အခန်း (၃၁) ချန်ရန်ရွှယ်ရဲ့ တွက်ချက်မှုများ

ရွှယ်ချင်းဟယ်ရဲ့ တောင်းဆိုမှုနှင့် ရင်ဆိုင်ရသောအခါ လင်းမူရဲ့မျက်လုံးထဲတွင် ထူးဆန်းသော အလင်းတန်းတစ်ခု ဖြတ်ပြေးသွားပြီး အကျိုးအပြစ်ကို စိတ်ထဲမှ တိတ်တဆိတ် သုံးသပ်လိုက်တယ်

မြင့်မြတ်သော အဖွဲ့အစည်းတစ်ခုဖြစ်သည့် တျန်းတိုတော်၀င်အကယ်ဒမီက သာမန်အရပ်သားများ လက်လှမ်းမမီနိုင်သော နေရာမျိုးဖြစ်တယ် အကြီးတန်းဆရာ ရာထူးကို ရရှိထားခြင်းက သူ့ကို မြို့တော်တွင် တရားဝင်အဆင့်အတန်းတစ်ခု ရရှိစေမည်ဖြစ်ပြီး အုပ်ချုပ်ရေးပိုင်းဆိုင်ရာ အလုပ်ရှုပ်မှု အတော်များများကို သက်သာစေလိမ့်မည်

ပြီးတော့သူ့မှာ အခြားလတ်တလော အစီအစဉ်မရှိသဖြင့် နာမည်ခံရာထူးတစ်ခုကို လက်ခံလိုက်ခြင်းက အကျိုးယုတ်စရာမရှိဟု ဆုံးဖြတ်လိုက်တယ်

ဒါပေမဲ့ဒီအရာက နိုင်ငံရေးအရ သက်ရောက်မှုများမကင်းသည်တော့ အမှန်ပင် အိမ်ရှေ့မင်းသားရဲ့ တောင်းဆိုမှုကို သဘောတူလိုက်ခြင်းဖြင့် သူက အိမ်ရှေ့မင်းသားအုပ်စုဝင်တစ်ဦးအဖြစ် တံဆိပ်ကပ်ခံရမည်မှာ မလွဲဧကန်ပင် အများပြည်သူမျက်စိတွင်မူ သူသည် တျန်းတိုအင်ပါယာ ဘက်မှ ရပ်တည်လိုက်ခြင်း ဖြစ်တာ်

သို့သော်လည်း လင်းမူက အမှန်တရားကို သိရှိထားတယ် ဒီ "ရွှယ်ချင်းဟယ်" ဆိုသူမှာ အမှန်စင်စစ် ရုပ်ဖျက်ထားသော ချန်ရန်ရွှယ် သာ ဖြစ်တယ်ဆိုတာကို ဒါ့ကြောင့် အင်ပါယာဘက်မှ ရပ်တည်နေသော်လည်း သူသည် ဝိဉာဉ်နန်းတော်ရဲ့ လျှို့ဝှက်အမွေခံနှင့်လည်း အတူတူရပ်တည်နေခြင်း ဖြစ်တယ်

ထိုအရာများကို ထိန်းချုပ်ထားသူနှင့် သူကိုယ်တိုင်ပင် သဘောတူညီမှု ရယူထားပြီးဖြစ်သဖြင့် နောက်ကွယ်မှ သူ့ကို လာရောက်နှောင့်ယှက်ဖျက်ဆီးမည့် အန္တရာယ်များကို ပူပန်နေစရာ မလိုတော့ပေ

စိတ်ဆုံးဖြတ်ပြီးနောက် လင်းမူက တရားဝင် ဂါရဝပြု နှုတ်ဆက်လိုက်တယ်

"အိမ်ရှေ့မင်းသားက ကျွန်တော့်ကို အခုလို တန်ဖိုးထားတာ ကျွန်တော့်အတွက် ကံကောင်းခြင်းပါပဲ ငြင်းပယ်ရင် ရိုင်းပျရာကျပါလိမ့်မယ် ဒါပေမဲ့ ကျွန်တော်က ဘယ်တုန်းကမှ အကန့်အသတ်တွေအောက်မှာ မနေတတ်ဘဲ အကယ်ဒမီရဲ့ တင်းကျပ်တဲ့ စည်းမျဉ်းတွေကို မကြိုက်ပါဘူး"

"ဒါက ကိစ္စအသေးအမွှားလေးပါ" ရွှယ်ချင်းဟယ်ရဲ့ မျက်နှာတွင် စစ်မှန်သော ဝမ်းမြောက်မှု အရိပ်အယောင်လေး ဖြတ်ပြေးသွားရင်း အပြုံးလေးဖြင့် ပြန်ပြောလိုက်တယ်

"အကယ်ဒမီအတွက် မင်းလို ပါရမီရှင်တစ်ယောက်ကို ရတာ ဂုဏ်ယူစရာပါ ငါ ချင်းဟယ်ကပဲ ဒီလို သာမန်ကိစ္စရပ်အားလုံးကို သေချာ ကိုင်တွယ်ပေးပါ့မယ်"

သူမအနေဖြင့် လင်းမူက ဒီလိုလွယ်လွယ်ကူကူ သဘောတူလိမ့်မည်ဟု မမျှော်လင့်ထားမိသော်လည်း သူမ ဒီလောက်နဲ့ မတင်းတိမ်နိုင်သေးချေ သူမအတွက်မူ သူမထက်ပင် သာလွန်ထူးချွန်သော အမျိုးသားတစ်ဦးကို သူမအနားတွင် မြဲမြံစွာ ချည်နှောင်ထားရမည်။

"ဒါက တျန်းတိုအတွက် တကယ့်ကို ကောင်းချီးတစ်ခုပါပဲ အမှန်အတိုင်းပြောရရင် မင်းနဲ့ စတွေ့တဲ့အချိန်ကစပြီး ထူးခြားတဲ့ ရင်းနှီးမှုကို ခံစားခဲ့ရတယ် ငါတို့က အသက်ချင်းလည်း တူတူပဲလေ၊ ဒါတွေအားလုံးကို ဘေးဖယ်ထားပြီး ညီအစ်ကိုတွေလိုပဲ မဆက်ဆံသင့်ဘူးလား"

ရွှယ်ချင်းဟယ်က လင်းမူကို စိတ်ရင်းမှန်ဖြင့် အလေးအနက်ထားသော အမူအရာဖြင့် ကြည့်ကာ ပြောလိုက်တယ်

လင်းမူ မျက်မှောင်အနည်းငယ် ကြုတ်သွားခဲ့တယ်ဒီအမျိုးသမီးက မြန်လွန်းနေတယ်

"အခုလို စေတနာထားတာ ကျေးဇူးတင်ပါတယ် အိမ်ရှေ့မင်းသား၊ ဒါပေမဲ့ ကျွန်တော်က သာမန်အရပ်သားတစ်ယောက်မျှသာ ဖြစ်ပါတယ် အိမ်ရှေ့မင်းသားကို ညီအစ်ကိုလို ခေါ်ဝေါ်ဖို့ မဝံ့ရဲပါဘူး"

လင်းမူက အနည်းငယ် ဦးညွှတ်ကာ ရိုသေမှုရှိသော အကွာအဝေးတစ်ခုကို ထိန်းသိမ်းရင်း ပြောလိုက်တယ်

ရွှယ်ချင်းဟယ်ကမူ သူမရဲ့ နူးညံ့သောအပြုံးကို မပျက်စေဘဲ တည်ငြိမ်နေဆဲဖြစ်တယ်

"ညီအစ်ကိုလင်းရဲ့ ပါရမီနဲ့ဆိုရင် ငါ့ခမည်းတော်က မင်းကို ဘွဲ့ထူးအဆင့်အတန်းတစ်ခု ပေးအပ်ဖို့ ဝမ်းသာအားရဖြစ်မှာ သေချာပါတယ် မင်း မှူးမတ်အဆင့်အတန်း ရသွားပြီဆိုရင် ဒါက ပြဿနာမဟုတ်တော့ပါဘူး"

လင်းမူရဲ့ အကြည့်များ စူးရှသွားသည် ဒီအမျိုးသမီးက ဖော်ရွေပုံရသော်လည်း အလွန်ပင် လွမ်းမိုးဩဇာပေးလိုစိတ် ပြင်းထန်ပြီး သူ့ကို သူမရဲ့ လူမှုအသိုင်းအဝိုင်းထဲသို့ အတင်းအကျပ် သွတ်သွင်းရန် အမြဲကြိုးစားနေတာပဲ

"နောက်တစ်ကြိမ် ထပ်ပြီး ကျေးဇူးတင်ပါတယ် ဒါပေမဲ့ ကျွန်တော်က အေးအေးဆေးဆေး နေချင်တဲ့ သာမန်လူတစ်ယောက်ပါ ဒီလို ရှုပ်ထွေးမှုတွေကို ရှောင်ကြဉ်ပါရ‌စေ"

လင်းမူအနေဖြင့် တျန်းတိုအင်ပါယာရဲ့ ဘွဲ့ထူးများအပေါ် စိုးစဉ်းမျှ စိတ်ဝင်စားမှုမရှိပေ နိမ့်ကျသော မှူးမတ်ဘွဲ့တစ်ခုဆိုတာ အခြားသူများက သူ့ကို စည်းမျဉ်းကျင့်ဝတ်များဖြင့် နှိပ်ကွပ်ရန် အသုံးပြုမည့် သံကြိုးမျှသာ ဖြစ်သဖြင့်

အကြိမ်ကြိမ် ငြင်းပယ်ခံရသဖြင့် ရွှယ်ချင်းဟယ်ရဲ့ မျက်ဝန်းနက်ရှိုင်းသောနေရာတွင် အေးစက်သော အလင်းတန်းတစ်ခု ဖြတ်ပြေးသွားသော်လည်း သူမရဲ့ ဟန်ဆောင်မှုကို ဆက်လက်ထိန်းသိမ်းထားခဲ့တယ်

"ရပါတယ်၊ လူတိုင်းမှာ ကိုယ်စီ ရည်မှန်းချက်တွေ ရှိကြတာပဲ မင်း အဆင်သင့်ဖြစ်တဲ့အချိန်ကျမှ ဒီဘွဲ့အကြောင်းကို ပြန်စဉ်းစားလို့ရပါတယ်"

လင်းမူကမူ ဂရုမစိုက်ဘဲ တည်ငြိမ်နေဆဲဖြစ်ပြီး မိမိရဲ့ လွတ်လပ်မှုကို ထိန်းသိမ်းထားနိုင်သရွေ့ လျှို့ဝှက်အမွေခံနှင့် ရင်းနှီးသော ဆက်ဆံရေးရှိနေခြင်းက ဘာမှမမှားပေ

"အိမ်ရှေ့မင်းသား... အချိန်လည်း နောက်ကျနေပြီမို့ ကျွန်တော် ခွင့်ပြုပါဦး"

လင်းမူက နှုတ်ဆက်ရန် ထရပ်လိုက်တယ် သူအတွက် သံတမန်ရေးရာ စစ်တုရင်ကစားပွဲထက် တရားထိုင်ခြင်းဖြင့်သာ အချိန်ကုန်ဆုံးလိုတယ်

"ညီအစ်ကိုလင်း၊ ငါ လိုက်ပို့ပေးပါရစေ"

"မလိုပါဘူး၊ လမ်းသိပါတယ်" လင်းမူက ပြတ်ပြတ်သားသားပင် ပြန်ပြောလိုက်သည်

ရွှယ်ချင်းဟယ် ကြောင်အသွားပြီး သူမရဲ့ မျက်နှာတွင် ရှားရှားပါးပါး စိတ်ပျက်ဒေါသထွက်မှု အရိပ်အယောင်တစ်ခု ဖြတ်ပြေးသွားခဲ့တယ် 'ဒီလူက ယဉ်ကျေးမှုဆိုတာကို မသိတာလား'

ထွက်ခွာသွားသော လင်းမူရဲ့ ကျောပြင်ကို ကြည့်ရင်း သူမရဲ့ အပြုံးများ နောက်ဆုံးတွင် ပျောက်ကွယ်သွားခဲ့တယ် သူမရဲ့ မျက်လုံးများထဲတွင် စုစမ်းလိုစိတ်နှင့် အေးစက်မှုတို့ ရောပြွမ်းလျက် လှုပ်ခတ်နေသည် အစပိုင်းတွင် ထန်ယွဲ့ဟွာ ရဲ့ အစီရင်ခံစာကို သူမ လုံးဝမယုံကြည်ခဲ့ပေ အသက်နှစ်ဆယ်အစောပိုင်းနှင့် ဝိညာဉ်သူတော်စင် တစ်ယောက် ဖြစ်လာသည်ဆိုခြင်းမှာ မဖြစ်နိုင်သလောက်ပင် ဒါပေမဲ့ ယခုမူ အချက်အလက်များက ငြင်းပယ်၍မရနိုင်အောင် ရှိနေချေပြီ

သူမကို အနှောင့်အယှက်ပေးနေသည့် တစ်ခုတည်းသောအရာမှာ သူက အာဏာနှင့် အဆင့်အတန်းအပေါ် စိတ်ဝင်စားမှု လုံးဝမရှိခြင်းပင်

သူက အပေါ်ယံတွင် ယဉ်ကျေးသော်လည်း အေးစက်သော လျစ်လျူရှုမှုလေထုကို ထုတ်လွှတ်နေခဲ့တယ်

ဒါပေမဲ့သူက သူမရဲ့ ဆွဲဆောင်မှုကို တွန်းလှန်လေလေ၊ သူမရဲ့ ပြိုင်ဆိုင်လိုစိတ်ကို ပို၍ လှုံ့ဆော်ပေးလေလေ ဖြစ်တယ် 'လူတိုင်းမှာ အားနည်းချက် ရှိစမြဲပဲ' ဟု သူမ တွေးလိုက်တယ် 'ဘွဲ့ထူးနဲ့ မရရင် နောက်တစ်ကြိမ်ကျ အလှအပ ဒါမှမဟုတ် ရှားပါးရတနာတွေနဲ့ စမ်းကြည့်ရမှာပေါ့'

ရွှယ်ချင်းဟယ်ရဲ့ တိုက်ရိုက် စီစဉ်ညွှန်ကြားမှုအောက်တွင် ထန်ဆန်းနှင့် ရှောင်ဝူတို့ရဲ့ ကျောင်းဝင်ခွင့်မှာ အရှိန်အဟုန်ဖြင့် ပြီးမြောက်သွားခဲ့တယ် သူတို့အနေဖြင့် စံနှုန်းမီ ဝိညာဉ်စွမ်းအား စစ်ဆေးမှုကိုသာ အောင်မြင်ရန် လိုအပ်တော့တယ်

နောက်တစ်နေ့ နံနက်အစောပိုင်းတွင် လင်းမူက သူတို့ကို အကယ်ဒမီသို့ ခေါ်ဆောင်လာခဲ့သည် ကျောင်းပေါက်ဝတွင် အိမ်ရှေ့မင်းသားရဲ့ ညွှန်ကြားချက်ကို သေချာစွာ လက်ခံရရှိထားသည့် အသက်အလယ်အလတ် အရွယ် ဆရာ ဆွန်းပုယွီ က လာရောက်ကြိုဆိုနေတယ် သူက သူတို့ကို စစ်ဆေးရေးအခန်းသို့ ခေါ်ဆောင်သွားပြီး အဆင့်မြင့် သလင်းကျောက်လုံးတစ်ခုကို ထုတ်ယူလိုက်တယ်

"ဒါက အဆင့် ၄၀ စစ်ဆေးတဲ့ သလင်းကျောက်လုံးပါ မင်းတို့ရဲ့ အဆင့်တွေကို အတည်ပြုပြီးရင် ကျောင်းဝင်ခွင့် မှတ်ပုံတင်တာကို အပြီးသတ်နိုင်ပါပြီ"

"သမီး အရင်လုပ်မယ်" ရှောင်ဝူက ရှေ့သို့ တက်လာပြီး သလင်းကျောက်လုံးပေါ်သို့ လက်တင်ကာ သူမရဲ့ ဝိညာဉ်စွမ်းအားကို ထည့်သွင်းလိုက်ရာ သလင်းကျောက်လုံးသည် တောက်ပသော အလင်းရောင်များဖြင့် ပေါက်ကွဲထွက်မတတ် လင်းထိန်သွားခဲ့တယ်

"အဆင့် ၃၁" ဆွန်းပုယွီရဲ့ မျက်လုံးများ ပြူးကျယ်သွားခဲ့တယ် အသက် တစ်ဆယ့်နှစ်နှစ်အရွယ် ဝိညာဉ်အကြီးအကဲ ဟုတ်လား တျန်းတိုတော်ဝင်အကယ်ဒမီ တစ်ခုလုံးတွင်ပင် ဤကဲ့သို့သော စွမ်းဆောင်ရည်မျိုးကို တစ်ခါမျှ မကြားဖူးခဲ့ချေ

သူက အချက်အလက်များကို အလျင်အမြန် မှတ်တမ်းတင်လိုက်သည် 'ရှောင်ဝူ၊ အသက် ၁၂ နှစ်၊ သိုင်းဝိဉာဉ် - အရိုးပျော့ယုန် အဆင့် ၃၁ တိုက်ခိုက်ရေးစနစ်'

လင်းမူက ဘေးမှ ကြည့်နေခဲ့သည် လွန်ခဲ့သည့် နှစ်အနည်းငယ်အတွင်း ရှောင်ဝူသာ လေ့ကျင့်မှုတွင် ပျင်းမနေခဲ့ပါက သူမရဲ့ အဆင့်မှာ အခုထက် များစွာ မြင့်မားနေလိမ့်မည်ကို သူ သိနေတယ် သူမရဲ့ တတိယ ဝိညာဉ်ကွင်း နှင့် ပတ်သက်၍မူ၊ မူရင်းဇာတ်ကြောင်းအတိုင်း ဆင်ခြေများကို အသုံးပြုကာ သူတို့ မထွက်ခွာမီ စတားဒေါ့ တောအုပ်ကြီး ထဲတွင် "ရှာဖွေတွေ့ရှိခဲ့သည်" ဟု ပြောထားခြင်း ဖြစ်တယ် လင်းမူကမူ ဒါကို မမေးမြန်းရန်သာ ရွေးချယ်ခဲ့တယ်

နောက်တစ်ယောက်မှာ ထန်ဆန်း

သူက ရှေ့သို့ တက်လှမ်းကာ သလင်းကျောက်လုံးပေါ်သို့ လက်တင်လိုက်တဲ့အချိန် ထိုကျောက်လုံးသည် ရှောင်ဝူရဲ့ စစ်ဆေးမှုကိုပင် လွှမ်းမိုးသွားလောက်အောင် အလွန်တောက်ပသော အလင်းရောင်ကို ထုတ်လွှတ်လိုက်တယ်

"အဆင့် ၃၄"

ဆွန်းပုယွီရဲ့ ဦးနှောက်တစ်ခုလုံး ဗလာဖြစ်သွားခဲ့တယ် အသက် တစ်ဆယ့်နှစ်နှစ်တွင် အဆင့် ၃၁ ဆိုသည်မှာ အံ့ဖွယ်တစ်ခု ဖြစ်သော်လည်း အဆင့် ၃၄ ဆိုသည်မှာ စာရင်းဇယားအရ လုံးဝ မဖြစ်နိုင်သောအရာ ဖြစ်တာ်

"နေဦး... သူ့ရဲ့ သိုင်းဝိဉာဉ်က အပြာရောင်ငွေမြက် လား" ဆွန်းပုယွီက မှတ်ပုံတင်စာရွက်ကို အကြိမ်ကြိမ် ပြန်လည်စစ်ဆေးနေမိတယ် ဒါက လူတိုင်း အသုံးမကျသော အမှိုက်သိုင်းဝိညာဉ်အဖြစ် အသိအမှတ်ပြုထားသည့်အရာလေ

သို့သော်လည်း ထန်ဆန်းကမူ ပါရမီရှင်တိုင်းကို အရှက်ရစေမည့် ပါရမီရှင်တစ်ဦးအဖြစ် ထိုနေရာတွင် မတ်မတ်ရပ်နေခဲ့တယ်

အကယ်ဒမီရဲ့ ယေဘုယျ အသိပညာများတွင် အားနည်းချက်ရှိနေသည်ကို သူ ထိုအချိန်တွင် သဘောပေါက်လိုက်တာ်

သိုင်းဝိဉာဉ်က ခွန်အားကို သတ်မှတ်ပေးသော်လည်း ပါရမီရဲ့ အမြင့်ဆုံးအတိုင်းအတာကို ဆုံးဖြတ်ပေးသည်မှာ မွေးရာပါ ဝိညာဉ်စွမ်းအား သာ ဖြစ်တယ် ပါရမီသာရှိလျှင် မြက်ပင်တစ်ပင်လျှင် ကောင်းကင်သို့ ရောက်ရှိနိုင်ကြောင်း ထန်ဆန်းက သက်သေပြနေခြင်းပင် ဖြစ်သည်။