အခန်း ၄၆ — လူတိုင်းကို တုန်လှုပ်သွားစေသော ရလဒ်

"ဝုန်း"

နားကွဲလုမတတ် ဟိန်းဟောက်သံနှင့်အတူ မြစိမ်းရောင်‌မြွေဧကရာဇ် ရဲ့ စစ်မှန်သောပုံစံ က မီးချီလင် ရဲ့ ပြင်းထန်သော တိုက်ခိုက်မှုအောက်တွင် သူ့ရဲ့ နောက်ဆုံးအတိုင်းအတာသို့ ရောက်ရှိသွားပြီး အလင်းစအနငယ်များအဖြစ် ကြေမွပျက်စီးသွားခဲ့တယ်

ဒူဂူဘိုက ပြင်းထန်သော တန်ပြန်သက်ရောက်မှုကို ခံစားလိုက်ရပြီး မီတာအနည်းငယ်အကွာအဝေးအထိ လွင့်ထွက်သွားပြီး လေ့ကျင့်ရေးကွင်းရဲ့ ခိုင်ခံ့သော မြေပြင်ပေါ်သို့ ပြင်းထန်စွာ ကျရောက်သွားကာ ဖုန်မှုန့်တိမ်တိုက်ကြီးတစ်ခု ထသွားစေတယ်

ဒုဂူဘိုမှာ ပျစ်ခဲပြီး မည်းနက်သော သွေးတစ်လုတ်ကို အန်ထုတ်လိုက်ရတယ် သူရဲ့ မျက်နှာသည် လူသေကဲ့သို့ ဖြူလျော်နေပြီး အသက်ရှူသံမှာလည်း ပြတ်တောင်းပြတ်တောင်းနှင့် အားနည်းသွားခဲ့တယ် တစ်ခဏချင်းအတွင်းမှာပင် ကြောက်မက်ဖွယ်ကောင်းသော အဆိပ်တုန့်လော့ သည် သူရဲ့ ဘွဲ့အမည်ရတုန့်လော့ ဂုဏ်ပုဒ်ဟူသော သိက္ခာအရှိန်အဝါ အားလုံးကို ဆုံးရှုံးသွားခဲ့ရတယ်

"အဆိပ်တုန့်လော့က... တကယ်ပဲ ရှုံးသွားတာလား"

ယုထျန်းဟန် နှင့် အခြားသူများသည် မယုံကြည်နိုင်လောက်အောင် မျက်လုံးအဝိုင်းသားဖြင့် ကြည့်နေကြတယ်

အခြေအနေ ပြောင်းလဲသွားသည်ကို သူတို့ ရိပ်မိထားသော်လည်း အသက် ၂၀ ကျော်အစောပိုင်းအရွယ် လူငယ်တစ်ဦးရဲ့ လက်ချက်ဖြင့် ဘွဲ့အမည်ရတုန့်လော့ တစ်ယောက် အမှန်တကယ် ကျရှုံးသွားသည်ကို မြင်တွေ့ရခြင်းက သူတို့ရဲ့ ဝိညာဉ်ကို တုန်လှုပ်သွားစေသည့် ထိတ်လန့်မှုမျိုး ဖြစ်သည်။

ဒါက သူတို့သိထားသော ဝိညာဉ်သခင်ကမ္ဘာ ရဲ့ နိယာမအားလုံးကို ဆန့်ကျင်နေတယ်လေ

"အဘိုး" ဒူဂူယန်က အော်ဟစ်လိုက်ပြီးတွင်းကြီးဆီသို့ ပြေးသွားရန် ကြိုးစားရင်း သူမရဲ့ မျက်နှာပေါ်တွင် မျက်ရည်များ စီးကျလာခဲ့တယ်

"စိတ်အေးအေးထားပါ" ယုထျန်းဟန်က သူမကို ပြန်ဆွဲထားရန် သူရဲ့ ခွန်အားအားလုံးကို သုံး၍ ဖမ်းဆွဲလိုက်တယ် လင်းမူ ရဲ့ ရက်စက်ပြီး ပြတ်သားလှသော စွမ်းဆောင်ရည်ကို ထောက်ချင့်၍ ယခုအချိန်တွင် သူမ ဝင်ရောက်စွက်ဖက်ပါက အသက်အန္တရာယ် ကြုံရနိုင်သည်ကို သူ သိတယ်

ယုဖုန်း ၊ အော်စလို နှင့် အခြားသူများမှာ ဆွံ့အသွားကြတယ်

အကယ်၍ လင်းမူက အသက် ၅၀ အရွယ် လူတစ်ယောက်ဖြစ်ပါက ဒါက အဓိပ္ပာယ်ရှိနိုင်သေးတယ်

ဒါပေမဲ့ သူက သူတို့ထက် မပြောပလောက်အောင်သာ အသက်ကြီးသော်လည်း လက်ရှိတွင် လျှံပတ် အဆင့် ၉၀ ကျော် စွမ်းအားရှင်တစ်ဦးကို ဖိနှိပ်ထားနိုင်ခဲ့တယ်။

ဒါက သူတို့ရဲ့ နားလည်နိုင်စွမ်းထက် လုံးဝ ကျော်လွန်နေခဲ့ပြီ ဖြစ်သည်

လင်းမူက သူရဲ့ ဝိညာဉ်စစ်မှန်သောပုံစံ ကို ပိတ်လိုက်သော်လည်း သူရဲ့ တဖျတ်ဖျတ်တောက်လောင်နေသော မီးလျှံသံချပ်ကာ မှာမူ ဆက်လက် အသက်ဝင်နေဆဲ ဖြစ်သည်။

သူက ပုံမှန်ခြေလှမ်းများဖြင့် တွင်းကြီးဆီသို့ ချဉ်းကပ်သွားခဲ့တယ်။ ဒူဂူဘိုသည် ထိုနေရာတွင် ဒဏ်ရာအပြင်းအထန်ရပြီး အားအင်ကုန်ခမ်းလုနီးပါး လဲလျောင်းနေသော်လည်း လင်းမူက သတိမလွတ်ဘဲ ရှိနေဆဲဖြစ်သည်။ အကြောင်းမှာ ဘွဲ့အမည်ရတုန့်လော့ တစ်ယောက်တွင် အမြဲတမ်း နောက်ဆုံး မျှော်လင့်ချက်မဲ့ တိုက်ကွက် ရှိနေနိုင်သောကြောင့် ဖြစ်သည်။

"အဟွတ်... အဟွတ်... မင်း သဘောရှိသလိုသာ လုပ်ပါတော့" ဒူဂူဘိုက နှုတ်ခမ်းများတွင် သွေးစများ ပေကျံလျက် အသံဗလံဖြင့် ပြောလိုက်တယ်

"ငါ မင်းကို တောင်းပန်တာ တစ်ခုကတော့... ယန်ယန့်ကို ချန်ထားပေးပါ"

"အကယ်၍ ငါတို့နေရာချင်း ပြောင်းပြန်ဖြစ်နေရင် မင်းကော သူမကို ချန်ထားမှာမို့လို့လား" လင်းမူက အေးစက်စွာ မေးလိုက်တယ်

ဒူဂူဘိုရဲ့ မျက်နှာအမူအရာသည် ခါးသက်သွားခဲ့တယ် ဝိဉာဉ်ကုန်းမြေပေါ်တွင် ဆယ်စုနှစ်ပေါင်းများစွာ လှည့်လည်သွားလာခဲ့ပြီးဖြစ်၍ ကမ္ဘာကြီးရဲ့ အဓိက စည်းမျဉ်းကို သူ သိထားသည်— နောင်ရေးအတွက် ပြဿနာမရှိစေရန် အမြဲတမ်း အမြစ်ပြတ် သုတ်သင်ရမည်ဟူ၍ ဖြစ်သည်။

မျှော်လင့်ချက်ကင်းမဲ့မှုက လွှမ်းမိုးလာစဉ်မှာပင် လင်းမူရဲ့ အသံက တစ်ဖန် ပြန်လည်ထွက်ပေါ်လာခဲ့တယ်

"ငါ မင်းကို ရွေးချယ်စရာတစ်ခု ပေးမယ် ငါ့ထံမှာ အညံခံမလား၊ ဒါမှမဟုတ် ဒီနေရာမှာပဲ သေမလား"

လင်းမူက ဒါကို တွက်ချက်ထားပြီးသားဖြစ်သည်။ ဒူဂူဘိုက ဘွဲ့အမည်ရတုန့်လော့များထဲတွင် တစ်ဦးချင်း တိုက်ခိုက်မှု၌ အားအနည်းဆုံးဟု ယူဆရသော်လည်း သူရဲ့ သက်ရောက်စေသော အဆိပ်စွမ်းရည်က အကြီးစား စစ်ပွဲများအတွက် အန္တရာယ်အရှိဆုံး လက်နက်တစ်ခု ဖြစ်စေသည်။ ဝိဉာဉ်ကုန်းမြေတိုက်ကြီးပေါ်တွင် စစ်ပွဲကြီးတစ်ခု နီးကပ်လာနေချိန်တွင် ထိုကဲ့သို့သော ကိရိယာမျိုးကို ဖြုန်းတီးပစ်ရန် အလွန် နှမြောစရာကောင်းလွန်းတယ်

ဒါ့အပြင်ပြင် ဒူဂူဘိုသည် ထန်ဆန်း ကို အမှန်တကယ် သတ်ရန် ရည်ရွယ်ချက် မရှိခဲ့ပေ။ သူသည် နှစ်တစ်သိန်း ဝိညာဉ်အရိုး အပေါ် လောဘဇောတက်သွားခြင်းသာ ဖြစ်ပြီး ထိုကဲ့သို့သော ဆွဲဆောင်မှုကို ခုခံနိုင်သူ အနည်းငယ်သာ ရှိလိမ့်မည်။

"ငါ... ငါ အညံခံဖို့ အသင့်ပါပဲ" ဒူဂူဘိုက အသက်ပြင်းပြင်းရှူရင်း ပြောလိုက်တယ် သူရဲ့ မြေးမလေးရဲ့ အနာဂတ်အတွက် သူသည် မိမိရဲ့ မာနတရား အားလုံးကို လုံးဝ စွန့်ပယ်လိုက်ပြီ ဖြစ်သည်။

လင်းမူက ခေါင်းညိတ်လိုက်ပြီး သူရဲ့ အမိန့်ပေးစေခိုင်းမှုကို နာခံမည့် ဘွဲ့အမည်ရတုန့်လော့ တစ်ယောက်ရှိခြင်းက အနည်းဆုံး နှစ်တစ်သိန်းသက်တမ်းဖြစ်ရန် ရည်ရွယ်ထားသော သူရဲ့ အဋ္ဌမမြောက် ဝိညာဉ်ကွင်း ကို ရှာဖွေရာတွင် ပိုမို လွယ်ကူချောမွေ့စေမည်ဖြစ်တယ်

ဒါပေမဲ့ အဆိပ်အဘိုးကြီးရဲ့ ထူးဆန်းပြီး ကောက်ကျစ်တတ်သော သဘာဝကို သိထားသဖြင့် လင်းမူသည် ကြိုတင်ကာကွယ်မှုများ ပြုလုပ်ခဲ့တယ်

သူရဲ့ လက်ညှိုးနှင့် လက်ခလယ်ကို ပူးလိုက်ပြီး ဒူဂူဘိုရဲ့ နှလုံးသားတည့်တည့်ပေါ်သို့ ရိုက်နှက်လိုက်သည်။ အလွန် သိပ်သည်းကျစ်လျစ်သော ချီလင်မီးလျှံ တစ်မျှင်သည် သူရဲ့ လက်ထိပ်များမှတစ်ဆင့် တိုးဝင်သွားပြီး ဒူဂူဘိုရဲ့ ရင်ဘတ်အတွင်းပိုင်း အနက်ရှိုင်းဆုံးနေရာတွင် စွဲမြဲသွားခဲ့တယ်

"ဒီမီးမျိုးစေ့က အခု မင်းရဲ့ နှလုံးသားထဲမှာ အမြစ်တွယ်သွားပြီ"

"ငါ့ရဲ့ စိတ်ကူးတစ်ချက်တည်းနဲ့ ဒါကို ပေါက်ကွဲစေနိုင်တယ်။ ဖြစ်လာမယ့် အကျိုးဆက်ကို ငါ ရှင်းပြနေဖို့ မလိုဘူးလို့ ထင်တယ်"

ဒူဂူဘိုရဲ့ မျက်သူငယ်အိမ်များ ကျုံ့သွားခဲ့တယ် သူလည်း သူရဲ့ နှလုံးအနီးတွင် ပြင်းထန်ပြီး စုစည်းနေသော အပူရှိန်ကို ခံစားလိုက်ရပြီး၊ ဒီးမီးစက သူသာ သစ္စာဖောက်ရန် စိတ်ကူးမိပါက ချက်ချင်း ပြာကျသွားစေမည့် တိတ်ဆိတ်သော ကတိကဝတ်တစ်ခုပင် ဖြစ်သည်။

"ဒီ... အစေခံအိုကြီး နားလည်ပါပြီ" ဒူဂူဘိုက သူရဲ့ ခေါ်ဝေါ်ပုံကို ချက်ချင်းပြောင်းလဲလျက် တိုးတိုးလေး ပြောလိုက်တယ် "ကျွန်တော်မျိုး သခင်ကြီးကို သစ္စာဖောက်ဖို့ ဘယ်တော့မှ မဝံ့ရဲပါဘူး"

လင်းမူက သူ့ထံသို့ ဆေးလုံးတစ်လုံး ပစ်ပေးလိုက်ရာ ဒူဂူဘိုသည် တုံ့ဆိုင်းမှုမရှိဘဲ ၎င်းကို မြိုချလိုက်တယ် သူရဲ့ အသက်သည် လက်ရှိတွင် အရှုံးပေးထားပြီးသား ဖြစ်သဖြင့် ယခုအချိန်တွင် အဆိပ်ကို ကြောက်လန့်နေစရာ အကြောင်းမရှိတော့ပေ အစာအိမ်ထဲတွင် ဆေးလုံး အရည်ပျော်သွားသည်နှင့်အမျှ သန့်စင်ပြီး ပြင်းထန်သော ဆေးစွမ်းအာနိသင်သည် သူရဲ့ ပျက်စီးနေသော သွေးကြောမျှင်များတစ်လျှောက် စီးဆင်းသွားပြီး သူရဲ့ အတွင်းကလီစာများကို တည်ငြိမ်သွားစေခဲ့တယ်

ဒူဂူဘိုက ပြင်းထန်သော နောင်တကို ခံစားလိုက်ရတယ်

တကယ်လို့ သူသာ ဒီလောက်လောဘမကြီးခဲ့ပါက၊ သူက ကျွန်တစ်ယောက် ဖြစ်လာမည့်အစား မိမိမိသားစုရဲ့ အဆိပ်တန်ပြန်သက်ရောက်မှုပြဿနာကို ဖြေရှင်းရန် ဒီလူကို မဟာမိတ်တစ်ဦးအဖြစ် ချဉ်းကပ်ခဲ့မိပေလိမ့်မည်။

မကြာမီမှာပင် ချင်မင်းရောက်ရှိလာပြီး ပညာရေးဘုတ်အဖွဲ့ဝင် လူကြီးသုံးဦးကို လေ့ကျင့်ရေးကွင်းဆီသို့ ခေါ်ဆောင်လာခဲ့တယ် သူတို့ ရောက်ရှိလာသောအခါ လေးဦးစလုံး တုံ့ခနဲ ရပ်တန့်သွားကြသည်။

လေ့ကျင့်ရေးကွင်းသည် ပျက်စီးယိုယွင်းနေသော မြေရိုင်းပြင်ကြီးတစ်ခု ဖြစ်နေခဲ့ပြီ။ မြေပြင်သည် မည်းမှောင်တူးခြစ်ကာ အက်ကွဲနေပြီး ပြင်းထန်သော အပူလှိုင်းများ ဆက်လက် ဖြာထွက်နေဆဲ ဖြစ်ပြီး သူတို့ရဲ့ အကြည့်များက မှင်သက်နေသော ကျောင်းသားများကို ကျော်ဖြတ်ကာ ဗဟိုရှိ လူနှစ်ဦးထံသို့ ကျရောက်သွားသည်။

သူတို့သည် အဝေးမှပင် ဘွဲ့အမည်ရတုန့်လော့ တစ်ဦးရဲ့ ကြောက်မက်ဖွယ် ဖိအားကို ခံစားခဲ့ရပြီး အဆင့် ၇၀ ကျော် ဝိညာဉ်သူတော်စင် တစ်ဦးသည် ဒူဂူဘိုကို ယှဉ်ပြိုင်၍ အသက်ရှင်နိုင်မည်မဟုတ်ဟု ယူဆကာ လင်းမူကို ကယ်တင်ရန် ဤနေရာသို့ အပြေးအလွှား ရောက်လာခဲ့ကြခြင်း ဖြစ်သည်။

သို့သော် လက်တွေ့မြေပြင်ကမူ သူတို့ရဲ့ မျှော်လင့်ချက်ကို လုံးဝ ပြောင်းပြန်လှန်ပစ်လိုက်သည်။

လင်းမူက သူရဲ့ မီးလျှံသံချပ်ကာကို ဝတ်ဆင်လျက် ခန့်ညားထည်ဝါပြီး ကြောက်မက်ဖွယ်ကောင်းစွာ မတ်မတ်ရပ်နေခဲ့တယ်

အဆင့် ၉၀ ကျော် ဘွဲ့အမည်ရတုန့်လော့ ဖြစ်သော ဒူဂူဘိုမှာမူ စုတ်ပြတ်သတ်ကာ သွေးချင်းချင်းနီလျက် ဒူးထောက်နေရတယ်

"ဒါ... ဒါက ဘယ်လိုလုပ် ဖြစ်နိုင်မှာလဲ" မုန့်ရှန်းကျီ ရဲ့ အသံသည် တုန်ရင်နေခဲ့ပြီး

လင်းမူ နိုင်သွားခဲ့ပြီ ဝိညာဉ်သူတော်စင် တစ်ဦးက ဘွဲ့အမည်ရတုန့်လော့ တစ်ဦးကို အနိုင်ယူခဲ့ခြင်းဖြစ်ပြီး၊ ၎င်းသည် ဝိဉာဉ်ကုန်းမြေတိုက်ကြီးရဲ့ သမိုင်းတွင် တစ်ခါမျှ မှတ်တမ်းမတင်ဖူးသေးသော စွမ်းဆောင်ချက်မျိုးပင် ဖြစ်သည်။

လင်းမူက ဝိညာဉ်တုန့်လော့ တစ်ဦးနှင့် ယှဉ်နိုင်လောက်အောင် သန်မာသည်ဟု သူတို့ သိထားသော်လည်း ယခုအချိန်တွင်မူ သူတို့က သူ့ကို အလွန်အမင်း လျှော့တွက်မိခဲ့ကြောင်း နားလည်သွားကြတယ်။

မုန့်ရှန်ကျီသည် အသက်ကို ပြင်းပြင်းရှူလိုက်ပြီး အလေးအမြတ်ထားသော လေးစားမှုအသစ်ဖြင့် ပြောဆိုရန် မိမိကိုယ်ကိုယ် အားတင်းလိုက်တယ်။

"ဆရာလင်းမူ... ဒီမှာ ဘာတွေဖြစ်ခဲ့တာလဲ ခင်ဗျာ"

လင်းမူက ဂရုမစိုက်ဟန်ဖြင့် လက်ဝှေ့ယမ်းလိုက်တယ်

"နားလည်မှုလွဲတာ အသေးအမွှားလေးပါ အခု ဖြေရှင်းပြီးသွားပါပြီ"

ဘုတ်အဖွဲ့ဝင်သုံးဦးဖြစ်သော မုန့်ရှန်ကျီ၊ ပိုင်ပေါင်ရှန်း နှင့် ကျိလင်း တို့သည် အံ့ဩထိတ်လန့်မှုများဖြင့် အချင်းချင်း ကြည့်လိုက်ကြတယ် သူတို့ရဲ့ အကယ်ဒမီတွင် ယခုအခါ အဆိပ်တုန့်လော့ကိုပင် ဖိနှိပ်နိုင်သည့် လူတစ်ယောက် ရှိနေပြီဖြစ်ကြောင်း သူတို့ သဘောပေါက်သွားကြတယ်

ယနေ့မှစ၍ သူတို့ လင်းမူအတွက် စီစဉ်ထားသော အမြင့်ဆုံးအဆင့် ဂရုစိုက်မှုများကို နှစ်ဆ တိုးမြှင့်ရတော့မည် ဖြစ်သည်။