အခန်း ၁၅ ယွီရှောင်ဂန်းရဲ့ ရဲတင်းသောစကားများ

ယွီရှောင်ဂန်းသည် နော်ဒင်းအကယ်ဒမီ မှ ထွက်ပြေးလာပြီးနောက် ဆိုတိုမြို့ အထိ တစ်လမ်းလုံး ခရီးနှင်ခဲ့တယ်အတော်ကြာအောင် လှည့်လည်သွားလာပြီးနောက် နောက်ဆုံးတွင် ဝေးလံခေါင်သီသောနေရာတွင် ရှိသည့် ရှီလိုင်ခဲ့အကယ်ဒမီကို ရှာဖွေတွေ့ရှိခဲ့တယ်

"ရပ်စမ်း မင်း ဘာလုပ်တာလဲ"

ရှီလိုင်ခဲ့အကယ်ဒမီရဲ့ ဝင်ပေါက်တွင် အဘိုးကြီးတစ်ဦးက သစ်သားကုလားထိုင်ပေါ်၌ ပျင်းရိစွာ မှီထိုင်နေပြီး သူက ခရီးပန်းလာပုံရသော ယွီရှောင်ဂန်းကို မျက်ခွံများ ပင့်ရုံမျှသာ လှမ်းကြည့်ပြီး စူးစမ်းသော မျက်ဝန်းများဖြင့် ကြည့်လိုက်တယ်

ယွီရှောင်ဂန်းသည် သူရဲ့ ဝတ်ရုံကို သပ်ရပ်အောင် ပြန်လုပ်လိုက်ပြီး သူရဲ့ "မဟာဆရာကြီး" ဂုဏ်သိက္ခာကို ပြန်လည်ဆယ်ယူရန် ကြိုးစားလိုက်တယ်

"ငါ ဖူလန်ဒါ ကို လာရှာတာ"

"ကျောင်းအုပ်ကြီးကို လာရှာတာလား" အဘိုးကြီးက သူ့ကို သံသယစိတ်ဖြင့် အကဲခတ်လိုက်ပြီး

"မင်းမှာ ချိန်းဆိုမှု ရှိလား ငါတို့ ကျောင်းအုပ်ကြီးက အလွန်အလုပ်များတဲ့လူဗျ လူတိုင်း တွေ့ချင်တိုင်း တွေ့လို့ရတာ မဟုတ်ဘူး" ဟု ဆိုလိုက်တယ်

ယွီရှောင်ဂန်းက သက်ပြင်းအရှည်ကြီးတစ်ချက်ချကာ သူရဲ့ မကျေနပ်မှုများကို မျိုသိပ်လိုက်ပြီး လေးနက်သော လေသံဖြင့်

"သူ့ရဲ့ မိတ်ဆွေဟောင်း ယွီရှောင်ဂန်း ရောက်နေတယ်လို့ သွားပြောပေးစမ်းပါ" ဟု ပြောလိုက်တယ်

"မိတ်ဆွေဟောင်း" ဟူသော စကားလုံးကို ကြားရသောအခါ အဘိုးကြီး တွေဝေသွားပြီးနောက် အတွင်းထဲသို့ သတင်းပို့ရန် ဝင်သွားတော့သည်

မကြာမီ အချိန်အတွင်းမှာပင် ကပျာကယာ လျှောက်လာသော ခြေသံအချို့ ကြားလိုက်ရပြီး

မျက်မှန်တပ်ထားပြီး အတန်ငယ် ပါးနပ်ပုံရသော အသက်လတ်ပိုင်း အမျိုးသားတစ်ဦး လှမ်းထွက်လာခဲ့တယ် သူကတော့ အခြားသူမဟုတ်ဘဲ မျက်လုံးလေးလုံးဇီးကွက် ဟု လူသိများသော ဖူလန်ဒါ ပင်ဖြစ်သည်

ယွီရှောင်ဂန်းကို မြင်သောအခါ သူရဲ့ မျက်နှာတွင် အံ့သြဝမ်းသာမှုများ ရောပြွမ်းလျက် တောက်ပသွားပြီး

"ရှောင်ကန်း တကယ်ပဲ မင်းပဲ မင်း ဒီနေရာကို ဘယ်လိုဖြစ်ပြီး ရှာတွေ့တာလဲ" ဟု ဆိုသည်

"ဖူလန်ဒါ... မတွေ့ရတာ ကြာပြီနော် နေကောင်းရဲ့လား"

ယွီရှောင်ဂန်း စိတ်ထဲတွင် နွေးထွေးမှုကို ခံစားလိုက်ရပြီး အနိုင်နိုင် ပြုံးပြလိုက်တယ်

ဖူလန်ဒါက သူ့ပုခုံးကို နွေးထွေးစွာ ပုတ်ပေးလိုက်ပြီး "ပြောရရင် ငါတို့ ညီအစ်ကိုတွေမတွေ့ဖြစ်တာ ဘယ်နှနှစ်တောင် ရှိသွားပြီလဲ မင်း ရောက်လာတာကို ငါတကယ် ဝမ်းသာမိတယ်" ဟု ပြောလိုက်တယ်

သွေးသစ္စာပြုထားသော ညီအစ်ကိုတစ်ဦးအနေဖြင့် ဖူလန်ဒါကယွီရှောင်ဂန်းအပေါ် အလွန်ပင် ကောင်းမွန်လှသည်။

သူရဲ့ "ညီအစ်ကိုကောင်း" အတွက် ဖူလန်ဒါက လျူအာလုံ ရဲ့ နှလုံးသားကို ရယူမည့် ပြိုင်ပွဲမှ မိမိကိုယ်တိုင် လိုလိုလားလား နှုတ်ထွက်ပေးခဲ့ပြီး တတိယလူအဖြစ် ခံယူခဲ့သည့်အပြင် မည်သည့် မကျေနပ်ချက်ကိုမျှလည်း စိတ်ထဲတွင် မထားခဲ့ပေ ပြင်ပလူများအမြင်တွင် ဒီလောက်ထိ သစ္စာရှိမှုကို လုံးဝ နားမလည်နိုင်စရာ ဖြစ်နေလိမ့်မည်

မကြာမီမှာပင် သူတို့နှစ်ဦးလုံး အကယ်ဒမီအတွင်းသို့ ဝင်ရောက်လာကြတယ်

အတွင်းပိုင်းပုံစံက အပြင်ဘက်ထက်ပင် ပို၍ ရိုးရှင်းလွန်းလှတယ် မြေကွက်လပ်က သေးငယ်ပြီး ပျက်စီးယိုယွင်းနေသော သစ်သားတဲအချို့နှင့် မြေသားလေ့ကျင့်ရေးကွင်းပြင်တစ်ခုသာ ရှိသည်

တစ်ချက်ကြည့်လိုက်ရုံဖြင့် ကြံ့ခိုင်တောင့်တင်းပြီး အရပ်ပုကာ ကြွက်သားထွက်နေသော အသက်လတ်ပိုင်း အမျိုးသားတစ်ဦးက ဆယ်ကျော်သက် လေးဦးကို သူရဲ့ ပြင်းထန်သော နည်းလမ်းများဖြင့် လေ့ကျင့်ပေးနေသည်ကို မြင်တွေ့လိုက်ရတယ်

ဖူလန်ဒါက ယွီရှောင်ဂန်းကို ခေါ်ဆောင်လာပြီး ပြုံးလျက် ပြောလိုက်သည်

"ရှောင်ကန်း... မင်း အချိန်ကိုက် ရောက်လာတာပဲ ငါတို့ ကျောင်းသားအသစ်တွေ လက်ခံထားတာ ရှိတယ် တစ်ယောက်ကတော့ ထွက်သွားရပေမဲ့ ကျန်တဲ့သူတွေကတော့ ဒီမှာ အားလုံးရှိနေတယ် မင်း ဘာလို့ တစ်ယောက်ယောက်ကို ရွေးပြီး တပည့်အဖြစ် မမွေးတာလဲ"

သူငယ်ချင်းကောင်းတစ်ဦးအနေဖြင့် ယွီရှောင်ဂန်းရဲ့ ရင်ထဲတွင် ရှိနေသော အတိတ်က နာကျင်မှုတစ်ခုဖြစ်သည့် မိမိကိုယ်ကိုယ် အသုံးမကျသောလူ မဟုတ်ကြောင်း ကမ္ဘာကို သက်သေပြရန် တပည့်တစ်ဦး မွေးမြူလိုသည့် ပြင်းပြသော ဆန္ဒကို ဖူလန်ဒါက ကောင်းစွာ သိရှိနေတယ်

"မင်း ဒီအကယ်ဒမီကို ဖွင့်ထားတာ ဒီလောက်တောင် ကြာပြီကို ကျောင်းသားက ဒီလောက်ပဲ ရှိတာလား" ယွီရှောင်ဂန်းက မျက်ခုံးပင့်ကာ မေးလိုက်တယ်

"ဒါကတော့ မတတ်နိုင်ဘူးလေ ရှီလိုင်ခဲ့အကယ်ဒမီက 'မကောင်းတဲ့သူတွေကို လက်ခံမယ့်အစား ဘယ်သူ့ကိုမှ လက်မခံတာက ပိုကောင်းတယ်' ဆိုတဲ့ မူဝါဒကို ကိုင်စွဲထားတာကိုး တကယ့် သားရဲကောင်လေးတွေ မဟုတ်ရင် ငြင်းပယ်ခံရတာပဲ"

ဖူလန်ဒါက ခေတ္တရပ်ကာ မျက်နှာတွင် ဂုဏ်ယူရိပ်များ ပေါ်လာရင်း ယွီရှောင်ဂန်းရဲ့ ပုခုံးကို ပုတ်ကာ ဆက်ပြောလိုက်တယ်

"စိတ်မပူပါနဲ့၊ ဒီလေးယောက်လုံးက တစ်သန်းမှာ တစ်ယောက်ပဲရှိမယ့် ပါရမီရှင်တွေပဲ မင်း သဘောကျစေရမယ်လို့ ငါအာမခံတယ်"

ဒီစကားကို ကြားရသောအခါ ယွီရှောင်ဂန်းရဲ့ မျက်ဝန်းထဲတွင် ဝမ်းသာရိပ်တစ်ခု ဖြတ်ပြေးသွားသော်လည်း သူက ဂရုမစိုက်ဟန် ဆောင်ထားလိုက်တယ်

"ဒါဆိုရင်လည်း ကြည့်ကြတာပေါ့"

ယွီရှောင်ဂန်းက လက်နှစ်ဖက်ကို နောက်ပစ်လိုက်ပြီး မျက်နှာကို တည်ငြိမ်အောင် ထားကာ မဟာဆရာကြီးတစ်ဦးရဲ့ အမူအရာကို ဖော်ဆောင်လိုက်တယ်

ဖူလန်ဒါက ပြုံးလိုက်ပြီး ကျောင်းသားလေးဦးကို ချက်ချင်း လှမ်းခေါ်ကာ လေးနက်စွာ မိတ်ဆက်ပေးလိုက်တယ်

"ဒါကတော့ ဝိညာဉ်သခင်လောကမှာ ကျော်ကြားလှတဲ့ သီအိုရီပိုင်းဆိုင်ရာ မဟာဆရာကြီး ယွီရှောင်ဂန်း ပဲ သူ့ရဲ့ သီအိုရီတွေက အနှိုင်းမဲ့ပဲ နောင်ကျရင် မင်းတို့ရဲ့ ကျင့်ကြံခြင်းကို လမ်းညွှန်ပေးဖို့ သူက တာဝန်ယူလိမ့်မယ်"

ကျောင်းအုပ်ကြီးရဲ့ မိတ်ဆက်ပေးမှုကို ကြားရသောအခါ ကျောင်းသားလေးဦးမှာ တစ်ဦးကိုတစ်ဦး ကြည့်လိုက်ကြပြီး ဒီ "မဟာဆရာကြီး" အကြောင်းကို အဘယ်ကြောင့် တစ်ခါမျှ မကြားဖူးရတာလဲဟု တွေးတောနေမိကြတယ်

သို့သော်လည်း ကျောင်းအုပ်ကြီး ဖူလန်ဒါကိုယ်တိုင်က ပြောနေသဖြင့် ဒီဆရာက ထူးခြားတဲ့ စွမ်းဆောင်ရည်အချို့ ရှိနေပေလိမ့်မည်

"ဒါကတော့ ဒိုင်မုပိုင် ၊ သူ့ရဲ့ သိုင်းဝိဉာဉ်ကတော့ မိစ္ဆာမျက်၀န်းဖြူကျား အသက် ၁၅ နှစ်ပဲ ရှိသေးပြီး အဆင့် ၃၇ တိုက်ပွဲဝိညာဉ်အကြီးအကဲဖြစ်တယ် လုံးဝကို ထိပ်တန်း ပါရမီရှင်တစ်ယောက်ပဲ"

ဖူလန်ဒါက ရှေ့ဆုံးတွင် ရပ်နေသော ဆံပင်ရွှေရောင်နှင့် လူငယ်ကို ညွှန်ပြလိုက်သည် သူရဲ့ မျက်ဝန်းအစုံမှာ မွေးရာပါ အရောင်ကွဲပြားနေပြီး ထူးခြားသော အရှိန်အဝါရှိကာ မျက်ခုံးအစုံကြားတွင်လည်း ရုန်းကန်လိုစိတ်နှင့် မာနထောင်လွှားမှုများ ရှိနေသည်

ဖူလန်ဒါရဲ့ ချီးမွမ်းမှုကို ကြားရသောအခါ ဒိုင်မုပိုင် မျက်မှောင်ကုတ်လိုက်တယ်

ဒါက ကျောင်းအုပ်ကြီးရဲ့ ပုံမှန်အပြုအမူမျိုး မဟုတ်ဘူး

ဒါက တစ်စုံတစ်ခု သို့မဟုတ် တစ်စုံတစ်ဦးကို ရောင်းချရန် ကြိုးစားနေသည့် ပုံစံမျိုး ပိုဖြစ်နေတယ်

"အသက် ၁၅ နှစ် အဆင့် ၃၇ တဲ့လား"

ယွီရှောင်ဂန်း ခေါင်းခါလိုက်တယ် လင်းမူက အသက် ၁၆ နှစ်မှာတင် အဆင့် ၄၀ ကျော်နေပြီဖြစ်သည် လင်းမူနှင့် နှိုင်းယှဉ်လျှင် ဒိုင်မုပိုင်က များစွာ နိမ့်ကျလွန်းလှတယ်

ယွီရှောင်ဂန်းရဲ့ မျက်ဝန်းထဲရှိ အထင်သေးရိပ်ကို မြင်သောအခါ ဒိုင်မုပိုင် အလွန်ပင် စိတ်တိုသွားတယ် ဒါပေမဲ့ ဖူလန်ဒါကို အားနာလို့သာ ဒေါသကို မြိုသိပ်ထားလိုက်ရတယ်

"ကျူကျူချင်း ၊ သိုင်းဝိဉာဉ်ကတော့ ငရဲကြောင် အသက် ၁၁ နှစ်၊ အဆင့် ၂၇ ဝိညာဉ်ဂရမ်းမာ‌စတာပေါ့"

ထို့နောက် ဖူလန်ဒါက ကျပ်ညပ်နေသော သားရေဝတ်စုံကို ဆင်မြန်းထားသည့် မိန်းကလေးတစ်ဦးကို ညွှန်ပြလိုက်တယ် သူမရဲ့ ခန္ဓာကိုယ်အချိုးအစားက ထိုအသက်အရွယ်ထက် ပိုမိုဖွံ့ဖြိုးနေပြီး အေးစက်စက် အရှိန်အဝါကို ထုတ်လွှတ်နေတယ်

ဤသည်ကို မြင်သောအခါ ယွီရှောင်ဂန်းရဲ့ မျက်ဝန်းများ အနည်းငယ် မှေးမှိန်သွားခဲ့တယ် သူမရဲ့ သိုင်းဝိဉာဉ်က သူ့မျက်စိထဲတွင် ထိပ်တန်းအဆင့် မဟုတ်သည့်အပြင် သူမရဲ့အဆင့်ကလည်း ပါရမီရှင်တစ်ဦးအတွက် ပုံမှန်မျှသာ ဖြစ်တယ်

ဖူလန်ဒါ သက်ပြင်းချလိုက်ပြီး မျက်ဝန်းထဲတွင် အကူအညီမဲ့ရိပ်များဖြင့် မုတ်ဆိတ်မွေး ဗရပွနှင့် ကောင်လေးတစ်ဦးကို ညွှန်ပြကာ ဆက်ပြောသည်

"အော်စကာ သိုင်းဝိဉာဉ်က ဝက်အူချောင်း မွေးရာပါ ဝိညာဉ်စွမ်းအားအပြည့် ပါလာတာ အသက် ၁၄ နှစ်၊ အဆင့် ၂၉ ဝိညာဉ်အကြီးအကဲ

"မွေးရာပါ ဝိညာဉ်စွမ်းအားအပြည့် ပါလာတာတောင် အသက် ၁၄ နှစ်မှာ အဆင့် ၂၉ ပဲ ရှိသေးတာလား"

ယွီရှောင်ဂန်းက အထင်အရှား စိတ်ပျက်လက်ပျက်ဖြင့် ခေါင်းခါလိုက်ပြန်တယ်

ဒီစကားကြောင့် အော်စကာက အူကြောင်ကြောင် ပြုံးပြလိုက်ရသော်လည်း စိတ်ထဲတွင်မူ ယွီရှောင်ဂန်းရဲ့ ဘိုးဘွားဘီဘင် ၁၈ ဆက်ကို ကျိန်ဆဲနေမိတယ် အစားအသောက် အမျိုးအစား ဝိညာဉ်သခင်တစ်ဦး ဖြစ်ရသည်မှာ ခက်ခဲလှသည့်ကြားထဲ ဒီအဘိုးကြီးက လာရောက်ဝေဖန်နေခြင်းကြောင့် ဖြစ်သည်

ထိုအချိန်တွင် နင်ရုံရုံ က ရုတ်တရက် တစ်ခုခုကို သတိရသွားပုံဖြင့် လှမ်းပြောလိုက်တယ်

"တစ်ခါက ကျွန်မအဖေ ပြောတာ ကြားဖူးတယ်... 'သီအိုရီပိုင်းဆိုင်ရာ မဟာဆရာကြီး' ဆိုတဲ့ လူတစ်ယောက်က ဝိညာဉ်နန်းတော် ရဲ့ သုတေသနပစ္စည်းတွေကို ခိုးယူပြီး သူ့ပစ္စည်းတွေပါဆိုပြီး လိမ်ညာခဲ့ဖူးတယ်တဲ့"

ဒီစကားကို ကြားလိုက်ရသည့် ခဏတွင် ထိုနေရာရှိ လူတိုင်း ထိတ်လန့်သွားကြပြီး ယွီရှောင်ဂန်းကို စူးစမ်းသော မျက်ဝန်းများဖြင့် ကြည့်လိုက်ကြတော့တယ်

ချက်ချင်းပင် ယွီရှောင်ဂန်းသည် လင်းမူရဲ့ အရှက်ခွဲခြင်းကို ခံခဲ့ရသော နေ့ရက်များကို ပြန်လည်သတိရမိသွားတော့တယ်

သူရဲ့ ခန္ဓာကိုယ်တစ်ခုလုံး ထိန်းမနိုင်သိမ်းမရ တုန်ရင်လာတော့သည် သူရဲ့ မျက်ဝန်းများ သွေးရောင်လွှမ်းသွားပြီး အသက်ကို ပြင်းပြင်းရှူရင်း နင်ရုံရုံကို ရူးသွပ်မတတ် စိုက်ကြည့်ကာ အော်ဟစ်လိုက်တယ်

"မင်း လျှောက်ပြောနေတာ"

"ဒါတွေအားလုံးက ငါ ကိုယ်တိုင် ပင်ပင်ပန်းပန်း သုတေသနပြုထားတဲ့ သီအိုရီတွေကွ ဝိညာဉ်နန်းတော်နဲ့ ဘာမှမဆိုင်ဘူး မင်း ငါ့ကို မဟုတ်မမှန် စွပ်စွဲပြီး သိက္ခာချနေတာ"

ယွီရှောင်ဂန်းရဲ့ အေးစက်ပြီး ရူးသွပ်လုနီးပါး ဖြစ်နေသော ပုံစံကို မြင်ရသဖြင့် နင်ရုံရုံ လန့်သွားပြီး နောက်သို့ ခြေလှမ်းတစ်လှမ်း ဆုတ်လိုက်မိတယ်

"ဒါဆို ခင်ဗျား အဆင့် ၂၉ ပဲ ရှိသေးတာကိုကော ဘယ်လိုရှင်းပြမလဲ" ဒိုင်မုပိုင်က အေးစက်စွာ ဝင်ပြောလိုက်တယ်

ဒီ "မဟာဆရာကြီး" ရဲ့ ဝိညာဉ်စွမ်းအားက အဆင့် ၃၀ ပင်မပြည့်သေးကြောင်း သိလိုက်ရသောအခါ ဒိုင်မုပိုင်နှင့် အခြားသူများ လုံးဝ ဒေါသထွက်သွားကြတော့တယ်

အရင်က သူတို့ ဒီဆရာကို ကျောင်းအုပ်ကြီး ဖူလန်ဒါကဲ့သို့ အနည်းဆုံး ဝိညာဉ်သူတော်စင် အဆင့်ရှိလိမ့်မည်ဟု ထင်မှတ်ထားခဲ့သဖြင့် အောင့်အီးသည်းခံခဲ့ကြခြင်း ဖြစ်သည် သူတို့က ဒီလူကို အမှိုက်တစ်စမျှသာ ဖြစ်လိမ့်မည်ဟု လုံးဝ မထင်ထားခဲ့ကြချေ

"ခင်ဗျားက တကယ့်ကို အပေါ်ယံရွှေမှုန်ကြဲ အမှိုက်တစ်စပဲ" ဒိုင်မုပိုင်က ပွင့်ပွင့်လင်းလင်းပင် လှောင်ပြောင်လိုက်သဖြင့်

ယွီရှောင်ဂန်း သွေးအန်မတတ် ခံစားလိုက်ရတယ်

ဒီကျောင်းသားများကလည်း လင်းမူကဲ့သို့ပင် လူကြီးမိဘကို ရိုသေမှုမရှိဘဲ စော်ကားကြလိမ့်မည်ဟု သူ လုံးဝ မထင်ထားခဲ့ပေ

ဖူလန်ဒါက အခြေအနေ မကောင်းသည်ကို မြင်သဖြင့် ကြားထဲက ဝင်၍ စကားလမ်းကြောင်းလွှဲပေးလိုက်ရတယ်

"ဟမ်း... ရှောင်ကန်းရဲ့ ဝိညာဉ်စွမ်းအားက မမြင့်ပေမဲ့ သူ့ရဲ့ သီအိုရီပိုင်းဆိုင်ရာ အသိပညာကတော့ လုံးဝ ထိပ်တန်းအဆင့်ပါပဲ"

ဒိုင်မုပိုင်နှင့် အခြားသူများက နှာခေါင်းရှုံ့လိုက်ကြပြီး ဒီလိမ်လည်သူကို လုံးဝ လျစ်လျူရှုထားလိုက်ကြတယ်

ယွီရှောင်ဂန်း တစ်ယောက် အရှက်တကွဲ ဖြစ်နေရစဉ်မှာပင် အသံတစ်ခု ထွက်ပေါ်လာခဲ့တယ်

"ကျောင်းအုပ်ကြီး... ကျွန်တော် ပြန်လာပြီ ဒီနေ့တော့ အတော်လေး အဆင်ပြေခဲ့တယ်"

ဝဝတုတ်တုတ် လူပုံသဏ္ဍာန်တစ်ခုက အကယ်ဒမီအပြင်ဘက်မှ ပြေးဝင်လာပြီး သူ့မျက်နှာတွင် ကျေနပ်နေသော်လည်း ကမြင်းသော အပြုံးတစ်ခု ရှိနေခဲ့တယ် သူကတော့ ရွာထဲတွင် သူရဲ့ "ကိလေသာဆန္ဒများကို သွားရောက်ဖြေဖျောက်" ပြီး ပြန်လာသော မာဟုန်ကျွင်း ပင်ဖြစ်သည်

ဖူလန်ဒါ မျက်မှောင်ကုတ်လိုက်ပြီး "ဟုန်ကျွင်း... မင်း အဲဒီလိုနေရာမျိုးကို နောက်တစ်ခါ သွားပြန်ပြီလား သတိထားဦးမှပေါ့" ဟု ဆိုလိုက်ရာ

မာဟုန်ကျွင်းက ရယ်မောရင်း သူ့ဗိုက်ကို ပုတ်ကာ "ကျောင်းအုပ်ကြီးရာ... ကျွန်တော် ဒီ 'မိစ္ဆာမီး ' ကို မနှိမ်နင်းနိုင်ရင် ကျွန်တော်ကိုယ်တိုင် လောင်ကျွမ်းသွားမှာပေါ့" ဟု ပြန်ပြောလိုက်တယ်

"မိစ္ဆာမီး ဟုတ်လား"

ယွီရှောင်ဂန်း ချက်ချင်းပင် စိတ်ဝင်စားသွားသည် သူက ရှေ့သို့ တိုးလာပြီး မာဟုန်ကျွင်းရဲ့ ပုခုံးကို ဆွဲကိုင်ကာ "မင်းသာ ငါ့ရဲ့ တပည့်ဖြစ်ဖို့ သဘောတူရင် မင်းရဲ့ ဒီ 'မိစ္ဆာမီး' ပြဿနာကို ဖယ်ရှားပစ်ဖို့ ငါ ကူညီပေးနိုင်တယ်" ဟု ပြောလိုက်တယ်

ဒီစကားကို ကြားသောအခါ ဖူလန်ဒါ လုံးဝ ဆွံ့အသွားတော့တာ်

'သူက လျူအာလုံနဲ့လည်း ရှုပ်ရှုပ်ရှက်ရှက် ဖြစ်ခဲ့ပြီးပြီ အခုကျတော့ ငါ့ရဲ့ တိုက်ရိုက်တပည့်ကိုပါ လာပြီး မြှူဆွယ်နေပြန်ပြီလား'

ယွီရှောင်ဂန်းရဲ့ ရူးသွပ်နေသော အခြေအနေကို မြင်သောအခါ ဖူလန်ဒါ တွေဝေသွားရသည် အဆုံးမှာတော့ ယွီရှောင်ဂန်းက မာဟုန်ကျွင်းအတွက် အမြဲတမ်း အန္တရာယ်ဖြစ်စေနိုင်သော "မိစ္ဆာမီး" ပြဿနာကို ဖြေရှင်းပေးနိုင်သည်ဟု ပြောဆိုနေခြင်းကြောင့် ဖြစ်သဖြင့်

အဘက်ဘက်က စဉ်းစားပြီးနောက် ဖူလန်ဒါက မာဟုန်ကျွင်းကို ကြည့်ကာ လက်ခံလိုက်ရန် အရိပ်အယောင် ပြလိုက်တယ်

ဒီလူက တကယ်ပဲ အားကိုးထိုက်၊ မထိုက်ကို မသိသော်လည်း မာဟုန်ကျွင်းအတွက်မူ သူရဲ့ "မိစ္ဆာမီး" ပြဿနာကို ဖြေရှင်းနိုင်မည်ဆိုလျှင် သိက္ခာကို ဂရုမစိုက်နိုင်တော့ပေ သူက ချက်ချင်း ခေါင်းငြိမ့်လိုက်တာ်

"ကျွန်တော် သဘောတူပါတယ်"

မာဟုန်ကျွင်းတစ်ယောက် လုံးဝ အလှည့်စားခံလိုက်ရသည်ကို မြင်သောအခါ ဒိုင်မုပိုင်နှင့် အော်စကာတို့က တစ်ဦးကိုတစ်ဦး ကြည့်လိုက်ကြပြီး သူတို့ရဲ့ မျက်ဝန်းထဲတွင် သနားနေသောရိပ်များ ပေါ်လာကြတော့တယ်