အခန်း ၄၂ ဆေးဖော်စပ်ခြင်းအတတ်ပညာကြောင့် ဒူဂူဘိုအံ့အားသင့်သွားရခြင်း

ရွှယ်ချင်းဟယ်ကို နှုတ်ဆက်ပြီးနောက် လင်းမူက သူရဲ့နေအိမ်သို့ ပြန်လာကာ ချက်ချင်းပင် ဆေးလုံးများ စတင်ဖော်စပ်တော့သည်။ သူရဲ့ချီလင်မီးတောက် အကူအညီကြောင့် ဆေးဖော်စပ်ခြင်းလုပ်ငန်းစဉ်မှာ ယခင်ကထက် နှစ်ဆ ပိုမိုထိရောက်မြန်ဆန်လာခဲ့တယ်

တစ်ညလုံး ပြင်းပြင်းထန်ထန် ဖော်စပ်ပြီးနောက် လင်းမူလည်း အနည်းငယ် နွမ်းနယ်နေသော ရုပ်ရည်ဖြင့် အခန်းထဲမှ ထွက်လာသော်လည်း အောင်မြင်မှုရရှိခဲ့ရာ ရရှိလာသော ဆေးဝါးရလဒ်များကို ပညာရေးကော်မတီထံသို့ တိုက်ရိုက်ယူဆောင်သွားခဲ့တယ်

"ဆရာလင်းမူ၊ ဒီဆေးလုံးတွေမှာ ဘေးထွက်ဆိုးကျိုးတွေ ရှိပါသလား။"

မုန်ရှန်းကျီ သည် လင်းမူ ကမ်းပေးသော ဆေးလုံးကို သေချာစစ်ဆေးကြည့်လိုက်မိတယ် ဆေးများမှာ မြရောင်သန်းပြီး ကြည်လင်တောက်ပနေကာ သင်းပျံ့ပြီး လန်းဆန်းစေသော ရနံ့တစ်ခု ထွက်ပေါ်နေတယ်။ ကျန်ရှိသည့် ပညာရေးကော်မတီဝင် နှစ်ဦးကလည်း အနီးကပ် စောင့်ကြည့်နေကြတယ်။

ဝိဉာဉ်တုန့်လော့ အဆင့် အစွမ်းထက်ပုဂ္ဂိုလ်များပီပီ ထိုဆေးလုံးငယ်လေးအတွင်း၌ သိပ်သည်းကျစ်လျစ်လှသော စွမ်းအင်များ ပါရှိနေသည်ကို သူတို့ ခံစားမိကြတယ်‌လေ

"စိတ်ချပါ" ဟု လင်းမူက တည်ငြိမ်စွာ ပြန်ဖြေလိုက်တယ်"ဒါတွေကို ကျွန်တော်ကိုယ်တိုင် အကောင်ဆုံးဆေးဖက်ဝင်အပင်တွေကနေ ထုတ်ယူထားတာပါ။ ဒီဆေးလုံးတွေက ကျင့်ကြံခြင်းအရှိန်ကို မြှင့်တင်ဖို့သက်သက်ပဲ ဖြစ်ပြီး ခန္ဓာကိုယ်အပေါ်မှာ ဘယ်လိုမလိုလားအပ်တဲ့ ဝန်ထုပ်ဝန်ပိုးမျိုးမှ ဖြစ်စေမှာမဟုတ်ပါဘူး။"

ချီလင်မီးတောက်တွင် အညစ်အကြေးများကို သန့်စင်ပေးနိုင်ပြီး ဆေးဖက်ဝင်ဂုဏ်သတ္တိများကို ပြီးပြည့်စုံလုနီးပါး ပေါင်းစပ်ပေးနိုင်သည့် အံ့ဖွယ်စွမ်းရည်ရှိရုံမျှမက အပင်များရဲ့ အခြေခံအရည်အသွေးကိုပါ မြှင့်တင်ပေးနိုင်သည်။ လင်းမူရဲ့ ကတိကြောင့် မုန်ရှန်းကျီလည်း စိတ်သက်သာရာရသွားခဲ့သည်။

"ဘေးထွက်ဆိုးကျိုးမရှိဘူးဆိုရင်တော့ ဒီဆေးလုံးတွေကို တော်ဝင်တိုက်ခိုက်ရေးအဖွဲ့ဝင်တွေဆီ ဖြန့်ဝေပေးလိုက်ပါ ဆရာလင်းမူ။ ကုန်ကျစရိတ်တွေအတွက်တော့ အကယ်ဒမီက အပြည့်အဝ ပြန်လည်ပေးလျော်ပါ့မယ်။"

"ဒါဆိုရင် ကျွန်တော် သွားခွင့်ပြုပါဦး" ဟု ဆိုကာ လင်းမူသည် တံခါးဘက်သို့ လှည့်ထွက်သွားခဲ့တယ်

သူထွက်သွားပြီးနောက် မုန်းရှန်ကျီက ဆေးလုံးများကို ဂရုတစိုက် သိမ်းဆည်းလိုက်သည်။ သူရဲ့စိတ်ထဲတွင် လင်းမူရဲ့ လျင်မြန်သော ကျင့်ကြံခြင်းအဆင့်မှာ ဒီလို ထူးခြားသည့် ဆေးဝါးများကြောင့်ဟု ထင်မှတ်နေမိတယ် လက်တွေ့တွင်မူ လင်းမူမှာ ယခင်က ဒဏ်ရာပျောက်ဆေးနှင့် အဆိပ်ဖြေဆေးများကိုသာ ကျွမ်းကျင်စွာ ဖော်စပ်နိုင်ခဲ့ခြင်းဖြစ်ပြီးမကြာသေးမီက ချီလင်မီးတောက်ကို ပိုင်ပိုင်နိုင်နိုင် ထိန်းချုပ်နိုင်ခဲ့ပြီးနောက်မှသာ သူက ကျင့်ကြံခြင်းအဆင့်မြှင့် ဆေးလုံးဖော်စပ်မှုကို စမ်းသပ်ရန် ယုံကြည်မှုရှိလာခဲ့ခြင်း ဖြစ်တယ်

လေ့ကျင့်ရေးကွင်းပြင်တွင်

လင်းမူက ချင်မင်ကို ရှာဖွေပြီး အဖွဲ့သားများကို လေ့ကျင့်ရေးကွင်းသို့ စုစည်းရန် ညွှန်ကြားလိုက်တယ် မကြာမီတွင် ထန်ဆန်း၊ ယုထျန်းဟန် နှင့် အခြားသူများ ရောက်ရှိလာကြပြီး သူတို့ရဲ့ မျက်နှာများတွင် ဇဝေဇဝါဖြစ်နေကြတယ်

တစ်လတာ ပြင်းထန်သော တိုက်ပွဲများ သည် သူတို့ရဲ့ အစပိုင်းက ရှိခဲ့သော မကျေနပ်ချက်များကို ပျောက်ကွယ်သွားစေခဲ့တယ်။ လေ့ကျင့်မှုမှာ ရက်စက်ပြီး ဒဏ်ရာရရှိမှုများမှာ သာမန်ကိစ္စဖြစ်သော်လည်း ယဲ့လင်းလင်း ရဲ့ အထူးကုသမှုကြောင့် သူတို့လျင်မြန်စွာ ပြန်လည်သက်သာလာကြတယ်

ငြင်းပယ်၍မရနိုင်ပရလဒ်များမှာါ သူတို့ရဲ့ စိတ်ဝိညာဉ်စွမ်းအား မှာ ယခင်ကထက် ပိုမိုမြန်ဆန်စွာ တိုးတက်လာရုံသာမက လက်တွေ့တိုက်ပွဲစွမ်းရည်မှာလည်း သိသိသာသာ တိုးတက်လာခဲ့သည်။

ရလဒ်များမှာငြင်းပယ်လို့မရ‌နိုင်တော့ပေ။

လင်းမူက သူရဲ့ သိုလှောင်လက်ကောက် ထဲမှ ကျောက်စိမ်းပုလင်း အနည်းငယ်ကို ထုတ်ယူလိုက်ပြီး

"မင်းတို့ရဲ့ တိုးတက်မှုအတွက် ဒီဆေးလုံးတွေကို ငါအထူးဖော်စပ်ထားတယ်" ဟု သူက ကြေညာလိုက်တာ်

"ကျောက်စိမ်းဖြူပုလင်းတွေထဲမှာ 'စိတ်ဝိညာဉ်စွမ်းအား ဆေးလုံး' တွေ ပါဝင်ပြီး နေ့စဉ်သောက်သုံးရင် ကျင့်ကြံခြင်းအရှိန်ကို မြှင့်တင်ပေးလိမ့်မယ် အာနိသင်က နူးညံ့ပြီး တည်ငြိမ်တယ် ကျောက်စိမ်းပြာပုလင်းတွေထဲမှာတော့ 'ခန္ဓာကိုယ်သန်မာစေတဲ့ ဆေးလုံး' တွေ ပါဝင်ပြီး မင်းတို့ရဲ့ အခြေခံအရည်အသွေးတွေကို မြှင့်တင်ဖို့အတွက် ကိုယ်လက်လှုပ်ရှားလေ့ကျင့်ခန်း လုပ်နေစဉ်အတွင်း သောက်သုံးရမယ်။"

သူက ခဏရပ်ပြီး သတိပေးချက်တစ်ခု ထည့်ပြောလိုက်သည် "ဒါတွေက အထောက်အကူပြုပစ္စည်းတွေသက်သက်ပဲ အာနိသင်က မင်းတို့ရဲ့ ကြိုးစားမှုအပေါ်မှာ လုံးဝမူတည်ပြီး မင်းတို့ ပိုပြီး ပြင်းပြင်းထန်ထန် လေ့ကျင့်လေလေ ခန္ဓာကိုယ်က ဆေးစွမ်းအင်ကို ပိုပြီး ကောင်းကောင်း စုပ်ယူနိုင်လေလေပဲ။"

လင်းမူသည် ရှီ ညီအစ်ကိုများရဲ့ သိုင်းဝိဉာဉ်ပေါင်းစပ်မှုကို ကူညီရန်အတွက် 'လိပ်နက်အနှစ်သာရ' ကို မြှင့်တင်ပေးမည့် အထူးဆေးလုံးတစ်လုံး ဖော်စပ်ပေးရန် မျှော်လင့်ခဲ့သော်လည်း လိုအပ်သော ရှားပါးကုန်ကြမ်းများမှာ လောလောဆယ်တွင် မရရှိနိုင်သေးချေ။

"ဆေးလုံးတွေလား" ယုထျန်းဟန်နှင့် အခြားသူများမှာ အံ့အားသင့်သွားကြရတယ် လင်းမူသည် တိုက်ခိုက်ရေးအင်အားကောင်းသူ ဖြစ်ကြောင်း သူတို့သိထားသော်လည်း ဆေးဖော်စပ်ခြင်းအတတ်ပညာတွင်လည်း ဆရာတစ်ဦးဖြစ်လိမ့်မည်ဟု မမျှော်လင့်ထားခဲ့ကြချေ။

ဝိညာဉ်မာစတာ အများစုသည် သူတို့ရဲ့တစ်သက်တာလုံးတွင် ကျင့်ကြံခြင်းကို တိုက်ရိုက်အထောက်အကူပြုနိုင်သည့် ဆေးလုံးမျိုးကို တစ်ခါမျှ မမြင်ဖူးကြချေ။

လင်းမူ ဆေးလုံးများကို စတင်ဖြန့်ဝေခဲ့ပြီး ယုထျန်းဟန်နှင့် အခြားသူများကို တစ်မျိုးလျှင် တစ်ပုလင်းစီ ပေးခဲ့သော်လည်း ထန်ဆန်းထံသို့ ရောက်သောအခါ တစ်မျိုးလျှင် နှစ်ပုလင်းစီ ကမ်းပေးခဲ့တယ် သူက အများပိုင်တာဝန်နှင့် ပုဂ္ဂိုလ်ရေးသစ္စာစောင့်သိမှုကို သီးခြားစီ ခွဲခြားထားသည်။ ကုန်ကြမ်းများအတွက် အကယ်ဒမီက ငွေပေးချေထားသော်လည်း ဆေးဖော်စပ်ခြင်းမှာ သူကိုယ်တိုင်ရဲ့ ကြိုးပမ်းမှုဖြစ်ပြီး ထန်ဆန်းမှာ သူရဲ့တိုက်ရိုက်တပည့်ဖြစ်သည့်အတွက် ပိုမိုဦးစားပေးခံရခြင်းမှာ သဘာဝကျပေသည်။

"ကျေးဇူးတင်ပါတယ် ဆရာ။" ထန်ဆန်းက ရိုသေစွာ ပြောလိုက်တယ်

အခြားသူများသည် ထန်ဆန်း နှစ်ဆရရှိသွားသည်ကို မြင်သောအခါ အနည်းငယ် မနာလိုဖြစ်သွားကြသော်လည်း မည်သူမျှ မကျေမနပ် မပြောရဲကြချေ။

ဒီလိုရှားပါးရတနာများကို ရရှိခြင်းမှာပင် မျှော်လင့်မထားသော လာဘ်လာဘတစ်ခုဖြစ်ပြီး ဘယ်သူမှ လင်းမူကဲ့သို့ အစွမ်းထက်သော ဆရာတစ်ဦးကို အပြစ်မလုပ်လိုကြချေ။

လေ့ကျင့်ခန်းအပြီးတွင် အဖွဲ့ကို လူစုခွဲလိုက်တယ်

ဒူဂူယန်က ဆေးလုံးများကို စတင်စုပ်ယူနိုင်ရန်အတွက် ထိုနေ့တွင် ဝိဉာဉ်တိုက်ပွဲကွင်းပြင် သို့ မသွားတော့ဘဲ အဆောင်သို့ ပြန်ရန် လမ်းလျှောက်ခဲ့တော့တယ်

ရုတ်တရက် မြစိမ်းရောင်ဝတ်စုံနှင့် လူတစ်ဦးက သရဲတစ္ဆေတစ်ကောင်ကဲ့သို့ ပေါ်လာပြီး မျက်စိတစ်မှိတ်အတွင်း သူမရဲ့ရှေ့တွင် ကိုယ်ထင်ပြလာခဲ့တယ်

ထိုလူမှာ အရပ်ရှည်ရှည် ညှပ်ညှပ်နှင့် အစိမ်းရင့်ရောင် ဝတ်စုံကို ဝတ်ဆင်ထားပြီး ဆံပင်အရောင်မှာလည်း အစိမ်းရောင်ဖြစ်သည်၊ သူကား 'အဆိပ်တုန့်လော့' ဒူဂူဘို ပင် ဖြစ်သည်။

"အဖိုး" ဒူဂူယန်က လှမ်းအော်လိုက်ပြီး အစပိုင်း ထိတ်လန့်မှုမှာ ဝမ်းသာအားရဖြစ်မှုသို့ ပြောင်းလဲသွားကာ သူရဲ့ရင်ခွင်ထဲသို့ ပြေးဝင်သွားခဲ့တယ်

ဒူဂူဘိုရဲ့ အမြဲတမ်း အေးစက်ခက်ထန်နေသော မျက်နှာအမူအရာမှာ ချက်ချင်းပင် နူးညံ့သွားခဲ့တယ် သူက ရယ်မောရင်း သူ့မြေးမလေးကို ပွေ့ဖက်လိုက်ကာ

"ယန်ယန်၊ အဖိုးကို မင်းကို ကြည့်ခွင့်ပေးပါဦး... ဟင်း၊ မင်းရဲ့ စိတ်ဝိညာဉ်စွမ်းအားက သိသိသာသာ တိုးတက်လာတာပဲ။ တကယ့်ကို မဆိုးဘူး" ဟု ဆိုလိုက်တယ်

ပုံမှန်ဆိုလျှင် ထိုကဲ့သို့သော ချီးမွမ်းစကားသည် ဒူဂူယန်ကို ဂုဏ်ယူဝင့်ကြွားစေမည်ဖြစ်သော်လည်း လင်းမူရဲ့ လက်အောက်တွင် တစ်လတာ သင်ကြားပြီးနောက် သူမမှာ လုံးဝနှိမ့်ချတတ်သွားခဲ့တယ် သူမရဲ့ တုံ့ဆိုင်းမှုကို ခံစားမိသဖြင့် ဒူဂူဘိုရဲ့ မျက်ခုံးများ တွန့်သွားခဲ့တယ်

"ယန်ယန်၊ မင်းတို့မှာ အဖွဲ့ခေါင်းဆောင်အသစ် ရှိတယ်လို့ အဖိုးကြားတယ်။ သူ မင်းကို နှိပ်စက်နေလို့လား။"

"အဖိုး၊ သူက ဆရာချင်မင်ထက် အများကြီး ပိုစည်းကမ်းကြီးတယ်" ဟု သူမက ဝန်ခံလိုက်တယ်

"လေ့ကျင့်မှု ပမာဏက ရူးလောက်စရာပဲ... ပြီးတော့ သူ ကျွန်မကို ရိုက်တောင်ရိုက်သေးတယ်။"

"သူ မင်းကို ရိုက်တယ် ဟုတ်လား။" ဒူဂူဘိုရဲ့ အရှိန်အဝါများ ပေါက်ကွဲထွက်လာပြီး သူရဲ့မျက်လုံးများထဲတွင် အေးစက်ကာ အန္တရာယ်ရှိသော အလင်းတန်းတစ်ခု ဖြတ်ပြေးသွားခဲ့တယ်

"အကယ်ဒမီ ဆရာလေးတစ်ယောက်က ငါ့မြေးမလေးကို လက်ဖျားနဲ့တောင် တို့ရဲတယ်ပေါ့ ဒီဆရာလင်း ဆိုတဲ့လူက ဘယ်လောက်တောင် စွမ်းလဲဆိုတာ ငါ သွားကြည့်ရသေးတာပေါ့။"

"အဖိုး၊ နေပါဦး။" ဒူဂူယန်က သူရဲ့အင်္ကျီလက်ကို အလျင်အမြန် ဆွဲထားလိုက်ပြီး"ဆရာလင်းမူက ပြတ်သားပေမဲ့ သူက တကယ့်ကို ပါရမီရှင်ပါ။ ဒီလထဲမှာ ကျွန်မတို့ တိုးတက်လာတာတွေအားလုံးက သူ့ရဲ့ စီမံကိန်းကြောင့်ပဲ သူ ခုတင်တင်ပဲ ကျွန်မတို့ ကျင့်ကြံခြင်းအတွက် ဆေးလုံးတွေ ပေးလိုက်သေးတယ်"

"ဆေးလုံးတွေလား" ဒူဂူဘိုရဲ့ ဒေါသများ အနည်းငယ် ငြိမ်းအေးသွားပြီး သံသယများ ဝင်ရောက်လာခဲ့တယ် အဆိပ်ဆရာတစ်ဦးအနေဖြင့် သူသည် ဆေးဖက်ဝင် ဂုဏ်သတ္တိများနှင့် အလွန်ရင်းနှီးသူဖြစ်ပြီး

"ဘယ်လိုဆေးလုံးမျိုးလဲ။ မင်းရဲ့ အနာဂတ်စွမ်းရည်တွေကို ကုန်ခမ်းစေမယ့် အပေါစား အမှိုက်တွေများလား ငါ့ကို ပေးစမ်း”

ဒူဂူယန်က ကျောက်စိမ်းပုလင်းနှစ်လုံးကို လိမ္မာပါးနပ်စွာ ကမ်းပေးလိုက်သည်။ ဒူဂူဘိုသည် ပုလင်းဆို့ကို ဖွင့်ကာ အသာအယာ နမ်းကြည့်လိုက်ပြီး သူရဲ့မျက်နှာအမူအရာမှာ သံသယဖြစ်ရာမှ လုံးဝတည်တံ့အလေးအနက်ထားမှုသို့ ပြောင်းလဲသွားခဲ့တယ် သူက စိတ်ဝိညာဉ်စွမ်းအား ဆေးလုံးတစ်လုံးကို သူရဲ့လက်ဖဝါးပေါ်သို့ လောင်းထည့်ကာ သေသေချာချာ စစ်ဆေးကြည့်ပြီးနောက် စွမ်းအင်ကို ခံစားရန်အတွက် လက်ချောင်းများအကြားတွင် အပိုင်းအစလေးတစ်ခုကို ဖိခြေကြည့်လိုက်ပြီး

"ဒီဆေးလုံးက..." ဒူဂူဘိုရဲ့ မျက်လုံးများမှာ အံ့အားသင့်မှုကြောင့် ပြူးကျယ်သွားခဲ့တယ် "ပါဝင်ပစ္စည်းတွေက အဆင့်မြင့်တွေတောင် မဟုတ်ဘူး၊ ဒါပေမဲ့ ဖော်စပ်မှုက ပြီးပြည့်စုံလုနီးပါးပဲ။ ဆေးဖက်ဝင် ဂုဏ်သတ္တိတွေက အညစ်အကြေး လုံးဝမရှိသလောက်ကို ချောမွေ့စွာ ပေါင်းစပ်ထားတယ်"

သူရဲ့နှလုံးသားမှာလည်း ရင်ဘတ်ထဲတွင် ဒိန်းဒိန်းတုန်အောင် ခုန်လှုပ်သွားခဲ့တယ်။

ယခုကဲ့သို့ သာမန်ဆေးဖက်ဝင်အပင်များကို ဒီလိုသန့်စင်သော ဆေးလုံးတစ်လုံးအဖြစ် ပြောင်းလဲရန်အတွက် သူ တစ်ခါမျှ မမြင်ဖူးသော ဆေးဖော်စပ်မှုဆိုင်ရာ ထိန်းချုပ်နိုင်စွမ်း လိုအပ်ပေသည်။