အခန်း (၁၅) - ဒီယာနှင့် ကုန်ဆုံးခဲ့သော ညတစ်ည ​​​​​​​​​​​​​​​​​​​​​

"ယိုဟန်မှာ ဘာဒဏ်ရာအပြင်းအထန်မှ မရရှိခဲ့လို့ ကျွန်မ တကယ်ပဲ ဝမ်းသာမိပါတယ်၊ မဟုတ်ရင်... မှန်ထဲက ကိုယ့်မျက်နှာကိုယ် ဘယ်လိုပြန်ကြည့်ရမလဲတောင် မသိတော့ဘူး"
သူမသည် ယိုဟန်၏ ရင်ဘတ်ကျယ်ကြီးထက်တွင် သူမ၏ လက်ချောင်းလေးများဖြင့် အသာအယာ ပွတ်သပ်ရင်း ဆိုလိုက်၏။
"မင်း အဲဒီအရာတွေကို စိုးရိမ်မနေပါနဲ့၊ သူတို့ ငါ့အပေါ် ပြုမူခဲ့တဲ့ လုပ်ရပ်တွေအတွက် အဆပေါင်း ရာပြည့်ပြန်လည်ပေးဆပ်စေရမယ်"
သူက မိမိဘေးတွင် ရှက်စနိုး ဖြစ်နေသော ဒီယာ့၏ ဆံနွယ်လေးများကို လက်ချောင်းများဖြင့် နူးညံ့စွာ သုံးသပ်ပေးလိုက်သည်။ ဤသည်ကို မြင်ရသောအခါ သူက ခပ်တိုးတိုး ရယ်မောလိုက်မိပြီး သူမ၏ မျက်နှာလေးကို မိမိဘက်သို့ မော့စေလိုက်ရာ ဒီယာ့မှာမူ သူ၏ နှုတ်ခမ်းအစုံနှင့် လက်မအနည်းငယ်မျှသာ ကွာဝေးတော့သဖြင့် အသက်ရှူသံများ ပြင်းထန်ကာ စိပ်မွှန်လာခဲ့ရတော့သည်။

ယခုမူ သူသည် သူမနှင့် အလွန်အမင်း နီးကပ်နေခဲ့ပြီ ဖြစ်ရာ သူမသည် သူ၏ ယောက်ျားပီသသော အနံ့အသက်များကို ရရှိနေရပြီး သူမ၏ အသားအရေကို လာရောက်ထိတွေ့နေသော သူ၏ နွေးထွေးသည့် အသက်ရှူသံများကို ခံစားနေရကာ မိမိ၏ နှလုံးခုန်သံနှင့်အတူ ထပ်တူကျစွာ တုန်ခါနေသော သူ၏ နှလုံးခုန်သံများကိုပါ ကြားနေရတော့သည်။
နောက်တစ်စက္ကန့်တွင်မူ သူတို့၏ နှုတ်ခမ်းအစုံ ဆုံစည်းသွားခဲ့ကြပြန်ရာ သူမ၏ နူးညံ့လှပသော ပန်းသွေးရောင် နှုတ်ခမ်းလွှာလေးများ၏ ချိုမြိန်သော အရသာကို သူ အပြည့်အဝ ခံစားလိုက်ရသည်။ သူသည် ဤကဲ့သို့သော ခံစားချက်မျိုးကို တစ်ခါမျှ မခံစားဖူးခဲ့ချေ။ သူတို့နှစ်ဦးစလုံး အာရုံရမ္မက်နောက်သို့ ပါလျက် အငမ်းမရ နမ်းရှိုက်လိုက်တော့၏။​​
​​​​​​
သူသည် ပိုမိုနီးကပ်စွာ နမ်းရှိုက်နိုင်ရန်အတွက် သူမ၏ ဦးခေါင်းဘေးတွင် တံတောင်ဆစ်ကို အားပြုလျက် ကိုယ်ကို ကိုင်းညွတ်လိုက်ရာ သူတို့၏ ခန္ဓာကိုယ်နှစ်ခုလုံးမှာ တစ်သားတည်းကျလုနီးပါး ထိကပ်သွားခဲ့ကြပြီ ဖြစ်၏။

"ဒီယာ... မင်း အဆင်သင့် ဖြစ်ပြီလား" ဟု သူက သူမ၏ နားအနားသို့ ကပ်ကာ တိုးတိုးလေး မေးမြန်းလိုက်သည်။ သူမ၏ စိတ်ထဲတွင် တားဆီးရန် သို့မဟုတ် ရုန်းကန်ရန်ဟူသော အတွေးမျိုး စိုးစဉ်းမျှ မရှိတော့ချေ။ သူ ခိုင်းစေသမျှ အရာအားလုံးကို ပြုလုပ်ရန်သာ အလိုရှိနေတော့သည်။ သူမ၏ ခန္ဓာကိုယ်သည် တစ်ခါမျှ မခံစားဖူးသေးသော ခံစားမှုအရသာကို စတင်ထိတွေ့ခံစားနေရပြီ ဖြစ်၏။
"ကျွန်မအပေါ်... အသာအယာလေးပဲ ပြုမူပေးပါနော်"
သူမက သူ၏ နားစည်နားသို့ ကပ်ကာ တိုးတိုးလေး ကတ်သတ်တောင်းဆိုလိုက်သည်။
"စိတ်မပူပါနဲ့... မင်း အဆင်ပြေသွားမှာပါ" ဟု သူက တိုးတိုးလေး ပြန်လည်ရေရွတ်လိုက်၏။ ထိုစကားကို ကြားရသောအခါ ဒီယာက ခေါင်းညိတ်ပြလိုက်ပြီး သူမ၏ နှလုံးခုန်သံများမှာ အလွန်အမင်း ပြင်းထန်မြန်ဆန်နေခဲ့သည်။
​

အချိန်အတော်ကြာပြီးနောက်သူတို့နှစ်ဦးစလုံး ကာမပန်းတိုင်သို့ ပြိုင်တူရောက်ရှိသွားခဲ့ကြသဖြင့် ခန္ဓာကိုယ်နှစ်ခုလုံး ဆတ်ဆတ်ခါ တုန်ရီသွားခဲ့ကြပြီး အချင်းချင်း တင်းတင်းကြပ်ကြပ် ဖိကပ်ထားမိကြတော့သည်။ ခန္ဓာကိုယ် ဆတ်ခနဲ တုန်ရီသွားမိတိုင်း ​မိမိ၏ ယန်ချီများဖြင့် အပြည့်အဝ ဖြည့်တင်းပေးလိုက်၏။
ထို့နောက် သူမ၏ ခန္ဓာကိုယ်အတွင်းမှ ယင်ချီ များကို မိမိ၏ ခန္ဓာကိုယ်အတွင်းသို့ စတင်စုပ်ယူလိုက်ပြီးနောက်... သူတို့နှစ်ဦးစလုံးသည် ကုတင်ထက်တွင် ကြာပန်းပုံစံ ထိုင်ကွက် အတိုင်း အသီးသီး ဝင်ထိုင်လိုက်ကြပြီး ကျင့်ကြံခြင်းကို စတင်ပြုလုပ်ကြတော့သည်။

"ခေတ္တမျှ အနားယူကြတာပေါ့... ဒီယာ၊ ငါ့ရဲ့ ယန်ချီတွေကို မပျက်မကွက် သေချာစုပ်ယူဖို့ အာရုံစိုက်ပါဦး"
သူက မိမိ၏ ကျောဘက်သို့ လှမ်းကြည့်ကာ ဆိုလိုက်သည်။ သူမသည် သူ၏ ကျောဘက်တွင် ကပ်လျက် ဝင်ထိုင်နေခဲ့ခြင်း ဖြစ်ပြီး သူတို့နှစ်ဦးစလုံး၏ ဗလာကျင်းနေသော ကျောပြင်ချင်းမှာ တစ်ဦးနှင့်တစ်ဦး ထိကပ်နေခဲ့ကြသည်။ သူမအတွက်မူ ဤသည်မှာ ပထမဆုံးအကြိမ် ကျင့်ကြံခြင်း ဖြစ်သဖြင့် သူမတွင် သန္ဓေတည်သွားမည့် အန္တရာယ်မျိုး အဖြစ်မခံနိုင်သောကြောင့် သူကိုယ်တိုင်ပင် သူမအား စနစ်တကျ လမ်းညွှန်ပြသပေးနေမိခြင်း ဖြစ်၏။

ထို့ပြင် သူသည် မိမိကိုယ်မိမိ လျှို့ဝှက်ချက်များ ပေါက်ကြားသွားမှာကို မလိုလားသဖြင့် သူမ၏ ယင်ချီများကို စုပ်ယူနေသည့်အလား ဟန်ဆောင်နေမိသည်။ ဒီယာသည် ဖိုမပူးတွဲကျင့်ကြံခြင်း ကို ကိုယ်တိုင်ကိုယ်ကျ မကြုံတွေ့ဖူးသေးသော်လည်း ဖိုမကျင့်စဉ်များ မည်သို့မည်ပုံ လည်ပတ်လုပ်ဆောင်သည်ကိုမူ အကြမ်းဖျင်း သိရှိနားလည်ထားပြီးသား ဖြစ်၏။ ထို့ကြောင့် ယိုဟန်အနေဖြင့် မိမိ၏ ခန္ဓာကိုယ်အတွင်း၌ စနစ် တစ်ခု ရှိနေသည့်အကြောင်းကို အသေးစိတ် ရှင်းလင်းပြောပြမနေချင်တော့သဖြင့် သူမက သူ၏ ယန်စွမ်းအင်များကို စတင်စုပ်ယူနေစဉ်အတွင်း မိမိကလည်း သူမ၏ ယင်စွမ်းအင်များကို ပြန်လည်စုပ်ယူနေသည့်အလား ဟန်ဆောင်နေလိုက်ခြင်းသာ ဖြစ်တော့သည်။

[ဂုဏ်ယူပါသည် အရှင်... သင်သည် ခန္ဓာကိုယ်နိုးထခြင်းနယ်ပယ် အဋ္ဌမအဆင့် သို့ အောင်မြင်စွာ ကျောက်ဖြတ်ကျော်လွှားနိုင်ခဲ့ပြီ ဖြစ်ပါသည်]
[ဂုဏ်ယူပါသည် အရှင်... သင်သည် ခန္ဓာကိုယ်နိုးထခြင်းနယ်ပယ် နဝမအဆင့် သို့ အောင်မြင်စွာ ကျောက်ဖြတ်ကျော်လွှားနိုင်ခဲ့ပြီ ဖြစ်ပါသည်]
[ဂုဏ်ယူပါသည် အရှင်... သင်သည် ခန္ဓာကိုယ်နိုးထခြင်းနယ်ပယ် ဒသမအဆင့် သို့ အောင်မြင်စွာ ကျောက်ဖြတ်ကျော်လွှားနိုင်ခဲ့ပြီ ဖြစ်ပါသည်]
[ဂုဏ်ယူပါသည် အရှင်... သင်သည် ခန္ဓာကိုယ်နိုးထခြင်းနယ်ပယ်၏ အဆင့်အတားအဆီး သို့ ရောက်ရှိသွားခဲ့ပြီ ဖြစ်ပါသည်]
[ဂုဏ်ယူပါသည် အရှင်... စနစ်၏ လုပ်ဆောင်ချက်အသစ်နှစ်ခုဖြစ်သော 'မှော်စွမ်းအင်' နှင့် 'ဆွဲဆောင်မှုစွမ်းအား' တို့ကို အောင်မြင်စွာ ဖွင့်လှစ်နိုင်ခဲ့ပြီ ဖြစ်ပါသည်]
ဒင်
အမည် - လင်ယိုဟန်လင်
ကျင့်ကြံခြင်းအဆင့် - ခန္ဓာကိုယ်နိုးထခြင်းနယ်ပယ် ဒသမအဆင့်
ကျင့်ကြံခြင်းအမျိုးအစား - ဖိုမပူးတွဲကျင့်ကြံသူ / ချီကျင့်ကြံသူ
အမွေအနှစ် - မရှိပါ
သွေးမျိုးဆက် - မရှိပါ
မှော်စွမ်းအင်ပမာဏ - ၂၀၀
ဆွဲဆောင်မှုစွမ်းအား - ၆၀
အရှိန်နှုန်း - ၃၂၀
ခန္ဓာကိုယ်ကြံ့ခိုင်မှုစွမ်းအား - ၄၈၀
"ဒါ... ဒါက တကယ်ကို အံ့ဩစရာကောင်းလှတာပဲ၊ နောက်ဆုံးတော့ ငါ တစ်ညတည်းနဲ့တင် အဆင့်အတားအဆီးကို ရောက်ရှိသွားခဲ့ပြီပဲ။ နောက်ထပ် ကျင့်ကြံခြင်းနယ်ပယ်သစ်တစ်ခုဆီကို ရောက်ရှိဖို့အတွက် အချိန်ဘယ်လောက် ထပ်ပြီး ပေးရဦးမလဲဆိုတာ စောင့်ကြည့်ရသေးတာပေါ့"
သူသည် မိမိ၏ မျက်စိရှေ့မှောက်တွင် ပေါ်ထွက်လာသော စနစ်မျက်နှာပြင် အပြာရောင် မျက်နှာပြင်ကြီးကို စိုက်ကြည့်ရင်း တစ်ယောက်တည်း ကျေနပ်စွာ တွေးတောနေမိသည်။ ထိုမျက်နှာပြင်ထက်တွင် လုပ်ဆောင်ချက်အသစ်နှစ်ခု တိုးပွားလာသည်ကို သူ တွေ့ရှိလိုက်ရခြင်း ဖြစ်၏။ သူသည် ကမ္ဘာမြေပေါ်တွင် ရှိစဉ်ကတည်းက ဂိမ်းများကို အလွန်အမင်း ဆော့ကစားခဲ့ဖူးသူ ဖြစ်သဖြင့် ဤကဲ့သို့သော အခြေအနေညွှန်းကိန်း အသစ်များနှင့် ပတ်သက်ပြီး ကောင်းကောင်းကြီး နားလည်သဘောပေါက်ထားပြီးသား ဖြစ်ပါတော့သည်။