အခန်း (၄၉) — ထန်စန်း - ရှောင်ဝူက တကယ်တော့ ဝိဉာဉ်သားရဲဖြစ်နေခဲ့တာလား

မျက်တောင်တစ်ခတ်အတွင်းမှာပင် ရက်သတ္တပတ်နှစ်ပတ် ခန့် အချိန်သည် ကုန်လွန်သွားခဲ့ပြီ ဖြစ်သည်။

ရေခဲနှင့်မီး ယင်ယန်စမ်းရေတွင်းရဲ့ ဘေးနားတွင် လင်းမူရဲ့ ရှေ့မှောက်၌ ကျောက်စိမ်းပုလင်းငယ် အနည်းငယ် စီတန်းလျက်ရှိနေပြီး၊ တစ်ပုလင်းချင်းစီတွင် လျှံပတ်နေသော စွမ်းအင်များ ပြည့်လျှံနေသည့် ဆေးလုံးများ ပါဝင်နေသည်။ ချီလင်မီးလျှံ ရဲ့ အကူအညီဖြင့် သူသည် မသေမျိုးဆေးပင်အများစုကို ၎င်းတို့ရဲ့ ဆေးဘက်ဝင်အာနိသင် အမြင့်မားဆုံးအတိုင်းအတာအထိ ထိန်းသိမ်းကာ ဖော်စပ်နိုင်ခဲ့ရုံသာမက၊ ဆေးပင်များကို တစ်ခုတည်းအဖြစ် ပေါင်းစပ်ပြီး ပိုမိုထူးကဲသော အာနိသင်များကိုပင် ထွက်ပေါ်လာစေခဲ့သည်။

"ရှောင်ဆန်း.. ဒီဆေးလုံးက မင်းအတွက်ပဲ"

လင်းမူက ကျောက်စိမ်းပုလင်းငယ်တစ်ခုကို ကောက်ယူပြီး ထန်ဆန်းထံသို့ ကမ်းပေးလိုက်တယ်

"ဒါကို စုပ်ယူပြီးရင် မင်းရဲ့ 'ငွေပြာမြက်' ဟာ ရေခဲနဲ့ မီးဒဏ်ကို လုံးဝ ခုခံနိုင်စွမ်း ရရှိသွားလိမ့်မယ်"

"ကျေးဇူးတင်ပါတယ် ဆရာ" ထန်ဆန်းက စိတ်လှုပ်ရှားစွာဖြင့် ဆေးလုံးကို လက်ခံလိုက်တယ်

လွန်ခဲ့သော နှစ်ပတ်လုံးလုံး သူသည် သူရဲ့ ဆရာဖြစ်သူရဲ့ ဆေးဖော်စပ်မှုလုပ်ငန်းစဉ်ကို အမြဲမပြတ် စောင့်ကြည့်လေ့လာခဲ့သဖြင့် ပါဝင်ပစ္စည်းများကို ကောင်းစွာ သိရှိထားခဲ့တယ်

ဒီဆေးလုဲးရဲ့ ပင်မပါဝင်ပစ္စည်းများမှာ 'ထောင့်ရှစ်ထောင့်ရေခဲမြက်' နှင့် 'မီးလျှံမက်မွန် မြက်' တို့ဖြစ်ပြီး အာနိသင်များကို မျှတသွားစေရန်အတွက် 'ပွင့်ဖတ်ရှစ်လွှာသစ်ခွ' ကို ဖြည့်စွက်ထားခြင်း ဖြစ်သည်။

အကယ်၍ သူရဲ့ ဆရာ့ထံတွင်

ဒီလိုအဆင့်မြင့်တဲ့ဆေးဖော်စပ်မှုအတတ်ပညာ မရှိပါက ထန်ဆန်းသည် ထိုမျှ ပြင်းထန်ဆန်းပြားသော ဆေးပင်များကို မည်သို့ ဘေးကင်းစွာ စုပ်ယူရမည်ကို သိရှိလိမ့်မည်မဟုတ်ပေ။

ထိုဖြစ်စဉ်အတွင်း အသက်ရှင်ကျန်ရစ်ရန်အတွက် ရေခဲနှင့်မီး လျှံပတ်စမ်းရေတွင်းထဲသို့ တိုက်ရိုက် ခုန်ချရမည့်အခြေအနေမျိုး ဖြစ်နိုင်ခြေ ရှိသည်။

ယခုအခါ ဆေးပင်များကို တည်ငြိမ်သော ဆေးလုံးတစ်လုံးအဖြစ် ဖော်စပ်ပြီးဖြစ်၍ ထိုအန္တရာယ်မှာ မရှိတော့ပေ။

ထို့နောက် လင်းမူက အခြားဆေးလုံးတစ်လုံးကို ရှောင်ဝူထံသို့ ကမ်းပေးလိုက်တယ်

ဒီဆေးလုံးက 'ပွင့်ဖတ်ရှစ်လွှာသစ်ခွ' နှင့်

‘နာစစ်ဆပ်စ် ကျောက်စိမ်းအရို' တို့ရဲ့ ဂုဏ်သတ္တိများကို ပေါင်းစပ်ထားသဖြင့် နူးညံ့ပြီး စုပ်ယူရလွယ်ကူသည်။

ထန်ဆန်းနှင့် ရှောင်ဝူတို့က မိမိတို့ရဲ့ ဆေးလုံးများကို အသီးသီး သောက်သုံးလိုက်ကြပြီး စုပ်ယူခြင်းလုပ်ငန်းစဉ်ကို စတင်ရန် ကွင်းပြင်ကျယ်၌ တင်ပလ္လင်ခွေ ထိုင်လိုက်ကြတယ်

သူတို့ တည်ငြိမ်သွားသည်နှင့်အမျှ လင်းမူက ကျန်ရှိနေသော ကျောက်စိမ်းပုလင်းများကို သူရဲ့ သိုလှောင်လက်ကောက် ထဲသို့ ထည့်သွင်းလိုက်ပြီး မိမိကိုယ်တိုင်အတွက် သေချာစွာ ပြင်ဆင်ထားသော ဆေးလုံးကို ထုတ်ယူလိုက်တော့တယ်

ဒီသီးခြားဆေးလုံးက 'မီးလျှံမက်မွန်'၊ 'ကြက်ဖအမောက် ဖီးနစ်ကြာပန်း' နှင့် ' ကောင်းကင်ထိုးဖောက်ဂန္ဓမာပန်း' တို့ကို ပင်မပါဝင်ပစ္စည်းများအဖြစ် အသုံးပြုထားပြီး ဂုဏ်သတ္တိများ ဟန်ချက်ညီစေရန် အခြားဆေးပင်အချို့ကိုလည်း ဖြည့်စွက်ထားသေးတယ်

ဆေးလုံးက သူရဲ့ အစာအိမ်ထဲသို့ ဝင်ရောက်သွားသည်နှင့်တစ်ပြိုင်နက် ပြင်းထန်သော အပူလှိုင်းတစ်ခုအဖြစ် ချက်ချင်း ပြောင်းလဲသွားခဲ့တယ် အလွန် ပူပြင်းပြီး အစွမ်းထက်သော အားအင်တစ်ခုက သူရဲ့ ခန္ဓာကိုယ်တစ်ခုလုံးကို ရိုက်ခတ်သွားခဲ့တယ် ရုတ်တရက်ဆိုသလို လင်းမူရဲ့ ခန္ဓာကိုယ်မှ မီးလျှံများ တောက်လောင်လာခဲ့ပြီး မူလက ကြက်သွေးရောင်ရှိသော ချီလင်မီးလျှံက မြင့်မြတ်လှသော ရွှေနီရောင်အသွင်သို့ ပြောင်းလဲသွားပြီး၊ မီးလျှံများထဲတွင် ဖီးနစ်ငှက် ရဲ့ ပုံရိပ်ယောင်တစ်ခု ရစ်ခွေနေကာ နီဗာနားတစ်ဖန်ပြန်လည်မွေးဖွားခြင်း ကို ခံယူနေသကဲ့သို့ပင်ဖြစ်ပေါ်နေသည်။

တကယ်လို့ အခြားဘယ် ဝိညာဉ်သခင်မဆို ဤကဲ့သို့သော ဆေးလုံးမျိုးကို စုပ်ယူပါက ထိုပြင်းထန်သော အပူရှိန်နှင့် ယန် စွမ်းအင်တို့ကြောင့် ပြာကျသွားပေလိမ့်မည်။

ကံကောင်းထောက်မစွာဖြင့် လင်းမူက ကြွယ်ဝသော ဝိညာဉ်စွမ်းအားကို ပိုင်ဆိုင်ထားရုံသာမက သူရဲ့ ခန္ဓာကိုယ်ဖွဲ့စည်းပုံမှာလည်း ဘွဲ့အမည်ရတုန့်လော့ အဆင့်သို့ ရောက်ရှိနေပြီ ဖြစ်သည်။

ထို့အပြင် သူနှင့် ချီလင်မီးလျှံတို့ရဲ့ ပြီးပြည့်စုံသော ပေါင်းစပ်မှုက သူ့ကို ပေါက်ကွဲသွားခြင်းမှ ကာကွယ်ပေးထားခဲ့တယ်

နေ့တစ်ဝက်ခန့် ကုန်လွန်သွားခဲ့ပြီးနောက် ထန်ဆန်းက ပထမဆုံးအကြိမ်အဖြစ် မျက်လုံးများကို ဖွင့်လိုက်ပြီး သူရဲ့ အကြည့်များထဲတွင် ခရမ်းရောင်အလင်းတန်းများ တောက်ပနေခဲ့တယ် သူ သောက်သုံးခဲ့သော ဆေးလုံးထဲတွင် လင်းမူက 'ဆောင်းဦးရေစင်ကို ဖြတ်ကျော်ကြည့်ရှုခြင်း နှင်းစက်' ကို ထည့်သွင်းပေးခဲ့သဖြင့် ထန်ဆန်းရဲ့ 'ခရမ်းရောင်နတ်ဆိုးမျက်လုံး' စွမ်းရည်က မုန်ညင်းစေ့နယ်မြေ သို့ ဖြတ်ကျော်တက်လှမ်းနိုင်ခဲ့သည်။

အခြား မသေမျိုးဆေးပင် သုံးမျိုးမှာ ဆေးလုံးအဖြစ် ဖော်စပ်ထားခြင်းဖြစ်သော်လည်း ၎င်းတို့က သူရဲ့ ဝိညာဉ်စွမ်းအားကို အဆင့် ၄၀ သို့ ချိုးဖျက်တက်လှမ်းနိုင်ရန် ကူညီပေးခဲ့ဆဲပင် ဖြစ်သည်။

"ဆရာ" ထန်ဆန်းက မတ်တတ်ရပ်လိုက်ပြီး လင်းမူထံသို့ ချက်ချင်း လှည့်ကြည့်လိုက်သည်။ သူရဲ့ ဆရာ့ထံမှ ထွက်ပေါ်နေသော အရှိန်အဝါမှာ တည်ငြိမ်နေပြီး ပတ်ပတ်လည်ရှိ မီးလျှံများမှာ ယခင်ကထက် ပိုမို ဆန်းကြယ်နေသည်ကို မြင်တွေ့ရသဖြင့် သူသည် စိတ်သက်သာရာရသွားခဲ့တယ်

ထို့နောက် သူရဲ့ အကြည့်က ရှောင်ဝူထံသို့ ရွှေ့လျက် ကျရောက်သွားသည်။

မုန်ညင်းစေ့နယ်ပယ်အဆင့်သို့ ရောက်ရှိသွားသော ခရမ်းရောင်နတ်ဆိုးမျက်လုံးရဲ့ စူးရှလှသောအလင်းအောက်တွင် ရှောင်ဝူရဲ့ ခန္ဓာကိုယ်ပုံစံသည် ကွဲပြားကြည်လင်စွာ မြင်တွေ့လာရသည်။ ထိုဝေဝါးနေသော ပုံရိပ်အတွင်းပိုင်း၌ သူသည် ပန်းရောင်မျက်လုံးများရှိသည့် သန့်စင်သော အဖြူရောင် ယုန်တစ်ကောင်ရဲ့ ပုံရိပ်ယောင်ကို မြင်တွေ့လိုက်ရတယ်

"ဝိညာဉ်သားရဲ... ရှောင်ဝူက တကယ်တော့ ဝိညာဉ်သားရဲ တစ်ကောင် ဖြစ်နေတာလား"

ထန်ဆန်းသည် တစ်ကိုယ်လုံး တောင့်တင်းလျက် ရပ်နေခဲ့မိပြီး၊ သူရဲ့ တစ်ကမ္ဘာလုံး ပြိုလဲပျက်စီးသွားသကဲ့သို့ သူရဲ့ စိတ်ထဲတွင် လုံးဝ ဗလာဖြစ်သွားခဲ့သည်။

သူရဲ့ ဆရာ့ထံမှ လမ်းညွှန်သွန်သင်မှုများအရ သူသည် ဝိညာဉ်သခင်များနှင့် ဝိညာဉ်သားရဲများသည် ကမ္ဘာဦးရန်သူများ ဖြစ်ကြကြောင်း သိထားရတယ်

တကယ်လို့ ဝိညာဉ်သားရဲတစ်ကောင်က မိမိရဲ့သိုင်းဝိညာဉ်နှင့် ကိုက်ညီနေပါက မည်သည့် ဝိညာဉ်သခင်ကမျှ ၎င်းရဲ့ အသက်ကို ချန်ထားပေးလိမ့်မည်မဟုတ်ပေ။

အဆိပ်တုန့်လော့သည် အဘယ်ကြောင့် ရှောင်ဝူကို ကြိုတင်သတိပေးခြင်းမရှိဘဲ တိုက်ခိုက်ခဲ့သနည်းဟူသည်ကို သူ ယခုမှပင် သဘောပေါက်သွားတော့တယ်

သူမက လူသားအသွင် ပြောင်းလဲထားသော ဝိညာဉ်သားရဲတစ်ကောင် ဖြစ်နေခဲ့ခြင်းကြောင့်ပင် သူနှင့်အတူ နှစ်ပေါင်းများစွာ နေထိုင်ခဲ့သော မိန်းကလေးမှာ လူသားတစ်ယောက် မဟုတ်ပေ။

ဒီအချက်ကို သူ ဘယ်လိုလက်နိုင်ပါ့မလဲ

ထန်ဆန်းတစ်ယောက် စိတ်ရှုပ်ထွေးပြီး လွန်ဆွဲနေစဉ်မှာပင် ရှောင်ဝူသည်လည်း စုပ်ယူခြင်းလုပ်ငန်းစဉ်ကို ပြီးဆုံးသွားခဲ့တယ်

ဆေးလုံးက သူမရဲ့ ဝိညာဉ်စွမ်းအားကို တိုးတက်စေခဲ့ရုံသာမက သူမရဲ့ အပြုအမူ နေထိုင်ပုံကိုလည်း ပိုမို ဆန်းကြယ်ပြီး ဆွဲဆောင်မှုရှိသော အသွင်သို့ ပြောင်းလဲသွားစေခဲ့တယ်

သူမ မျက်လုံးများကို ဖွင့်လိုက်ချိန်တွင် ထန်ဆန်းသည် မျက်နှာဖြူလျော်ကာ ငေးမှိုင်လျက် ရပ်နေသည်ကို မြင်တွေ့လိုက်ရတယ်

"အစ်ကို... အစ်ကို အဆင်ပြေရဲ့လား" သူမက စိုးရိမ်တကြီးမေးမြန်းရင်း သူရဲ့ အနားသို့ အပြေးအလွှား လာခဲ့သည်။

ထန်ဆန်းက ခြေလှမ်းအနည်းငယ် နောက်သို့ ချက်ချင်း ဆုတ်လိုက်ပြီး သူမ ကမ်းပေးလာသော လက်ကို ပုတ်ထုတ်ပစ်လိုက်ပြီး

"ဘာလို့လဲ" သူက ဒေါသနှင့် ဇဝေဇဝါဖြစ်မှုများ ရောယှက်နေသော အသံဖြင့် အော်ဟစ်လိုက်တယ်

ရှောင်ဝူသည် တစ်ကိုယ်လုံး တောင့်ခဲသွားခဲ့ပြီး သူမရဲ့ မျက်နှာတွင် ထိတ်လန့်မှုနှင့် စိတ်နာကျင်မှုများ ပြည့်နှက်သွားပြီး

"အစ်ကို... ဒါ ညီမလေး ရှောင်ဝူလေ"

သူမရဲ့ မျက်ရည်များ ဝဲနေပြီး အပြစ်ကင်းစင်သော မျက်နှာကို ကြည့်ရင်း ထန်ဆန်း တုံ့ဆိုင်းသွားခဲ့ရပြီး၊ သူရဲ့ နှလုံးသားသည် ဆန့်ကျင်ဘက် စိတ်ခံစားမှုများ တိုက်ပွဲဖြစ်ပွားရာ ကွင်းပြင်ကြီးတစ်ခု ဖြစ်နေခဲ့ရတယ်

ထိုအချိန်တွင် လင်းမူသည်လည်း သူရဲ့ ကျင့်ကြံခြင်းလုပ်ငန်းစဉ်ကို ပြီးဆုံးသွားခဲ့သည်။

အထွတ်အထိပ် မီးလျှံရဲ့ သန့်စင်မှုအောက်တွင် သူရဲ့ ခန္ဓာကိုယ်ဖွဲ့စည်းပုံမှာ ပိုမို ခိုင်မာတောင့်တင်းလာခဲ့ပြီး သူရဲ့ ကိလင်မီးလျှံသည်လည်း ဖျက်ဆီးနိုင်စွမ်းနှင့် ကိုယ်တိုင်ကုသနိုင်စွမ်း အဆင့်အသစ်တစ်ခုသို့ ရောက်ရှိသွားခဲ့သည်။

သူရဲ့ ဝိညာဉ်စွမ်းအားသည်လည်း တစ်ပြိုင်နက်တည်း သုံးဆင့်အထိ ခုန်တက်သွားခဲ့ပြီး၊ ၎င်းသည် ဝိညာဉ်သူတော်စင်တစ်ဦးအတွက် အံ့မခန်း စွမ်းဆောင်ချက်မျိုး ဖြစ်သည်။

"ဆရာ" ထန်ဆန်းက အားကိုးရာတစ်ခုကို ရှာဖွေနေသကဲ့သို့ လင်းမူထံသို့ လှည့်ကြည့်လိုက်တယ် သူက တိုးတိုးလေး ပြောလိုက်တယ်

"ဆရာ... ရှောင်ဝူက... သူမက ဝိညာဉ်သားရဲတစ်ကောင် ဖြစ်နေသလိုပဲ"

လင်းမူရဲ့ မျက်ဝန်းထဲတွင် ကြိုတင်သိရှိထားဟန် အရိပ်အယောင်တစ်ခု ဖြတ်ပြေးသွားခဲ့တယ်

'ဆောင်းဦးရေအိုင်ကို ဖြတ်ကျော်ကြည့်ရှုခြင်း နှင်းစက်' က အမှန်တရားကို ဖော်ထုတ်ပေးလိမ့်မည်ကို သူ သိထားပြီးသား ဖြစ်တယ်

သူက ထန်ဆန်းရဲ့ ပုခုံးကို ပုတ်ပေးလိုက်ပြီး

"ရှောင်ဆန်း... မင်းရဲ့ ရှေ့မှာ အခု ရပ်နေတဲ့ ရှောင်ဝူဟာ လူသားတစ်ယောက်လို့ ထင်လား၊ ဒါမှမဟုတ် ဝိညာဉ်သားရဲတစ်ကောင်လို့ ထင်လား"

ထန်ဆန်းက အံ့အားသင့်သွားခဲ့တယ် သူ ဇဝေဇဝါဖြစ်ကာ ဝမ်းနည်းပူဆွေးနေသော ရှောင်ဝူကို ကြည့်လိုက်ပြီး သူတို့ အတူတကွ ဖြတ်သန်းခဲ့ကြသော နှစ်ပေါင်းများစွာကို ပြန်လည်စဉ်းစားလိုက်ပြီး

"သူမကို... လူသားတစ်ယောက်အနေနဲ့ပဲ သတ်မှတ်ရပါလိမ့်မယ်" သူက တိုးတိုးလေး ပြောလိုက်တယ်

"ဒါဆိုရင် သူမကို ဝိညာဉ်သားရဲတစ်ကောင်အနေနဲ့ မွေးဖွားလာခဲ့တာက အရေးကြီးလို့လား"

လင်းမူက အဓိပ္ပာယ်ပါပါ ပြောလိုက်တယ်

"ဒါက မင်း သူမအပေါ် ဘယ်လို ရွေးချယ်ပြီး ရှုမြင်မလဲဆိုတဲ့ အချက်အပေါ်မှာပဲ လုံးဝ မူတည်ပါတယ်"

ထန်ဆန်းက နက်နဲစွာ စဉ်းစားတွေးတောခြင်းထဲသို့ ကျရောက်သွားခဲ့တယ် သူမတွင် လူသားအသွင်သဏ္ဌာန်နှင့် လူသားနှလုံးသား ရှိနေသည်။

ဒါကို မြင်တွေ့ရသောအခါ လင်းမူသည် ဆေးလုံးအဖြစ် ဖော်စပ်ထားခြင်းမရှိသည့် နောက်ဆုံး မသေမျိုးဆေးပင်ကို ထုတ်ယူလိုက်တယ် ဒါက နက်မှောင်သော ကျောက်တုံးကြီးတစ်ခုနှင့် ဆက်စပ်နေပြီး ပီအိုနီပန်း ကဲ့သို့ ပုံသဏ္ဌာန်ရှိသော အဖြူရောင် ပန်းပွင့်တစ်ပွင့် ဖြစ်သည်။

မှိန်ပျပျ အနီရောင်အလင်းတန်းတစ်ခုက ၎င်းကို ဝန်းရံထားပြီး ဝမ်းနည်းပူဆွေးမှုနှင့် ပြင်းထန်မှု နှစ်မျိုးစလုံး ပါဝင်နေသည့် အရှိန်အဝါတစ်ခုကို ဖြာထွက်နေစေတယ်

ဒီဆေးပင်က ဝိညာဉ်သားရဲတစ်ကောင်ရဲ့ အရှိန်အဝါကို လုံးဝ ဖုံးကွယ်ပေးနိုင်စွမ်းရှိသော 'အာကေးရှားနှလုံးကွဲကြေအနီရောင်ပန်း’ ပင်ဖြစ်သည်။

"ဒါကို ရှောင်ဝူဆီ ယူသွားပေးလိုက်"

လင်းမူက အမိန့်ပေးလိုက်တာ်

ထန်ဆန်းက ပန်းကို ယူဆောင်ကာ ရှောင်ဝူထံသို့ လျှောက်သွားပြီး ပန်းပင်ရဲ့ နောက်ခံပုံပြင်ကို ရှင်းပြလိုက်တယ်

တုံ့ဆိုင်းမှုတစ်စက်မျှ မရှိဘဲ ရှောင်ဝူသည် သူမရဲ့ လျှာကို ကိုက်လိုက်ပြီး ပန်းပွင့်ဖတ်များပေါ်သို့ သွေးတစ်လုတ်ကို မှုတ်ထုတ်လိုက်သည်။

ပန်းပွင့်က တုန်ခါသွားခဲ့ပြီး နက်မှောင်သော ကျောက်တုံးမှ ကွာကျကာ သူမရဲ့ လက်ထဲသို့ ပြီးပြည့်စုံစွာ ကျရောက်သွားခဲ့သည်။

ထန်ဆန်းက သူမကို စိုက်ကြည့်လိုက်သည်။

အာကေးရှာနှလုံးကွဲ‌ကြေအနီရောင်ပန်း သည် မပြတ်မသားမရှိဘဲ အကြွင်းမဲ့ စစ်မှန်သော မေတ္တာတရားရှိသူကိုသာ အသိအမှတ်ပြု လက်ခံခြင်း ဖြစ်သည်။

အကယ်၍ ဒီပန်းက သူမကို လက်ခံခဲ့ပါက၊ သူမရဲ့ နှလုံးသားသည်လည်း အခြားလူသားများကဲ့သို့ စစ်မှန်နေပေလိမ့်မည်။

ထို့ထက် ပိုမိုအရေးကြီးသည်မှာ သူမသည် သူရဲ့ ရှောင်ဝူ ဖြစ်နေခြင်းပင် ဖြစ်သည်။

လင်းမူက လျှောက်လှမ်းလာပြီး ထန်ဆန်းရဲ့ ပုခုံးကို ပုတ်ပေးလိုက်တယ်

"ဒီလောက်ဆိုရင် မလုံလောက်သေးဘူးလား"

ထန်ဆန်းသည် နောက်ဆုံးတွင် သဘောပေါက်သွားခဲ့ပြီ ဖြစ်သည်။ သူက ရှောင်ဝူကို မိမိရဲ့ ရင်ခွင်ထဲသို့ ပြင်းထန်စွာ ဆွဲဖက်လိုက်သည်။

"ရှောင်ဝူ"

ထိုရင်းနှီးလှသော နွေးထွေးမှုကို ခံစားလိုက်ရချိန်တွင် ရှောင်ဝူရဲ့ ကြောက်ရွံ့မှုနှင့် စိတ်နာကျင်မှုများ အားလုံး ကွယ်ပျောက်သွားခဲ့ရသည်။

သူမက သူရဲ့ ရင်ခွင်ထဲတွင် ရှိုက်ကြီးတငင် ငိုကြွေးရင်း သူ့ကို တင်းကျပ်စွာ ဖက်တွယ်ထားလိုက်တော့တယ်

"အစ်ကို”