အခန်း (၆) နှလုံးသားကိုးခုဘီဂိုနီးယားပန်း

"ကျေးဇူးတင်ပါတယ် ဆရာသခင်။"

ထန်ဆန်းသည် မွှေးကြိုင်လှသော ယုန်ခြေထောက်ကြီးကို လက်ခံလိုက်ပြီး သူရဲ့ မျက်နှာတွင် ကျေးဇူးတင်စကားများ အပြည့်အဝ ရှိနေခဲ့တယ်

ရုတ်တရက် အစားကောင်းပေးသည်ကို သူ အနည်းငယ် ထူးဆန်းသည်ဟု ခံစားရသော်လည်း အသားကင်ရဲ့ မွှေးပျံ့သော အနံ့က သူ့ကို ချက်ချင်း ကိုက်စားလိုက်ချင်စိတ် ပေါက်သွားစေခဲ့တယ်

ဒါကို မြင်သောအခါ လင်းမူသည်လည်း အားရပါးရ စတင်စားသောက်လိုက်တယ်။

မကြာမီပင် သူတို့နှစ်ဦးသည် ဘတ်စကက်ဘောလုံးအရွယ်အစားရှိသော ယုန်ကင်တစ်ခုလုံးကို ဝါးမြိုလိုက်ကြတယ်။

နှစ်ပေါင်းများစွာ ကမ္ဘာအနှံ့ ခရီးလှည့်လည်ခဲ့သူဖြစ်ရာ လင်းမူရဲ့ ဟင်းချက်လက်ရာသည် ပြိုင်ဘက်ကင်းသည်ဟု မဆိုနိုင်သော်လည်း ထိပ်တန်းစားဖိုမှူးတစ်ဦး၏ အဆင့်တွင် ရှိနေတယ်လေ။

ထန်ဆန်းက ယုန်ခြေထောက်ကြီးကို စားပြီးနောက် ကျန်ရှိနေသော ယုန်ဖင်ကို ဆက်လက် ကိုက်ဝါးလိုက်တယ်။

ဒီအပြုအမူက ထန်ဆန်းက ဆင်းရဲဒုက္ခများသော ဘဝကို ကျင်လည်ခဲ့ရသူဖြစ်ကြောင်း ပြသနေတယ်။

ဆန်ပြုတ်ကျဲကျဲနှင့် ယှဉ်လျှင် ယုန်ဖင်ဆိုသည်မှာ အရသာရှိလှသော အခွင့်ထူးခံ အစားအစာတစ်ခု ဖြစ်နေပေလိမ့်မည်။

"ရှောင်ဆန်း... မင်းရဲ့ ငွေပြာမြက်ကို ငါ့ကို ပြပါဦး။"

စားသောက်ပြီးနောက် လင်းမူက ထန်ဆန်းကို ပြောလိုက်တယ်။

ထန်ဆန်းက ခေါင်းအနည်းငယ် ညိတ်လိုက်ပြီး သူရဲ့ငွေပြာမြက်ကို ချက်ချင်း ထုတ်ဖော်လိုက်တယ်။

ဒီဖြစ်ရပ်ပြီးနောက်တွင် သူသည် သူ၏ ဆရာသခင်ကို ပိုမို၍ ယုံကြည်လာခဲ့တယ်။

မှိန်ပျပျ အပြာရောင် အလင်းကွင်းတစ်ခုနှင့်အတူ ငွေပြာမြက်သည် ထန်ဆန်း၏ လက်ဖဝါးမှ ပေါက်ဖွားလာခဲ့သည်။ တစ်ချက်ကြည့်လိုက်လျှင် ပြောင်းလဲမှုမရှိသယောင် ထင်ရသော်လည်း သေချာစွာ စစ်ဆေးကြည့်ပါက ငွေပြာမြက်ရဲ့ မျက်နှာပြင်တွင် ပါးလွှာသော အဖြူရောင် အလွှာတစ်ထပ် ရှိနေသည်ကိုမြင်တွေ့ရပေလိမ့်မည်။

ထိုအဖြူရောင် အလွှာမှာ ရေခဲပုံဆောင်ခဲမြက်ရဲ့ သက်ရောက်မှု ဖြစ်သည်မှာ သေချာလှတယ်

"ငွေပြာမြက်ထဲကို ဝိညာဉ်စွမ်းအား သွင်းကြည့်ပြီးသူ ကြီးထွားလာအောင် ထိန်းချုပ်နိုင်မလား ကြည့်ရအောင်။"

လင်းမူရဲ့ လမ်းညွှန်မှုအောက်တွင် ထန်ဆန်းက ဝိညာဉ်စွမ်းအားများကို ငွေပြာမြက်ထဲသို့ ဖြည်းညှင်းစွာ သွင်းပေးလိုက်ရာ ငွေပြာမြက်ကအမှန်တကယ်ပင် လျင်မြန်စွာ စတင်ကြီးထွားလာခဲ့တယ်။

"ဆက်လုပ်ပါ။ ငါ့ကို ပတ်ထားနိုင်အောင် ကြိုးစားကြည့်"

ထန်ဆန်းလည်း ဝိညာဉ်စွမ်းအားများကို ပိုမိုထည့်သွင်းလိုက်ရာ ငွေပြာမြက်ရဲ့ ကြီးထွားနှုန်းမှာ သိသိသာသာ အရှိန်ရလာပြီး အဆိပ်သင့်မြွေတစ်ကောင်ကဲ့သို့ လင်းမူရဲ့ ခန္ဓာကိုယ်ကို ပတ်ရစ်သွားခဲ့တယ်။

ဒီအရာမှာ လင်းမူရဲ့ မျှော်လင့်ချက်အတိုင်း ဖြစ်ပြီး ငွေပြာမြက်ဧကရာဇ် သွေးမျိုးဆက်ကို အပြည့်အဝ မနိုးထသေးလျှင်ပင် ငွေပြာမြက်သည် သန်မာသောအပင်တစ်ပင် ဖြစ်နေဆဲပင်

သူ့ရဲ့ စွမ်းအင် လုံလောက်သရွေ့ ချည်နှောင်ခြင်းနှင့် ပတ်ရစ်ခြင်းမှာ အခြေခံစွမ်းရည်များသာ ဖြစ်တယ်။

လက်ရှိ ချည်နှောင်အားမှာ အားနည်းနေသေးသော်လည်း ငွေပြာမြက် အားကောင်းလာသည်နှင့်အမျှ ချည်နှောင်ခြင်းမှာလည်း တိုးတက်လာလိမ့်မည် ဖြစ်တယ်။

"မင်းရဲ့ ပထမဆုံး ဝိညာဉ်စွမ်းရည် ကို စမ်းကြည့်ပါ။"

ဒီစကားကို ကြားသောအခါ ထန်ဆန်းက ခေတ္တမျှ တွန့်ဆုတ်သွားခဲ့တယ်။

"ဆရာသခင်... ဒါက အရမ်း အန္တရာယ်မများဘူးလား ခင်ဗျာ"

"လုပ်လိုက်ပါ။"

အတည်ပြုချက်ကို လက်ခံရရှိပြီးနောက် ထန်ဆန်းသည်လည နောက်ထပ် တွန့်ဆုတ်မနေတော့ပေ။

ဝါရောင် ဝိညာဉ်ကွင်းတစ်ခုက သူရဲ့ ခြေဖဝါးအောက်မှ ရုတ်တရက် လင်းထိန်လာခဲ့ပြီး

"ပထမဆုံး ဝိညာဉ်စွမ်းရည်: ငွေပြာမြက်ပုံဆောင်ခဲ

မျက်စိတစ်မှိတ်အတွင်း လင်းမူကို ပတ်ရစ်ထားသော ငွေပြာမြက်များသည် ရေခဲပုံဆောင်ခဲမြက်ကဲ့သို့ မာကျောသော ရေခဲအလွှာအဖြစ် ချက်ချင်း ပြောင်းလဲသွားခဲ့တယ်

ပထမဆုံး ဝိညာဉ်ကွင်းကို မစုပ်ယူမီက ငွေပြာမြက်သည် အလွန် အားနည်းခဲ့ပြီး တစ်ချက် ဆွဲလိုက်ရုံဖြင့် ပြတ်တောက်လုနီးပါး ဖြစ်ခဲ့ပြီး

ရေခဲပုံဆောင်ခဲမြက် ဝိညာဉ်ကွင်းကို စုပ်ယူပြီးနောက် ငွေပြာမြက်၏ ခံနိုင်ရည်မှာ အဆများစွာ တိုးတက်လာခဲ့သော်လည်း ထိန်းချုပ်နိုင်စွမ်းမှာမူ အနည်းငယ် အားနည်းနေဆဲ ဖြစ်တယ်

ဒါပေမဲ့ ပထမဆုံး ဝိညာဉ်စွမ်းရည်ကို ထုတ်ဖော်လိုက်သောအခါ ပုံဆောင်ခဲဖြစ်သွားခြင်းကြောင့် ငွေပြာမြက်ရဲ့ ကြံ့ခိုင်မှုမှာ သိသိသာသာ မြင့်တက်သွားခဲ့တယ်။

"မဆိုးဘူး၊ ကောင်းမွန်တဲ့ ဝိညာဉ်စွမ်းရည်ပဲ။"

စကားဆုံးသည်နှင့် လင်းမူက ပြင်းထန်သော ဝိညာဉ်စွမ်းအားတစ်ရပ်ကို ထုတ်လွှတ်လိုက်ပြီး ပုံဆောင်ခဲဖြစ်နေသော ငွေပြာမြက်များကို အဓမ္မ ချိုးဖျက်ပစ်လိုက်တယ်။

အဆင့် ၄၇ တိုက်ခိုက်ရေး ဝိညာဉ်ဘိုးဘေးတစ်ဦးအနေဖြင့် သူရဲ့ သိုင်းဝိဉာဉ်ကို မသုံးလျှင်ပင် လင်းမူ၏ ရုပ်ပိုင်းဆိုင်ရာ ခွန်အားသည် ဝိညာဉ်ဘုရင် အဆင့်ရှိ သားရဲသိုင်းဝိဉာဉ် ပိုင်ဆိုင်သူများနှင့် ယှဉ်နိုင်လေသည်။

"သာမန် နှစ်ကွင်းမြောက် ဝိညာဉ်မာစတာ ဆိုရင် မင်းရဲ့ ပထမဆုံး ဝိညာဉ်စွမ်းရည်ကနေ ခဏနဲ့ လွတ်မြောက်ဖို့ မလွယ်ကူဘူး။ အရေးကြီးဆုံးကတော့ ဒီဝိညာဉ်စွမ်းရည်က တိုက်ခိုက်ရေးနဲ့ ခံစစ် နှစ်မျိုးလုံးအတွက် အသုံးဝင်တာပဲ၊ တကယ့်ကို လက်တွေ့ကျတယ်။"

"ဒါတွေအားလုံးက ဆရာသခင်ရဲ့ ကျေးဇူးကြောင့်ပါ" ဟု ထန်ဆန်းက စိတ်ရင်းအမှန်ဖြင့် ပြောလိုက်တယ်။

ဒီစကားကို ကြားရသောအခါ လင်းမူက သူရဲ့ ပခုံးကို ညင်သာစွာ ပုတ်ပေးလိုက်သော်လည်း သူရဲ့ အာရုံမှာမူ သူ့ရှေ့ရှိ စနစ်မျက်နှာပြင် ပေါ်တွင် ရှိနေတယ်။

[ပင်မတာ၀န်: ထန်ဆန်းကို တပည့်အဖြစ် လက်ခံပြီး သူ့ရဲ့အတွေးအမြင်နဲ့ တန်ဖိုးထားပုံကိုပြန်လည်ပုံ‌ဖော်ပါ။

ကွာခြားချက် ကြီးမားလေ ဆုလာဘ် ပိုမိုကြွယ်ဝလေ ဖြစ်သည်။ ပြီးမြောက်မှု: ၇.၉%။]

'ဒီလောက်ပဲလား'

လင်းမူလည်း အနည်းငယ် စိတ်ပျက်လက်ပျက်ဖြင့် သက်ပြင်းချလိုက်ပြီးနောက် ထန်ဆန်းထံသို့ လှည့်ကာ မေးလိုက်တယ်

"ရှောင်ဆန်း... မင်း အခု ဘယ်အဆင့် ရှိပြီလဲ"

"အဆင့် ၁၃ ပါ”

ဒီအဖြေကို ကြားရသောအခါ လင်းမူ တည်ငြိမ်နေခဲ့တယ် ရေခဲပုံဆောင်ခဲမြက်မှာ အနှစ်သုံးရာကျော် သက်တမ်းရှိပြီး ထန်ဆန်း၏ စုဆောင်းထားသော ဝိညာဉ်စွမ်းအားများနှင့် ပေါင်းစပ်လိုက်လျှင် အဆင့် ၁၃ သို့ တစ်ဟုန်ထိုး ရောက်ရှိသွားခြင်းမှာ သဘာဝကျပေသည်

ထန်ဆန်းကို ဝိညာဉ်ကွင်း ရရှိအောင် ကူညီပေးခြင်းမှာ အကြောင်းပြချက်တစ်ခုသာ ဖြစ်ပြီး အဓိက ရည်ရွယ်ချက်မှာ သူရဲ့ စိတ်နေသဘောထားကို သိမ်မွေ့စွာ ပြောင်းလဲပေးရန် ဖြစ်တယ်

ပြီးမြောက်မှုနှုန်း မြင့်မားလေလေ လင်းမူ ရရှိမည့် ဆုလာဘ်များ ပိုများလေလေ ဖြစ်တယ်‌။

နာဗာရဲ့မီးလျှံသံချပ်ကာ တစ်ခုတည်းဖြင့်ပင် လင်းမူက ဝိညာဉ်ဘုရင်အဆင့် ကျွမ်းကျင်သူတစ်ဦးကို ရင်ဆိုင်နိုင်သည်ဟု ယုံကြည်ထားတယ်။ အကယ်၍ သူသာ နောက်ထပ် သံချပ်ကာဝတ်စုံတစ်ခု ရရှိလာပါက ဝိညာဉ်ဧကရာဇ် ကိုပင် ရင်ဆိုင်ရသည်မှာ ပြဿနာ မဟုတ်တော့ပေ။

"သွားကြစို့မမှောင်ခင် ဒီနေရာကနေ ထွက်ခွာသင့်ပြီ။"

လင်းမူက သူရဲ့ ခန္ဓာကိုယ်ပေါ်ရှိ ငွေပြာမြက် အပိုင်းအစများကို ခါထုတ်လိုက်ပြီး ထန်ဆန်းနှင့်အတူ ထွက်ခွာရန် ပြင်ဆင်နေစဉ် ရုတ်တရက် အဝေးမှ တိုက်ခိုက်နေသည့် အသံများ ထွက်ပေါ်လာခဲ့တယ်။

ထို့အပြင် ထိုအသံများက ပိုမို ကျယ်လောင်လာပြီး တစ်စုံတစ်ယောက်က လျင်မြန်စွာ ချဉ်းကပ်လာနေသည်မှာ ထင်ရှားလေတယ်

တွန့်ဆုတ်မနေဘဲ လင်းမူလည်း ထန်ဆန်းရဲ့ လည်ပင်းအနောက်မှ ဆွဲမလိုက်ပြီး ကြက်တစ်ကောင်ကဲ့သို့ မြှောက်ကာ သစ်ပင်ကြီးတစ်ပင်၏ အပေါ်သို့ ဘေးကင်းစွာ ချပေးလိုက်တယ်

သူရဲ့ ဆရာသခင်က ဤသို့ ဆွဲမလိုက်ခြင်းသည် အနည်းငယ် ဂုဏ်သိက္ခာမဲ့သည်ဟု ထင်ရသော်လည်း ထန်ဆန်းတွင်မူ မည်သည့် မကျေနပ်ချက်မျှ မရှိပေ။

"တစ်ရက် ဆရာ၊ တစ်သက် အဖေ" ဟူသော စကားရှိသည်မဟုတ်လား လင်းမူက သူ့အပေါ် သူရဲ့ ဖခင်ရင်းထက်ပင် ပိုမိုကောင်းမွန်စွာ ဆက်ဆံပေးသဖြင့် ထန်ဆန်းက သူ့အား မိသားစုဝင်တစ်ဦးကဲ့သို့ သတ်မှတ်ထားပြီး ဖြစ်တယ်။

ခေတ္တမျှကြာသော် အဖြူရောင် နန်းဝတ်တန်ဆာကို ဝတ်ဆင်ထားပြီး ဆံပင်တိုလေးနှင့် မိန်းကလေးငယ်တစ်ဦးကို ဆွဲခေါ်လာသော အမျိုးသမီးတစ်ဦးက ရေကန်စပ်သို့ အလျင်အမြန် ရောက်ရှိလာခဲ့တယ်။ သူမရဲ့ ဂါဝန်မှာ လေထဲတွင် လွင့်ခါနေသဖြင့် ကမ္ဘာမြေပေါ်သို့ ဆင်းသက်လာသော နတ်သမီးတစ်ပါးကဲ့သို့ ခံစားရစေတယ်။

"ဟဲဟဲဟဲ—"

"ယဲ့မိသားစုခေါင်းဆောင်... ဘာလို့ ဒီလို လုပ်နေရတာလဲ"

ထူးဆန်းသော ရယ်မောသံနှင့်အတူ အနက်ရောင်ဝတ်စုံနှင့် အသက်လတ်ပိုင်း အမျိုးသားတစ်ဦး ပေါ်ထွက်လာတယ်။ သူရဲ့ အဝတ်အစားများတွင် မခြောက်သေးသော သွေးစက်များ ပေကျံနေပြီး မည်သည့်အချိန်မဆို တိုက်ခိုက်ရန် အသင့်ရှိနေသော အဆိပ်မြွေတစ်ကောင်ကဲ့သို့ နီးကပ်လာရင်း သူရဲ့ မျက်နှာတွင် ရက်စက်သော အပြုံးတစ်ခု ပေါ်လာခဲ့တယ်

ယဲ့ဟူသော အမည်ရှိသော အမျိုးသမီးသည် ထိတ်လန့်သွားပြီး သူ၏ အနောက်တွင် ဆံပင်တိုလေးနှင့် မိန်းကလေးငယ်ကို အလျင်အမြန် ကာကွယ်လိုက်သည်။

အမှန်တကယ်တွင် သူမသည် ဤရန်သူကို မည်သို့မျှ မယှဉ်နိုင်သဖြင့် ဤလုပ်ရပ်မှာ လုံးဝ အဓိပ္ပာယ်မဲ့နေပေသည်။

"မင်းတို့ ယဲ့ မိသားစုက ကျဆင်းသွားတာ ကြာပြီ ငါတို့ရဲ့ မီးကျားသစ်ဂိုဏ်း ထဲကို ဝင်လာတာက နှစ်ဦးနှစ်ဖက်လုံးအတွက် အကောင်းဆုံး ဖြစ်လိမ့်မယ်။"

"အိပ်မက် မက်မနေနဲ့"

"ကျေးဇူးကန်းမနေစမ်းပါနဲ့။

ကိုယ့်ကိုယ်ကိုယ် မစဉ်းစားရင်တောင်မှ မင်းရဲ့ သမီးလေးအကြောင်းတော့ စဉ်းစားသင့်တယ် မဟုတ်လား"

တစ်ဖက်လူ၏ မာကျောသော တုံ့ပြန်မှုကို မြင်သောအခါ ထိုအသက်လတ်ပိုင်း အမျိုးသားသည် သူ၏ မီးကျားသစ် သိုင်းဝိဉာဉ်ကို ချက်ချင်း ထုတ်ဖော်လိုက်တယ်။ သူရဲ့ အရှိန်အဝါက အဆင့်အတော်များများသို့ ရုတ်တရက် မြင့်တက်သွားခဲ့တယ်။

တစ်ချိန်တည်းမှာပင် ဝိညာဉ်ကွင်း ငါးကွင်းက သူရဲ့ ခြေဖဝါးအောက်မှ ထွက်ပေါ်လာခဲ့သည် — အဝါရောင် နှစ်ကွင်းနှင့် ခရမ်းရောင် သုံးကွင်း ဒီဝိညာဉ်ကွင်း တည်ဆောက်ပုံမှာ အကောင်းဆုံး မဟုတ်သော်လည်း ဝိညာဉ်ဘုရင် တစ်ဦးအတွက်မူ အလွန်ပင် ကြောက်မက်ဖွယ်ကောင်းလှသည်။

"မီးကျားသစ်ဂိုဏ်း"

သစ်ပင်ပေါ်တွင် ရပ်နေသော လင်းမူက အောက်ရှိ မီးကျားသစ် ဝိညာဉ်သခင်ကို ကြည့်လိုက်ရာ သူရဲ့ မျက်ဝန်းထဲတွင် အံ့ဩမှု အရိပ်အယောင်တစ်ခု ဖြတ်ပြေးသွားလေသည်

အောက်အဆင့် ဂိုဏ်းလေးခု ထဲတွင် တစ်ခုအပါအဝင်ဖြစ်သော မီးကျားသစ်ဂိုဏ်းသည် အထက်အဆင့် ဂိုဏ်းသုံးခု လောက် အစွမ်းမထက်သော်လည်း ဝိဉာဉ်ကုန်းမြေတိုက်ကြီးတွင် ထိပ်တန်းအဆင့်ရှိသော ဂိုဏ်းတစ်ခု ဖြစ်သည်။ သူတို့က အဘယ်ကြောင့် ဤအမျိုးသမီးကို ဤသို့ ခြိမ်းခြောက်နေရတာလဲ

"ယဲ့ ဆိုတဲ့ နာမည်..."

လင်းမူ၏ မျက်လုံးများ ကျဉ်းမြောင်းသွားရတယ်။ ဝိဉာဉ်ကုန်းမြေတိုက်ကြီးတွင် အကျော်ကြားဆုံး ယဲ့မိသားစုမှာ နှလုံးသားကိုးခုဘီဂိုနီးယားယဲ့မိသားစုပင် ဖြစ်တယ်

ဒါကြောင့် မီးကျားသစ်ဂိုဏ်းက သူတို့ရဲ့ ဂိုဏ်းအင်အားကို မြှင့်တင်ရန် ယဲ့ မိသားစုကို သိမ်းသွင်းလိုခြင်း ဖြစ်ကြောင်း ထင်ရှားလှတယ် ထိုအချက်မှာ ဆီလျော်လှသည်

နှလုံးသားကိုးခုဘီဂိုနီးယားပန်း သိုင်းဝိဉာဉ်သည် အမြဲတမ်း မျိုးဆက်တစ်ခုတည်းတွင်သာ သီးသန့် လက်ဆင့်ကမ်းခြင်းကို ခံရပြီး အချိန်မရွေး နှလုံးကိုးခုဘီဂိုနီးယား ဝိညာဉ်သခင် နှစ်ဦးသာ အသက်ရှင်လျက် ရှိနေနိုင်ေလသည် သူတို့ထဲမှ တစ်ဦး ကွယ်လွန်မှသာ နောက်မျိုးဆက်သစ်က နှလုံးသားကိုးခုဘီဂိုနီးယားပန်းကို နိုးထနိုင်မည် ဖြစ်တယ်။

ထိပ်တန်းအဆင့် အထောက်အကူပြု သိုင်းဝိဉာဉ်တစ်ဦးအနေဖြင့် နှလုံးသားကိုးခုဘီဂိုနီးယားပန်းက ဘုံခုနှစ်ဆင့်ပြဿဒ်ကဲ့သို့ အစွမ်းထက်သော မြှင့်တင်ပေးနိုင်သည့် စွမ်းရည်မျိုး မရှိသော်လည်း ထူးခြားပြီး အကြွင်းမဲ့ ကုသပေးနိုင်သည့် စွမ်းရည်များကို ပိုင်ဆိုင်ထားကြတယ်။

တိုက်ပွဲအတွင်းတွင် အစွမ်းထက်သော ကုသပေးသူတစ်ဦး ရှိခြင်းမှာ အလွန် အရေးကြီးလှပေသည် တစ်ခုတည်းသော အားနည်းချက်မှာ ဝိညာဉ်စွမ်းရည်များမှာ အလွန်တရာ အစွန်းရောက်ပြီး ကိုယ်တိုင် ခုခံကာကွယ်နိုင်စွမ်း မရှိခြင်း ဖြစ်သဖြင့် အနီးကပ် စောင့်ရှောက်မှု လိုအပ်သည်။

လင်းမူက အောက်ရှိ အဖြူရောင် ဝတ်စုံနှင့် အမျိုးသမီးနှင့် ဆံပင်တိုလေးနှင့် မိန်းကလေးငယ်ကို ငေးကြည့်နေခဲ့တယ် မမျှော်လင့်ထားသည့် အရာများ ဖြစ်မလာပါက ဒီနှစ်ဦးကနှလုံးသားကိုးခုဘီဂိုနီးယားပန်း၏ လက်ရှိ အသက်ရှင်ကျန်ရစ်သူ အမွေဆက်ခံသူ နှစ်ဦးသာ ဖြစ်ပေလိမ့်မည်။