်လို့ ငါထင်တယ်။ ဒါပေမဲ့ ဒီသက်တမ်းက ဘယ်သူမှ မလုပ်ဖူးသေးတဲ့ ပထမဆုံး ဝိညာဉ်ကွင်း ဖြစ်လိမ့်မယ်။ မင်း မလုပ်ချင်ရင်လည်း ငါ တခြားဟာ ရှာပေးနိုင်ပါတယ်၊ အကုန် မင်းသဘောပဲ။" 】

【 ဝမ်ဒါချွဲ့က ခဏတာ တွန့်ဆုတ်နေပေမဲ့ နောက်ဆုံး တော့ သွားကြိတ်ပြီး သဘောတူလိုက်တယ်။ 】

【 ယဲ့ဟန်ချွမ်းက သားရဲကို အနိုင်ယူပြီး ဝမ်ဒါချွဲ့ကို နောက်ဆုံးတိုက်ခိုက်မှု လုပ်ခိုင်းလိုက်တယ်။ ဝါရောင် ဝိညာဉ်ကွင်းတစ်ခု ပေါ်လာတော့ ဝမ်ဒါချွဲ့ စုပ်ယူပါတော့တယ်။ ယွီရှောင်ကန်းနဲ့ ယဲ့ဟန်ချွမ်းတို့ စိတ်လှုပ်ရှားစွာနဲ့ စောင့်ကြည့်နေချိန်မှာပဲ ဝမ်ဒါချွဲ့တစ်ယောက် စုပ်ယူမှုကို မိနစ်ပိုင်းအတွင်းမှာတင် အလွန်ချောမွေ့စွာ ပြီးဆုံးသွားခဲ့ပါတယ်။ 】

【 "ဟူး..." ယဲ့ဟန်ချွမ်း အံ့အားသင့်စွာနဲ့ အသက်ရှူမှားသွားရတယ်။ ဝေလငါးကော်ရဲ့ အာနိသင်က တကယ်ကို ကြောက်ခမန်းလိလိပါပဲ】

【 ဒီရလဒ်ကြောင့် အမှောင်နဲ့ အလင်းကမ္ဘာနှစ်ခုလုံးမှာရှိတဲ့ လူတွေအားလုံး ထိတ်လန့်သွားကြတယ်။ ဆောထိုမြို့က ဆေးဆိုင်ပိုင်ရှင်ဆီ ပြန်သွားပြီး ဝေလငါးကော် ဝယ်ဖို့ ကြိုးစားတဲ့ ဖလန်းဒါးတို့အဖွဲ့လည်း ပိုင်ရှင်ရဲ့ အထင်သေးတာကို ခံလိုက်ရတယ်။ ဆေးဆိုင်တွေအားလုံးက ဝိညာဉ်နန်းတော်ရဲ့ အမိန့်နဲ့ ဝေလငါးကော်တွေကို ရောင်းချခြင်းမပြုဖို့ တားမြစ်ခံထားရတာကို သိလိုက်ရတဲ့အခါ ဖလန်းဒါးတစ်ယောက် စိတ်ဓာတ်ကျပြီး ပြန်လာခဲ့ရတယ်။ 】

【 အပြာရောင်လျှပ်စီး နဂါးဂိုဏ်းကို ပြန်ရောက်တော့ ယွီရှောင်ကန်းတစ်ယောက် သူ့ဖခင် ယွီယွမ်ကျန့်ကို ဒီသတင်းကောင်း ပြောပြဖို့ စိတ်လှုပ်ရှားစွာနဲ့ အိမ်ပြန်လာခဲ့တယ်။ ဒါပေမဲ့ အိမ်ရှေ့မှာတော့ ဂိုဏ်းရဲ့ တတိယအကြီးအကဲရဲ့ သားဖြစ်သူ 'ယွီချင်းယား' က သူ့ကို ပိတ်ပင်တားဆီးနေတယ်။ 】

【 ယွီချင်းယားက ယွီရှောင်ကန်းကို "မိသားစုအတွက် အရှက်ရစေတဲ့ အမှိုက်" လို့ ခေါ်ဆိုပြီး ရွံ့ရှာတဲ့ အမူ အရာနဲ့ ဆက်ဆံတယ်။ ယွီရှောင်ကန်းကလည်း အ လျှော့မပေးဘဲ တုံ့ပြန်ပြီး အိမ်ထဲ ဝင်သွားခဲ့တယ်။ 】

【 အိမ်ထဲမှာတော့ ဂိုဏ်းအကြီးအကဲတွေက သူ့ဖခင် ယွီယွမ်ကျန့်ကို ဝေဖန်နေကြတယ်။ "ယွီရှောင်ကန်းရဲ့ ပါရမီနဲ့ဆိုရင် ပါရမီရှင်တစ်ယောက်လို အရင်းအမြစ်တွေ ထောက်ပံ့ပေးဖို့ဆိုတာ မဖြစ်နိုင်ဘူး။ ဂိုဏ်းက သူ့ကို မောင်းမထုတ်သေးတာတောင် ကျေးဇူးတင်ရမယ်၊ အခု ရင်းမြစ်တွေ ထပ်တောင်းဦးမလို့လား။ မဖြစ်နိုင်ဘူး" 】

【 ယွီယွမ်ကျန့်က သူ့သားကို ကာကွယ်ဖို့ ကြိုးစားပေမဲ့ အကြီးအကဲတွေက အလျှော့မပေးကြဘူး။ "မွေးရာပါ ဝိညာဉ်စွမ်းအား အဆင့် (၁) နဲ့ ဘယ်သူကများ ကံကြမ္မာကို ပြောင်းလဲနိုင်မှာလဲ။ ဒီအမှိုက်အတွက် အရင်းအမြစ်တွေကို အလဟဿ မဖြုန်းတီးပါနဲ့!" 】

【 အဲဒီအချိန်မှာပဲ တံခါးကို တွန်းဖွင့်ပြီး ယွီရှောင်ကန်း ဝင်လာခဲ့တယ်။ "အဖေ... ဒီလိုမျိုး မလုပ်ပါနဲ့တော့။ ကျွန်တော် လိုအပ်တဲ့ အရင်းအမြစ်တွေကို ကိုယ့်ဘာသာပဲ ရှာဖွေပါမယ်"】