အခန်း (၇) နာဗာရဲ့မီးလျှံဖြင့် မီးဓာတ်သိုင်းဝိဉာဉ်များအပေါ် လုံးဝ နှိပ်ကွပ်ခြင်း

"ယဲ့ မိသားစုခေါင်းဆောင်... မင်းက ဒီလောက်အထိ ခေါင်းမာနေဦးမယ်ဆိုရင်တော့ ငါ့က မင်းကို အရင်ဆုံး ရှင်းပစ်ပြီးမှ မင်းသမီးလေးကို ဂိုဏ်းဆီ ခေါ်သွားရုံပဲ ရှိတော့တာပေါ့။ ဘာပဲဖြစ်ဖြစ် နောက်မျိုးဆက်ကျရင်လည်း နှလုံးသားကိုးခုဘီဂိုနီးယားပန်း သိုင်းဝိဉာဉ်ကို နိုးထခွင့် ရှိနေတာပဲဥစ္စာ။"

မီးကျားသစ် ဝိညာဉ်သခင်က စိတ်ရှည်မှု လုံးဝ ကုန်ဆုံးသွားခဲ့ပြီ ဖြစ်သည် သူရဲ့ အကြည့်က ဆံပင်တိုလေးနှင့် မိန်းကလေးငယ်ထံသို့ ရွှေ့သွားပြီး သူ၏ စကားလုံးများမှာ ရက်စက်မှုနှင့် ခြိမ်းခြောက်မှုများ ပြည့်နှက်နေခဲ့တယ်။

ယဲ့မြောင်ယွင် ရဲ့ အမူအရာက ထိတ်လန့်တုန်လှုပ်သွားပြီး သူမရဲ့ သမီးဖြစ်သူကို အနောက်တွင် အလျင်အမြန် ကာကွယ်လိုက်တယ်

ဒီလို အသက်အန္တရာယ် ကြုံတွေ့နေရသည့် အခြေအနေတွင် သူမရဲ့ ရင်ထဲ၌ အထီးကျန်ဆွေးမြည့်မှုတစ်ခု တိုးဝှေ့လာခဲ့သည် — ယဲ့ မိသားစုဟာ တကယ်ပဲ ငါ့လက်ထက်မှာ ပျက်စီးသွားတော့မှာလား

"လင်လင် ... အမေ သူ့ကို ခဏ တားထားပေးမယ်။ သမီး ချက်ချင်း လွတ်အောင်ပြေးတော့၊ အနောက်ကို လှည့်မကြည့်နဲ့။"

ယဲ့မြောင်ယွင်က ထိုင်ပြီး အသေခံရန် အကြံမရှိချေ သူမက သူရဲ့ ဝိညာဉ်စွမ်းအားကို အသုံးပြု၍ သမီးဖြစ်သူထံသို့ အသံလှိုင်းဖြင့် သတင်းစကား ပါးလိုက်တယ်။

မဟာတိုက်ကြီးတွင် ကျော်ကြားသော သမားတော်တစ်ဦးအနေဖြင့် သူမသည် လူနာများကို ကယ်တင်နိုင်ရုံတင်မကဘဲ အဆိပ်များကို ဖော်စပ်ရာတွင်လည်း ကျွမ်းကျင်သူလည်းဖြစ်တယ်။

ဒိအဆိပ်များသည် ဝိညာဉ်ဘုရင် တစ်ဦးကို ချက်ချင်း မသေစေနိုင်သော်လည်း ခေတ္တမျှ တားဆီးထားရန်မှာမူ သေချာပေါက် လုံလောက်လှတယ်

ယဲ့မြောင်ယွင်က မီးကျားသစ်ဂိုဏ်းသို့ ဝင်ရောက်ရန် သဘောတူလိုက်လျှင်ပင် သူတို့ရဲ့ ဆက်ဆံမှုကို ခံရသည်မှာ ကျွန်တစ်ယောက်ထက် ပိုလိမ့်မည်မဟုတ်ကြောင်း ကောင်းစွာ သိရှိထားတယ်။

"မလုပ်ပါနဲ့"

ယဲ့လင်းလင်းသည် သူမ၏ မိခင်ဖြစ်သူရဲ့ အကျီလက်စကို တင်းကျပ်စွာ ဆုပ်ကိုင်ထားရင်း ခေါင်းကို အထပ်ထပ် ခါယမ်းနေခဲ့တယ်။ သူမရဲ့ မျက်နှာငယ်လေးတွင် မိခင်ကို ဆုံးရှုံးရတော့မည့် အကြောက်တရားနှင့် စိုးရိမ်စိတ်များ ပြည့်နှက်နေခဲ့တယ်။

"မင်း သေချင်နေတာပဲ"

သူတို့ရဲ့ လှုပ်ရှားမှုကို သတိပြုမိသွားသောအခါ မီးကျားသစ် ဝိညာဉ်သခင်က သူရဲ့စိတ်ရှည်မှုကို လုံးဝ လက်လွှတ်လိုက်တော့တယ်။ သူက လေထဲသို့ ခုန်တက်လိုက်ပြီး အမဲလိုက်ကျားသစ်တစ်ဦးကဲ့သို့ ရှေ့သို့ အဟုန်ပြင်းစွာ ပြေးဝင်လာခဲ့တယ်။

မျက်စိတစ်မှိတ်အတွင်း ယဲ့မြောင်ယွင်က သူမ၏ သိုလှောင်မှု ဝိညာဉ်ကိရိယာ ထဲမှ အဆိပ်မှုန့်တစ်ဆုပ်ကို ထုတ်ယူကာ ဝိညာဉ်စွမ်းအားကို အသုံးပြု၍ ရန်သူ့ထံသို့ တိုက်ရိုက် ကြဲပက်လိုက်သဖြင့်

မီးကျားသစ် ဝိညာဉ်သခင်၏ အမူအရာက အနည်းငယ် ပြောင်းလဲသွားပြီး ထိုအဆိပ်မှုန့်တိမ်တိုက်ကို ရှောင်ရှားရန် နောက်သို့ ပြတ်ပြတ်သားသား ဆုတ်ခွာလိုက်သည်။ သို့သော်လည်း သူ၏ လျင်မြန်သော တုံ့ပြန်မှုဖြင့်ပင် အဆိပ်မှုန့် အချို့ကို ရှူမိသွားခဲ့သဖြင့် အဆိပ်သင့်သည့် လက္ခဏာများကို လျင်မြန်စွာ ခံစားလာရတော့တယ်။

သို့သော် ဝိညာဉ်ဘုရင်တစ်ဦးအနေဖြင့် သူ၏ ရုပ်ပိုင်းဆိုင်ရာ ခံနိုင်ရည်မှာ သာမန်လူများထက် များစွာ မြင့်မားသဖြင့် ဒီအဆိပ်ပမာဏက သူ့အသက်ကို မရန်ရှာနိုင်ချေ။

ဘာပဲဖြစ်ဖြစ် ဒီကမ္ဘာရဲ့ အဆိပ်နှင့်ပတ်သက်သော အခြေခံဗဟုသုတမှာ အလွန်အမင်း မြင့်မားခြင်းမရှိချေ၊ အကျော်ကြားဆုံး ဖြစ်သော အဆိပ်တုန့်လော့တောင်သူ့ရဲ့ နည်းစနစ်များပင် ထန်ဂိုဏ်းရဲ့ အထူးပြုအဆိပ်ပညာနှင့် ယှဉ်လျှင် နိမ့်ကျသည်ဟု ဆိုနိုင်သည်။

အခြားကမ္ဘာမှ ကိုယ်ခံပညာဂိုဏ်းတစ်ခုဖြစ်သည့် ထန်ဂိုဏ်းက ဒီကမ္ဘာသစ်တွင် နတ်ဘုရားများကိုပင် သတ်ဖြတ်နိုင်သော စွမ်းအားကို ပိုင်ဆိုင်ထားသည်မှာ ထူးဆန်းလွန်းတယ်။ သူတို့ရဲ့ လျှို့ဝှက်လက်နက်များကပင် နတ်ဘုရားများကို သတ်ဖြတ်နိုင်သည်ဟူသောအချက်က ဒီကမ္ဘာရဲ့ နတ်ဘုရားများက ပြိုင်ဘက်ကင်းဆိုတဲ့ အရာများ မဟုတ်ကြောင်း သက်သေပြနေတယ်။

"လင်လင်... ပြေးတော့"

"ပြေးချင်တာလား မင်းတို့ထဲက တစ်ယောက်မှ လွတ်မှာ မဟုတ်ဘူး"

"စတုတ္ထမြောက် ဝိညာဉ်စွမ်းရည်: တောက်လောင်နေသော ငရဲ

မီးကျားသစ် ဝိညာဉ်သခင်က ဟိန်းဟောက်လိုက်ရာ သူရဲ့ စတုတ္ထမြောက် ဝိညာဉ်ကွင်းက လင်းထိန်လာခဲ့တယ်။

ပြင်းထန်သော မီးလျှံများက သူရဲ့ ခန္ဓာကိုယ်မှ ပေါက်ကွဲထွက်လာပြီး သူ့အား မီးတောက်နေသော သားရဲလူသားတစ်ဦးအဖြစ် ပြောင်းလဲပေးလိုက်တယ်။

ဒီဝိညာဉ်စွမ်းရည်အောက်တွင် သူရဲ့ အရည်အချင်းများ အားလုံးသည် ၁၀၀% မြင့်တက်သွားခဲ့ပြီး အဆိပ်ရဲ့ ဆိုးကျိုးများကိုလည်း ပြင်းထန်သော အပူရှိန်ဖြင့် ခေတ္တမျှ ဖယ်ရှားပစ်လိုက်‌တော့တယ်

"ကောင်းကင်ဘုံက ငါ့ရဲ့ ယဲ့ မိသားစုကို ဖျက်ဆီးဖို့ စီရင်လိုက်ပြီလား"

ရန်သူက အဆိပ်ရဲ့ သက်ရောက်မှုကို မခံရသည်ကို မြင်သောအခါ ယဲ့မြောင်ယွင်က လုံးဝ စိတ်ပျက်အားငယ်သွားခဲ့တယ်

ဒီလို အရေးကြီးသော အချိန်တွင် တောက်လောင်နေသော ဓားချက်တစ်ချက်သည် အထက်မှ ရုတ်တရက် ကျဆင်းလာခဲ့ပြီး မျက်စိတစ်မှိတ်အတွင်း ရောက်ရှိလာကာ မီးကျားသစ် ဝိညာဉ်သခင်၏ ကျောပြင်ကို ပြင်းထန်စွာ ထိမှန်သွားခဲ့တယ်။

ဘုန်း

သိုင်းဝိဉာဉ် ပေါင်းစပ်ခြင်း အခြေအနေတွင် ရှိနေသော်လည်း ဝိညာဉ်ဘုရင်က ထိုတိုက်ခိုက်မှုရဲ့ ပြင်းထန်သော ခွန်အားကြောင့် မီတာတစ်ဆယ်ကျော် အဝေးသို့ လွင့်စင်သွားခဲ့တယ်

ချက်ချင်းပင် မီးလျှံကဲ့သို့ ရဲရဲတောက်နေသော သံချပ်ကာဝတ်စုံကို အပြည့်အဝ ဝတ်ဆင်ထားသော လူတစ်ဦးသည် သစ်ပင်ပေါ်မှ ခုန်ဆင်းလာခဲ့ပြီး ယဲ့မြောင်ယွင်နှင့် ယဲ့လင်းလင်းတို့ရဲ့ ရှေ့တွင် ကာကွယ်ပေးထားသည့် ပုံစံဖြင့် လာရောက်ရပ်တန့်လိုက်တယ်

မြင့်မားပြီး ထွားကျိုင်းလှသော ခန္ဓာကိုယ်၊ အစွမ်းထက်သော အရှိန်အဝါနှင့်အတူ သူသည် ထိုနေရာတွင် ရပ်နေရုံမျှဖြင့်ပင် လုံခြုံစိတ်ချရမှု အပြည့်အဝကို ပေးစွမ်းနေခဲ့သည်

"မင်းက ဘယ်သူမို့လို့ ငါတို့ မီးကျားသစ်ဂိုဏ်းရဲ့ ကိစ္စကို လာဝင်စွက်ဖက်ရဲတာလဲမင်း သေချင်နေတာလား"

မီးကျားသစ် ဝိညာဉ်သခင်သည် မြေပြင်မှ အလုအယက် ထရပ်လိုက်ပြီး ရုတ်တရက် ပေါ်လာသော ထိုလူကို ဒေါသတကြီး စိုက်ကြည့်လိုက်တယ် ဒါပေမဲ့ နောက်တစ်စက္ကန့်တွင် သူက တစ်စုံတစ်ခု မှားယွင်းနေကြောင်း သတိပြုမိသွားတယ်

ရန်သူရဲ့ သိုင်းဝိဉာဉ်မှာ သားရဲအမျိုးအစား မဟုတ်သည်မှာ ရှင်းလင်းလှပြီး သူရဲ့ ဝိညာဉ်စွမ်းအား အဆင့်မှာလည်း မိမိထက် မမြင့်မားချေ၊ သို့သော် ထိုဝိညာဉ်သခင်ထံမှ ထူးဆန်းသောဖိနှိပ်မှုတစ်ခု ခံစားနေရတယ်။

ဒါက ဗီဇပြောင်းလဲသွားတဲ့ သိုင်းဝိဉာဉ် လား

အခုအခါသူရဲ့ သိုင်းဝိဉာဉ်မှာ ဖိနှိပ်ခြင်း ခံနေရသဖြင့် မီးကျားသစ် ဝိညာဉ်သခင်က စွန့်စားရန် မဝံ့မရဲ ဖြစ်သွားခဲ့တယ်။

ဒီလူက လေးကွင်းမြောက် ဝိညာဉ်ဘိုးဘေး မျှသာ ဖြစ်ပေမဲ့ စောစောက တိုက်ခိုက်မှုကို ကြည့်ခြင်းအားဖြင့် သူရဲ့ ခွန်အားမှာ ဝိညာဉ်ဘုရင်တစ်ဦးထက် မနိမ့်ကျသည်မှာ သေချာလှတယ်။

"ဟူး... အစ်ကိုကြီး၊ ငါတို့ မီးကျားသစ်ဂိုဏ်းက အောက်အဆင့် ဂိုဏ်းလေးခုထဲက တစ်ခုပဲ။ ငါတို့ ကိစ္စထဲ ဝင်ပါတာက မင်းအတွက် ဘာကောင်းကျိုးမှ ရှိမှာ မဟုတ်ဘူး။ သေချာ စဉ်းစားစေချင်တယ်။"

မီးကျားသစ် ဝိညာဉ်သခင်က စကားဖြင့် စည်းရုံးရန် ပြင်ဆင်နေစဉ် သူ ပြန်လည်ရရှိလိုက်သော တုံ့ပြန်မှုမှာမူ မိမိထံသို့ ချိန်ရွယ်ထားသော ပြင်းထန်စွာလောင်ကျွမ်း တောက်လောင်နေသည့် ဓားရှည်ကြီးတစ်လက်သာ ဖြစ်သည်။

"စကားတွေ အများကြီး ပြောမနေနဲ့။"

လင်းမူသည် သတ္ထုများကိုပင် အရည်ပျော်သွားစေနိုင်သောဓါး ကို ကိုင်စွဲထားရင်း မီးကျားသစ် ဝိညာဉ်သခင်အား တုံ့ပြန်ရန် အခွင့်အရေး မပေးဘဲ သူရဲ့ ဓားကို တိုက်ရိုက် လွှဲယမ်းလိုက်လေသည်

လေးညှို့မှ ထွက်သွားသော မြားသည် အနောက်သို့ ပြန်လှည့်၍ မရတော့ချေ

မီးကျားသစ်ဂိုဏ်းကအောက်အဆင့်ဂိုဏ်းလေးခုထဲတွင် ပါဝင်သော်လည်း အထက်အဆင့် ဂိုဏ်းသုံးခုနှင့် ယှဉ်လျှင်မူ လုံးဝ နှိုင်းယှဉ်၍ မရချေ။

သူတို့တွင် ဘွဲ့အမည်ရတုန့်လော့ တစ်ဦးမျှပင် မရှိကြချေ၊ သူတို့ရဲ့ အသန်မာဆုံး အဖွဲ့ဝင်မှာ ဝိညာဉ်တုန့်လော့ မျှသာဖြစ်ကြတယ်။

ဒါ့အပြင် ဒီမီးကျားသစ် ဝိညာဉ်သခင်ကို ဒီနေရာတွင်သာ အပြတ်ရှင်းပစ်လိုက်လျှင် ဒါကို ဘယ်သူလုပ်ခဲ့သည်ကို ဂိုဏ်းက ဘယ်လိုမှသိနိုင်လိမ့်မည်မဟုတ်ပေ။

သူဝိညာဉ်သူတော်စင် အဆင့်သို့ ရောက်ရှိသွားသည်နှင့် သူရဲ့ ခွန်အားက ဝိညာဉ်တုန့်‌လော့တစ်ဦးထက် မနိမ့်ကျတော့သဖြင့် နောင်တွင် ကလဲ့စားချေခံရမည့် အရေးကို စိုးရိမ်နေရန် မလိုချေ။

သူ ဘာကြောင့် ဝင်ရောက်ကူညီခဲ့သနည်းဆိုသော် ဒါက သူရဲ့ နှလုံးသားမှ တိုက်ရိုက် ဆုံးဖြတ်ချက်တစ်ခုသာ ဖြစ်တာ်။

"မတရားမှုကို မြင်လျှင် လက်ပိုက်ကြည့်မနေသင့်" ဟူသော စကားအတိုင်း ခေတ်သစ်အတွေးအခေါ်များ ရှိသော လူငယ်တစ်ဦးအနေဖြင့် လင်းမူက မိခင်နှင့် သမီးဖြစ်သူတို့အား လူဆိုးများရဲ့ ရန်ပြုခြင်းကို ဘယ်လို့သည်းခံနိုင်မှာလဲ ဒါ့အပြင် သူက ဒီမီးကျားသစ် ဝိညာဉ်သခင်ကို ကိုင်တွယ်နိုင်ရန် အကြွင်းမဲ့ ယုံကြည်ချက် ရှိနေခဲ့လို့လေ။

သူရဲ့ ပြိုင်ဘက်က အဆင့် သိသိသာသာ မြင့်မားသော်လည်း နှစ်သောင်းချီ ဝိညာဉ်စွမ်းရည် မရှိချေ၊ ဒါ့အပြင် နာဗာရဲ့မီးလျှံက မီးကျားသစ် သိုင်းဝိဉာဉ်ကို လုံးဝ ဖိနှိပ်နိုင်သည်လေ

ဒါက သိုင်းဝိဉာဉ်များအကြား သွေးမျိုးဆက်အရ နှိပ်ကွပ်ခြင်း မဟုတ်ဘဲ 'ဓာတ်သဘာဝ' အရ ဖိနှိပ်ခြင်း ဖြစ်တယ်။

နာဗာရဲ့မီးလျှံက မီးတောက်များကို ဝါးမြိုနိုင်သော ထူးခြားသည့် စွမ်းအားကို ပိုင်ဆိုင်ထားသဖြင့် တစ်ဖက်လူရဲ့ မီးဓာတ်အခြေခံ တိုက်ခိုက်မှုများကို လုံးဝ အရာမထင်စေဘဲ ထိုစွမ်းအင်များကို မိမိ၏ စွမ်းအင်အဖြစ်သို့ပင် ပြောင်းလဲပစ်နိုင်တယ်

"ခိုးတိုက်တာလား မင်းမှာသိုင်းကျင့်၀တ်ရောရှိသေးရဲ့လား

ချဉ်းကပ်လာသော မီးတောင်နေသောဓါးကို ရင်ဆိုင်ရင်း မီးကျားသစ် ဝိညာဉ်သခင်က ရင်ထဲတွင် ကျိန်ဆဲလိုက်မိတယ်။

သူက ကာကွယ်ရန်အတွက် သူရဲ့ ဒုတိယမြောက် ဝိညာဉ်စွမ်းရည်ကို အလျင်အမြန် အသုံးပြု၍ သူ ရှေ့တွင် မီးတံတိုင်းတစ်ခုကို ဆင့်ခေါ်လိုက်သော်လည်း

မျက်စိတစ်မှိတ်အတွင်း မီးတောက်နေတဲ့ဓါးကြီးကမီးတံတိုင်းကို လွယ်ကူစွာ ဖောက်ထွက်သွားခဲ့တယ်။

ထိုးဓါးကမီးလျှံများကို ဝါးမြိုလိုက်ပြီး မီးကျားသစ် ဝိညာဉ်သခင်ရဲ့ ရင်ဘတ်ကို ပြင်းထန်စွာ ပိုင်းဖြတ်လိုက်ရာ သူ့အား မီတာနှစ်ဆယ်ခန့် ထပ်မံ လွင့်စင်သွားစေခဲ့တယ်။

ရန်သူရဲ့ မီးလျှံများက ဓါးကို မတားဆီးနိုင်ရုံတင်မကဘဲ ဓါးရဲ့ စွမ်းအားကိုပါ ပိုမို တိုးတက်စေခဲ့တယ်။

"ဖူး~"

မီးကျားသစ် ဝိညာဉ်သခင်က သွေးတစ်လုတ် အန်ထုတ်လိုက်ပြီး သူရဲ့ မျက်ဝန်းများတွင် ထိတ်လန့်မှုနှင့် ဝေခွဲမရမှုများ ပြည့်နှက်နေခဲ့တယ်

ဝိညာဉ်ဘုရင်ဖြစ်သော သူက ဝိညာဉ်ဘိုးဘေးအဆင့်ပဲ ရှိသေးတဲ့ လူတစ်ဦးရဲ့ တိုက်ခိုက်မှုကို လုံးဝ ခုခံနိုင်စွမ်း မရှိခဲ့ချေ။

ကြောက်စရာကောင်းလိုက်တာ

တိုက်ခိုက်မှု တစ်ချက်ချင်းစီက ပြင်းထန်လွန်းတယ် ဓားချက် နှစ်ချက်တည်းနှင့်ပင် သူရဲ့အသက်တစ်ဝက်ခန့် ဆုံးရှုံးသွားခဲ့ရပြီ ဖြစ်တယ်။

သူ နားမလည်နိုင်သည့် အရာမှာ ဒီလူက ဘယ်လို သိုင်းဝိဉာဉ်ကို ပိုင်ဆိုင်ထားတာလဲဟူသော အချက်ဖြစ်သည်။

လက်နက်သိုင်းဝိဉာဉ် ဖြစ်သင့်သော်လည်း သားရဲသိုင်းဝိဉာဉ် အများစုတွင်ပင် မရှိသော ခံစစ်စွမ်းရည်များကို ပိုင်ဆိုင်ထား‌သေးတယ်။

သံချပ်ကာ သိုင်းဝိဉာဉ်များက မဟာတိုက်ကြီးတွင် ယခင်က ပေါ်ဖူးသော်လည်း ထိုသိုင်းဝိဉာဉ်များက ရင်ဘတ်အကာ သို့မဟုတ် လက်မောင်းအကာကဲ့သို့ တစ်စိတ်တစ်ပိုင်းသာ ဖြစ်ကြကာ ဒီလိုမျိုး ခန္ဓာကိုယ်တစ်ခုလုံးကို ဖုံးအုပ်ထားသော သံချပ်ကာဝတ်စုံ အပြည့်အစုံ သိုင်းဝိဉာဉ်မျိုးကိုမူ မကြားဖူးချေ။

အံ့ဩစရာကောင်းသော ခံစစ်စွမ်းအားကို ပိုင်ဆိုင်ထားရုံတင်မကဘဲ လက်နက်သိုင်းဝိဉာဉ်ရဲ့ အစွမ်းထက်သော တိုက်ခိုက်ရေး စွမ်းရည်ကိုပါ ပိုင်ဆိုင်ထားသေးတယ်။

တိုက်ခိုက်ရေးနှင့် ခံစစ် ပေါင်းစပ်ထားခြင်းက တကယ့်ကို အဓိပ္ပာယ်မရှိလှပေ

"မင်းက တကယ်တော့ ဘယ်သူလဲ"

"မင်းကို သတ်မယ့်သူပဲ။"

စကားသံ ဆုံးသည်နှင့် တောက်လောင်နေသော ဓားအလင်းတန်းတစ်ခု ဖြတ်သန်းသွားခဲ့ပြီး မီးကျားသစ် ဝိညာဉ်သခင်အား အသက်ရှူရန် အခွင့်အရေး လုံးဝ မပေးခဲ့ချေ။

"တောက်"

စစ်မှန်သော သတ်ဖြတ်လိုစိတ်ကို ခံစားလိုက်ရသဖြင့် မီးကျားသစ် ဝိညာဉ်သခင်က သူရဲ့ သွေးအဆီအနှစ်ကို လောင်ကျွမ်းစေကာ အသက်လု၍ တိုက်ခိုက်ရန်မှတစ်ပါး အခြားရွေးချယ်စရာ မရှိတော့ချေ။

သူရဲ့ ခွန်အားအားလုံးကို အသုံးချပြီးနောက်တွင်မှ လင်းမူရဲ့ တိုက်ခိုက်မှုများကို မနည်း ခုခံနိုင်ခဲ့တယ်

ဒါပေမဲ့ မကြာမီမှာပင် မီးကျားသစ် ဝိညာဉ်သခင်သည် သူရဲ့ အခြေအနေမှာ မျှော်လင့်ချက်မဲ့နေကြောင်း သဘောပေါက်သွားခဲ့တယ်။ သူရဲ့ ဝိညာဉ်စွမ်းအားသည် တစ်ဖက်လူထက် များစွာ မြင့်မားသော်လည်း ထိရောက်သော တိုက်ခိုက်မှုကို မပြုလုပ်နိုင်ပေ။

သူရဲ့ တိုက်ခိုက်မှုက သံချပ်ကာပေါ်သို့ ကျရောက်သွားသည့် အကြိမ်တိုင်းတွင် သူရဲ့ လက်သီးပေါ်ရှိ မီးလျှံများက သံချပ်ကာရဲ့ ဝါးမြိုခြင်းကိုသာ ခံခဲ့ရတယ်လေ

မီးလျှံများ မရှိတော့ပါက မီးကျားသစ် သိုင်းဝိဉာဉ်ဆိုတာ ကျည်ဆန်မရှိသော သေနတ်တစ်လက်ကဲ့သို့ ဖြစ်သွားပြီး သာမန် ရုပ်ပိုင်းဆိုင်ရာ ခွန်အားကိုသာ အားကိုးရတော့တယ်။ သူရဲ့ ဖျက်ဆီးအားမှာ သိသိသာသာ လျော့နည်းသွားခဲ့တယ်

လင်းမူကမူ မီးလျှံများကို ဝါးမြိုပြီးနောက် ပိုမို၍ ပြင်းပြင်းထန်ထန် တိုက်ခိုက်လာခဲ့တယ်။ သူက ကိုယ်ပိုင်ဝိညာဉ်စွမ်းအားကို အနည်းငယ်သာ အသုံးပြုရပြီး တိုက်ပွဲ ကြာရှည်လာသည်နှင့်အမျှ ပိုမို အစွမ်းထက်လာခဲ့တယ်။

"ငါ့ကို မသတ်ပါနဲ့"

လင်းမူသည် မီးကျားသစ် ဝိညာဉ်သခင်အား ကရုဏာတောင်းခံရန် အခွင့်အရေး မပေးခဲ့ချေ။ ပြတ်သားသော ဓားချက်တစ်ချက်နှင့်အတူ ရန်သူရဲ့ ဦးခေါင်းကို ပိုင်းဖြတ်ပစ်လိုက်ရာ သွေးများမှာ မီတာအနည်းငယ်အထိ ပန်းထွက်သွားခဲ့တယ်။