သတ်ဖြတ်ခြင်းဓားခုနှစ်သွယ်

ခေတ်သစ်ကမ္ဘာမှ ဝိညာဉ်သခင်များ စိုးမိုးရာ တုံလော်တိုက်ကြီးပေါ်သို့ ဆန်းကြယ်စွာ ကူးပြောင်းရောက်ရှိလာသည့် လူငယ်လေး ချန်ကျွင်းထင်။ သူသည် လွန်ခဲ့သော နှစ်ပေါင်းသောင်းချီကတည်းက ပျောက်ကွယ်သွားခဲ့ပြီဖြစ်သော ပြိုင်ဘက်ကင်း သိုင်းဝိညာဉ် "သတ်ဖြတ်ခြင်းဓားခုနစ်သွယ်" ကို ပိုင်ဆိုင်ထားပြီး မွေးရာပါ ဝိညာဉ်စွမ်းအား အပြည့်ဖြင့် နိုးထလာခဲ့သည်။ ဤမျှမကသေးဘဲ တိုက်ကြီးပေါ်တွင် အချမ်းသာဆုံးနှင့် အင်အားအကြီးဆုံး အစုအဖွဲ့များထဲမှ တစ်ခုဖြစ်သည့် "ရတနာကိုးပါး မှန်ကြွေကျောင်းဆောင် ဂိုဏ်း" ၏ အထူးအလေးပေးခြင်းကို ခံခဲ့ရကာ ဂိုဏ်းချုပ်နှင့် ဘွဲ့ရတုံလော် အကြီးအကဲများ၏ တိုက်ရိုက်သင်ကြားပြသမှုကို ရရှိခဲ့သည်။ ဂိုဏ်း၏ ဆက်ခံသူမလေး နင်ထျန်းနှင့်အတူ ရင်းနှီးသော သံယောဇဉ်များ တည်ဆောက်ရင်း ပြင်းထန်လှသော ကျင့်ကြံခြင်းခရီးလမ်းကို စတင်ခဲ့သည်။ ချန်ကျွင်းထင်သည် သူ၏ သတ်ဖြတ်ခြင်းခုနစ်သွယ်ဓားကို ကိုင်စွဲလျက် အတားအဆီးနှင့် အန္တရာယ်မှန်သမျှကို ရဲရဲဝံဝံ ရင်ဆိုင်ဖြတ်ကျော်ကာ ဒဏ္ဍာရီလာ ပြိုင်ဘက်ကင်း ဓားနတ်ဘုရားတစ်ပါးအဖြစ် မည်သို့ တက်လှမ်းသွားမည်နည်း။ သူ၏ သွေးချင်းသဖွယ် ဖြစ်လာသော ရတနာကိုးပါးဂိုဏ်းကြီးကိုရော မုန်တိုင်းထန်လှသော လောကဓံကြားမှ မည်သို့ ကာကွယ်စောင့်ရှောက်သွားမည်နည်း။ တုံလော်တိုက်ကြီးတစ်ခွင်တွင် သူ၏ဓားဦးဖြင့် လှုပ်ခတ်ဦးမည့် မုန်တိုင်းများကို ရင်သပ်ရှုမောဖွယ် ဖတ်ရှုရမည့် သိုင်းဝိညာဉ်ကျင့်ကြံရေး ဝတ္ထုရှည်ကြီး ဖြစ်သည်။