အခန်း ၂၀ ယွီရှောင်ကန်း တကယ့် ယွီရှောင်ကန်း ဖြစ်သွားခြင်း

နှလုံးသားထဲမှာ ကျားတစ်ကောင် အောင်းနေပြီး ငွေပြာဧကရီကို ယုယုယယ နမ်းရှိုက်နေသလိုမျိုးပင်...

ဖူယဲ့တစ်ယောက် အခုဆို နေ့တိုင်း မနက်မိုးလင်းရင် ထူးထူးခြားခြား လန်းဆန်းမှုကို ခံစားနေရသည်။ သူနဲ့ အာယင်တို့ ညဉ့်နက်သန်းခေါင်ကျော်တဲ့အထိ အမြဲတမ်း အတူရှိနေကြသော်လည်း သူ့ရဲ့ အကန့်အသတ်မဲ့ ဝိညာဉ်စွမ်းအားကြောင့် ပင်ပန်းသည်ဟူ၍ မရှိချေ။

ဒီရက်ပိုင်းအတွင်း သူက နေ့တိုင်း မအိပ်ဘဲ နေရင်တောင် ဘာပြဿနာမှမရှိပေ။ သူ့အတွက်တော့ အိပ်စက်ခြင်းက အလေ့အထတစ်ခုသာ ဖြစ်ပြီး မအိပ်ဘဲလည်း နေနိုင်သည်။ နေ့တိုင်း ခဏတဖြုတ် မှေးစက်လိုက်ရုံနဲ့တင် နောက်ထပ် ကြုံတွေ့ရမယ့် ကိစ္စရပ်တွေကို ရင်ဆိုင်ဖို့ အားအင်တွေ အပြည့်အဝ ရှိနေပြီ ဖြစ်သည်။

အာယင်ရဲ့ သင်းပျံ့တဲ့ ကိုယ်သင်းရနံ့လေးကို ဖြည်းညှင်းစွာ ရှူရှိုက်ရင်း ဖူယဲ့ ရင်ထဲမှာ တရွရွ ဖြစ်သွားခဲ့သည်။

ဝတ်စုံလဲပြီးနောက် ဖူယဲ့က စနစ်အရောင်းဆိုင်ကို ဖွင့်လိုက်သည်။

 [ဂုဏ်ယူပါတယ် ပိုင်ရှင်။ သင်သည် နတ်ဘုရားအဆင့် ဆေးဖက်ဝင်အပင်ဖြစ်သော 'ယင်ယန် ဖန်ဆင်းရှင်မြက်' ၁ ပင်ကို အောင်မြင်စွာ ဝယ်ယူပြီးပါပြီ။ (သဘာဝတရားရဲ့ နိယာမကို ပြောင်းပြန်လှန်နိုင်စွမ်း ရှိပြီး စုပ်ယူပြီးနောက် ကျင့်ကြံခြင်း အတားအဆီး အဆင့်အားလုံး ကင်းစင်သွားမည် ဖြစ်ကာ ဝိညာဉ်ကိုလည်း ရာခိုင်နှုန်းပြည့် အကောင်းဘက်သို့ ဗီဇပြောင်းလဲစေနိုင်သည်)]

 [ဂုဏ်ယူပါတယ် ပိုင်ရှင်။ သင်သည် ကောင်းကင်အဆင့် ဆေးဖက်ဝင်အပင်ဖြစ်သော 'အိပ်မက်ဆိုးပန်း' ၁ ပင်ကို အောင်မြင်စွာ ဝယ်ယူပြီးပါပြီ။ (မိစ္ဆာကျားနက်ကြီးကဲ့သို့သော ဝိညာဉ်သားရဲများအတွက် သီးသန့်ဖြစ်ပြီး အစွမ်းသတ္တိ ခြောက်မျိုးကို သိသိသာသာ မြှင့်တင်ပေးနိုင်ကာ မကောင်းဆိုးဝါးနတ်ဘုရား သွေးမျိုးဆက်ကို သန့်စင်ပေးမည် ဖြစ်သည်။ ထို့ပြင် နောက်နောင်တွင် ကျင့်ကြံခြင်း အတားအဆီး အဆင့်များ ရှိတော့မည် မဟုတ်ပါ)]

သူက နှလုံးသားအာရုံစွမ်းအားဖြင့် ကျူရှန့်ဂေတစ်ခုလုံးကို ဖြန့်ကြက်စကင်ဖတ်ကြည့်ရာ မိစ္ဆာကျားနက်ကြီးက အရိပ်ထဲမှာ အိပ်ပျော်နေတာကို တွေ့လိုက်ရသည်။

"ဒီနား လာစမ်း ကောင်စုတ်လေး... မင်းစားဖို့ တစ်ခုခု ပေးမလို့"

ဟင်... စားစရာ ဟုတ်လား။

ဖူယဲ့ ခေါ်သံကို ကြားတော့ မိစ္ဆာကျားနက်ကြီးက ပျင်းရိပျင်းတွဲဖြင့် ဖူယဲ့ရှိရာ ခေါင်မိုးပေါ်က အခန်းဆီသို့ တရွေ့ရွေ့ လျှောက်လာခဲ့သည်။ သို့သော် ဖူယဲ့လက်ထဲက 'အိပ်မက်ဆိုးပန်း' ကို မြင်လိုက်ရတဲ့ အချိန်မှာတော့ သူ့ရဲ့ မှေးစက်နေတဲ့ မျက်လုံးတွေက ချက်ချင်း တောက်ပသွားတော့သည်။

ဒါက တကယ့်ကို အရသာရှိမယ့် ပုံပဲ။

"စားလိုက်စမ်း။ မင်းရဲ့ သက်တမ်း ငါးသောင်း ခွန်အားနဲ့ဆိုရင် ငါ့ဆီမှာ အမှိုက်လှည်းဖို့တောင် အရည်အချင်းမပြည့်ဘူး"

မိစ္ဆာကျားနက်ကြီးမှာ မကောင်းဆိုးဝါးနတ်ဘုရား သွေးမျိုးဆက် ရှိနေတာကြောင့် ဒါကို စားသုံးခြင်းက သူ့ကို ထပ်မံ ဆင့်ကဲပြောင်းလဲစေမည် ဖြစ်သည်။

"ဝုတ်... ကျေးဇူးတင်ပါတယ် သခင်ကြီး"

ဖူယဲ့ ပစ်ပေးလိုက်တဲ့ ကောင်းကင်အဆင့် ဆေးပင်ကို ၎င်းက တစ်လုပ်တည်းဖြင့် ဖမ်းမျိုလိုက်ရာ တစ်ကိုယ်လုံးကနေ မှေးမှိန်တဲ့ ခရမ်းရောင်အလင်းတန်းတွေ ချက်ချင်း ပေါက်ကွဲထွက်လာခဲ့သည်။

အခြေအနေတစ်ခုခု ထူးခြားနေတာကို မြင်တော့ ဖူယဲ့က သူ့အတွက် အသံလုံအတားအဆီးနဲ့ မျက်စိလှည့်စားတဲ့ အကာအကွယ်အတားအဆီးကို ချက်ချင်း ပြုလုပ်ပေးလိုက်သည်။

ဘာပဲဖြစ်ဖြစ် နတ်ဘုရားလောကက ဒါကို သိလို့မဖြစ်ပေ။ မဟုတ်ရင် သူ့ခွေးကို လာဖမ်းဖို့ လူ့လောကထဲ ဆင်းလာကြရင် မကောင်းလှချေ။

'ယင်ယန် ဖန်ဆင်းရှင်မြက်' ကတော့ အာယင်အတွက် သဘာဝကျကျ ပြင်ဆင်ပေးထားခြင်း ဖြစ်သည်။ နှစ်ခြိုက်စွာ အိပ်ပျော်နေဆဲဖြစ်တဲ့ အာယင်ကို ကြည့်ရင်း ဖူယဲ့က ထိုဆေးပင်ကို သူမရဲ့ နှုတ်ခမ်းနားသို့ တိုက်ရိုက် ကပ်ပေးလိုက်သည်။

"ပြွတ်... ပြွတ်..."

အာယင်က သူမရှေ့က မွှေးပျံ့လှတဲ့ ဆေးပင်ကို အသိစိတ်မဲ့စွာဖြင့် စားသုံးလိုက်တော့သည်။ အာယင်က ငွေပြာဧကရီရဲ့ လူသားအသွင် ဖြစ်တာကြောင့် ကောင်းကင်အဆင့် ဆေးပင်တွေကို စုပ်ယူရတာက သာမန်လူတွေထက် ပိုပြီး လွယ်ကူလှသည်။

"ယဲ့... တစ်ကိုယ်လုံး နွေးကနဲ ဖြစ်သွားတာပဲ"

ဝေဝေဝါးဝါး အိပ်မက်မက်နေတဲ့ အခြေအနေမှာတင် 'ယင်ရန် ဖန်ဆင်းရှင်မြက်' ရဲ့ အာနိသင်က စတင် ပြန့်နှံ့သွားခဲ့ပြီ ဖြစ်သည်။

အချိန်တွေ တရွေ့ရွေ့ ကုန်ဆုံးသွားခဲ့ရာ တစ်လဆိုတဲ့ အချိန်က တိတ်တဆိတ် ကုန်လွန်သွားခဲ့သည်။

အာယင်က တစ်လလုံးလုံး အချိန်ယူပြီး ထိုဆေးပင်ကို အပြည့်အဝ စုပ်ယူခဲ့ရာ သူမရဲ့ ကျင့်ကြံခြင်းအဆင့်က အဆင့် ၇၀ ဝိညာဉ်သူတော်စင် အဆင့်မှာ တည်ငြိမ်သွားခဲ့သည်။ ထို့နောက် ဖူယဲ့ ပေးအပ်တဲ့ နတ်ဘုရားပေး ဝိညာဉ်ကွင်းကို ထပ်မံစုပ်ယူပြီးနောက် သူမရဲ့ ကျင့်ကြံခြင်းက အဆင့် ၇၃ သို့ တဟုန်ထိုး ခုန်တက်သွားခဲ့သည်။

ဖူယဲ့ကလည်း အားမနေခဲ့ပေ။ ဒီအချိန်အတွင်းမှာ သူက နဂါးနတ်ဘုရားရဲ့ သက်တမ်းသန်းချီ ဝိညာဉ်အရိုး ဝတ်စုံတစ်ခုလုံးကို ပေါင်းစပ်ပြီးသား ဖြစ်သည်။ စနစ်ကြောင့်မို့လို့သာ... သူ့ရဲ့ အဆင့်အချက်အလက်တွေက ပိုမို အစွမ်းထက်လာသော်လည်း နတ်ဘုရားအဆင့်ရဲ့ အကန့်အသတ်ကိုတော့ ကျော်လွန်မသွားသေးချေ။

ဟို အူကြောင်ကြောင် ခွေးနက်ကြီး မိစ္ဆာကျားနက်ကြီးကိုလည်း ဖူယဲ့က မတရားမလုပ်ခဲ့ပေ။ သက်တမ်း နှစ်တစ်သိန်းရှိတဲ့ မိစ္ဆာကျားနက်ကြီး အမျိုးအစား ဝိညာဉ်အရိုးအချို့ကို သွားကိုက်စရာ အရုပ်အဖြစ် ပစ်ပေးထားခဲ့သည်။

အခုဆိုလျှင် ၎င်းက သက်တမ်း တစ်သိန်းခွဲရှိတဲ့ ဝိညာဉ်သားရဲတစ်ကောင် ဖြစ်နေပြီဖြစ်ပြီး တကယ့် တိုက်ခိုက်ရေးစွမ်းရည်က အဆင့် ၉၈ ထိပ်သီး စူပါဒိုလိုတစ်ယောက်နဲ့ ညီမျှသည်။ သူ့ရဲ့ မွေးရာပါ သွေးမျိုးဆက် စွမ်းအားကို ထုတ်ဖော်လိုက်လျှင် ခွန်အားက အဆင့် ၉၉ အကန့်အသတ်ဒိုလို အဆင့်အထိ ယာယီ မြင့်တက်သွားနိုင်သည်။

ဒီရက်ပိုင်းမှာတော့ အိမ်စောင့်ခွေးအဖြစ် နေဖို့ တကယ့်ကို အရည်အချင်း ပြည့်မီသွားပြီ ဖြစ်သည်။

ဒီတစ်လအတွင်းမှာ ဖူယဲ့က လမင်းမျှော်စင်က ထန်ယွဲ့ဟွာကို သွားရောက် စနောက်ကျီစယ်ရုံသာမက အာယင်ကိုပါ ခေါ်ပြီး ကြယ်တာရာ တောအုပ်ကြီးဆီကို အပန်းဖြေ လမ်းလျှောက်ခဲ့သေးသည်။ အာဝူနဲ့ အာယင်တို့က တကယ်တော့ တစ်ယောက်နဲ့တစ်ယောက် သိကျွမ်းနေတာ ကြာပြီဖြစ်တဲ့ ညီအစ်မတွေလို ဖြစ်နေကြသည်။

ယုန်ဖြူလေး ရှောင်ဝူကတော့ ဖူယဲ့နောက်ကနေ တကောက်ကောက်လိုက်ပြီး မုန်လာဥနီပဲ တောင်းနေခဲ့ရာ ဖူယဲ့ကလည်း သူ့မှာ မုန်လာဥနီတွေ အများကြီး ရှိတယ်လို့ပဲ ပြန်ပြောခဲ့သည်။

စနစ်က သုံးမိနစ်တစ်ခါ ပစ္စည်းတွေကို အလိုအလျောက် ပြန်ဖြည့်ပေးတာကြောင့် တစ်ခါဖြည့်ရင် အပြည့်အဝ ပြန်ရသည်။ ပြီးခဲ့တဲ့တစ်ခါက ထုတ်ပေးခဲ့တဲ့ မုန်လာဥနီ သောင်းချီကို ရှောင်ဝူနဲ့ ထိုက်ထန် လူဝံကြီးတို့ စားပစ်လိုက်ကြပြီ ဖြစ်သည်။

ဘာပဲဖြစ်ဖြစ် မုန်လာဥနီတွေက ကျင့်ကြံခြင်းအတွက် သိပ်ပြီး အသုံးမဝင်လှတာကြောင့် အများကြီး ရှိသည်။ အဆင့်မြင့် မုန်လာဥနီတွေရဲ့ တစ်ခုတည်းသော အားသာချက်က အရသာ ပိုကောင်းတာပဲ ရှိသည်။

အနာဂတ် ဇာတ်ကွက်ကိုတော့ ဖျက်ဆီးလို့မရပေ။ မဟုတ်ရင် ရှောင်ဝူက အချိန်မတိုင်ခင် လူသားအသွင် စောစီးစွာ ပြောင်းလဲသွားပါက ဇာတ်လမ်းက ပျက်စီးသွားလိမ့်မည်။

ဒီရက်ပိုင်းအတွင်း ဖူယဲ့က ဝိညာဉ်နန်းတော်ဆီကိုလည်း တစ်ခေါက် ပြန်သွားကြည့်ခဲ့သေးသည်။ သို့သော် ထိုကောင်စုတ် ယွီရှောင်ကန်းကို မတွေ့ခဲ့ရပေ။ အမှန်တရားအတိုင်း ပြောရရင် သူ ရက်ပေါင်းများစွာ ဆက်တိုက် စောင့်ဆိုင်းခဲ့သော်လည်း ထိုသူ့ရဲ့ အရိပ်အယောင်ကိုပင် မမြင်ခဲ့ရချေ။

ဒီအတွက်ကြောင့် သူက အပြာရောင်လျှပ်စီး နဂါးအရှင်သခင် ဂိုဏ်းတည်ရှိရာဆီအထိပါ သွားရောက် ရှာဖွေခဲ့သော်လည်း တစ်ဖက်လူရဲ့ သဲလွန်စကို မရရှိခဲ့ပေ။

ဒီအခြေအနေကြောင့် ဖူယဲ့တစ်ယောက် လုံးဝ ဇဝေဇဝါ ဖြစ်သွားခဲ့ရသည်။

သို့သော်လည်း သူ အများကြီး တွေးမနေတော့ပေ။ ဘာပဲဖြစ်ဖြစ် သူ့ရဲ့ စနစ်အရောင်းဆိုင်ထဲမှာ လူရှာတဲ့ အဆောင်လည်း ရှိနေတာကြောင့် ထိုသူ့ရဲ့ ပုံစံကို စိတ်ထဲကနေ ပုံဖော်လိုက်ရုံဖြင့် ခြေရာခံနိုင်သည်။

ထိုလူယုတ်မာ ယွီရှောင်ကန်းကို နောက်ထပ် ရက်နည်းနည်းလောက်ပဲ ကောင်းကောင်းမွန်မွန် နေခွင့်ပြုထားလိုက်ဦးမည်။ သူ့ရဲ့ ကောင်းစားတဲ့ရက်တွေက ကုန်ဆုံးလုနီးပါး ဖြစ်နေပြီ မဟုတ်ပါလား။

တစ်ချိန်တည်းမှာပင် ဝိညာဉ်နန်းတော်၊ ပုပ်ရဟန်းမင်းကြီး နန်းတော်ရဲ့ မြေအောက် စစ်ဆေးမေးမြန်းရေး အခန်းထဲတွင်မူ...

"ကျွီ..."

တံခါးက ဖြည်းညှင်းစွာ ပွင့်ဟသွားပြီး ဘီဘီတုန်းက စစ်ဆေးမေးမြန်းရေး အခန်းထဲသို့ လှမ်းဝင်လာခဲ့သည်။

သူမက ပုံမှန်အတိုင်းပဲ ဒီနေရာကို ရောက်လာခဲ့ခြင်း ဖြစ်ပြီး ကုသရေးအမျိုးအစား ဝိညာဉ်ဘိုးဘေး ငါးယောက်ကလည်း အဆင်သင့် စောင့်ဆိုင်းနေကြသည်။

တစ်လကြာပြီးနောက်မှာတော့ ယွီရှောင်ကန်းရဲ့ ခန္ဓာကိုယ်က ပျက်စီးယိုယွင်းနေပြီး ဒဏ်ရာဗရပွ ဖြစ်နေခဲ့ကာ အရေပြားနဲ့ အသားစတွေက သံကြိုးရိုက်ချက်တွေကြောင့် စုတ်ပြတ်သတ်နေခဲ့ပြီ ဖြစ်သည်။

သို့သော်လည်း သူမက ဒီနေ့မှာတော့ ထူးခြားတဲ့ အရာတစ်ခုကို လုပ်ဆောင်ချင်နေသည်။

"ဘီဘီတုန်း... မင်းလို မိန်းမယုတ်။ မင်း မကောင်းတဲ့ သေခြင်းဆိုးနဲ့ သေရလိမ့်မယ်"

ဘီဘီတုန်းကို မြင်လိုက်ရတဲ့ အချိန်မှာပဲ ယွီရှောင်ကန်းရဲ့ မှေးမှိန်နေတဲ့ မျက်လုံးတွေထဲမှာ နာကျည်းဒေါသတွေ ပြည့်နှက်သွားခဲ့သော်လည်း ဘီဘီတုန်းက သူ့ကို လုံးဝ ဂရုမစိုက်ပေ။

"ယွီရှောင်ကန်း... ငါ မင်းကို ဒီနေရာမှာ ဒီလောက်အလွယ်တကူ သေခွင့်ပေးမှာ မဟုတ်ဘူး။ စိတ်မပူပါနဲ့... မင်းရဲ့ ဂိုဏ်းဘက်ကိုလည်း ငါ အကုန် အဆင်ပြေအောင် လုပ်ထားပြီးပြီ။ သူတို့က လောလောဆယ် မင်းကိစ္စကို လာပတ်သက်မှာ မဟုတ်ဘူး"

ဘီဘီတုန်းက ခပ်ဖွဖွ ပြုံးလိုက်ပြီးနောက် သူမနောက်က လူတစ်ယောက်ကို လက်ဟန်ပြလိုက်သည်။

ထို့နောက် သန်မာထွားကျိုင်းတဲ့ အမျိုးသား ခြောက်ယောက် စစ်ဆေးမေးမြန်းရေး အခန်းထဲသို့ တစ်ယောက်ပြီးတစ်ယောက် ဝင်ရောက်လာကြသည်။

"သန့်ရှင်းသောမိန်းကလေး"

ထိုခြောက်ယောက်က ဝင်လာပြီးနောက် ခေါင်းညိတ် အလေးပြုကြသည်။ ဘီဘီတုန်းက သူတို့ကို အေးစက်စွာ တစ်ချက် ဝေ့ကြည့်လိုက်ပြီးနောက် ကုသရေး ဝိညာဉ်ဆရာ ငါးယောက်ဆီသို့ အကြည့်လွှဲလိုက်သည်။

"မင်းတို့ ငါးယောက် နောက်ခါ လာစရာမလိုတော့ဘူး။ ပြီးခဲ့တဲ့ သုံးနှစ်အတွင်း မင်းတို့ ရရှိခဲ့တဲ့ ကျင့်ကြံခြင်း အရင်းအမြစ်တွေကို ငါ နှစ်ဆ တိုးပေးမယ်။ ငါ ဘာကို ဆိုလိုလဲဆိုတာ မင်းတို့ နားလည်ကြလိမ့်မယ်လို့ ယုံကြည်တယ်"

ဘီဘီတုန်းရဲ့ စကားကို ကြားလိုက်ရတဲ့ အခါမှာတော့ မိန်းကလေး ငါးယောက်လုံးရဲ့ မျက်လုံးတွေ တောက်ပသွားကြသည်။

"နားလည်ပါတယ်"

"ကျွန်မတို့ ဒီနေရာကို တစ်ခါမှ မလာဖူးပါဘူး"

"ဟုတ်ကဲ့ပါ"

ထိုငါးယောက်က အခြေအနေကို နားလည်တာကို မြင်တော့ ဘီဘီတုန်းက ခေါင်းညိတ်လိုက်သည်။

"ထွက်သွားကြတော့။ မင်းတို့ထဲက တစ်ယောက်ယောက်က ဒီကိစ္စကို အပြင်မှာ ပြန်ပြောတာကို ငါ သိလိုက်ရရင်တော့ ငါ့ရဲ့ ရက်စက်မှုကို အပြစ်မတင်နဲ့"

"ဟုတ်ကဲ့ပါ"

ထိုငါးယောက် ထွက်သွားပြီးနောက် ဘီဘီတုန်းက ယွီရှောင်ကန်းရဲ့ ရှေ့ သုံးမီတာအကွာအဝေးသို့ ဖြည်းညှင်းစွာ တိုးကပ်သွားခဲ့သည်။

"ယွီရှောင်ကန်း... ယွီရှောင်ကန်း၊ မင်း ကောင်းကောင်းမွန်မွန် အနားယူလိုက်ပါဦး။ နောက်လာမယ့် ခြောက်လအတွင်းမှာ မင်းက ဟောဒီ လူခြောက်ယောက်နဲ့အတူ အချိန်ကုန်လွန်ရလိမ့်မယ်"

မူလက သွားကြိတ်ပြီး ဒေါသထွက်နေခဲ့တဲ့ ယွီရှောင်ကန်းက ဘီဘီတုန်းရဲ့ စကားကို ကြားပြီးနောက် ဆွံ့အသွားခဲ့ရသည်။ ထို့နောက် တံခါးဝက လူခြောက်ယောက်ကို ကြည့်လိုက်တဲ့ အခါမှာတော့ သူ့ရဲ့ မျက်ဝန်းတွေထဲမှာ ထိတ်လန့်တုန်လှုပ်မှုတွေ အပြည့်အဝ ဖြစ်ပေါ်လာတော့သည်။

"သူက အပြာရောင်လျှပ်စီး နဂါးအရှင်သခင် ဂိုဏ်းရဲ့ ဂိုဏ်းချုပ်သားပဲ။ ခြောက်လကြာရင် မင်းတို့တစ်ယောက်ချင်းစီကို ဝိညာဉ်ဒင်္ဂါး ငါးထောင်စီ ပေးမယ်။ ဒီအချိန်အတွင်း အခြေခံ လိုအပ်ချက် မှန်သမျှကို အကုန် ဖြည့်ဆည်းပေးထားမယ်။ မင်းတို့ရော သူရော ဒီနေရာကနေ ထွက်သွားလို့မရဘူး။ ငါ သူ့ကို အသေမခံချင်ဘူး... ဒါပေမဲ့ သူ ကောင်းကောင်းမွန်မွန် အသက်ရှင်နေတာကိုလည်း လုံးဝ မမြင်ချင်ဘူး... နားလည်လား"

ရွှေဒင်္ဂါး ငါးထောင် ဒင်္ဂါးပြားတွေ အများကြီး ရမှာပေါ့။ ဒီဈေးနှုန်းကို ကြားလိုက်ရတဲ့ အခါမှာတော့ ထိုလူ ခြောက်ယောက်လုံး အချင်းချင်း အကြည့်ချင်း ဖလှယ်လိုက်ကြပြီး ယွီရှောင်ကန်းကို တကယ့်ကို တပ်မက်စူးစိုက်တဲ့ မျက်လုံးတွေဖြင့် ကြည့်လိုက်ကြတော့သည်။

"ဟုတ်ကဲ့ပါ... သန့်ရှင်းသောမိန်းကလေး"

ဘီဘီတုန်း လှည့်ထွက်သွားတာနဲ့ တစ်ပြိုင်နက် သံတံခါးကြီးရဲ့ အထဲကနေ နှလုံးကြေကွဲစရာ အော်ဟစ်သံကြီး ချက်ချင်း ထွက်ပေါ်လာတော့သည်။

******

"တော်တော်ချစ်စရာကောင်းတဲ့ ကောင်လေးပဲ။ အစ်ကိုကြီး... ငါ့ကို အရင် ပေးစမ်းပါ"

"ဝုတ်... ညီအစ်ကိုတို့... တက်ကြဟေ့"

"အား... မင်းတို့ လူယုတ်မာတွေ... ဝါး"